عنوان الموضوع : >>>::: الســـكســــــوكـه :::<<< - من الشعر
مقدم من طرف منتديات الشامل

هذاك المار قدامي وله نظرات قتاله ..
له سكسوكة حلوه بأقصى الوجه مرتسمه ..



حرمني النوم في ليلي .. حرمني النوم عقباله ..
يحس الشوق في صدره ذبحه وزاد في همه ..


احب امه .. احب عمه .. احب جده .. واحب خاله ..
اموت بنظرة عيونه وأعشق كل حروف اسمه ..


احب جٍده واحب هزله ، اذوب وحالتي حاله ..
واذا يطروه قدامي .. احس بداخلي صدمه ..


ذبحني بكثر ماشتاقه .. ذبحني بكثرة اشغاله ..
شغلني جنن قليبي .. فصلني من على الخدمه ..


ياليت اقدر اصير بيوم شي(ن) دايم قباله ..
وراه بكل مكان يروح .. شي(ن) غالي يهمه ..


ياليتني ساعة(ن) بيده .. او ارقام(ن) بجواله ..
يطقطقني على كيفه ولا احفظ سوى رقمه ..


انا ادري انه يعاني .. وادري صعبه احواله ..
قلبي مايطاوعني .. يبي دايم اهو يمه ..


انا مايهمني ربعه .. وعذالي وعذاله ..
احبه بكل جنون الحب .. والإحساس والذمه ..


صحيح انه يكذبني وظنونه دوم على باله ..
لكني بعلمه كيف هو دمي وانا دمه ..


يقول اني انا انسى ؟! فال الله ولا فاله ..
لو بانسى انا نفسي .. مانسى ابد رسمه..


ياقلبي شوف لي حل(ن) بحب(ن) صار لي عاله ..
يا إما تجيبه لعندي .. والا إطلُبه من امه ..



ملاحظة : ادري ان الابيات مكسورة شوي بس دمها خفيف

>>>>> ردود الأعضـــــــــــــــــــاء على الموضوع <<<<<
==================================

حرمني النوم في ليلي .. حرمني النوم عقباله ..
يحس الشوق في صدره ذبحه وزاد في همه ..


موضوع رائع وجميل
تقبلي مروري


مقتول بسبب الحب

__________________________________________________ __________
( شغلني جنن قليبي .. فصلني من على الخدمه )

ومــن الــحــب مــا قــتــل ...

مشكوره : أختي Dr.LoOoVoOoE
ع النقـل الرائع .


تسلـمّ يمينـك ويمـين الوحده اللي تعرفينها

ودمتِ بودّ

__________________________________________________ __________
هذاك المار قدامي وله نظرات قتاله ..
له سكسوكة حلوه بأقصى الوجه مرتسمه ..

صــح لسـان قايلها وربي يعطيج العافيه على النقـل

وعسـاج دوووم عالقوه يارب

تقبلي مروري
اختج
مــ q6r ــلاك

__________________________________________________ __________
يسلمــــو على المرور الحلو
وتقبلو تحياتي

__________________________________________________ __________
الله الله مشاااااااااااء الله وش هالابداع وش خليتو لي مشاااااااااء الله جنان تسلم اخوي يعطيك ربي العا فيه

قصيده رائعه بالحيل
تقبل مروري