عنوان الموضوع : تاج الفرايد... - من الشعر
مقدم من طرف منتديات الشامل
حبيت اكتب لكم هذه القصيده التي كتبتها في والدي الله يخليه لي ويطول بعمره ... واتمنى ان تنال اعجابكم...
ودي اكتب فيـك يابوي القصايد
بس خـوفي ماتوفيك القصـايــد
ودي انضم فيـك منضـومة فريـده
وارسمك في خافقي تاج الفـرايد
أنقش أسمك نقشة الرسـام بأيده
والحبر من دم قلبـي لك مـزايد
ودي أكتب عن مسـاعيك الحـميده
وعن تعاليمك وعن طيـب العوايد
يامـربيـني علـى دين وعــقيده
ويامعلمنـي على حمل الشــدايد
انت يارمز الفخر جملــه مفيده
وانت والله منبع لكــل الفـوايد
ان رضيت تصير دنيــاي سعيــدة
وان زعلت تشب في قلبي الوقايد
قلت احبك وأفخر بقولي وأعيـده
أيه أحبك كثر حبك لـي وزايـد
أيه احبك ماهي معلومه جـديـده
يابعد كل القدايم والـجدايـد
افرح بشوفك يا"بوي تركي" فرح طفل بعيده
كل ماشوفك تقول العيد عايـد
الله يديمك لــي سنيــن عديــده
وارجع أكتب عنك ياتاج الفرايد
لو علي والله لزود في القصيــده
بس عزتي يابوي ماتوفيك القصايد
وســـلامتــكــم
>>>>> ردود الأعضـــــــــــــــــــاء على الموضوع <<<<<
==================================
رسمـي
الله يخلي لك الوآلد ويحفظـه يــآرب
سلمت وصح اللســآنك مليـــون
ينطيك العــآفيــه
ودي وآحتــرآمـي
__________________________________________________ __________
صح بدنك
شاكرلك مرورك ويعطيك العافيه
__________________________________________________ __________
صــــح لسانك وبيض الله وجهك يا رسمي
تسلم يمينك على هالقصيدة
قلت احبك وأفخر بقولي وأعيـده
أيه أحبك كثر حبك لـي وزايـد
أيه احبك ماهي معلومه جـديـده
يابعد كل القدايم والـجدايـد
دمت بحفظ الله ورعايته
شاعرة نجد
__________________________________________________ __________
شاعرة نجد
صح بدنك والله يسلمك
شاكر لك مرورك
ويعطيك العافيه
__________________________________________________ __________
--------------------------------------------------------------------------------
رسمـي
الله يخلي لك الوآلد ويحفظـه يــآرب
سلمت وصح اللســآنك مليـــون
ماشاءالله ابدااااااااع وصحصح لسانكـ..
الله يحفظلكـ ابوكـ.. ويخليكـ له ذخر يارب..
وع فكره نككـ جداا حلوو ياخوووي
عسى السعد فالكـ..
تحياتي//وجدااااااااااااااااااان
رد مع اقتباس
