عنوان الموضوع : (((((فمان الله))))) شعر رائع
مقدم من طرف منتديات الشامل
فمان الله ياول من سكن بين الضلوع العوج=عسا دربك سفير وياعسي الله ما يخليني
توكل لاتوادع رح عسي درب الجفا المسهوج=يصادف درب فرق(ن)عقبها ما تلمحك عيني
سمحت من الهوي ومن القصيد ومن زراق الموج=رميت أغلي مجاديف الغرام وجيت بايديني
أبغرق في عذابك لا رحلت ويصبح المنتوج=قصيد(ن)في حياتي سلوتي وإن مت يرثيني
واذا هب(ن)بنات الريح للذكري بدون اسروج=أبسرج مهرة النسيان وارحل من عناويني
وبنسي لين أسج وبرسل الونات فوج فوج=وبنسي دمع عيني ينتثر وبنساك من حيني
صبور ايو والله اني ماثنيت العزم قبل اروج=بريضان الجفا واما لوصلك لين تسقيني
شجاع ايو والله اني ماعرفت الذل قبل اسوج=قدم رجل(ن) علي درب(ن) لبيت اهلك يوديني
كريم ايو والله اني ماعرفت الشح قبل اتروج=دموعي في عيوني ثم اشح بحسرتي فيني
((أحبك))حسبي الله ليت مالك في سماي ابروج=ولا لك في البسيطه كود شي(ن) بينك وبيني
دخيلك لاتلفت رح بفالك واترك المرجوج=تراني مابقالك الا انا ماعاد يمديني
فمان الله سق ركبك علي درب السنين العوج= لكن طالبك لاقفيت عنك ((لاتخليني))
>>>>> ردود الأعضـــــــــــــــــــاء على الموضوع <<<<<
==================================
ورشة الحب
تعبير وكلمات جياشة في قلمك
المبدع..
تسلم على النقل الاكثر من روعة
__________________________________________________ __________
نقل رائع
وذوق ارووووووووع
ولك تحياتي وانتظر ابداعك الغالي
وتقبل تحياااتي
اخوكم ملقووووووووووووف
__________________________________________________ __________
اشكرك اخوي الشاهين انته والاخ ملقوف علي مروركم الجميل وشاكر استعراضكم لموضوعنا المتواضع وعاكم علي القوه
أخوكم::
((((ورشة الحب))))
__________________________________________________ __________
اهلا ً بك..
يالغالي ..ورشه الحب
سلمت ....وسلم إحساسك الذي نقل لنا هذه المنقوله..
عنجد أختيار موفق وفقك الله..
ويعطيك الف عافيه...
تحياتي لك
__________________________________________________ __________
اخوي ورشة حب
الشاعر هو شاعر الوجدان فكل حادثه تنبع من القلب تترك بصماتها على الورق
وانت شاعر في مشاعرك العذبه والصادقه
جميل مانقلت واتحفتنا به
تحياتي