قلوب فوق لهيب الشموع
البارت الأول
لو أن حبك
لو أنَّ حبَّكِ كانْ
في القلبِ عاديَّا
لمَلَلْتُهُ مِن كَثرةِ التَّكرارْ
لكنَّ أجملَ ما رأيتُ بِحبِّنا
هذا الجنونُ ، وكثرةُ الأخطارْ
حينًا يُغرِّدُ
في وَداعةِ طِفلةٍ
حينًا نراهُ
كمارِدٍ جبَّارْ
لا يَستريحُ ولا يُريحُ فدائمًا
شمسٌ تلوحُ وخَلفَها أمطارْ
حينًا يجيءُ مُدمِّرًا فَيضانُهُ
ويجيءُ مُنحسِرًا بِلا أعذارْ
لا تعجَبي ..
هذا التَّقلُّبُ مِن صَميمِ طِباعِهِ
إنَّ الجنونَ طبيعةُ الأنهارْ
مادُمتِ قد أحببتِ يا مَحبوبتي
فتَعلَّمي أن تلعبي بالنارْ
فالحبُّ أحيانًا يُطيلُ حياتَنا
ونراهُ حينًا يَقصِفُ الأعمارْ
الرياض
دخلت المجلس الفخم بألوانه الذهبية للجدران والأحمر والأسود للجلسة والستائر الذهبية بدوائر حمراء علي الجوانب.
كان جالس بنص المجلس بكل هيبه تحبه حيل وتخاف تخسره في يوم من الأيام قالت بهمس عشان إذا كان يريح ما تزعجه:جدي جدي.
فتح عيونه اللي كان مغمضهم بس يريح من الحر اللي كان فيه وقال:عيون وقلب جدها.
قربت منه وحبت رأسه وما تركها تحب ايده وسحبها بحنان وهي تجلس بجانبه وتمد له فنجان القهوة اللي شربه وأعاده لها وقال:القهوة من أيدينك لها طعم ثاني يا زينة البنات.
ابتسمت وهي تحط الفنجان علي الطاولة الزجاجية اللي كانت قاعدتها علي شكل قوقعة باللون الأحمر.
كان يعرفها زين بدون ما تتكلم يقراها ككتاب مفتوح قال بحنان مصفي :شفيك يبه احكي يا ريهاف؟؟
ريهاف تنهدت بداخلها وقالت:يبه تدري فيني ما أحب اسكت وتري منار ما تبي سعيد ولد خالي بس أمي تبي تجبرها توافق عشان انه عشنا في بيته ومن هال كلام بس يبه هذا زواج عشرة عمر وما ينجبر قلب علي قلب يالغالي.
كان يعرف ابنه جيدا وطريقته بالكلام اللي تجعل الإنسان يقتنع بكلامه وبالذات لما يحسسه بالذنب وجا لعند أخته الحين اللي قلبها مثل الحليب الصافي بس ماراح يسمح له يكسر قلب هال بنات اللي تربوا علي ايده.
الجد ببسمة أظهرت تجاعيد وجهه اكثر:دام خشمي يشم الهوي ما راح تنجبر وحده فيكم علي شيء ما تبيه يا بناتي.
حبته علي خده:فديتك يالغالي بعد عمري والله
صدق وانا شنو؟؟
التفتت تناظر صاحب الصوت اللي ترجف له طيات قلبها وتصاعد اللون الاحمر الي خديها.
حين سال الخادمه عن عمه اخبرته انه بالمجلس مع ريهاف اراد ان يراها علي سجيتها وحين دخل راها تبوس عمه علي خده برقه ولا يعلم لماذا احس بالغيرة ابتسم بداخله ويوم تكلم والتفتت له بعينيها الخضروان احس ان الارض توقفت عن الدوران وان موطنه اصبح داخل تلك العينين الفاتناتان.
يحبها
يعشقها
هذه الشقية
الفاتنة
حبيبته
وزوجته
ومالكة قلبه
شعرت بالخجل الشديد وهي ترد السلام وتناظر ملابسها بنطلون جينز ازرق وتي شيرت بلون البنفسج نص كم وماسكه شعرها علي جنب .
سلم علي عمه وحبه علي راسه وهو يسمعه يقول:حيا الله ولد اخوي.
ابتسم بمحبة:الله يحييك يالغالي.
ابتسمت وهي تسمعه يسال عن حالها كادت ان تقول مشتاقه وصرت زينه يوم شفتك لكنها قالت بهدوء:الحمد لله زينة..انت شخبارك؟
قال بهدوء:بخير بشوفتك.
استحت حيل وقال الجد بمزح:ههههه عسي الله لا يحرمكم من بعض ما يقدر عليك الا مشاري.
اثنينهم بوقت واحد قالوا:امين.
الجد بود ومحبة:ممكن الحين تتركوني اريح شوي.
ابتسما وخرجا من المجلس بهدوء ليجلسا علي الطاولة التي بالحديقه تحت شجرة البرتقال وبعيدة عن مجلس الرجال وقال بعتب محب:ليش جلالك مو معك؟
شعرت بالاحراج ولم تعرف ماذا تقول وانزلت عيونها لانها لم تستطع النظر اليه نزلت بسرعه ونسته بالصاله.
مسك ايدها وقال بصوت ساحر:ريفي حبيبتي ناظريني.
رفعت عيونها بصعوبه وهي تشعر بخجل شديد رغم انها تربت معه وصارلهم مالكين سنتين بس بعدها تخجل منه بس تحبه بشده.
ريهاف بحب تخطي حدود الكون:انا نسيت الجلال ما بعيدها ....ابتسمت وكملت..ما قلت انك بتجي اليوم؟؟
مشاري بضحكه:كنت جاي عند عمي ابيه بشغله بس يوم شفتك ضاعت علومي.
ابتسمت وهي توخر خصله من شعرها طاحت علي عيونها:ههههه طيب يوم ترد علومك خبرني؟؟
ابتسم وقال:احبك دكتورتي الحلوه.
غمضت عيونها بفرح لا يصور ورجعت فتحتهم وهي تقول بهمس بس ما كملت كلامها الا بصوت من وراهم..
شتسوون؟؟
مشاري بصوت هامس:هادم الملذات ومفرق الجماعات.
جلس بجانب ريهاف وحط ايده علي كتفها يغيظ مشاري اللي ناظره بنص عين:واحد ويسولف مع زوجته انت شيخصك؟؟
ضحك وهو يقربها منه اكثر:وانا اخوها يالغالي لا تنسي!!
مشاري بغيض:اخوها بالرضاعه يالغالي..
ريهاف تهمس لاخوها:جاسم لا تغيضه تري ما ارضي عليه.
جاسم وخر ايده عن كتفها وهو يضحك:انتم الاثنين حالتكم حاله تزوجوا و ريحونا.
مشاري بحب:قريب ان شاء الله.
وقف مشاري وهو يقول:يلا سلام الحين.
ريهاف بهدوء:في حفظ الله.
زواجهم تاجل بسبب دراستها للطب وها هي الان قد تخرجت وتعمل كطبيبة متمرنه في مستشفي خالها ابتسمت وهي تتخيل نفسها بالفستان الابيض معه هو رفيق الطفوله وعشق الطفوله والصبا يا الهي كم احبه ورغم انه كان هنا منذ لحظات الا انها اشتاقت له كثيرا.
جاسم شافها سرحانه لوح بايده قدام وجهها وهو يقول:يالحبيبه تراه راح من زمان.
ريهاف تبتسم بخجل:الله يكتب له في كل خطوة سلامه يارب.
جاسم ببسمه:امين...بصراحه انا لو الاقي وحده تحبني مثل ما تحبين مشاريو وتحاتينه وتدعين له من باكر بتزوج..
قالت وهي تلف خصله من شعرها علي اصبعها:عيل ارتاح ما فيه مني اثنين.
ناظرها بنص عين:مغرورة..
رمشت بعيونها :اكيد دامني مرت مشاري الصقر..
جاسم بنص عين:اها..
ضحكت وقالت :واخت جاسم الصقر ولو...
جاسم بجدية: تري من شوي كنت جالس ويا عمتي وخبرتني بخطبة سعيد لمنار زانا خبرتها اني موب موافق بس اللي قهرني انه امك تقول انه منار موافقه.
ريهاف بحزن حاولت ان تخفيه:وافقت عشان امي انت تعرفه سعيد زين مو راعي زواج وهذي اختي العوده ما ابيها تدمر حياتها من اولها بس ما حد يسمع لي بس ماراح يتم هالزواج دامني موجوده..
يعرف اخته عصبية حيل بس خلف عصبيتها حنان لا حدود له :ان شاء الله ما يصير الا اللي كاتبه الله..
سمعت صوت جوالها جالاكسي نيكسوز صارله ثلاث سنوات عندا ومو حابة تغيره لانه صار مثل ظلها هدية حبيبها.
فتحت الرساله وابتسمت بهدوء
اروع القلوب قلبك ..
وأجمل الكلام همسك ..
وأحلى ما في حياتي حبك..
اخذت جوالها وكتبت وهي تبتسم لنفسها يكاد قلبها ان يخرج من صدرها هذه المشاعر المثقله التي تحملها تشعرها بسعاده تجعلها تشعر انها تطير بين السحاب ضغطت زر الارسال.
قالت بهدوء:امين يارب..
جاسم قال بهدوء:تدرين اكثر شيء ندمت عليه بحياتي شنوو؟؟
ناظرته بتفهم ومسانده:ادري!
كان بيتكلم بس سكت وهو يناظر عمته جايه ناحيتهم وبايدها جلال ريهاف رمته في حضنها وجلست بالكرسي المقابل بعد ما رمت السلام بهدوء...
ردت السلام بهدوء بدون ما ترفع نظرها وسمعت اخوها يقول بعد ما رد السلام اهوا بعد:كانه الجو مكهرب!!
ريهاف بهدوء:تقدر تقول اختلاف في الاراء مع الوالده العزيزة..
امها بهدوء مماثل:مالك دخل بحياة اختك يا ريهاف..
ردت بالم باين في صوتها :الا قولي بدمار حياتها من بدايتها..
امها بغضب واضح وصريح:سعيد ولد خالها ما بتلقي مثله وان شاء الله بينصلح حاله...
ريهاف بوجع عميق:خالك اللي ضفنا واللي عيشنا ببيته واللي ما تركنا في الشارع حفظناه هالشيء يمه منار ما قالت لا لانه ما تبي تكسر كلامك بس يمه لا تنسين انه هو سبب خراب بيتك في الاساس وانتي سكتي والحين بدمرين حياة بنتك عشانه..
موضي بالم ما الذي تعرفه هذه الفتاة نظراتها تجرحها ربما تلومها لكنها لا تتكلم لكن نظراتها تنحرها من الوريد الي الوريد الا يكفي انها تملك عيناه.
ريهاف بموده:يمه انتي ما ادنين له بشيء وكافي انك تنازلتي عن حصتك له لحد حني وبس.
موضي بحدة:ريهاااااف...
ردت بنرفزة:يمه جاسم اخوي وولد اخوك موب غريب ويعرف كل شيء تري يمه ترانا بناتك واذا تبين تسوين هالشيء انا بسوي اللي ابيه انا عندي دوام الحين..
اخذت جلالها وراحت للبيت وهي متنرفزة ومعصبه ....
جاسم يتنهد:عمتي تري انتي مو مجبورة توافقين ..
موضي بهدوء:اقول يا حضرة الدكتور الظاهر ما عندك دوام اليوم...
جاسم يبتسم وهو يوقف ويبوس عمته:حلوة تغييرة الموضوع بس يا عمتي الحلوة تري ريهاف جايبه يباسة الراس منك.
تنهدت موضي بالم وما تدري اللي تسويه صح والا غلط بس ضغط اخوها عليها وبناتها من جهة مو متحمله بعد كل هالسنين الالم والضياع بيظل ملاحقها.
الجد ابو سامي كان متزوج ام موضي الله يرحمها بعد وفاة زوجته الاولي ام سامي. موضي اخوها ابو سعيد من ام موضي بس من ريال ثاني رباه ابو سامي مثل ولده وولده الوحيد من ام سامي..
ابو جاسم سامي متزوج بنت خالته مزنة وعندها
جاسم دكتور جراحة
سعود طيار
وريهاف تصير اختهم بالرضاعه..
عيال ام موضي
موضي
منار متخرجة من هندسة اتصالات..
ريهاف طبيبة متمرنه
ابو سعيد حمد وزوجته منيرة وعيالهم
سعيد ترك المدرسه بثاني ثانوي ما يشتغل وعايش حياته طول بعرض
مروي تدرس اخر سنة لها بالجامعه تخصص حاسب الي
مناير ثالث ثانوي...
ابو مشاري يصير اخو ابو سامي متوفي من زمان زوجته حصه كرست حياتها لتربية ولدها الوحيد مشاري متخرج من ادارة اعمال ويدير شركه مع اعز اصدقائه...
@@@@@@@@@@@
اغمضت عينيها وهي تتستمع لذلك الشخص الي يتكئ علي وسادات السرير وتحاول ان تستوعب ماذا يقول؟؟
قالت باستغراب:شقلت؟
رد بهدوء:شفيك الماس ما عدتي تسمعين قلت لك الليلة بملك؟
الماس توقفت عن ترتيب الملابس بالكبت وجلست علي كرسي التسريحة لانه كان قريب منها:ضاحي انت من صدقك؟؟
ضاحي :ومن متي امزح معك وتري بملك وبجيبها البيت يعني لا عرس ولا شيء وبتسكن بغرفة مهاب ..
تذكرت الان كل اعمال الصيانه بجناح مهاب وهي مثل الغبية لا تعرف ما يحدث حولها .
بيتزوج عليها
بعد ست سنين زواج
بيجيب عليها ضرة
احست ان انفاسها تختنق
كانت تنتظر ان تخبره انها
حامل
حامل
لكنه صدمها بهذا الخبر كيف يفعل بها هذا كيف هانت عليه وقفت خرجت من الغرفه بهدوء ودخلت الي غرفة بناتها نائمتان بهدوء مسحت علي روسهم وانفاسها تختنق بالدموع..
تعلم انه تزوجها بطلب من والده لكنها لم تكن تعلم انه كان يفكر طوال هذه الفترة بالزواج..
بيملك الليله وبيجيبها
بيملك
بيتزوج
بتعيش هنا
بشوفها معه
بتشاركني فيه
كانت كل هذه الافكار تدور في راسها ولم تعد تتحمل اكثر لتسقط مغشيا عليها..
ضاحي كان بعده علي نفس جلسته توقع منها تثور او حتي تعترض بس هدوئها صدمه لدرجه لا توصف..
ولكنه صدم بتصرفها البارد صحيح انه تزوجها زواج اهل ويحمل لها ود ومحبة وربما احترام لكنه سيتزوج ابنة خالته الذي كان يتمناها منذ البداية فهي حب الطفوله وحلم الصبا..
خرج لياخذ ملابسه من المغسله ويذهب الي الحلاق وبعدها الي بيت خاله وهو لم يخبر احد بعد لا يعلم بهذا الشيء سواه وابنة خالته ووالدته وخالته لا يريد اعلام والده حتي لا يمنعه ولا عمه وعياله عشان لا تصير مشاكل...
ركب سيارته ولكنه غير رايه من الذهاب الي الحلاق واتجه الي بيت خالته الذي لم يكن بعيدا عن بيتهم وقف سيارته ونزل..
كانت تمشي بالحديقه سمعت صوت جوالها ردت بلهفه وهي تعرف الرنة المميزة:هلا وغلا.......هههههههههههه ادري لاني اشتقت لك بعد......متي ترد من سويسرا......حلو بكون وقتها تطلقت واحصل لي قرشين وساعتها اهلي بيرضون يزوجوني لك يا بعد قلبي....ايه الليله بملك وبروح معه البيت...يلا اكلمك بعدين لازم ازهب نفسي الحين...
@@@@@@@@@@
يمه انتي تسمعين حالك شنو قلتي تراني موي مصدقه وانتي موافقه علي هالشئ...قال كلامه بحده..
امه بحزن:مو موافقه لاني ما ارضي علي الماس بس اخوك راكب راسه الا يتزوجهالا والا الماس تتقل بالذهب..
كان حيل معصب ما يدري اخوه شفيه بيسبب مشاكل مع عمه واللي اكبر من كذا جده..
قال وهو يزفر بغضب متفهم موقف امه اللي ماراح يصير فيها خير مع ابوها:ان شاء الله خير يمه بس ولدك ذا راح يندم قد شعر راسه وقولي ضاري قال..
ام ضاحي بالم:الله يعين الله يعين..
ضاري اخذ جواله واتصل علي اخوه ليجد جواله مغلق رجع الجوال بمخباته ووقف بيطلع من البيت بس وقفته صرخة الشغاله..
ناظر امه توقف وتركب الدرج وهو وراءها ام ضاحي بحيرة:شصاير سيتي؟؟
سيتي:ماما هذا ماما الماس فيه يطيح اكلمه ما يرد علي..
ضاري لا يستطيع الدخول امسك جواله واتصل بولد عمه اللي تركه بالمجلس المشترك مع عمامه رد من اول رنه:هلا فهد ابيك تجي بيتنا الحين بسرعه.........مو وقت كلام الحين تعال بسرعة ..
قفل الجوال وظل واقف بالممر ما هي الا دقائق معدودة وفهد كان قدامه وهو يلهث:شصاير؟؟
ضاري بهدوء:الماس طاحت وضاحي مو بالبيت..
دخل الغرفة علي طول ولانه ام ضاحي تصير خالته شافها تلبسها عباتها اخذها بين ايدينه ونزل وطلع من غرفته ونزل فيها الدرج وهو يقول لضاري اللي كان يمشي وراه:ضاري خلي نروح بسيارتك سيارتي ما تنفع..
سيارة فهد كانت سبورت وضيقه ..
ظلت ام ضاحي جالسه بالصاله وهي تدعي انها تكون بخير اكيد خبرها الله يهديك يا ضاحي الله يهديك ويش سويت ويش بتسوي فينا..
سمعت صوت تلفون البيت وردت بهدوء لتسمع صوت اختها الذي كان مثل طوفان هادر لا يتوقف الا ليمسح من امامه.
قالت باستغراب:شفيك يا ورده..............شنو.......ضاحي ما بيتزوج سحر.....حست براحه لا توصف وردت قالت....ما فيه نصيب.....سمعت كلام ما توقعت تسمعه من اختها الصغيرة....خلاص يا ورده ...جب ولا تنسين اني اختك العود وقفلت التلفون وراحة كبيرة تنسكب علي نفسها..
@@@@@@@@@
سمع صوت دق علي الباب وصوت فتحه قال بهدوء:سالم قلت لك ما ابغي أي ازعاج؟؟
دوم تامرون يا عيال الشاهر؟؟
رفع عيونه مبتسم وهو يسمع ذلك الصوت الذي اشتاق له كثيرا ليقف ويلف علي الطاوله ويحضنه بموده صافيه:هلا والله بالعم..
جلس علي الكرسي ويحط رجل علي رجل:عمي بعينك تراه ما بينا الا سنتين يا حضرة المحامي ماجد.
ضحك وهو يحط جواله علي الطاوله:اقول يا سيد الاعمال جاسر الشاهر شعندك ما تبغي ازعاج..
جاسر وهو يجلس قباله:ما فيه شيء بس عندي شغل ابي اخلصه..
ماجد بنص عين:لا بس كنت اظنك تغازل او تكلم الحبيبة مني ولا مناك..
جاسر ببرود:ما سويتها ايام طيش الشباب بسويها الحين وانا علي عتبة الثلاثين..
ماجد يرفع حاجبه:ليش انت مريت بمرحلة طيش ما ظنيت يا ولد اخوي..الا شخبار الاهل تراني جيت من مطار سيده علي هنا لاني يوم سافرت ما شفتك اشتقت لك يا اخي مع انك ما تستاهل..
ضحك من قلبه :بخير...ابوي ما عليه شر الا يحن علي يبني اشتغل معه ومع عمامي بالشركه..وجدي بخير الا يحن علي بالزواج اكثر من امي..ضحك هنا ماجد بصوت عالي..
كمل جاسر:وعمي عبد الرحمن زين و عمي مساعد يحن علي بعد اشتغل معاهم غيره أي اخبار ثانية..
ماجد ببسمه:ما فيه احد تزوج احد خطب والا انخطبت ابوي ما خطبلي وانا بلندن.
سمع صوت من وراه يقول:
الا خطب لك وملك بعد وزوجتك المصون الحين تنطرك بالبيت بس صدقني اذا ناظرت خشتك ذي بتشرد علي طول..
وقف يسلم علي ولد اخوه الثاني بموده وهو يقول :تري احيانا استحي اوقف جنبكم صدق اني طويل بس جدامكم ابين كني قزم..
جاسر وهو يوقع الاوراق:اقول شرايكم تخلصون سلامكم بري تري عندي شغل ومو فاضي حق سوالفكم..
سمع ولد عمه يقول:نسيت موعدنا يعني؟؟
جاسر بحيرة ناظره بنص عين: مشعل أي موعد؟؟؟
مشعل من بين اسنانه:مو اتفقنا مبارح نروح مزرعة مشاري الصقر عشان بشتري منه فرس..
جاسر تذكر الحين واخذ التلفون وطلب لهم قهوة:علي ما تخلصون قهوتكم اكون خلصت شغلي وبنروح مع بعض..
ماجد بهمس لمشعل:يا اخي زين انه بعد متذكرنا دونالد ترامب..
مشعل يبتسم لعمه ورد بنفس الهمس:اسكت لا نروح انا وياك وطي الحين..
@@@@@@@@@@
باحدي الجامعات بالرياض
كانت جالسة تنتظر صديقتها رفعت نظرها حين سمعت الكرسي لترفع نظرها وتي تري فتاة ترتدي تنوره قصيرة لنص الساق بنية مع بلوزة بيضاء..
قالت وهي تصلح بلوزتها السوداء علي بنطلونها الاسود:وعليكم السلام..
قالت بمياعه:اقول سلمي ما ابي منك محاضرات شيء واحد ابغيه يا اما تطلعين معنا او الصور اللي عندي بتكون علي كل موقع بالنت..
سلمي بحده:تخسين الا انتي روحي العبي علي غيري..
وقفت والشرر يتطاير من عيونها :بنشوف يا بنت الشاهر..
وراحت بغضب صدمت في عهود اللي كانت جايه عند بنت عمها جلست وهي تسال:هذي شفيها كانها بتذبح احد؟؟
سلمي بقلبها يارب اللهم ابعد عني كل من كان في نيته ان يكسرني:ما عليك منها هاتي الاكل تراني جوعانه حدي..
عهود تضحك:دوم مفجوعه كانك مو شايفه خير الحين يقولون بنات الشاهر مو شايفات خير.
سلمي ببسمه:فديت الشاهر وطاريهم..
@@@@@@@@@@@
دخل الطوارئ وعلي طول الممرضة جابت نقاله اللي حطوا فيها الماس وهو يمشي وراها مع ولد عمه بس يوم دخلوها الغرفه طلبت منه يظل بري لانه ما يصير يدخل ممنوع..
بعد لحظات دخلت الطبيبة الحجرة كشفت عن وجهها واللي كان باين عليه الشحوب ناظرت ضغطها هابط ..
وهذا سبب الدوخة طلبت يحطوا لها مغذي و تسحب لها دم عشان تسوي لها تحليل..
فسخت لها عباتها ووخرت بلوزتها الوردية وحطت السماعات باذونها وهي تسمع نبضات قلبها المتسارعه نوعا ما ..
احضرت الممرضه الجهاز بعد ما طلبته منها ووضعت الكريم المخصص له علي بطنها كان بارد بعض الشيء ووضعت الجهاز وابتسمت وهي تري بالشاشه ما كانت تشك فيه..
شالت الجهاز ومسحت لها بطنها بمنديل وردت بلوزتها مكانها وابتسمت وهي تناظرها تفتح عيونها بهدوء:شلونك الحين؟؟
الماس بتعب واستغراب قالت بهمس:انا وين؟؟
ريهاف ابتسمت لها:انتي بالمستشفي هبط ضغطك وطحتي ما تشوفين شر؟؟
الماس بتعب:شفيني دكتوره؟؟
ردت وهي تناظر الممرضة اللي خلصت سحب دم وطلعت:ما فيك الا العافية بس مبروك انتي حامل وابيك تريحي الحين وبتظلين معنا الين يخلص المغذي وبعدها برخص لك وان شاء الله بتهتمين في البيبي وان شاء الله دكتورة النساء بتجي لك بعد شوي..
الماس بتعب قالت:ان شاء الله..
من رده فعلها عرفت انها كانت تدري مسبقا استاذنت وخرجت من الغرفه ليوقفها صوت رجولي:دكتوره..
وقفت باحترام بدون ان ترفع نظرها الي عينيه هكذا تربت:هلا..
فهد بقلق:المريضه الماس مساعد شفيها؟؟
بهدوء:ما تشوف شر هبط عندها الضغط شوي ...انت زوجها؟؟
فهد بهدوء:لا انا اخوها؟؟
قالت :اختك حامل وبعد ساعتين تقدر تاخذها البيت..
راحت ريهاف وفهد دخل عند اخته وحب علي راسها:الحمد لله علي السلامه يالغاليه كذا تخوفينا عليك؟؟
الماس بهمس متعب:الله يسلمك..
فهد بممازحه لا يعلم انها مزقت قلبها:ومبروك الحمال الحين بيجي فهد الصغير وضاحي بيموت من الوناسه..
الماس نزلت دمعه علي خدها وبنفسها ايه بيموت من الوناسه مو اليوم ملكته علي حبيبة قلبه..
فهد حس انها متعبه وقال وهو لا يعلم ما يجول بخاطرها:انا بتركك ترتاحين وبنتظرك في الخارج..
اول ما طلع اخوها سمحت لدموعها بالنزول ارادت ان تبكي هنا لوحدها دون ان يراها احد لا تريد مواساه من احد او شفقه عليها..
ليش يا ضاحي
ليش تسوي فيني
كذا
شسويت لك
شسويت غير اني
حبيتك
وعشقتك
ودللتك
واحترمتك
صدمه....!!ان نسكب كل مشاعرنا مره واحده..
ونكتشف ان الاناء الذي حواها...مثقوب!!
فهد جلس بجانب ابن عمه وقال:بننتظر الين يخلص المغذي اذا تبي روح البيت..
وضع يده علي كتفه وهو يقول:افا ام كادي عزيزة وغاليه وبعدين بنتظر معك كم فهد عندنا..
ابتسم له فهد وهو يقول:شخبار الصفقه تبع دبي خلصت والا بعدك..
ضاري بهدوء:باقي لي شوية رسوم واخلص..
فهد بمحبه:الله يعينك ويوفقك..لو سوينا مثل طلال وشردنا ندرس بري ..
ضاري يبتسم :عمي شاهر متفاهم حيل موب مثل ابوي وابوك اللي براسهم يسوونه وما دروا عن احد..
فهد :الله يعينا..
نتعرف علي عائله الشاهر
الجد ابو عبد الرحمن رجل عصامي بدا من الصفر الين كون الثرة له ولعياله ..
عياله..
ابو ضاحي..عبد الرحمن زوجته سعاد..
ضاحي متزوج الماس بنت عمه وعندهم كادي وسالي يشتغل ظابط بمكافحه المخدرات..
ضاري مهندس معماري يشتغل مع ابوه وعمامه بشركه العايله..
ابو مشعل زوجته فاتنه تصير اخت سعاد..
مشعل خريج اقتصاد ويشتغل مع عمامه بالشركه..
الماس متخرجه من لغه انجليزية..
فهد متخرج ادارة اعمال ويعمل مع جاسر ولد عمه بالشركه..
عهود اخر سنة تصميم داخلي..
ابو جاسر وزوجته جميله..
جاسر يشتغل بشركه خاص هبه اسسها لحاله ..
طلال يدرس ماجستير هندسة اتصالات..
سلمي اخر سنة لغه انجليزية..
@@@@@@@
رد مع اقتباس
