عنوان الموضوع : جرح ينزف بقلمي - رواية جميلة
مقدم من طرف منتديات الشامل
بسم الله الرحمن الرحيم
راح انزل لكم روايتي الاولى وتجربتي الاولى في الكتابه كنت متردد اني انزلها بالنت لكن كثير نصحوني انزلها وان شاءالله تكون عند حسن ظنكم وتعجبكم
بما اننا برمضان باحاول اني انزلها كل ماكنت فاضي وان شاءالله اني ما اطول في كتابتها
__القصه نقدر نقول عنها واقعيه انتشرت بجامعه اختي لان البطلتين يدرسون هنااك طبعا انا ماعرف كل التفاصيل بالقصه لذلك السيناريو كله من تاليفي لكن فكره الروايه والقصه اساسا واقعيه__
نبدأ ....
الروايه تحكي قصه اختين توأم ساميه وهند جميلات لحد الجنون مافي احد شافهم الا واعجب فيهم يشبهون بعض كثير بملامحهم وكثير ناس يغلطون بينهم عشان كذا اتفقو انهم يخلون ستايلاتهم مختلفه ..
نجي لساميه وستايلها ساميه غريبه وتحب كل شي غريب ماتحب الاشياء التقليديه ابدا تحب تلفت الانتباه بستايلها عشان كذا كل من شافها يستغرب من ستايلها اللي مو متعودين عليه بالسعوديه تحب تصبغ صبغات غريبه جربت الاخضر وجربت الازرق والوردي والبنفسجي وكل الالوان الغريبه واخر موضه طاحت فيها صبغت ابيض ايه ابيض ههههههههههه بس للامانه كل شي تسويه يطلع عليها حلو لدرجه ان بنات الجامعه كلهم يقلدونها
......
نجي الحين لستايل هند ... هند بطبعها هاديه وحبوبه وكيوت ستايلها كله وردي تعشق الوردي بجنون غرفتها كل شي فيها وردي حتى بلاط حمامها وردي هههههههه شعرها اسود غاااامممق وكثير وجدا جميل وملفت للانتباه الكل يحكي فيه خصوصا اذا سوته كيرلي تطلع قمر اربعطعش
هاديه ورايقه وتحب القراءه وتعشق القهوه بجميع انواعها وان مر عليها يوم بدون قهوه تتحول شخصيتها من هاديه الى متوحشه غير قابله للمس ههههههههه
............
انتهينا من شخصيات البنات ونجي الحين لعايلتهم
تعرفو المثل اللي يقول انولدو وبفمهم ملعقه ذهب ايه ذا ينطبق عليهم عايشين عيشه رفاهيه ودلع واهلهم مايرفضو لهم طلب خصوصا انهم البنتين الوحيدات لهم
ابوهم اسمه راشد مدير اكبر شركه ادويه بالمملكه مافي شارع بالمملكه الا وفيه صيدليه باسمهم او مستشفى خاص لهم ورث الشركه عن ابوه مع ان ابوه لازال عايش لكن سلم ولده الشغل لانه تعبان وهالشي سبب مشاكل بين اولاده لان الكل يحلم بانه يدير الشركه بس الاب سلمها راشد لانه يثق فيه مع انه مو ولده الكبير ..
امهم نوره طيبه وحنونه صبرت على ابوهم راشد كثير من ناحيه انه تعبان ومايخلف وجابو هند وساميه عن طريق الانابيب .. بدايه زواجها انصدمت لما عرفت بمشاكل زوجها وفكرت بالطلاق لكن طيبه قلبه خلتها تصبر وتعيش معه
خالد .. ذا الشخص راح يظهر بالروايه وهو بطلها بتستغربون وجوده بالروايه بوسط هالعايله الغنيه .. خالد شخص بسيط جدا من عايله متواضعه على قد حالها مشهور بتويتر باسم مستعار يكتب خواطر جدا جميله وحلم كل بنت يكون خالد زوجها
$$ نبدأ بالاحداث $$
في الجامعه ...
الدكتوره وهي تكلم ساميه : انتي يابنت اسمك ايه
صحت ساميه من سرحانها ونظراتها كلها استغراب وقالت : هاه
الدكتوره وهي تتنهد : يا دي النيله مش سامعه ليه صار لي ساعه بانادي عليك انا قلت شغلي القهاز اللي قدامك
استوعبت ساميه وقالت : اه اسفه دكتوره الحين اشغله
"ساميه تدرس تخصص برمجه حاسب وشاطره جدا بالاجهزة والبرامج وهي تشوف انه ماله داعي تحظر المحاظرات لانها كلها تافهه بالنسبه لها لذلك دايم تسرح "
بدأت الدكتوره تشرح وتشرح وتلف تشوف البنات كيف يطبقون اللي تقوله ولما جات عند ساميه لقتها مسويه كل اللي قالته وزياده عليه اللي ماقالته بعد حست الدكتوره انها شاطره وفاهمه وندمت انها هزأتها بالبدايه لما انتبهت لها ساميه ابتسمت لها ابتسامه بمعنى انه شفتي اني احسن منك *طبعها كذا واثقه بنفسها بجنون*
........
00
حزين من الشتا والاحزين من الظما ياطير
دخيل الريشتين اللي تضفك حل عن عيني*
دخيل الما ..وملح الما..وحزن الما قبل ماتطير
تهيا للهبوب اللي تصافق في شراييني
00
انتهت المحاظره وطلعت ساميه عالكفتريا ولقت هند جالسه تبكي وصاحبتها حاظنتها
انفجعت ساميه وطيحت من ايدها الشنطه والكوفي وجت ركض تسال صاحبتها لميا وهي تصرخ : اختي اش فيها
تركت لميا هند وقالت : هند خليك مع اختك انا باروح
*قالت كذا لان هند موصيتها ان هالشي ماتبي اختها تعرف عنه عشان كذا قالت خليني اروح واخليهم هم يتصرفون*
طالعت هند لميا وهزت راسها بمعني انه خلاص روحي ومسكت ساميه هند من كتفها وهزتها وهي تقول : هند احكككي اش فيك لا تخوفيني
مسحت هند دموعها وقالت : مافيني شي شوفي شنطتك اللي طفشتي امي لين شرتها لك ب2017 انكب عليها الكوفي * ساميه فهمت انها تبي تصرفها وماحبت تضغط عليها *
شهقت ساميه وقالت : او ماي قاااااااد واخذت الشنطه وبدت تمسحها وتقول الله يقطع ابليسك ياهند كله منك
شوي هند قالت : اتصلت عالسواق يجي ياخذني مالي خلق محاضرات شوي ويجي
فتحت ساميه عيونها وقالت: بصراخ مجنونه انتي تخصصك طب مايصير تغيبين عن محاظراتك
قالت هند : واذا يعني طب ارحمينا يالاشياء المهمه اللي بتفوتني
قالت ساميه : خلاص باروح معك
تورطت هند وقالت : لا ابي اروح لوحدي ابي اشم هوا تبين تطلعين كلمي سواقك
قالت ساميه : افا ياوخيتي كذا تعطيني بالوجه وتطرديني بس ماعليه مردوده مردوده
ضحكت هند بصوت واطي وقالت : تحمليني
ابتسمت ساميه وقالت : ايه ياهند ابي اشوفك دايم تضحكين مابي اشوف دموعك ابد
قالت هند وهي مبتسمه ابتسامه الم : ان شاءالله يا اختي يالله باطلع الحين وانتبهي امي تدري باللي شفتيه مابيها تخاف علي تعرفين امي كيف قلبها علينا
قالت ساميه : ايه انبسطي اختك تخاف على امها وماتبي تقلقها عشان كذا ماراح اقولها شي ..
...........
00
.....مخنوٍقة يمّـه، وٍ أحس الخنقة هدّتنـيْ . . !
....مكسوٍرٍ قلبيْ . . وٍ ع'ـَينيّ مدرٍي وٍش فيهآ !
وٍ دموٍع'ـَيْ آلليْ غ'ـَصْب ع'ـَن ع'ـَينيْ بگتنيّ. .
....ملّيت أغ'ـَمّض جفوٍنيّ { . . لجل أدآرٍيهــآ ! !
00
رجعت هند البيت بدري وكانت امها بالصاله وجت عندها وحضنتها وتقول : ياااه يا مامي حضنك يرجع لي الامان
بعدتها امها عن حضنها وهي تقول : هند حبيبتي فيك شي تعبانه اشبك رجعتي بدري
ضحكت هند وهي تقول : مافي شي يالغاليه بس اشتقت لك وقلت اجي ارتاح بحضنك
ضربتها امها بخفه على كتفها وقالت : تركتي محاظراتك عشان كذا بس
صرخت هند بدلع وقالت : مامي اااااااااايي ليه تضربيني *وقامت تمثل انها تبكي بدلع *
ضحكت امها وحضنتها وقالت : خلاص يالدلوعه اسفه يابنيتي ماعاد بامزح معك اجل دام مزحي يبكيك ..
*وجلست هند تسولف وتضحك مع امها لين ارتاحت وبعد ساعتين طلعت غرفتها تنام *
........
00
هذيً هيِ آلدنيآإ | متآهآتِ | وآحزأإنَ ~
كلنّ يدوؤرٍ رآحت ومآلقآهآْ ..!
تبيُ لهآ | صبُرٍ | معٍ شْويٌ كتمآنِ ~
معِ ضحك تخفيً دموعٍك ورآهآ ..!
00
بالليل تقريبا عالساعه 8 ..
صحت هند من نومها وكعادتها دايم تنام وقت طويل جدا اول ماصحت اخذت جوالها وفتحت تويتر جلست تقرا وتقرا وماحست بنفسها الا ودموعها نازله هدت نفسها شوي واتصلت بصاحبتها لميا ..
هند بصوت مبحوح وتعبان : سلام لميا
لميا: هلا هنوده كيفك الحين باين من صوتك انك مو كويسه تكفين لا تتعبين حالك وتشغلين بالي عليك
هند : لميا ماني قادره اسيطر على نفسي *وبدت تبكي وتشهق* لميا ليه كذا مو قادر ينساها ليه هي حقيره خلاص تركته وخانته ليه مايشوف اللي حوله ويحبونه *ماقدرت تكمل كلامها وبدت تبكي بصوت عالي*
لميا : هند حبيبتي ماينفع كذا اكلمك وانتي بهالحاله ثواني وانا عندك بالبيت
هند : لا لميا لاا تتعبي حالك وتجين انا بخير
لميا : بخير كيف وانا يادوب افهم كلامك من قوة بكاك يالله باي بالبس عباتي واجي
قفلت هند وبدت تبكي اكثر واكثر
.......
ساميه بهالوقت كانت مع صاحبتها رهف بالمول جالسين يشترون هديه لام رهف عشان ميلادها
ساميه بصوت تعبان : رهف تكفين خلااااص خلينا نكمل بكره والله تعبت من العصر واحنا نلف بهالاسواق
رهف : يوووهه ياعجوز اشبك تعبتي كذا خلاص خلاص يالله ندخل اخر محل وبعدها باعزمك عالعشا على حسابي
ساميه : ااااااههه يارهف والله مالي حيل خلاص روحي انتي ادخلي المحل وانا باستتاك هنا
رهف : مالت عليك ياعجوز خلاص اجلسي هنا وانا رايحه
،، جلست ساميه عالكرسي جنب المحل وبدت تلعب بجوالها ومن عادتها مستحيل تفتح اي فديو او اي شي فيه صوت بدون سماعتها ماتحب ابدا تسمع شي بدون السماعه .. طلعت سماعتها وتبي تلبسها وكانت الطرحه مشدوده شوي وهي تحاول تدخل السماعه انفلت حجابها وبان شعرها .. شهقت ساميه بصوت عالي وبسرعه لفت الطرحه وهي تلتفت حولها تبي تشوف في احد شافها ولا لا وطاحت عينها بعين صاحب المحل اللي قدامها .. شافها وكان متنح مو مستوعب الشعر الابيض اللي تحت الطرحه لما شاف نظرتها له كيف قويه نزل عينه وابتسم ابتسامه خفيف ابتسامته استفزت ساميه حست بقهر ولا شعوريا قامت ودخلت محله وقالت له بعصبيه : عفوا وش اللي ضحكك
ارتبك الولد وقال : ابد ولا شي ماضحكت اصلا
ساميه ارتفع ضغطها اكثر وقالت : وانت ياقليل الحيا لما طاحت طرحتي ليه تطالع كذا ماتستحي على دمك خاف ربك وغض البصر ياقليل الحيا
الولد ماتحمل وضحك بصوت عالي وقال : يوووه يوه والله موب قصدي اطالعك ولا شي بس اول مره اشوف بنت صغيره مشيبه من بدري * وارتفع صوت ضحكه اكثر*
ساميه نفذ صبرها وصرخت : اييييييييش مشيبه اااااااااااااه انت مجنون بددوي ماتفهم ايش الفرق بين الصبغه والشيب انا اسااسا ليه اضيع وقتي معك انا الحين انادي لك الهيئه
الولد : هه الهيئه وش بتسوي لي وانا كافي خيري شري بالمحل اذا ناديتيها بتاخذك انتي مو متغطيه وعبايه كانها فستان
ساميه حمر وجهها من الزعل وتجمعت الدموع بعينها: حقير فعلا حقير ... خرجت من المحل معصبه والولد انتبه لدموعها بعينها وحس بالندم فكر يلحقها ويعتذر لكنها كانت اسرع منه
طلعت ساميه من المجمع بسرعه وهي ماسكه نفسها عشان ماتبكي فجاه لما وصلت للباب تذكرت رهف
ساميه : يووووووووهه الغبي ذاك نساني رهف
وقفت على جنب واتصلت على رهف
ساميه : رهف سوووووري سوري سوووري شفت محل عجبني ودخلته ومن محل بمحل وضيعتك
رهف : وين اللي كانت تعبانه المهم ارجعي لي بنفس المحل الاول معي اكياس كثير اااخخ من غبائي ماخليت شغالتي تجي معي كان ارتحت وخليتها هي تشيلهم
ساميه : ايه والله من غبائك يالله جايتك ..
مشت ساميه جهة المحل وهي تدعي انها ماتقابل ذاك الولد وقفت بعيد عن المحل وشافت رهف وقافه عالباب والارض مليانه اكياس
جات ساميه بسرعه وشالت كم كيس وقالت : يالله يالله بسرعه السواق يستنا وكمان جيعانه يالله شيلي وامشي سريع
رهفف: بسم الله بشويش ليه كل هالعجله ومشو بسرعه وبس طلعت من جهة المحل تنهدت سامييه بصوت مرتفع يعني الحمدلله
سالتها رهف : اشبك كذاا مستعجله وشبك كانك تهربين من احد
ساميه : لا ولا شي بس اقولك جيعانه ابلحق المطعم
وفجاه يطلع بوجهها ذاك الولد .. فتحت ساميه عينها وشهقت بصوت عالي الولد ماكان منتبه لها بس انتبه لها من شهقتها لما طالع فيها ساميه رفعت الاكياس وقربتها لوجهها عشان تغطيه
طبعا الولد فهم السالفه ومات ضحك بمكانه .. وساميه تشد يد رهف وتقول بسرعه امششششييي
وما وقفت ركض الا لما وصلت لسيارتها
رهف متنحه وتقول : ساميه انتي انهبلتي اشبك وش ذا اللي سويتيه خبله انتي خليتينا مضحكه لكل الي بالمول ياربي وين اودي وجهي من الفشيله
ساميه تتكلم ونفسها مقطوع : اركبي اركبي واحكيلك
....
في المطعم
رهف وهي تضحك بصوت عالي : لاااا سوسو مو من جدك قالك مشيبه ااااااههه ياربي مو قادره اوقف ضحك
ساميه بعصبيه : ياوصخه انا ابيك معي تقومين تضحكين علي
رهف : اااههه عطيني مناديل بالله دموعي ماوقفت من الضحك
ساميه ماسكه غصتها رمت علبه المناديل على رهف وقالت : امسحي دموعك الله ياخذك ياخبله
زاد ضحك رهف اكثر وفجأه دق جوال ساميه
وردت : هلا مامي هلااا ... لا ماطولت ماما دوب الساعه 9 ايه مع رهف الخبله نتعشى ونرجع ههههه ايه يمه خبله اخبل وحده بعد مين لميا بالبيت عند هند اههاا ايه زين باجي بعد شوي يالله مع السلامه مامي احبك
قفلت ساميه وسرحت بتفكيرها&لميا عند هند غريبه كذا فجاه لا يكون عشان اللي صار بالجامعه اليوم اااخخ ياهند ليه ماتعلميني وانا اقرب الناس لك قلبي مو متطمن ابد قلبي حاس بالوجع اللي بقلبك اااهه يا اختي لو انك بس تعلميني وتريحين نفسك وتريحيني&
قطعت رهف افكار ساميه وهي تقول: شتقول امك لايكون تبيك ترجعين
ساميه : هاه ااااا لا لا بس تطمن
وجا العشا واكلو ...
..........
00
الضحك ماهو علامة مستريح
والبكى احيان مايوحي بحزن
خذ مثل مني انا قلبي جريح
وابتسملك من غرابيل وشجن
وان بكيت يجوز ابكي من صحيح
من جرح,من ظلم ,من صدمة زمن
او يجوز ابكي على شان استريح
او نتيجة شوق او حزن وندم
00
عند هند
لميا : هند يالله عاد فكي هالكشره شوي بس عشاني حملت فلم فيه الممثل ذاك اللي تحبيه فلم كوميدي بعد يالله هنوده تكفين وربي شوي وابكي مابي اشوفك كذا
ابتسمت هند مجامله وقالت : خلاص عشانك باشوفه
لميا : بعد عمري انتي دامه عشاني بتشوفينه كمان عشاني لازم تاكلين
هند : تكفين لميا مالي نفس ابد
لميا بدلع : هنوووده يالله عشان خاطري
ابتسمت هند وقالت : زين بس عشانك
حضنت لميا هند بفرحه وقالت : يابعدي انتي الحين اطلب لك احلا عشا
......
00
خــــــــــــطاي
إني سألت وجيت أدور للغياب أسباب..
خطـــــاي
إني تعلمت الوفا والناس كذابه
حسايف يازمن ماعاد باقي بذا الزمن أحباب
على حسب المصالح كل واحد يحسب حسابه
00
من جهه ثانيه خالد جالس بالمحل ويستنى تجي الساعه 12 عشان يقفل ويرجع ينام وكل مايتذكر اللي صار مع المشيبه على قولته يموت من الضحك
دق جواله فجأه ورفعه شاف الاسم وتغيرت ملامحه جديه وعدل جلسته ورد بسرعه
قال بصوت كله شوق ولهفه : الو
اللي اتصلت عليه هي البنت الي يحبها وبمعنى اخر البنت اللي خانته
قالت حبيبته اللي اسمها رنا : سلام عليكم خالد
خالد ودموعه بعينه : وعليكم السلام ياروح خالد
بكت رنا وقالت : خالد ارجوك لا تقول روح خالد انا مو روحك انا جرحك انا اللي خنتك ارجوك خالد لا تتمسك فيني اكثر انساني وعيش حياتك عيش مع احد يستاهلك
تغير صوت خالد لانه جالس يمسك نفسه مايبكي وقال : رنا حبي اهدي شوي لا تبكين تكفين كل شي بينحل بس لا تبكين
صرخت رنا : انت ليه ماتفهم انت ليه للحين خايف علي ابكي ولا اموت خلاص مالك علاقه فينس انساني اكرهههننني ارجججووووك
صرخ خالد وقال : بسم الله عليك من الموت لاتقولين كذا مره ثانيه انل ماراح انساك حتى لو خنتيني انتي لي انتي للييييي انا وبس وراح اخذك منه صدقيني راح ترجعين لي
ارتفع صوت رنا بالبكا وقالت : خالد تكفى ياخالد خلاص انساني تكفى
نزلت دمعه خالد وقال : انسى روحي ما انساك
وقفل الخط بوجهها وحط ايده على راسه يخبي دموعه وفجاه دخل زبون المحل وقام خالد مسح دموعه وخدم الزبون وكان ماصار شي ابد
__________
انتهى البارت الاول وان شاء الله انزل لكم البارت الثاني قريب اذا شفت تفاعلكم
>>>>> ردود الأعضـــــــــــــــــــاء على الموضوع <<<<<
==================================
البارت الثاني ...
₩₩
وٌيَنِکْ؟
عٌفُتٌ هّذِآ آلَعٌمًر بًعٌدٍکْ
عٌفُتٌ دٍربً مًآيَجّيَلَکْ
عٌفُتٌ عٌآلَمً مًآتٌحًکْمًهّ عٌيَوٌنِکْ
وٌيَنِکْ؟؟
يَآفُرحً يَوٌمًيَ وٌأمًسِيَ
يَآدٍفُﮯ نِبًضيَ وٌهّمًسِيَ
کْلَ دٍقُهّ فُيَ خِفُوٌقُيَ
کْلَ لَحًظُهّ فُيَهّآ شُوٌقُيَ
"تٌحًتٌرقُ"بًلَهّفُةّ عٌيَوٌنِيَ
وٌيَنِکْ؟!!
₩₩
................
صحت ساميه من نومها وكانت حاسه حالها نشيطه زياده عن العاده .. قامت اخذت شور وبدت تستعد للجامعه من بدري لما خلصت جلست تطالع للمرايه وتلعب بشعرها وتقول بنفسها : "ليه ماعجبه شعري واذا يعني ابيض غبي مره اافف كرهني بلون شعري شكلي باغيره اليوم"
راحت لغرفة هند ولقتها بعدها نايمه تنهدت وقالت بنفسها :"ياربي اش فيها اختي"
دخلت وبدت تصارخ وتصحيها : هننننننننننند هند هند هند يالله قومي يادكتوره قووووومي الساعه 7 باقس ساعه بس عالمحاظره * سحبت لحافها وبدت تحوس بشعر هند * يالله بسرعه ترا باشد شعرك واخليك صلعا يالله قووووووومي
صحت هند وتصارخ بتعب : ساميه واللي يعافيك خليني بلاش تزعجيني تكفين
ساميه : طيب قومي ومابزعجك قومي يالله ابسالك عن شي
قامت هند بتثاقل وهي تفرك عيونها : ياربي منك هاه نعم وؤش تبين تسالين عنه
ساميه : وش رايك بلون شعري
هند : وش هالسؤال الي فجأه انتي تدرين انه من لما صبغتيه قبل شهر وانا اقولك لا تصبغين لون العجايز ذا
ساميه : يازفته حتى انتي تقولي شيب ااااااااهه اشبكم كذا اغبيا *وطلعت من غرفه هند متنكده*
استغربت هند من ساميه بس ما اعطت الموضوع اهتمام وقامت تجهز
............
بالجامعه هند جالسه مع لميا وصاحباتهم والكل يضحك ويسولف وهند تضحك معهم مجامله فجأه جات اماني وقالت : هاي صبايا
شافتها هند وكشرت وقالت بنفسها "ياربي وش تبي ذي "
#اماني ذي بنت عم ساميه وهند مايحبونها ابد لانها دايم تقول لهم ان الشركه المفروض لابوها احمد وان عمها راشد اللي هو ابو هند وساميه مايستاهل ياخذ الشركه البنات تعبو من هالكلام عشان كذا مايحبون يحكون معها ابد#
قامت هند معها وقالت : هلا امون شبغيتي
ردت اماني بضحكه سخريه : ايش يعني ما اناديك الا اذا بغيت شي
هند : ذا اللي متعوده عليه
اماني : ابد اشتقت لبنت عمي وجيت اسلم عليك وابي اقولك ان بكره يوم الجمعه مسويه بارتي بالشاليه حقنا بمناسبه خطبتي وابيك انتي وساميه تجون
هند باستغراب : خطبتك !!!!! انخطبتي امون جددد متى وليه ماعرفنا ومين الي خطبك اااهه يالخاينه ماتقولي لنا
اماني : ههههههههههه امزح معك لا خطبه ولا شي لو خطبه اكيد ابوي بيقول لعمي وتدرون بس كذا طرالي اسوي بارتي وان تبين تعزمين قروبك حياكم
هند : يخرب بيتك فجعتيني خلاص اقول لساميه واشوف حسب مزاجنا
اماني : اممم بصراحه هند انا مسويه البارتي ذا خصوصا عشانكم مليت من علاقتنا الصطحيه واحنا بنات عم وعد مني ماعاد اقول اي شي بخصوص الشركه بس ياليت نصير صاحبات وننبسط مع بعض
هند فتحت عينها باستغراب : لا مو مصدقه امون تقول هالكلام ههههههه اوكك امونتي انا واختي قلبنا صافي ومافي اي مشكله نفتح صفحه جديده وننسى كل مشاكلنا
اماني : شوفي صاحباتك ينادون عليك شكل محاظرتكم قربت يالله باي
هند : ااهه صح الحين المحاظره اوك اكلمك بكره واقولك اذا بنجي بااااي
رجعت هند ومسكت لميا على جنب وقالت : يمه اماني مدري وش صابها تقول تبي صفحه جديده ومسويه بارتي عشاننا ماني مصدقه
لميا : ههههههههههههههه شكلها جد تبي تغير علاقتها معكم خليك فري ولا تشككين بنيتها
هند : والله مدري امشي امشي لا نتاخر وننطرد
...........
بقسم ساميه كانت مع صديقتها رهف جالسين قريب من القاعه
رهف : لا مو من جدك تغيرين لون شعرك عشان الخبل ذاك
ساميه : رهف ياخبله مو عشانه اصلا من هو اساسا بس ياخي خلاص كلمته كرهتني لون شعري حتى الصبح سالت هند وقالت انه مو حلو كمان
رهف : هند من يومها مو عاجبهاا لون شعرك جت على الحين تسمعين كلامها
ساميه وهي تقرب الجوال من رهف وتقول : شوفي هاللون طيب مره داخل مزاجي
رهف : احمر يييييييعععع لا تكفيييين اكره الاحمممر
ساميه : رهههف يامخيييسه والله غير اصبغه
رهف : تدرين لو شافك ذاك الولد بالاحمر وش بيقول ؟؟
ساميه بصراخ : وانا وش علي منه واساسا ليه يشوفني واساسا ماغيرت اللون عشانه واساسا انتي خبله واللي يسالك خبل
فجأه طلعت دكتوره من المحاظره وتقول : لوو سمحتي انتي قريب من القاعه ماله داعي ترفعين صوتك
ساميه وهي تطالع رهف : رهف من اليوم اقولك لا تصارخين بس ماتسمعين الكلام اسفين دكتوره الحين بنخرج من القسم
دخلت الدكتوره القاعه ورهف فتحت عيونها وشهقت : ساميه يالزفت من اللي يصارخ انا ولا انتي
ساميه وهي ميته ضحك : امشي امشي خلينا نطلع الحين ونروح الصالون
رهف : بنت باقي محاظرتين
ساميه : عادي اقدر ادبر لنا عذر طبي من مستشفانا وتنحل السالفه
رهف : دام كذا يالله مشينا
.........
₩₩
قلْ للحّزنْ آلليّ سّكَنْ بِ آطرَآفْ كَليّ يسّتكَينْ
قِله خلآصّ . . وآلله خلآصّ*
مَآ عّآدَ | تغرّيني‘ آلحّيآة*
مَآ عّآدَ يغرّيني‘ (فرحّ ) !
مآ عِدّت افرآحّ بـ : آلقـآ
مآ عِدّت بـَ |
............................ عّيونْ آلحّيآة جّنونْ*
وّ وّ وّ ضحكَآتّ وشغّبْ ..*
أنْآ غدّيتَ بـّ عّينهآ طفّله ولعَثمّها 0آلحّـزنْ ،
طفّله ( مّمزوجَة ) بـِ / وجّعَ =(*
طفّله تبيّ تنطقَ "حِـلمّ" ومَآتتْ آلكَلمّة جّفآء ،
مّآتتْ حـّزنْ*
مّآتتْ وجّـعَ
₩₩₩
بجهه ثانيه بعيده جدا وعالم جدا بعيد عن عالم التوأم الثري
رنا اللي يظن الجميع انها خاانت خالد لانها هي زرعت هالفكره عند الكل بس الحقيقه عكس كذا بكثير
رنا بوسط البيت الصغير المتهالك كل شي فيه قديم بيت قديم لدرجه ممكن يطيح باي لحظه
صوت زوجها العجوز ينادي بصوت غاضب : يا مره يا مررهه وينك يا مره جيبي العشاا
رنا بالمطبخ تمسح دموعها وتصارخ : جاهز جاهز الحين اجيبه
زوجها العجوز ابو محمد : وش هالمره اللي ماتطيع زوجها
جابت رنا العشا وقالت بصوت خافت : تفضل
واول ماجلست بدا العجوز يصارخ ويسب ويلعن ورنا ماسكه نفسها ماتبكي قدامه.. انتهى من الاكل وشالت الاكل وراحت للمطبخ تبكي وتبكي وتحاول تمنع صوتها مايوصل عند زوجها فجأه دخل العجوز وشافها عالارض مغطيه وجهها وصرخ فيها : يامره وش عندك تبكين رجعنا للسالفه الاوليه وانا اللي تنازلت عن ديون ابوك كلها بشرط اني اتزوجك اسكتي يامره لا اسمع لك صوت لا تخليني اطلقك وارميك انتي وابوك بالسجن
صاحت رنا بين دموعها : لا لا تكفى يا ابو محمد لا تذكر الدين مره ثانيه اوعدك ماعاد ابكي ولا اتذمر واصونك واخدمك مثل ماتبي بس خلي ابوي يععيش بدون دينه تكفى
طلع العجوز بدون مايرد عليها وهي طاحت بالارض وزاد بكاها اكثر بكت طول الليل بمكانها وماحست بحالها الا وهي نايمه على ارض المطبخ ..
............
اليوم الثاني بالبارتي حق اماني
ساميه عزمت رهف وهند ماعزمت احد من صاحباتها حاولت بساميه انها ماتعزم احد بس ساميه تقول طفش وتبي رهف عشان ماتطفش اما من وجهة نظر هند انه عيب انادي احد معي وهي مسويه البارتي عشاني
رهف وهي تكلم ساميه : عاجبك الاحمر ذا اللي براسك
ساميه : ايه عاجبني مالك دخل
رهف : ماخليتيني اقول وش كان بيقولك الولد لو شافك بالاحمر
ساميه : وبعدين يارهف ترا غثيتيني بسيرته
رهف : لو شافك بيفكرك حنيتي شعرك المشيب وصار احمر هههههههههههه
ساميه صرخت : رهف يازززززفت وربي انك حماره مثله كلكم اغبيا وش فهمكم
ونادت على هند بصوت عالي : هننننننند تععععالي
جات هند وقالت : نعم بنت اشبك تصارخين عيب فيه ناس مانعرفهم
ساميه : ايه عشان ماعرفهم باصارخ بكيفي المهم شيلي هالزفته من قدامي جالسه تتريق على شعري
هند وهي تضحك : تستاهلين انتي عزمتيها بعدين يارهف حرام عليك والله ان الاحمر حلو عليها خصوصا انها بيضا طالع عليها يجنن احسن من الشيب اللي قبله
رهف : والله الشيب انه احلا من الاحمر اللي يشوفها الحين يقول عجوز محنيه راسها
ماتو ضحك هند ورهف وساميه عصبت وقامت من عندهم وراحت عند المسبح وحطت السماعات باذنها وشغلت اغنيتها اللي تحبها وطنشتهم
جات اماني عند ساميه وسحبت السماعه من اذن ساميه وحطتها باذنها وقالت : الله يا ساميه احب هالاغنيه كثير
افتزت ساميه وقالت : بسم الله متى جيتي خرعتيني
اماني ضحكت وقالت : دوب جيت الا وش فيك جالسه لوحدك
ساميه : ابد جيت اشوف المسبح عاجبني حيل خاطري انزل فيه بس البرستيج بيخرب قدام الناس
اماني : بعد الساعه 12 بيروحون تقريبا خلينا نسهر للفجر انا وياك ونسبح
انبسطت ساميه وقالت : واااهه حماس بس ترا رهف بتبقى معي لان سواقها باجازة وجات معي
اماني : حياها عادي
اتصلت ساميه على شغالتها ووصتها تجيب ملابس سباحه من بيتها وترسلها مع السواق ملابس لها ولهند ولرهف ولاماني بعد
وسهرو طول الليل وانبسطو ولعبو بالمسبح لين تعبو وبعد ماطلعو من المسبح جلسو قدام النار وبدأو يتكلمون
هند : امون حبيبتي مرا شكرا صراحه انبسطت كثير كنت محتاجه اطلع وانبسط كذا مرا شكرا
اماني : والله انا اللي انبسطت معكم ان شاءالله نجتمع دايم هنا وننسى كل شي زمان ونبدا نصير اصحاب ولا احلا
ضحكت ساميه وقالت : امون معليش عالكلمه بس لازم اقولها بتجيني حكه لو ماقلتها
رهف : او ماي قاد اماني امسحيها بوجههي من الحين انا عارفه انها بتجيب العيد
ضحكت اماني وقالت : عادي كل شي مقبول من بنت عمي
ساميه وهي تحاول تسكت من ضحكها : ماكنت متوقعه ان اليوم بيعدي كذا بدون مشاكل عشان كذا قلت لرهف تجي معي عشان ما احتك فيك هههههههههههه
ضحكو كلهم بصوت واحد وقالت اماني : لا شدعوا مو لهالدرجه
رهف بين دموع الضحك قالت : معليش امون لا تاخذيها جد هي من حطت هالاحمر براسها مماصارت طبيعيه
ورجعو يضحكون كلهم وساميه تصارخ على رهف
وانتهى اليوم الحلو ذا وكلن رجع بيته وهو مبسوط
............
₩₩
تٌعبْتٌ آگتٌم قہر حٍبْيَ ۆ آعآنْدِ گلُ حٍسآدِيَ
ۆلُآ ۆدِيَ آحٍدِ يَدِريَ عنْ حٍيَآتٌيَ ۆشُ جٍرﮯ فَيَہآ
آنْآ فَيَ يَۆم حٍبْيَتٌگ..آحٍسہ يَۆم ميَلُآدِيَ
قصٍآيَدِ قلُتٌہآ لُجٍلُگ گتٌبْتٌگ فَيَ قۆآفَيَہآ
آڏآ مآتٌ آلُآملُ فَيَنْيَ يَظًلُ آلُشُۆق بْفَؤآدِيَ
ۆتٌبْقآلُيَ حٍرۆفَ آسمگ
قصٍيَدِہ دِۆم آغنْيَہآ
₩₩
صحت رنا صباح اليوم الثاني وهي لازالت طايحه عالارض بالمطبخ قامت تعبانه ماتحس بنفسها وراحت للحمام تاخذ شور جلست تتامل نفسها بالمرايه المكسوره اللي بالحمام تتامل جمالها اللي اختفى بعد ماتزوجت هالعجوز غصب شافت بشرتها كيف تعبت وعيونها الحمررا من كثر البكا وكيف انتفخت عينها لانها نامتت وهي تبكي تاملت جسمها كيف نحف وصارت اقرب للهيكل العظمي باختصار انقلبت حياتها تماما خلصت شور وطلعت دورت العجوز بالبيت مالقته قالت بنفسها الحمدلله انه مو فيه فتحت التلفزيون الصغير اللي له اكثر من 20 سنه وبدت تقلب القنوات فيه لقت اغنيه بالتلفزيون كان يغنيها لها خالد دايم ابتسمت وعينها كلها دموع وبدت تردد مع المغني بدت دموعها تطيح حست بشوق كبير كبير لخالد تمنت انها تسمع صوته بهاللحظه اشتاقت له كثير اخذت جوالها لا شعوريا وجات بتتصل عليه بس للاسف ماعندها رصيد بكت اكثر واكثر لانها محتاجته بهالوقت محتاجه تسمع صوته محتاجه تحس بالامان ترددت كثير لكن بالاخير ارسلت له كول مي
.............
₩₩
ۆآعـدِيَـنْـيَ گـآنْ ۆدِگ نْـلُتٌـقيَ ** آلُہـۆﮯ مـحٍـلُآہ لُآ صٍـآر آجٍـتٌمـآع
عـۆضـيَ مآفَـآتٌنْـآ بْآلُلُيَ بْـقيَ ** لُآ يَـرۆحٍ آلُعمـر گـلُہ فَـيَ ضيَـآع
شُۆفَتٌيَ لُگ ہيَ منْﮯ آلُقلُبْ آلُشُقيَ ** يَشُہدِ آلُلُہ مآ آحٍتٌملُ عنْگ آنْقطُآع
آرحٍـميَنْيَ يَـآ حٍـيَآتٌـيَ ۆآفَـقيَ ** آنْقڏيَ آلُمخـطُـۆر قـدِر آلُمستٌطُـآع
₩₩₩
من جهة خالد كانت الساعه 7 تقريبا وهو لازال مواصل ما نام جلس الليل كله وهو يكتب بتويتر ويشكي ويفرغ كل القهر اللي فيه ساعات يسب حبيبته لانها خانته ساعات يشتاق لها وكل من يقرا خواطره يقول عنده انفصام شخصيه قام سوا له قهوة عشان يصحصح لان باقي ساعتين على دوامه بالمحل ومايقدر ينام ويترك الشغل حاول يشغل نفسه ويتابع التلفزيون ومن غير مايحس لقا نفسه يسمع الاغنيه اللي دايم يغنيها لرنا تنهد من قلبه ومسك جواله وعاش صراع بينه وبين نفسه يتصل ولا لا يبي يتصل لانه اشتاق لها وبنفس الوقت مايبي يتصل عشان كرامته وفجاه نورت شاشه جواله برساله من رنا افتز من مكانه ماهو مصدق قرا الرساله مليون مره على انها كول مي بس من فرحته سوا كذا اتصل عليها لا شعوريا ومع اول رنه ردت رنا بصوت مبحوح مليان تعب : الو
خالد بحماس : ياهلا يا الف هلا
رنا : كيفك ياخالد
خالد : اشتقت لك يارنا
رنا بكت : وانا باموت من شوقي عليك
خالد والدموع بعينه : طيب ليه يارنا ليه عطيني سبب واحد لزواجك ذا قلت لك اصبري سنه بس بس سنه واقدر اكون نفسي واتزوجك ليه يا رنا ليييه
رنا اختفى صوتها من البكا ماقدرت تتكلم ومايسمع خالد الا صوت شهقاتها
خالد بخوف : رنا رنا انا اسف ماقصدت رنا خلاص واللي يعافيك بسك بكا انتي عارفه كيف دموعك غاليه علي رنا تكفين يارنا لا تعورين لي قلبي
رنا بصوت مو مفهوم من البكا : خالد غني لي اغنيتنا
خالد : هاه ايش لحظه رنا حبي اهدي شوي عشان اسمعك
رنا هدت نفسها وتنهدت تنهيده قويه وقالت : غني لي اغنيتنا
خالد : ابشري من عيوني بس انتي اهدي خلاص
رنا وهي تمسح دموعها : هديت خلاص
خالد مو مستوعب طلبها لكن ماقدر يرفض ابد لانها تبكي ونقطه ضعف خالد انه احد يبكي عنده
خالد متردد : اااااا طيب الحين اغني ااا لحظه ..وبدا يكح يبي يعدل صوته..وقال: بس رنا بشرط
رنا : عيوني لك
خالد : تسلم عيونك ياحبي رنا انا مو متطمن انك بخير ابي اقابلك يا رنا تكفين خليني اقابلك باي مكان بس اتطمن انك بخير ابسمع منك مباشره انك ماتبيني اذا تاكدت وقتها انك جد تزوجتي لانك ماتحبيني والوقت الي قضيناه مع بعض كله لعب زي ماتقولين وعد مني انساك واكرهك مثل ماقلتي
رنا لا شعوريا قالت : ان شاءالله متى ماجتني فرصه راح اقولك نتقابل #ماحست بنفسها لما ردت عليه كذا يمكن لانها محتاجه له محتاجه تشوفه مشتاقه له كثير#
خالد بفرحه : جد يارنا جد بتقابليني يا رنا ..وضحك ضحكه طويله من قلب.. وقال : رنا انتي ماراح تستوعبين قد ايش فرحتي الحين
ابتسمت رنا لما سمعت ضحكته وقالت : ياه ياخالد قد ايش اشتقت لهالضحكه
خالد بالم : الله يسامحك يا رنا
رنا تبي تصرف الموضوع : يالله لا تنسى وعدك تغني لي
ضحك خالد وقال : ابشري
وبدا يغني بصوته الحنون صوته اللي يخليك تحسين ان العالم بخير
&&&
يَآ آهّلَ آلَهّوٌﮯ کْيَفُ آلَمًحًبًهّ تٌهّوٌنِ
کْيَفُ آلَنِوٌﮯ يَقُدٍر يَنِسِيَ آلَعٌيَوٌنِ
نِظُرةّ حًنِيَنِ وٌآحًلَآ سِنِيَنِ
نِظُرةّ حًنِيَنِ وٌآحًلَآ سِنِيَنِ عٌشُنِآهّآ عٌشُنِآهّآ
يَآقُلَبًيَ آلَحًزٍيَنِ
&&&
فجاه رنا سمعت صوت الباب انفتح افتزت من الخوف وقفلت الجوال ورمته ورا التلفزيون واخذت الريموت بسرعه وحطتها على قناه اسلاميه
دخل العجوز وقال : قومي يامره جيبي لي الدوا
قامت رنا وهي تجر رجلها من الحسره واستوعبت انه ذا الواقع اللي بتعيشه وخالد مجرد حلم
₩₩
لَوٌ بًغُيتٌـ أصّـدٍ عٌنِکْ مًآقُوٌيتٌـ
وٌإنِ بًغُيتٌـ آفُـآرقُکْ قُلَبًي خِـفُـقُ
مًنِ يقُوٌلَ آنِي عٌلَﮯ هّـجّـرکْ نِوٌيتٌـ
قُلَهّـ آنِ قُلَبًي بًحًبًکْ مًحًتٌـرقُ
وٌقُلَهّـ آنِي فُـي مًحًبًتٌـکْ آعٌتٌـلَيتٌـ
رآفُـعٌ آلَهّـآمًهّـ عٌلَﮯ حًدٍ آلَشُـفُـقُ
وٌقُلَهّـ آنِي فُـي بًحًر حًبًکْ رسِـيتٌـ
فُـوٌقُ مًجّـدٍآفُـ آلَهّـوٌﮯ قُلَبًي غُرقُ
₩₩
............................
₩₩
تُنادِي عَليهمْ عِندَ أختِناقِك , فَيُرد عليكَ الصَدى مُتألماً
إنساهُم .!!
₩₩
بجهة خالد وهو يغني فجأه انقطع الاتصال قلبه عوره وخاف على رنا كثير اتصل واتصل واتصل وكل مره الجوال مقفل نزلت دموعه وقال : الله يسامحك يا رنا
انتهى البارت ....انتظروني
__________________________________________________ __________
يعطيك العافيه روايه جميله
_________________
__________________________________________________ __________
اعتذر عن التاخير في تنزيل البارت الجديد
استمتعو في الاحداث الجديده ♡
&&&&
~*¤®§)سِيْفْ الصَّبُرْ ذِبَحْتِنِي..ياسِيْفْ الصَّبُر¤®§®¤غُرْبَه وغَدِرْ ..آه من الغَدِر(§®¤*
&&&
اليوم الثاني في الظهر صحت هند وكانت متكسسره تعب بعد السهر امس قامت ونادت على شغالتها : سونيا سوووونيا
دخلت سونيا الغرفه وقالت : يس مدام
قالت هند بتعب : جهزي لي الحمام وكلمي ماك يوصلون لي غدا انا وساميه
دخلت هنند حمامها الكبير اللي ممكن يكون اكبر من غرف ناس كثير اخذت شاور حار واسترخت وجلست تفكر وتقول بينها وبين نفسها : انا لازم اعترف لخالد بمشاعري ماعاد اتحمل اني احبه من طرف واحد كذا ابي اقابله مابي بس اشوفه صور ابيه يشوفني ابي كل شي يتغير الحب الساكت ذا ماينفع ابد لمتى وانا كذا احرق قلبي وهو مفكرني مجرد صديقه لازم اروح له المحل اللي يشتغل فيه اليوم راح اروح ايه اليوم ..
قررت هند انها بتغير مسار هالعلاقه اللي كلها حب من طرف واحد واللي جالسه تتعذب فيها
&&&
]¦[يّاقَلّبيْ لّيّشْ مّاتِرتّاحْ خَلْ الحُبْ لأَصحْابَه]¦[سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه]¦[
&&&
خرجت من الحمام وراحت غرفه ساميه لقتها جالسه تتابع التلفزيون ومسرررحه لدرجه ماحست انها دخلت جات جنبها وصرخت عشان تفجعها
صرخت ساميه من الخوف وقالت : هننننند يازززفت الله يسامحك موتيني خوف
ضحكت هند وقالت : من اللي شاغل بال اختي
ساميه : شاغل بال اختك واحد حمار
هند فتحت عيونها وقالت : واحد اووووووهه والله تطورت اختي وسار يشغل بالها واحد مين مين مين وليه حيوان قولي بسرعه
ساميه : لا لا لا ابدا لاتفكرين باللي ببالك ترا قاعده افكر بواحد تخاصمت معه ترا يعني لا تتحمسين
هند : تخاصمتي معه يوه تحمست وش السالفه
وحكت ساميه سالفه خالد لهند وانفجرت هند ضحك وقاالت : ساميه مو من جدك ابد غيرتي لون شعرك عشانه وججع من هو اساسا عشان كلمته تاثر فيك كذا
ساميه : مدري كذا جرحتني كلمته وكرهت شعري
دخلت سونيا عليهم بالاكل وقالت ساميه : اوووووهه ماك الله عليك ياهندد فاهمتني وفاهمه مزاجي
............
بجهه ثانيه في بيت مايقل ثراء عن بيت التوام بيت العم احمد ابو اماني
اماني جالسه مع اختها الكبيره المتزوجه وتقول : خاطري نروح عمره شرايك
اختها ريم : اي والله من زمان ما اخذنا عمره يمدينا نروح اليوم صح ماعندنا شي
اماني : بس ما استعدينا
ريم : امشي امشي باكلم ابو ترف واقوله اننا رايحين بعد العصر على مكه
اماني : طيب وترف تروح معنا ولا تتركيها هنا
ريم : باخذها مستحيل اتركها مع الشغالات وكمان مابي اتعب امي بس يالله قومي خلينا نجهز وكلمي خالي فيصل يروح معنا واحجزي طياره بسرعه
اماني : يوووهه ياحماسك يالله توكلنا على الله
*خالهم فيصل صغير عمره 18 باقي ماتخرج من الثانوي حبوب وطيب مع بنات اخته ويحب بنات اخته مره خصوصا انه اصغر منهم ودايم يدلعونه ومايرفضو له طلب عشان كذا دايم يروح معهم سفراتهم ومايرد لهم طلب *
حجزو رحله الساعه 7 المغرب وطارو لمكه
في الطياره اماني تقول لريم : تدرين ان بكره عندي اختبار في الجامعه
فيصل قال وهو يضحك : امون وانا بعد عندي اختبار بككره
ريم شهقت وقالت : يخرب بيتكم ولا تكلمتو اﻻا بالطايره والله لو دريت كان اجلتها للويكند الجاي
ضحك فيصل وقال : الحمد لله ماتكلمنا
...............
&&&
ودي اجـرب الـحـب معـاك ويشتعـل شـوقـي بهـواك وتكـون في حلمـي الاخـيـر وتكـون فـي قلـبي الاسـيـر
&&&
بعد العصر نزلت هند لابسه عباتها وكانت امها وساميه بالصاله سالتها امها : هنند حبيبتي طالعه ؟
هند : ايه مامي طالعه
ساميه : وانتي جايه جيبي ايسكريم باسكن روبنز مشتهيته
هند بابتسامه مصطنعه : ان شاءالله
ركبت هند السياره وقالت للسواق يروح للمجمع وارسلت لخالد عالبيبي __ خالد
خالد
خالد
يووهه وينك رد
ping!!!__
خالد بالمحل ماله خلق احد جالس يفكر برنا كعادته فجاه اهتز الجوال على الطاوله اخذه وفتحه وقال بنفسه هند غريبه شتبي من زمان ما ارسلت لي فتح المحادثه ورد عليها ___ هلا هنوده معليش ماكنت حول الجوال امري ___
ابتسمت هند من كلمه امري وكتبت له __ مايامر عليك عدو حبيبي * شوي استوعبت ومسحت كلمه حبيبي وكملت *
بغيت اسالك وش اسم المحل اللي تشتغل فيه __
خالد __ محلي ؟؟
غريبه شتبين فيه بتجيني ؟؟ __
هند ___ لا بس فضول ___
خالد __ اسمه ............ ___
هند ___ زين بارشح محلك عند صاحباتي عسا بضاعتك زينه وترفع الراس *وحطت فيس يضحك* __
خالد ___ ايه افا عليك __
وقفلت هند المحادثه مبسوطه اخيرا بتشوفه فتحت كاميرا جوالها الاماميه وجلست تطالع نفسها وتقول بغرور *ان شاف هالجمال مستحيل يبقى يحب رنا *
وصلت المجمع وبدا قلبها يدق بسرعه توترت كثير نزلت من السياره وقالت للسواق لا تتحرك من هنا شوي واطلع
دخلت المجمع واطراف ايديها ترجف من التوتر مشت وراحت للكوفي واتصلت بصاحبتها لمياء وقالت بصوت يرتجف : الو لميا سلام
لميا : هند اشبه صوتك
وبدت هند تحكي للميا ايش ناويه تسوي
لميا بصراخ : اييييييييييش يامجنوووونه ليه ماقلتي لي اجي معك هند اسمعي ياويلك تتحركي من الكوفي اصبري الحين جايه
هند قررت تستنى لميا لانها بتموت من التوتر
..............
&&&
(*)ˆ~*¤®§)(*ًمًَشتاق أبَِي ِفرَحكٌ أبٍسَمر ليُاليكُِ ..... مًشتٍاق أبيًِ صٌوتكِ وحَشنٌيِ جٌنوّنكْ *)(§®¤*~(*)
&&&
بجهه ثانيه عند رنا
كانت جالسه مع العجوز وكان تقريبا مروق وجالس يحكي لها قصص ايام اول وهي تمثل انها مستمتعه فجاه قالت له : ابو محمد ابطلبك طلب بس قول تم
ابو محمد : وش عندك يا مره
رنا : ابي اروح للسوق عندي كم حاجه ناقصه من ملابسي ودي اشتريها
ابو محمد بعصبيه : وشهو اللي ناقص وشهو ماني مقصر عليك بشي لا تقولين ناقص عليك شي
رنا : لا لا يا ابو محمد لا تفهمني غلط خيرك مكفيني وزود بس فيه كم حاجه زياده خاطري فيها
ابو محمد : وش هم طيب قولي
رنا بضحك : حاجات حريم يا ابو محمد ما اقدر اقولك
ضحك ابو محمد وقال : ايه زين زين بس لا تتاخرين خذي اللي يكفيك من المحفظه والحين اكلم ولدي محمد يجي يوديك
قامت رنا تبوس يد ابو محمد : الله يعطيك العافيه يا ابو محمد
&&&
مِنِ غّ ـدُر آلَآيّـآمِ جَ ـيّتُـك كآرهِـنِ نِفُسًسًــيّ لَوِقَلَـتُ وِشّـ فُيّـك بّـكيّـتُ وِقَلَـتُ مِحً ـتُآجَ ــك آبّـيّك
&&&
راحت رنا لغرفتها وهي بتموت من الوناسه وجلست تفكر يارب وش البس وش احط وش اسوي كيف اكلمه واقوله اخاف اروح وما القاه اخاف ولده يشك فيني ويلحقني ياربي وش السواه كيف اخذ الجوال من ورا الدولاب وماينتبه له
اخر شي قررت تطلع عادي بدون ماتلفت الانتباه وتروح للمجمع وان لقته خير وان مالقته تدبر طلعه ثانيه
لبست عباتها وطلعت بالصاله عند ابو محمد وقال لها : لا تتاخرين يا مره وخذي اللي تبين كله الحين ترا مابتروحين مرتن ثانيه ابد
رنا : ايه ان شاءالله يا ابو محمد ها جا ولدك اطلع ولا باقي
ابو محمد : ايه ايه يالله مشينا
رنا فتحت عيونها : بتروح معي
ابو محمد : اييه اجل اخليك تروحين لوحدك
رنا : مايصير يا ابو محمد ذا محل حريم ماتقدر تروح معي
ابو محمد : يوووهه خلاص امشي بانزل بالطريق عند ابو عبدالله
ارتاحت رنا ومشت معه
محد يقدر يحس بالسعاده اللي فيها الحين راكبه السياره وتطالع الشارع ودموعها بعينها من السعاده بتشوف خالد بتشوف حبيبها اللي انحرمت منه سعادتها بهاللحظه ما تنوصف ابد
..................
&&&
آلُمْوُٺ ٻعٌيُوُنْڪ وُآلُہلُآڪ ٻآقٌيُڪ ڪلُڪ ﭸلُوُ ٻڛ آمْوُٺ ٻعٌيُوُنْڪ
&&&
وبجهة اماني وريم وفيصل
وصلو مكه وبدأو بالعمره اماني كانت ماسكه ترف وفيصل كان ماشي مع ريم
خلصت السعي اماني قبلهم وجلست تستناهم عشان يتحللون ووقت اللي كانت تستنى فيه كانت جالسه تكلم صاحبتها بالجوال شوي مر من جنبها واحد اجنبي يعني كذا بعمر الثلاثين وكان الاحرام حقه مو لابسه زين على جسمه وباين نص جسمه الرجل جميل وجسمه معضل .. اماني شافته وشهقت وتقول لصاحبتها : استغفر الله يارب حتى بعد العمره الشيطان ماراح
صديقتها: ليه اش فيه
اماني : ياويل حالي قولي ايش مافيه استغفر الله استغفررالله بس فيه واحد اجنبي هنا ششششي جسم وجمال يارررربي استغفر الله
ضحكت صديقتها وقالت : عيب غضي البصر
وفجأه اماني ماحست الا وهالاجنبي جاي عندها ويكلمها انقلش : اسمحي لي يا انسه
اماني فتحت عيونها وقالت لصديقتها : بنت اكلمك بعدين .. وطالعت الرجل وقالت له بالانقلش برضو : كيف اخدمك
رد الاجنبي : مرحبا اسمي ستيف انا من بريطانيا وهذي مرتي الاولى هنا وما اعرف شي واحتاج مساعدهه
اماني : تفضل اساعدك بايش
ستيف ياشر على برج الساعه ويقول : ابغى احجز غرفه هنا
ردت اماني : بس هالبرج غالي جدا
ستيف : لا مشكله
اماني وقتها قالت بنفسها ""اكيد انه غني""
وردت عليه : اوك بسسيطه انت بس روح هناك ويخدمونك على طول مايحتاج تسال احد
ستيف : ان كان الامر كذا بس اسف على ازعاجك وشكرا لك .. ومد لها ايده ببطاقته وقال : هذي بطاقه اعمالي اشعر اني لازم ارد لك الجميل اذا احتجتي مني مساعده انا مستتعد بس قولي لي اسمك
اخذت اماني البطاقه بدون تردد وقالت بابتسامه : شكرا لك اسمي اماني
مشى من عندها على طول واماني متجمده بمكانها مو مصدقه اللي صار ماسكه البطاقه تتأملها وفجأه جا فيصل وريم وسحب فيصل البطاقه منها وقال : من هالاجنبي ياوصخه لا ودوب ماخذه عمره بعد
افتزت اماني وسحبت البطاقه منه : مالك شغل ياغبي يالله بسرعه خلونا نتحلل اشبكم طولتو
تحللو وراحو لبرج الساعه عشان يرتاحون اماني اخذت ترف معها بغرفتها
ترف عمرها 8 سنين بس عقلها كبير وداهيه سالت اماني وقالت : خاله امون
اماني هلا ياروح خالتك
ترف : خاله من الرجال اللي جا عندك واحنا تحت مافهمت وش تقولون
اماني شهقت : ترف ذا اجنبي مايعرف عربي وسالني كم سؤال عشان اول مره يجي هنا
ترف : طيب ليه اعطاك ورقه
اماني ضربت راس ترف بالمخده : ذا كرت الشغل حقه يعلمني وين يشتغل بس
ترف تضحك : طيب شدخلك انتي ليه يعطيك الكرت
اماني زادت ضرب ترف بالمخده وقالت : خلاص نامي نامي ياداهيه
&&&&
®°·.¸.o°°oo~§ أبحكيلك حكاية قلب،،، حلف يمشي على أمرك،،، رفض يسكن صدور الناس،،، وجاء يسكن وسط صدرك §~oo..·.¸.o°°®"*
&&&&
فجاه دق باب غرفه اماني وقامت عند الباب تقول : مين
فيصل : افتحي انا فيصل
فتحت اماني وقالت : ليه مانمت ليه جاي هنا
فيصل :وش هالطرده خليني اجلس اول بعدين اطرديني
ضحكت اماني : اجلس اجلس
وبدو يسولفون ويضحكون وترف رجعت عادت سالفه الاجنبي واماني تسلك للسالفه وتضحك وفجاه انقلبت السالفه جد بسؤال من فيصل : اقول امون ابسالك
امانيي: اسال
فيصل : امممم بنت عمك ذيك الي عزمتيها يوم الشاليه
اماني قاطعته : بنت عمي !!!! ليه تسال وش دراك انها بنت عمي
فيصل : اسمعي لا تقاطعيني مو انتي طلبتيني اجيب لك ملابس سباحه ودخلت اعطيك وقلتي لي ان الكل راح باقي بنات عمك
اماني : ايه
فيصل : شفت وحده منهم
اماني : شوف تراهم ثنتين توام والثالثه صديقه ساميه يعني يمكن شفت صديقه ساميه
فيصل : اللي شفتها تجنن والله يا اماني من شفتها وهي باقي ببالي جمالها يسحر
ضحكت اماني : طيب اوصفها عشان اعلمك من شفت
فيصل : كانها اميره تحسينها طالعه من قصه سندريلا تخلي الواحد يرتبك ولا ينساها
زاد ضحك اماني : وين الوصف باللي قلته
فيصل وعيونه تلمع : عيونها واسعه تسحر اللي قدامها ماتخليك تبعد عينك عنها
اماني حطت يدها على خدها وتضحك : طيب وش بعد
فيصل يكمل بحماس وعيونه تلمع : شعرها عودي طويل مطلعها كانها حوريه
ماتت ضحك امانيي وقالت : ايه اخيرا وصفت شي زين
فيصل مسك يد اماني كانه يترجاها : امون عرفتيها من وصفي صح مين هي تكفين
حاولت اماني توقف ضحك وقالت : طيب ان قلت لك وش بتستفيد
فيصل : عالاقل اعرف من هي اللي اخذت عقلي واخليك تشبكينا كمان *وغمز لها*
اماني بجديه : شوف البنت اولا اكبر منك وشخصيتها صعبه مو اي شي يعجبها وثانيا علاقتي معها مو ذاك الزود كيف اشبكك
فيصل بترجي : انتي علميني اسمها وبس تكفين وبعدين عاد انا اخطط كيف اشبكها وانتي ساعديني بس
اماني : طيب مع انه اللي باساعدك فيه غلط ترا البنت السنه ذي اخر سنه لها جامعه بنفس عمري يعني كيف تبي علاقه مع اكبر منك هي كيف بتسمع لك
فيصل نفد صبره : امون مو وقت محاضراتك وان كانت اكبر مني وش المشكله يالله تكفين اسمها
اماني بعصبيه : ساميه اسمها ساميه
فيصل تنهد : يالبيييييييه ياساميه عطيني بنها او رقمها تكفين يا امون طالبك طلب
اماني : عيب ياولد كيف تبيني اعطيك رقم البنت قم قم على غرفتك اصلا عرفت من البدايه جيتك ما منها خير يالله نام ترا رحلتنا صباح ونبي نصلي الفجر بالحرم وبعدين نطلع المطار
فيصل : امووون ماراح انسالك هالجميل
وقام يبوس راسها ويقول : ويازينها بنت اختي يازينها يالله رايح انام وانا مرتاح اخيرا
ضحكت اماني وقالت : الله معك
....................
اول مادخلت رنا المجمع راحت لحمامات النسا شالت نقابها بدت تتامل وجهها تبي تبين انها باقي حلوة مثل قبل تبي تخفي نحفها تبي تخفي السواد اللي تحت عينها من كثر التعب فتحت الشنطه حاولت تخفي عيوب وجهها بس للاسف مكياجها محدود ولا عندها كريم اساس اصلا استسلمت للامر وقالت بنفسها : خالد بيشوفني حلوة مهما صار لي
بنفس اللحظه دخلت هند الحمام وهي تكلم لمياء وتقول : لمياء خايفه اروح له لوحدي تعالي معي تكفين *انتبهت ان الحمام فيه غيرها وبدت تتكلم بصوت واطي * واساسا رنا ماهي معها ولا سمعتها رنا مشغوله بخالد وهند مشغوله بخالد
تكلمت هند وهي تهمس : وقتها امك تروح لجدتك الحين .. ياربي خلاص خلاص بادبر عمري
قفلت وتنهدت تنهيده قويه ودخلت الحمام وجلست عالكرسي تفكر وتفكر كيف بتروح كيف بتعترف له كيف وكيف وكييف حطت ايدها على راسها تفكر فجاه دق باب الحمام عليها وتكلمت رنا بصوت خافت : لو سمحتي ابي منك خدمه
استغربت هند وفتحت الباب وقالت : ايش
رنا باحراج : امممم اسفه على طلبي الغريب بس القى عندك مكياج بشنطتك محتاجته الحين ضروري
ضحكت هند وقالت بنفسها : _هذي بعد جايه تقابل اللي تحبه مثلي _ ردت عليها بابتسامه : ايه عندي تفضلي
طلعت لها بودره وقلم كحل ومسكرا وروج وردي هاااادي
فرحت رنا وقالت : الله يسعدك يارب فكيتي كربتي
وبدت رنا تحط المكياج لنفسها اخفت عيوب وجهها وبينت جمال عيونها واعطت لشفايفها لون حلو اخفى التعب منها وخلصت والتفتت لهند وقالت لها : مرا شكرا ماني عارفه كيف ارد لك هالجميل
ضحكت هند وقالت : مايحتاج ترديه انا فاهمتك وااااوو طلعتي جميله جد ياحظه اللي تكشختي عشانه
انحرجت رنا وقالت : ااهه تسلمين
وطلعت رنا من الحمام بدون غطا وجهها طلعت وهي ترتجف خوف انه احد يشوفها من معارف زوجها بس بقت واثقه انها ماهي مسويه شي غلط لانها قبل زواجها اساسا ماكانت تغطي مشت بتوتر كبير باتجاه محل خالد
هند باقي بالحمام متوتره بشكل فضيع كان عندها امل ان لميا تجي وتخفف توترها شوي طلعت للحمام واتجهت للسكيورتي تساله عن موقع هالمحل وقالها تمشي وراه يوصلها له ومشت معه
&&&
§*)§®¤*~ˆ° طِحْتْ مِنْ قَلْبِيْ وُمِنْ عَيْنـْي اْلْسِـٌبَبْ جَرْحِـٌيْ وُحِرْمَـٌَانِيْ أِبْتِعِْدْ لاَ تْنـْادِيِنـٌيْ مْاَ أَلتِـٌفِتْ لِلِـٌيْ تَنَْاَسَـٌَانـَْي §*)§®¤*~ˆ°
&&&
باللحظه ذي خالد جالس بالمحل وكان يرتب البضاعه الجديده ومنغمس مره بشغله فجاه سمع صوت يناديه : خالد قلبي
ما استوعب خالد الصوت اللي سمعه فكر نفسه يتخيل صوتها من كثر شوقه هز راسه وكمل شغله ورجع الصوت ينادي : خالد قلبي انا هنا
التفت خالد وقلبه ينبض وشاف رنا قدامه شاف ملاكه شاف حلمه شاف حبه وشاف الانسانه اللي يتمناها له ماصدق عيونه وقال بصوت يرتجف : رنا
مسحت رنا دموعها وابتسمت : ايه رنا اشفيك مو مصدق
خالد حس حاله مخربط ترك الشغل اللي بيده وجا عندها قاال : اشتقت لك ياملاكي اشتقت لك ياسعادتي من تركتيني والسعاده اختفت من دنيتي
وجلس عند رجولها ويقول بين دموعه : رنا تكفين ارجعي لي ارجوك يارنا انا عارف انك باقي تحبيني انا عارف انك تبيني خلاص اصبري علي سنه بس واتزوجك بس تطلقي من زوجك ارجوك
رنا بين دموعها : خالد لازم نروح مكان مافيه احد ونتفاهم
خالد لا شعوريا قام وحط لوحه المحل مغلق للصيانه وقفل ستاير المحل عشان مايشوفونه اللي برا وقبل لا يقفل الستاره شاف هند واقفه عند الباب وعيونها كلها دموع وفجاه طاحت واغمى عليها
انتبهت رنا لها وركضت لخالد وقالت ايش فيه اشبها جات رنا عندها وضربتها على خدها وتقول : يابنت اصحي ايش فيك
وخالد مجمد مكانه الوجه مو غريب عليه وقال بنفسه :_ذي ام شعر ابيض ايش جابها هنا وليه كانت تبكي وليه طاحت _ صرخت رنا وقالت : خالد روح نادي السكيورتي يودونها الاسعاف حس خالد على نفسه واتصل عالاسعاف وشوي تجمعو الناس حولها ويسالون وش صار ورنا خايفه عليها وجالسه تقول بنفسها :_ ذي ساعدتني واعطتني مكياجها كانت بخير قبل شوي ياربي وش صار لها ليه طاحت كذا _
شوي جا الاسعاف وشالوها عالنقاله وطاح شوي من حجابها وانتبه لها خالد واللي لفت انتباهه اكثر ان شعرها اسود استغرب وقال بنفسه :_ معقوله غيرت لون شعرها عشاني جرحتها _ مادري انها اختها التوأم
التفت على رنا وقال لها: عدلي لها حجابها مايصير الكل يشوفها
قالت رنا : ايه الحين اعدله . شوي التفتت رنا لخالد وقالت : خالد حط رقمك عند الاسعاف خلهم يتصلون عليك ويطمنونك عليها وان كانت بخير كلمني وقول لي
خالد : هاه رقمي ااهه طيب .. وراح للمسعف وقاله يتصل عليه ويطمنه عن حالتها
اخذووها الاسعاف ورجع خالد المحل ودخلت معه رنا وجلسو بلحظه صمت كل واحد يحاول يحلل ويفكر باللي صار خالد مستغرب من دموعها اللي كانت بعينها قبل لاتطيح ورنا مستغربه لانها كانت بصحتها قبل دقايق كيف فجاه تطيح
&&
يـاروعـة الـضـمـه عـلـى صـدر مـشـتـاق*
مـع واحـدن دايـم تـمـنـى تـضـمـــــــــــه*
لاتـرجـمـت صـدره تـعـابـيــــر الاشـواق
مـن الـغـلا تـشـدهـ عـلـيـك وتــــلــمــــه
&&
قام خالد وقفل المحل من جديد وحط لوحه مغلق للصيانه وغطا الباب الزجاجي بالستاير والتفت لرنا وعيونه مليانه دموع ويخفيها بابتسامته وقال : رنا تغيرتي كثير
صحت رنا من سرحانها وقالت : صرت احلا صح
خالد : انتي دايم احلا بس ليه كذا نحفتي ليه كذا وجهك تعبان
ابتسمت رنا وقالت : الحياه الجديده خلتني كذا
خالد : افهم من كلامك انك مو مبسوطه بزواجك مثل ماتقولين
ماقدرت تتحمل وانفجرت بكا وحطت ايدها على وجهها وجلست بالارض تبكي
خالد بخوف يمسكها ويهز كتوفها : رنا لا لا الا دموعك رنا تكفين تعرفين كيف ما اتحمل دموعك رنا لاتعورين لي قلبي ارجوك
رفعت راسها وطالعت عيونه بنظرات كلها الم وانكسار وقالت : خالد اسفه والله غصب عني .. وزاد بكاها
خالد ماقدر يتحمل يشوفها كذا ومايسوي شي من غير شعور منه سند راسها على كتفه وجلس يطبطب على ظهرها ويقول : كل شي بينحل بس انتي اهدي رنا انا ما اتحمل دموعك ما اقدر اشوفك تبكين يارنا قلبي يوجعني
رنا بهاللحظه تمنت انها تبكي طول حياتها عشان لا تبعد من حضن خالد تمنت الوقت يوقف عند هاللحظه بس بنفس الوقت خافت من ربها لانها بحضن شخص مو محرم لها حاولت تمسك دموعها وبعدت نفسها عن حضنه وبدت تمسح دموعها بطرف عبايتها وقالت : اسفه خالد
خالد : رنا انا ماراح اتركك تروحين اليوم الا لما افهم كل شي
نزلت راسها رنا بالم وقالت : ايش اقولك اكثر من اني خنتك وتزوجت
خالد : تقولين ليه تزوجتي وتقولين لي سبب دموعك ذي وتقولين لي كل شي صار من لما تركتيني قبل ست اشهر
تنهدت بألم وقالت : خالد انت انسان عظيم انت مافي مثلك توقعت لو قلت لك اني خنتك راح تنساني وتعيش حياتك لكن بتصرفاتك ذي خليتني اخجل من نفسي خالد ابيك تفهم شي واحد انا تزوجت صح بس ماخنتك انا كذبت عليك انا ماخنتك انا تزوجت غصب عني ؛وبدت تبكي وتشهق؛ تزوجت عشان دين ابوي لو ماوافقت عالزواج كان ابوي بالسجن الحين ماكان قدامي الا هالخيار خالد اسفه اسفه اسفه اسفه
نزلت دموع خالد لا شعوريا ورجع حضنها و وابتسم براحه : الحين ارتحت لما تاكدت انك ماخنتيني انا كنت واثق فيك اكثر من نفسي
لحظات وهديت رنا وبدت تحكي له وتشكي وخالد قلبه معوره ويتالم على الحاله اللي وصلت لها حبيبته بسبب الفلوس وكمان الفلوس هي اللي منعته من انه يتزوج حبيبته ككل شي وقف بطريق خالد ورنا سببه الفلوس
قالها خالد بالم : وطول هالشهور ساكته ليه ؟؟ متحمله هالالم لوحدك ليه ؟؟ كان قلتي لي عالاقل اخفف عنك
رنا : ليه اقولك واعذبك معي
خالد : رنا انا راح الاقي حل راح اجمع فلوس الدين واطلقك منه واخذك لي بس انتي اصبري شوي اصبري وانا اجيبها
رنا بضحكه الم : تجيب 10 مليون من فين وانت ماقدرت تجيب مهري بس
ضحك خالد وقال : تتريقين فيني يا رنا افااا تتريقين بحبيبك
ضحكت رنا وابتسم لها خالد وقال : راح اجيبها لا تخافين
تنهدت رنا وطالعت الساعه وقالت خالد لازم اروح الحين عشان لايشك اذا تاخرت اعطيني اي شي من محلك على اساس اني جايه اشتري
قام خالد واختار لها اجمل ملابس بمحله وقال لها : ذي بتلبسيها لي اياني وياك تلبسيها للشايب
رنا بضحكه : اصلا لو لبستها له بيضربني بالعقال شايب ذا ماعنده هالدلع
خالد وعينه تلمع : الله لايحرمني هالضحكه
رنا : اتمنى الوقت يوقف عند هاللحظه ياخالد
وقفو فتره عيونهم ببعض صحيح مايتكلمون بس عيونهم تحكي الكثير
خرجت رنا من المحل وخالد قلبه يتقطع عليها وهي خرجت وتمسح دموعها وراحت لدوره المياه تمسح مكياجها وتلبس غطاها وطلعت لقت ولد زوجها يستناها ركبت معه ورجعت لواقعها الاليم الواقع اللي ماتقدر تهرب منه
&&
ذَّكَرْتْ كَلّمَّه قَاَلَّهَا الَّخِلْ يُومْ ثَارْ..لاَتَدِعِيْ الَّفَرْحَهْ وٌ أَنْتْ مَيَتْ حَزِيِنْ
لَحٌظّةّ أّلَتّوِدِيِّعٌ فِّيِّهِأّ وِيِّشٍ أقِوِلَ..ګلَ مَأّ بِأّلَقِلَبِ قِأّلَتّهِ أّلَدِمَوِعٌ...*
&&
.............
&&
¤*~ واَلٍلَهـ والٍلْهـ وحًياِةْ جًرِحَي ٍْوعًمِريـْ اٍلَليْـ عٍطيِتـْ مٍثلـَ مًاقِلتْـ اًحَبْكـ رًاحـِ اَقِولـْ لٍكـْ نٍسًيْت ~*¤
&&
بالمستشفى
هند في الطواريء وبيدها المغذي والدكتور يكلم الممرضه عندها ويقول : طيب كيف نعرف اهلها الحين
صحت هند بهاللحظه وفتحت عينها ومااتكلمت باي كلمه جلست تتامل حولها وتتذكر ايش صار ودموعها تنزل من الصدمه تذكرت وياليتها ماتذكرت تذكرت شكل خالد كيف يبكي عند رجل رنا ويترجاها ترجع له انصدمت ان البنت اللي ساعدتها عشان تكشخ لحبيبها هي رنا اكبر اعدائها خلتها تكشخ للشخص اللي هي تحبه رفعت هند يدها على وجهها وبكت بصوت عالي وانتبهت لها الممرضه والدكتور وجو عندها يهدونها
رفعت هند يدها عن وجهها وقالت : دكتور ارجوك خليني افقد الذاكره
الدكتور : صلي عالنبي يا اختي مو كذا تنحل الامور انتي لازم ترتاحين وماتجهدين نفسك عشان المغذي ياخذ مفعوله
صرخت هند بصوت عالي : ابي اروح البيت
الممرضه : طيب يا اختي لازم تسجلين بياناتك هنا وتتصلين على ولي امرك يوقع بخروجك
صرخت هند بصوت اعلى ااااااااااااااهه ياربي
اخذ الدكتور الممرضه على جنب وقال لها : حاولي تهدينها شوي عشان تتجاوب معك انا لازم اروح الحين
الممرضه : ان شاءالله
جلست الممرضه تحاول تهدي هند بس مافي امل اخر شي تجاوبت هند وقالت لها: ابغى اخرج بس بدون توقيع ولي امر تكفين مابي اقلق اهلي اساسا كلهم مسافرين مافي احد هنا تكفين خرجيني
تنهدت الممرضه وقالت : اوك عشانك بس
اتصلت هند عالسواق وجا اخذها وهي في حاله مايعلمها الا ربي
.......................
انتهى البارت اتمنى الاقي منكم تفاعل وشكرا لكل اللي قرأو روايتي وانتظؤوني بالبارت الجديد والاحداث المثيره ♡♡
__________________________________________________ __________
اعتذر عن التاخير الطويل لكن حصلت لي ضروف
نختصر الموضوع ونبدا
$$$$$$$$$
ياهمومي ياجــروحي يا صدى الروح العليله ..
والله ان الـــظــلم قهره قيّد لسانـــي ويديني!!
يوم قيل ناظر حسودك زاد في قوله وقيله ..
ما طــرالي غير قولت آآآخ يا دنيــا ارحميني..
$$$$$$$$$$$$
هند بعد ماخرجت من المستشفى وهي بالسياره مع السواق تبكي باعلى صوتها تبي تطلع اللي بقلبها قبل لا تدخل البيت فجأه قالت للسواق يوقف على جنب الطريق عشان تهدي نفسها شوي
حست حالها تعبت جدا من البكا وقالت للسواق : روح باسكن واتصل على ساميه اسألها وش تبي وجيب لها
السواق : حاضر ماما
...........
بجهه ثانيه وشخصيه جديده عالروايه (عبير) صديقه رهف تعرفها من ايام الثانوي علاقتهم مو مره قويه لكن كويسه
عبير جالسه بحوش بيتها وبايدها الشيشه وجالسه تشيش وتنادي عالخدامه : ميري ميري يازفت تعالي بسرعه
جت ميري خايفه : ايوا مدام
عبير بصراخ : غيري لي الجمر بسرعه
اخذت عبير جوالها واتصلت على رهف : رهف حبيبتي وحشتيني كثييييير
رهف : وانتي اكثر ياقلبي وينك مختفيه ما اشوفك بالجامعه ولا لك حس
عبير : تعرفي ياللي بيدرسو اعلام كيف مايقدرو يتنفسو من كثر المحاضرات الا شرايك نتقابل قريب
رهف : اوك مافي مشكله بس وين
عبير : بكره ان شاءالله مسويه بارتي ببيتي تعرفي ماما وبابا مسافرين كعادتهم وقلت خليني اغير جو البيت واسوي بارتي اتسلا
رهف : حفلاتك ما تطمن لا يكون فيه احد كذا ولا كذا
ضحكت عبير بصوت عالي وقالت بلهجه مصريه : يختي هي الحفلات ما بتحلاش من غير حد كدا ولا كدا
رهف ردت بنفس لهجتها المصريه : لأ يختي لو حفلتك بيكون فيها كدا ولا كدا مش قايه
ضحكت عبير وقالت : خلاص عشانك ماراح اجيب كذا ولا كذا بس تعالي وجيبي اللي يعزون عليك
رهف ضحكت وقالت : اوك حبيبتي اشوفك بكره
اتصلت رهف على طول بساميه وقالت : الو ساميه
ساميه : هلا رهوفه
رهف : اسمعي فاكره صاحبتي عبير
ساميه : عبير الغثيثه ذيك ايه اشبها
رهف : لا حرام عليك وين غثيثه المهم مسويه بارتي عليه القيمه بكره ببيتها وعزمتني ابيك تجين معي
ساميه : عزمتك انتي انا شدخلني
رهف : هي قالت اعززم اللي ابي مابي اروح لوحدي اكيد فيه ناس كثير ماعرفهم لازم تجين معي
ساميه : يووهه مالي خاطر بس يالله مافي مشكله نروح
رهف : حبيبتي ساميه ما تقدر ترد لي طلب
ضحكت ساميه وقالت : ايه يامعفنه ما اقدر ارد لك طلب
قفلت رهف من ساميه وباللحظه ذي دخلت هند البيت وحالتها ما تسر
قامت ساميه مفجوعه وتطالع بوجه اختها اللي محمر من كثر البكا قامت تهزها وتقول : هنننننند يابنت اشبك وش صار اشبه وجههك هند اش فيك
بعدت هند يد ساميه وقالت : مافيني شي خذي الايسكريم جبته لك
قالت ساميه : الحين مو مهم الايسكريم انتي اش فيك لا تخوفيني عليك انطقي اشبك
هند ببرود : مافيني شي مصدعه ابي انام
بعدت عنها ودخلت غرفتها وقفلت الباب وتركت ساميه قلبها ياكلها تبي تعرف وش صار بتوأمها
....................
في مكه وبالحرم تحديدا اماني وفيصل وريم وبنتها جالسين يقرأون قران وعايشين جو روحاني جميل
ريم قالت : يالله ماباقي شي عالساعه 8 خلونا نطلع عالمطار
اماني بحزن : احس باقي ماشبعت من الحرم خاطري اجلس اصلي فيه اكثر
ريم : بنجي بعدين كل اسبوع اذا تبين بس لازم نرجع الحين
فيصل : جد احس ما امدانا نستانس هنا ما رحنا الاسواق ولا شرينا هدايا
ريم : انا لازم ارجع الحين يالله قومو خلاص الاسبوع الجاي نجي مكه كمان بس يالله قومو
قام فيصل وقال : يالله امرنا لله الحكومه قالت نمشي
ريم ضربته على كتفه : يالله عاد مو عشانك خالي تقل ادبك يالله بسرعه
وقامو كلهم ومشيو عالمطار
اماني طول الطريق تفكر بالبريطاني وتناظر بطاقته
....................
$$$
انا ما طحت من بعدك
انا بنتٍ (تهز رجال)
تظن بغيبتك ببكي
ابضـــــحــــــك ما تبكيني
$$$$$$
صحيت ساميه بدري من النوم وراحت على طول لغرفة هند بس لقتها مقفله الباب زاد قلقها عليهاا ودقت الباب بقوة وتصرخ : هند يابنت افتحي الباب ابيك
انتظرت يمكن خمس دقايق وهي جالسه تدق الباب باقوى ماعندها وفجاه فتحت هند الباب كان شكلها عكس اللي توقعته ساميه كانت متكشخه وكانها بتروح عرس ولا كانها اللي كانت تعبانه امس
فتحت ساميه عيونها وقالت : اش فيك وين رايحه وش كان فيك امس تعبانه
هند ترد ببرود : وش فيني مافيني شي ورايحه الجامعه ولا نسيتي ان اليوم دوام
لسا ساميه واقفه مذهوله وقالت : هند ما كان فيك شي امس متاكده !! قلبي يقول ان فيه اشياء مو شي
هند : يختي هذا انا قدامك مافيني الا العافيه الا تعالي انتي ليه مالبستي للحين
ساميه : ماراح اروح مالي خلق
هند : مو عشان تقدري تاخذي اعذار غياب من مستشفانا خلاص اخذتي الغياب حلا
ساميه : بدت محاظرات الدكتوره هند المهم تراني ماني مصدقتك ان مافيك شي بس راح اتركك براحتك بس تذكري اني دايم جنبك لو حصل شي اقدر اساعدك فيه قولي لي
ومشت ساميه وتركت هند ...
...................
على وقت المغرب تقريبا
رهف تكلم ساميه : ايوا انا قدام بيتك يالله اطلعي لا نتاخر عالبارتي
ساميه : يالله طالعه
نزلت ساميه تركض ومرت من عند الصاله لقت ابوها جالس بالصاله على غير العاده بالعاده يجي متاخر ونادر جدا يشوفونه
وقفت ساميه مذهوله وقالت : باابا هنا لا لا مو مصدقه
وجت ركض تحضنه وتقول : اشتقت لحضنك يا بابا لا تطول علينا
ضحك ابوها وقال : ابشري يابنيتي هذا انا اليوم رجعت بدري عشان اجلس معك
تذكرت ساميه رهف اللي تستناها برا وقالت : بابا اسفه بس اليوم لازم اخرج ليتك قلت لي من بدري انك بتجي كان مارحت
راشد : بتروحين وين ماتقدري تاجلي هالروحه
ساميه وهي زعلانه : صاحبتي تستناني برا خلاص لازم امشي
راشد : خلاص يا بنيتي روحي الجايات اكثر
حضنته ساميه وسلمت على راسه وبعدها سلمت على راس امها وخرجت
اول ماركبت صرخت رهف : اشبك طولتي خست وانا استناك
ساميه : سوري بيبي بس ابوي كان بالبيت سلمت عليه قبل اطلع ااخخ كان ودي اجلس معه بلاها من حفله
رهف وهي تسوي حالها زعلانه : وتقعدين معه وانا اروح لوحدي
ساميه : لا مايهون علي اخليك هاذا انا تركت الغالي وجيت معك
ضحكت رهف وحضنت ساميه وقالت : الله يخليك لي يا احلا صديقه بالكون
ومشيو على بيت عبير ... يا ترى وش يستناهم ببيت عبير !!
...................
اماني وهي جالسه بين كتبها وتذاكر بذمه عشان تعوض اختبارها اللي فاتها فجأه دق جوالها وردت
: الو فيصل هلا
فيصل : انا ببيتكم وينك ما اشوفك
اماني : اذاكر ياخي مو فاضيه مابطلع لك
فيصل : زين انا بطلع لك
اماني : ولد مابي ازعااا...... قفل الخط الحقير
دقايق وباب غرفتها يدق قامت فتحت وقالت : هلا بفيصل البثر
فيصل : هلا ببنت اختي الدافور
اماني راحت لمكتبها وقالت له : شوفف لازم اخلص ذا كله اليوم واختبر فيه بكره تكفى مالي مزاج العب بليستيشن اليوم
فيصل : لا يختي مابي العب جيتك بشغله ثانيه عطيني جوالك
اماني باستغراب : ليه شتبي فيه
فيصل ارتبك : هاه لا بس بانزل لك تطبيق جديد حلو وباعلمك عليه
اماني : مو وقتك ابد جاي ومعطلني عن مذاكرتي عشان تطبيق
فيصل شاف جوالها جنب سريرها بالشاحن قام واخذه وجا عندها : يالله فكي الرمز وكملي مذاكرتك مابزعجك
اماني : مابفتحه لك مابيك تفتش فيه ارسل لي رابط التطبيق وانا انزله
فيصل بعصبيه : يوووووهه اششبك معقده كذا
اماني : استغفر الله بس اللهم طولك ياروح
اخذت الجوال وفتحته له وقالت : لا تفتش خليك عاقل بليز
فيصل بوناسه : عاقل يا حبيبتي عاقل
اخذ الجوال وجلس على سريره وبدا يفتش بالاسامي يدور رقم ساميه كتب بالبحث ساميه ماطلع له شي كتب سوسو ماطلع كتب اغلب الاسامي المحتمله ولا طلع شي حس بقهر وكان راح يسالها عن اسمها بس سكت وجلس يدور اسم اسم
لفته اسم غريب ( المغروره) جلس يفككر ويتذكر كلام اماني عنها لما قالت ترا مايعجبها شي وصعبه مدري ليه حس وتاكد ان ذا رقمها سجل الرقم على طول بجواله وقام وقال لها : مدري ليه مو راضي يطلع التطبيق كتبت اسمه بالبحث كثير ولا طلع
اماني : خلاص رجع الجوال بالشاحن وقفل الباب
فيصل مستانس : تامرين امر .. وجا عندها قبل يطلع وسلم على راسها وقال : يالله يارب تحلين اختبارك ولا تنقصين منه درجه
ضحكت اماني وقالت : يمه منك كيف كنت معصب قبل دقيقه والحين انقلب حالك هههههههههه
مشا فيصل للباب وقال بصوت عالي ومستانس : مع السلامه حبيبتي
كملت اماني مذاكره وخرج فيصل وهو مستانس اخر شي .......
..................
&&&&
ترمي الكلام تظن قلبي بيجهلك..اصعب كلام،،اللي جروحه "ماتروح"دايم افكر كيف "
اوصلك وانت تفكر كيف تهديني "الجروح!!
&&&&&&&&
وقفت سياره رهف وساميه قدام بيت عبير ونزلو قالت ساميه بذهول : ذا بيتها اممم طلعت بنت ناس والله
ضحكت رهف : ايه ابوها وامها كلهم لهم مشاريع وعندهم شركات وكذا
ساميه : اها وانا كنت مفكرتها جحلوطه يالله ندخل نشوف وش يستنانا جوا
اتصلت رهف على عبير : ايوا عبير انا قدام بيتك
دقيقه وجات الشغاله فتحت الباب وقالت : تفضلي مدام
دخلو البيت وجالسين يتأملون فيه كيف حديقته منظمه ومرتبه الاشجار وفيه ورد على جنب اخذتهم الشغاله للحديقه اللي ورا البيت اول مادخلو وشافو كيف مغيره المكان كأنه قاعه افراح فيه ناس كثير وفيه بوفيه على جنب والشغالات بكل مكان يقدمو الحلا والقهوة وعلى جنب فيه وحده ماسكه الدي جي والانوار معطيه المكان جو ديسكو
انتبهت عبير لرهف وجات مبسوطه وتصرخ : رههههفففف حبيبتي جااات
ضحكت رهف وتقدمت لها وجات عبير تركض وتحضنها حضنتها بقوة ورهف تحاول تلطف الموقف وتتقول خلاص كتمتيني بعدت عبير عنها ومسكت وجه رهف بيدها وتقول : وحششششتيييييني يا بنت مو مصدقه اخيرا شفتك وحضنتك .. ورجعت حضنتها وبعدها باستها على خدها
انحرجت رهف وضربت عبير على كتفها : بنت وش ذا ماتستحين
ضحكت عبير وقالت بالمصري : لأه يختي ما بستحيش دا انتي واحشااااني اوووي
ساميه طول الوقت متنحه بعبير ووقاحتها الين وصلت حدها وقالت بعصبيه : ايش ذا كذا تسلمين عالناس بالعاده
عبير باستفزاز : لا انا اسلم كذا عالناس اللي احبهم بس اوه سوري ساميه ماسلمت عليك .. وسلمت عليها ببرود وقالت : نورتي الحته يختي
ساميه بعصبيه : رهف تعالي نجلس عند الطاوله االي جنب النافوره
راحو جلسو وبعدو عن عبير وانفجرت ساميه وقالت لرهف : انتي كيف تخلين الوقحه ذي تسلم عليك بالطريقه المقززه ذي
رهف : ايش اسوي لها هي دايم كذا ادفها واضربها يعني
ساميه : ايه اضربيها تستاهل شايفتك شاذه عشان تسلم عليك كذا
رهف : اشبك كبرتي السالفه خلاص وطي صوتك لا تسمعك
ساميه : انا غلطانه اني جيت معك بس هي ساعه وحده وامشي مستحيل اتحمل اجلس بمكان فيه هالانسانه الوصخه
رهف تتنهد : استغفرك يارب دوبنا دخلنا لا تنكدين علي
حست ساميه ان رهف تضايقت عشان كذا سكتت ولا رجعت تتكلم
وجلسو ساكتين يتاملو الحفل والناس اللي بترقص وكيف عايشين اجواء ديسكو فجأه ساميه قالت : تصدقي متعوب عالبارتي ممكن كان انبسطت لو الانسه عبير مش صاحبه البارتي
ضحكت رهف : ايه عبير تحب الحفلات مره يعني طبيعي تكون مجهزتها كذا
فجأه جات عبير وقالت : رهف حبي تعالي معي شوي ابيك بموضوع
طالعتها ساميه بنظرات استحقار وقربت من رهف وقالت لها بإذنها : انتبهي منها ولا تطولين معها
ابتسمت رهف لساميه ومشيت مع عبير
دخلت رهف وعبير للبيت وقالت عبير : تعالي اوريك غرفتي
رهف : اكيد جميله غرفتك يالله نشوفها
طلعو فوق ودخلو الغرفه كانت كبيره جدا وفيها كل شي بلكونتها كبيره جدا وفيها شجيرات صغيره وكراسي للجلسه وجوا بالغرفه موجود بالزاويه قيتار وبيانو كبير وعالجدار شاشه كبيره كانها بسينما يعني من الاخر غرفتها بيت ثاني
لفت عبير على رهف وقالت : ها شرايك بغرفتي
رهف : ماشاااءالله كبيره مره اممم غرفتي مثلها تقريبا بس ماني جاييه مثلك اشياء مسليه
طلعت عبير عالبلكونه وجلست عالكرسي ونادت رهف دخلت رهف البلكونه و عبير شغلت سيقاره
فتحت رهف عيونها وقالت : بنت تدخنين
عبير : ادخن واشرب واشيش وكل شي يختي
جلست رهف : واو ماخليتي شي الا جربتيه
عبير تنهدت : مو ذا الشي اللي ابي اكلمك فيه
ارتبكت رهف لان عبير كانت جديه : قولي اللي تبين
عبير : رهف انتي عارفه اني حقت عيال وما تركت ولد الا خرجت معه صح
رهف : ايه للاسف اني اعرف
عبير : بس انا ماحب الاولاد انا جالسه اسوي كذا لاني ابي انسى شي كبير انا مخبيته بس ما فادني هالشي
رهف قلقت : تنسين ايش !!! ايش تقولي انتي كيف ماتحبين الاولاد شقصدك
عبير نفخت الدخان بوجه رهف وقالت : انا احبك انتي
رهف جلست تكح من الدخان اللي نفخته عبير عليها وبنفس الوقت ما استوعبت وش قالت لها عبير سكتت فتره وقالت : يعني ايش تحبيني
عبير ضحكت بسخريه : لا تمثلين البراءه انا احبك مو حب صداقه انا احبك انتي انا شاذه شاااااذه تعرفي يعني ايه شااذه
فتحت رهف عيونها وعصبت : انتي شتقولين جايبتني هنا عشان تقولين لي هالكلام المقزز
عبير رمت السقاره بالارض ودعستها عشان تطفى وقالت : انا مسويه هالبارتي عشانك عشان ابي اشوفك عشاني تعبت وانا احاول امثل اني ماحب البنات تعبت من كثر ما اطلع مع اولاد عششان انساك واحاول اتعدل وما اكون شاذه انا تعععععبت من كل شي
رهف : عن اذنك انا طالعه مابي اسمع كلام زياده
قامت عبير بعصبيه ومسكت يد رهف : رهف انا ماقلت لك كذا عشان تستحقريني انا قلت كذا بعد ماصبرت اربع سنين وانا امثل اني طبيعيه وما احبك رهف لا تخليني اسوي شي مايعجبك
دفت رهف يد عبير بقوه وصرخت : ايش بتسوين يعني روحي عني يختس بلا قرف انا غلطانه اني اعتبرتك ادميه وجيت لحفلتك
عبير : تبين تشوفين ايش باسوي طيب انتي اللي تبين صدقيني راح تندمين بعدين
خرجت رهف من غرفة عبير معصصصصبه ونزلت بسرعه من الدرج وطلعت لساميه وقالت : بسرعه قومي خلينا نمشي
ساميه انفجعت : نطلع وين كلمتي السواق
رهف : لا ما كلمته بس امشي بسرررعه
شالت رهف اغراضها ومشيت وساميه باقي مصدومه منها بس لحقتها
طلعو من البيت وساميه تقول : رهف يا بنت تكلمي اشبك وين رايحه نمشي لوين
رهف : ساميه تكفين اذا تعزيني لا تساليني عن شي الحين خلينا نمشي ونبعد عن هالمكان عبال مايجي السواق
سكتت ساميه ومشيت مع رهف لين لقيو حديقه صغيره مافيها كراسي ولا شي بس فيها كم مرجيحه ومافيها انوار والمكان مظلم مره
اخذت ساميه جوالها وقالت : باتصل على سواقي يجي ياخذني وانتي كلمي سواقك عشاان على طول تروحي لبيتك واضح انك تحتاجين ترتاحين مابيك توصليني وتتاخري
هزت رهف راسها من غير ماترد وكلمت سواقها يجيها وساميه كمان كلمت سواقها يجي
جلسو عالمراجيح عشان يرتاحو شوي وساميه قالت : انا ما راح اسالك عن اللي صار الحين بس راح اسمع منك السبب بعدين
ما ردت رهف
رجعت تكلمت ساميه تبي تلطف الجو وتكسر الصمت :
حتداومي بكره !
رهف ماتكلمت واكتفت برفع اكتافها بمعنى مدري
حست ساميه ان رهف مالها خاطر تتكلم عشان كذا سكتت
فجأه جا سواق رهف وقامت رهف وقالت : كان قريب من هنا عشان كذا تأخر اركبي اوصلك بيتك بعيد من هنا اكيد بيتاخر سواقك
ساميه : لا ماعليك اهم شي انتي توصلي بدري وترتاحي
رهف : اوك براحتك انتهبي لنفسك حاكلمك بكره
مشيت رهف وبقت ساميه لوحدها بهالحديقه المظلمه تستنى السواق وفجاه دق جوالها رقم غريب ردت : الو
صوت ولد يقول : كيفك ساميه
استغربت ساميه وقالت : من انت كيف عرفت اسمي
الولد : كنت متصل ابتاكد انتي ساميه ولا لا وطلعتي انتي الله عليك
ساميه : اخلص شتبي
الولد اللي هو فيصل : ابد مابي شي بس ابيك
فتحت ساميه عيونها من الصدمه وقالت : يااااااهه ما اغباك الكلام ذا بطلوه من عام الفين وانت باقي تقوله فيصل ضحكك : خلاص لعيونك ماعاد نقوله ونقول الكلام الجديد حق العام ذا .. انتي فين ابيك
انصدمت ساميه من وقاحته وجرائته وقالت : واضح انك بيئه مره
وقفلت بوجهه
جلس فيصل يتأمل جواله بعد ماقفل الخط وانفجر ضحك وقال : يا حبي لها اللي تكره هالحركات
رجع اتصل عليها وما ردت وجلس يتتصل ورا بعض وهي ماترد وخافت لان شحن جوالها قرب ينتهي وباقي ما جا سواقها ردت عليه وتكلمت قبل لا يتكلم : اسمع ياغبي جوالي بيطفى شحن لو ماوقفت اتصالات ولو طفي شحن راح اضيع والسواق ماراح يعرف مكاني ولو ضعت راح يقابلوني جحلط مثلك ماعرف ايش ممكن يسوون فيني عشان كذا ياغبي ممكن ما تتصل
وقفلت بوجهه .. فيصل مجرد ماقفلت مات ضحك ورجع اتصل وردت : ياغبي لا تتصل
فيصل بضحك : هدي اعصابك بس وقولي لي انتي فين واجيك اسرع من سواقك واخليك تشحني جوالك بسيارتي
ضحكت ساميه : تجيني اسرع من سواقي اجل اوك تعال عالعنوان ذا ............
فيصل انصدم انها قالت له العنوان بسهوله : صدق ذا عنوانك ولا تطقطقي
ساميه : ايه من جد يالله تعال ان مالقيتني يعني جا سواقي قبلك
قفل فيصل بسرعه وجلس يقول بنفسه : العنوان ذا بنفس حي بيتي يعني اكيد باوصل قبل سواقها
نزل ركض من غرفته وشغل سيارته ومشى باسرع ماعنده للعنوان اللي قالته ساميه
ساميه جالسه بالحديقه ابد مو متوقعه انه راح يجي قبل سواقها ولا توقعت اصلا انه ممكن يجي جالسه عالمرجيحه وتتمرجح بهدوء فجأه شافت نور سياره قدام الحديقه قامت على طول عبالها السواق
قربت من السياره وكانت مستنكره شكلها فجاه نزل فيصل من السياره
شهقت ساميه وحطت ايدها على فمها من الخوف ولفت على طول تبي تهرب منه
لحقها فيصل وحط ايده على كتفها وقال : لا لا تخافي انا مو مثل ما تفكري جيت عشان تشحني جوالك بس
افتزت ساميه لما حط يده عليها و قالت وعيونها كلها دموع من الخوف : ممكن تروح
فيصل : براحتك تبين اروح باروح بس اذا تبين تشحنين جوالك عبال مايجي السواق انا موجود
ساميه بصوت يرتجف من البكا : روح الله يخليك
انصدم فيصل لما شافها تبكي وقالها وهو مرتبك : ليه تبكين ترا جد انا ماراح اسوي شي انتي قلتي اجي وجيت وبس تبيني امشي راح امشي براحتك
ساميه بعدت عنه شوي ومسحت دموعها باطراف عبايتها وقالت : روح تكككفى روح لا تخوفني اكثر
انصدم فيصل : اخوفك !! اخوفك كيف
زاد بكا ساميه وطلعت جوالها واتصلت على السواق : يازفت وينك تاخرت تعال بسر.....
طفي الجوال ولا امداها تكمل كلمتها طالعت جوالها لما طفي وزاد بكاها صرخت بوجه فيصل : وش تبي مني انت تبي جوالي هاذا هو خلاص خذه واتركني بحالي انا شسويت لك
فيصل منصدم : لحظه لاتبكين اهدي شوي .. واخذ جوالها وقال : باشحنه لك وباجلس بالسياره واذا جا سواقك باعطيك اياه
مجرد ما اخذ الجوال ساميه هربت بعيد عنه صح باقي يشوفها لكنها بعيده عنه وجلست تستنى السواق على نار وفيصل راح سيارته يشحن جوالها عشان تهدا شوي اذا حست انه بعيد عنها جلس بسيارته يتاملها من بعيد كيف خايفه وتبكي وقال بنفسه :
حتى وهي تبكي حلوة
فجاه جات سياره سواق ساميه وراحت رككض وركبت السياره وصرخت عالسواق : بسررررعه امممشي
نزل فيصل من سيارته بسرعه يبي يعطيها جوالها بس مشيت السياره وركب سيارته وفكر يلحقها بس خاف لو تبلغ عنه الشرطه تراجع عن فكره انه يلحقها ورجع لبيته
...................
اول مادخلت ساميه البيت شافت هند بالصاله تتابع التلفزيون ومسرحه لدرجه ما انتبهت انها دخلت
جات ساميه وجلست جنب هند وقالت : هند
افتزت هند : بسم الله الرحمن الرحيم من فين طلعتي
ساميه والعبره خانقتها : هند مدري اليوم كيف كان كل شي غلط كل شوي مشكله هههفف تعبت
هند : وش صار بسم الله
ساميه : مدري مدري بس عطيني جوالك ابيه شوي لان جوالي ضاع
هند : اها طيب خذيه موجود بغرفتي
طلعت ساميه غرفة هند وجلست على سريرها واخذت الجوال وارسلت لرهف رساله تقول فيها : (رهف ما راح اداوم بكره وراح اجي عندك من الصباح لا تداومين)
ونسيت تكتب لها ان جوالها ضاع
.....................
نرجع لرهف وايش صار معها اول ماخرجت من عند عبير وصلت بيتها بدري لان حيها قريب من بيت عبير يعني تقريبا وصلت لما كانت ساميه باقي تستنى السواق ولما جاها فيصل
اول ماوصلت رهف بيتها جلست على سريرها شوي واخذت جوالها تتصل على ساميه لقت جوالها مقفل قلقت شوي وارسلت لها رساله ( ساميه ماراح اداوم بكره حاسه اني تعبانه شوي واسفه عاللي صار اليوم ليتني سمعت كلامك ومارحت المهم اذا هديت راح احكي لك )
جلست ساعه تقريبا تستنى رد منها بس مافي رد وماحست بحالها الا وهي نايمه
..................
عند فيصل
وصل بيته واخذ جوال ساميه معه كان مبسوط لان الحين عنده عذر انه يشوفها مره ثانيه عشان يرجع لها جوالها
دخل غرفته وشبك جوالها بالشاحن وشغله كان مبسوووط لان بيلقى كل اللي يبي يعرفه عنها بجوالها
كانت الخلفيه صورة مغني اجنبي مشهور قال بنفسه ( وش ذا لايكون تحبه الحين كيف تطالع بوجهي اذا انها تحب ذا ) جلس يطالع بالتطبيقات متردد يفتح ايش اول الواتساب ولا البي بي ام ولا التويتر ولا الانستقرام
حس حاله مبسوط لانه بيشوف ذا كله بس بالاخير قال (بافتح الاستديو اول شي اشوف صورها )
فتح الاستديو وجلس يتامل صورها صوره لها وشعرها منفوش ومعصبه وصوره لها لابسه عبايتها وواضح انها تستنى احد بمطعم
صوره مع وحده نسخه منها بالتمام بس فيه اختلاف بسيط قال بنفسه ( اكيد ذي اختها التوأم تشبهها مره بس ساميه احلا ) ابتسم وكمل يشوف الصور و هو في قمه سعادته
حس حاله صار يعرفها اكثر من صورها طلع من الاستديو وفتح تويتر اول شي سواه سجل حسابها عنده وسوا فولو لها ولان حسابها محمي فتح جوالها وفتح الحساب لنفسه وكمان الانستقرام نفس الشي وحتى البي بي ام دخل و ارسل لنفسه اضافه
و بكذا حس بالامان انه موجود بكل حساباتها ...
...............
نكمل البارت قريبا ان شاءالله
__ يا ترى كيف بيتصرف فيصل مع جوال ساميه
__ وايش بتسوي عبير لرهف عشان تنتقم منها
__ هند اللي ما كان لها حس بهالبارت ايش وضعها بعد خالد
__ خالد ورنا كمان ايش التطورات اللي صارت بينهم
__ اماني بيكون لها قصه جديده وبتغير مسار الروايه كامله
واشياء كثير واحداث بتصير بالبارتات الجايه ...
__________________________________________________ __________
أخي الكريم
أنين العاشقين
مرحبا بقلمك المميز بيننا
و مرحبا بروايتك الرائعة
أسلوب في سرد راقي
فقط لو ممكن أكثر تنسيق
كتمييز الأشخاص بلون معين
في إنتظار جديدك
من المتابعين
خالص تحياتي
رد مع اقتباس
