عنوان الموضوع : بقلمي : شموخ بنتك يابوي منخلق من يهزه رائعة
مقدم من طرف منتديات الشامل

السلام عليكم

كيفكم كلكم هذي اول رواية لي لو سمحتوا لا تحكمون عليها من اول بارت
اتقبل النقد ومارح اطول عليكم وهذا البارت.

{البارت الاول}
صحت شموخ على صوت صراخ قامت بسرعه من السرير وغسلة وجهها
ونزلت تشوف مصدر الصراخ
شافت خواتها مشاعل و مشاعر كل وحده ماسكه شعر الثانيه وتشده.
وامها تقول

ام وائل بعصبيه : فكي انتي وياها نتفتو شعوركم
مشاعل: والله ما افك الا ادا فكت
مشاعر : فكي انتي اول

راحت شموخ لهم ونادت وائل
شموخ تحاول تفك بس مافي امل كل وحده غارزه يدها في شعر الثانيه

جا وائل
وائل : كل شوي مضاربه انتي وياها !!
شموخ : تعال ساعدني بعدين تكلم .
جا وائل وفك يد مشاعل وشموخ تفك يد مشاعر
مشاعل : فكني يا كلب والله لاوريها
ام وائل بصراخ :انقلعي انتي وياها والله كل هذا عند ابوكم هو الي يتصرف معكم

راحت مشاعل و ومشاعر غرفتهم المشتركه وما مرت ربع ساعه الا وهم متصالحين ولا كأنه صار شئ

{ مشاعل ومشاعر توأم دايم يتضاربون ويتراضون ولا كأنه صار شئ}



اليوم الثاني

بعد صلاة المغرب اتصلت ريم على شموخ
ريم: هلا وغلا كيفك
شموخ : تمام وينك من زمان ماشفتك
ريم : اقول بلا كذب توي شايفتك قبل يومين المهم عندي لك مفاجأه البسي
احلى لبس عندك وتكشخي وانا بجي اخذك
شموخ: ليش وش السالفه ؟؟
ريم :سوي الي قلت لك وبس يلا باي
شموخ: لحظه ريم { انقطع الخط}

شموخ وهي رايحه عند امها تستئذن
ام وائل :خلاص روحي بس مين بوديك لان وائل طالع
شموخ : ريم بتجي تاخذني

طلعت غرفتها وتجهزت ولبست فستان تفاحي لتحت الركبه وفي وسطه شريطه حمرا
ولبست كعب احمر واخذت عبايتها ورن جوالها شافت المتصل ريم وطلعت برا


ركبت السياره وهي متحمسه تبي تعرف وش المفاجأه
شموخ : السلام عليكم
مشعل -ريم : وعليكم السلام
شموخ : ريم بليز قولي وش المفاجأه ووين بنروح
ريم : لا تستعجلين بتعرفين اذا وصلنا
شموخ بحماس: ريم الله يخليك قولي ........... تذكرت ان مشعل موجود استحت وسكتت

بعد 20 دقيقه
ريم مستانسه : وصلنا
شموخ شوي وتطلع عيونها من القصر الي قدامها : واو بعد فتره من الذهول
عقدة حواجبها : وش جابنا هنا
ريم : هذي المفاجأه هذا بيت صديق ابوي وعازمينا واخذتك معي وامي وابوي جوا

دخلوا من البوابه بعد ما فتحوا لهم الحرا س كانوا الخدم بنتضارهم عشان يدلونهم على مدخل الحريم
واستقبلتهم ام محمد والهنوف وسلموا على الحريم وجلسوا

ريم بهمس لشموخ: شوفي ذيك الي لابسه الفستان الاسود وهي تقصد رغد
.................................................. .......................................
اعرفكم على عائلة ابو مصعب
ابو مصعب: صاحب شركات بس مو مثل ابو محمد
ام مصعب :اخت ابو محمد ربت بيت
مصعب :24 يشتغل في شركة ابوه عيونه وساع وابيض وعنده غمازة تجنن
تحليه على حلاته حقود احيانا






غدير: 21 توها مخلصه الجامعه بيضا مره وعيونها وساع وحلوه ومتواضعه
رغد:19 مغرورة نسخة غدير بس غدير احلى
.................................................. .......................................
ام محمد: حيا الله ام مشعل
ام مشعل : الله يحييك
ام محمد: مشاء الله هذول بناتك ؟
ام مشعل: هذي بنتي ريم اما الثانيه بنت اختي
جت الهنوف توزع الحلى عليهم
.................................................. ....................................
اعرفكم على عائلة ابو محمد

ابو محمد : غني جدا معروفه عايلتهم بالتواضع وهو صديق ابو مشعل وعنده شركات كثيرة
ام محمد: ربت بيت حنونه ومتواضعه
محمد: 27 ماسك نص شركات ابوه, وزوجته وبنت عمه الهنوف
معاذ: 23 يشتغل مع ابوه في الشركه اسمر شوي خشمه سلة سيف يجنن وهو صديق
عزام الروح بالروح
طلال: 19 اول جامعه ابيض شوي خشمه سلة سيف وفيه شبه من معاذ
.................................................. ....................................
رن جوال شموخ شافت المتصل "البيت"اعتقدت ان امها متصله وطلعت في الحديقه عشان
جوا ازعاج


في مجلس الرجال

طلال: شباب مين يروح معي نسلم على الحريم ؟
محمد:اقول اقعد مكانك وانت ساكت
مصعب: اي والله فكرة حلوة بروح مع طلال
معاذ :حتى انا معكم
محمد: اقول انثبر انتي وياه لا اعلم ابوي الحين
عزام-مشعل : ههههههههههههههه
طلال: وراك صدقت نمزح معك من جدك نروح نسلم خييير
عزام : يلا شباب انا رايح
معاذ : وين رايح باقي ماجا العشى
ابو عزام انتبه لولده : وين رايح
عزام : عندي شغل مهم
ابو محمد: اقعد على الاقل تعش معنا
عزام : لا والله اعذرني عندي شغل مهم

طبعا مشعل جلس مع الشباب وتعرف عليهم



في الحديقه

شموخ وهي تكلم : خير وش تبين انتي وياها
مشاعر :وينك يا ست شموخ
شموخ : وش دخلك
سحبت مشاعل من مشاعر التلفون : امي تقول انك عند ريم
ليش ما اخذتينا معك ؟
شموخ: ماني مجنونه اخذكم معي

عزام كان طالع ومر من الحديقه وشاف بنت تكلم وتصنم وقال في نفسه : وش تسوي
ذي هنا اول مرة اشوفها بس والله حلوه ههههههههه انا الي ما اعبر احد اقول لهذي حلوه

شموخ : ترا ازعجتيني انتي وياها وماكملت كلامها .






نهاية البارت الاول

>>>>> ردود الأعضـــــــــــــــــــاء على الموضوع <<<<<
==================================

البارت الثاني



وما كملت كلامها لانها شافت احد يطالع فيها {عزام}

ركضت بسرعه على جوا و دخلت وهي ميته خوف وفشله .

اما عزام ضحك وقال في نفسه : استغفر الله
وكمل طريقه لسيارته { لمبر جيني 2013} وحرك



اما شموخ فأول ماجلست جنمب ريم قالت لها

شموخ : ريم خلينا نروح
ريم :خير باقي بدري ............. وش فيك كنك جايه من جهاد؟!
شموخ : بعدين اقول لك
ريم : لا مو بعدين الحين .....
وماكملت كلامها الا وام محمد تقول : حياكم الله على العشى
ريم :اولها ولا اخرها بتقولين لي وش فيك
شموخ : يسير خير


دخلوا دخلوا ريم وشموخ غرفت الطعام واندهشوا بلي يشوفونه

ريم :واااااااااااو ياللروعه
شموخ : هذي غرفت طعام ولا قاعه !!



كانت غرفة طعام كبيره مرة كأنها قاعه لونها ابيض مكسوه باكسسوارات
ذهبي كأنها ملكيه ومن الجهه اليمين البوفيه وفي الوسط طاوله كبيره وفخمه
اتعشوا الحريم ورجعت كل وحده بيتها .


ريم : شموخ ترى ماني مخليتك حتى تقولين لي كل شئ .
شموخ : اوك بس خليني انزل

نزلت شموخ من السياره ودخلت البيت وطبعا استقبلها التوأم
بالصراخ و الهواش .
دخلت غرفتها وغيرة ملابسها ونامت .

.................................................. .......................................
اعرفكم على عائلة ابو وائل

ابو وائل: سليمان 53 يشتغل عسكري وحالته الماديه متوسطه.

ام وائل : شيخه 42 معلمه طيبه وحنونه .
وائل: 23 ابيض نفس امه خشمه سلة سيف ملامحه حاده
وله هيبه من شكله ,طويل طيب بس احيانا متسلط يشتغل دكتور متدرب في واحد من مستشفيات الدمام.

شموخ :19 جميله بكل ماتعني الكلمه بيضاء وخشمها سلة سيف وحواجبها كأنها مرسومه شفايفها صغار وردي فاتح
شعرها بني غامق لنص ظهرها نحيفه وتوسطة الطول هي وريم في نفس الجامعه
امنيتها انها تكمل دراستها في بريطانيا بس اخوها رافض تماما شخصيتها متسلطه كل شئ الا كرامتها.

مشاعل ومشاعر : 17 ثاني ثنوي توأم متشابه يتشابهون الشعر فكتوريا بني غامق فيهم شبه من شموخ
بس خشمهم حاد وصغير ,كيوتات في لبسهم مجانين في تصرفاتهم.

.................................................. .................................................. .........................................

في بيت ابو مشعل


ريم رايحه عند امها في المطبخ
ريم : امي ماما حبيبتي تكفين ابي اروح لبيت عمي .
ام مشعل : اليوم مافي روحه دقي على شموخ خليها هي تجي عندك .
ريم: امي بيتنا ممل وطفشت منه الله يخليك تهون عليك ريومه .
ام مشعل: اذا وافق ابوك روحي.
ريم : اوك
مشعل من ورا ريم : يمه انا بوديها وبروح المجمع مع وائل
ريم : اجل خلاص بنروح انا والبنات معكم .
مشعل : في الاحلام .
ام مشعل : مشعل دق على وائل وقوله تتقابلون في المجمع ويجيب خواته .
مشعل : يمه مانبيهم .
ريم بخبث: ايوه عشان تغازلون وترقمون.
مشعل : كلي تبن .
ام مشعل : عيب انت وياها انا بينكم وما تحسبون لي حساب , مشعل انا وش قلت لك قبل شوي؟؟
مشعل : طيب بروح ادق على وائل .
ريم راحت بسرعه تتصل على شموخ .

.................................................. .................................................. ....................

اعرفكم على عائلة ابو مشعل



ابو مشعل : سلطان 52 يشتغل في شركة, هو و سليمان {ابو وائل} اخوان .
ام مشعل : ساره 44 ربة بيت كلمتها على اولادها ماتنعاد لانها عصبيه وهي اخت شيخه {ام وائل } يعني اخوان متزوجين خوات.
مشعل : 25 مدرس , متوسط البياض عيونه سودا متوسط الجمال بس صوته روعه اذا غنى .
ريم : 19 مع شموخ في الجامعه ونفس القسم , شعرها لين كتفها اسود وناعم بيضاء وحلوة هي وشموخ دايما مع بعض.

.................................................. .................................................. ..........................
ريم تتصل على شموخ

ريم : هااااااااااي
شموخ : وعليكم السلام
ريم : ههههههههه لاتلوميني مستانسه
شموخ : وش الي مونسك يا رمانه .
ريم : رمانه بعينك لقد انتصرت على مشعل

شموخ : مبروك يعني فزتي في المعركه
ريم : بالضبط المعركه نتيجتها من صالحنا يالبنات مشعل بيتصل على وائل ونتقابل في المجمع .
شموخ بفرح : قولي والله ...... كيف وافق
ريم : امي بعد روحي اقنعته .
شموخ : يا فديتها خالتي تبرد القلب .
وائل ينادي خواته
وائل بصراخ : يا بنات خمس دقايق تجهزوا بنطلع المجمع مع مشعل وريم .
شموخ : يلا ريم بروح اتجهز باي
ريم : وانا بعد باي


تجهزو البنات وجاء وشعل وريم وراحو مع بعض في سيارة مشعل



في السيارة



ريم بهمس : اخباركم توم و جيري {تقصد التوأم }
مشاعر : تمام يا رمان معفن .
ريم : انا رمان معفن يا كتلة الحديد المصدي
مشاعر : على تبن
مشاعل : عيب عليكم يا بنات هذه الفاظ بذيئه .
مشاعر : شوفوا مين قاعد يتكلم مادة الادب.
ريم : وانتي الصادقه الا وتحط نفسها مؤدبه .
مشاعر : اصلا انا متعلمه البذائه على قولتها منها .
ريم توجه كلامها لشموخ : جبتي فلوس ؟؟
شموخ: لا وائل بيشتري لنا .
ريم : من جدك انتي واذا نبي اشياء خاصه يدخل معنا؟؟
شموخ تنادي وائل : وائل نبي فلوس امي ماعطتنا نسيت .
وائل : مالي دخل قولي لمشعل يعطيك هو الي جابكم معنا .
مشعل : اجل بعطيهم وانت عط ريم .
مشاعل : كل واحد يعطي خواته .
مشاعر : اصلا انا وميشو عندنا الي يكفينا .
شموخ : وائل بسرعه قبل لا نوصل .


طلع وائل محفظته واعطاها
ريم : مشعل عطني فلوس شوف وائل اعطى اخته .
مشعل : اضحكي على غيري ترا شفت امي وهي تعطيك.


وصلوا المجمع ودخلوا






نهاية البارت الثاني






وش الي راح يسير في المجمع ؟؟

__________________________________________________ __________


__________________________________________________ __________


__________________________________________________ __________


__________________________________________________ __________