عنوان الموضوع : ارجو الاطلاع وهل هذه لقافه طبعاا اكبر لقافه شعر رائع
مقدم من طرف منتديات الشامل

يوم القلم بالهمس صار استقاما=مبداه بذكر الله ويرسل سلاما
قدام خلق الله ولاهو ظلاما=يشبه سحاب يوم يرسل مطرها
من الألف لين اليا ولاهو يهزز=من ضامر الملقوف ولاهو يكزز
بالشعر واللأهام فكره معزز=عن غلطة الشاعر هذا قدرها
الألف اولف بالورق واسمعوني=ليلة ربوع بهاجسي يخضعوني
انا العليل الي كثير الطعوني=وانا الذي للحر يحيي سمرها
البا بقلبي يوم هاجر ولأ رد =حر شلع نفداه بالروح والجد
غديت شبه الي كما نشف العد=ياناس عين الحر كاتم نظرها
التاا تسمينا ملاقيف واخوان=ولافيه واحد يطلع السور خوان
اقلوبنا تشبه حجرصم صوان=على الأعداء ولحد بيجهل خطرها
الثااا ثلاث وخمس زود شهرها=احذر بتجهل يوم تقرب خطرها
اعطيتك العنوان فكري حصرها=لاتجهل الشاعر بلأنامل عمرها
الحااا حداني هاجسي قمت عديت =فاقد عزيز اه ياناس ابديت
فوق الورق ياخوك للحرف هديت =بالدم والون الدم يشبه حمرها
الجيم جاريت القلم واعجبن حيل=صنديد فاهم يدري العيب والميل
عنيد في رايه وفارس على الخيل=واليا كبرة القاله يعدل صطرها
الخااا خذيت الحرف منه دراسه=يكتب على الهوجاس بزايد حماسه
له تجربه بالعرف يعرف مقاسه=العرف ايضا النزه بحكمه نثرها
الدال دخيلك يوم تقراء حروفي=تعذر تقدر قلت غالب ظروفي
ادري بمثلك ايه شخص عروفي =والحمل زاد وقلت منه قدرها
الذاا ذهبت وشفت انا يمين واشمال=الدمع فوق الخد ياخوك همال
ازريت كل اشوي للهم شيال=لأ احد فهم مابي وصدري حشرها
الرااا ركز زين الواصايف علم حرب=مستولين للقلب مايقبل القرب
لأبالغه ومعادله تلغي الضرب=كيف الحلول ونار بجسمي سعرها
الزاا زهمت الأهل وكل القرابه=وشرحت انا الموقف ولأ احد درابه
قالو يهو مجنون وشنه طرابه=من قبل مانت الصبر ربك فطرها
السين سقت العلم يمك وتفهم=عساك متعافي من الشر تسلم
يمك حروف الشعر دلة تضمضم =تستاهله بحروف كاتم عبرها
الشين شميته بلاحساس واقفيت=كثرت من الونات لمثلك تمنيت
ومن الحروف اليوم وامس ترديت=امنع كما ميدان حرب كسرها
الصاد صدفه يوم جتني تمخطر=تقول لل(.......) خذها تعطر
خلك مع العنوان اسمه مسطر=يدري ويفهم وكل قاري شكرها
الضااا ضميرك قال ابعد بعيدي =تلغي عني دمي بداخل وريدي
انت السند عساك دايم سعيدي =انت اليمين ولانت منه عسرها
الطااا طلبتك اه ياخوك لاهنت=كم ليلة بالمنتدى ليه مابنت
اسرع على الكاتم يمين تجننت= ارجوك اسرع قبل يعلن سفرها
الظاا ظلام اليل موحش بلياك =اعيش مع الأحساس والفكر ناداك
والشعر و الكاتم وعلمي تعداك=عساك تفهم قلت فكري هدرها
العين عشت الحب عايش ومجروح=الكبد في جواه من على الفوح
نار تلهب وصطه الدم مسفوح=الدم بركان يذوب حجرها
الغين غيم الحب تسقي عروقي=وتعالج المجروح ومابه حروقي
الشمس تظهر عندنا بالشروقي=ياخوك يالملقوف بقربة نحرها
الفااا فهود دونها تاضع الموت=من دون لمس بس في نبرة الصوت
وغديت للأفكار من نوع مشتوت=من شان مضنوني وحفره حفرها
القاااف قطر الدائره صعب تحسب =لأصار ماترسم لها اللعلم ينسب
لأصار مايوضع خساره ومكسب=هذاك حبي يوم نجد نحرها
الكاااف كيف اكتب ووضح كلامي =وانا الذي عايش بوسط الظلامي
ياهوه ياعالم ابرسل سلامي=والحب وسط القلب ربي نصرها
اللأم لميت الورق فوق صدري=اسمه ورسمه داخل الدم يسري
انا سجين القلب بيديه فكري=والناس من حولي بوصفة حجرها
الميم مقدور القلم جاك تقراه=القلب ومابالقلب ياطول مسراه
الفية ماهي من السوق مشراه=نبض الخفوق الي بتشبه نهرها
النون نومي يالسنافي بلأفكار=مثل المريض الي نصى كل الأقطار
ماله علاج كل دكتور يحتار=ولو جت له البسمه لزوم خصرها
الهااا هموم القلب مثل الجبالي=واعلنت مابالقلب غيره محالي
وبرتحل خلاص كاتم وجالي=دنياي ماتسوى لخصلة شعرها
الواو واوجدي عليها بالأسفار=قدام خلق الله وبنظم للاشعار
انا السعيد عندها قلت جبار=هذي الشريعه يوم غيري كفرها
اليااا ياسامعين الصوت انا قلت هيا=نصعد سوى ياناس يم الثريا
صلو على المختارحوضه مديا=شفيعنا يوم ان يشخص بصرها


>>>>> ردود الأعضـــــــــــــــــــاء على الموضوع <<<<<
==================================

السلام عليكم ورحمه الله وبركاته



المتألق والمبدع والرائع

&&شاعرنا الكبير&&

":.:" ملقوف ":.:"

رائع ما سطرت أناملك وما اعطاني نبع وجدانك الصافي العذب



من قصيدة حوت أجمل المعاني الشعريه والاحساس والوصف المميز ولجميل



لا فظ فوك والله ولا حرمنا الله من فيض قلمك أخي




راجيا اعتبار هذة الكلمات بمثابه شكروتقدير والتي تنم عن اعجابي الشديد

فهما قلت فيك ما اوفيتك حقك




تقبل خالص تحياتي العطرة


تعب قلبي

__________________________________________________ __________
تسلم اخوي كلام رائع ,,

__________________________________________________ __________
مشكور اخوي تسلم صح السانك


تحياتي

__________________________________________________ __________
مشكور اخوي تسلم صح السانك

__________________________________________________ __________
تعب قلبي

هلابك ملايين

شهاده اعتز فيها من اخ عزيز واعتبرها تحمل معاها

اجمل الاوسمه مع كل حرف

من اخ استمر في تشجيع اخيه فله احمل كل التقدير

والاحترام وملايين الشكر لتنوير صفحتي باطلاعك

اخوكم ملقووووووف

انا العليـل الـي كثيـر الطعونـي
وانا الذي للحـر يحيـي سمرهـا

مشكوور اخوي على القصيدة الرائعة و الاروع منها

صاحبها .............. صح لسانك و ما هنت