عنوان الموضوع : توكل ياسبب كل الجروج
مقدم من طرف منتديات الشامل

السلام عليكم


توكل ياسبب كل الجروح وياشقى عيني
توكل دامها طيبه عليك النفس والنيات
وابي تعرف ترى لا انته ولاغيرك يبكيني
ماغير امي ابوي اللي غلاهم ساكن(ن)بالذات
انا الغلطان في حبك حسبتك ماتخليني
وانا اللي كنت متوقع تجيني تكسر الضيقات
خلاص ابعد وانا ببعد وماجاني يكفيني
روح دوّر على غيري وابي تنسى زمان(ن) فات
انا ماعدت مثل اول على كيفك تمشيني
تغيّر كل شي والله وصرت بعيني العثرات
وفيت وما اخبر اني جرحتك يامشقيني
وكذا مره من ايدينك شربت الضيقه والصدمات
تقط الكلمه وتسكت على ابوانك تسليني
واطوّف لك ولاينفع معاك الطيب والدمحات
بعدت وقلت يمكنّك على غيابي تحاتيني
واشوفك رحت ماتسأل ياعمري وين هالغيبات
عطيتك دنية افراحي ولاحسّبت لسنيني
ولابيّن بعينك ليه اشوفك صرت لي آهات
رسمتك فرحة ايامي لقيتك هم يطويني
حسبتك مانزل بشي لقيتك ممتلي زلات
حسبتك لي على الدنيا ليا شانت تخاويني
واذا حجة حجايجها تجيني بطيبتك هامات
واجي لك ناقل(ن)دمعي ودمعي حاير ابعيني
واقول انته ولاغيرك حبيبي تمسح الدمعات
وجيتك لعنبو دار السنين اللي قصت فيني
وطلعت امن الردى تزرع على دربي شقى ونات
تشوف الكون وش كبره ترى ماعاد يعنيني
اذا حطيتك براسي اجيبك لو تروح اشتات
واعلمك القسى وشلون ..اعلمك كيف تنهيني
واخلي عيشتك سودا ولاينفع رجا الاموات
ولاتقول اني عالنيه وعلى رايك تمشيني
انا مجنون وجنيّتي على اللي يستفز الذات
ولكن طيعني أبعد قبل تصحى شياطيني
لان لاضاقت بعيني اخلي دنيتك حسرات

الشاعر : حربي الظفيري



منقول

>>>>> ردود الأعضـــــــــــــــــــاء على الموضوع <<<<<
==================================

الربااااااااااااان
أدامك الله لنا..
في اختيارك الموفق ..وفقك الله
دائما ً اراك مبدع...ورائع...حتى في اختيارك...
حماك الله وحفظك لشبابك..
تحياتي لك
قسوة الايام

__________________________________________________ __________
الربان


اختيارموفق ..وفقك الله ...

تحياتي لك

__________________________________________________ __________
قسوة الأيام الشــــــاهين



شكرا لكم على مروركم الجميل واطرائكم الرائع

تحياتي

__________________________________________________ __________
الربان


الله يعطيك الف عافيه وسلمت يمناك

ولاحرمنا منك

وصح لسان الشاعر حربي الظفيري

تقبل احترامي وتقديري




__________________________________________________ __________
قصيده رائعه

سلمت اخي الربان على هذا الاختيار الأكثر من رائع

وصح لسان الشاعر حربي الظفيري

أطيب الطيب
جود..الغيد