عنوان الموضوع : رواية أكرهك وجبرني زماني عليك وعشقتك - رواية جميلة
مقدم من طرف منتديات الشامل

]بسم الله الرحمن الرحيم
اليوم راح انزل لكم أول رواية من تأليفي وأتمنى أنها تنال على رضاكم وإعجابكم واذا عندك أي استفسار او اضافه او تعليق لاتبخلين علي وارحب بأرائكم سواء كانت مديح او ذم
ملاحظه/الشخصيات الموجودة في الرواية من نسج الخيال وليست موجودة على ارض الواقع وإذا حدث تشابه أسماء أو الشخصيات فهو بمحض الصدفة لااكثر
رواية/أكرهك وجبرني زماني عليك وعشقتك (كامله بقلمي)
وايام تنزيل البارتات/السبت والاربعاء فقط[]
للكاتبة/البرنسيسه دودو
البارت الأول
رجعت من الجامعة الساعة 2الظهر راحت لغرفتها على طول من دون ماتتكلم مع أي احد شغلت المكيف ونامت بملابسها وعبايتها حتى شنطتها نامت وهي حاطتها بيدها وراحت في ساااااااااااااااابع نومه...
أم فهد/وين لمياء ماشفتها اليوم؟؟
رزان/الأ يمه إنا شفتها رجعت من الجامعة وطلعت لغرفتها على طول حتى السلام ماسلمت.
أم فهد/الله يعينها تصحي من الفجر وتكرف كرف بالجامعه وترجع للبيت ماتشوف اللي قدامها من التعب وحتى الغداء ماتتغدى
أبو فهد دخل الصالة وسلم /من تتكلمون عنه
أم فهد /عن المقروده لمياء الله يوفقها بدراستها
أبو فهد /أن شاء الله تطلع بنتيجة زينه وتبيض وجهي
أعرفكم على عايلة أبو فهد "
أبو فهد /رجل أعمال ومشاريع عمره 49 سنه أب حنون على عياله وطيوب وقلبه ابيض
ام فهد/ربة بيت عمرها 45 سنه حنونه وحساسه وطيوبه
فهد/اكبر واحد في العايله عمره 26سنه مساعد ابوه بالشركه ويده اليمين في الشغل وشخصيته جذابه وجميل ويحب شغله كثير شخصيته تجبرك انك تحترمه وهو المستشار عند لمياء اذا تبي أي رأي
الهيثم/اصغر من فهد عمره 23سنه يدرس بالجامعه تخصص ادارة اعمال راعي هستره وضحك وفرفشه ومايمر يوم مايلقى شي مايضحك عليه واكثر شي على خواته
لمياء/بطلة روايتنا بنوته كلمة حلوه قليله في حقها ملامحها تميل الى البراءه والنعومه رزينه بشكلها ومشيتها شعرها لين اكتافها ناعم واسود كسواد الليل الحالك تدرس بالجامعه عمرها 22سنه الحنان كله متجمع فيها وعقلها يوزن بلد وماتتكلم الافي المنطق
رزان/دلوعة ابوها عمرها 15سنه تدرس في المتوسط نعومه وجميله بس مشكلتها دايم مفهيه وماتدري وش السالفه وتطيح بالمقالب اللي يسويها الهيثم دايم
.....
صعدت رزان الدرج وراحت لغرفة اختها وكانت الساعه 6المغرب دخلت الغرفه وكلها ظلام ×ظلام وبارده حيييييييييييل
شغلت النور وطاحت عيونها على لمياء فجاءه .........
انفجرت من الضحك الا الهيثم توه جاي من برى شاف رزان واقفه عند غرفة لمياء وماسكه بطنها راح عندها بسرعه
الهيثم/رزان وش فيك عسى ماشر ؟؟
رزان ودموعها نازله وفاطسه من الضحك
الهيثم /تكلمي وش فيك انتي تبكين ولا تضحكين ؟؟
رزان وهي تأشر على غرفة لمياء راح الهيثم وفتح الباب بشويش وشاف لمياء نايمه بعبايتها وماسكه كتبها وحتى الشنطه مدخلتها في يدها طلع برى وانفجر ضحك على منظر اخته جلسوا لهم 10 دقايق يضحكون
رزان /تكفى ياهيثم ابي اصورها وافضحها عند العايله تكفى
الهيثم /طيب بسرعه قبل ماتغير الوضعيه
وراحت رزان تركض تجيب الكاميرا وجلسوا يصورون وهم فاطسين من الضحك فجاءة حست لمياء فيه ضوء قوي جاي على وجهها فتحت عيونها الا الفلاش جاي في وجهها حاولت تستوعب وش الموضوع غمضت بسرعه وفركت عيونها ثم فتحتها لقت الهيثم ورزان يضحكون عليها وقامت تحذفهم بكل شي عندها كتب واقلام ودفاتر وحتى جزمتها <وانت بكرامه>فصختها قامت تحذفهم طلعوا من غرفتها ركض ونزلوا تحت وللحين يضحكون على شكلها جلسوا عند امهم لاانهم يدرون اكيد بتاخذ حقها وزيااااااااااااااده.....
جلست على السرير تتمغط وتحاول تتذكر وش صار قبل شوي دورت الساعه مالقتها قامت من السرير لقت الساعه عند الباب لانها حذفت اخوانها فيها طالعت فيها لقتها الساعه 6 ونص المغرب
لمياء/اووف ماصليت استغفر الله خذت ملابسها من الكبت وتحممت ورجعت للغرفه وصلت العصر والمغرب وجلست على السجاده تستغفر وتذكرت صديقتها الجوري قامت لمت سجادتها على السرير واخذت جوالها ودقت على الجوري وردت بعد اربع دقات
لمياء/الووووو مرحبا
الجوري تحاول تاخذ نفس /هلا وغلا
لمياء /وش فيك كأن فيه احد يلحقك
الجوري/لا بس كنت بالمطبخ وسمعت جوالي يدق بالصاله وجيت اركض
لمياء/اهاااااااا واكيد تحسبين اللي يدق متعب صح
الجوري/تكفين لاتجيبين طاريه ابد
لمياء/افااااا ليه ؟؟
الجوري/انتي تدرين ان ابوي جابرني عليه والاخ مستانس مدري على وش ويقول لي اصبري لين تصيرين في بيتي واعلمك وشلون تتعاملين مع الناس بأدب
لمياء/اخوك الغلطان ليش يعطيه رقمك بعد الملكة مباشره
ألجوري/والله ماأدري الشكوى لله
لمياء/طيب زواجك بالعطله القريبه وانتي الى اللحين ماجهزتي ولا شي
ألجوري /خليها على الله يوم واحد بس بفضي نفسي واروح للسوق واخلص الاغراض الضروريه مع اني متاكده اني بعد اسبوع من الزواج راح ارجع مطلقه
لمياء/ههههههههههههههههههههههههههه لاتتفاولين على نفسك يالخبله يمكن خيره لك هالزواج والله يكتب اللي فيه الخير ان شاء الله
ألجوري /هذا متعب ان ما سودت عيشته ما أكون أنا ألجوري
لمياء/مااقول الا الله يعينه ويصبره عليك حاسه انه راح يتعذب من وراك يالمجنونه
ألجوري/ههههههههههههههههههههههههههههههههه
لمياء/يالله تامرين على شي بروح اتعشى جوعانه مره
ألجوري/ابي سلامتك وبالعافيه مقدما
لمياء/جوري ترى ماراح اداوم بكره
ألجوري /لييييييييييييش؟؟؟
لمياء اختبار يوم السبت صعب وابي اذاكر من اللحين
ألجوري/طيب تعالي بكره الاربعاء وراك خميس وجمعه تذاكرين فيها
لمياء/اذا كنت مروقه الاربعاء راح اجي بس مااوعدك
ألجوري/طيب طيب ادري من اللحين انك ماراح تداومين
لمياء/هههههههه يالبى خويتي تفهمني من غير مااقول

ألجوري/اقول ماكنتي تبين تسكرين وتروحين تتعشين
لمياء/ايه صح ذكرتيني وسكرت التلفون بوجه ألجوري
ألجوري مو مستوعبه اللي صار طالعت بالشاشه الا لمياء مسكره وخا لصه
ألجوري /الملعونه سكرت بوجهي صدق انها دفشه هين انا اوريها
لمياء فاطسه من الضحك تقول في نفسها /اكيد ألجوري معصبه اللحين ههههههههههههههههههههه تستاهل علشان تحس مو كل شوي مسكره التلفون بوجه متعب خليها تحس شوي بالرجال نزلت تحت وراحت للمطبخ ولقت الخدامه تسوي العشاء
لمياء/مرحبا ايدي
ايدي /اهلا ماما
لمياء/وش العشاء؟؟
ايدي/ماما كبير يقول سوي مكرونه بالخضار ومكرونه بالبشاميل
لمياء/اهااااا اوك شكراا وراحت للثلاجه وطلعت جبن وعصير تفاح وسوت لها فطيره وطلعت للصاله وهي عاضه الفطيره باسنانها وتحاول تفتح العصير ...
دخلت ولقت العايله الكريمة كلها موجودة سلمت عليهم وجلست شافت رزان والهيثم يتساسرون ويضحكون............
انتهى البارت الأول]

>>>>> ردود الأعضـــــــــــــــــــاء على الموضوع <<<<<
==================================


البارت الثاني
لمياء/وش السالفه؟
وبعدين وش حلقة التصوير
اللي صارت عندي فوق
رزان/انا مالي دخل هيثم
هو اللي صورك
الهيثم يطالع في رزان/ياوجه
النكبة حطيتيها بوجهي
طييييييييييييب مردوده لك
بالمستقبل القريب واذا
كان على الصور ترى مسحتها
وهو ناوي انه مايمسحها بيخليها ذكرى سوداء للمياء
لمياء/احمد ربك ولا كان
ناويتن على شر
دخل فهد وسلم وجلس يم امه
فهد/انتم وش فيكم ؟ودي يوم واحد ادخل البيت ومااسمع لكم حس
لمياء/علم المحشش اللي جنبك
الهيثم/اللحين انا محشش
يالمجنونه انا للحين مستغرب
ابوي ليه ماوداك مستشفى
المجانين اكيد تلقين صديقاتك هناك
لمياء بقهر /هاها وخر بموت ضحك عيدها
الهيثم/انا اروح لخويي اللي مواعده احسن من مقابل وجهك يالمجنونه
الهيثم وهو طالع من الصاله
لمياء/ترى المجنونه اللي تقول عنها بتوريك شغلك بعدين
الهيثم/نشووووووووووووف باااااااااااااااااااي
فهد/وانتي ماعندك احترام لااحد استحي على وجهك
لمياء/بسكت عنه بس بشرط
فهد/كنت متأكد هاه وش تبين؟
لمياء/ابيك توديني المكتبه بكره
فهد/ماوراك جامعه بكره؟
لمياء/بغيب لازم اذاكر هاه وش قلت بتوديني ؟؟
فهد/اذا خلصت شغل بدري راح اجي بكره عندنا ضيوف بالشركه ولازم اقعد معهم
لمياء/لا ان شاء الله بتخلص بدري وبتجي....
.................................................. ............
في الجانب الاخر من الروايه ......
الاهل مجتمعين يسولفون ويضحكون
ابو وليد/اقول سلطان ابيك تروح بكره لشركة ابو فهد تشوف المشاريع والمناقصات وتتفق معهم على كل شي
سلطان/ان شاء الله
ابو وليد/وسلم لي على ابو فهد كثير السلام
سلطان/ابشر يبه يوصل ان شاء الله
ام وليد تطالع زوجها وولدها
ام وليد/وحتى بالبيت بس تتكلمون عن الشغل ارتاحوا شوي
لاحقين عليه بكره
ابو وليد/ايه والله العمر
يخلص والشغل مايخلص
ام وليد/الله يعطيك
طولة العمر
اعرفكم على عايلة ابو وليد
ابو وليد/رجل اعمال ناجح
عمره 52سنه يمتلك شركته الخاصه ويديرها مع اولاده
ام وليد/ربة بيت كانت تشتغل وطلبت التقاعد من بدري
وجلست بالبيت تربي عيال ولدها عمرها 50 سنه
وليد/الابن الاكبر عمره 29سنه
متزوج من بنت عمه ويعشقها بجنون وعنده ولدين وبنت
مشعل/8سنوات تركي/6سنوات رشا/سنتين
زوجة وليد اسمها ريم عمرها26سنه طيوبه وقلبها ابيض وناعمه وهذا اللي محبب وليد فيها كانها طفله بين يديه
وليد يشتغل مع ابوه في الشركه وهو المحامي الخاص للشركه ويستشيره ابوه بكل صغيره وكبيره يعني تقدرون تقولون مستشار ابوه الخاص
سلطان/بطل روايتنا شاب ناجح بكل جوانب الحياة عمره23سنه مساعد ابوه ويدير معظم المشاريع الخارجيه واثق من نفسه بكثير فيه شوية غرور لكن حنون بدرجه كبيره وسيم ووسامته تجبرك انك ماتشيل عينك عنه ابد يعني جاذبيه خياليه
شهد/الاخت المدلله عند ابوها تدرس بالجامعه نفسها اللي فيها لمياء والجوري بس مايعرفون بعض الا بالاسامي عمرها22 سنه حلوه وجميله واثقه بنفسها كثير ماخذه شوي من غرور اخوها واللي في قلبها على طرف لسانها
.................................................. ......................
مرت الايام طبعا ونااااااااااااااسه وفرفشه الا عند ألجوري كانت كأبه×كأبه وبدت الاجازه وباقي اسبوع على زواج ألجوري
جالسه بلحالها في الغرفه بعد ماتعبت من الصياح والدموع والقهر اللي في قلبها اخذت جوالها ودقت على تؤام روحها :
ألجوري/الو مرحبا لمو اخبارك؟
لمياء/هلا وغلا بااحلى عروسه والله
ألجوري/تكفين انا داقه عليك علشان انسى وترجعين تذكريني
لمياء/ليه وش صاير صوتك متغير ؟؟؟
ألجوري /والله ماادري احس اني ماني مرتاحه ابد
لمياء/طيب حبيبتي تبين نطلع نستانس؟
ألجوري/لا مالي خلق للطلعه تكفين تعالي لي ماعندي احد اتكلم او افضفض له تعرفين امي وطلعاتها وزايد زين المحه بالبيت تعالي بسرعه تراني على حدود الجنون
لمياء/بسم الله عليك طيب انا اللحين جايه يالله بس مسافة الطريق
ألجوري /اوك انتظرك باي
لمياء/بااااااااي
ربع ساعه بالكثير دق الباب راحت الخدامه تفتح الباب
لمياء/مرحبا فاطمه كيف الحال؟
فاطمه/اهلا مدام
لمياء/وين ألجوري؟
فاطمه/ماما جوري في الغرفه يبكي من الصبح
لمياء/طيب انا بروح لها اللحين
ودخلت الفيلا وصعدت الدرج لين وصلت غرفة ألجوري دقت الباب دخلت لقت ألجوري جالسه على سريرها ودموعها على خدها
لمياء جلست يمها وضمتها على صدرها /جوريتي ارحمي عيونك من البكى يعني تحسبين ابوك بيتراجع عن هالزواج اذا شافك بالحاله هذه بالعكس هي كذا بيعند ويستعجل
ألجوري قامت تصيح بزياده/طيب قولي لي وش اسوي تكفين دبريني؟
لمياء/ماباليد حيله وانا اختك
ألجوري /كل مايقرب يوم العرس احس موتي دنا مني
لمياء/بسم الله عليك
ألجوري/امي اجبرتني اشتري فستان كبير وانا مااحبه
لمياء/طيب وينه ابي اشوفه
ألجوري/بكره بتجيبه امي من المشغل تقول لازم تصيرين حلوه مو تفشليني قدام جاراتي وصديقاتي
لمياء/الله يعينك من وين تلقينها من ابوك اللي مجبرك على شي ماتبينه ويزوجك واحد ماتعرفينه ابد او امك حتى الكلمه الحلوه ماقد سمعتها منها
ألجوري تمسح بقايا دموعها/زين ان زايد معي بنفس البيت ولا كان طار عقلي من زمان صحيح مايجلس معي كثير بس على الاقل مؤنس وحشتي
ألجوري وهي تمسك يد لمياء/تكفين لمياء ساعديني مااعرف وش اشتري وش اخلي
لمياء حبت تغير الجو /ولا يهمك انا معك على الدعسه
ألجوري/هههه وش الدعسه هذه بعد
لمياء/مدري اسمع هيثموه يقولها واعجبتني ياانه مهايطي هو وخويه المحشش
ألجوري/هذه حركات الشباب ماتعرفينها
لمياء/اقول لي ساعه قاعده عندك وماشفت قهوه شاهي عصير على الاقل
ألجوري/ههههههههه والله نسيت ابشري وجابت القهوه وتقهوو واتفقن يرحن للسوق يخلصن الاغراض بسرعه مافيه وقت
ألجوري مالها غير اخ واحد اسمه زايد عمره 20 سنه
مر الاسبوع على خير
اليوم زواج ألجوري صحت من النوم الساعه10 صباحا تحممت على الطاير ولبست بنطلون جينز وبلوزه ناعمه

وجففت شعرها بسرعه خايفه انها تتاخر على الموعد نزلت ومعاها كيس فيه فستانها تحت لقت امها ورزان جالسين يتقهوون
لمياء/صباح الخير
ام فهد/صباح النور والفل المنثور
رزان /غريبه الشمس من وين طالعه اليوم لمياء صاحيه هالوقت
لمياء/لاني وعدت ألجوري مااخليها بلحالها
ام فهد /ايه والله يابنيتي خليك معاها واي شي تبيه علميني المسكينه ماعندها احد من اهلها تتكل عليه وامها اهم شي كشختها وزينتها وماتهتم بأي احد .اعرفها زين ام زايد عشرين سنه واحنا جيران وماتغيرت ابدا
لمياء/يمه انا لازم اروح اللحين
رزان /طيب وش لون بتلبسين وتسوين مكياجك
لمياء/اخذت فستاني وبسوي مكياجي بالمشغل
ام فهد/يعني ماانتي راجعه للبيت؟؟
لمياء/لا مو راجعه وانتم اذا اذن العشاء تعالوا للقاعه لاتتاخرون
ام فهد/لا ان شاء الله مو متاخرين وديري بالك على حالك
لمياء/مع السلامه وطلعت من بيتهم طوالي على بيت ألجوري واخذتها وراحو للمشغل من بدري لانهم عارفين ان الوقت ماراح يكفي وراح يجلسون هناك لين اذان المغرب
.................................................. ..............................
في القاعه وبالتحديد عند قسم النساء ....
ام متعب تهلي وترحب بالمعازيم مستانسه وطاير عقلها اخيرا ولدها الوحيد تزوج من عقب ماهو راكب راسه مايتزوج ابد ويجلس عند امه يخدمها ويلبي طلباتها
ألجوري لبست فستانها هذا

ومكياجها مـــــــــــــــــره هادي

وجالسه بالجناح الخاص بالعروس يوم سمعت ان المعرس يبي يدخل قامت تنتفض وتعلقت بيد لمياء/تكفين لاتخليني
لمياء/مايصير لازم اطلع شوفي امك وام متعب موجودين لاتخافين
وباستها على راسها وطلعت
طلعت للصاله دورت امها ولقتها جالسه مع جارتهم ورازن مع صديقاتها يسولفون وجلست عندهم وهي تسولف لمحت شهد وقالت في نفسها/هذه شكلها مو غريب علي لحظه لحظه هذه لايكون شهد اللي معانا بالجامعه خليني اروح اسلم عليها
وقامت وراحت لطاولة شهد واهلها تسلم عليهم
لمياء/السلام عليكم
الكل/وعليكم السلام
شهد/انتي معي بنفس الجامعه
لمياء/ايه توني كنت ابي اسالك طلعنا نعرف بعض واحنا ماندري
شهد/هههههههههههههه والله انك صادقه ممكن تقعدين معي مليت وانا جالسه بحالي
لمياء،/طيب ماعرفتينا على الحبايب؟
شهد/ايه صح نسيت اعرفك هذه امي قامت لمياء وسلمت عليها وباست راسها /وش اخبارك ياخاله؟
ام وليد/الله يرضى عليك بخير يابنيتي
شهد/والحلوه الثانيه هذه ريم زوجة اخوي وبنت عمي
لمياء/اهلين ريم تشرفنا
ريم/هلابك
شهد/والبنوته المزيونه هذه رشا حبيبة خالتها
لمياء/ياحلاتها تجنن ماشاء الله عليها
شهد/تعرفين احد من اهل المعرس؟
لمياء/لا بس العروسه صديقتي
شهد/امانه لاتقولين الحلوه اللي معاك
لمياء/عليك نور هذه هي ألجوري
شهد/والله مادريت انها العروس ابوي جاء الاسبوع اللي فات وقال ان واحد من رجال الاعمال اسمه متعب عزمه على عرسه قلت خليني اروح على الاقل استانس شوي من ضغط الدراسه بس والله احلى صدفه بحياتي
لمياء/ايه والله صدق اللي قال رب صدفة خير من الف ميعاد
وطول ماهم يسولفون ام وليد عيونها على لمياء/ماشاء الله ادب واخلاق وجمال الله يحرسها من العين
.................................................. ...............................
نرجع للجوري اللي كانت ماسكه نفسها بالقوه لاتصيح ودها تصحى من الكابوس اللي عايشته انتبهت لصوت ام متعب /ادخل ياولدي عروستك هنا
طبعا متعب هو وحيد امه .ابوه متوفي وهو صغير وعايش مع امه ومو كان ناوي يتزوج بالوقت هذا بس امه غصبته يتزوج واجبرته انه يتزوج ألجوري شافتها مره في زواج واعجبتها وسالت عنها ولما عرفت عنها كل شي خطبتها لمتعب ..
نبذه عن متعب(شاب طموح ومبدع في شغله جميل ووسيم لأبعد الحدود جسمه عريض مره وطويل عمره 28 سنه)
دخل متعب ومعاه ابو زايد سلم ابوها عليها /مبروك يابنيتي
ألجوري يالله يطلع صوتها/الله يبارك فيك
تراجع ابو زايد علشان متعب يسلم عليها رفع راسه شاف الملاك اللي قدامه قرب لها بهدوء وعيونه للحين معلقه فيها طبع بوسه خفيفه على جبهتها /مبروك
ألجوري هزت براسها وماردت دخلت امها سلمت عليهم ام زايد/مبروك يالجوري الله يوفقكك ويسعدك
ألجوري وهي ماسكه عبرتها لاتبكي/الله يبارك فيك يمه
سلمت على متعب /مااوصيك يامتعب على بنتي حطها بعيونك
متعب /لاتوصين حريص
ام زايد /طيب يالله نطلع للمعازيم
.................................................. ..
اقترب موعد زفافك
هي حقيقة أو خيال
ماقدر عقلي يصدق
كانت البارح صغيره
طفله وكلها هبال
ماليه هالدنيا ضحكه
تمشي الخطوه وتحوس
صدق ي[ألجوري]كبرتي
واكتسى طيفك جمال
وابتدى استاذ الغرام
يعلم فؤادك دروس
............
هذه القصيده اللي طلعو عليها العرسان وسط الزغاريط والورد
جلسوا على الكوشه والحريم يسلمون على ألجوري اشكال والوان
ومتعب يفكر بالجوري/يالله وين كانت عني من زمان بس البنت مبين عليها انها مجبوره الله يعينك يامتعب الظاهر راح تتعب لين ماتعترف انها تحبك انتبه لصوت امه
ام متعب/متعب اخذ عروستك وتوكلو على الله لا تتاخرون عن الطياره
ألجوري انصدمت طياره وين بتروح ماجهزت شي للسفر
قام متعب ومد يده للجوري ماحبت ترده خصوصا ان امه موجوده مدت يدها ومسكت اطراف اصابعه وقامت حاولت تفلت يدها منه بس ماقدرت وماتبي توضح والاخ مستانس على الجو وطلعوا للسياره
لحظات صمت طويله داخل السياره وهي تحاول تتجاهله وما تعطيه أي اهتمام لفت وجهها للدريشه
متعب/اللحين بنروح للبيت وتجهزين اغراضك علشان تلحق موعد الطياره
ألجوري(الله يعينك عليه) هزت راسها بنعم وماتكلمت ولا كلمه
وصلوا للبيت وصعدت للغرفه فوق علشان تجهز نفسها للسفر واول ماوصلت للغرفه وسكرت الباب انفجرت صياح ودموع وسالت كحلتها وخرب كل شي وهي تحاول تفك الطرحه اللي على راسها وبعد ربع ساعه كلها دموع وصياح قامت وهي دايخه ودخلت للحمام (وانتو بكرامه)وغسلت وجهها بالصابونه فتحت الكبت طلعت جينز وبلوزه سوداء
جهزت شنطة سفر صغيره واخذتها ونزلت تحت لقته جالس على كرسي عند الباب ويوم شافها سكر الجوال وقفت على اخر درجه قرب لها خلاص نمشي
ألجوري/ايه
متعب/اخيرا سمعتينا صوتك يالله لانتاخر
اخذ شنطتها وطلعو من البيت وعلى طول للمطار وطول هالفتره هذه ساكته وماتتكلم ابد
وبعد ماخلصو الاجراءات صعدوا الطياره جلست بمقعد عند الشباك وجلس بجنبها مستغرب من سكوتها ووده يبداء الكلام معاها
متعب/جوري
حست انك انه كهرب نفض جسمها نفض اول مره يناديها
لفت له على طول
قرب لها وبصوت واطي /حطي الحزام
ألجوري من الربكه ماقدرت تسكره زين
طالعها بابتسامه /ممكن اساعدك؟

ألجوري هزت راسها قرب منها بزياده مسك الحزام وسكره ماانتبه انه حاط يده فوق يدها وهو يسكر الحزام بعد 30ثانيه مرعبه بالنسبه للجوري سكر ه وتعدل بجلسته وقلبه يرقص من داخل
طبعا راح يسافرون دبي يقعدون اسبوعين ويرجعون لان متعب مايقدر يخلي امه كل هالمده وكمان عنده اشغال بالشركه
ألجوري حست ان الرحله طولت وذبحها السكوت تحس حلقها ناشف وتبي ماء
في نفسها/ياربي اقول للمضيفه او اجلس اتحمل وبعد تفكير طويل
طبعا متعب مشغل نفسه بالكتب
تنحنحت وقررت تبدء بالكلام مدت يدها مسكت ساعد يده التفت بسرعه لها ميلت راسها له /ابي ماء
متعب/ابشري اللحين اجيبه
طلب ماء بارد من المضيفه وجابته له اخذه منها ومده للجوري مسكت علبة الماء بس امسكت اصابعه معها
ألجوري/اوه معليش
متعب (يدها ناعمه مرره )
شربت منه وحطتها قدامها ملت من الانتظار قررت تساله /متى بنوصل؟؟
متعب/باقي نص ساعه ليه مليتي؟؟
ألجوري/هاه لا عادي
..............................
نرجع للرياض
لمياء بعد مارجعت من العرس حطت راسها على المخده ونامممممممممممت نومه الييييمه
طبعا لمياء تعرفت على شهد واخذوا ارقام بعض علشان يتواصلون
...........................
في بيت ابو وليد
الساعه 9 صباحا ابو وليد وسلطان جالسين يفطرون علشان يروحون للشركه دخلت عليهم ام وليد شايله رشا بين ايديها
(نسيت اقول لكم ان وليد ساكن بالشقه اللي بالدور الثالث)
سلطان/وش مقعدها هذه بعد من الصبح؟
ام وليد/ازعجت امها قلت اخذها معي
سلطان/اخذ رشا من امه والله لااعذبها وقام يدغدغها ويعضها ورشا ميته من الضحك
ام وليد/خلها ياسلطان لايوقف قلبها من الضحك
سلطان/اصبري توني ماخلصت والله لااوريها
دخل وليد غرفة الطعام
وليد/هيه انت وش تسوي ببنتي؟
سلطان/ماسويت شي بس اعذبها شوي
وليد اخذ بنته من سلطان وجلسها بحضنه
وليد/بسم الله على بنتي
ابو وليد/يالله ياسلطان نمشي ؟
سلطان/يالله مشينا وانت (يأشر على وليد)اذا خلصت من بنتك تعال للشركه مو تنسى
وليد/احد عنده هالملاك ويداوم
ام وليد/اقول لايكثر بس هات البنت وروح للدوام لاتتاخر
استسلم للامر الواقع واعطى بنته امه وطلع للشركه
.................................................. ....................
نرجع للجوري ومتعب....""

وبعد ماوصلوا للفندق وطلب الغرفه صعدت وهي تعبانه من السفر واول مادخلت الغرفه شالت عبايتها وطاحت على السرير ونااااااااااااااااااامت متعب كان برئ دخل لقاها نايمه وغرقانه بالنوم جلس جنبها يتاملها ملامحها ناعمه وبريئه خصلات شعرها طايحه على وجهها ماتردد انه مايبعدها عن وجهها لمس خدها بنعومه انتبه على نفسه وقام اخذ له دش بارد وناااااام على الكنبه لان ألجوري نايمه بعرض السرير وماحب يصحيها وكلن غارق باحلامه....
.................................................. ...........
صحت لمياء من النوم وتحممت ونزلت تحت لقت رزان تقلب بالقنوات
لمياء/السلام عليكم
رزان/وعليكم السلام
لمياء/امي وين؟؟
رزان/كانت قاعده عندي وجاء ابوي وقال يبيها بموضوع
لمياء جلست جنب رزان/ماتدرين وش الموضوع؟؟
رزان/وانا وش دراني
دخل الهيثم /هلا وغلا بخواتي
لمياء وهي تغمز لرزان/وش عنده الاخ مستانس
الهيثم/اكيد اكون مستانس مدام عنده خوات زيكم وحده مجنونه والثانيه مفهيه الحمد لله اني ماطلعت زيكم
لمياء وهي تقوم من مكانها/اللحين بتشوف المجنونه وش بتسوي فيك
قامت الحرب العالميه الثالثه بين الهيثم ولمياء وضرب بمخدات الكنبات
دخلت ام فهد/ حسبي الله عليكم وش سويتوا بصالتي انتم مجانين
الهيثم/اسألي المجنونه هذه هي قامت علي
لمياء/يمه هو استفزني اول
ام فهد/اقول لا تطولون بالكلام لمياء تعالي ابيك
لمياء/خير يمه
ام فهد/ابوك يبيك بموضوع
وصعدت مع امها لغرفة ابوها وفوق راسها الف علامة تعجب
دخلت لقت ابوها واقف عند الشباك لف /هلا لمياء اجلسي ابيك بموضوع

ابو فهد/انتي يابنيتي كبرتي ماشاء الله وتعرفين الصح من الغلط و...
لمياء/خير يبه وش هالمقدمات ممكن اعرف وش الموضوع
ابو فهد/بصراحه ابو وليد طلب يدك لولده
لمياء كأن احد كاب مويه بارده على راسها /كيف....وشلون..........
ابو فهد/لاتستعجلين بقرارك فكري على راحتك
لمياء/بس انامو موافقه اتزوج اللحين
ابو فهد/طيب انتي فكري واخذي الوقت اللي تبينه
لمياء/قامت ووجهها جامد مافيه أي تعبير طلعت لغرفتها على طول ودخلت بنوبة بكاء طويله
دق جوالها رفعت الجوال المتصل شهد
مسحت دموعها وردت
شهد/الووووو مرحبا لمو
لمياء/هلابك
شهد/اخبارك ؟؟
لمياء/انا بخير انتي اخبارك؟
شهد/عايشه بدنيتي مبسوطه
لمياء/ان شاء الله دوم
شهد/وش فيه صوتك متغير؟؟عسى ماشر
لمياء/لا بس تعبانه شوي لاتحاتين
شهد/يوه عاد كنت ناويه نطلع مع بعض
لمياء/مره ثانيه ياحياتي مو قادره اقوم من الفراش
شهد/سلامتك ماتشوفين شر
لمياء/الشر مايجيك ياقلبي
شهد/يالله تامرين على شي
لمياء/سلمي على الاهل
شهد /يوصل ان شاء الله
وسكرت الجوال وحطت راسها على المخده تتذكر كلام ابوها ورجعت تصيح مره ثانيه لانها تدري ان ابوها اذا بغى شي يوصل له بأي طريقه ..
.................................................. ..............
انتهى البارت
يسعدني سماع توقعاتكم
1/وش بيصير مع ألجوري ومتعب
2/لمياء بتوافق على الزواج من سلطان


__________________________________________________ __________
البارت الثالث
الكذب مايعطي ثمر يعطي ازهار
شفته كذا من بد كل الخليقه
يعني حبيبك لو جفا بينكم صار
أحيان مالك غير كذبك طريقه
ماتكذب لغاية تبرر لك اعذار
تكذب عشان توصله للحقيقه
فالحب رغبه منك تجبرك تختار
لأجل الوصال أحيان مالا تطيقه
الحب مثل البرد لاعانق النار
حالة توحد ماتشاف وعميقه
الحب وجه الأرض لاجتها الأمطار
الحب نجم بليل شدك بريقه
الحب/خوف/أحزان/أشواق/إصرار
الحب فرحه/صدق/تفكير/ضيقه
الحب كلمه/نبض/إحساس/إثار
الحب طرف بل بالدمع ريقه
الحب طيب/اخلاص /نظرات/أشعار
الحب حنيه/ومشاعر رقيقه
الحب ذكرى/تضحيه/بوح /أسرار
الحب صبر أعوام لأجل الدقيقه
الحب صبح بصوت فيروز وأشجار
طلت طرب من فوق سور الحديقه
الحب غزو بدون سابق انذار
الحب حلم ان عشت به ماتفيقه
يشعرك بأرواح اسكنت داخل الدار
ضمتهم وضلت بعدهم عتيقه
في كل شي الحب تلقى له اثار
حتى بكذبك له علاقه وثيقه
الكذب مايعطي ثمر يعطي ازهار
وجهة نظر أنسان عقله طريقه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،
صحت من النوم تعبانه لها نص يوم نايمه فركت عيونها وقامت دورته
مالقته دخلت اخذت دش مريح ودافي لبست الروب ولفت المنشفه
على راسها وطلعت لقته موجود بالغرفه شهقت شهقة خوف ورهبه
ماكان موجود وشلون دخل من دون مااحس عليه
كان واقف عند الشباك لف لقها وراه/اخيرا صحيتي يانوامه
ألجوري/معليش كنت تعبانه شوي
متعب/سلامتك تبيني اجيب الدكتور؟
ألجوري/لا مايحتاج اللحين صرت زينه واخذت ملابسها من الشنطه
ودخلت للحمام تلبس طلعت في يدها المنشفه تنشف شعرها جلست
على التسريحه ورجع هو عند الشباك وعيونه عليها بعد ماجففت
شعرها ومشطته جت تبي ترفعه بشباصه /خليه مفتوح يطلع شكلك حلو
انصدمت اول مره يمدحها تركته ينزل على اكتافها.
متعب/اوه صح نسيت الخواتم طلع علبه صغييره من جيبه فيها
خاتمين قرب لها ووقفت متعب/عطيني يدك البسك بعد تردد مدت
يدها مسكها واختفت يدها وسط يده ا
لكبيره ولبسها الخاتم سحبت يدها بهدوء واعطاها الخاتم الثاني
متعب/يالله ماتبين تلبسيني خاتمي؟
اخذت الخاتم ومد يده مسكت اطراف اصابعه ولبسته الخاتم
بنعومه وحياء وهو مستانس على الاخر
متعب/اليوم راح نطلع ونتمشى ونستانس ونشوف دبي كلها
ألجوري/اوكيه
متعب /طيب يالله البسي عباتك خلينا نطلع
وطلعوا يتمشون وهو يعرفها على الاماكن واساميها لانه كان يسافر لها علشان شغله
ألجوري/طيب هذا برج خليفه وينه؟؟
متعب/اللحين بنروح له وتمشوا بالبرج واخذت كاميرا وصورت
المناظر اللي تعجبها وانبهرت بالمدينه بس كانت زحمه كثير
من السياح اللي يجونها ألجوري خافت تضيع مسكت يد متعب
على طول /خايفه اضيعك من هالزحمه عادي امسك يدك ؟
متعب ابتسم من قلب وضغط على يدها وطول ماهم يتمشون
ماسك يدها وماتركها باي لحظه
وصلوا للمطعم كان يطل على البحر وكان منظره خيالي جلست
وعيونها على البحر وامواجه وسرحت بخيالها بعيييييييييييييد
استغل انها سرحانه يطالع عيونها الحلوه ولا شفايفها اللي تذبح
او يدينها الناعمه كل شي كان حلو فيها قطع تفكيرهم الجرسون
يعطيهم قائمة الطعام وراح
وهي قاعده تدور بين الصفحات والطبخات وكل وحده احلى من الثانيه
متعب/هاه قررتي؟؟
ألجوري/مدري محتاره انت وش تبي تطلب؟؟
متعب/انا ابي اطلب مكرونه بالبشاميل
ألجوري/واوو حلوه ابي مثلك
متعب/من عيوني
استحت ونزلت راسها تحاول ترتب الطاوله وتغير اماكن الشوك والملاعق والسكاكين
متعب في نفسه/شكلها كثير حلو لما تكون مستحيه ومرتبكه والله
نفسي اضمها وابوسها على خدودها
وصل الاكل وتعشوا وبعد العشاء رجعو للفندق
شالت عبايتها وجلست على الكنبه تشوف الصور اللي صورتها اليوم
متعب/وش تشوفين؟؟
ألجوري/تعال شوف الصور والله خياليه
متعب جلس جنبها /اشوف....والله تصويرك حلو
ألجوري/شكرا على المجامله
متعب/لاوالله مو مجامله ماخذه ابعاد الصوره زين اللي يشوفها
يقول تصوير محترف
ألجوري استحت وقامت على طول مسكها مع يدها
متعب/ممكن اتكلم معك ؟
شد على يدها وجلست
متعب /من يوم ماتزوجنا وانتي ساكته ماتقولين شي وانا حاس
انه في شي مضايقك صح ولا لا
ألجوري حاولت تكون قويه وماتنزل دمعتها /لا مافيه شي
متعب/الا فيه شي وبتقولينه اللحين
ألجوري /يعني لازم يكون فيه شي
متعب/انا اقول الكلام هذا على الواقع اللي اشوفه
ألجوري/وش تشوف؟ تشوف انك نتزوجت وحده ماتبيك ومجبوره
انها تتزوجك تشوف وحده موطايقه حتى نفسها من هالزواج
اللي تنبني وراه مصالح
...قامت من مكانها /الموت ارحم لي من هالحياة هذه والله
العظيم تعبت ونزلت دموعها بغزاره ومتعب مصدوم من
الكلام اللي يسمعه قام من مكانه وهو ماسك اعصابه/يعني ابوك جابرك
انك تتزوجيني ؟؟
ألجوري وهي تمسح دموعها /ايه جبرني وهددني كله علشان
الفلوس والمصالح ....جلست على السرير منهاره
اخذ مفاتيحه وطلع من الغرفه على طول معصب ولا يدري وين يروح ...
جلست طول ليلها وهي دمعتها ماجفت وبنفس الوقت تحاتي
متعب خايفه يصير له شي جلست تنتظره لين اذان الفجر
ماجاء غلبها النعاس ونامت ودموعها على خدها
.................................................. .........
نرجع للرياض.....
صحت من نومها وتحس راسها ثقيل قامت وغسلت وجهها
واكلت بنادول وجلست على الصوفا تتذكر كلام ابوها وينك
يالجوري؟والله محتاجتك اكثر من اول لازم اتصل عليها
واخذت جوالها /بس مااقدر ادق عليها اخاف ازعجها
نزلت تحت لقت فهد جالس بالصاله يقلب بالملفات جلست
قدامه رفع راسه/وينك ماقمنا نشوفك؟؟
لمياء/لا بس كنت تعبانه شوي ونمت
فهد وهو يلملم الملفات/طيب وش رايك بالموضوع اللي قاله ابوي؟؟
لمياء/تكفى انا احاول انسى وانت تذكرني
فهد/على راحتك بس حبيت اقول لك ان سلطان رجال والنعم
فيه وانا متأكد انه راح يسعدك
لمياء في قلبها/المشكله مافيه احد يفهمني
ماانتبهت لفهد وهو يقوم ويطلع من الصاله كانت سرحانه
وش بتسوي بالمشكله هذه
.................................................. ............
في بيت ابو وليد""""
شهد جالسه بغرفتها تسولف على المسن دخل عليها تركي وجلس قدامها
تركي/عمتــــــــــي
شهد وهي مشغوله بالسوالف/هــــــــاه
تركي/انا طفشان ودي اروح للملاهي
شهد/روح قول لابوك
تركي/ابوي للحين ماجاء
شهد/وامك وين؟
تركي/امي راحت مع جدتي لبيت جدي سعود
شهد/وليه مارحت معهم؟؟وفكيتني من ازعاجك
تركي/انا مااحب خالتي نوف بس تهاوشني
شهد سكرت اللاب /طيب اخوانك وين ؟
تركي/مشعل مع جدي بالمجلس ورشا مع الخدامه تحت
شهد/طيب روح البس وانا بلبس رشا ونطلع للملاهي
تركي وهو مستانس/والله
شهد بجديه/يالله روح قبل مااغير رايي
تركي طلع من الغرفه يركض علشان يلبس ويطلعون للملاهي
وهم نازلين مع الدرج تقابلوا مع سلطان
سلطان/على وين ؟
شهد/تركي طفشان قلت نروح للملاهي نستانس شوي
سلطان /طيب عادي اروح معكم انا ضايق وطفشان بعد
شهد/ليه خير ان شاء الله
سلطان /اقول لك هناك
وطلعو للملاهي
تركي وهو يلعب بالالعاب ومستانس جلس سلطان وشهد ومعها رشا على الكرسي
شهد/يالله قول اشغلت بالي
سلطان/ابوي واحنا رايحين لزواج متعب قال انه يبي يخطب لي
شهد/والله اخيرا تبي تتزوج ونااااااااااسه
سلطان/اقول اسكتي أي وناسه يبي يجبرني اتزوج وانتي مستانسه
شهد/طيب ماقال لك مين يبي يخطب؟
سلطان طالع شهد بنظره عصبيه
شهد/خلاص خلاص ماراح اسال
واعطته رشا وراحت تشوف تركي
يطالع رشا /طيب قولي لي وش اسوي؟
رشا كانت تلعب باصابعه ومستانسه
.................................................. .......
نرجع لدبي ..
دخل الغرفه لقاها نايمه مو متغطيه زين وكان المكيف بارد
حيل اخذ اللحاف وغطاها زين ورجع يبي يطلع شاف الخاتم
منزلته على الطاوله اخذه يطالع فيه وبعدين نزله واخذ ملابسه
وطلع للغرفه الثانيه لانه مستحيل يجلس مع وحده مو طايقته ابد وحب يتركها براحتها ...
صحت من النوم مفزوعه
بسم الله وش هالكابوس المزعج قامت غسلت وجهها وصلت الصلوات اللي فاتتها
وهي جالسه على السجاده/معقوله للحين مارجع ياربي وين راح
لو حنا بالرياض قلت مايخالف بس انا ببلد غريب واخاف يتركني
بحالي هنا اوووووووووف انا ليش
مااسكت لين مانرجع قطع تفكيرها دق باب الغرفه خافت قامت
على طول طلت مع الفتحه لقتها موظفه
من الفندق فتحت الباب ومو طالع الا راسها
الموظفه /مرحبا مدام
ألجوري/اهلين
الموظفه/الاستاذ متعب عم ينتظرك تحت في الحديقه
ألجوري/اوك شكرا
الموظفه/أي خدمه مدام
ألجوري/لا يعطيك العافيه وسكرت الباب وجلست على السرير
تفكر ياربي وش يبي انا لازم انزل له اشوف وش عنده ولبست
عبايتها ولفت الطرحه ونزلت لقته
جالس في الحديقه وميبن عليه متضايق مشت بهدوء وجلست قدامه /انـــــا اسفــــ
متعب/الكلام هذا ماله داعي اللحين وانا قلت لك تعالي
هنا علشان اقول لك تجهزين اغراضك نبي نرجع للرياض
اظن اليومين اللي قضينها هنا كافي وماله أي
داعي اجلس وانا مو مستفيد أي شي
جت تبي تتكلم /بس انـــــ
متعب/الطياره الساعه 9 الليله روحي جهزي اغراضك
قامت من دون أي استفسار وطلعت لغرفتها على طول
واول ماسكرت الباب حست بفرحه داخلها(اخيرا برجع)
وفتحت الشنطه وقامت تحط اغراضها بسرعه
وقفلتها فجأه دق جوال عندها طالعت جوالها مافيه أي
اتصال قامت تتلفت تدور مصدر الصوت لقته
جواله طايح بين مخدات الكنبه
شافت المتصل السكرتير وقفل الخط اخذته حطته بشنطتها
لانه ناسيه وهي بتطلع من الغرفه اللحين اخذت اغراضها وطلعت
ومشوا للمطار..........
جالسين بالطياره بس متعب ماجلس جنبها يعني بينه
وبينها كرسي فاضي حاولت انها ماتركز اهتماامها ع
ليه ولفت وجهها للشباك فجاه حست بحركه طالعت فيه
وهو يفتش جيوب جاكيته وبنطلونه يدور على شي
ألجوري في نفسها /اكيد يدور جواله
اخذت شنطتها وطلعت الجوال وحطته على الكرسي اللي
بينهم التفت لقى الجوال على الكرسي اخذه وشيك على
المكالمات والرسايل وسكره وحطه بجيبه
اقلعت الطياره من دبي متوجهه للعاصمه الرياض
وطول الرحله ماتكلمو مع بعض
وصلت الطياره للرياض وكان فيه سايق ينتظرهم
عند المطار قال للسواق /اخذ المدام للبيت
السايق/وانت استاذ؟
متعب/باخذ لي تاكسي وبروح للشركه عندي شغل
السايق/تمام واخذ ألجوري ومشى استغربت ليش ماركب معها
ألجوري/وش اقول لخالتي اللحين لما تسالني اقول لها
الصدق اخاف تزعل الله يستر بس
وصلت ألجوري للفيلا ونزلت وهي للحين تفكر وش تقول!!
ام متعب/ياهلا وغلا بنيتي
ألجوري بابتسامه مصطنعه/هلا بك خالتي وسلمت عليها وباست راسها
ام متعب/ليه رجعتوا بدري لايكون صار معكم شي؟!!
ألجوري/هـــاه لا الحمد لله ماصار شي بس متعب عنده
اشغال وقال خلنا نرجع ويقول مااقدراطول عن امي
ام متعب/الله يرضى عليكم ماكان ودي تقطعون اجازتكم علشاني
ألجوري /مانقدر نستغني عنك
ام متعب/اطلعي فوق وارتاحي
ألجوري/طيب وطلعت فوق ودخلت غرفتها الرئيسيه وشالت
عبايتها وتحممت ولبست جلابيه حلوه


ونزلت تتقهوى مع خالتها جلست جنب خالتها
ام متعب/هاه وشلون السفر!!
ألجوري/كان حلو مره بس خالتي ودي اسالك سؤال!!
ام متعب/اسالي اللي تبينه.
ألجوري/ودي اعرف كل شي عن متعب
ام متعب بأنكسار واضح/وش اقول لكي يابنتي والله متعب
شال هموم الدنيا مات ابوه وعمره 10 سنين وجو عمامه
يطالبون بثروة ابوه مادام انه مات بس هم مالهم أي شي ابد
ألجوري كانت منصته بأهتمام بتعرف كل شي
كملت/جروني للمحاكم علشان اتنازل عن الثروه لان
ابوه كاتب نصف املاكه لي والنصف الثاني لمتعب وهم
مالهم أي شي ورحت للمحكمه وتنازلت
ألجوري بأستغراب/ليه تنازلتي هذا صار حلالك اللحين ؟
ام متعب/سويت كذا علشان يتركوني بحالي انا وولدي اخذوا
حصتي من الثروه وقسموها بينهم وتركت النصف حق
متعب ومرت السنين وكبر متعب واخذ الشركه
اللي بقت من ميراث ابوه واشتغل وطورها وصارت اكبر شركه بالرياض
ألجوري/ماشاء الله طيب عمامه وين راحوا؟!
ام متعب/حتى يوم كبر وصار يدير الشركه مااتركوه
بحاله وطالبوه بالميراث مره ثانيه بس متعب الله يخليه
لي وقف في وجيههم وماتركهم يتهنون ابد وجاء اكبر
عمامه هنا للبيت يطالب بالفلوس لدرجة ان متعب طرده
من البيت وقال لهم ان كل شي اخذوه من وفاة ابوه واللحين مالهم أي شي
ألجوري/اوف لهالدرجه هذه!!!
ام متعب/واكثر من كذا اللحين يحاولون يخربون
شغله عليه والله يابنيتي متعب ماقد شاف يوم حلو
بحياته ومهما كان متضايق مايقول لي واذا تكلم
قال ضغط الشغل
ألجوري حز في داخلها وتلوم نفسها ليه قالت له
انه ماتبيه يكفي ان حياته شقئ وانا زدتها عليه
ام متعب/وين سرحتي !!
ألجوري/لا موجوده اقول خالتي ماودك تاكلين حلا مع القهوه؟
ام متعب/وانتي تعرفين تسوين حلويات؟؟
ألجوري/طبعا اسوي كل انواع الحلويات واللحين بسوي لك واحد
ام متعب/بس مايصير انتي توك عروس
ألجوري/العروس عندي يوم زواجها بس واللحين انا
مو عروس وبروح اسوي لك احلى حلا
ام متعب/الله يرضى عليك ويوفقك مع متعب
تكفين يابنيتي لا تزعلينه والله شاف هموم الدنيا كله
ألجوري حست بغصه/ان شاء الله خالتي وراحت
للمطبخ تسوي حلا وتفكر وشلون تراضي متعب بعد
ساعه رجعت لخالتها وهي داخل للصاله
وتقول /وهذا احلى حلا لااحلى خالـــــــــــــ
تفاجات لقته موجود عند امه التفتت ام متعب/هلا يابنيتي
شوفي زوجك جاء
بلمت وماقدرت تنطق أي كلمه وكان بالصينيه بس
صحنين حلا لها ولخالتها ونزلتها على الطاوله
ومتعب عيونه عليها
ام متعب/قولي للشغاله تجيب صحن لمتعب
ألجوري /هـــــــــــا لا انا بروح اجيب صحن واجي
وطلعت بسرعه من الصاله ولاحظ هو
استعجالها بالمشي قام من عند امه
ام متعب/وين رايح؟تعال اكل حلا معانا
متعب وهو يحك راسه /بروح ابدل ملابسي وارجع
وطلع من عند امه وراح للمطبخ لقاها تسوي صحن
حلا جلس على الطاوله اللي وراها وماانتبهت له
متعب/ممكن اعرف انتي وش قلتي لامي؟؟
ألجوري ارتعبت وطاحت الشوكه من يدها نزلت
تاخذ الشوكه نزل شعرها على وجهها ورفعت بسرعه وراحت للمغسله تغسلها
متعب/للحين انتظر جواب
رجعت للصينيه مره ثانيه وحطت بالصحن قطعة حلا/ماقلت لها شي !!
واخذت صحن الحلا وجت تبي تطلع
مسك يدها/اسمعي ماابي امي تحس على شي واكيد راح نحل الموضوع
ألجوري وهي تفكر وشلون يحل الموضوع ترك
يدها ومشت وجلست عند خالتها وطلع بدل ثيابه ونزل
ام متعب/تعال ذوق الحلا والله انه حلو تسلم يدين بنتي جوري
ألجوري/بالعافيه خالتي
جلس جنب ألجوري واخذت صحن مدته له ا
خذ الصحن وذاق بس قطعه صغيره
ام متعب/هاه وشلون لقيته؟
متعب حب يستفز ألجوري/عادي مافيه شي
انقهرت من داخل حطمها على الحلا
ام متعب/لا والله انه حلو زي جوريتي
متعب يبي ياخذ قطعه ثانيه
ألجوري وهي تاخذ الصحن منه /انت مو تقول انه مو حلو
متعب/انا ماقلت انه مو حلو انا قلت انه عادي
ألجوري/نفس الشي
ام متعب/خليه ياكله من زمان مااكلنا حلا مسوينه
في البيت ذبحتنا الحلويات اللي من برى
ألجوري وهي ترجع الصحن بيده تأشر
على خالتها/بس علشانك هالمره
وتسولف مع خالتها ومااهتمت فيه كأنه مو موجود
.................................................. .................................................. ........................

بعد مارجعوا من الملاهي مستانسين دخلو البيت
استقبلتهم امهم/ليه تاخرتوا كذا؟؟
شهد/معليش تحمسنا مع الالعاب ونسينا الوقت
ام وليد اخذت رشا من سلطان/سلطان روح
لابوك يبيك بالمجلس
سلطان يدري ان ابوه بيفاتحه بموضوع الزواج دخل
وسلم وباس راس ابوه وجلس جنبه
ابو وليد/هاه وش رايك بالموضوع؟
سلطان/انا مو موافق ابد
ابو وليد عصب/وليه ان شاء الله
سلطان /انا واحد يحب الشغل ومو فاضي يأسس بيت او عايله
ابو وليد/اذا كان على الشغل نقلل وقت الدوام
سلطان/بس انا ماابي اتزوج اللحين
ابو وليد/بتتزوج غصبن عليك انا ماقلت لك اخذ رايك
بالموضوع انا قلت اعطيك خبر وبس وبعد بكره بنروح نخطب لك بنت الحلال اللي تسرك
سلطان انصدم من كلام ابوه /بس يبه انا.......
ابو وليد/والله لو ماجيت معي لاني ابوك لا اعرفك
فاهم طلع من عنده معصب وجلس سلطان منصدم
من كلام ابوه اول مره يجبره على شي مايبيه
.................................................. ......
وبنفس الوقت عند لمياء جالسه بالصاله اللي فوق
تقرا كتاب (لاتحزن)لعايض القرني دخل ابوها
وجلس /اسمعي يالمياء ابو وليد توه دق علي ويقول يبون يجون بعد بكره
لمياء سكرت الكتاب/يجون علشان ايش؟!!
ابو فهد/علشان يخطبونك نسيتي؟
لمياء/بس انا مو موافقه
ابو فهد/وليش ان شاء الله
لمياء/بكمل دراستي وموضوع الزواج انسوه
ابو فهد/بس انا وافقت وراح يجون كلهم
وتكملين دراستك بعد ماتتزوجين
لمياء/أيــــــــــــش!!!!!!!!
ابو فهد/ انتي مالك راي الراي رايي والشور شوري وانا وافقت انا تزوجت امك وانا صغير والحمد لله شوفي كونت بيت واسره وماعلينا قصور والحمد لله
وقف والتفت لها وجهزي نفسك زين ترى اهله
كلهم بيجون وتركها وطلع وجلست على الكرسي
مصدومه ودها تصارخ بس صوتها مو راضي يطلع جلست طول الليل تبكي
.................................................. ......
انتهى البارت بحمد الله

__________________________________________________ __________

]البارت الرابع
تعبت أتصفح الدرب الطويل بصفحتين كتاب..
تعبت من السفر لين ملتني شراييني ..
ترى كل الأفاعي طيبه لو مالها أنياب..
وأنا عندي الوجوه انياب تقتلني وتحييني..
ياحلوك كل ماجيت لعيونك تفتحين الباب..
أخاف أن مالمحتيني بعينك تبكيني..
أطل الصبح للشرفه عشانك أسقي الأهداب..
أبسكن داخل عيونك مدام انك تحبيني.
صباح جديد ويوم مشرق صحت من النوم الساعه8 غسلت وجهها ولبست جلابيه ربطت شعرها وحطت عطرها المفضل ونزلت متأمله بيوم حلو نزلت لقت خالتها قاعده على في الصاله تفطر صبحت عليها وقعدت
ألجوري/وش عندك صاحيه من بدري ياخالتي؟!!
ام متعب/انا يابنيتي اصلي الفجر وماانام اجلس مواصله مايجيني نوم واذا جت الساعه 8بالليل يغلبني النعاس وانام من بدري
ألجوري/انا اليوم وكل يوم ان شاء الله بفطر معك
ام متعب/الله يرضى عليك ...اقول وين متعب للحين نايم
تورطت ماتدري وش تقول /أيـــــــــــه للحين نايم
ام متعب/روحي صحيه لايتاخر على الدوام
ألجوري/ان شاء الله بروح اصحيه
وطلعت لفوق تتحلطم اللحين وشلون تدخل غرفته
(طبعا هم كل واحد بغرفه بس امه ماتدري تحسبهم بنفس الغرفه)
وصلت عند الباب دقت بشويش وتصنتت مافيه احد يرد عليها فتحت الباب ماتشوف احد تتلمس الجدران تدور مفتاح اللمبات وشغلتها شافته نايم وغرقان بنومته قربت منه تشوف وجهه زين /والله حلو اول مره ادري!! بياض بشرته على سواد شعره معطيه جاذبيه حلوه ولا الشعر الخفيف اللي على دقنه وعيونه الوساع مدت يدها لمست كتفه تنحنحت/متعب......احممم متعب
فتح عيونه بتعب وحط يده على راسه
ألجوري/يالله قوم تأخرت
انتبه انها موجوده عندها فز من السرير بسرعه
ألجوري/لاتتاخر نتظرك تحت
وطلعت من الغرفه ونزلت تحت.....
قام من السرير ودخل الحمام وغسل وجهه وتوضا وصلى ولبس ثوبه الابيض وغترته البيضاء ولبس ساعته الماركه وتعطر ونزل وهو نازل مع الدرج يسمع صوت ضحك دخل الصاله وهو مبتسم/وش السالفه؟!!
ألجوري وهي تمسح دموعها من الضحك
ام متعب/لا بس كنت اقول سوالفنا ايام زمان
متعب جلس جنب امه وباس راسها / اها وش لونك اليوم يمه؟!!
ام متعب/طيبه ماعلي خلاف مدام بنيتي عندي الله يسعدها
متعب/تراني اغار ماكأنك نسيتيني من يوم ماجت ؟
ام متعب/لا والله انت نظر عيني
متعب وهو يشم طرحة امه/الله لا يحرمني منك
ام متعب/اسمع ياوليدي انا ناويتن اسوي عشاء الليله علشانك انت والجوري
متعب/اللي تبينه يصير وانا بعزم ابو فهد وابو وليد واهل ألجوري
ام متعب/ولاتنسى خالتك ام طلال!!
متعب /ابشري...وقام وطلع من الصاله
ام متعب/الحقيه ياجوري وقولي له لا ينسى الحلويات
ألجوري قامت مستعجله بتلحق عليه لقته واقف قدام المرايه يضبط الغتره
ألجوري وقفت وراه وتنحنحت علشان ينتبه/احم
متعب لف لها على طول/هلا
ألجوري/خالتي تقول لاتنسى الحلويات
متعب/طيب وانا جاي اجيبها معاي
ومشى للباب الرئيسي ومشت وراه وقف والتفت لها
متعب/بغيتي شي؟!!
ألجوري/لا سلامتك بس بوصلك للباب
وصل للباب وفتحت له وقبل مايطلع
ألجوري/الله معك وسكرت الباب من بعده
متعب طلع وهو مستانس وحس انها اليوم غير عن اول وراح للشركه
ألجوري اخذت جوالها ودقت على لمياء
لمياء/هلا وغلا باحلى عروسه بالدنيا
ألجوري/هـــــــــــــــــــلا لمو والله اشتقت لك
لمياء/وانا اكثر ياحياتي اخبارك؟!!
ألجوري/تمــــــــــــــــــــام انتي اخبارك؟؟
لمياء/اخباري ماتسرك
ألجوري خافت /ليه عسى ماشر؟!!
لمياء/تخيلي ابوي يبي يزوجني غصب عني
ألجوري/والله وشلون؟وكيف؟ومتى؟
لمياء/توني حسيت باحساسك يوم يجبرونك!!
ألجوري/الله لايعيد ذيك الايام ..اسمعي
لمياء/هلا
ألجوري/الليله عندنا عشاء ولازم تجين ابي اشوفك ضروري بستشيرك بشي !!
لمياء/وش الشي؟؟
ألجوري/ماينفع على التلفون لازم اشوفك اكيد متعب اللحين داق على ابوك يعزمه وياويلك اذا ماجيتي
لمياء/لا خلاص بجي ولا تزعلين اصلا انا مشتاقه لك موت
ألجوري/اوك اشوفك الليله يالله باي
لمياء/بايات
وسكرت من لمياء وراحت تساعد الخدم بالتنظيف والتنظيم
مع اذان العصر ..
ام متعب/جوري اخذي تلفوني ودقي على متعب وش عنده تأخر
اخذت الجوال من خالتها ودقت عليه وقلبها يرجف رجف
متعب/هلا يمه
ألجوري/انا جوري
متعب تفاجأ/اهلين
ألجوري/خالتي تقول ليه تأخرت؟!!
متعب/انا توني طالع من محل الحلويات وجاي بالطريق
ألجوري/اوك..وسكرت
بعد ربع ربع ساعه وصل للبيت طلعت له الخدامه تشيل وبعض سلات الحلويات واخذ هو بعضها ودخل للفيلا
سلم على امه وسأل عن ألجوري
ام متعب /تلقاها حايسه بالمطبخ من الصبح ماقعدت بس تنظف وتزين
طلع للمطبخ لقاها معطيته ظهرها وتغني بصوت واطي
متعب/احــــــــم السلام
ألجوري سكتت على طول وماالتفتت له/وعليكم السلام
جلس على الطاوله وشبك يدينه ببعض
متعب/الحلويات شوفيها اذا ناقص شي نرسل السايق
اخذت منشفه صغيره تجفف يدينها من الماء وقامت تفتح الاكياس تشوف الحلى انتبه انها لابسه الخاتم اللي جابه
متعب/اشوفك رجعتي ولبستي الخاتم؟؟
ألجوري وهي تطالع للخاتم/لبسته بس علشان خالتي
متعب/بس كذا لبستيه؟
ألجوري/ايه بس
متعب /وين جوالك؟
ألجوري/ليه؟؟
متعب/ابي اخزن رقمي
ألجوري/لحظه بروح اجيبه من الصاله وجابت الجوال وحطته على الطاوله قدامه
اخذ الجوال ودخل رقمه واتصل علشان يخزن رقمها بجواله
نزل الجوال وطلع تأكدت انه طلع لغرفة المكتب اللي تحت
اخذت جوالها تبي تشوف الاسم دورت بين الاسماء لقته مسجله نقاط(........)من دون أي حرف يعني يبيها تسجل الاسم اللي تبيه سكرت الجوال ونزلته على الطاوله وراحت تكمل شغل.
في بيت ابو وليد....!!
ام وليد/ليه ياشهد ماانتي رايحه للعشاء؟؟
شهد وهي منسدحه عند التلفزيون/لا ني مااعرف احد ومالي خلق اروح
دخل سلطان وسلم
سلطان/يمه صحيح فيه عشاء الليله عند متعب؟
ام وليد /ايه فيه بتروح انت؟؟
سلطان /ودي اروح بس مواعد خوياي نطلع للبر
ام وليد/ماتقدرون تأجلونها لبكره؟
سلطان/لا خلاص هم ماشين اللحين وانا ببدل ملابسي والحقهم
ام وليد التفتت علىشهد/شهد ترى لمياء راح تجي
شهد نطت وسكرت التلفزيون/وليه ماقلتي لي من قبل ان لمياء بتجي لا خلاص بروح اكيد
وطلعت تركض بتدور لبس لها علشان العشاء
سلطان/اقول يمه ماكأن هذه البنت اللي غاصبني عليها ابوي؟
ام وليد/الا هي طع شوري ياولدي والله ماراح تندم اذا اخذتها
سلطان/يصير خير وراح لغرفته يبدل ملابسه وطلع بيلحق خوياه..
اذن المغرب
ألجوري/يوه انا مالبست وسويت مكياجي وطلعت من المطبخ وصعدت لغرفتها فوق وتحممت ولبست فستان ناعم وحلو
استشورت شعرها وسوت
بوف صغير وحطت وراه
ماسه ناعمه ولبست
عدساتها الرماديه ومابالغت
بالمكياج يكفي جمالها هي
وكحلت عيونها من داخل
وحطت قلوس لحمي دق باب غرفتها
ألجوري/ادخلي سيتي (تحسبها الخدامه)
دخل وهو كاشخ وتسبقه
ريحة عطره العود رفعت
راسها شافته واقف وراها
فزت من مكانها قرب لها
ومد لها علبه صغيره
فتحتها وكان عقد الماس
ناعم مع خاتم صغير وحلق
واسواره حلوين
ألجوري اعجبها الطقم/والله حلو شكرا
متعب/العفو
نزلت العلبه واخذت العقد
بتلبسه بس ماقدرت تسكره زين
قرب لها /ممكن اساعدك ؟
عطته العقد ورفعت شعرها
وسكر العقد
ألجوري لفت له /هاه حلو؟
متعب وهو يتأملها /هو حلو
وطلع احلى يوم لبستيه
ألجوري نزلت راسها مستحيه
وتمردت خصله من شعرها
ونزلت على وجهها
رفع يده وبعد الخصله
عن وجهها باطراف اصابعه
ألجوري بتضيع الموضوع/ماكـأنك
تأخرت على ضيوفك
متعب/ايه صح يالله نطلع مع بعض
علشان امي ماتشك
ألجوري/ايه صح بس لحظه اخذت
عطرها وتعطرت منه ولفت
بتطلع وللحين واقف مكانه
ألجوري/انت مطول هنا؟؟
يالله نبي ننزل لانتاخر
على الضيوف
متعب/طيب انا ودي اقعد هنا
ألجوري مسكت يده وتسحبه
معها لبرى الغرفه/بنروح عند
خالتي اجل لين مايجون الضيوف
ونزلت مع الدرج ولسى ماسكه
يده وصلت لمدخل الصاله
والتفتت له/ يالله روح للمجلس
وتركت يده ومشى خطوتين
وبعدين رجع /نسيت اقول
لك انك طالعه حلوه اليوم
وخايف عليك من العين
نزلت راسها مستحيه
ودخلت عند خالتها
وصلت خالة متعب ام طلال
ومعاها بنتها عهود
وسلمت على ألجوري
ام متعب/هذه عهود ياجوري ماجت يوم العرس لانها كانت تعبانه
عهود سلمت على ألجوري
من دون نفس
وجلست ولاحظت عليها
ألجوري انها ماتبيها
(للمعلوميه:عهود تحب
متعب بس مو معطيها
أي وجه وللحين متأمله انه
يحبها وراح يتزوجها بس
ألجوري خربت عليها مخططاتها )
يقول وشلونك؟!!وانا أقول طيب
والله على حال المخاليق آدرى
صعب اشتكي همي لو أنك قريب
بعض السوالف تحتها خطوط حمراء.
بعد وصول الضيوف كلهم ووناسه وضحك وسوالــــف
ألجوري جالسه مع لمياء بالمجلس الثاني ويسولفن
لمياء/بصراحه انتي الغلطانه
ألجوري/طيب وش الغلط اللي سويته؟!!
لمياء/ماكان لك داعي تنفجرين بوجهه
ألجوري/ ماتحملت وفرغت كل اللي بقلبي
لمياء/طيب وش سووى هو بعد الكلام اللي قلتيه؟
ألجوري/طلع معصب ولا شفته الا باليوم الثاني
لمياء/اسمحي لي مره ثانيه انتي غلطانه وستين غلطانه بعد
ألجوري/طيب قولي لي وش اسوي دبريني!!!
لمياء/اتركيها على الله وشوفي وش يصير مع الايام الجايه
ألجوري/لو تقولين اللحين انك تحبينه اقول يمكن
لمياء/يعني حبيتيه بس مو راضيه تعترفين
دخلت عليهم شهد /ممكن اعرف وش الاسرار اللي بينكم
لمياء/أي اسرار الله يهديك
شهد/طيب بقعد معاكم اسمع سواليفكم
ألجوري/حياك
وجلسن يسولفن سوالف ايام الجامعه والهستره والضحك
دق جوالها ردت بسرعه وماتكلمت وبعدين سكرت وقامت البنات /على وين ياحلوه؟؟
ألجوري/عندي مشوار صغير واجي
طلعت من عند البنات وراحت للمطبخ لقته واقف عند الباب اللي يطلع للحوش
ألجوري/هلا بغيت شي؟؟
متعب/وين العود والبخور؟؟
ألجوري/لحظه اعطيك اياه
وفتحت دولاب المطبخ وطلعت صندوق وحطته على الطاوله
ألجوري/اختار لك واحد
متعب مشى ووقف جنبها ويطالع الصندوق
متعب/والله ماادري انتي اختاري
مدت يدها على تولةعود /هذه حلوه جربتها وريحتها خياليه
فتحت التوله وحطت على كف يدها شوي ونفختها علشان يبرد العطر وتطلع ريحته وقربتها من خشمها وتشم /والله حلوه شوف
وقربت يدها لمتعب علشان يشم العطر مسك يدها بيدينه الثنتين وشم العطر /ايه والله حلوه ارتبكت على طول /طيب اخذها لاتتأخر على الرجال وطلعت من المطبخ حط يده على قلبه واخذ تنهيده طويله وبعدين حس على نفسه واخذ العطور وطلع.
انتهى العشاء على خير ومشت الضيوف واولهم عايلة ابو وليد لان عيال وليد نامو وماحبو ا يطولون وبعدها مشت لمياء مسكتها ألجوري عند الباب/لمياء قبل ماتسوين أي شي صلي صلاة استخاره وان شاء الله الله بيوفقكك واذا صار لك نصيب فيه بتاخذينه..
لمياء وهي تضم ألجوري /يصير خير موتنسين تعالي لي بكره بكون محتاجتك كثير
ألجوري/اكيد راح اجي
وودعتها عند الباب ودخلت لخالتها وام طلال
ألجوري/وين عهود بسولف معاها
ام طلال/تقول بتروح دورة المياه (وانتو بكرامه)
ام متعب/روحي يابنيتي شوفي متعب يالمجلس الخارجي يمكن يبي شي
ألجوري/ايه اللحين بروح له
وقامت ودخلت لقسم الرجال مافيه احد وطلعت للحوش رايحه للمجلس اللي برى سمعت اصوات قربت شوي لشباك المجلس وكان زجاج شافت عهود واقفه مع متعب انصدمت نزلت دموعها قامت تمسح وتقول/انا ليه اصيح اللحين ليـــــــــــــــه!!!!!!
عهود/متعب انا احبك ومستحيل اتخلى عنك مهما كانت الظروف تسمع!!
متعب/بس انا مااحبك ولا ابيك وفكرة اني بتزوجك انسيها وشيلي هالافكار من راسك انتي ماتفهمين؟؟
عهود وهي تصيح وتمسك يد متعب/لا انت لي انا وبس وراح تطلقها وتتزوجني انا صح؟
متعب/انتي مجنونه وشلون اطلق زوجتي وانا احبها
(طبعا الكلام كله ألجوري قاعده تسمعه)
عهود/انت ماتحبها!!!! انت تقول الكلام هذا علشان تقهرني
متعب وهو يحك اسنانه ببعض/صبر جميل وبالله المستعان
رفع راسه لقى ألجوري واقفه ورى عهود ووجهها جامد مافيه أي تعابير
متعب/جوري خليني افهمك الموضوع؟!!
التفتت عهود لقت ألجوري موجوده ومشت لي وصلت عندها بغرور وكبرياء /متعب لي انا وبس وراح يطلقكك ويرميك بالشارع اصلا انتي ماتبينه تبين الفوس والقصور
ألجوري تطالع لمتعب وهو مستغرب من كلام عهود ثم وجهت نظرها لعهود /انا ماراح اقول لك أي شي لاني ماانزل مستواي للاشكال هذه واللحين اطلعي برى بيتي
عهود/راح اخليك تندمين وبتشوفين وطلعت معصبه وراحت اخذت امها ومشو
ألجوري جت بتطلع ركض مسك يدها/جوري تكفين خليني افهمك
ألجوري نفضت يدها من يده/بعد عني اياني واياك تلمسني مره ثانيه ومشت وتركته غارق بهمه
دخلت ونزلت دموعها بغزاره وصلت للصاله لقت خالتها جالسه تستغفر بالمسباح مسحت دموعها ودخلت ام متعب/بسم الله عليك يابنيتي ليه عيونك كذا انتي تبكين؟!!
ألجوري وهي تمسح عيونها/لا بس دخان النار اللي بالمجلس دخل بعيوني
ام متعب/اكيد يابنيتي؟
ألجوري/اكيد ونص بعد يالله اللحين موعد نومك
واخذت بيد خالتها ودخلتها غرفتها بالدور التحتي واعطتها الادويه
صعدت فوق وهي تحس بألم من داخل ومن برى دخلت للحمام وجلست تحت الدش بملابسها وتصيح بعد ساعه طلعت وبدلت ملابسها ببجامه وانسدحت على السرير تسترجع احداث اليوم وهي سرحانه بخيالها طرى متعب على بالها للحين ماحست عليه يدخل غرفته فزت من سريرها وراحت عند الشباك اللي يطل على المجلس لقته جالس على عتبة باب المجلس ويدينه مخلخلها بشعره لاحظت دم على ثوبه خافت لبست جاكيت لان الجو بارد ونزلت تحت تركض وصلت لعنده وللحين على نفس الوضعيه ماتحرك جلست قدامه وكلها لهفه وخوف عليه
رفع راسه لقاها قدامه ابتسم
ألجوري وهي تمسك يده/وش سويت يامجنون بيدك؟؟
متعب/انكسر الكوب بيدي وماحسيت
ألجوري/يالله قوم معي بسرعه
متعب قام معها وهي ماسكه يده المصابه وصعدت فوق لغرفتها
جلسته على السرير وعيونه وين ماتروح عليها وفتحت درج التسريحه وطلعت شنطه صغيره فيها بنج وشاش وييتادين(معقم جروح)
وجلست جنبه تعقم جرحه وتحاول قدر الامكان تخلص بسرعه
متعب وهو يناظر عيونها/انتي صدقتي كلام عهود؟؟
ألجوري/عهود اصلا ماتهمني
متعب/طيب انتي ليه متضايقه للحين؟
ألجوري/لا ماني متضايقه ولا شي يتهيأ لك
متعب/عهود تحبني من زمان بس حبها من طرفها هي وبس
ألجوري وهي تلف يده بالشاش /بس انا ماسألت وش بينك وبينها
متعب وهي يسكر يده المصابه/بس انتي من حقكك تعرفين!!
ألجوري/افتح يدك علشان الفها
متعب فتح يده ولفتها وخلصت وقامت رجعت الشنطه مكانها ودخلت حمامها تغسل يدينها من الدم رجعت لقته طايح على ظهره وشكله نايم
ألجوري قربت منه وتركته على نفس الوضعيه وغطته باللحاف ونامت بجنبه من دون لحاف .
صباح يوم جديد (اليوم خطبة لمياء)
الساعه 9 ونص مانامت طول الليل تفكر وش راح يصير بكره ونزلت دموعها وهي تفكر انها راح ترتبط بأنسان هي ماتبيه وهو اكيد مايبيها غمضت عيونها وهي تفكر بكلام ألجوري فزت من سريرها وتؤضت وصلت صلاة استخاره....
صحى من النوم كسلان وغسل وجهه ولبس ثيابه ونزل
على طاولة الفطور""
ابو وليد/وين سلطان لايكون للحين ماجاء من البر؟؟
ام وليد تدور عذر لولدها/هـــاه اللحين بيجي
دخل سلطان وجلس على الطاوله /هلا يبه تبي شي؟
ابو وليد بصوت حاد/لا تنسى ترى بنروح نخطب لك
سلطان/لا مو ناسي (تذكر كلام صديقه تركي)
تركي/اسمع تبي نصيحتي؟!!
سلطان/قول
تركي/تزوجها
سلطان/اقول اسكت مالت على نصيحتك
تركي/طيب اسمعني!!
سلطان يتافف/ كمل يابو النصايح
تركي /تزوجها ووقعها على عقد انك تطلقها بعد مده معينه يعني بعد 6شهور او سنه المهم يمر على فترة زواجك مده طويله
سلطان وهو يفكر بكلام صديقه/والله جبتها خلاص اول ماارجع بقول لاابوي اني موافق
قام ابو وليد وطلع للشركه
التفت على امه/يمه بتروحين لخطبتي اليوم؟؟
ام وليد والف علامة استفهام على راسها/بسم الله عليك امداك تغير رايك وتتحمس للخطبه؟؟؟؟
سلطان يصرف الموضوع/بصراحه فكرت كثير وشفت الحق مع الوالد
ام وليد/الله يكتب اللي فيه الخير
قام واخذ جواله وبوكه ومفاتيح السياره وهو طالع لقى شهد توها نازله من فوق سحبها مع يدها ودخلها للمطبخ
شهد تمسك يدها/آآآآي يدي بغيت تشلعها وش فيك؟
سلطان /بتروحين للخطبه اليوم؟؟
شهد تحط يدها على جبهته/انت مسخن اليوم ولا وش السالفه وش عندك متحمس يالاخو
سلطان/بتروحين ولا لا
شهد/طبــــــــــــــعآ لازم اروح هذه خطوبة صديقتي الحلوه من اخوي المزيون
سلطان/بسألك سؤال وابيك تجاوبين بصراحه
شهد/انت اسئلتك كثيره اليوم اسال خليني اشوف اخرتها معاك
سلطان /لا خلاص هونت ماابي اسال وطلع من عندها ولحق ابوه للشركه
شهد/مو صاحي اليوم الله يستر لا يسوي مصايب .
صحت من النوم تعبانه ومو قادره تقوم التفت مالقت احد جنبها تحاملت على نفسها وقامت غسلت وجهها وفتحت شنطتها تدور بنادول مالقت نزلت تحت بخطوات مرهقه واخذت بنادول ومرت على الصاله تشوف خالتها وقفت عند الباب وصبحت عليها
ام متعب/هلا ببنيتي تعالي تقهوي معي
ألجوري/والله تعبانه ياخالتي
ام متعب بخوف/بسم الله عليك نوديك للمستشفى
ألجوري/لا مايحتاج ابي اكل حبوب بنادول وان شاء الله اصير طيبه
ام متعب/سلامتك من كل شر الظاهر ماخذه برد
ألجوري تمسك راسها/يمكن بروح اتمدد على السرير
ام متعب/روحي اخاف تدوخين اللحين
وطلعت للمطبخ واكلت حبتين بنادول وراحت لغرفتها وتمددت وغطت نفسها زين,
غارق بالاوراق والملفات والتوقيعات دق جواله رد
متعب/هلا وغلا يمه سامحيني ماقدرت اجلس عندك اليوم
ام متعب/لا مايخالف ياوليدي بس ابيك تجي للبيت اللحين
متعب /ليه ناقص لكم شي؟؟
ام متعب/ألجوري تعبانه
متعب فز من الكرسي/ليه وش فيها؟؟
ام متعب/الظاهر ماخذه بروده
متعب بخوف/يالله اللحين جاي وسكر من امه والغى كل اجتماعاته ورجع للبيت بسرعه
دخل البيت وراح لغرفة امه لقاها ممده رجلينها على السرير
متعب/السلام عليكم
ام متعب/وعليكم السلام
متعب/يمه وين ألجوري؟؟
ام متعب /بغرفتها نايمه وصيت الخدامه تسوي لها شوربه
متعب/طيب انا بروح اشوفها وطلع للجوري وكله خوف ولهفه عليها
دخل بسرعه لقاها نايمه جلس على طرف السرير عند رجلينها ومد يده لجبهتهها يتحسس حرارتها لقاها مولعه نار لمس اصابعها لقاها بارده
حست فيه حركه عندها بالغرفه فتحت عيونها لقته جالس قدامها
تعدلت يجلستها وحطت المخده ورى ظهرها
متعب/سلامتك ماتشوفين شر
ألجوري وهي تكح/الشر مايجيك
متعب/يالله قومي بوديك للمستشفى
ألجوري/لا مو لازم بروح لبيت لمياء
متعب/ماراح تروحين وانتي بهالحاله
ألجوري استسلمت للامر الواقع ولبست علبايتها وراح مع متعب للمستشفى
ألجوري وهي متمدده على السرير والمغذي بيدها والممرضه كل شوي تأخذ درجة الحراره
ألجوري/وشلون يدك اللحين توجعك
متعب/لا الحمد لله دواني احلى دكتور وطابت بسرعه
ألجوري سكتت ماردت عليه وهو ماحب يحرجها زياده
دخل الدكتور وطمنهم واعطاها ادوية نزلة البرد والحراره وشوية مسكنات
ورجعت للبيت وقبل لاتنزل نزل قبلها وفتح الباب واستندت على كتفه ودخلت وراحت لغرفتها شال عبايتها ومددها على السرير
ألجوري/متعب روح شوف اشغالك لاتقعد هنا على الفاضي
متعب/ماعلي منك بقعد عندك لين ماتطيبين ان شاء الله
دق باب الغرفه دخلت سيتي ومعاها شورة خضار وقام اخذها منها وحطها قدام ألجوري
اخذت الملعقه وقامت تشرب الشوربه

مع اذان العصر لمياء تحوس بغرفتها رايحه جايه /ياربي وين راحت ألجوري ليه تأخرت واخذت تلفونها ودقت على ألجوري بأخر رنه ردت عليها بصوت تعبان /هــــلا
لمياء/جوري وش فيه صوتك؟
ألجوري/تعبانه بس راح اجيك بعد شوي
لمياء/انتي تعبانه مايصير تجين
ألجوري/لا مافيني الا العافيه
لمياء بخوف/علشان خاطري اهم شي صحتك
ألجوري/من صحيت اليوم وجسمي ينتفض
لمياء/سلامتك ياقلبي يالله ماابي اطول عليك اخليك ترتاحين
ألجوري/امانه علميني وش يصير معك
لمياء/على خير ان شاء الله مع السلامه وسكرت من ألجوري وزادت ربكتها وخوفها لأن ألجوري هي الوحيده اللي تهديها وتقنعها اذا ماكنت مقتنعه ...

من نسى في زحمة الدنيا رفيقه
قلت له عندي رفيق مانساني لو يطول الوقت طريقه
أدري انه لو يطول البع جاني
بيني وبينه على العشره وثيقه
ان بديته بالغلا ولا بداني
وصرت عنده بالغلا حسبت شقيقه
وانا ابوح لها بكل صدق وحقيقه
غلاك ساكن القلب ياأغلى رفيقه

بعد اذان المغرب::
وصلو الضيوف وسوالف وضحك عند الحريم ولمياء جالسه بغرفتها دق عليها باب الغرفه /ميــــــــــــن؟!!
انفتح الباب ودخلت ألجوري نطت لمياء من الكرسي وضمتها على طول/يامجنونه انا ماقلت لك لا تجين يعني غصب تلزقين لزقه
ألجوري/ههههه والله ماقدرت اقعد بالبيت واخذت لي ساعه اقنع متعب يوصلني وبالاخر اقتنع وجابني
لمياء/والله انك مجنونه انتي يالله يالله تمشين تعال اقول انسدحي على السرير وجلست ألجوري وجنبها لمياء/هاه كيفك اللحين
لمياء/مشاعري تحجرت ودموع عيني خلصت بس وش اقول
ألجوري/الله يعين بس بقول لك على شغله يمكن ماتصدقيني بس بقولها
لمياء بحماس/قولي وش ؟؟؟
ألجوري/احس مشاعري تجاه متعب تغيرت
لمياء/وشلون؟؟
ألجوري/يعني احس اول مايدخل للبيت قلبي يرجف وامس يوم جرح يده خفت خوف مو طبيعي قمت ارتعش من الخوف
لمياء/لاتقولين انك حبيتيه؟؟
ألجوري وهي منحرجه /يمكن بس بنت خالته عهود تحبه وتعشقه ويوم شفته معها احس نار الغيره شاعله بقلبي
لمياء وهي تضرب كتف ألجوري/ياخبله هذا يسمى حب
ألجوري/احتمال كبير وانا قلت لك كل اللي صار معي على امل انك تحبين سلطان بيوم من الايام
لمياء قلب وجهها /لو تنطبق السماء على الارض ماراح احبه احس انه مغرور وشايف نفسه
ألجوري /طيب البسي علشان تسلمين على اهله عيب تقعدين هنا وهم ينتظرونك
لمياء لبست فستان اسود وعلى الصدر
شريطه بيضاء وفيها ورده
وسوت مكياج خفيف وشعرها سوته كيرلي ونزلت وسلمت على ام وليد وشهد وريم
شهد/واو طالعه حلوه
لمياء/تسلمين عيونك الحلوه وجلست معاها تسولف لين دق ابو فهد على ام فهد يقول لها/خلي لمياء تجي للمجلس توقع
قامت وراحت للمجلس لقت فهد والهيثم ووقعت باسها فهد على راسها/مبروك
لمياء/الله يبارك فيك وعقبالك ان شاء الله
الهيثم/اخيرا بفتك منك
لمياء/كذا يباركون يامحشش
الهيثم /انا محشش اللحين بروح اجيب سلطان علشان يشوفك
لمياء/لا لا ..طلع من دون مايسمع لها هربت للمطبخ تشرب مويه وتهدي نفسها
الهيثم دخل سلطان في المجلس غصب عنه وكان يبي يمشي بس الهيثم اجبره انه يدخل
دخل عليها في المطبخ وسحب يدها وهي مو مستوعبه الموضوع دخلها شافت رجال غريب جالس تخبت ورى اخوها
الهيثم وهو يسحبها من وراه/تعالي خلي خطيبك يشوفك
رفع راسه سلطان يبي يشوف طلعت لمياء بوجهه الهيثم وهو طالع قرب لعند لمياء/اقول لاتخقين بس اخبرك
لمياء سوت نفسها هاديه وبنفسها تتوعد بأخوها
طلع والتفت لسلطان/اقول ياالنسيب خمس دقايق بس ومشى
جلست بعيد عن سلطان وماتكلم وهي بعد ماتكلمت بعد صمت طويـــــــــــــــــــــل
لمياء انفجرت بالكلام/انا مجبوره اتزوجك وابوي اجبرني على الزواج ولا انا ماابيك
سلطان التفت لها من عقب مايطالع الشباك من الملل/وانا زيك بالتمام واذا كذا اكيد بنتفق
لمياء بأستغراب/على وش نتفق انا ماابيك!!!!
سلطان بأستهزاء/عاد انا اللي اموت فيك
لمياء/قول وش عندك خلصني؟؟
سلطان/ توقعين على عقد ان نتطلق بعد 6شهور
لمياء/وليه ماخليتها شهرين بس
سلطان/علشان يفوت وقت طويل
لمياء/احسن
سلطان /بس بشرط!!!1
لمياء/بعد تشرط وش تبي؟؟
سلطان/نمثل قدام اهلي واهلك اننا متزوجين عن جد
لمياء/اذا على كذا انا حريفه بالتمثيل ...اي شروط ثانيه ؟؟
سلطان/لحد اللحين كافي والحمد لله اننا متفقين
لمياء بصوت واطي/متى يجي اليوم اللي بفتك منك
سمعها سلطان/انا ادعي ربي متى تخلص 6شهور بسرعه علشان افتك من وجهك
لمياء عصبت جت بترد عليه دق الباب دخلو ام فهد وام وليد و شهد وسلمو عليهم و شهد معها علبة خواتم صغيره مسكت يد لمياء وجلستها جنب سلطان وكل واحد مو طايق الثاني فتحت العلبه /سلطان لبس لمياء خاتمها اخذ الخاتم مدت لمياء يدها اليمين مسكها وضغط عليها بقوه وهي متحمله وساكته علشان اهلهم ولبست الخاتم واخذت خاتم سلطان من شهد مد يده لبسته بسرعه من دون ماتلمس يده علت اصوات الزغاريد والتبريكات ولمياء وسلطان يوزعون ابتسامات علشان مايشكون بالوضع ماصدقت على الله تطلع من المجلس وطلعت لغرفتها لعند ألجوري وهي مرتاحه على الاخر
ألجوري/وش عندك توزعين ابتسامات
لمياء/اخيرا اتفقت معه
ألجوري بأستغراب واضح/اتفقتي معه ؟منهو هذا؟؟
لمياء/بقول لك بس اوعديني يبقى سر بيني وبينك
ألجوري/اوك يالله قولي
وقالت لها السالفه من طق طق لين السلام عليكم
ألجوري/حرام اللي قاعدين تسوونه
لمياء/طيب انتي وش وضعك ترى انا وانتي بالهوى سوى
ألجوري وهي تقوم /انا بروح اسلم على اهلي قبل مايجي متعب احسن لي
لمياء/طيب انتي تعبانه
ألجوري/حراره ونزلت مافيني الا العافيه وطلعت لبيت اهلها القريب من بيت لمياء
رجع للبيت مستانس لان بيصير اللي براسه ويبي يجهز العقد بأسرع وقت لان الزواج بعد اسبوعين وهو جالس دق تلفون البيت رد
سلطان/هلا
المتصل/السلام عليكم
سلطان/وعليكم السلام
المتصل/كيفك سلطان؟
سلطان/انا بخير بس انتي مين؟؟
المتصل/افا نسيتني وانا ماعمري نسيتك
سلطان بأستغراب/انتي مين؟
المتصل/انا بنت عمك سعود نوف
سلطان بملل/اهلين نوف اخبارك؟
نوف/بخير يوم سمعت صوتك
سلطان/عيب الكلام هذا يانوف
نوف/طيب انا احبك من يوم واحنا صغار وحبك كل يوم يكبر بداخلي
سلطان/مايصير الكلام هذا ونسيت اقولك انا خطبت وبتزوج وحده احبها وتحبني
نوف /لا لا لا ماراح تتزوج هذيك البنت
سلطان/خلاص كتبنا الكتاب وراح نتزوج بعد اسبوعين وراح توصلك الدعوه باسرع وقت
نوف/ماراح تتزوجها وراسي يشم الهوى انت تفهم؟؟
سلطان/لا ماافهم واعلى مافي خيلك اركبيه وسكر التلفون بوجهها/انا وش ملقفني اارد على التلفون وطلع لغرفته
ألجوري بعد مازارت اهلها طبعا مالقت امها بس اخوها زايد جالس بغرفته بين الجوال والنت والبلاستيشن رجعت لبيتها مع سواق اهلها وهي بالسياره تدق على متعب بس مايرد عليها ابد وصلت للبيت لقت خالتهانايمه وكان الوقت الساعه 8 بالليل جلست بالصاله تقلب بالقنوات على مايرجع متعب من الشغل فجأه دق جوالها ردت بسرعه من دون ماتشوف مين المتصل
ألجوري/متعب
المتصل/عفوا انا اتصلت على اخر رقم دق عليه
ألجوري برعب واضح/وين متعب؟؟
المتصل/متعب صار له حادث
فزت من الكرسي على طول/بأي مستشفى ؟؟
وقال لها اسم المستشفى ولبست عباتها بسرعه وطلعت للمستشفى وماقالت لخالتها أي شي علشان ماتخوفها
وصلت زي المجنونه للمستشفى سألت عنه بالاستقبال وصفوا لها غرفة الدكتور اللي مستلم حالته دقت الباب ودخلت على الدكتور
الدكتور/اهلا
ألجوري/انا زوجة متعب عبدالعزيز
الدكتور/ايوه وصل بعد اذان المغرب
ألجوري/كيف حالته؟؟
الدكتور وهو يقلب الاوراق/بصراحه فيه كسر باليد وجرح شوي عميق بالراس وكدمات على كامل جسمه
ألجوري/طيب ممكن اشوفه؟؟
الدكتور/صعب لأني كنت منتظر احد من اهله يجي علشان يوقع اوراق العمليه وبما انك انتي زوجته وقعي الاوراق علشان نبدا بأجراء العمليه
ألجوري خايفه/ليه عمليه؟؟
الدكتور/لازم نركب اسياخ في يده لان العظم تفتت من الحادث وان شاء الله مايكون عليه ضرر
ألجوري حست انها داخت/طيب تكفى اعمل العمليه وطمني
الدكتور/اللحين نبدا فيها بعد توقيع الاوراق
ووقعت على اجراء العمليه ودخلو متعب لغرفة العمليات وهي منتظره برى على احر من الجمر خايفه يصير له شي
بعد انتظار 4 ساعات طلع الدكتور وطمنها ان العمليه نجحت
ألجوري/طيب اقدر اشوفه؟؟
الدكتور/صعب اللحين خصوصا الضربه على راسه وماندري متى يصحى
ألجوري/يعني تقول انه دخل في غيبوبه؟؟
الدكتور/غيبوبه مؤقته ويمكن يصحى بكره او بعد بكره ويمكن بعد شهر
ألجوري/انا بجلس عنده
الدكتور/جلستك هنا مالها أي معنى روحي للبيت ارتاحي وبكره تعالي وان شاء الله يصحى
ألجوري بحزن/امــــــــــين يارب
وطلعت من المستشفى تجرجر رجلينها تحس مو قادره تمشي ورجعت للبيت مع السواق الساعه 1 وحطت رجلها على اول درجه بتروح فوق علشان ترتاح لمحت نور طالع من غرفة خالتها استغربت وراحت ودقت الباب ودخلت لقت خالتها جالسه على السرير تستغفر بسبحتها جلست جنبها وباست كتفها
ألجوري/خالتي فيك شي؟؟
ام متعب/مدري صحيت من كابوس وماقدرت انام
ألجوري ماحبت تقول لها ان متعب بالمستشفى
ألجوري/بسم الله عليك ...وقرت عليها المعوذات وبعض سور القرآن ونامت ماقدرت تصعد لغرفتها من التعب نامت عند خالتها.../
أنا قصيدة حزن في دفتر الأحزان
على سطور اليأس وهموم الأيّام
أنا قصيدة تشكي آلام الأزمان
تشكي من أقلام التعاسة والابهام
انا قصيدة حرفها دمعة إنسان
أحاسيس ومشاعر داستها الأعوام
انا قصيدة ليس لها أيّ عنوان
عنوانها سابح على كفّ الاوهام
أنا قصيدة خطّها كف حرمان
و على ورق عمري نثرها دمع الاقلام
راحلة مهاجرة أين وطني من الأوطان
سكنت في دار القصائد والأحلام
أنا قصيدة طالها ليل النسيان
تاهت بدرب الليل والناس نيام


انتهى البارت

__________________________________________________ __________

البارت الخامس
صحت من النوم الساعه 10 صباحا وتحممت ونزلت عند خالتها {مو ناويه تقول ان متعب بالمستشفى علشان ماتتحمل الخبر وقررت انها تسكت لين يطلع من المستشفى}
ألجوري بأبتسامه /صباح الخير
ام متعب/ياصباح الورد حيا الله بنيتي
ألجوري/الله يحييكــ ــــــــــ وجلست عندها تفطر
ام متعب/وين متعب مااشوفه؟؟
ألجوري تحاول ماتوضح لها أي شي/متعب سافر
ام متعب/سافر وليه يسافر؟؟
ألجوري/هـــــا يقول عنده شغل ضروري وبيرجع بعد يومين
ام متعب/عطيني جوالي بدق عليه
ألجوري بخوف/ماتقدرين تدقين جواله مقفل خلينا نقعد لين يرجع بالسلامه
ام متعب/الله يحفظه وين ماكان موطاه
ألجوري/آمـــــــــــــــــــــين انا استأذن عندي مشوار
ام متعب/ليه وين بتروحين؟؟
ألجوري تحاول تكون قويه/ابي اغراض لي من السوق ويمكن اطول
ام متعب بأستغراب/روحي العصر احسن لك
ألجوري/لمياء عازمتني على الغداء وبنتسوق مع بعض ونرجع العصر
ام متعب/مدام لمياء معك روحي استانسي اجل
ألجوري وتحاول تستعجل علشان تشوفه وتتطمن عليه لبست عبايتها واخذت شنطتها وطلعت للمستشفى على طول وصلت ودخلت غرفة الدكتور اللي مستلم حالة متعب
ألجوري/كيف متعب اليوم يادكتور فيه تحسن؟؟!!
الدكتور/الحمد لله عدت مرحلة الخطر وصحى البارح وصحته تمام
ألجوري بفرح/الله يبشرك بالخير اقدر اشوفه
الدكتور/اكيد ــــاخذ السماعه واتصل وبعدين سكر دخلت ممرضه
الممرضه/نعم دكتور
الدكتور/اخذي المدام للمريض في غرفه 36
الممرضه/تفضلي مدام
وراحت معها ألجوري وقلبها يسبق خطاوي رجلينها مشتاقه تشوفه وصلتها الممرضه لعند الباب وراحت
فتحت الباب بشويش ودخلت وهي متوتره شافته نايم على السرير وعلى راسه لفة شاش ويده اليسرى فيها جبس وكان وجهه للجهه الثانيه وصلت عنده نزلت دمعه شفافه على خدها الناعم مدت يدها مسكت يده اليمين وفيها ابرة المغذي رفعتها وباستها بوسه طويله وقامت تشوف الجروح اللي في وجهه /التحرش بالمريض ممنوع
ألجوري فزت من مكانها مرعوبه/بسم الله
متعب التفت لها /صحيت من مسكتي يدي
ألجوري/الحمد لله على السلامه
متعب بتعب/الله يسلمك
ألجوري/كيف صحتك اللحين ؟؟حاس بشي ؟؟
متعب/لا الحمد لله مافيني الا العافيه
سكتت ماتدري وش تقول وتركت يده اللي كانت ماسكتها /احــــــم عطشان تبي ماء؟؟
متعب/ايه
قامت اخذت كوب الماء وحطت يدها ورى راسه وشربته الماء بشويش ورجعت لمكانها مد يده مسك يدها وحطها على قلبه واخذ نفس عمــــــــــــــــــــــــــــــيق
متعب/جوريتي
ألجوري/عيونها
متعب/احبك وانتي بعد قولي لي احبك
ألجوري نزلت راسها وهي مستحيه/خلاص متعب
متعب/فديت اللي يستحون بس ،،رفع يدها وباسها
ألجوري/خلاص لاتحرجني وسحبت يدها
متعب/آآآآآآآآآآآآآآآآه
ألجوري خافت /بسم الله وش فيك؟
متعب/عورتني يدي
ألجوري/خوفتي بزياده
متعب/بوسيني علشان اطيب
ألجوري/قصدك ابوس جروحك علشان تطيب
متعب/نفس المعنى وأشر على خده
ألجوري قامت من مكانها وراحت للجهه الثانيه عند يده المصابه وعيونه عليها انحنت على يده وباستها بوسه خفيفه رفعت راسها وقربت منه وحطت شفايفها على جبهته وباستها بوسه عميقه ومتعب مستانس بالوضع اللي فيه رفع نفسه
ألجوري/على وين ؟؟
متعب/خلاص انا طبت بروح للبيت
ألجوري وهي تحط يدها على صدره وترجعه للسرير/لا مافيه طلعه لين مايطمني الدكتور على صحتك
متعب /ومتى يجي هالدكتور؟؟
ألجوري/انت وش فيك مستعجل على الطلعه
متعب/ابي اكون معك بحالنا
ألجوري تحاول ماتبينه له انها مستحيه/طيب انا معاك اللحين بحالنا شنو تبي؟؟
متعب/قربي علشان اقول لك
ألجوري قربت له لين ماجبهتها ولمست جبهته
ألجوري/يالله قول هذا انا عندك
متعب بأبتسامه حلوه رفع يده ولمس خدها/باسها على شفايفها بوسه ناعمه وهاديه
ألجوري مو مستوعبه فتحت عيونها وللحين قريبه منه وانفاسهم مختلطه ببعض
متعب/حياتي من دونك ماابيها
ألجوري/لاتقول الكلام هذا الله يطول بعمرك ويخليك لي ولأمك
وجلست جنبه وماسكه يده
متعب/لايكون امي درت بالحادث؟؟
ألجوري/لا قلت انك مسافر
متعب/زين سويتي ماابيها تدري
دخل الدكتور /السلام عليكم
متعب/اهلين دكتور تكفى قول انك جاي تبي تطلعني من المستشفى!!!
الدكتور/للأسف ماراح تطلع اليوم
متعب/ليه؟؟
الدكتور/لازم نتطمن على العمليه في يدك
متعب/يعني مطول هنا؟؟
الدكتور/نسوي الفحوصات اللازمه اليوم واذا كل شي تمام تطلع بكره
ألجوري/ان شاء الله
الدكتور/انا استأذن اللحين وطلع من الغرفه
ألجوري وهي قايمه /انا استأذن اللحين
متعب مسك يدها لااراديا/وين؟وين؟
ألجوري ماسكه ضحكتها/ليه لازم اقعد يعني
متعب/لاتخليني لحالي ابيك عندي
ألجوري/من قال لي بروح واتركك!!!!
متعب/انتي تقولين كذا
ألجوري/بروح اجيب لك شي تأكله
متعب/هههههه على بالي بتتركيني هنا
ألجوري/لا ماراح اتركك ابد
متعب/طيب لاتطولين علي بشتاق لك
ألجوري/لا مو مطوله 5دقايق واجي؛وطلعت من عنده للكفتيريا

في بيت ابو فهد~~
جالسه عند التلفزيون تتابع مسلسل(friends)ومندمجه مع المسلسل وتاكل فصفص وتضحك دخل عليها الهيثم
الهيثم/بسم الله سكنهم مساكنهم
انتبهت له/ليه شايف جنيه
الهيثم/مدري انتي ابخص
لمياء/اقول اختصر وش تبي قطعت علي المسلسل
الهيثم/سلطان
سمعت اسمه جمدت مكانها/وش فيه؟؟
الهيثم/عندي بالمجلس برى ويبي يشوفك
لمياء/وليه ان شاء الله !!!!
الهيثم/مدري يقول يبي يشوفك بتطلعين له ولا شلون؟
لمياء وهي تفكر(لازم اطلع علشان مايشكون اهلي بشي)/ايه اللحين بطلع له
الهيثم/لايكون بتطلعين وانتي كذا؟
لمياء وهي تطالع لبسها (لابسه قميص قصير تحت الركبه فضفاض)/ايه صح ببدل واجي وصعدت لغرفتها فوق وهي تفكر وش يبي يقول لها لبست تيور اسود وبلوزه كاروهات
وتعطرت وماحطت أي مكياج ونزلت تحت للمجلس سمعت ضحك الهيثم مع سلطان دخلت بهدوء
الهيثم/وهذه خطيبتك وصلت وانا بروح ابدل ملابسي ارجع القاك مخلص موضوعك مع اختي مـــــاشي
سلطان بثقل/ماشي
طلع من عندهم مشت وجلست على الكرسي اللي مقابله من الجهه الثانيه
لمياء/نعـــــــــــــــــــــــــم بغيت شي
سلطان/كذا تستقبلين زوجك؟؟
لمياء/مافيه شي يجمعنا ولا راح يجمعنا
سلطان/انا جيت علشان مايشكون بشي
لمياء/بس جاي علشان تقول هالكلمتين
سلطان بأستفزاز/ليه لايكون ببالك شي ثاني
لمياء/لا مافيه وسكتت
سلطان/انا جهزت العقد وبنوقعه يوم الزواج بالبيت
لمياء بأستغراب/أي بيت تقصد؟!!
سلطان/ابوي اجبرني اشتري بيت صغير لي وقريب من بيت اهلي
لمياء سكتت ماتدري وش تقول بعد عشر دقايق ثقيله دخل عليهم الهيثم /يالله خلصتوا حديثكم السري
سلطان/هههههههه ايه خلصنا اقول انت وين رايح؟؟
الهيثم/بروح ياطويل العمر بلعب كوره بالاستراحه
سلطان بمزح/مايمديني عليك ياماجد عبدالله
الهيثم/العب احسن منه بعد
سلطان/اقول روح لايطوفك الشوط الاول
دخلت لمياء للبيت وطلع سلطان مع الهيثم وكل واحد طلع لسيارته ومشى
سمعت جوالها يرن بالصاله ركضت بتلحق عليه شافت المتصل ام متعب استغربت
لمياء/هلا
ام متعب/مساء الخير يابنيتي
لمياء/مساء النور والسرور وشلونك خالتي؟؟
ام متعب/بخير الله يسلمك انتي وشلونك؟؟
لمياء/انا بخير والحمد لله
ام متعب/بسألك عن ألجوري طلعت تتغدى معك وادق على جوالها مقفل
لمياء تورطت(ألجوري وين راحت)/هـــــــــــــــــــــــــا ايه طلعت معها
ام متعب/ليه جوالها مقفل؟؟
لمياء متورطه بالكذبه/تقول طفى مافيه شحن
ام متعب/خير ان شاء الله انا خفت عليها ماترد علي
لمياء/لا تخافين مافيها الا العافيه
وسكرت الجوال وتفكر ألجوري وين راحت دقت عليها قبل لا ينقطع ردت عليها
لمياء/الـــــــ ـــــــــــ ــــــــــ ــــــــــ ـــــــــــو
ألجوري /هلا وغلا صوتك يقطع اصبري بطلع
انتظرت شوي ورجعت لها ألجوري
لمياء/ليه الجوال يقطع
ألجوري/انا بالمستشفى
لمياء خافت/ليه عسى ماشر؟؟
ألجوري/الشر مايجيك متعب صار له حادث
لمياء منصدمه/وشلون؟؟وكيف؟؟ومتى
ألجوري/بعدين اقول لك كل شي
لمياء/اسمعي دقت علي خالتك وكذبت عليها
ألجوري/قلتي لها شي؟؟
لمياء/لا ماقلت شي وارجعي للبيت خايفه عليك
ألجوري/لمو امانه لاتقولين لأي احد لين مايطلع متعب بالسلامه
لمياء/ابشري ماراح اقول شي وسلامته مايشوف شر
ألجوري/يسلمك ربي مع السلامه
وسكرت من عند ألجوري ورجعت تكمل المسلسل وهي تفكر بكلام سلطان قبل شوي......
انتهى البارت


__________________________________________________ __________
يعطيككككككككككككككككك العافيه