عنوان الموضوع : رواية الدنيا يا صاحبي كلها مآسي وأحزان ماتضيق إلا بالصبر تهان {جميلة عن الصداقة ♥ } / كاملة رواية رائعة
مقدم من طرف منتديات الشامل

رواية الدنيا يا صاحبي كلها مآسي وأحزان ماتضيق إلا بالصبر تهان {جميلة عن الصداقة ♥ } / كاملة

السلام عليكم ورحمة الله وبركاته

هذي ثالث رواية لي اكتبها .. وأول رواية انشرها على النت


وانشالله إنها تنال إعجابكم

وإذا فيه أي انتقاد راح اتقبله بصدر رحب

بلعكس انتقاداتكم هي اللي راح توجهني للأحسن .. وأي استفسار ياليت تقولون لي

يمكن يكون سردي مو حلو .. يمكن القصة ماتعجبكم

لكن أقول في النهاية أنا بشر أخطي وأصيب

وراح ابذل كل جهدي في سبيل تحسين الرواية للأفضل .. وانشالله إني ماراح اقصر معاكم أبدا

قصة الرواية مختلفة عن باقي الروايات .. ماحطيت فيها حب ولا رومنسية لإن هذا اللي تتحدث عنه أغلب الروايات

ف حبيت تكون روايتي غير .. بقصة جديدة وغريبه

وانشالله إنها تعجبكم والاقي تفآعل


إي صح نسيت .. اللي يبغى ينقل الرواية لا ينسى يكتب إسمي : .|جرحني الشوق|.




بحط الرواية كلها اليوم عشان نخلص بسرعة

بسم الله نبدأ

/

\

/


>>>>> ردود الأعضـــــــــــــــــــاء على الموضوع <<<<<
==================================

الجزء الأول

البدايــــــــــــــــــــــــــــــــة


الشرقية – الدمام .. أحد ليالي الشتاء الباردة

(ابراهيم)

طلعت وانا ضاااايق خلقي ودمعتي على خدي.. مشيت مشيت مشيت لين وصلت لمسجد قريب.. جلست على الدكه اللي عند المسجد وحطيت راسي بحضني

آآه يا يبه ليش تسوي فيني كذا حرام عليك.. انا ولدك وقطعه منك ليش كل هالحقد ليش كل هالكراهيه ليش؟ ياربي انا وش سويت بدنياي عشان تجيني كل هالمصايب ؟ الحين وين اروح وين انام من وين آكل؟

كل هالتساؤلات دارت بمخي وانا جالس وحاط راسي بحضني وابكي.. ماحسيت بالوقت اللي مر لين صارت الساعه 2 الليل

كل الناس ببيوتهم الحين.. نايمين ومرتاحين مع أهاليهم وبوسط اخوانهم.. قلوبهم على بعض ويحبون بعضهم..

اذا مرض الواحد فيهم ولا تضايق التموا عليه يواسونه ويطيبون خاطره.. الأم حنونه على عيالها لو كح واحد منهم فز قلبها..

ترتاح لما تشوف عيالها مبسوطين ومرتاحين .. والاب رحيم يشتغل ويبذل جهده عشان يوفرلهم اللي يبونه..

مايبيهم يصيرون بحاجه لأحد يتمنى يشوفهم بأحسن وافضل حال..

والاخوان يحبون بعض ويساعدون بعضهم مهما كانوا اشقياء الا ان قلوبهم على بعض

ياربي ليش انا محروم من كل هذا ؟
@@@@@@@@@@@@@@@@@@@@

راكان ماشي بالطريق بسيارته ال Bmw ويدندن مع مغنيه المفضل 2 pac

لمح شي اسود متكوم على نفسه بجانب الطريق ومن السرعة مالمح زين.. وطى صوت الاغاني ورجع على ورا وهو يسمي بالرحمن من الخوف

شاف شي متكوم وماكان مبين زين

نزل من السيارة وهو متردد بخوف .. وش هذا الشي الاسود اللي متلحف ومتكوم على بعضه

(راكان)

بسم الله الرحمن الرحيم.. وش هذا الشي؟!! في البداية حسبته كيس زباله بس كأن له راس!!.. بسم الله الرحمن الرحيم.. قريت الاذكار كلها من الخوف

مشيت شوي شوي باتجاه هذاك الشي المجهول لين وقفت قدامه.. مديت يدي وسحبت الغطا اللي فوقه

ابراهيم وراكان مع بعض: آآآآآآآآآآآآآآآآآآآآآآآآآآآآآآ

بسم الله هذا جن ولا انس؟؟..ليش شكله كذا يخوف!!

راكان بخوف: بسم الله روعتني.. من انت وليش جالس كذا ؟

ابراهيم: انت اللي مين انت؟ >>>من الخوف مو عارف وش يقول

ناظرته من فوق لتحت لابس لبس قديم ومقطع واسود هذا اللي خوفني.. وشعره طويل ومبعثر يوصل لأكتافه.. ووجهه شاحب وتحت عيونه هالات سوداء

راكان: وش تسوي هنا؟

ابراهيم: ما اسوي شي

راكان بنرفزه: قصدي وش اللي مجلسك هنا؟؟؟؟؟

ابراهيم بعصبيه: وانت وش دخلك هاه

ومشى بعيد عني .. لحقته ومسكته

راكان: سوري كنت معصب وخايف.. شفيك ليش شكلك كذا "وناظرت عيونه" ليش تبكي؟
ابراهيم بحزن: مافيني شي .. وش تبي انت؟

راكان: لا بس انصدمت من شكلك ليش جالس كذا بنص الليل وبهالبرد؟ .. فيك شي محتاج شي يا اخوي؟

نزل راسه وهو حزين.. بهمس: مافيني شي

رأفت بحاله وكسر خاطري شكله.. يمكن فقير بس لهدرجه حتى بيت ماعنده.. معقولة في ناس كذا >>> تحسب كل الناس عايشين بنعمه مثلك ياراكان

عزمت اني مااطلع من هالمكان الا وانا مساعده.. لو بفلوس ع الاقل

راكان: ها ياخوي قولي شفيك.. يمكن اقدر اساعدك بشي

سكت وهو منزل راسه ولاحظت عيونه تلمع

هالولد اكيد فيه شي مو فقير وبس.. مسكت يده وضغطت عليها احثه على الكلام

ابراهيم بهمس: وش تبيني اقولك؟

راكان:هنا برد.. تعال معي للسيارة

ركبت السيارة وركب هو جنبي

راكان: ها قولي وش فيك.. عسى ماشر فضفض لي ياخوي

لاحظته يحط يديه على وجه كمحاولة لمنع الدموع ... وبكى

سحبته ولميته بحضني..وحطيت راسه على صدري

راكان بحزن: بس ياعمري خلاص.. اهدى

استمر يبكي بحضني لين حسيته هدئ شوي وبعدته عن حضني

راكان بهدوء: قولي وش فيك لا تكتم شي بصدرك

ابراهيم ببكاء: انطردت من بيتنا

راكان بصدمه: انطردت ليش؟!

ابراهيم: بتصدق لو اقولك اني انطردت بدون ذنب

راكان: من اللي طردك ؟؟

ابراهيم: ابوي

راكان بصدمه: يوم قلتلي انك انطردت توقعت ان اللي طردك زوجة ابوك او احد يكرهك بشدة.. لكن ابوك هذي غريبه بصراحة

ابراهيم بحزن: مافي احد يكرهني كثر ابوي.. مايحبني ومايطيق يشوفني ابد..
والله اني كنت بار فيه واسمع كلامه.. لكن ليش ما يحبني مادري..

لما ماتت امي الله يرحمها انا كنت صغير وماعندي اخوان ابوي تزوج وحده ثانية.. وجابت 3 اخوان.. ماكانوا يكرهوني بشدة بلعكس كانت العلاقة تقدر تقول جيده بيننا..

لكن ابوي.. ابوي هو اللي تغير كثير.. بدا يكرهني ويسبني ويشتمني .. انا كنت اسمع واتحمل..

لكن تطورت الحالة صار يضربني ويحبسني بالغرفة ويحرمني من الأكل ... كان يصبحني بكف ويمسيني بكف... وش ذنبي انا وش سويت؟؟..

انا كنت احبه والله وكل يوم ابوس راسه ويده... لكن كان يكرهني مادري وش السبب.. لين جا هذا اليوم الاسود

راكان: يوم طردك؟

ابراهيم بحزن: ايه ... اليوم العصر قالي اطلع من البيت لانت ولدي ولا اعرفك.. طلعت... كأني مشرد ما معي فلوس ولا ملابس ولا شي..

سكتت شوي استوعب الصدمه!.. ابو يكره ولده هالكثر ماشفت!!.. حرام عليه... شاب صغير ببداية عمره يتعذب كل هالعذاب... ومن ابوه !

حركت السيارة وانا ساكت من الصدمة

ابراهيم: وين بتوديني؟
راكان: انا عندي استراحة قريبه من هنا.. اقعد فيها وارتاح ونام شكلك تعبان كثير .. ما اكلت شي اليوم؟

ابراهيم:لا

@@@@@@@@@@@@@@@@@@@@

(ابراهيم)
مين هذا الولد ؟ وليش اصر انه يساعدني؟ ... بصراحه ما ارتحت لشكله... كان مظهره من مظاهر شباب هاليومين اللي مايعجبوني...

لابس سكيني اسود وبلوزه بيضا وجاكيت برتقالي ... ومسوي شعره سبايكي... شكله مغرور... يالله بنام عنده اليوم ومن بكرا بطلع ...

ايه وش يقعدني عنده بعد... واحد غريب ماعرفه الله اعلم باخلاقه... لازم اعود نفسي ما اخلي أي احد يتدخل بمشاكلي الخاصة... وما اذل نفسي عند احد

وصلنا للاستراحة اللي كان شكلها كبير وفخم

راكان: يالله انزل يا الا ماقلتلي وش اسمك؟

ابراهيم: اسمي ابراهيم

راكان ببتسامه: عاشت الاسامي.. معاك راكان

ابراهيم: عاشت ايامك راكان

دخلت معه للاستراحة وكان شكلها احلى من داخل.. ديكوراتها فخمه وفيها نوافير.. يغطيها العشب الاخضر وأنواع من الورود حواليها

مشيت معه حول الاستراحة ... شكله بيوديني الجهة الثانية وبما ان الاستراحة كبيرة وانا مافيني حيل امشي ف قعدت الارض

راكان: وش فيك؟

ابراهيم "اللهم لا تحوجني لأحد من خلقك وارزقني انت الكريم" >> كان هذا دعاء ابراهيم دايم اذا حس انه فقير ومهان .

ابراهيم: دايخ يا راكان مافيني حيل امشي

راكان برحمه : ياعمري انت اكيد ما اكلت شي... تعال معي بعطيك اللي تبغاه

تسندت عليه لين وصلنا للبيت اللي في الاستراحة

دخلني للمطبخ وجلست على الكرسي: ابغا مويه

راكان: انشالله "وعطاني مويه"

شربت بينما هو فتح الثلاجة وطلع صحون كثيرة وحطها على الطاولة

كيك ومعجنات وحلا وفطاير وعصاير وفواكة كلها حطها على الطاولة

راكان: تفضل

ابراهيم:زاد فضلك

اكلت كثير الحمدلله لين شبعت... جزاه الله خير ماقصر معي

راكان ببتسامة: هني وعافية

ابراهيم ببتسامة امتنان: هنّاك الله بالايمان وطاعة الرحمن... راكان يعطيك العافية ماقصرت... انا عاجز عن شكرك ..الله يوفقك ويعافيك ويكتب لك بكل خطوة سعادة

راكان: امين وياك بعد ... العفو وانت تستاهل

طلعنا برا نتمشى
ابراهيم: راكان انت ساكن بهالمنطقة ؟

راكان: لا انا اهلي بالرياض بس جاي هنا ادرس

ابراهيم: وين تدرس؟

راكان: بجامعة ارامكو

ابراهيم: ماشالله الله يوفقك .. أي صح بسألك كم عمرك

راكان: 20 سنه

ابراهيم: الله يعطيك الصحة والعافية.. حتى انا عمري 20

راكان: آمين وياك.. أي ماقلتلي وين تدرس؟

ابراهيم: خلصت الثانوية وماكملت.. عشان ظروفي

راكان: اها ...... آنا اسف

ابراهيم: ولا يهمك... انت حاليا ساكن بالاستراحه؟

راكان: ايه نعم .. وش رايك تسكن معي بدال ما انا جالس بروحي ؟

ابراهيم: هذي الاستراحة لك بروحك ولا لأهلك؟

راكان: لا لي بروحي.. بس احيانا يجون اهلي

ابراهيم: راكان اخاف اضايقهم

راكان: لا ابد ماتضايقهم ولا شي.. وبعدين هم مايجون الا قليل.. يعني خذ راحتك

ابراهيم:واذا جو ؟ اخاف اضايقهم

راكان: اذا جو انا ادبرك.. وبعدين انت اصلا ماتضايق انت مثل العسل على القلب

ابراهيم ببتسامة: تسلم من ذوقك

راكان: الله يسلمك.. ماتبي تنام ترتاح لك شوي؟ ترا قرب يأّذن الفجر

ابراهيم: ايه صح

راكان: تعال معي بوريك الغرفة

ورحت معه الغرفة...كانت كبيرة وتهبل ومريحة...

راكان: سم بالرحمن ونم.. بقعدك اذا أذن

ابراهيم: مشكور ياراكان الله يجزاك خير.. ممم راكان فيه مفتاح لهالغرفه؟

"مثل ماتعرفون الاحتياط واجب.. والمفروض الواحد ما يأمن نفسه على الغريب.. صح ان راكان حبيب وطيب بس مثل ماقلت الاحتياط واجب"

راكان: الا فيه .. ليش؟

ابراهيم: بس ماحب احد يدخل علي وانا نايم.. اذا جيت تقعدني طق الباب واقوم على طول

راكان : انشالله

طلع من جيبه سلسلة مفاتيح وطلع مفتاح من بينهم وفكة وعطاني اياه

دخل وسكرت الباب وقفلته ... وانسدحت على السرير ... ياسلاااام ناعم ونظيف ومريح.. هذا اللي ابيه

بعد نص ساعه

جلست افكر وعجزت انام... افكر لا طلعت من بكرا وين اروح؟

تقلبت بالسرير احاول انام.. مع ان السرير مريح الا انه ماجاني النوم

قررت اقوم واطلع اشوف راكان وش يسوي.. وطلعت

لقيت راكان جالس عند شبة الضو وجالس يفكر... بصراحه المكان حلو بروح اجلس معه

التفتت لي : مانمت؟

ابراهيم:لا عجزت انام

راكان: زين .. بيأذن الفجر بعد دقايق

ابراهيم: وش قاعد تسوي

راكان: ما أسوي شي

ابراهيم: وانت ليش مانمت؟

راكان: ماجاني النوم متعود على السهر

ابراهيم: وجامعتك؟

راكان: ما بروح اليوم

ابراهيم: ليش؟ لا يكون علشاني؟

راكان: لا والله.. اصلا انا متعود على الغياب كل يومين اغيب

ابراهيم: ماتزور أهلك؟

راكان: الا اروح كل ويك اند بس .. وزين اني لقيت احد يجلس معي في الاستراحة ويونسني " وابتسم"

رديت له الابتسامه: ياحبي لك

راكان: تبي شاي؟

ابراهيم: ايه "وعطاني"

ابراهيم: واصدقائك؟ مايجون عندك في الاستراحة ؟

راكان: كانوا يجون بس الحين لا

ابراهيم: ليه

راكان: تزاعلنا .. وانا رحت بطريق وهم بطريق

ابراهيم: افا ليه

راكان مبوز : سخيفين

ابراهيم: ههههههههههههههههههههه وراه

تنهد: راشد داشر وطلال معقد وخالد ثقيل دم وعبدالعزيز شايف نفسه

ابراهيم: اها الله يصلحهم

جلسنا نسولف لين أذن الفجر.. رحنا صلينا في المسجد القريب بعدها كل واحد راح ينام

@@@@@@@@@@@@@@@@@@@@@

الساعة 1 ظهرا

(ابراهيم)

قمت وانا اتمشى في الاستراحة.. كان منظرها جميل في النهار ويشرح الصدر ..

وقفت عند النوافير واللي كان شكلها حلو صغار على شكل دائرة وبوسطها نافورة كبيرة وحولها الورود فل وجوري وياسمين..

استنشقت الهواء بانتعاش..فرق بين حالي قبل ببيت ابوي الكئيب.. وبين حالي الحين بهالمكان الحلو اللي يفتح النفس

جاني راكان يركض ووقف عندي وهو يتنفس بتعب: السلام عليكم

ابراهيم ببتسامة: وعليكم السلام

راكان: تعبت وانا ادورك

ابراهيم: آمرني؟

راكان ببتسامة: تعال بوريك شي حلو

مشيت معه ورحنا خلف البيت.. كان فيه اسطبل.. دخلنا وكان فيه خيول

راكان ببتسامة: شفت هذاك المهر الصغير؟ هذا انولد اليوم الصبح

ابراهيم ببتسامة: ماشالله تبارك الرحمن

راكان: تحب الخيول؟

ابراهيم: اكيد احبها مره.. هذي كلها لك؟

راكان: ايه.. في واحد حق اخوي.. تشوف هذاك الاسود الكبير

ابراهيم: ايه ماشالله يهبل

راكان: ايه هذا حق اخوي.. وزوجته هذي اللي ولدت.. يعني اخوي عنده قطيع أحصنه
ماشالله.."بضحكه" تصدق علي وعطاني هذي اللي ولدت

كانت كلما تولد يموت ولدها.. لين طفش اخوي وعطاني اياها.. عاد الحين ولدت وما مات.. اخوي بيتحسف انه عطاني اياه ههههههههههههههههه

وهذا الحصان البني حق اختي اسمه تشارلي.. طبعا كان اسمه جعيدان لكن غيرت اسمه عشان ماتتفشل

ابراهيم: هههههههههههههههههههه طيب والخيول الباقيه؟

راكان: حقت عماني.. كل ما يشتري احد خيل يحطه عندي.. عشان كذا سويت اسطبل

ابراهيم: بصراحة المكان حلو.. بس مين يهتم فيهم ويعطيهم اكل؟

راكان: الحارس

ابراهيم: اها.. مم راكان بقولك شي

راكان: هلا

ابراهيم: بصراحة انا متفشل منك ومن كرمك.. وماحبيت اقعد عندك كذا بلا شغل ولا مشغلة.. القى عندك شغل مقابل الاكل والمأوى بس؟

ركان بعد تفكير: مادري والله.. ابراهيم ترا عادي اقعد عندي بدون شغل مافيها شي.. انت تعتبر زي اخوي الحين

ابراهيم بترجي: لا تكفى ابشتغل لو حارس

راكان: مابي اتعبك لان الشغل كثير بهالاستراحة

ابراهيم: عادي .. اهم شي يكون مني فايدة على الاقل

راكان: خلاص على راحتك.. وبيني وبينك انا بطرد الحارس

ابراهيم: ليش؟

راكان: بس يعني لانه كسلان وغبي

ابراهيم: لا حرام لا تطرده علشاني.. شغلني معه بس تكفى لا تطرده

راكان ببتسامة: انشالله .. شغلك بهالاستراحة تشرف بس على الشغل .. يعني لا تسوي شي خل الحارس هو اللي يشتغل وانت تعلمه التنظيف والاهتمام تراه غبي وما يفهم

ابراهيم: ههههههههه انشالله.. ابغاك تقولي كل شي مطلوب مني وعلى هالخشم..راح تلقى استراحتك من احسن مايكون

راكان: فديتك والله.. الشغل راح يكون تنظيف الاستراحة وتقصيص الاشجار وسقاية العشب وتنظيف المسبح وتغيير الماء وغسيل الخيول واعطائهم اكلهم وبس.. ومثل ماقلتلك انت اللي تامر والحارس ينفذ

ابراهيم: مشكوووور والله يعطيك الف عافية

ركان ببتسامة: العفو وانت تستاهل

@@@@@@@@@@@@@@@@@@@@@

(راكان)

مبسوووط يا ناس مبسووط

اخيرا سويت شي حلو بحياتي.. طول حياتي لعب وسهر ونوم بدون فايدة

اخيرا سويت شي فيه خير .. ساعدت فقير وفرحته.. الحمدلله يارب الحمدلله

@@@@@@@@@@@@@@@@@@@@@

الساعة 7 مساءً

(راكان)

انا وابراهيم جالسين على العشب ونتقهوى

ابراهيم بقلق: راكان ابوي اليوم كلمني

راكان باهتمام: ووش قالك

ابراهيم: يقول ارجع للبيت

راكان بنرفزه: خييير بعد مايطردك يقول ارجع

ابراهيم: راكان بقولك شي

راكان: سم ؟

ابراهيم: سم الله عدوك .. آآآ بصراحة انا ابوي ماطردني .. انا انحشت بنفسي.. لكن هو اللي غصبني على كذا.. كان يذلني ويهيني وانا ماتحملت وطلعت

راكان: يعني نفس الشي كأنه طردك .. بمعاملته السيئه

ابراهيم: ايه وانا انحشت و ما ودي ارجع له.. انت وش رايك؟

راكان: لا ترجع له.. اقعد هنا معزز مكرم احسن من ماتروح ويذلونك

ابراهيم: صح بس بيعصب.. واذا عصب توقع منه أي شي تراه مجنون

راكان: الله يهديه.. بس وش فيه فجأه كذا قالك ارجع مو هو يكرهك ومعصب عليك؟

ابراهيم:يبيني أرجع عشان يهيني ويذلني أكثر .. هو يستمتع بإهانتي وتعذيبي .. أنا متأكد

راكان: استغفر الله يمكن لا .. يمكن قلبه حن شوي

ابراهيم باستهزاء: هذا قلبه يحن؟ لو الصخر له مشاعر كان صار أحن من قلب ابوي .. الله يعين بس .. اكيد خالي هو اللي غصبه يرجعني.. ولا مو لله

راكان بحزن: الله يهديه ويحنن قلبه عليك

ابراهيم بحزن: المشكلة يقول ارجع غصب.. مابي ارجع له يا راكان مابي .. ياربي ليش انا ابوي كذا ليش مايصير حنون زي الناس .. نفسي مره يسأل عني اذا مرضت.. ولا يواسيني لا تضايقت.. ع الاقل ما يضربني ولا يهيني

حطيت يدي على كتفه: اصبر يا ابراهيم.. اصبر ولك الجنة..وبشر الصابرين الذي اذا اصابتهم مصيبة قالوا إنا لله وإنا إليه راجعون.. قل اللهم آجرني في مصيبتي وادعي الله يهدي ابوك

ابراهيم تنهد بألم وسكت

ابراهيم: والحين وش الحل ارجع ولا لا؟

راكان: لا ترجع.. ما يقدر يسويلك شي واصلا هو مايعرف مكانك.. ابراهيم لا تخاف.. انا معك وبوقف معك

ابراهيم: الله لا يحرمني منك

راكان بحنان: آمين ولا منك.. ابتسم يله مابي اشوفك حزين.. يضيق صدري والله

ابراهيم ابتسم وهو يمسح دموعه

الله يعينه ويصبره .. عانى كثير وهو توه شاب صغير .

@@@@@@@@@@@@@@@@@@@@

اليوم الثاني الساعه 3 عصراً

(ابراهيم)

تعلقت براكان كثير.. صار توأم روحي ما اتمنى افارقه ابد

راكان شاب جميل..شكله حلو يميل له القلب.. ابتسامته جميلة اذا ابتسم ما تقاوم تبتسم وياه..

حنون اخلاقه عاليه.. ابن حلال وصاحب فزعة وشهامه.. منظره حسن وشكله يسر القلب .. ودك تجلس تتأمله وبس

يهتم بنظافته وشكله.. حبوب وخفيف دم .. وجلسته ماتنمل .

حبيته من قلب .. الله لا يحرمني منه

طبعا فكرة اني اطلع من الاستراحة شلتها من بالي .. ما بي افارقه ابد

@@@@@@@@@@@@@@@@@@@@


انتهى الجزء الأول

__________________________________________________ __________
الجزء الثاني

البدايــــــــــــــــــــــــــــــــة


اليوم الثاني الساعه 3 عصراً

(ابراهيم)

تعلقت براكان كثير.. صار توأم روحي ما اتمنى افارقه ابد

راكان شاب جميل..شكله حلو يميل له القلب.. ابتسامته جميلة اذا ابتسم ما تقاوم تبتسم وياه..

حنون اخلاقه عاليه.. ابن حلال وصاحب فزعة وشهامه.. منظره حسن وشكله يسر القلب .. ودك تجلس تتأمله وبس

يهتم بنظافته وشكله.. حبوب وخفيف دم .. وجلسته ماتنمل .

حبيته من قلب .. الله لا يحرمني منه

طبعا فكرة اني اطلع من الاستراحة شلتها من بالي .. ما بي افارقه ابد

بديت اشتغل في الاستراحة وشديت حيلي .. سقيت الزرع والاشجار و غسلت الخيول وعطيتهم الأكل ونظفت الاصطبلات..

ناديت الحارس عشان يساعدني ..وجاء

راج: نعم ؟

ابراهيم: نظف البيت والغرف الداخلية ورتبها.. انت شغلك ع اللي داخل وانا اللي برا .. اوكي؟.. وبعده سو قهوة عشان عمك راكان بيجي قريب

"طبعا راكان بالجامعة يجي الساعة 6 المغرب"

راج: اوهوووه ليش كثير شغل؟

ابراهيم: رح سو شغلك وبلا كلام فاضي

راج بضجر: انا مايبغا شغل.. ليش انت مافي شغل هاه؟

ابراهيم بعصبية: تراني من الصبح وانا اشتغل انت والله اللي مرتاح وخامد

راج بعصبية: خلاص انا مافي شغل .. انتا شغل انا في روح نوم

ابراهيم: نامت ريحك قل آمين .. طس فارق يله

وراح وهو يتحلطم

ما بقى الا ذا يهايط هو ووجهه

رحت سويت كل شي بنفسي ونظفت الغرف والصالات .. وزينت القهوة والشاي لين جا راكان

راكان: السلام عليكم

ابراهيم: وعليكم السلام

راكان ببتسامة : ها كيف الشغل؟ اكيد تعب وملل صح؟

ابراهيم ببتسامة: بلعكس.. والله اللي يشتغل في هالمكان الحلو مايمل.. هالاستراحة تفتح النفس

راكان ببتسامة: انشالله دوم مبسوط ومستانس.. الله لا يكدر خاطرك بشي

ابراهيم بسعاده: آمين وياك بعد..

راكان: ماشالله باين الاستراحة نظيفة والشغل عدل .. "طلع من جيبه ظرف ومده لي" : هذا راتب مقدم .. تفضل

ابراهيم: بس انا بعدني ماسويت شي

راكان: هذا مقدم بس وانت تستاهل.. بما إنك بديت بدايه حلوه وشغلك نظيف

" بصراحة تفشلت واحرجني بكرمه .. يارب لا تحوجني لأحد سواك"

ظليت اطالع الظرف بدون ما آخذه

راكان ببتسامة: برهومي يلا خذ ولا تردني

اخذت الظرف بإحراج: مشكور وما قصرت.. عسى عمرك طويل

راكان ببتسامة: العفو .. وانت تستاهل كل خير

راج من يوم شاف الراتب نط عندنا: بابا انا يبغى راتب

راكان: ليش تونا بنص الشهر ؟

راج: انا يبغى مقدم سمسم هذا ولد

راكان بعصبية: احترم نفسك هذا عمك.. وبعدين على ايش اعطيك مقدم على شغلك الوصخ ولا على كسلك وعجزك؟

راج يتمسكن: بابا انا مسكين.. انا من صبح سوي شغل سوي شغل مافي نوم أبد.. هذا شغل كله انا سوي بروحي

انا كنت اشرب ماء وشرقت من الصاروخ اللي قاله قبل شوي .. لاتطيح علينا السماء

ابراهيم بعصبية: خير خير يالكذاب.. انا اللي مسوي الشغل كله وانت طول الوقت خامد بغرفتك خمدتك عليك الارض قل آمين .. راكان تراه من الصبح وهو يتحلطم ويهايط

راكان بعصبية: بعد هو ووجهه مابقى الا ابو فسيه يهايط علينا.. شين وقواة عين .. قم فارق يله ومخصوم من راتبك لين تأدب

وراح راج وهو يتحلطم

ابراهيم: ماعليك منه تعال نتقهوى بس

وجلسنا نتقهوى

ابراهيم: ايه وش اخبار الجامعه؟

راكان: والله تعب وكرف وملل.. ابراهيم انا احسدك صراحة

ابراهيم: هههههههههههههههه على وش بالله؟

راكان: ههههه أي والله خامد مرتاح ماوراك شي.. ما وراك مذاكرة وكرف وتعب مثلي.. ولا يجيك دكتور غثيث يتفلسف عليك من الصبح

ابراهيم : ههههههههههههه الله يعينك

سكت راكان شوي وهو يناظرني بنظرات غريبة

ابراهيم بستغراب: وش فيك؟

مد يده ولف رقبتي وشاف جرح اسفل رقبتي

راكان بهدوء: وش هذا؟

ناظرته وانا ساكت

راكان: ابراهيم قولي من وين هالجرح؟

ابراهيم : ................. ( لا رد )

راكان: من ابوك صح؟

اخذت نفس عمييييق: ايه .. ومابيك تحزن وينكسر خاطرك لاني انا تعودت خلاص

راكان بهدوء: بس مو مجبور انك تتعود

ابراهيم: انا ظروفي جبرتني على هالشي.. وجبرتني اسكت واتحمل

راكان: ابراهيم ليش ما تكلم حقوق الإنسان وتشتكي على ابوك

ابراهيم: وانا من وين لي القوة عشان اكلم واشتكي.. خلها على ربك بس

راكان: لا تصير ضعيف يا ابراهيم .. جمعية حقوق الإنسان ماحطوها الا لمثل هالحالات.. كلمهم وانشالله مايقدر يمد يده عليك مره ثانية

ابراهيم: طيب و اذا رجعت البيت بيصفقني وبيلعن خيري لا من شاف ولا من درى .. ذيك الساعة اقدر اتكلم واشتكي ؟! .. بيكون فيني حيل اتنفس اصلا؟!

راكان: سكوتك وضعفك هو اللي خلاه يتمرد عليك.. شوف يا ابراهيم انا هالمره بسكت وبتغاضى... لكن المره الجايه لا سمح الله اذا ضربك ولا تعدى عليك بروح انا بنفسي وبشتكي عليه هالظالم

ابراهيم بحزن: الله بيفرجها انشالله

راكان وهو يطالع الجرح: هذا الجرح الوحيد اللي بجسمك؟

ابراهيم بكذب: ايه

راكان: اكيد ؟

ابراهيم: اكيد

راكان بتشكيك : اها.. افصخ بلوزتك ورني اشوف

تنهدت.. وقررت اني اقوله واشكي له كل همومي وما اخبي عنه شي .. طول هالسنين وانا كاتم بقلبي كفاية خلاص

ابراهيم بهدوء: شوف راكان.. انا ماتعودت اني اشكي كثير واضايق الناس بهمومي.. لاني لو بشكي ما بخلص..ويمكن لاني مالقيت الانسان المناسب اللي ارتاح له واقدر افضفض له كل همومي..

لكن الحين انت صرت شي كبير بقلبي.. انت الشخص الوحيد اللي ارتحتله ودخل قلبي على طول.. انت الشخص الوحيد اللي اقدر افضفض له براحه.. "ببتسامة" عشان كذا بتشوفني رامي همومي عليك كل يوم

ركان جا وضمني: هههههههههه.. يابعد قلبي يا ابراهيم.. والله همومك مثل العسل علي ولا اتضايق منها.. بلعكس استانس لما اشوفك تشكيلي وتشاركني همومك..

"بحنان" شفت لما نتشارك الهم يصغر ويهون .. ابراهيم مابيك تكتم شي بصدرك.. كل شي قوله لي حتى لو ماقدرت اساعدك .. يكفي اني اسمعك واواسيك

ابراهيم: مشكور ياراكان.. صحيح الله حرمني من امي وابوي لكن عوضني فيك انت.. الله لا يحرمني منك ولا يحرمك الأجر

راكان: آمين الله يسمع منك... عن اذنك بروح اجيب لك ثلج .. عسى ينفع ولا بوديك المستشفى

ابراهيم: لا تتعب عمرك اقعد بس ما يحتاج.. الجروح اصلا ماتعورني خلاص

راكان ببتسامة: لا بجيب لك غصب.. وانا اللي بحطه لك بنفسي بعد.. لاتتحرك بجيك بعد شوي

ابراهيم: هههههه اوكي

وراح وجاب معه ثلج في صحن وليمون

ابراهيم باستغراب: وش حقه الليمون؟

راكان: مالقيت معقم

ابراهيم: ولا يكون بتعقم جروحي بالليمون؟

راكان: ايه شاسوي بعد

ابراهيم بعصيبة: قم زين قم

راكان: هههههه وش فيك.. ترا الليمون مفيد للجروح وينظفها ويعقمها

ابراهيم: بس يعور ويحرق

راكان: يحرق لانه قاعد يقتل الجراثيم وينظف الجرح.. يلا برهومي انسدح بحط لك

ابراهيم: مستحيل اخليك تحطلي ليمون.. ثلج ايه بس ليمون لا

راكان: طيب خلاص بس انسدح

وانسدحت.. وهو رفع بلوزتي وانصدم

راكان بصدمة: هئئئئئ وش هذا!!!

صدري كان مليان جروح عميقة وخدوش... لا تستغربون

ابراهيم مغمض عيونه كإستعداد للألم: راكان لا تسألني وش سوا فيني ابوي لان يمكن اصيح.. شف شغلك وانت ساكت

راكان بصدمة: بس هذا كثير مره.. الله يصبرك ويعينك

سكت وبدا يحط الثلج بهدوء

راكان: يعورك؟

ابراهيم: شوي

راكان: لازم معقم .. الثلج يسكن الألم بس مايفيد

ابراهيم: لاتحط ليمون تكفى

راكان: ماني حاط.. بكرا بروح للصيدلية واشتريلك معقم

ابراهيم: اوكي

خلص تمرير الثلج على الجرح وحط لي لزقات وشاش.. خف ألم الجروح بكثير بعد ماحط الثلج واللزقات

راكان بحنان: ماتشوف شر يالغالي.. طهور انشالله

ابراهيم: الشر مايجيك

راكان: صح بقولك شي .. ترا بكرا بروح الرياض عشان ازور اهلي

ابراهيم: متى بتروح؟

راكان: بروح الساعه 11 الليل

ابراهيم: تروح وتوصل بالسلامه

راكان: الله يسلمك ..اقول بما اننا فاضين شرايك نلعب بلايستيشن؟

ابراهيم ببتسامة: قداام

@@@@@@@@@@@@@@@@@@@@@
رحنا للصالة الداخلية

وجلست أتفرج على الاشرطة عنده


اشرطة حرب:
Call of duty 7
Conflict
Resistance
Battlefield
Red dead
Call of juarez
Residen evil
Medal of honor
Killzone 2

اشرطة سيارات :
Driver
Grand
Need for speed
Midnight club
Wheelman
Racedriver grid

أشرطة منوعه :
Dragon ball
Spider man
Little big plant 2
Bat man
فيفا 2013
Pes 2013
Sims 2
شريط رعب silent hill
Tikken

وشغلنا البلايستيشن وجلسنا نلعب فيفا 2013.. وعاد شوفوا أنوااااع الهده والازعاج

راكان شوي ويقوم يتوطى ببطني من القهر لان النتيجة 7-0 لي طبعا

راكان بقهر: نعنبو بليسك خلني امسك الكورة شوي

ابراهيم: ههههههههههههههههههه لا

راكان: الله ياخذك تصدق حتى مرماك ما شفته

ابراهيم: هههههههههههههههههههههههههههه بطنيي هههههههههههههه
ماتعرف تلعب بلا ماسك اليد ع الفاضي هههههههههههههههههه

راكان: انا ماعرف العب؟ هين اوريك

وانا امشي بالكورة قربت عند المرمى.. طبعا كان المرمى زحمممه نص لاعبين فريقي عنده.. اما فريق راكان طبعا كلهم عند المرمى صايرين دفاع ..

و صار زحمه وحوسه ماندري وين الكورة.. فجأه من الحوسه دخل هدف شلون مادري.. صارت النتيجة 8-0 وفقعت ضحك

ابراهيم: ههههههههههههههههههههههههههههههههههههه قوووووووووووول

راكان: قم انقلع قم .. لابوك لابو من لعب معك " وطفا البليستيشن من القهر"

ابراهيم: ههههههههههههههههههههه مسكين انقهر هههههههههههههههه اجل 8-0 ههههههههه

راكان: اقول خل عنك بس.. قم اطلب لنا عشا .. قم لا اشوتك قم

ابراهيم: هههههههههههههه طيب طيب

ورحت اخذت الجوال

ابراهيم: وش تبي من أي مطعم ؟

راكان: انت اللي وش تبي؟

ابراهيم: ماكدونالدز

راكان: كودو

ابراهيم: لا ماكدونالدز

راكان: على كيفك انا ابي كودو

ابراهيم: الحمدلله والشكر ليش تسألني اجل

راكان: كيفي

ابراهيم: كودو يييييع مب حلو

راكان: انا مشتهيه ياخي كيفي

ابراهيم بعصبية: لا مب كيفك "فجأه استوعبت وضحكت" ههههه الحين احنا ليش مسوين الهوشه ذي كل لها .. كل واحد يطلب من المطعم اللي يبيه وخلصنا

راكان: ههههه أي والله

ابراهيم: كم رقمهم

راكان: مسجل بجوالي

واخذت جواله ودقيت على كودو وعلى ماكدونالدز وطلبت .. ويوم جيت اقوله ع المكان ماعرفت

ابراهيم: راكان

راكان لاهي يلعب بجراند: هاه؟

ابراهيم: ماعرف اوصف له

راكان: قوله استراحة راكان السامي هو يعرفني دايم اطلب منه

ابراهيم : ماخبري بهم يوصلون لاستراحات

وخلصت الطلب وجلست

ابراهيم: وش تسوي

راكان: اذبح الحريم بجراند

ابراهيم: ههههههههههههههه ليش

راكان ببتسامة: أي بعد متفصخات قليلات الحيا لازم اذبحهم.. الدين فوق كل شي

ابراهيم: لا ماشالله عليك.. هههههههههههههههههههههه

راكان ماخذ المنشار واعدم الحريم وسوا مجزرة بالشاطئ.. بعده اخذ دباب وصار يدعس الناس وسواهم بيتزا

ابراهيم: الله يقرفك راكان وش ذا

راكان: ههههههههههههه شف والله فله .. بحط 2 لاعبين

وجلست العب معه وفجرنا السيارات ودعسنا الناس

وقتلنا واحرقنا وسوينا مجزرة

انا ماخذ بازوكا وافجر السيارات

وراكان ماخذ طفاية ويطفي الحريق مادري وش الفايدة الحمدلله والشكر

واخذنا دبابة وصرنا ندعس الناس ونذبحهم والشرطة تطاردنا

ابراهيم: راكان هههههههههههههههههههههه الله يقرفك وع وش ذا .. بنزل من الدبابة خلاص

ونزلت وراكان لسا راكب.. قام مشا علي بالدبابه وتوطان

ابراهيم: خير؟

وصار يقدم ويرجع ويقدم ويرجع وكل ما وقفت وطان لين مت

ابراهيم بعصبية: خيييير ليش تذبحن

راكان: ههههههههههه احسن .. ولا تحسبني سكت لك يوم تفوز علي بالكورة

ابراهيم: غش والله غش

سمعنا رن الجرس

راكان: هذا هو وصل الطلب قم افتح يلا

ابراهيم: احترم نفسك.. اشتغل عندك اوكي بس مو تقعد تتأمر علي كذا

راكان: غصب عنك تقوم وتفتح الحين.. يلا قم

قمت بقهر: افف منك.. يارب ماكدونالدز يارب

ورحت فتحت طلع كودو.. اخذت الاكل ورميته بوجه راكان

ابراهيم: خذ اطفح.. سُم انشالله

راكان: ههههههههههه على قلبك

قعدت شوي لين جا ماكدونالدز .. اخذت الطلب وجلست آكل

راكان قام: بروح انام

ابراهيم ببتسامة: طيب شسويلك ؟ طس اخمد

راكان ببتسامة توجه لي ورفسني مع ظهري بأقوى ماعنده

ابراهيم: آآآآآآآآآآآآآآآآآآآآآآآآآآآآآآآ يا حيواااان ظهررررري

راكان : احسن تستاهل "ببتسامة" تصبح على خير

ابراهيم: الله لا يوريك خير قل آمين .. آآي ظهري.. طس نم يله

راح شوي ورجع

راكان: ابراهيم

ابراهيم: خير

راكان: اذا احتجت شي .. أو عورك صدرك.. تعال لمي

"وراح"

ابتسمت .. راكان حنون جداً .. مهما اسوي فيه يبقى حنون .. فديته والله

خلصت اكلي ورحت انام

@@@@@@@@@@@@@@@@@@@@@@
اليوم التالي

اليوم بيسافر راكان.. يعني بقعد بالاستراحة بروحي .. الله يعيني على الطفش

خلصت كل شغلي.. من تنظيف وغسيل وترتيب.. ورحت شبيت حطب وحطيت القهوة والشاي وجلست عند النار

جا لمي راكان: ابراهيم

ابراهيم: سم

راكان: سم الله عدوك.. تراني بطلع الحين

ابراهيم: وين؟ مو قلت بتسافر الساعة 11

راكان: ادري.. بس الحين بروح لأحد اخوياي يبيني بشغلة.. وبعدها بمسك خط الرياض.. يعني لا تحتريني

ابراهيم: اها اوكي.. تروح وتوصل بالسلامة

راكان: الله يسلمك.. يلا مع السلامة

ابراهيم: مع السلامة.. الله وياك

@@@@@@@@@@@@@@@@@@@@

الساعة 11 مساء

الحين اكيد راكان سافر.. جلست اشوف التلفزيون اقضي وقتي

قلبت القنوات كلها.. مافي شي حلو.. افف طفش

فجأه سمعت أصوات غريبه..اصوات ازعاج وطقطقه وأغاني.. في البداية حسبته من الاستراحات اللي جنبنا.. لكن الصوت كان قريب

فتحت الشباك وطليت.. الصوت كان جاي من خلف الاستراحة !

طلعت بهدوء وانا اتتبع الصوت .. لين رحت خلف الاستراحة

وقفت وانا مصدوم ومتقرف من المنظر اللي قدامي !!

استغفر الله يارب لا تغضب علينا

كان الحارس راج جايب معه شلته الهنود وجالسين على شكل دائرة ويغنون.. ومعهم بنات!!.. أي والله معهم بنات وكانوا يرقصون ..

نص اللي جالسين كانوا سكرانين ويدخنون وحاطين كاسات الخمر بالنص.. والبنات يرقصون بلبس خليع ومنظر مقزز فعلا !

الكلاب استغلوا غياب راكان عشان ياخذون راحتهم ويمارسون دنائتهم

لكن نسوا إني انا فيه.. لاحظت واحد منهم التفتت وانا انحشت بسرعه لا يشوفني .. اخذت الجوال ودقيت على راكان على طول

ابراهيم بخوف: راكان وينك!!
راكان: انا توني مسكت خط الرياض.. ليه في شي؟

ابراهيم: فيه اشيااء مو شي.. راكان الحق شوف راج وش يسوي باستراحتك وانت ماتدري

راكان بستغراب: وش يسوي الكلب !!!

ابراهيم: جايب شلته الهنود ومبسطين باستراحتك وفالينها.. لا وغير كذا سكرانين ومعهم بنات ويرقصون قسم بالله

راكان بصدمه اخذ بريك بقوة:امانه !!.. كل هذا يصير باستراحتي وانا ماادري.. راج راج الكلب.. والله لاوريه والله لا أطرده

ابراهيم: انت الحين ارجع بسررررعه

راكان: ياربييه يبيلي نص ساعة أو اكثر لين ارجع.. بدق ع الشرطة الحين

ابراهيم بخوف: لاااا لا تدق.. بيحسبوني معهم.. ولا تنسى ان الاستراحة استراحتك بيتهمونك انت

راكان: ايه صح نسيت.. والكلب ماعنده اقامة وبيتهموني انا بالتستر عليه.. يالله يا ابراهيم جاي انا بمسافة الطريق

وسكرت منه وجلست عند الباب احتريه.. وعشان بعد مايشوفوني.. وصوت الأغاني كل ماله يزيد.. يالله لا تسخط علينا يارب

طول راكان ماجا .. والكلاب ماخذين راحتهم ع الآخر

انا كنت اطل عليهم من الشباك فاتحلي فتحة صغيره واراقبهم

راج الحيوان ماسكله بنت وجالس يرقص معها ويستعرض

منظر مقرف صراحة

مادري كيف قدروا يجيبون البنات ويجهزون كل هذا .. والمصيبه إني مادريت إلا بآخر شي

ووقفوا الاغاني وقاموا يسولفون ويضحكون والصوت واصل آخر الدنيا

كل اللي فهمته من كلامهم انهم كانوا يتفقون مع بنات ويعطونهم فلوس والليله مادري بكم .. استغفر الله يارب

بعد 40 دقيقة جا راكان .. ركضت له بالسرعة

راكان بعصبية: وينهم وينهم الكلاب؟

ابراهيم: هم ورا الاستراحة

مشى بعصبية ومشيت معه لين رحنا ورا الاستراحة

راكان بصراخ: رااااااااج يا كلب

كلهم وقفوا بسرعة بخوف

راج بصراخ: fast flee (اهربوا)

كلهم انحاشوا راكان عصب وصار يلحق راج

راكان بصراخ: كل هذا تسويه باستراحتي وانا مادري يا ككككلب.. يا خاين أمنتك على استراحتي وتجي تمارس فجورك فيها يا فااااجر

الهنود صاروا يركضون بسرعة وراج يركض وهو خايف .. واحد من الهنود صديق راج خاف من راكان انه يمسكهم او يمسك واحد منهم ويعترف عليهم..

طلع من جيبه مسدس وطلق على راكان وصابته في يده قريب من كتفه.. طاح راكان ع الأرض وهو ينزف دم

ابراهيم بصراااخ: لااااااا راااكاان
رحت له بخوف وانا ابكي وجثيت على ركبتي عنده

ابراهيم ببكاء: راكان لا تموت راكان.. من لي غيرك راكان.. تكفى قوم لا تخليني

حطيت راسي على صدره وانا ابكي.. آآه الدنيا خذت مني كل غالي.. من بقالي في هالدنيا من؟

@@@@@@@@@@@@@@@@@@@@@@
نهاية الجزء الثاني

تتوقعون راكان بيموت؟

وكيف بيعيش ابراهيم بعد موت راكان؟



__________________________________________________ __________
الجزء الثالث
البدايـــــــــــــــــــــــــــة
ابراهيم ببكاء: راكان لا تموت راكان.. من لي غيرك راكان.. تكفى قوم لا تخليني
حطيت راسي على صدره وانا ابكي.. آآه الدنيا خذت مني كل غالي.. من بقالي في هالدنيا من؟
راكان بألم: ابراهيم دق على الاسعاف بسرعة .. احس اني بموت آآآآآه
رحت اخذت الجوال وانا امسح دموعي: طيب بدق بس تكفى راكان تحمل.. ولا تموت وتخليني
دقيت على الاسعاف وانتظرتهم يجون
ابراهيم: تحمل راكان الحين بيجون الإسعاف.."مسكت يده" انشالله إنك بتتعالج وتشفى.. ماراح تموت وتخليني انا متأكد
راكان: ........................ (لا رد)
ابراهيم ببكاء: آآآآه راكان لا
دفنت وجهي بصدره وانا ابكي
بعد ربع ساعة
طولوا الإسعاف ما جوا ... وراكان أحسه بيموت
يارب لا تفجعني بموته يارب... يارب اشفيه واحفظه لي.. يارب انت اخذت مني امي وابوي مابقى لي غير راكان... يارب احفظه لي يارب واشفيه انت الشافي
رفعت راسي عن صدره وانا اهزه: راكان ... راكان تكفى قوم
انا لازم اسوي شي ... البكاء مراح ينفع ... اخذت سكين وشقيت قطعة من بلوزتي.. وربطت فيها يده المجروحه
جو الإسعاف وشالوا راكان ... رحت معهم وانا ادعي ربي يشفيه ويحفظه لي
@@@@@@@@@@@@@@@@@@@@@@
بالمستشفى
دخلوا راكان للطوارئ و لغرفة العمليات على طول
صرت ادور في السيب رايح جاي ودموعي على خدي... مرت ساعة ساعتين ثلاث اربع خمس... صارت الساعة 5 صباحاً والدكتور للحين ماطلع
كل دقيقة تمر وقلقي يزيد عليه.. لين أخيرا طلع الدكتور
رحت له بسرعة البرق: بشر يادكتور؟
الدكتور بعد مافصخ الكمام .. "يابرودته" : الحمدلله نجحت العملية.. والمريض بخير
فرحت وتهلل وجهي.. الحمدلله يارب الحمدلله: طيب يادكتور اقدر اشوفه؟
الدكتور: هو الحين تحت تأثير البنج.. بس اذا تبي تشوفه ادخل ولا تطول
ابراهيم بفرح: انشالله .. مشكوور يادكتور
وانطلقت بسرعة للغرفة .. دخلت بهدوء.. كان منسدح ونايم وشكله يكسر الخاطر .. الحمدلله اللي رده لي بالسلامه
وقفت عند السرير وانا اتأمله ... قربت له وقبلت جبينه بهدوء
راكان صحى بتعب: ابراهيم
ابراهيم ببتسامة: الحمدلله على سلامتك يالغالي... طهور ان شاء الله
راكان يبتسم بتعب: الله يسلمك
ابراهيم: وشلونك الحين؟ وشلون يدك؟
راكان: الحمدلله
ابراهيم: تعورك يدك؟
راكان: ايه شوي... راج وينه؟
كشرت يوم سمعت اسمه: انحاش الله لا يرده ولا اللي معه
راكان: انحاشوا؟ ليش ما بلغت عليهم
ابراهيم: بعدين ... المهم سلامتك يالغالي
راكان ببتسامة: وقفتك هذي ما انساها لك... لولا الله ثم وقفتك معي كان انا الحين طايح بالاستراحة محد درى عني
ابراهيم: ما يوفيك جزاك يالغالي .. احاول ارد شوي من المعروف اللي سويته لي... انت ياراكان سويت لي معروف ما انساه طول حياتي
راكان: ههههه حبيبي انت
@@@@@@@@@@@@@@@@@@@@@@
بعد 5 ايام
طلع راكان من المستشفى وتحسنت حالته كثير.. بفضل الله
حاليا انا وراكان جالسين عند المسبح نسولف ونضحك
راكان: ههههههههههههههههههههههههه صدق اني كنت نذل
ابراهيم ببتسامة: ههههههههه امانه شسويت؟؟ قولي شوي من جرايمك وانت صغير
راكان: أي والله جرايم.. يومني صغير كان عندي عصفور صغير وكان يعيي يشرب مويه... قمت غطست راسه بالمويه دقيقتين.. لين مات
وكان عندي ارنب متهاوشين عليه انا واخوي.. قمت عصبت ورميت الارنب من السطح... المسكين تكسر
ابراهيم: اوح اوح ههههههههههههههههههه وش هالاجرام اعوذ بالله ههههههههههههههههههه
راكان: ههههههههههههه وهذا يعتبر ولا شي.. اصبر ماسمعت جرايمي بالمدرسة
ابراهيم: ههههههههههههههه وش سويت
راكان: كان فيه طالب يحبني مره... وكنت كل ما اقوله شي يسويلي... مره قلتله انحاش من المدرسة ورح اشتري لي من البقالة ... وتعال وانا اعطيك فلوس... والغبي طاعني وسواها... واول ما انحاش من المدرسة... انا رحت علمت المدير عليه... ويوم جاء اخذت منه الاغراض وقلتله روح للمدير بسرعة بيكرمك ويعطيك فلوس... وراح بس مالقى فلوس لقى كفوف ... هههههههههههههههههههههههههه
ابراهيم: هههههههههههههههههههههههههه حرااام عليك
راكان: ههههههههههههههه... ومره اخذت فلوس ابوي كلها وحطيتها بالمسبح... وقلت لاخوي يلا نسوي مسابقة من اللي يقدر يطب و يمسك الفلوس... المهم ابوي طب في المسبح يحاول يمسك الفلوس بس ماقدر... طلع وطير وجهي بكفوف وحرمني من الطلعة شهر .. اصلا عادي ههههههههههههههههههههههههههه
ابراهيم: ههههههههههههههههههههههههههههه اف وش ذا الاجرام... انا لو اسوي بأبوي كذا كان صلخ جلدي وسوى فيه نعال ... ههههههههههههههههههههههههههههههههههههههههه
راكان: هههههههههههههههههه ومره حرقت شعر ولد خالتي بالولاعة... صار شعره من فوق كأنه اناناس... ههههههههههههههههه
ابراهيم: هههههههههههههههههههههههههههههههه آآه بطني هههههههههههه راكان دمعت عيوني من الضحك... وش ذا الاجرام
راكان: ههههههههههههههههههههههههههه كنت نذل صح
ابراهيم: بزيااااده هههههههههههههههه
راكان ببتسامة: عاد كانت طفولة جميلة.. احلا شي انك تصير مجرم وانت صغير مو حلو انك تصير مؤدب... عشان تصير لك ذكريات
ابراهيم ببتسامة: أي والله.. الله يازين ذكريات الطفولة
راكان: انت كان عندك ذكريات حلوه بعد؟
ابراهيم: ما كانت حلوة كثير... الذكريات مهما كانت مُرّه إلا انها تكون جميلة وانت تفكر فيها وتتذكرها
راكان: أي والله صادق
ابراهيم: ماكانت طفولتي جميلة جميلة مثلك.. بس انها اجمل مما انا عليه الحين.. عشان كذا صارت ذكريات حلوة
راكان: أي والله .. يالله قوم أذن المغرب
رحنا للمسجد وصلينا.. بعد ما طلعنا من المسجد
راكان: مالي خلق ارجع الاستراحة ... شرايك نتمشى؟
ابراهيم ببتسامة: قدااام .. أي صح انا ابي اروح السوق محتاج اشتري اغراض
راكان ببتسامة: اجل يالله مشينا
ورحنا للسوق... اشتريت كل اللي احتاجه من ملابس واثواب وبدل.. واغراض شخصية وكل اللي احتاجه..
اخيرا حسيت بالحرية والراحة بعيد عن ظلم ابوي واضطهاده... اخيرا حسيت اني اقدر اسوي اللي ابيه بدون ما اخاف ولا اجبر على شي
الحمدلله يارب
راكان: هاه خلصت ؟
ابراهيم: ايه
راكان ببتسامة: اجل يله نروح كافي
رحنا لدكتور كيف وجلسنا
راكان: ابراهيم كم عندك اخو؟
ابراهيم: ثلاثه... فهد عمره 16 سنة ومحمد 14 وزياد بسادس ابتدائي
راكان: هم نفس الشي يتأذون من ابوك؟
ابراهيم: لا بلعكس ابوي يحبهم.. انا اللي مدري شفيه علي
وصل الطلب وجلسنا نشرب وحنا ساكتين
راكان: وزوجة ابوك ؟
ابراهيم: وش فيها؟
راكان: تكرهك مثل ابوك؟
ابراهيم: لا عادي.. بس انا اكرهها لانها تشوف ظلم ابوي وساكتة
راكان: يمكن هي اللي تحارش ابوك عليك
ابراهيم: والله مادري الله اعلم.. المهم الله فكني منهم الله لا يردهم لي
راكان ببتسامة: آمين
راكان: صح باقولك... بكرا اهلي بيجون عندي بالاستراحة.. لاني علمتهم بالسالفة وخافوا علي وقالوا بنجيك نتطمن عليك
ابراهيم: ايه اوكي.. وانا بقولك تراي أباخذ الملحق اللي ورا وبقعد فيه.. عشان اهلك ياخذون راحتهم
راكان: خلاص اوكي.. واذا راحوا اهلي ترجع للغرفة اوكي؟
ابراهيم: لا وش حقه؟
راكان: اجل تقعد بالملحق؟
ابراهيم: هذا المكان الطبيعي للحارس
راكان بعتاب: لا عاد تقول هالكلام ترا ازعل منك
ابراهيم: وش دعوا .. ماقلت الا الحقيقة
راكان: بس انت صديقي واخوي مو حارس وبس.. فرق لما تكون حارس عادي ولما يكون لك معزه بالقلب ..يفرق كثير.. عشان كذا لا عاد اسمعك تقول هالكلام فاهم؟
ابراهيم: ههههه ان شالله.. تصدق راكان انا اول ما شفتك ما ارتحت لشكلك ... بس الحين عزيز وغالي
راكان: هههههههههههههه انا اول ما شفتك حسبتك كيس زبالة ههههههههههههههههههههههههههههه
ابراهيم: هههههههههههههههههه الله يقطع شيطانك
@@@@@@@@@@@@@@@@@@@@@@
اليوم التالي
كنت قاعد اشيل اغراضي عشان انقلهم للملحق
حطيت الفراش والملابس والاغراض كلها
كان الملحق صغير شوي بس فخم.. مطلي باللون البني الفاتح والذهبي.. وجدرانه خشب فيها مربعات قزاز شفاف تخلي اللي جوا يشوف اللي برا والعكس.. تصميمه حلو جدا
خلصت من نقل اغراضي.. بالوقت اللي جو فيه أهل راكان
وجلست انا عند الاصطبل اناظر الخيول
جتني بنت صغيره تهبل عمرها 5 سنوات
البنت ببراءه: وث تثوي هنا "وش تسوي هنا"
ابتسمت لها: اناظر الخيول.. تعالي هنا
جات وشلتها: تحبين الخيول؟
البنت : لا اخاف منها
ابراهيم: هههه .. وش اسمك ياحلوه
البنت: اثمي ثوق.. بس ماعرف اقول اثمي ذين (بس ماعرف اقول اسمي زين)
ضحكت على برائتها.. ياناس تجنن
ابراهيم: اخوك راكان؟
شوق: ايه .. وانت ؟
ابراهيم: وش ؟
شوق: وث اثم اخوك ؟ "وش اسم اخوك"
ابراهيم ببتسامة: اسم اخوي فهد
شوق: ايه .. وين امك ؟
ابراهيم بحزن: امي في بيتنا
شوق: انا ماما داخل.. تعال ثلم عليها "تعال سلم عليها"
ابراهيم: ههههههههههههههههههههههه... لا مايصلح
شوق: ليه؟
ابراهيم ببتسامة: لان انا كبير .. والمفروض ما اشوف امك
شوق: طيب .. يلا بروح داخل
ابراهيم ببتسامة: لحظة.. سلمي علي أول
توها بتروح الا رجعت وباستني وراحت.. يا حليلها تهبل الله يخليها لاهلها
@@@@@@@@@@@@@@@@@@@@@

في المجلس:
(راكان)
كنت جالس مع عماني وعيالهم ومعنا جدي
عبدالله: راكان قول للحارس خل يجي يقهوينا
راكان: ايه ماقلتلك.. الحارس انحاش.. باللي مايرده
سالم: لا ما انحاش .. انا شفته اليوم
راكان باستغراب: وين شفته؟!
سالم: بالملحق .. مادري اذا هو او لا... المهم انا شفت صبي عندك بالملحق
ركان: الله يهديك أي حارس.. هذا صديقي
سالم: ماهقيتك تخاوي شباب هالشكل
راكان: ليه وش فيه هذا ؟!
سالم: مادري شكله ما اعجبني
راكان: ويعني تبيني ما أخاويه عشان شكله ما اعجبك؟
سالم: هد وش فيك متنرفز.. وبعدين انا اقول يعني شكله من شباب هاليومين المايعين اللي يطولون شعورهم
راكان: لا تحكم عليه من شكله .. تراه اخلاق
عبدالله: قوله يجلس معنا طيب
أي والله فكرة ورا ما أناديه يجلس معنا..بس مادري ابراهيم يحب جمعة الشباب ولا لا... اخاف اناديه وما يعجبهم ويجرحونه
عبدالله: وش فيك يالله ناده
راكان : طيب
ودقيت عليه: الو
ابراهيم: هلا راكان
راكان: ابراهيم تحب جمعة الشباب؟
ابراهيم: ايه طبعا... قصدك اجي اجلس معكم؟
راكان: ايه تعال
سكت شوي وهو يفكر.. وشكله متردد: اوكي خلاص
راكان: يالله نحتريك
ابراهيم: طيب
وسكرت
وبعد عشر دقايق دخل ابراهيم: السلام عليكم
الكل: وعليكم السلام
جا وجلس جنبي.. بهدوء
جدي يناظر: منهو ذا اللي دخل؟
راكان: جدي هذا خويي ابراهيم
جدي: اييييه .. من انت ولده انت؟
ابراهيم ببتسامة: ولد الفهد
جدي: انت من الرياض ؟
وبدأ جدي باسألته اللي ماتنتهي .. تعرفون لقافة الشيبان
ابراهيم: ايه.. بس انتقلنا هنا من اسبوعين
جدي: وش اسم ابوك؟
ابراهيم: احمد فهد الفهد
جدي: اعرفه
ابراهيم التفت لي بسرعه .. حسيت كأنه خايف ان جدي يعرف عن ابوه شي شين
ابراهيم: بس هو ماقالي انه يعرف احد من الشرقية
جدي: انا من الرياض يا خبل
ضحكنا كلنا.. وابتسم ابراهيم.. الله يهديه جدي ماعنده اسلوب
راكان يغير السالفة: ابراهيم تبي قهوة؟
ابراهيم: ايه اذا ماعليك امر
عبدالله: ابراهيم وين تدرس؟
ابراهيم: خلصت الثانوي وماكملت
عبدالله : ليه؟
الله يهديهم .. انا قايل انهم بيجرحونه
ابراهيم: بس.. انا قلت لابوي مابي اكمل قال براحتك
عبدالله: ياحضك ... انا لو ابوي مثل ابوك كان انا مرتاح
ضحكت انا وابتسم ابراهيم بسخرية
ابو عبدالله بعصبيه: عبدالله يالهيس الأربد.. اجل تبيني اخليك تقعد عطالي بطالي بدون شغل ولا مشغلة... انت بروحك مامنك فايده
الكل: هههههههههههههههه
عبدالله ببتسامة: مشكور يالغالي.. يجي منك اكثر
ابو عبدالله ببتسامة: عفوا يا ولدي عفوا
الكل: هههههههههههههههههههههههههههههههههههههههههههههههههه ههه
عبدالله يهمس لابراهيم: شفت شلون... انا ماعمري سويت شي زين ومدحني.. لازم يقول ما منك فايدة
ابراهيم ببتسامة: احمد ربك.. كافي حبه لك ووجوده حواليك
عبدالله استغرب وانا تأثرت .. عبدالله قام يأشرلي يعني وش معنى كلامه ؟ .. اكتفيت بإني هزيت كتوفي بمعنى مدري
عبدالله: يبه شفت ابراهيم وش يقول؟ ... يقول كافي وجوده حواليك.. يعني اهم شي انك معي اما المدح والثناء هذي نصبر عليها.. سأظل صابرا ومهما تسوي فيني ستظل ابتسامتي شاقتن وجهي "وابتسم ابتسامة غبيه"
ابو عبدالله ببتسامة: اقول العقل يا ولدي ولا العقال؟
( قصده تتأدب وتعقل ولا أجيك بالعقال ؟ )
جدي بعصبيه: محمد
محمد "ابو عبدالله" اخترش: سم يبه
جدي: وراك ع الولد؟؟
عبدالله بضحكه: ايه ياجدي شفه بس يهاوش
الكل: ههههههههههههههههههههههههههههههههههههههههه
وكملنا سواليف وضحك لين جهز العشاء
راكان: حياكم اقلطوا ع العشا... حياك ابراهيم اقلط معنا
وقلطتهم ع العشا .. وتعشينا
ابراهيم: انعم الله عليك
راكان: صحة وعافية
ابراهيم: وين اخوانك ماشفتهم؟
راكان: ماجوا
ابراهيم: ليه؟
راكان: بصراحه ... حتى انا مدري
سكت وشكله استغرب
ابراهيم: كم عندك اخ؟
راكان: 8 ثلاثه أولاد وخمس بنات
ابراهيم: الله يخليهم لك
راكان: آمين
ابراهيم: يلا بروح انام
راكان: اقعد معنا شوي.. شفيك تنام بدري ؟
ابراهيم: ههههه مايبيلها ذكاء لاني اقوم بدري ... يلا تصبح على خير
راكان: وانت من اهله
وراح ابراهيم... وانا رحت اجلس مع اهلي
@@@@@@@@@@@@@@@@@@@@@@
اليوم التالي
الساعه التاسعه صباحاً
(ابراهيم)
قمت الصبح.. واستغربت ان الاستراحة فاضيه
كان راكان جالس في الحديقة ويشرب قهوه ... رحت له
ابراهيم: وين اهلك؟
راكان: راحوا من ساعه ... مايقدرون يطولون عندهم دوامات
ابراهيم: اها .. "ببتسامة" وانت غريبه وش مقعدك بدري؟
راكان: انتبهت وقمت... وعجزت ارجع انام مره ثانية
جلست جنبه وانا ساكت
راكان: وش رايك نطلع نفطر ؟
ابراهيم: اوكي
وركبنا السيارة ... وفي الطريق:
ابراهيم: صح راكان وين ابوك؟ ماشفته امس
راكان بتكشير: ما جا
استغربت: اجل مين جا من اهلك؟
راكان: امي وخواتي ... بس
ابراهيم: ابوك في الرياض؟
راكان بطفش: لاااااا
ابراهيم:اعصابك وش فيك تكلمني كذا ؟
راكان بدون مايناظرني .. بهمس: مافي شي
سكت وبالتالي سكتت عنه
دخلنا للمطعم وجلسنا نفطر .. وبصراحه ماكان لنا نفس
مادري شفيه راكان انقلب مزاجه كذا ... من يوم جبت طاري ابوه وهو مو عاجبني
راكان: خلصت؟
استغربت وش فيه هذا ما امداني اكل ... لكني فضلت اقوم: ايه خصلت
راكان: يلا مشينا
بالسياره:
ابراهيم: راكان وش فيك ؟
راكان: ............... (لا رد)
ابراهيم: وش فيك ساكت رد علي
راكان بقهر وصراخ: مافيني شي انت ماتفهم
ابراهيم بعصبية: لا تصرخ علي ماني بزر عندك
راكان ياخذ نفس عميق..بهدوء: انا آسف... بس كنت معصب ومنقهر ... وفرغت عصبيتي عليك
ابراهيم: عسى ماشر ليش عصبت كذا فجأه !
راكان: مافي شي حبيبي .. بس عشان تذكرت ابوي
ابراهيم بصدمه: ابوك مات !!
راكان باستغراب: بسم الله عليه لا حي
ابراهيم باستغراب: اجل وشلون تذكرته ؟
راكان: لاني من زمان ماشفته
ابراهيم: ليه؟
راكان: هو مسافر برا وما يزورنا الا قليل
ابراهيم: طيب ليش كشرت يوم جبت طاريه؟
راكان: لاني اشتقت له
ابراهيم: واللي يشتاق يكشر !!!!!!
راكان: لا ابراهيم انت مافهمتني ... انا زعلان ومنقهر لاني من زمان ماشفته واشتقت له وهو ولا على باله يجي يزورني
ابراهيم : لايكون نفس ابوي !
راكان: لا حرام عليك ... ابوي حنون وطيب والله بس انه مسافر وما يزورنا الا قليل ... مو كره لنا لكنه مايقدر يجي كثير بسبب شغله
احبه ... واشتاق له ... بس يقهرني اني ما اقدر اشوفه كثير
ابراهيم: مو ذنبه والله ... هو يشتغل ويشد حيله عشان يوفر لكم اللي تبونه ويعزكم لانه يحبكم
راكان: أي والله
وسكتنا شوي
راكان يناظر المرايه الأمامية وهو مستغرب ومعقد حواجبه
ابراهيم: وش فيك؟
راكان: من هو ذا اللي يلاحقنا
استغربت وناظرت بالمرايه
ابراهيم بخوف: راكاااان !! .. راكان هذا ابوي
راكان بصدمه : قل قسم
ابراهيم: أي والله هذا ابوي
راكان: وش يبي؟
ابراهيم بخوف: يبيني انا أكيد ... هو قال بطلعك لو من تحت الارض ... راكان تكفى اسرررع
راكان بقلق: طيب بس انت هدي شوي
ابراهيم: اسرررررع هذا هو ورانا
راكان: هذاني دايس بأقوى ماعندي شوف العداد واصل 100
ابراهيم: طيب لف يمين يسار ضيعه
راكان صار يلف يمين يسار ويدخل في الحواري ويطلع ويروح عند الاسواق ويلفلف ويدور بس هو ورانا ورانا ماقدرنا نضيعه
ابراهيم بخوف: وجعلنا من بين أيديهم سداً ومن خلفهم سداً فأغشيناهم فهم لا يبصرون ..يااارب مايشوفني يارب
حالتي كأني قاعد على جمرة ماغير انطنط واناقز واتلفت من الخوف وادعي انه مايشوفني
راكان : اركد يا ابراهيم خلني اركز
ابراهيم بقلق:راكان ادخل هذا السوق
راكان لف من جهة السوق ودخل وصار يلفلف ويدور لين اختفى فجأه... والظاهر اننا ضيعناه
راكان: وينه
ابراهيم: مادري .. شكله ضيّعنا
راكان: اخاف يطلعلنا فجأه
ابراهيم بخوف: لا انشالله لا
راكان دخل في الباركينق حق السوق .. ووقف
وانا صرت اناظر راكان بخوف ... الله يستر... هو الحين عرف اني في هذي المنطقة وأكيد بيجي يدورني مره ثانية
ابراهيم بحزن: عرف الحين وين مكاني... وأكيد بيدورني مره ثانية... الله يعين متى بارتاح من هالعذاب
راكان بهدوء: ابراهيم .. مابيك تخاف ولا تحزن .. أنا معــاك

[ أنا معــــاك ]
شكثر أثرت فيني هالكلمة
وحسستني إني مب وحيد... حسستني إن لي سند في هالدنيا القاسية يوقف معاي ويدافع عني ويواسيني.. يشاركني لحظات الفرح والحزن ...حسستني إن لي أخ ماولدته أمي
حقاً رب أخٍ لك لم تلده أمك
وأنت يا راكان أخي اللي ماجابته أمي
شفنا بعض صدفة وكانت أحلى صدفه بحياتي
الله يحفظك لي يا مصدر فرحي وسعادتي
@@@@@@@@@@@@@@@@@@@@@@

نهاية الجزء الثالث
إيش سر حب راكان لابراهيم؟ هل هو تعاطف ولا صداقة و محبة حقيقية؟
تتوقعون أبو ابراهيم يتغيّر؟ ولا بيظل على ما هو ؟
ايش سبب كره أبو ابراهيم لولده وفلذة كبده؟ أم انه بدون سبب؟




__________________________________________________ __________
الجزء الرابع
عمـــــــــق الأحــــــــــــــداث
(راكان)
رجعنا للاستراحة .. وانا كنت فرحان لإننا رجعنا بسلام... وفشلت خطة ابو ابراهيم في إنه يلقانا
جاني شعور غريب من بعد ماتعرفت على ابراهيم ... حتى انا ماعرفت روحي واستغربت هالشعور
صرت حنون عليه كثير ... قبل انا ماكنت كذا وماقد حنيت على أخواني أو أحد اصدقائي كثر ماحنيت عليه وتعاطفت معه
صرت أحب اشوفه مبتسم ومبسوط ... يجيني شعور حلو إني قدرت أرسم بسمة على شفاة يتيم ... وادخل السرور على قلبه
أحب اواسيه وامسح دموعه ... شي داخلي يقولي انت اللي بتعوضه عن حنان الأب ... وفعلا هذا اللي بسويه
بأعطيه الاهتمام والحب والحنان ... اللي مالقاهم بأقرب الناس له
راح أكون له الأب والأخ والصديق والسند في هالدنيا ... بعوضه عن كـل شيء فقده وانحرم منه ... واحتسب الاجر من الله .
.....................
ابراهيم خلوني اوصفه لكم :
اسمر ونحيف وجسمه هزيل .. ملامحه تدل على الطيبة والعفوية ... ناعم وطيّب وحساس وشخصيته ضعيفه بسبب اللي صار له .. بالعربي " يكسر الخاطر"
شعره طويل إلى كتفة وناعم.. وسيم ملامحة دقيقه أنفه مستقيم عيونه ناعسه وحواجبه مرسومه ... ابن حلال واخلاق ماشالله عليه ومحافظ على دينه.. غامض وهادئ وكتوم جدا ... ابتسامته حلوة
.@@@@@@@@@@@@@@@@@@@@@
الساعة 6 مساء
جاني ابراهيم يركض: راكان
راكان ببتسامة : لبيه
ابراهيم بسخرية: شوف آخر نكتة وصلتني " ووراني جواله"
كانت رسالة نصية :
( ابراهيم
ابشرك عرفت وين مكانك يا حلو
وحفظت رقم السيارة اللي انت فيها
انشالله يوم يومين ولا ني لاقيك ومجرجرك عند ابوك مثل الكلب
تحسب إنك بتنحاش ؟
انت مالك الا بيت ابوك سامع ! بيت ا ب و ك >> يمطط الكلام عشان يقهره
لا تحاول تتغبى ولا تنحاش لاني لاقيك لاقيك
وبأجيب فشار عشان اتابع ابوك وهو يجلدك واستمتع 
باي يا حلو
عمك وتاج راسك بسام)

راكان بصدمه: مين هذا بسام ؟
ابراهيم:هذا واحد يشتغل عند أبوي .. كلب حاقد علي مدري وش سويت له كني ذابح أبوه وانا مادري
راكان: انت دايم توصلك رسايل تهديدات منه ؟
ابراهيم: لا هذي أول مره .. شفت يقول انه عرف مكاني .. وش اسوي الحين؟
راكان: ماعليك منه مايقدر يلمس شعره منك .. وان سوالك شي كسرت يده
ابراهيم: انا اصلا ما اخاف منه .. بس عشان وراه ابوي
راكان: ابوك اللي يطلب منه كذا ؟
ابراهيم: ايه .. وهو عاد لقاها فرصة وانبسط الكلب .. يحب يشوفني متضايق وحزين يستمتع الحقير
راكان : وش كبره هو ؟
ابراهيم: 30 سنه على ماضن
راكان: الله لا يطول بعمره
ابراهيم: آمين
سمعنا صوت الباب يطق
ابراهيم: بروح افتح الباب
وراح
@@@@@@@@@@@@@@@@@@@@@@@
(ابراهيم)
فتحت الباب لقيت شاب اول مره اشوفه
: السلام عليكم
ابراهيم: وعليكم السلام .. هلا اخوي ؟
بدا يناظرني باستغراب: مو هذي استراحة راكان؟
ابراهيم: الا ياخوي وصلت خير
: من انت ؟
ابراهيم: انت اللي من انت ؟!!
: انا واحد من ربعه .. انت السواق الجديد ؟
ابراهيم: نعم !!! انا سواق ياللي ماتستحي .. يله فارق يله .. يله
وسكرت الباب بوجهه
رجع يطق مره ثانية
فتحت الباب بطفش : نعم ؟
: ياخوي وش فيك كذا معصب ؟
ابراهيم: والله اسأل روحك .. اجل انا تقولي سواق !
: وش دراني انا .. آسفين ما عرفناك
ابراهيم: ابراهيم .. صديق راكان
: ابراهيم ! ماقالي ان عنده صديق بهالاسم .. طيب هو موجود
ابراهيم: ايه موجود .. انادي لك اياه ؟
: لا وخر ابدخل
ووخرت عنه ودخل .. وصار يدور وينادي بصوت عالي ويزاعق
: راكاااان راكااااااااااااااااااااان .. رااكاااااااااااااااان
طلع راكان بستغراب : خير وش فيه ؟ .. راشد !!
راشد: ايه راشد .. زين مانسيت اسمي بعد .. راكان وش هالقطاعة اعوذ بالله .. نسيتنا مره وحده
راكان: انت ناسي اللي صار بيننا ؟
راشد: ماصار شي بس انت الله يهديك تكبر الموضوع
راكان: سوري راشد .. انا ماقدر اماشي هالاشكال
راشد: هالاشكال ! .. ليه وش فينا مو مالين عينك استاذ راكان !
راكان: راشد كلمني عدل .. انا ماتركتكم الا يوم شفتكم ماتناسبوني وانا طبعي غير عنكم .. وماتصلحون لي ولا اصلح لكم
راشد: ايييييه كبر راسك علينا .. الله يالدنيا .. نفخت راسك علينا بهالدرجتين اللي ماخذهم في الجامعة
راكان بهدوء: راشد افهمني .. انا ما أناسبكم .. انتم شباب ضايعين فالينها ومايهمكم شي .. وانا انسان نظامي وابغى اكون ناجح في دراستي ومتفوق .. وانتم بتخربون علي وبتضيعوني.. أنتم بوادي والدراسة بوادي
راشد: اها يعني تركتنا عشان الدراسة ؟!!
راكان: عشان كل شي
راشد: شكرا ياخوي .. يجي منك اكثر
راكان: انا آسف .. بس ماقدر اماشيكم .. انا بطريق وانتم بطريق والله يوفقنا جميعا
راشد: يعني ما باذنك ماي ؟
راكان: لا
راشد: اوكي .. على راحتك
وتوه بيطلع الا استوقفه راكان
راكان: راشد .. وش اخبار طلال ؟
راشد بحقد: احسن منك .. "وطلع"
تنهد راكان ومرر أصابعه بشعره بضيق
ابراهيم: راكان .. ماعليه لو اسألك؟
راكان: تفضل
ابراهيم: وش قصتك معاهم ؟
راكان: هذولا كانوا اصدقائي من أيام الثانوية .. كانوا ساكنين معي بالرياض وتخرجنا مع بعض وانتقلنا للدمام مع بعض ورحنا لنفس الجامعة .. انا وراشد وخالد وطلال وعبدالعزيز .. كانت أيام حلوة ايام صداقتي معهم بالثانوية وهبالنا ووناستنا وشغبنا.. لكن يوم جيت الجامعة ما دخلنا نفس الأقسام .. بعدين انا عرفت انه لازم اشد حيلي خصوصا إني بالجامعة وفيه صعوبة بالمواد ولازم أشد حيلي عشان أجيب نسبة عالية .. بعكسهم هم كانوا مهملين ومايهتمون .. طول حياتهم لعب ب لعب .. ما انكر إني كنت مثلهم لكن تغيرت .. وهم مازالوا على ماهم.. حتى إن راشد كان لعاب وداشر ومغازلجي وانا كرهت هالشي .. ف قررت إني اتركهم لانهم مايناسبون لي.. وبيني بينك هم اصدقاء سوء .. يعني بيأثرون علي من ناحية الدراسة والسلوك والدين
ابراهيم:اها .. حلو إنك تركتهم ما دامهم اصدقاء سوء .. انتبه لا ترجع لهم
راكان: ايه طبعا
ابراهيم: الا ماقلت لي انت أي تخصص ؟
راكان ببتسامة : طب
ابراهيم: حلو .. يعني بتصير طبيب .. الله يوفقك
راكان ببتسامة: امين .. وانت ماودك؟
ابراهيم: بإيش ؟
راكان: بإنك ترجع تكمل دراستك
ابراهيم: لا أبداً
راكان: ليه ؟ .. لا تخلي أحد يأثر عليك هذا مستقبلك .. قولي وش طموحك؟
ابراهيم: كان طموحي أصير مثلك طبيب .. لكن الحين خلاص .. انكسرت عزيمتي وهمّتي
راكان: ارجع ابني كل شي من جديد .. لا تيأس
ابراهيم: راكان .. اللي انكسر مايتصلح .. وبعدين خلاص انا عافت نفسي كل شيء .. ماعاد ودي احقق طموح ولا احلام ولا خرابيط.. ابغى اعيش وبس
راكان: على راحتك مثل ماتبي .. ماني ضاغط عليك بشي .. بس متى مافكرت ترجع تكمل وتبني أحلامك من جديد .. تأكد إن انا معك وبوقف معك
ابراهيم بابتسامة: انشالله
رغم إني أنا وراكان بنفس العمر .. إلا إني أحسه اكبر مني بعشر سنين .. عقله رزين وتفكيره واسلوبه تدل على ذكائه وثقافته .. ماشالله عليه.. عقله اكبر من عمره بكثير
@@@@@@@@@@@@@@@@@@@@@@@@
اليوم التالي :
صحيت الساعه 9 صباحاً .. وكالعاده رحت اسوي شغلي من تنظيف وترتيب
تبون الصراحة .. خفت كثير من بعد رسالة التهديد اللي ارسلها لي بسام
ممكن بأي لحظة يلقاني ويمسكني ويوديني عند أبوي .. وارجع مثل قبل وكأنه ماصار شي .. تيتي تيتي مثل مارحتي جيتي
وش هالحالة بس .. عمركم شفتوا أحد يخاف من أبوه خوف الموت ؟ ويهرب منه كأنه عدو مو أب !
استغفر الله بس .. اللهم لا اعتراض
تركت الي بيدي ورحت اصحّي راكان .. تأخر عن الجامعة
دخلت الغرفة بهدوء .. وكانت ظلام وهدوء والمكيف ثللللج
شكله مو ناوي يقوم الأخ .. سحبت الغطا واللي كان متغطي كله فيه
ابراهيم بهدوء: راكان .. راكان يله قوم تأخرت عن الجامعة كثير
راكان: همممم
ابراهيم: يله اصحى الساعه 9 ونص
راكان صحى وقام يتثاوب .. نومه خفيف بسرعه يصحى
راكان وكله نوم : ليش قومتني ؟
ابراهيم: مو عندك جامعة ؟
راكان: الا .. بس تونا بالليل
شكله مضيع الأخ .. مايدري هو في الصبح ولا الليل !
ابراهيم: أي ليل الله يهديك.. الحين الساعة 9 ونص الصبح
راكان شهق : هئئئئ الساعه 9 ونص !
ابراهيم: ايه
راكان: وتوك تقومني ؟!
ابراهيم: وانا شدراني على بالي بتقوم .. يوم شفتك تأخرت قومتك
راكان: زين زين .. ابراهيم الله لا يهينك جهز الفطور بافطر ع السريع واطلع
ابراهيم: اوكي.. يله قوم
راكان: ابراهيم ترا اليوم بنروح مشوار
ابراهيم: مشوار ؟ وين ؟
راكان: باقولك بعدين .. بس حبيت يكون عندك علم .. يله عن اذنك بروح اتجهز
وقمت انا وجهزت فطور خفيف بيض وجبن ومربى وقشطة وزيتون وقهوة نسكافيه

كل يوم كذا انا وراكان .. نصحى الصبح الساعه 9 ونفطر مع بعض بعدين يروح لجامعته وانا ابدا شغلي انظف وارتب غرفتي وغرفة راكان والصالة والمطبخ .. ثم اروح اسقي الزرع والاشجار ثم اعطي الخيول أكلهم واذا كنت فاضي اغسلهم .. اشتغل الى الظهر ثم ارتاح شوي واكل لي شي خفيف للغداء .. واحيانا راكان اذا ماكان عنده محاضرة بهالوقت يجي للاستراحة ونروح نتغدى انا وياه .. بعدين يرجع الساعه 6 المغرب واكون انا مسوي القهوة والشاهي واشب الضو ونجلس على الزرع نسولف وهكذا
رغم انه روتين متكرر الا اني ما احس بالملل أبد .. المكان الحلو والنفسية لهم دور .
قام راكان وجلسنا نفطر انا وياه
راكان: ابشرك .. الشرطة مسكوا راج
ابراهيم بفرحه: والله ؟ .. شلون؟
راكان: انا بلغت عليه ومسكوه .. احسن يستاهل وقليل بحقه بعد
ابراهيم: أي والله .. اللي سواه مو شي قليل.. تخيل كان يعطي البنات فلوس عشان يزني بهم .. ومبسط باستراحتك على كيفه .. استغفر الله بس
راكان بقهر: الله يعلم كم مرا سوا هالشي باستراحتي .. وانا يا غافلين لكم الله .. لولا الله ثم انت كان للحين انا على عماي والكلب يلعب بذيله من وراي
ابراهيم: الحمدلله مسكته الشرطة وافتكينا منه .. لاعاد تجيب طاريه هالوصخ
راكان: أي والله
خلص راكان الفطور وراح للجامعة وانا قعدت انظف واسوي شغلي الى العصر
الساعه 4 عصراً
دق علي راكان
راكان: اليوم ماعندي محاضرات كثير عشان كذا بجي الحين .. عشان المشوار اللي قلتلك اياه .. انا بالطريق الحين
ابراهيم: اوكي .. بأبدل واجي
رحت ابدل ملابسي وانا مستغرب وش هالمشوار اللي بيوديني اياه .. يلا نشوف وش ورانا
خلصت تبديل ملابسي وقعدت عند المسبح انتظره يجي
ماحسيت نفسي الا وانا طاير بالهواء وطايح بالمسبح بقوه
واسمع راكان يضحك : ههههههههههههههههههههههههه
ابراهيم: هههههههه ياالنذل ليش كذا ... توني مبدل ملابسي
راكان:هههههه برهومي لي ساعه اناديك ماترد .. اللي ماخذ عقلك يتهنا به
ابراهيم: والله ما اخليك
واطلع من المسبح بسرعه والاحقه وينحاش وندور حوالين المسبح فجأه
الا هو زالق وطااااير فوق ويطيح ع الارض بقوه
ابراهيم: سلامات هههههههههههههههه
راكان: آآآي ظهري تكفى ابراهيم لا تدف اصبر شوي آآآه
ابراهيم بضحك: علي الحرام دافك دافك
وامسكه مع رجله واسحبه ع الارض ابي اوصله للمسبح ووجهه على الارض ودخل التراب في فمه وعيونه وهو يتمسك في الارض وحافة المسبح بقوه
راكان :آآي ابراااااهيم اتركني خلاص والله آسف
واسحبه واطيحه في المسبح : ههههههههههههههههههههههههههههههه احسن
راكان بعد مادخل الماء في فمه وخشمه وعيونه : كح كح والله ما اخليك يالنذل كح
واشوفه يطلع من المسبح بسرعه وانحاش وادور حوالين الاستراحة وياخذ هو تراب من الارض وطبعا يده مبلوله فصار التراب الطين ويصفقه بظهري
عصبت انا واروح اخذ جيك ماء واكبه على التراب وهو سوا مثلي وابدا ارمي عليه الطين وعاد بدت الحرب العالمية الثالثة وضرب وكفخ وتكفيخ ولعن وسب وشتم وانواع الدعاوي
راكان: ههههههههههههه ابراهيم خلاص تكفى هههههههههههه
صرنا مليانين طين كأننا طالعين من مقابر
راكان اخذ طين كثير بيده ومعهم حصاة ويفلق ظهري بأقوى ماعنده
طبعا ماكان يدري ان فيه حصاة واعصب انا والله ما اخليه الدب والاحقه
ويروح عند السيارة ويدور حولها واجي منا واحاول احدّه لكن بدون فايدة
ابراهيم بعصبية: تعال يالدب والله لا وريك
راكان: ههههههههههههههههه ابراهيم والله آسف مادريت
ولاحقه ويرقى فوق السيارة وارقى معه فجأه طبببب طاح من فوق السيارة على الارض
ابراهيم بحقققد : احسسسن
راكان: آآآه ظهري ههههههههههههههههه خلاص تكفى ههههههههههههه والله توجع آآه
ابراهيم ببتسامة: تستاهل
ومسكت يده وقومته
راكان وهو ينفض ثوبه: بروح اتروش .. شف شكلي بس كلي طين كله منك يالثور
ابراهيم: ههههه والله مادري من بدى
@@@@@@@@@@@@@@@@@@@@@@@@
ورحنا كلنا نتروش ونغير ملابسنا
راكان: خلصت؟
ابراهيم: ايه .. الحين صدق بسألك وش المشوار اللي بنروح له ؟
راكان: الحين اقولك
وركبنا السيارة .. وفي الطريق
راكان: ابراهيم كم نسبتك بالثانوية ؟
من يوم سمعت طاري النسبه كشرت: تفكى لا تذكرني
راكان: كم طيب ؟
ابراهيم: 78%
راكان: طيب معاك شهادة كمبيوتر ؟
ابراهيم باستغراب: لا
راكان: ولا دورات ولا شي ؟
ابراهيم: لا .. ليش كل هالاسئلة ؟
راكان: بادور لك وظيفة تحصل منها راتب ينفعك .. انا ماني دايم لك يا ابراهيم
( راكان كان يقصد إنه ممكن يتزوج وينشغل عن ابراهيم أو يرجع يسكن في الرياض مع أهله أو لا سمح الله يموت أو أي شي يصير له يخليه ينشغل عن ابراهيم عشان كذا مو دايم له .. وابراهيم فهم غلط )
ابراهيم "حسيت كأنه يبي يفتك مني .. يبيني اتوظف عشان استاجر بيت او شقة واطلع من الاستراحة .. واضف وجهي عنه ..أكيد مايبيني اشتغل عنده عشان مايصرف علي .. حزت بخاطري صراحة
هيّن يا راكان.. ان قمت الصبح ولقيتني عندك في الاستراحة ما اكون انا ابراهيم"
ابراهيم بقهر: اصلا مامعي اوراقي ولا شهادات ولا شي .. يعني وفر على نفسك التعب
راكان: ليش؟ وينها اوراقك ؟
ابراهيم: مع ابوي اكيد
راكان: أي صح نسيت .. اففف مشكلة والله
متضايق يبيني اطلع من عنده بأسرع وقت .. طيب ياراكان بكرا بيتحقق لك اللي تتمناه ياالنذل .
ابراهيم: والحين وين بتروح ؟
راكان: بارجع للاستراحة يعني شبسوي .. مافي فايدة
ابراهيم باحتقار: لو انك قايلي وش المشوار اللي بنروح له كان قلتلك ان ماعندي اوراق من زمان .. وبلاها هاللطلعة البايخه
راكان طيّر عيونه باستغراب: ابراهيم وش فيك قلبت؟ ريلاكس حبيبي ريلاكس
سكتت عنه ... أذن المغرب ورحنا صلينا في المسجد ورجعنا للاستراحة
طبعا كنا دايم نفرش على العشب عند مشب النار.. ونحط دلال القهوة والشاي.. ونجلس بهالمكان بعد اذان المغرب
اول مادخلت للاستراحة قعدت بهالمكان بطفش .. حتى راكان اللي كنت معلق كل آمالي فيه يتضايق مني ويبي الفكة بسرعه .. وش ذا الحاله ياربي
جا راكان قعد جنبي ..قال وهو يفصخ جاكيته: اليوم الجو حلو .. مو بارد ولا حار ..
حتى الجلسة حلوه صراحه
سكتت ومارديت
راكان ببتسامة: لو اننا بالرياض كان طلعنا للثمامه .. لكن دامنا بالشرقيه نروح للبحر .. احلى صح ؟
انا لا رد
راكان: نفسي نطلع للبحر ونروح نشوي .. انت وش رايك ؟
نفس الشي ما رديت
راكان: تدري اني قاعد اكلم جدار
مارديت عليه
راكان: ابراهيم ياهووه .. لي ساعه اكلمك شفيك ما ترد
انا جالس اتأمل النار وساكت
راكان: اليوم انت مو عاجبني ابد .. طول الوقت تفكر وما ترد علي .. وش شاغل بالك ؟
نفس الشي مارديت
راكان: خلاص اوكي لاترد .. انا عارف وش شاغل بالك
ابراهيم بسخريه: وش ؟
راكان: ههههههه شفت خليتك ترد
ناظرته باحتقار ولفيت وجهي عنه
راكان: لا صدق ابراهيم وش فيك ؟
ابراهيم بطفش: راكان اسكت تكفى
راكان: ماني ساكت لين تقولي .. وش فيك حبيبي؟ ضايقتك انا بشي صح ؟
سبحان الله .. راكان دائما فاهمني وحاس فيني .. لكني طالع من الاستراحة طالع .. فكرت اني لو سكتت اكثر بيستمر بالاسئله والالحاح .. ف قررت اني اكذب عليه
ابراهيم: ما فيني شي .. بس راسي مصدع .. واكيد اللي راسه مصدع ما يحب الازعاج
راكان: اها .. زين على بالي ضايقتك بشي وانا مادري
أي والله ضايقتني وزعلتني بعد .. افف بس متى يجي بكرا عشان اطلع بسرعه
ابراهيم: لا ابدا .. ماعمرك زعلتني بشي
كانت واضح انها سخريه لكن راكان ما انتبه .. قلت هالشي عشان ما يشك اني بطلع ويمنعني .. اصلا مو على كيفه لو ابي اطلع طلعت .. لكنه اكيد بيلحّ علي وبيزعل وبيكسر خاطري ف بالتالي بتراجع عن قراري على طول... اصلا مادري صدقه من كذبه .. شكله يمثل انه يحبني ويبيني عشان ما يحرجني .. لكن انا فاهم
سكت راكان وسكتت انا ... وخيّم الصمت علينا
لين أذن العشاء ورحنا نصلي أنا وياه بالمسجد.. ثم رجعنا للاستراحة
ابراهيم : انا بروح انام .. تصبح على خير
بالحقيقة ماكان فيني النوم .. بس بروح اخطط كيف اطلع بكرا بدون ما يدري .. و باقعد بغرفتي ما ابي اشوف وجهه .. كرهته خلاص .. ادري بتقولون اني كذاب .. انا احاول اقنع نفسي اني كرهته عشان ما يأنبني ضميري لا نحشت
راكان باستغراب: بتنام الحين؟! بدري مره ! .. شكلك تعبان.. تبيني اوديك للمستشفى ؟
الحين قلتله راسي مصدع قال باوديك المستشفى! .. لا تمثل إنك تحبني ياركان .. خلاص انا كشفت كل شي
ابراهيم : لا مو تعبان بس راسي مصدع شوي .. باكل لي بنادول وانام .. وبعدين طبيعي انام بدري انا اقوم الساعه 9 او 8 ونص كل يوم .. يلا تصبح على خير
راكان: وانت من اهله .. لا تنسى الاذكار
ابراهيم: انشالله
ودخلت غرفتي وسكرت الباب .. وانسدحت على السرير وانا افكر
الحين راكان يقوم يصلي الفجر الساعه 4 .. ثم يرجع ينام ويقوم الساعه 9
لازم بين هالوقتين اطلع بسرعه وبدون ما يشوفني .. ممم يعني الساعه 7 مناسب
ابطلع وبادور لي مكان اسكن فيه .. الحمدلله معي فلوس صح انها قليلة وما تكفي .. لكن احسن من اني اقعد هنا على حساب كرامتي
بسكن في أي مكان حتى لو شين .. نموت لكن ما تموت الكرامه
واستمريت افكر ساعه كاملة
قطع تفكيري دخول راكان المفاجئ للغرفة .. خفت كنت افكر بصوت واكلم نفسي.. الله يستر لايكون سمعني بس
راكان: ابراهيم ! غريبه ما نمت
الحين داخل علي عشان يسألني اذا نمت او لا .. صدق سخيف
ابراهيم: لا توني .. تبي شي ؟
راكان تقدم لين وقف عند سريري: جاتني رسالة .. توقع من مين؟
ابراهيم: مين؟!
راكان: بسام .. مادري شلون عرف رقمي
ابراهيم بصدمه: و وش يقول ؟؟
راكان: يقول اعترف وينك وطلّع ابراهيم لا اوريك شي عمرك ماشفته .. يهدد ويهايط هو ووجهه يحسبنا خايفين
بلعت ريقي بخوف: والحين وش الحل
راكان: لا تخاف منه مايقدر يسويلك شي .. لا تخاف دامني معاك
هه! انت بروحك مو مستحملني .. كيف تدافع عني بعد !
ابراهيم بحزن: ما اقول الا حسبي الله عليه ونعم الوكيل.. وكفى بالله حسيباً
راكان: الله بيجازيه على ظلمه انشالله .. صدقني ماراح يسرح ويمرح في هالدنيا وهو ظالم .. الظلم ظلمات يوم القيامة
ابراهيم بتنهيده: الله يصبرني بس
جلس راكان بجنبي على السرير .. وحط يده على كتفي مواساة لي .. ابتسمت له .. الله يعيني على فرقاك
راكان ببتسامة: ما قلتلي وش فيك اليوم ؟
ابراهيم ببتسامة: مافيني شي
راكان: تراك مو عاجبني اليوم
ابراهيم: ليه وش فيني ؟
راكان: وش فيك ! .. نسيت يوم اكلمك وما ترد
ابراهيم: كان راسي مصدع ومالي خلق للازعاج
راكان: وحسيت كنك تتهرب مني يوم تقول بنام .. وشكلك مافيك نوم اصلا
ابراهيم: لا صدقني فيني النوم وراسي مصدع .. بس ماقدرت انام فيني ارق
راكان: طيب دامك لسا ما نمت قوم صل الوتر "ببتسامة" بتنفعك ومراح تخسر شي
ابراهيم ببتسامة: انشالله
وصليت 3 ركعات .. بعدها رحت انام
@@@@@@@@@@@@@@@@@@@@@@@@
الساعة 9 صباحاً
(راكان)
قمت وانا نصي نوم ومالي خلق ونفسي في خشمي
تروشت ولبست ملابسي وتجهزت أي كلام ورحت المطبخ
ابي شي اكله يفتح نفسي .. من امس على لحم بطني
لقيت المطبخ فاضي وعلى ماهو من امس
غريبه وين ابراهيم ماجهز الفطور ؟
خمنت انه بالاسطبل ينظف او يسوي شغله
بالتالي طنشت وسويت فطوري بنفسي .. وقعدت افطر على الطاولة بكسل
مرت ربع ساعة
لاحظت شي غريب .. هدوء وسكون قاتل .. مافي الا صوت الهواء .. وانفاسي !
راكان: ابراهيم .. ابرااااهيييييم !
معقولة للحين نايم من امس ! .. بروح اشوفه يمكن تعبان
رحت لغرفته وطقيت الباب .. وفتحته بهدوء .. وكانت الغرفة فاضيه
أكيد قايم بس وينه ؟ .. رحت دورته بالاسطبل مالقيته .. دورت بالملحق والصالة والغرف الداخلية وعند المسبح وبكل مكان .. زاد قلقي ورجعت لغرفته مره ثانية
لقيت ورقة على السرير ما انتبهت لها .. فتحتها كانت رسالة بخط ابراهيم :
راكان .. انا آسف
لكني اضطريت اطلع من عندك .. ماكنت ابغى اجلس عندك واكلف عليك بدون فايدة تسوى ... ولا كنت بجلس على حساب كرامتي .. خصوصا بعد ما طلبت مني اتوظف ... كنت عارف اني كلفت عليك بالمصروف .. وانا مقدر حالتك صعبه ان الواحد يصرف على شخص وينفق عليه كل اللي يحتاجه وهو مو مكلوف بهالشي
راكان انا آسف انا حبيتك وتعلقت فيك كثير .. لكن شنسوي القدر اكبر من كذا .. يعني لو ظروفي احسن .. لو اقدر اتوظف واساعدك بالمصروف واشيل عنك بعض التكاليف كان احسن من قعدتي بدون فايدة .. لكن شسوي لا فلوس معي ولا اقدر اتوظف ولا شي .. راكان لا تقلق علي انشالله اني بلقى مكان اسكن فيه .. لو كان هالمكان صغير ومو حلو لكن مثل ما قال المثل " مد رجلك على قد لحافك "
وانشالله بيرزقني بوظيفة واقدر ارد لك شوي من اللي عطيتني اياه
اخيراً اقول الله يوفقك واهتم بدراستك ومستقبلك وانتبه لنفسك
كنت خير أخ لي في هذي الدنيا القاسية .. الله يوفقك وين مارحت ويعيني على فرقاك
راكان.. لاتنتظرني لاني ماراح ارجع .. فمان الله يالغالي
ابراهيم
....................
قريتها للمره السابعه .. يعني خلاص ! .. انتهى كل شي ؟! .. رميت الورقة بقهر .. ليه يتركني ليه ؟ .. بعد ما تعلقت فيه وحبيته كثير ..لكن ليش؟.. عشان كرامته ! ... اصلا انا ماعمري ذليته ولا اهنته .. ولا قد منّيت عليه بالفلوس اللي اعطيه اياه
كنت اعتبره اخوي واكثر من اخوي .. والاخوان ما بينهم كرامه
اخذت الجوال ودقيت عليه .. ومثل ماتوقعت جواله مقفل
ابراهيم والله انك فاهم غلط .. انا ماكان قصدي اهينك ولا احسسك بإنك عالة علي ... انا كنت ابغاك تتوظف عشان تعز نفسك وما تحس إني متفضل عليك .. هذا كان قصدي ..لكن انت تسرعت بظنك لي .. الحين من يقعد معي ويونس وحدتي؟ .. الحين بصير وحيد بهالمكان اتكلم ولا القى من يرد علي .. هدوء وكآبه ووحده موحشه هذي حالتي بدونك يا ابراهيم ... يارب يحس ضميرك وترجع يارب
@@@@@@@@@@@@@@@@@@@@@@@@

نهاية الجزء الرابع
توقعاتكم :

وين بيروح ابراهيم ؟


__________________________________________________ __________
بسم الله الرحمن الرحيم
الجزء الخامس
عـــمـــــق الأحـــــــــــــــــداث
(ابراهيم)
صار لي يومين من فارقت راكان
ورحت اشتغل حمال في احد المحلات في سوق الخضار .. المحل كان صغير وعلى قد حاله .. كان صاحب المحل اسمه ابو محمد .. وهو فقير وعلى قد حاله .. وبنفس الوقت بخيل وعصبي واخلاقه شينه
كان شغلي اشيل الصناديق والأكياس واوديها للسيارات .. واحيانا يعطوني فلوس واحيانا لا
على حسب كرم الشخص
اشتغل من الساعه 10 الصبح الى بعد صلاة العشاء .. ثم ارجع للبيت
عفوا للسكن .. واخيس شقة في السكن .. سكنت في سكن عمال مع عمال من الجنسية الهنديه .. طلبوا مني اشتغل عندهم واسويلهم الغداء والعشاء وانظف المكان مقابل السكن معهم لاني مادفعت فلوس
كانوا يكرهوني بشدة .. ويتآمرون علي كني اصغر عيالهم.. واحيانا اطبخ لهم بس مايعطوني اكل
زود على ان المكان ضيق ووصخ وشين .. معاملة سيئة بعد
حياتي صارت جحيم من بعد ماطلعت عن راكان .. لكن راكان اكيد مبسوط الحين افتك مني وارتاح لانه مايصرف علي .
قطع علي افكاري صرخة راعي المحل : انت يا هيييييه .. لي ساعه اناديك
ابراهيم: نعم ؟
الراعي "ابو محمد" : قم شيل صندوق الطماط هذا ووده للسياره يله
ابراهيم : انشالله
ورحت اشيل الصندوق ووديته لسيارة الزبون .. ورجعت
ابراهيم: ترا قرب يأذن العشاء .. وانا بروح الحين
ابو محمد : روح انا ماسكك !
ابراهيم بكراهيه: لا ماقلت كذا .. بس عطني فلوسي
ابو محمد طلع من جيبه 20 ريال وعطاني اياه
ابراهيم : عشرين بس ! .. من الصبح وانا اشتغل واخرتها عشرين !
ابو محمد : ايه مو عاجبك ؟ .. ترا حتى احنا على قد حالنا مو بس انت
ابراهيم بحزن : الله كريم
وطلعت من المحل ورحت للمسجد لين أذن وصليت ودعيت الله يفرج همي وهموم كل المسلمين .. آمين يارب
طلعت من المسجد بروح للعمارة اللي ساكن فيها .. وكانت بعيده .. لازم امشي مسافة على رجولي ..يالله
وصلت العمارة ودخلت الشقة .. كانت صغيرة ومكونه من صالة وغرفتين ومطبخ وحمام واحد .. رحت للغرفة وانسدحت ع الفراش الخفيف والمقطع .. ونمت
بعد ساعه .. حسيت بأحد يصحيني بعنف ويرفس ظهري
بعصبيه: قوم يلا سوي عشا .. انتا ليش في نوم الهين "الحين"
كان هذا واحد من الهنود اللي ساكنين معي .. وهو ال big boss كل شي يقوله لازم نسويه انا والعمال اللي معي .. كان متسلط وكريه جدا
الهندي: يلااا سورئه سوي عشا .. خمسه دقيقه انا في شوف عشا خلاص
بعد خمسه دقيقه هو وجهه .. وش يمديني اسوي فيها هذي .. قمت بقهر وغسلت وجهي ورحت المطبخ
الحين وش يبون عشا ذولا .. يلا اكيد نفس كل يوم فول وفلفل .. الله يسد نفوسهم
انا ماعرف شلون اسويه اصلا .. رحت خذيت علبة الفول وحطيته في قدر وحطيته على النار لين حسيته ذاب شوي وحطيته في صحن وحطيت خبز ووديته لهم .. وحطيته ورحت
وانا رايح سمعت اصواتهم وتذمرهم : ليش مافي ملح .. ليش مافي طبخ زين .. وين فلفل
احمدوا ربكم اني مسويلكم بعد
رحت للغرفة وكنت جائع وفيني النوم .. فتحت دفتر اشتريته قبل فتره
عشان كلما ضاق صدري كتبت .. بافرغ همومي كلها ع الورق
فتحته وكنت اول مره اكتب .. وما اتوقع انها اخر مره
سأنام بهدوء وكلي يقين **** بإن ربي سيكون لي معين
لعل غدي يكون افضل **** لعل بالصبر الفرج يأتين
سكرت الدفتر ونمت ... وأملي بربي كبير .
@@@@@@@@@@@@@@@@@@@@@@@@@
(راكان)
كنت منسدح على السرير افكر ... الحين صار له يومين من طلع .. ومايرد على الجوال ولا شي
آه وش حالتك يا ابراهيم .. شبعان ولا جوعان ... متضايق ولا فرحان ... مرتاح ولا تعبان ؟
بس لو انك انتظرت شوي ... لو انك ماتسرعت بفهمك وظنك لي .. ولا لو انك ترد علي بس اتطمن انك بخير ... كان ماصرت بحالتي هذي
انا خايف وقلق عليك كثير ... يارب يحس ضميرك وترد علي
دقيت عليه بالجوال بمحاولة يائسه .. لكن مارد ... مثل ماتوقعت
تنهدت بحزن ... ونمت وانا مهموم
وناموا ابطالنا ... وكل واحد يحمل على صدره جبال ثقيله من الهموم ....
@@@@@@@@@@@@@@@@@@@@@@@@@@
صباح جديد لأبطالنا الحلوين ☺
الساعه التاسعه صباحا
(ابراهيم)
قمت الصبح بدري كالعاده ... دخلت المطبخ ادور لي فطور .. افف مافي شي آكله
ثلاجة هنود وش تتوقعون يكون فيها ؟
قررت اروح السوبر ماركت اشتري لي ... بس تذكرت ان ماعندي سيارة
دخل واحد من الهنود المطبخ وجلس يشرب ماء ... وانا اناظره
: ايس فيه ؟
ابراهيم: يعقوب ماتعرف سوبر ماركت قريب من هنا ؟
يعقوب: ايوا فيه سوبر ماركت قريب .. قدام هذا هوسبيتال >مستشفى
ابراهيم: مشكور
وطلعت ورحت للسوبر ماركت مشي .. وصلت ورحت اشتري اغراضي
وانا اتسوق شدني منظر اب مع اثنين من اولاده
الولد1 : يبه وش نجاحتنا ؟
الولد 2: ايه صح .. باقي اسبوع ونخلص من الترم الاول
الاب بضحكه: بس توكم ماخلصتوا السنه .. باقي لكم ترم ثاني
الولد 2 ببتسامة : عادي يبه
الاب ببتسامة: خلاص انشالله اذا طلعت الشهادات لكم مني اللي تبون
الولد 1: يبه اذا خلصنا ابغى اشتري بليستيشن 3
الاب ببتسامة: انشالله .. كم عندي من تركي انا ؟
الولد 2بفرحه: وانا بعد ابي اشتري لاب توب
الاب ببتسامة : انشالله من عيوني .. انا بشتري اللاب توب والبلايستيشن من الحين .. وبالاجازه بعطيكم اياه .. بس هاه لا يلهيكم عن دراستكم
الاولاد: مشكووور يبه
الولد 2 بفرحه: يبه صدق انت فله
الاب: ههههه حبيبي انت
ابتسمت بحزن وانا اطالعهم .. انا محروم ولا عمري حسيت بهالشعور .. ياحظهم بهالأب الحنون
الاب انتبه اني اطالعهم بحزن: في شي يا اخوي ؟
ابراهيم بغصه : لا .. بس باقولك شي .. مافي اصدق من نصيحة انسان عاش التجربه .. وانا بقولك نصيحتي .. انتبه لعيالك زين وعطهم اللي يبونه ..لا تقصر عليهم بشي .. لا تخليهم يحتاجون لأحد ... لاتخليهم محرومين .. مثلي
الاب تأثر وبنفس الوقت استغرب والعيال مصدومين .. شلت اغراضي ورحت عنهم
حاسبت وشلت اغراضي وطلعت
ورحت عند البحر .. البحر جميل .. تحس انك ودك ترمي همومك كلها عليه ويجرفها البحر لبعيييد .. وتتخلص منها للأبد
جلست على صخره كبيره نوعا ما وانا اتأمل البحر .. والسفن تسري عليه ..ومنظر الطيور وهي تطير وتحوم حوله وتبحث عن طعام.. حتى الطيور واثقه ومتيقنه بإن الله بيرزقها ما تسد فيه جوعها .. وانا كيف ايأس من رزق ربي ؟! .. تذكرت قول الرسول صلى الله عليه وسلم ( لو أنكم كنتم توكلون على الله حق توكله لرزقتم كما يرزق الطير تغدو خماصا وتروح بطانا) .. حتى الطيور ماينساها رب العالمين .. تروح في الصباح وهي جائعه وترجع وهي مليئة البطون .. وانا عبد من عباد الله كيف ايأس من رزق ربي ورحمته .. كيف ما اتوكل على ربي وهو حسبي .. (وعلى الله فتوكلوا ان كنتم مؤمنين) .. اللهم إني توكلت عليك فارزقني من حيث لا احتسب وانصرني على من ظلمني يا ارحم الراحمين
قمت من عند البحر وشلت اغراضي ورحت للشقه وحطيتها.. ثم رحت الشغل وانا متفائل ومحسن الظن بالله
@@@@@@@@@@@@@@@@@@@@@@@@@
(راكان)
قمت الصبح وانا نصي نوم وطفشان ومنسده نفسي
تجهزت على السريع ورحت للمطبخ وأول مادخلت انسدت نفسي اكثر
الله لايوريكم شكل المطبخ كيف كان
المواعين الوصخه واصله للسقف من كثرها .. والفرن وصخ ومواعين عليه من 3 ايام ماحد شالها .. والثلاجه مفتوحه والاكل طالع برا .. لاني امس شريت اغراض من السوبر ماركت وكانت الثلاجة مليانه من الاصل وماعرفت ارتبها واحطها زين .. حطيت الاغراض كلها بأكياسها وكراتينها بالثلاجة وسكرتها بصعوبه .. يمكن هذا اللي خلا الثلاجة تنفتح والاغراض تنكب لان شكلها انفجرت امس بالليل
يالله شكل مافي فطور اليوم .. باضطر افطر من المطعم واتأخر نفس كل يوم .. جيت باشرب مويه بس طلع مافيه كاس .. او بالاصح مافي ولا كاس نظيف
يالبيه يا ابراهيم .. كان كل يوم ينظف المطبخ ويغسل المواعين ويكنس ويجهز الفطور .. اقوم الصبح القى المطبخ يلمع من النظافة والطاولة مليانه اكل تنفتح نفسي لا قمت .. مو الحين لا دخلت المطبخ تلطمت من الريحه الخايسه
هذا وهو ماصار على طلعته الا 3 ايام بس .. الله يعيني بالايام الجاية
انا فاقده من جميع النواحي .. من ناحية التنظيف والترتيب والاهتمام .. ومن ناحية اني مو لاقي احد يسولف معي ويونس وحدتي
مستحيل اجيب عامل ينظف ويرتب .. لاني من بعد سالفة راج ماعاد صرت اثق في احد .. اجل يجيني واحد الله اعلم باخلاقه أأمنه على استراحتي واخليه كل يوم يجهز لي الاكل والله اعلم بنظافته
اففف بس .. وش هالحاله ياربي
اخذت سيارتي ورحت للجامعة .. ووصلت متأخر
دخلت المحاضرة ووقفني الدكتور : راكان وش فيك متأخر ؟
راكان: عندي ظروف يا دكتور
الدكتور: تدري هذي مو اول مره تتأخر.. وكل مره تقولي ظروف وظروف
راكان: آسف بس مضطر اتأخر
الدكتور: الحين راحت نص ساعه من المحاضرة .. اذا تأخرت مره ثانية مراح ادخلك .. ادخل يله
اففف اليوم يومي كله زفت .. خاربه خاربه
@@@@@@@@@@@@@@@@@@@@@@@@@
(ابراهيم)
رحت لسوق الخضار ودخلت المحل
ابو محمد: زين جاي بدري .. تعال عد الفلوس
ابراهيم: ما جوا زباين اليوم ؟
ابو محمد: لا .. اليوم حتى الذباب ما مر .. الظاهر يوم جيت انت نحشت الزباين من المحل
طنشته: يلا عطني الفلوس
وعطاني وجلست اعدها
ابو محمد: ها كم صاروا؟
ابراهيم: 435 ريال
ابو محمد: زين .. عطني اياه "وعطيته"
جا رجال للمحل: لو سمحت بكم كيس البصل هذا ؟
ابو محمد: هذا ب 15 ريال .. وعشانك بخليه ب 10
يا كذبه.. هو اصلا من الاساس ب 10 ريال .. وابو محمد زوده عشان يخصم منه للرجال ويورينا انه كريم
صدق ما يستحي
الرجال: مشكور ماتقصر .. "وعطاه الفلوس"
ابو محمد: الله يغنيك .. ابراهيم قم شيل الكيس بسرعه
لييش! .. الكيس صغير وخفيف وش حقه اشيله ؟
قلت هالكلام بقلبي طبعا .. أي انا من وين لي القوة عشان اعترض واهاوش .. لو قلت شي ابو محمد بيطلع البصل من الخيشه وبيدخلني مكانه
شلت الكيس ووديته لسيارة الزبون .. وعطاني 10 ريال .. اخذتها وشكرته ورجعت للمحل
قلت وانا اناظر الطماط: ابو محمد الطماط خربان
ابو محمد: خله .. محد راح يشوفه
ابراهيم: بس حرااام هذا غش
ابو محمد بعصبيه: وانت وش عليك ؟ رزقي ذا ولا رزقك؟ شف شغلك وانت ساكت
بسم الله اكلني بقشوري .. جعلك تخسر كل فلوسك آمين
جا زبون آخر: بكم الجزر ؟
ابو محمد: 20 ريال
الزبون: والطماط
ابو محمد: ب 30 ريال
الزبون: ليش 30 غالي
ابو محمد : ايه هذا نوعيه ممتازه بارك الله فيك
ناظرت الزبون وغمزت له واشرت على الطماط .. والحمدلله فهم
وقام يقلب الطماط فوق تحت
الزبون: حجي هذا خربان وانت تقولي ممتاز ؟
ابو محمد بفشله: ايه آسف مادريت اكيد خرب من الشمس .. الحين اجيب لك واحد ثاني
الزبون: لا مابي اشتري منك يالغشاش "وراح"
هههههههههههههه احسن تفشل
ابراهيم كاتم ضحكته: قلت لك الطماط خربان ليه ماغيرته
ابو محمد بعصبيه: انت جب ولا كلمة
كتمت ضحكتي لا يعصب ويطردني
أذن الظهر وطلعت من المحل ابي اصلي
وانا طالع ناداني الرجال اللي فشل ابو محمد .. ورحت له
ابراهيم: سم ؟
الرجال طلع من جيبه 100 ريال : هذي هديه لك على أمانتك وصدقك
ابراهيم: لا شكرا .. هذا واجبي
الرجال ببتسامه: يله اعتبرها هديه .. خذها ولا تردني
اخذتها: مشكور الله يغنيك
الرجال: انت تشتغل في هذا المحل؟
ابراهيم: ايه
الرجال: حسافه
ابراهيم: ليه؟
الرجال: لا بس يعني شاب صغير بعمرك .. وحلو .. حرام يشتغل هالشغله
ابراهيم بحزن: وش اسوي .. الحاجه هي اللي اجبرتني على كذا
حط يده على كتفي: الله يرزقك على قد نيتك
ابراهيم: آمين .. مشكور ياخوي
الرجال: العفو
ورحت اصلي الظهر .. ورجعت للشقة ارتاح واتغدى
وصلت للشقة ودخلت للمطبخ .. وفتحت للثلاجة ومالقيت اغراضي .. اغراضي اللي شريتها اليوم من السوبر ماركت وينها ؟؟
فتشت في المطبخ كله مالقيت شي .. رحت للصاله لقيت اكياسي فاضيه وما فيه الا قراطيس الاكل
اكلوه الهنود حسبي الله عليهم
فتشت في الاكياس يمكن القى شي نسوا ياكلونه .. بس مالقيت الا حبة بطاطس طايحه على الارض
حسبي الله عليهم جعله سم في بطونهم .. ياربي الحين وش آكل ؟
دخلو الهنود للشقه راجعين من شغلهم
صرخت عليهم: ليش اكلتوا اغراضي يا كلاب ؟
واحد من الهنود: ايش اغراض مافي معلوم وش يقول انتا
ابراهيم بعصبيه: الاكل اللي اشتريته اليوم الصبح وين وديتوه ؟
طلع الهندي المتسلط و ال big boss من غرفته : ايس فيه ؟
ابراهيم بعصبيه: اكيد انت اللي اكلته
الهندي بهمنير > رحبوا فيه شخصية جديده بروايتنا ☺
بهمنير ببرود: ايوا انا أكل
صرخت عليه: ليش يا حمار ؟
طراااااااااااخ
عطاني كف قوي على خدي
شهقوا الهنود من الصدمه
انا مسكت خدي بألم .. وانا مصدوم كيف يتجرئ الكلب
كان نفسي اضربه وارد له الكف كفين .. لكن انا وين وهو وين
هو دب وطويل وعريض .. وانا نحيف وصغير .. وين بقدر عليه هذا
بهمنير بتهديد: كلوا نفر صرخ على انا .. انا في سوي سمسم كذا
ودخل لغرفته
وانا رحت للغرفه على طول وسكرت على نفسي
حاولت امسك نفسي ما ابكي .. لكن دموعي نزلت غصب .. وبكيت
مو من كف بهمنير لا .. من كف الدنيا القاسية
بكيت على حالتي .. اللي كلما حسيت انها تفرجت القاها تضيق اكثر واكثر
بهاللحظه ما تمنيت يكون بجنبي الا راكان .. هو الوحيد اللي يقدر يواسيني ويطيب خاطري .. هو الوحيد اللي احسه ينزع الالم من صدري بكلامه الحلو والحنون .
استمريت على هالحال ابكي.. الا دخل علي واحد وكان باكستاني
كان اطيب واحد فيهم .. جا وجلس جنبي يقاله يواسيني
الباكستاني: كلاص ابراهيم كلاص هبيبي .. لا تبكي كلاص .. هذا واهد مجنون كبير .. مافي ابكي كتير بئدين يصير تئبان .. كلاص هبيبي قوم غسل وجه
انا اذا كل واهد عطي انا كف وابكي كان كل يوم انا ابكي .. بس انا قول مافي شي يزعل انا .. اذا احد زعل انا تعرف وش يسوي انا ؟ .. انا في انسى كلوا شي كلاص مافي فكر كتير .. اذا احد قول حق انا كلام مو زين انا مافي يرد .. بعدين هو يصير مقهور >> حكيم بصراحه ☺
يلا قوم غسيل وجه وصير قوي سيمسم انا
ابتسمت بحزن .. ياحليله .. قمت اغسل وجهي وانا اتحسب على بهمنير
@@@@@@@@@@@@@@@@@@@@@@@@@
(راكان)
الدكتور يتكلم وانا بالي مو معاه .. تفكيري رايح لبعيييييد
الدكتور: راكان وين وصلت ؟
راكان بفهاوه: هاه
الطلاب ضحكوا علي .. عدلت جلستي وانتبهت
الدكتور ببتسامة: تقدر تقولي وين وصلنا ؟
ماعرفت اجاوب وتورطت.. القيت نظرة سريعه على دفتر زميلي اللي بجنبي .. ولقطت اول كلمة وقلتها
راكان ببتسامة واثقه: طب التشريح
الدكتور: بدري .. صح النوم .. هذا متعدينه من زمان
اففف مالت على الكسلان اللي بجنبي ... ليه متأخر بالكتابة >> والله مادري من هو الكسلان ☺
الدكتور: شفت انك مو معي .. تفضل برا لو سمحت .. انا مو محتاجك عندي بالكلاس
ناظرته بقهر ... وطلعت وانا اتحلطم
افف جوعان ما افطرت اليوم .. بروح للمطعم اتغدى .. وبرجع للاستراحة خلاص مالي خلق محاضرات .. هي خاربه خاربه خلني اعميها
ورحت للمطعم وطلبت غداء واكلت.. ورجعت للاستراحة
مالقيت شي اسوي الا اني انام .. حطيت راسي ونمت
@@@@@@@@@@@@@@@@@@@@@@@@
(ابراهيم)
غسلت وجهي وطلعت من الشقة على طول .. مابي اقعد بالشقة تجيب لي الكئابة .. ماراح اجي الا وقت النوم بس
رحت للمحل .. وكملت شغلي كالعاده
@@@@@@@@@@@@@@@@@@@@@@@@@


نهاية البارت


بسم الله الرحمن الرحيم


الجزء التاسع


(راكان)


بعد مرور يومين .. الساعه 4 عصراً


اليوم كان موعد خروج ابراهيم من المستشفى


كنت جالس اجمع اغراض ابراهيم واحطها في كيس .. والدكتور جالس يكشف عليه


الدكتور يكلم ابراهيم: لا اوصيك انتظم على الأدوية .. ترى المره الاولى اهملتها عشان كذا تعبت


راكان: ماعليك انا بخليه ياخذ الأدوية غصب


الدكتور ببتسامة: و كل أكل صحي .. عشان فقر الدم


راكان: ماعليك ان ما اكل زين والله لا اوريك فيه


ابراهيم يناظرني بقهر


الدكتور يكلمني ببتسامة: حتى انت كل اكل صحي عشان تعوض الدم اللي فقدته


ابراهيم بضحكه: ههههه حتى انت يعني مب بس انا


راكان: انا على الاقل اهتم بنفسي .. العيب على البزارين


ابراهيم يرمي المخده علي : انا بزر يالثور


راكان ببتسامة: المهم ماعلينا .. يلا اخلص بنطلع الحين


ابراهيم: طيب تعال ساعدني اقوم


راكان: طيب


وساعدته ورحنا نخلص اجرائات الخروج .. وركبنا السيارة


ابراهيم: راكان وين الدفتر ؟


راكان: هذا هو بالدرج اللي قدامك


ابراهيم فتح الدرج واخذه .. حسيت من تصرفاته كأنه حريص اني ماشوف الدفتر ولا اقراه .. استغربت وش ممكن يكون كاتب فيه؟


طنشت وحركت السيارة .. ووصلنا للاستراحة


اول ماوصلنا نزل ابراهيم بسرعه وهو فرحان


راكان ببتسامة: تعال وين يالمطفوق؟ .. شيل اغراضك اول


ابراهيم بفرحه: الله وناااسه ياخي اشتقت للاستراحة


قلت وانا انزل الاغراض وادخلها الاستراحة: تراك ما فارقتها الا يومين


ابراهيم: هههه شسوي ياخي المستشفى كئيب .. فرحان اني جيت هنا


راكان: دوم الفرحة انشالله


ابراهيم بسعاده: تدوم ايامك

@@@@@@@@@@@@@@@@@@@@@@@@@@@@@@@@@@@

(ابراهيم)


اول ماجيت انطلقت للاسطبل .. من زماان عن الخيول اشتقت له


اخذت خيل وركبته: راكاااان اركب لك خيل والحقني


راكان: وش ناوي عليه ؟؟


ابراهيم ببتسامة: الحقني وتشوف


راكان اخذ خيل وركبه .. مشيت معه وهو يلحقني لين طلعنا للشارع


راكان ببتسامة: نمشي بالخيول بالشارع؟؟ .. من جدك؟؟


ابراهيم ببتسامة: تعال معي بوريك شي


مشينا انا وياه بالشارع .. وبما ان المنطقة اللي فيها استراحة راكان منطقة مخصصة للاستراحات .. وغالبا المناطق اللي زي كذا تكون خارج المدينة .. واغلبها مناطق برية وسكانها قليل


مشينا انا وياه لين طلعنا عن خط الشارع .. ووصلنا صحراء كبيرة .. مشينا بالخيول لين رقينا تل .. ولما نزلنا اندهشت انا وراكان


الوقت كان على وشك الغروب .. والمنظر جميل .. صحراء كبيرة تغطيها الرمال الذهبية .. والسماء حمراء والشمس تغرب على الجبال .. والمكان هدوء

https://www.gmrup.com/d7/up13701602751.png


راكان بدهشه: ياخي المنظر جميييل .. كيف لقيته ؟


ابراهيم ببتسامة: كنت عارف ان الغروب في الصحراء منظر جميل جدا


راكان ببتسامة: أي والله .. سبحان الله



ابراهيم: منظر يخليك تتفكر في خلق الخالق ويزيد إيمانك


راكان: صادق والله ..تصدق ابراهيم .. كنت اقول منظر البحر وقت الغروب احلى منظر .. لكن طلع الغروب في الصحراء اجمل بكثير


ابراهيم ببتسامة: خلاص نروح يوم من الايام انا وياك للبحر ونقارن بينهم


راكان: أي والله فكرة حلوة .. "بضحكه"ولا تصدق .. لا تزوجت اروح مع زوجتي وقت الغروب يكون احسن لا وبعد بيكون جو رومنسي .. اما جو رومنسي و2 شباب ماينفع ابد


ابراهيم: أي والله هههههههههههه وش ابي بك انا .. اروح مع زوجتي احسن


راكان نزل من خيله


ابراهيم: على وين ؟


راكان ببتسامة: ياخي نفسي ارررركض لين اتعب


نزلت من خيلي: يلا انا معك


وركضنا لين قلنا بس .. ولعبنا .. وضحكنا .. وانبسطنا .. وكان يوم جميل


راكان هذا اختصرة بكلمة وحده {سعادة ♥} .


راكان بتعب: اوف تعبت خلاص


ابراهيم: أي والله تعب .. بس فله


راكان ببتسامة: من جد


وسكتنا واحنا نتنفس بتعب


راكان ببتسامة: ابراهيم شوف صوتي يطلع صدى "وصرخ" آآآآآآآآآآآآآآآآآآآآآآآآآآآآ


ابراهيم: هههههههههه اسكت لا يسمعك احد يقول وش فيه ذا


راكان: ههههههه ماعليك شوف بس "وصرخ" احببببببببببببكك ابراااهيييييييييييم


ابراهيم بفرح: ياحبي لك بس "وصرخت" احببببببببببككك راكااااااااااااااان


راكان: ههههههههههههههههههه صدق مجانين


ابراهيم: هههههههههههههههه تكلم عن نفسك انا ماني مجنون


راكان بضحكه: لا مجنون غصب


ابراهيم: لا انت المجنون


راكان: لا مجنون يعني مجنون "وصرخ" ابراااهيييييييييييم يا مجنوووون


ابراهيم: ههههه انثبر يالخايس "وصرخت" راكااااان مجنوووووووووووون


وعصب راكان وبدا يسب بصوت عالي وصراخ


ابراهيم: هههههههههه راكان الله يفشلك انا بقوم خلاص


راكان بضحكه: اصبر لا تخليني ههههههههههههههه احس كل من مر قال ذولا مهابيل


ابراهيم: هههههههههههههه كله منك


وركبنا خيولنا ومشينا لان المكان بدا يظلم .. ووصلنا للاستراحة


حطينا الخيول ورحنا نصلي المغرب


ويوم رجعنا رحت فرشت على العشب وحطيت القهوة والشاي والمكسرات والشوكلاطات والحلويات وشبيت الضو وجلسنا انا وراكان حولها


كان الجو بارد وحلو .. والجلسة رهيبة خصوصا مع ريحة الحطب والقهوة .. ومنظر العشب والورد في الليل .. وصوت صرصور الليل > هالصوت عشق ♥


راكان وهو يتقهوى: ابراهيم قبل شوي كلموني اصدقائي .. اللي كلمتك عنهم قبل مده تتذكر ؟


ابراهيم: ايه وش فيهم ؟


راكان: ايه قالوا بيجون زيارة لي


ابراهيم: اها اوكي الله يحييهم


وما جلسنا عشر دقايق الا رن الجرس



وتو راكان بيقوم يفتح الا يدخل راشد: اقعد اقعد بس مايحتاج


ودخلوا وراه الشله : خالد . طلال . عبدالعزيز


راكان باستغراب: انتم شلون دخلتوا ؟


عبدالعزيز: من تحت الباب


راكان ببتسامة: لا جد عاد ؟


راشد : انت الله يهديك مخلي الباب مفتوح "وسلم عليه" هلا والله شخبارك


راكان: هلا فيك "وسلم على كل واحد"


عبدالعزيز ببتسامة: ماعرفتنا على الاخ "وكان يأشر علي"


راكان: هذا خويي ابراهيم


عبدالعزيز يسلم علي: هلااااا والله خشمك يالذيب


ابراهيم بضحكة: هلا فيك


وسلمت عليهم كلهم .. عبدالعزيز كان معروف بسخريته وحبه للاستهزاء وكان خفيف دم بس احيانا يزودها شويتين


وخالد تقريبا نفس عبدالعزيز بس اخف منه شوي .. وكان سمين


وراشد يعني عادي بس حبوب ويحب المغازل وعليه حركات مش ولا بد


اما طلال ف كان بريء وحبوب وخفيف دم وهو اكثر واحد حبيته وهضمته من بينهم


والشي المشترك بينهم انهم فله ويضحكون وجريئين وما يهمهم شي .. وطبعا كلهم اعمارهم 20


وجلسنا على شكل دائرة .. وبعد السؤال عن الاخبار والاحوال


عبدالعزيز: شباب نلعب بالوت ؟


راشد: لا انا اقول كورة احسن


عبدالعزيز: لا كورة انا مالي خلق وبعد لانه ....


طلال بمقاطعه: خلاص كورة كورة احسن


عبدالعزيز: ممكن بعد اذنك تنطم لين اخلص كلامي؟


طلال بسخريه: كمل كمل كلامك يا هتلر


عبدالعزيز باستغراب: وش دخل هتلر ؟؟


طلال: مادري بس حسيته فاهم


ابراهيم: هههههههههه


عبدالعزيز ببتسامة: اقول بس انثبروا وخلونا نلعب .. يلا راكان قم جب البالوت


راكان: بالوت طل ماعندي الا اونو


خالد: اونو يالبزر؟


راكان: هههه والله هذا اللي عندي


وراح راكان يجيب الاوراق


عبدالعزيز: انا اللي بوزع


خالد: انثبر انت اللي موزع آخر مره


عبدالعزيز بعصبيه: انا انثبر ياللي ماتستحي


خالد بعصبيه: خليت الحيا لك


ابراهيم: انتم ماتقعدون دقيقة وحده بدون ماتتهاوشون


طلال ببتسامة: عادي لاننا نحب بعض


عبدالعزيز بضحكه: طبعا اجل تبينا نضم بعض ونقول ياقلبي وياعمري ومادري ايش .. حنا مايبين حبنا لبعض الاا اذا تهاوشنا


خالد: الصداقة بالمواقف والفعايل موب بالاقوال


عبدالعزيز يخبط ظهر خالد بقوه: درر درر يا خالد ماشالله عليك


خالد: آخ ياظهري انت ماتتعامل الا بالضرب


عبدالعزيز: لا بالقسمة ههههههههههههه


جا راكان: ها ها ها ها ها ها نضحك؟


الكل: هههههههههههههههههههههههههههههههه


عبدالعزيز ببتسامه: ماعليه مسموح يالغالي


راكان بضحكه: المهم وزعوا الاوراق


انقسمنا 3 فرق انا وراكان . وعبدالعزيز وخالد . وطلال وراشد


ووزعنا الاوراق وبدينا اللعب


خالد يغش ويحط 3 اوراق مع بعض


ناظرته بنص عين: تحسبني ما شفتك شيل الاوراق بسرعه لا افركها بوجهك الحين


خالد شال الاوراق وهو يضحك


خالد يناظر اوراقي بنذاله: ابراهيم معه 4 حمراء و2 زرقاء وسحب اربع الوان و .............


سحبت اورقي عنه: انططططططم يالنذل


خالد: انا نذل يالباكستاني ؟؟


ابراهيم: باكستاني جابته امك


خالد بعصبيه: لا الحلو قام يغلط على امي


ابراهيم بسخريه: الله واكبر !


طلال: اذن ؟


راكان بعصبيه: خلاااااص انت وياه كلكم باكستانيين خلاص اهجدوا


ابراهيم وخالد بعصبيه: منهو الباكستاني ؟


راكان بخوف: هاه ! .. ايه انا


الكل: ههههههههههههههههههههههههههههههههه


وكملنا لعب وكانوا خالد وعبدالعزيز كل شوي يفوزون


راشد بعصبيه: اهب عليكم حظ والله اني شاك انكم تغشون


راكان: أي والله شكلهم يغشون


عبدالعزيز بغرور: وانتوا أي واحد قوي وكل شوي يفوز عليكم ويهزمكم حطيتوه غشاش؟


خالد يصف معه: ماعليك منهم شكلهم منقهرين


راكان: لا والله !


ابراهيم: خلاص يلا نلعب مره ثانيه


وعدنا اللعبه من جديد


عبدالعزيز يأشر على التلفزيون بصراخ: شبااااب شوفوا هالبنت صااارووخ


التفتنا كلنا .. وعبدالعزيز طلع ورقه من تحته ورماها بحضن خالد بسرعه


طلال: هذي صاروخ؟ .. مالت على ذوقك


عبدالعزيز بفشله: ليش مو حلوه ؟


راكان: لا عجوز


ابراهيم بشك: عبدالعزيز قم شوي


عبدالعزيز: ليه ؟


عصبت ورميت الاوراق: قم قم بشوف وش تحتك يالغشاش


عبدالعزيز بخوف: هاه لا ليش اقوم مانيب قايم


وتعاونا عليه انا وراكان لين سحبناه وشفنا نص الاوراق تحته


راكان بصدمه: هئئئئئ يالغشاشين


طلال ببتسامة: وانا اشوووف خالد ساكت ويضحك طلع خبيث


ابراهيم بضحكه: انا من زمان شاك فيهم ياخي اشوف خالد مبسوط ويضحك طلع عبد العزيز يغششه الغشاش


راكان رمى الاوراق: مالت عليكم وعلى اللي يلعب معكم


طلال راح للمخزن وطلع عربيه حقت المعاقين


طلال ببتسامة: راكان من وين لك ذي


راكان: هذي حقتي يوم انكسرت رجلي قبل فترة


طلال: وناااسه بفحط به


ابراهيم ببتسامة: وانا بركب معك


طلال يأشر على الجيب اللي في العربية من ورا: ابراهيم انت المفروض تركب هنا بالجيب من نحفك هههههههههههههه


عبدالعزيز: أي والله ههههههع ابراهيم لا راح السوبر ماركت المفروض نركبه بالعربيه لا ونركبه بالمكان حق البزارين يدخل رجلينه فيه هههههههههههههههههه


وعاد بدت سماجتهم اللي ماتنتهي


خالد بضحكه: مو كأنه تيمون ؟؟


راشد: تيمون بس محترق ههههههههههههههههه


راكان ببتسامة: وجع انت وياه لا تتطنزون على خويي


عبدالعزيز: مالت عليك انت من حاكاك انت وفنيلتك تقول التلفزيون اول مافتح


(راكان كان لابس فنيله بيضا مخططه باسود)


راكان:من زينك شايف لبسك تقول وزار هندي


ابراهيم: ههههههههههههههههههههه


عبدالعزيز: ضحك الصرصور ضحك


ابراهيم بعصبيه: انا صروصور يالبعير


خالد بضحكه: والله نحيف واسمر ماغلط عبدالعزيز يوم قال صرصور هههههه


راشد: ههههههه يشبه لرابح صقر ههههههه


عبدالعزيز: هههههههههههههههه شوفوا شوفوا عصب وحمر وجهه


طلال بضحكه: لا احس ماينفع يحمر وجهه وهو اسمر بيطلع تقل كشنه


خالد: هههههههههههههه كشنه محترقه ههههههه


عبدالعزيز بضحكه: ابراهيم نحيف والشعر كشه بالله مو كأنه مكنسه ؟؟


خالد وطلال وراشد: ههههههههههههههههههه أي والله جبتها


خالد: التشبيه أليييم ههههههههههههههه


واستمرت الطنازه والسخريه ساعة تقريبا .. وانا اسمعهم واضحك ماعندي مشكلة


خالد: شباب وجهه كأنه ركبة افريقي ههههههههههههه


طلال: يرحم امكم خلاااص هههههههههههههههه


عبدالعزيز بضحكه: ههههه خالد بالله مو كأنه قرد ؟؟


خالد: هههههههههههههههههههههه والله تخيلت شكله بحديقة الحيوانات مع القرود ههههههههههه


عبدالعزيز: والله كان مانفرق بينهم ههههههههههه


وبدا طلال يقلد القرود واصواتهم والشباب يضحكون .. وبعد ماسكتوا شوي


عبدالعزيز قرب وحط يده على كتفي: ابراهيم لا تزعل ترانا نحب نطقطق ونستهبل ..


حتى احيانا اذا مالقينا احد نتطنز عليه نتطنز على بعضنا .. يعني شوف راشد مثلا شوف حواجبه متصلة ببعض مو كأنها طريق الرياض للخرج؟


راشد بضحكه: من زينك انت وعيونك الكبار يالضفدع


عبدالعزيز يكمل بضحك: طيب شوف الدب خالد مو كأنه كيس طحين؟


خالد بعصبيه: انا كيس طحين ياكيس الزبالة


عبدالعزيز: ههههههه ماعلينا طيب شوف راكان خشمه كأنه قسام كهرب


راكان بضحكه: اقول بس انت وخشمك تقل شراع سفينه بنص وجهك


الكل: هههههههههههههههههههههههههههههههههههه


عبدالعزيز: انطم انت وشعرك تقل شعر تيس


ابراهيم: شوفوا من يتكلم بس المقرع هو راسه تقول قالبين عليه طفاية دخان


راكان: ههههههههه طارت الجبهة طارت


عبدالعزيز بضحكه: اصلا ادري غيرانين من شعري لانه ناعم سنسبيل


ابراهيم بضحكه: سنسبيل من وين جبتها هذي هههههه


عبدالعزيز بترقيع: سنسبيل هذا كريم للشعر كانت امي تحطه لي يومني صغير عشان كذا طلع شعري ناعم


خالد بنص عين: ايا النصاب تتذكر امك يوم كانت تروشك بشامبو قمل


الكل: هههههههههههههههههههههههههه


راكان: ههههههههههههههه اما عاد شامبو قمل يا راشد


عبدالعزيز: لا هو صادق ههههههههههه .. اذكر امي كانت تروشني بشامبو قمل ويطلع من شعري قمل ودود ونمل وحشرااات .. يا حياة الشقا هههههه


ابراهيم: ههههههههههههههه الله يقرفك


طلال: هذا عشه مو شعر ههههههههههههههه


عبدالعزيز بضحكه: هههههههههههههه أي والله .. حتى مره امي حطت على شعري قاز وانا فرحان مادري على ايش ورحت لعبت بالطراطيع لين بغى يولع شعري بس الحمدلله ماصار شي هههههه .. "بتنهيده" كانت طفوله قاسيه جدا


طلال ببتسامة: عاد انا وش اقول عن نفسي يوم كان اخوي الكبير يضحك علي ويقولي قوم جيب لي ماء ويقول يلا نشوف مين اسرع انت ولا الصاروخ؟ .. وانا كنت اشد حيلي وارررركض مالت علي


راشد: ههههههههه وانا مره كنت العب انا وبزارين خالاتي قمت خشيتهم بمكان الجني الازرق مايعرفه ورحت لخالاتي وانا اركض وصرخت البزارين طاحوا بالخزان .. يا اني اكلت تصفيق ذاك اليوم لين قلت بس .. وخالتي حامل وبغت تصقط .. وامي بغت تنط بالخزان من الروعه هههههههههههههه


الكل: ههههههههههههههه


عبدالعزيز بضحكه: كلنا عشنا طفولة قاسيه الا راكان التسلب مطنوخ من يومه صغير


راكان: هههههههه وش اللي قاهركم طيب؟


خالد بقهر: ايه كانت امه مدلعته مالت عليه


طلال: تتذكرون يوم كنا باولى متوسط يوم راكان طاح بالمدرسة وانشق راسه ويوم جا من بكرا جابت له امه جوال آخر موديل وبلايستيشن 2 اللي كنا نحلم فيه يومنا صغار


راشد: ايه ههههههه الحيوان كان مدلع انا يومني صغير كنت لا صقعت بالجدار وانشق راسي تجي امي تسكتني وتضرب الجدار عشان اسكت ههههههههههه .. وهو التسلب يجيبون له جوال والله قهر


عبدالعزيز: اتذكر يوم نجحنا من سادس جاب له ابوه دباب كبير وامه سوت له حفله .. وانا ابوي جاب لي المسطرة اللي فيها موية ونجوم بس وطرت من الفرحة هههههههههه


راكان: هههههههه ايه ياحبيبي الناس مقامات


عبدالعزيز بضحكه: بطلب تعويض من امي على الاشياء اللي حرمتني منها وانا صغير


خالد ببتسامة: يالله اهم شي الحب والحنان ولا الاشياء الثانيه نصبر عليها بعدين


ابراهيم: عن اذنكم شباب بروح شوي وارجع


عبدالعزيز: اذنك معاك


(راكان)


انا من زمان كنت ملاحظ ان ابراهيم متضايق من السالفة


راكان: شباب خلاص لا تجيبون طاري الام ولا تسولفون عنها


راشد باستغراب: ليش؟


راكان: لان اللي فاقد امه اكيد بيحزن


عبدالعزيز باستغراب: مين فينا فاقد امه ؟


راكان: ابراهيم


طلال بصدمه: ابراهيم امه متوفيه ؟!


راكان بحزن: أيه الله يرحمها


خالد: لاحول ولا قوة الا بالله "وقام" كسر خاطري بروح اعزيه


راكان: اقعد يالغبي الرجال ماتت امه من زمان وانت توك تعزيه؟ .. اقعد لا تفضحنا


خالد: والله؟ "وقعد"


راكان: أي والله .. ماتت امه من زمان وهو صغير


عبدالعزيز: بس ماشوف انه متضايق ولا حزين بلعكس مبسوط ويضحك معنا


راكان: هو يضحك لانه مايبي يبين لكم هالشي .. ولا هو يحترق من الداخل


طلال: ليش زيت مكينه هو ؟؟؟


راكان ببتسامة: ماش ياخي الكلام مع جدران ماينفع


راشد: انا اشهد هههههههههههه


راكان: خلاص اسكتوا هذا هو جا


وجا ابراهيم وجلس معنا .. وكملنا الجلسة سوالف وضحك وهبال وفله .. وابراهيم اندمج مع الشباب وحبهم كثير وانبسط معهم


وماطلعوا الشباب من عندي الا الساعة 2.. وكنت مبسوط لان ابراهيم نفسيته تغيرت شوي وصار مبسوط وبس يضحك .. وتحسنت نفسيته كثير .


( الأحداث بدت تهدأ .. وهموم ابراهيم تقريبا انزاحت .. لكن في هم ماراح يتخلص منه الا اذا خلصت الرواية )


@@@@@@@@@@@@@@@@@@@@@@@@@@@@@@@@@

نهاية الجزء التاسع


قراءة ممتعة