عنوان الموضوع : .عز المراجل . 911 - من الشعر
مقدم من طرف منتديات الشامل



هذي قصيدة رائعة عن المرجلة???

إذا المراجـل لبسـة شمـاغ وعقـال *****قـل للـعـذارى يلبـسـنّ العمـايـم

ما عاد يفـرق زول حرمـه ورجـال***** دام الفعايـل تشبـه البـعـض دايــم

المرجلـه مـا هيـب كلمـه وتنقـال *****وتروح مـا راحـت هبـوب النسايـم

وإلا خشونة صوت أو رفـع الأثقـال *****أو رزة صــدور وفـعـل الـزلايـم

ولا هي بعد مفتـاح موتـر وجـوال***** وإلا ردى لسـانـن حديـثـه شتـايـم

المرجله شيمـه عـن القيـل والقـال***** رفيع نفـس (ن ) حـر بالجـو حايـم

المرجلـه عقـلٍ وزن وزنـه جبـال *****ودون العقـل وش فرقـنـا والبهـايـم

يا مسندي لو مايل الوقـت بـي مـال***** يـا ولـد أبويـه يـا عظيـم العزايـم

يا معرب الجدين مـن العـم والخـال *****يـا نخـوة المفـزوع وقـت الهزايـم

المرجله يا خوي هـي طولـة البـال***** هـي العـزم هـي الصبـر فالظلايـم

فيهـا الكـرم عـزه دلـه وفنـجـال***** فيها الكرامه عـن ردى الطبـع شايـم

والدين لامنـه خـذا القلـب منـزال *****مشـى طريـق الحـق وابليـس نايـم

ومن لا عرف ربه في طيـب الحـال *****لابـد وقـت الضيـق بالـهـم هـايـم

حتى صلاتك مع جماعـات ورجـال *****في خيرهـا يـا خـوي نعـم الغنايـم

ولامن نصف ليلك قـم صفـي البـال***** يا عظـم أجـرك بيـن ساجـد وقايـم

ولا من رفع ربي لـه كـل الأعمـال *****حسـن الذكـر لا قالـو فـلان صايـم

وخلك شريف القصد يا طيـب الفـال *****سـوء المقاصـد فالبـيـوت الهـدايـم

واحذر تبيع النفس فـي دب الأنـذال***** وتتبـع خـوي إبليـس راع النمـايـم

النفـس خيـل لـك إذا كنـت خيّـال *****ومـن لا قـوى نفسـه قوتـه الهزايـم

ولا صرت ما تدري لو يش أنت رجال***** والله خسـارة فيـك ذبــح التمـايـم


وسلاااااااااااااامتكم

تحياتي:
الشااااااااامخ911

>>>>> ردود الأعضـــــــــــــــــــاء على الموضوع <<<<<
==================================

أشكرك على نقلك الجميل

لهذه القصيدة الجميله



** كان مكانها الأولى هو قسم القصائد المنقوله **

دمت بخير

__________________________________________________ __________
صــح لســان شــاعرها وربي يعطي العافيه اللي نقلها لنا

سلمت يمناك اخوي على النقل المميز لاني جد كنت ادور هاي القصيده

وعجزت وماحصلتها واخيــرا لقيتها

مشكووووووووووووووور خيووو

تقبل مروري
كانت هنا

اختك
مــ q6r ــلاك

__________________________________________________ __________
يسلمو زعيم التماسيح على القصيده
الرئعه

وصح لسان قائل القصيده

دمتـــ بخير

__________________________________________________ __________
النفس حيل لك اذا كنت خيال ومن لاقوى نفسه قوته الهزايم
الف الف شكر على النقل الرائع
لاهنت وسلمت اياديك

__________________________________________________ __________

المرجله شيمـه عـن القيـل والقـال***** رفيع نفـس (ن ) حـر بالجـو حايـم

المرجلـه عقـلٍ وزن وزنـه جبـال *****ودون العقـل وش فرقـنـا والبهـايـم



يعطيك العافيه على النقل الأكثر من رائع

والله ياراعي القصيده أنه صادق الوقت ذا ماعاد تفرق



ويعطيك العافيه

المشاركة الأصلية كتبت بواسطة نوف الرشيد
النفس حيل لك اذا كنت خيال ومن لاقوى نفسه قوته الهزايم
الف الف شكر على النقل الرائع
لاهنت وسلمت اياديك


اهلين نوف

نورتي صفحتي بقرائتك للقصيده

وتسلمين خيتو وربي يطول بعمرك ولا يحرمنا منك

تحياتي:
الشامخ911