عنوان الموضوع : يا أهل عمان تكفون شعر رائع
مقدم من طرف منتديات الشامل
يا اهل عمان أشكي لكم كامل الزين=اللي سلب عقلي كذا دون تنبيه
كانه يشوف القتل مسموح بالدين= فداه أنا لا صرت مذبوح بيديه
يقسى عليه دوم ويرد ويلين=وأنا مشتت بين لينه وقاسيه
إن غاب تسأل عنه كل الشرايين=في غيبته كل المشاعر تحاتيه
وإذا حضر ودعت انا لوعة البين=وترسي مراكب فرحتي في موانيه
قولوا له إني رحت مدري على وين=أهرب منه لبعيد وأرد وأجيه
طيفه محاصرني من يسار ويمين=من وين ما ألد النظر دوم الاقيه
حتى بآخر حلم لي قبل يومين=شفته وناداني وفزيت اناديه
لخبط كياني قسم القلب قسمين=قسم(ن) يبيه وقسم محتاج راعيه
متجاوز(ن)بالزين كل القوانين=طاغي جمال ومحد يقدر يجازيه
شعره يذكرني بليل المحبين=أسهر على شانه وأناجيه وأشكيه
وعلى خدوده عاش ورد البساتين=اليا عطش من دمعة العين يسقيه
وحمرة شفاته تشبه لحمرة التين=اللي تحرا قطفة ايدين جانيه
يذبح بنظرة عين لا سلهم العين=هني من عين الغضي طالعت فيه
وإذا ابتسم يقلب جميع الموازين=وإذا زعل اتعب معه لين اراضيه
هو الوحيد اللي جمع بين ضدين=كبر وتواضع كل أبوها تحليه
وهو الوحيد اللي جمع زين مع شين=زين الوصوف وشين كثرة تغليه
ودي أعيش اللي بقى لي من سنين=معه ويبقى تحت عيني وأراعيه
ساعه معه تسوى من العمر عامين=وتزيد..لاحست يدي لمسة ايديه
مابي سواه من الخلايق ملايين=أبيع كل الناس لإرضاه وأشريه
بالله قولوا لسيدي كامل الزين=إني احبه مووووت واهواااه وأغليه
>>>>> ردود الأعضـــــــــــــــــــاء على الموضوع <<<<<
==================================
شاعرنا الغالي ... بندر العتيبي
بيض الله وجهك يالقرم على هذي القصيده ولا هنت
تحيتي
عدنوونـ
__________________________________________________ __________
وحمرة شفاته تشبه لحمرة التيـن
اللي تحـرا قطفـة ايديـن جانيـه
قصيدة جزلة من شاعر جزل
ألله يعطيك العافيه
.. يزيد ..
__________________________________________________ __________
في عناقيد الإبداع أجدك
وفي سماء الشموخ اجد حرفك
مذهل البوح وراقي الفكر
فصحّ لسانك واعتلى شانك
تحاياي لقلبك وقلمك
/
/
/
ساهر الطرف
__________________________________________________ __________
صح لسانك وبيض الله وجهك
على القصيده الجزله لك كل
الحب وتقدير
__________________________________________________ __________
شاعرنا الراقي بندر
صح الله لسانك مدد بلا عدد
روعة لا يعلوها الا روعة حضورك
تحياتي لك
المشاركة الأصلية كتبت بواسطة عدنان العنزي
شاعرنا الغالي ... بندر العتيبي
بيض الله وجهك يالقرم على هذي القصيده ولا هنت
تحيتي
عدنوونـ |
صح بدنك اخوي عدنوووون ولاهنت على حضورك الراقي
ووجهك ابيض يالغالي
ودي واحترامي