يـوم كـنـت( صغـيّـر) يقـولـون جـنّـي
ماخبـر واحـد علـى امـي مااشتكـانـي
* كـنـت مــوذي والــوذا مخـلـوق مـنـي
كنـت اشقـا طـفـل مـولـود بزمـانـي
* اتـشـخّـص ب(الـطـقـيّـه) يـاعـنّـنّـي
صرت اغازل واعرف اسلـوب الغوانـي
* كــل بـنـات الـحـارة كـانـن يعشقـنـي
ابتسام..وهـنـد... واحلام....وتـهـانـي
* مـن قبـل لااقــول .. طـيـري.! يلحقـنـي
ويحبشنّـي مـن قبـل لااصـل مكـانـي
* كنـت بالـحـاره مــن الطـيـش احسبـنـي
سندبـاد اللـي عـرف سّـر المـوانـي
* كنـت أوسـوس بالشعـر مـن صغـر سـنـي
والمس جروحـي علـى شانـه واعانـي
* ليـن فـي مّـره .. وانـا مـاشـي واغـنـي
رايــح لـدكّـان عـدنـان اليمـانـي
* مّّرنـي خنـجـر غــلا عـشـق وطعـنـي
جايني من وين ؟ مدري بـس .. جانـي
* وش تبـون بقصـتـي يـخـرب مطـنـي ..
ما ضحك غيـري علـيّ ولا بكانـي
* اسمـعـوا بــوح الحنـيـن الـلـي سكـنـي
واعذروني لا خـذل حرفـي لسانـي
* لا تـعّـدون الـسـهـام الـلــي رمـنــي
وتسئلوني ويش كثـر عـوج المحانـي
*احسـبـونـي طـفــل مـحـتـاج لتـبـنـي
عـن حسدهـم حافـظ السبـع المثانـي
* وازرعـونـي بالعـيـون الـلــي جـفـنـي
واقطفوني مـن علـى خضـر المعانـي
*اطعنـوا صــدر اليقـيـن بسـيـف ضـنـي
واشربونـي دمّ لـو جـرحـه نسـانـي
* اسمحـوا لـي بـيـن( قوسـيـن ) التجـنـي
آخـذ المجنـي عليـه بذنـب جانـي.
اه .. مـنـه وااااه .. مـنـكـم.. واااااه مـنــي
من نبش فيكم ورى الصمت وحكاني !! ؟؟
* ايــه امــوت بـدونـه وأحـيـا كـأنــي
عايـش بدونـي غيـاب انـسـان ثـانـي
* والله انّــه بـالـوهـم يـــوم يحـضـنـي
طيفه يصّـدق . وانـااذووووب بحنانـي
* أكــذب الصـدفـه واصـدقـهـا واهـنــي
واجرح الساعـه لاجـل خاطـر ثوانـي
* واسـألـوا بنـهـايـة الـمـشـوار فـنــي
من وشم جرحي علـى صـدور الاغانـي.؟
* وعلمونـي ويـش يـقـول الشـعـر عـنـي؟
هو أخـذ مـن حسرتـي.؟ والا عطانـي!!
* بلّـغـوه .. انــي تعـبـت مــن التمـنـي
ولا لقيـت اريـح مـن احـلام الا مانـي
* وصدقـونـي مـوغـرور ان قـلـت انـــي
ماخلـق ربـي قصـيـد الاعشـانـي.
* وسامحـونـي بـــس هـالـمّـره لانـــي
طحـت مـن عقلـي علـى قمـة جنانـي
خالد الردادي