-
روايتي الاولى:انت الحياة واخترت ان اعيشك /بقلمي .. - رواية جميلة
عنوان الموضوع : روايتي الاولى:انت الحياة واخترت ان اعيشك /بقلمي .. - رواية جميلة
مقدم من طرف منتديات الشامل
السلام عليكم ورحمة الله وبركاته .,
بسم الله الرحمن الرحيم
هذي اول رواية انزلها
انزلها لكم عقب غياب طويل عن عالم الكتابه وبعد ماعرفت وتفتحت
انزل لكم روايتي الصغيره واتمنى انها تعجبكم واتقبل جميع الاراء
روايتي هالمره تختلف تلتمس قليلاً من الواقعيه واشياء عشناها وتعايشناا معها
فيها ...عقوق..فقد..حب..شهوه..صراع اخوي..ظلم
لاتخلو من المرح والفرفشه
بسم الله نبدا
الساعه 9:30
بتوقيت الرياض
الين
جاهاا صدااع فظيع ماقدرت تفتح عيونها منه
بعد مده من الصراع فتحت عيونهاا بهدوء
وكالعاده لحالهاا بالشقه محد يدري عنهاا
ابتسمت بالم وقامت تصلي لهاا ركعتين وترجع تنام
سديم
بمكاان اخرر
الااغاني تملي البيت
والفرحه تعم المكاان
رفعت راسهاا المليانه دموع لاابوهاا
الاب بابتسامه خاليه من التعابير:وقعي هيناا
سمت بالله ووقعت واهي عيونهاا على ابوهاا
اعتلت الزغاريط ووصلت لمسامع الرجاجيل بالمجلس
ابتسم بكل هدوء واهوو بداخله يرقص
دخل الاب ومعه الكتاب والكل قام يبارك للمعرس
فجر
وبمكان اخر بغرفه بناتيه الاغاني الاجنبيه مرتفعه
وبطلتي جالسه بنص السرير تلعب بخصله من شعرهاا والكتاب قدامهاا مفتووح
صحت من سرحاانهاا على تخبيط الباب فتحته واهي تعدل من شعرهاا
شافت اخوها قدامهاا طيرت عيونهاا ونقزت تسكر الاستريوو
لفت فجر بارتباك شافت عيونه المحمره ابتسمت وبتصريفه:هلا وغلا باخيي توو مانورت الغرفه حياك
اشر لهاا بعيونه على الاستريوو واهي على طول فهمته وهزت راسهاا بتحلطم:هذا وجهي لااشغلته
وش هالاهل مايخلون احد يدخل جوو..رفعت راسهاا واهي تقول..الااااقوول من ..تلفت يمين ويسار..
بسم الله هذا وين راح يمه يخووف
عبدالعزيز
ابتسم بكل هدوء واهو يسمعهاا تكلم
وقف بصدمه واهوو يسمعهاا وابتسامته على وجهه
زوجته حبيبته روحه وحياته جاالسه تكلم غيره
انفال:هههههههههههههههههههه....ي قلبي انت وربي عادي
مشتاقه لك مووت زوجي واهله بيسافررون كم يووم وش رايك بيكون البيت فاضي
...ههههههههههههه....الجمتهاا الصدمه واهي تشوفه ضاامهاا فتحت فمهاا وعيونهاا مشخصه لقدام
كانت جالسه على الكنب ومعطيه الباب ظهرهاا وخر عنهاا واستقام بوقفته
وقال بهدوء عكس العاصفه اللي داخله:روحي تطهري والبسي شي يحشمك ولمي اغراضك
انصدمت بقووه ولفت عليه واهي تصرخ وتصيح:لالالالالالالا عبدالعزيز طلبتك لاتطلقني انا وربي احبك ..طاحت عند
رجلينه..عبدالعزيز طلبتك لاتطلقني عبدالعزيز انا احبك ابووس رجلينك اصيرر خداامه عندك بس طلبتك لاتخليني
..رفعت راسهاا كانت بتتكلم بس انصدمت واهي تشوفه مبتسم وكملت بهستيريا...لالالا انت اكيد موب عبدالعزيز
..وبصررخه..اكيد موب عبدالعزيز ليش مبتسم صيح هاوش قول اي شي بس لاتسكت..وقفت واهي تهزه..
اضربني ايه اضربني طلع حرتك ..حطت شعرهاا بين يدينه..قطعه بين ايدينك طلعع حررتك ..علا صوتهاا اكثرر..
لااتسككت كذاا لااتسككت تتككللمم
لف بكل هدوء على الباب اللي بيتكسرر من الطق فتح الباب شاف ابووه وامه واخووانه واخواته
ابتسم لهم بشكل يكسر الخااطرر والدمعه محبوسه بعينه:جيت بقول لهاا تنزل اهلي مجتمعين
..لف على امه..ماحبيت شكل امي واهي تكرف لحالهاا قلت بانااديهاا تنزل تسااعدك
كانت تسمع كلامه وتبكي اكثرر دخلوو امه واخوااته عليهاا اللي يشووفهاا يقوول احد جالدهاا
كان شعرهاا منفووش من كثر ماتمعطه والكحل سايل على وجههاا ولبسهاا الضيق اللي تشقق من كثر
حركتهاا كاان واقف عند الباب وعلى نفس الوقفه وعلى نفس الابتسامه رااحت له امه واهي معصبه
ووطـــــررآآآآآآآآآآآآآآآآآآآآآآآآآخ *كف* على خد عبدالعزيز
وبعصبيه:ماتستحي على وجهك تضررب مرره هذاا اللي ربيتك عليه تكلم ياولد امك
بعد مالبست عبااتهاا وطلعت معهاا شنطتهاا حبت راس خالتهاا وخالهاا ولفت على عبدالعزيز
انفال:كنت اتمنى تضربني تهااوشني ...كلن طيرر عيوونه عليهاا وعلى روسهم الف علامة استفهام..
بس ماتوقعتك تسكت كذاا
الام بصدمه:مجنونه انتي فيه وحده تبي زوجها يضربهاا
انفال:ايه انا ..كملت واهي تتوجه للفت..هذاا جزاا اللي تخون رجلهاا
الكل انصدم من اعتراافهاا كان مستعد انه يكتم اللي صار ويشيله معه لقبره
بس اهي تكلمت ماابيده شي دخل الغرفه ورزع بالباب وقفل على نفسه
اما عندهاا سووت كذاا على شان اهلهاا يجلدونهاا يعااقبونهاا ماتبي ضميرهاا يانبهاا
تبي تخفف عن نفسهاا شووي
عن الرجوله نتحدث ..
نهاية وفى
وبداية جفى
بداية قصتي
بعد سنه
استيقضت بطلتي الين على الاازعاج
:افففف وش هالازعاج هذا وقتهم ينقلوون
قامت بكسل لبست واتجهزت شربت الكوفي
وانتظرت لين ماتصلت عليهاا صاحبتهاا ونزلت
ركبت السياره بهدوء:السلام عليكم
الكل:وعليكم السلام
ومشوو بكل هدوء للجامعه
الين:بنوته جميله وناعمه قصيره وشعرها ناعم وطويل بيضاء وعمرها 23 اخر سسنه ف الجامعه
امها وابوها متوفين اخوها الوحيد يدرس ف الخارج وعايشه لحالها ف شقه ويجي عمها اوقات يشوف وش اخبارها بس
ف بيت صغير اشبه بملحق
يعيش فيه 7 بنات وولدين
وام وزوجها
لورا بصرااخ:الله يلعنكم من مبزره اسكككتتتتوووو
قمطو البزران من الخوف ((=
مرام بكرشتها:ي ربيه من هالتعب متى اولد وارتاح
منيره:التعب بعد الولاده موب الحين
العنود لفت على امها بتافف:ي ربيه من بناتك بيعقدوني وانا مابعد تزوجت
الام:على طاري الزواج ترا فيه واحد متقد...ماكملت لان العنود انحاشت
وجلسسو يسولفون منيره ومرام والام ولورا جالسه متفرجه
سحر:البنت الكبيره من ابو غير قزوما ومربربه وشعرها بوي عمرها 24
ولدها ابراهيم عمره 4 سنوات
مرام عبدالعزيز:بنوته ناعمه وانيقه نححييففهه مرره وممناعتها مره ضعيفه عمرها 21 متزوجه
منيره عبدالعزيز:عاديه بس فيها شيء يجذب مطوعه مره عمرها 19 ولدها خالد عمره 11 شهر
لورا عبدالعزيز بطلتي:بنوته ناعمه وهاديه واربعه وعشرين ساعه الجوال بيدها عمرها 18 سنه
العنود عبدالعزيز:هذي تختلف عن العايله دلوعه وعنيده وكل شيء تبيه مززه<خاقه عندها ..عمرها16
فواز من ابو ثاني عمره 13
فاطمه:9 سعد:7 ميلاف:4
ف الجامعه مجتمعين شلة بنات
الين متنرفزه:وخري عني اشوف
فجر ميته من الضحك:هههههههههههههه..ط ط ط ههههههههههههههههه...طاح هههههههههههه
ماقدرت تكمل من الضحك
والبنات يناظظرونهم متنحين
بعد ماهدت بشاير قالت:فاااتكم الين كانت تنافخ على وحده ومشت شوي الاا وتطييح على وجهها
والبنات مسكووها طقطقه
وجلسسو على هالموال والين شوي وتنفجر
ف بيت اخر وعالم اخر
كان منسدح وعيونه مركزها ع السقف وذهنه شارد
كان الهدوء عالمه من بعد ماتركته يحبها بس مايعرف كيف يوصل لها
تمنى وقتها ان اقدارهم تتبدل غمض عييونه
هذا بطلي عبدالرحمن صاحب التناقض الكبير راح تعرفون شخصييته بالروايه بعدين عمره 25
نرجع للبيت الصغير او الملحق
بغرفة العنود ولورا
لورا بتافف:اخواتك ذولي مزعجات
العنود:لو موب عاجبينك ارجعي لرجلك
لورا:اقول بسس على زق ..ومسكت جوالها وجلست تطقطق وبالها معه
دخلت امهم عليهم
الام:وش مجلسكم هينا واخواتكم مجتمعين
العنود واهي تقوم:جيت اللبس
لورا واهي تتلحف:سكرو الانوار والباب بخمد
الام طلعت واهي تتحمد على حالت بنتها
ف المجلس
مرام:وين لوير
العنود:تقول بتنام
منيره:مادريتو ليه ماتبي رجلها
الام:كل ماكلمنها قامت تصيح ماتبي تقول
مرام واهي شبه معصبه:موب على كيفها اذا ماكان فيه سبب كبير ولا لاتطاوعونها
سحر:اختك لعابه اصبري عليها كم يوم وترجع له
الام:حتى ولو بس مناقيد كل شوي ماخذه قشها وجايه مايصير كذا
منيره اشرت لهم يسكتون
دخلت لورا واهي مبتسمه وساكته
غيرو الموضوع وجلسو يسولفون
كانت لورا جالسه ومتركيه وبيدها جوالها جاء سعد كان بيده عصير ونزل ياخذ المناديل وبكل غباء
نزل العصير معه وانكب على جوال لورا وصرخت وبعدت الجوال على طول وقفلته
وجلست تصارخ على سعد بكلام طلاسم ..
الام:بس اسكتي مايحتاج هالصراخ
العنود:عادي انا جوالي انكب عليه عصير وماجاه شيء
صرخت لورا:ماصدقت على الله يجيني هالجوال لااخرب ماراح يجيني غغيره
مرام:لو انك عند رجلك كان جابه
سحر:ارجعي لرجلك ويجيب لك جوال
انضغطت لورا زياده وجلست تصارخ وتصيحح:انتم اهل انتم
مرام:الحمدالله تصيحين على شان جوال
لورا:طزز باام الجووال كرهتوني بالعيشه اي زق اسويه او يصير لي ايه لو انك عند رجلك كان بيسوي كذا
لو انك عند رجلك كان جابلك كذا اططللععووو من ححياااتي ..وقامت للغرفه واهي تصيح
نبذه عن هاللي صار:لورا ماتبي رجلها واهلها ماايبونها تتطلق وصارو يضغطونها بهالكلام
..
بشاير واهي تصارخ على اخوها:ليه انت كل بناتك معاهم جوالات واحنا لا لو كشاف راضين فيه
بنتك عمرها 14 سنه ومعها ايففون
اخوها الكبير وبكل برود:بنتي عندها ابو يدور وراها بس انتي من عندك علميني
نوف والدمعه بعينها:عندنا امي وانتو اخواني الكبار
اخوها الثاني:بس احنا عندنا عيالنا ويالله متحملين وامي كبيره ف السن ماراح تراكض وراكم
اخوها الكبير قال بينهي النقاش:قلنا اللي عندنا جوالات مافيه ..وطلعوو
وخلو اخواتهم يبكوون على الظلم اللي عايشين فيه
منى بصوت كسير:الله يرحمك ي ابوي ليتك فيه تشوف عيالك وش يسوون فينا
بعد ساعتين كانت بشاير تكلم نوره وتشتكي لها
بشاير:نذر ي نوره قهروني
نوره تحاول تطبطب عليها:ي روحي هذا الحين معك جوال ولاب وايباد حتى وامك ماقصرت معكم لو طلبتو شي بتجيبه لكم
بشاير:لوو درو والله ان ينتفونه مننا ليه هالظلم تخيلي بنته عمرها 14 وتوه شاري لها ايفون
نوره:ي بعد قلبي انتي فيه رب فوق تحيسبي وبعدين احمدي ربك على النعمه والعافيه
انتي عادي تطلعين وتروحين وتجين ومصروفكم يجيكم بس مانعين عنكم هالجولات غيركم يتمنون هالشيء
بشاير:الحمدالله بس وربي ظلم وش معنى احنا وعيالهم عادي
نوره:يمكن يبون مصلحتكم
بشاير بتافف:وش مصلحته تكفين
نوره:لاتضيقين صدرك ي خي ولا شيء اهم شيء ان امكم جابت لكم ي خي احبس انا
بشاير واهي تحاول تتناسى الموضوع:وانا اعشقتس نذر ي خي ابي اشوفك
نوره:يلا متى
وغيرو الموضوع وجلسو يسولفون ويضحكون يغغيرون عن انفسهم
بشاير ونوره صديقات الروح بالروح تعرفو على بعض عنن طريق البي بي
بشاير:بنوته تجنن سنفوره ولسانها اطول منها بتتعرفون عليها مع الايام الجايه عمرها 22
نوف:بنت هاديه صبوره بس ماتسكت عن الحق ناعمه ورسميه عمرها 24
رن جواله واهو مشغول بالملفات اللي قدامه ورفعه بدون مايشوف الاسم
عبدالعزيز:الوو
...:الوو اهلين اخ عبدالعزيز
عبدالعزيز باستغراب:هلا والله من معي
..:موب مهم من معك بس ابيك تجي تقابلني بكره الظهر لان معي شيء يهمك
عبدالعزيز بتافف:بتقول من انت ولا اقفل ..ماسمع رد وتوه بيقفل تشنجت يده وعيونه تشخصت لقدام
بلل ريقه بصعوبه ..وش قلت
..ببابتسامه:محمد ولانسيته
عبدالعزيز وقلبه يدق:اوكي وين نتقابل
اتفقوو وقفل منه وقلبه مو متطمن من هالشخص وترك الشغل وجلس يفكر
فيصل يكتب لفجر قومي واهو فاطس ضحك
ابتسم بالم بعدها وانتظرها لين تصحى
فتحت عيونها وشافته يوريها اللي كاتبه عطته نظره:تستهبل انت كان هزيتني على الاقل
مانتظرها تكمل كلامها طلع وخلاها تاخذ راحتها
واهي قامت تتحلطم كالعاده
تجهزت ونزلت لقت امها بالصاله باست لها راسها وجلست جنبها
فجر:وين فيصل ي الحب
امها:ف المطبخ يمي يصلح لكم اكل
فجر:وانتي يمه
امها:لا يمي انا اكلت من زمان بس اهو مارضى ياكل الا بك
فجر واهي تقوم تركض لجهة المطبخ
وتصاارخ:فــــييييصصصصللل اااحححـــبببكككك
ضحكت امها عليها وعلى خبالها ودعت بسرها ان ربي يخليهم لها
عند فيصل التفت مفجووع منههاا ضمته واهي تقول احبك احبك
ضحك وحط يده على راسها ورجعه لورا خلاها تناظره وحرك شفايفه ب احبك
ضحكت فجر:واخيرا بالعاده تتجاهلني
ابتسم ووخرها وتجاهلها عصبت بس طنشت وصارت تساعده
بالعافيه عليهم *عايشه الدور*
هذا اول بارت وان شاء الله يعجبكم
توقعاتكم ادري ان البارت قصير وخالي من الحوار
بس عشانه اول بارت بعد كذا راح يكون طويل باذن الله
بس اتمنى تشجيعكم ..
دمتم ..
>>>>> ردود الأعضـــــــــــــــــــاء على الموضوع <<<<<
==================================
يعطيك العافيه ننتظر جديدك
__________________________________________________ __________
القصة حلوة ، وعجبني موقف عبدالعزيز ، جدد حسيته المعنى الحقيقي للرجولة ، ننتظر التكملة
__________________________________________________ __________
بسم الله الرحمن الرحيم
البارت الثاني
قرائه ممتعه..
دق جوال لورا وردت واهي كلها استغراب
لورا:الوو
....:الو السلام عليكم كيفك ي لورا
لورا وقلبها يدق بقوه:وعليكم السلام بخير وانت
...:بخير عرفتيني ولا نسيتي..قالها بمرح عشان يطمنها
لورا بهدوئها:واحد ينسى هالصوت الخشن
....:اشوى ان صوتي انعم من صوتكك
لورا:جبهتي ي حيوان
....ضحك عليها من قلب واهي ابتسمت مرت لحظت صمت بينهم
لورا ببابتسامه:عزوز اخلص وش بغيت
عبدالعزيز بجديه:حاب اكلمك بموضوع مع انه بيضايقك بسس لازم اتاكد
لورا باهتمام:عادي ي بعدي امرني
عبدالعزيز:مايامر عليك ظالم ..وبتردد..محمد..ماسمع منها رد واخذ نفس عميق...عمك محمد احد يعرف باللي
سواه لك غغيري
لورا بصوت مخنوق:ليه
عبدالعزيز علمها عن المكالمه
لورا:ههههههههههههههه هذا اكيد زوجي
عبدالعزيز بصدمه:زوجك كان يعرف
لورا:وللاسف المهم وش بتسوي معه
عبدالعزيز وبباله اساله كثيره بس فضل يسكت:مدري والله
لورا ولمعت براسها فكره مجنونه ومستحيل تتنازل عنها:طيب اسمع
عبدالعزيز استممع لكلامها بانصات
مر يووم كئيب جدا ع الكل
ركبت السياره:السلام ععليكم
ردو السلام
لفت فجر عليها وبكل حماس:تخيلي البنات بيسوون حفله لمنى
الين عطتها نظره خلتها تسكت
استغرب فيصل ليه سفهت اخته بعدين فهم انها ماتبي تتكلم عنده ابتسم بكل هدوء
بعد مانزلهم اول ماادخلو الين مسكت فجر ودبغتها
فجر بالم:وش درى امي اخذني الحماس ي اختاه
الين بتافف:روحي موتي لاعاد تتحمسين مره ثانيه
فجر واهي رافعه حاجب:على حسابك ي عمتي
الين واهي رافعه خشمها:وتاج راسك بعد
فجر:تخسسين ي رب تطيحين مثل امسس ووو...ماكملت لانها صقعت بوحده وتوها بتهاوش
بس شافت شكلها وبلعت العافيه
البنت بصوت ضخم:عمياء ماتشوفين
فجر وعيونها على الين اللي كاتمه ضحكتها:اسفه مانتبهت ..وراحت بسرعه قبل لاترد البنت
البنت راحت لشلتها:اجل ذي فجر اللي تقولون عنها
سمر بنظره حاقده:هاه ساز تتحدى
ساز"بوي":والله مزه ماعليها..بعد تفكير..اوكي
سمر والشر بعيونها:والله وجاء يومك ي فجر
والبنات خايفين منها ومن افكارها ولا وحده تكلمت
عند البنات
فجر واهي تخز الين:هين مردوده
الين حكت للبنات وضحكوو
فجر:مايسوى علي كل ذا عشان سؤال
بشاير بلقافه:وش السالفه
قالت لهم الين عن اللي صار بالسياره
وصارو يتناقشون بعضهم مع الين والبعض مع فجر
وشويات والكل راح على محاضرته
بشاير:فجر وش اسوي
فجر واهي شايله همها:ي بيش انسي صدقيني ماراح تعيشين كذا
بشاير:اوف اوف كلكم تقولون انسي مقدر ي خي وربي مقدر
فجر:عشان نفسك
بشاير:انا مااقدر ي فجر ولا ابي انسى
فجر بتأثر:اشغلي نفسك بالاختبارات او اي زق بس لاتفكرين فيه
بشاير تبي تنهي النقاش:ان شاء الله
انتهى النقاش وفجر تدعي لها انها تنساه اما بيش متيقنه انها ماراح تقدر تنسى بس تلعب على نفسها
ف استراحه مجتمعين
شلة بعضهم عاطلين وبعضهم منحاشين والبعض ماخذ اجازه
بعضهم على السوني وبعضهم بلوت
محمد:اللعب ي الدبشه
سعد فاتح فمه:هاه دوري
محمد سطره على علباه وسعد رمى الورق وطب ببطنه
فهد واهو يتفرج:خل الهياط ينفعك ي الزلابه
شوي وينقلب سعد مع محمد على فهد
عبدالله بخبال:وتبدى معركة..بصرااخ اهبل..حييييلللليييييببب
قامو العيال وفككوهم
سعد:لاابوكم من اخوياء ماعندكم الا تسطير
فهد بنظره حاقده:وانا شلي بامكم تدخلوني
محمد:عشان اعلمك من الزلابه ي زلابه
عبدالله:ي فستقه اهداء من كذا هاه
محمد توه بيرد الا صرخ خالد
خالد:ارفعو علومكم وخلكم ريجاجيل ابك كانكم حصصيص وخوياتها
كلهم لفو عليه وعطوه نظره قمط العافيه منها وكملو لعب وهبال
عند السمج
سلطان:وانا اقولك كول اوف ديوتي
عادل:اقلك كوره
سلطان:كول اوف ديوتي
عادل:كورره يعني كوره
سلطان:كول اوف ديوتي
علقو على هالموال شوي الا ططططررراااااخخخ
صقع جاسم روسهم ببعض
جاسم:بزززررااان انتم هالشيء تسوونه ببيتكم ي روح امك انت وياه حط اي شريط وفكنا بلا مبزره
عادل:كوره
سلطان:وانا اقلك كول اوف ديوتي
طفش منهم جاسم وغمز لعادل وبكل بساطه قامو على سلطان وطيروه وجلس مكانه جاسم
وحطو كوره
سلطان محموق:خير انتا وياه بزر عند امكم انا
عادل وجاسم عطوه اشكل وركزو ع اللعب
قام سلطان وجلس بالزاويه وطلع جواله وجلس يكلم حبيبته
فيصل واهو يكتب لخالد بالورقه ومدها له
خالد قراء بصوت عالي:كتمتنا بهالشيشه انفخ مناك..لف على فيصل..ماتبي تشم قم انقلع فيذاك
محمد واهو يناظره بنص عين:اقول يالبزر اعطيناك وجهه ليه ماتروح للمدرسة ي بابا
خالد بشماته:لاتخافون ماراح اصير عاطل مثلكم
وقمز من الريموت اللي جاه
سعد:روح على شان ماتصير مثلنا ..وابتسسم له وكمل لعب
فهد واهو متضايق:الدنيا دواره
محمد واهو يطبطب عليه:ربك كريم ي رجال
الكل:ونعم بالله
خالد واهو يرقع:اصلا الوظيفه موب كل شيء وانتو عندكم اهل يصرفون عليك
سعد:وهذا هو البلا ي خالد اسكت بس ..لف على عبدالله وبفهااوه..من انت
عبدالله بخبال ومسوي نفسه بيصيح وحاط يده على فمه:افا بسس ي سعد نسيتني
سعد فاتح فمه ومتنح:لا جد من انت
عببدالله ابتسم بحمق وخبطه على راسه:ي حيوان جارني طيب
محمد ارتفع ضغطه منهم:اوووف ارووح للبيت واخمد احسن لي
الكل:مع السلامه
طير عيونه عليهم واهم ضحكو على شكله وجلسو يطقطقون ويلعبون لين ماطفشو
وفضت الاستراحه مابقى فيها الا فيصل وفهد
فيصل بابتسامه مد لفهد الدفتر مكتوب فيه:ليه ماتروح لبيتكم
فهد بتنهد:مابي اروح وانا بذا الحاله
فيصل كتب:ربك كريم ي فهد اللي كاتبه ربي لك بيصير
فهد واهو يحط يدينه على عيونه:ونعم بالله بس لما ارجع للبيت والقى امي وكلامها السم و
ذل ابوي عند فلان وعلان عشان يدبر لي واسطه شيء يشلني من داخل وصعب علي اتحمله
كلمت عاطل نشبت فيني كان هالشي بيدي
..نزلت دمعة قهر من عينه
فيصل يدري ان هالشيء يحرق الرجال ويضعفه خصوصا اذا كان حتى اهله ضده
حضنه بكل هدوء تمنى انه يقدر يتكلم عشان يطبطب عليه بس مايقدر يسوي شيء
ارتاح فهد انه طلع اللي جواته شوي وقام لبيته
عبدالرحمن
كان يلعب بجواله وضغط على ارقام حافظها مثل اسمه
كان منسدح ورافع الجوال وتردد يدق ولا وتوه بيطلع راحت اصابعه بدون ارادته وضغط على اتصال
تصنم بمكانه واهو منصدم من نفسه يبي يسكره بس فضوله موب مخليه يسكر
طووط ..طووط يحسسها طويله وموب قادر يتحمل طولت ماردت تحطم وتوه بيسكر الا تفتح الخط
حط الجوال عند اذنه وعيونه لقدام مطيرها لين الحين منصدم من نفسه
جاه صوتها المبحوح الناعس:الوو
حس ان الروح ردت له وزادت نبضات قلبه ماقدر ينطق بحرف
... بعصبيه:الو ولعنه
ضحك بصوت غصب عنه يحب هبالتها
عندها
كانت نايمه ردت بدون ماتشوف الرقم كانت بتسب يوم شافته رقم غريب
بس تصنمت وبردت اطراف جسمها واهي تسمع ضحكته اللي تعشقهاا
وبكل تردد قالت:د د دحوم
سكت من ضحكه فجاة وكانه رجع لارض الواقع عيونه على السقف وراسم ابتسامه على وجهه
دحوم:كيف عرفتيني
...:صوت ضحكتك
دحوم:كذابه موب لذا الدرجة تعشقيني انتي عشان تعرفيني من ضحكتي
...ابتسمت بكل الم واطلقت تنهيده:اخبارك
حس بتنهيدتها سكاكين تنغرس داخله بس كمل:بخير وانتي
...:ماعلي
ومرت لحظة صمت اثنيناتهم منصدمين لين الحين موب مستوعبين انهم يكلمون بعض
قرر يكسر هالصمت وقال بقهر:اخبار خطيبك
....:بخير
دحوم:اخبارك معه
...:بنفك الخطبه
دحوم يحس بقلبه يرقص من الفرح بس تمالك نفسه:ليه وش فيكم
....حست بنبرة الفرح بصوته وابتسمت:ماابيه
دحوم:وش السبب
....:بس كذا مابيه
دحوم:يعني موب عشانك تبيني..سمعها واهي تقول بصوت صغير الا كمل..اجل ليه تقولين بس كذا
....:مدري
سمعها تتثاوب:معليش ازعجتك كملي نوم الحين واذا قمتي تفاهمت معك
....واهي ماودها تسكر بس تدري لو طولو شوي بتخمد واهي تكلمه
قالت بكل هدوء:لا عادي ي بعدي وش دعوه
ابتسم:كملي نوم ..واهو يشد على الحروف..ي بعدي عوافي
...:الله يعافيك انتبه لنفسك
دحوم:ان شاء الله ..سكت شوي وبعدين قال بسرعه..شوق
شوق باستغراب:هلا
دحوم:احبك
شوق فتحت فمها:هاه
دحوم بسرعه:ولا شيء يالله مع السلامه
ماعطاها مجال ترد وسكر السماعه وغمض عيونه واهو مبتسم بتلذذ
طير النوم من عيونها وجلست تفكر فيه ليين مانامت
قدر عشاق
عند عبد العزيز
دخل الكوفي وتوه بيجلس الا احد يناديه
..:من هينا
لف عبدالعزيز عليها واهو يبتسم باستحقار وجلس:السلام عليكم
..:وعليكم السلام كيفك اخ عبدالعزيز
عبدالعزيز:ادخل بالموضوع ..كمل باستهزاء..وراي اشغال
...ضحك بعدين ابتسم:معك نواف
عبدالعزيز بهدوء:انا سبق وعرفت عنك كل شيء اخ نواف
نواف باستهزاء:يعني لين الحين متواصل معها
عبدالعزيز باستغراب:وش
نواف بعد ماخذ نفس عميق:بصراحه انا مابي اهددك بسالفة محمد ولا اهم يحزنون
عبدالعزيز طير عيونه:لعب بزران اهو دامك ماتبيني بسالفة محمد اجل ليه طالبني
نواف بحزن:ابي لورا ابيك ترجعها لي انا راضي فيها بكل عيوبها بس ابيها
عبدالعزيز موب مستوعب:فهمني يرضالي عليك انت تعرف عن محمد
نواف:اعرف عن محمد ماخبت علي شيء وعلمتني
عبدالعزيز مادخلت السالفه براسه:طيب ليه تجيني انا ليه ماتروح لها اهي
نواف:اسمعني انا صار لي معها اربع سنوات ماشفت منها شيء ..رفع راسه وبعيونه دموع..انا احبها
وابيها ماترد علي
وروحت لها اخواتي حتى اخواتها حاولو فيها ماسمعت لهم
عبدالعزيز:ضنك بتسمع لي !!
نواف:حاول مافيه شيء يمنع انا ابيها ..وسكت
عبدالعزيز تنهد:لاحول ولا قوة الا بالله بحاول معها واعلمك
نواف:زوج لورا حسااس جداً يحب لورا لحد الجنون بس اهي حماره ماتبيه *منقهره منها*عمره 28
عبدالعزيز يصير اخو محمد بس من الرضاعه سالو شيخ وقالو عادي يفتش لهم لانه يصير بحسبة عمهم
على المغرب
بشاير بصراخ:هذي مو حاله ي خي المواعين كثيره ليه ماعبيتو من الاول
منى باستهزاء:يالعبده تراهم شوي مو كثيره
بشاير وعيونها تطاير شرار:روحي غسليهم وقولي موب كثيره
دخلت نوف وقالت بملل:وش فيها ذي
منى واهي تطقطق بالبي بي:عشان المواعين
نوف:مابعد صبت المويه
بشاير بقهر:ماراحو يعبون جمعو علي المواعين بس
نوف:ماتطفشين انتي من هالموال
بشاير:حرام عليكم نذر انها كثيره خل وحده منكم يصير لها كذا
نوف:طيب بساعدك اذا صبت المويه
بشاير:كذابه انتي تسلكين لي بس عشان اسكت
نوف ناظرتها بنص عين وسفهتها
بشاير عصبت زياده وجلست تتكلم بصوت عالي
منى بصوت خافت:العبده جتها الحاله
سمعتها نوف وضحكت بقووه وعصبت بشاير زياده
خلهم يتحملون استهتارهم شوي ويسمعون الصراخ
الين تكلم فجر
فجر:وش يبي جايك
الين:اكيد يبي فلوس اجار الشقق
فجر بضجر:عمك ذا يستهبل ورثك ذا ماله دخل
الين بقلة حيله:وش اسوي بالفلوس نصها تروح لاخوي ونصها عمي ياخذها ويعطيني شوي
فجر:موب على كيفه يجي بس عشان الفلوس وانتي شلون تاكلين شلون تشترين ملابس
الين:اهو يعطيني
قاطعتها فجر:وش يعطيك تستهبلين انتي موب من حقه ياخذ فلس وهاللي يعطيك موب كثيره
شلون بتكفيك هاللي يعطيك مصروف اكل وشرب لك بس والحاجات الثانيه طيب
الين غمضت عيونها بقوه من الصدااع:طيب وش اسوي
فجر:كلمي اخوك وعلميه
الين ابتسمت بالم:اللي فيه مكفيه ي فجر ومابي اسبب مشاكل بينهم
فجر:اجل بتسكتين على هالحال اللي انتي فيها
الين:ماعليك ربي بيحلها والحمدالله على كل حال ..اسمعي بس
فجر:.....
الين باستغراب:الو فجر ..ماسمعت رد..فجـ..ماكملت كلامها لانه سمعت صرخت فجر صنمت بمكانها
الين ماعرفت وش تسوي صارت بس تناادي ..فجر فجر ردي علي ي بنت فجر وش فيك
شوي الا تسممع طوط طوط طوط انهبلت الين وصارت تدق عليها
فجر ماردت ودقت على البيت
كان فيصل جالس بالصاله وازعجه صوت التلفون ورفعها
جاه صوتها القلقان وبتلعثم:الو الو من من معي ام فجر..تومياتي؟
استغرب شوي كيف يكلمها ذي لمعت براسه فكره وطق السماعه مرتين
سكتت بعدين قالت:ف فيصل انت فيصل
فيصل هز راسه واهو مبتسم
الين مانتظرت رد:فجر ي فيصل روح شوف وش فيهها كنت اكلمها وصرخت مدري وش فيها
فيصل طلبتك روح شوف وش بفجر ..سكتت واهي تبكي..الوو فيصل انت معي الوو ي ربي وش هالحاله الوو
عند فيصل من سمع صرخت واهو رمى السماعه وركض بسرعه لغرفة اخته
دخل الغرفه واهو يقول فجر فجر بس كانت شفايفه تتحرك بدون صووت دخل الحمام(وانتو بكرامه)
لقاها طايحه وتبكي راح لها واهي من شافته صارت تبكي اكثر
فجر:فيصل اهئ اهئ فيصل
فيصل كانت الف علامة استفهام براسه بس موب وقته لبسها عبايتها وشالها وطيران على المستشفى
عند الين كانت تدق على جوال فجر لان التلفون صار مشغول لان فيصل شالها مارجعها
جاها صداع شنيع طاحت بمكانها تتلوى من الالم
هونيك
دخلت سديم لبيت اهلها
وقدامها بطنها وتجر شنطتها
راحت سيده لامها وحضنتها وبكت
امها بقلق:سديم يمي وش فيك
سديم واهي تبكي:يمه هالحمار مابيه مابيه
امها بفزعه:وشو وش تقولين انهبلتي انتي
سديم باصرار:قلت مابيه يعني مابيه
امها واهي مطيره عيونها عليها:صاحيه انتي تعرفين وش تقولين وهاللي ببطنك وش بتسوين به
سديم بعصبيه:مااعلي اللي ببطني اذا طلع باربيه لحالي موب لازم اب
امها واهي تحاول تهدي نفسها:الله يهديك ي بنيتي وش اللي يخليك تقولين كذا وش اللي صار
سديم بدلع وصياح:موب عاجبته انا خله يروح يدور غغيري انا مليون واحد يتمنوني
امها مطيره عيونها بس هالمره موب عليها على اللي وراها
جاء صوت من وراء سديم خرعها وخرع امها:ســـــــــــديـــــــــــــــــــــــــم
انتهى البارت الثاني
توقعاتكم..
ودي..
__________________________________________________ __________
يعطيك العافيه روايه جميله
_________________
__________________________________________________ __________
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس