عنوان الموضوع : قلت أكرهك أثاريني أحبك وميتة فيك .. رومنسية جريئة للكاتبة " معذۈر قلبي~ " - رواية جميلة
مقدم من طرف منتديات الشامل

صرخت وهي نايمة : وقسم بالله اني راح اكفر فييهم اذا ما سكتوووا
غمضت عينها مرة ثانية بس فزعت على الصوت مرة ثانية وصرخت : بسسسسسسسس جببببببببببب
دخل اخوها وهو يضحك : الي يسمعج يقول انهم يسمعونج الحيين
سارة سحبت المخدة وخلتها على راسها : الله ياخذهم انشاءالله اووووووووف شنو ذيييي محد يقدر ينام
ضحك : هههههههههههه اقووول قومي امي تقول قومي صلي وتعالي الغدا
قامت بقهر وهي تلم شعرها : الله ياخذهم والله ما مداني انام .. ما نمت الا الساعة سبع والحين 2 والله بلششششششة
ابتسم وهو يوقف : احمد ربي ان راسي مو خفيف مثلج
طالعته بقهر ودخلت الحمام واهي تتحرطم عليهم ..


نزلت وشافت ابوها قاعد مع اخوانها ثلاثتهم ..
قالت وهي تحك عيونها : السلاام
قالوا : وعليكم السلام
ابتسم ابووها : ساروونة حبيبتي تعالي قعدي يمي
ابتسمت وهي تمسح على وجهها وراحت قعدت جنب ابوها ..
قال مشعل : الله الله كل الدلال لست الحسن تراني اصغر منها
تاففت : مشكلة الي يغارون ..
مشعل : بل بل شفيج معصبة جذي
قالت بانفعال : يعني شنو فيني انت تتوقع من شنوو .. لا زوج عندي ودراستي انا في العطلة شنو همي غير النووم والله مو قادرة انااام من هالهنووود الي مو راضيين يوقفون يا صوت شفط يا صوت مادري شنو ربي يشفطهم ويفكنا منهم ..
ضحكوا عليها وقالت : تحسبوني اجذب انتو ما تسمعوون الصوت
قال ابوها مبتسم : سارونة حبيبتي هذا شغلهم
قالت : لااا والله شغلهم يخربون نوومي الله ياخذهم انشاءالله
قال : حبيبتي هم شغلهم جذي
سارة : رااح اموووت بصراحة .. شنو هالجار ما يقول عندنا جيران يبون ينخمدوون يبون يريحوون اوووف
ابو ناصر : حبيبتي ترى حتى احنا لما كان بيتنا ينبنا هم بعد ما يقدرون يناموون
استنكرت ولووت فمها : اقص ايدي راسهم صخر يا مال اليهد ياخذهم الا نووفو خلها لي وييي حتى خالتي بعد .. انت يبه شفت فوق الطابق الثالث كله حجر شنو ذي يعني بالله عليك كان مكاني الوحيد الي اركب فيه واشم هوا الحين ما يصير اركب لان هناك هنوود يبنوون واذا ركبت بيشوفوني شنو ذي .. بصراحة ما صار يعني
ناصر وهو يضحك : ههههههههه لا يكون يا ست الحسن والدلال تبينهم يوقفون شغلهم علشانج
قالت بغرور : اكيييد يا حبيبي اصلن في العطلة ما يحركوون ساكن الا اذا خلصت العطلة وقت الي اروح فيه المدرسة يشتغلوون
تطلعوا فيها اخوانها وضحكوووا وابوها حضنها وهو يبتسم وهي ابتسمت : اينن موو
ضحك سلمان : يا شينج وانتي واثقة في نفسج
وقفت بكل فخر : سارة بنت حمد شلون ما تبيني واثقة من نفسي هاا

ابو ناصر رجال الله ناعم عليه بكل خيير وما عنده اهم من اولاده واهمهم سارة لانها البنت الوحيدة بين ثلاث اولاد ..
ام ناصر .. زوجة ولا كل الزوجات ضحت بكل شي بس علشان اولادها وزوجها ..
ناصر .. الولد الكبير عمره " 24 " مزيوون واحلى ما فيه سلة خشمه ورموشه الكثيفة ..
سلمان .. عمره " 23 " احلى من نااااصر بوايييييييييييد مززييوووووون لدرجة محد يقدر يمشي ولا يناظر فييه والبنات خاقييين عليه يشابه ساارة واييد بس سارة انوثتها محليتها اكثررر بكثيير .. دارس في جامعة هارفرد بالمانيا ..
مشعل .. اخر العنقوود عمره " 16 " في اول ثانوي بس جسمه يبين انه اكبر وما عنده اهم من المغازل ..
سارة .. البنت المزيوونة الي الكل يشهد بجمالها عمرها " 17 " ما في احد يشوفها ويقدر ينسى شكلها او طيبتها .. حساسة حييل بس مع امها وابوها واخوانها عادي تفلها بس قدام الناس لااا ريشة تهفها تطير .. مثل ما قلت من قبل تشبه سلمان بس هي احلى منه انوثتها محليتها اكثثثثثثر .. من لما وصلت اول اعدادي " متوسطى " وهم يخطبوونها واييييييد وامها كانت خايفة عليها لا يحسدوونها من جذي ما صارت تخليها تطلع وايد ..

ابتسموا وهي قعدت : اوووووف يبه والي يسلمك انا احببك
باست خده : امووت فيك شوف لي صرفة والله بمووت باقي اقل من شهر وتفتح المدرسة يعني بمووت .. انا نوم مو عارفة انام هالمرة اذاكر .. من خمس الصبح لين ما تعتم وهم دن دننننن يدافع البلا ما يعورهم راسهم يا مال الويعة الي ما يقومون منها انا راح امووت قال ناصر : ساروو تفهمي الوضع يعني هم بعد يوقفون شغلهم علشانج ما يصير .. ترضيين انتي يبنون لج شي و ايي لج احد يوقفج
سكتت لان كلام اخوها صح بس اهي ما تقدر ترتااح
حضنها ابوها وقال : ماعلي حبيبتي هم بيخلصون قريب
قالت : عسااه رييح ذي ولد يارنا يعني يبنوون له وهو بعده ما خطب والله فضاوووة
سلمان : هاا لا تغلطين على بو جااسم
قالت وهي تقلد كلامه : لا تغلطيين عليه اووووف
جت امها : سارووو دايم تتحرطميين
قامت وحضنت امها من ورا : رااح امووت
ضربتها على ايدها : لا تدعيين ويالله تباعدي عني خلني احط الغدى
قالت وهي تقعد : والله نسينا انه في غدا
ابتسموا وهي تتحرطم : بس اذا ما يبت درجات زينة لحد يتكلم لي انا قلت لكم الفصل الاول لما جو بعد امتحانات المنتصف وانا في الامتحانات النهائية تقديري 92 % عيل شلون الحيين وهم قاعدين لي من بداية الفصل عز الله رسبت
قام مشعل : بصراحة وايد تهذرين متى تتزوجين وتفكينا
تسندت وهي تقول : والله بتعرفون قيمتي اذا رحت عنكم بتصيحوون راح تشوفون
تطلعوا فيها كلهم وسكتوا وابوها حضنها بقوووة وهي تنهدت وابتسمت
ما كانت تقصد انها بتروح على الزواج تقصد انها بتمووت ..
ناصر خله يدينه على راسه ونزل راسه وسلمان نزل راسه ما يبي يراويهم دموعه الي تغرغت في عيونه
ومشعل راح غرفته
بعدت عن ابوها شوي وقامت بصرااخ وهي تتصنع الضحكة : شنو ذي انا شقلت يعني ما تبوني اعرس
رفعوا راسهم اثنينهم وهم متاكدين انها ما كانت تقصد جذي ..
جت امهم وشافت حالتهم : شفيكم
سلمان قام وقف ومشى بسرعة ما يبي يرد على امه لانه يدري انها بتنهار
سارة رفعت حاجب وسكتت
قال ناصر : ولا شي يمه ولا شي
قالت : ليش انا غبية يعني شوفوا اشكالكم شصااير
قام وقف : محشوومة يمه بس اسالي بنتج شنو السيرة الي دايم على لسانها
ام ناصر وجهت نظرها الى بنتها وعيونها ممتلية دموع وقالت : ليش تبين تعذبيني يا يمه لييش
ابتسمت وراحت حضنت امها : يمه انا مريضة تعرفون يعني شنو مريضة " تهجد صوتها بتبجي " يعني ايامي معدودة وهذا قضاء وقدر والي كاتبة ربي انا راضية فيه
ناصر زم شفايفها على بعض يمنع نزول دمعاته وركب فوق بسرعة وابو ناصر قاعد مكانه ودمعته نزلت على بنته


ضمت يدينها الى بعض وهي تناضر في السقف , الحمدالله لك ربي
رن تلفونها ومدت ايدها تاخذه .. ابتسمت : هلا نووفي
قالت بابتسامة : هلا حبيبتي
سارة : شخباارج ؟
نوف : بخيير الحمدالله .. وانتي ؟
سارة : الحمدالله مافي شي يديد الا راسي عن قريب بينفجر
ضحكت : بيتنا هههههههههههههه
سارة بعصبية : وهو في غير بيتكم مدري انتوو شلون تعرفون تنامون
نوف وهي تهديها لان نبرة صوتها تبين انها معصبة : ساارة اهدي مو زين لج
تاففت : انتوو شفيكم واحد يصيح والثانية تقول لا تعذبيني وانتي تقولين لي لا اعصب يعني ما تبوني حتى احس اوووف شهالعيشة
سكرت التلفون ورمته على سريرها بعصبية ودفنت راسها في المخدة تبجي .. , يا ربي والله اني راضية بكتبك بس والله ما اتحمل لا يعاملون اني ناقصة عنهم مريضة بالقلب بس عندي قلب يحس والله عندي .. لا يعاملوني جذي ما ابي احس اني حالة استثناائية يا ربي خذ رووحي ابي افتك منهم ابي اجي الك يا ربي خذني
قامت بسرعة ومسحت دموعها لما سمعت صوت الباب
دخلت الحمام وغسلت وجهها وراحت انسدحت على السرير وقالت وهي على السرير : ادخل
دخل راسه وقال : كنتي نايمة
قعدت وهي مبتسمة : وين انااام وذلين صوتهم على راسي بس كنت احاول انام
قعد سلمان جنبها على السرير : سارة ممكن اتكلم معاج في موضوع
قالت مبتسمة وهي عارفة : لااااااااااااااا
قال : اوكي اعطيني فرصة
قالت : لا ياخووي اجابتي هي لاا
قال بحزن : ساارة والي يسلمج
تنهدت : سلمان اذا تحبوني لا تفكرون في هالشي
قال : ساارة ما يصير تسوين جذي
قالت بصراخ : الا يصير ليش ما يصير يعني وبعدين اذا جت سكتة قلبية انا بموت ولا انتوو خلااص ما ابي اتكلم في هالموضوع ..
قال بنفس نبرة صراخها : هالعنااد انا بشيله انتي مو عايشة بس بروحج انتي عايشة لي ولامي وناصر وابوي ومشعل انتي ما تعرفين قيمتج عندنا .. " تغيرت نبرته الى الحزن ودموعه نزلت " ساارة احنا بنمووت اذا رحتي منا والله ما لنا عيشة بدونج
اخذت نفس وهي تقول : امسح دموعك يا خوي مافي شي يستاهل والله لا تتعب روحك انا مو موافقة شلون بتسوون يعني
قال : الا بتوافقيين
تقربت منه وهي تمسح على عيونه : لا تدمع عيوونك وانا قلت مو موافقة سلمان وين رجوولتك لا تصيح على أي سبب واذا انا رحت هذا حكمة من رب العالمين فهمت حبيبي والحين والي يسلمك خلاص انا قلت مو موافقة
حضنها وهو خايف يفقدها
دموعها نزلت وبللت بلوزة اخووها وهي تشاهق : انا بعد ما ابي ابتعد عنكم بس انا بروح لراحتي .. " رفعت راسها " صدقني سلمان انا اذا مت بروح عند ربي ومافي ارحم من رحمة رب العالمين يعني يرضيك اظل في هالدنيا واتعذب .. سلمان
كانت بتنهار وتقول الي هي حاسة فيه بس سكتت وقالت : خلااص سلمان خلني ابي ارتاح
باس راسها وطلع وهي رجعت الى سريرها ..



قال : شقالت ؟
تنهد وهو يقعد : وانت شنو تتوقع اختك تقول
وقف معصب : ما يصير تسوي في روحها جذي
قال وهو يوقف : وشنو تبينا نسووي ناصر انت تعرف انه سارة عنييدة ومستحيل تتنازل عن قرارها صدقني
قعد ومخلي يدينه على راسه : يعني نخليها تروح من بين ايدينا اختنا تروح واحنا بايدنا الحل بس مو قادرين نسوييه
سلمان : مالنا الا ابووي
ناصر : وانت تتوقع انه ابوي بيفيد وياها اختك راكبة راسها يعني مستحيييييل توااافق
سلمان : اوكي اهي ليييش خايفة احنا وياها واذا ما نجحت قال الدكتور ما بيكون عليها خطر
ناصر وهو يطالع فيه : يعني انت تتوقع انه سارة اذا ما نجحت العملية راح تتعدى المرحلة بسهوولة انت تدري انها ما وصلت لمرض القلب الا لما مات يدي .. اذا موت جدي سبب لها هالمرض شرايك في انها خلاص تنسى انها عايشة في هالدنيا .. " اشر عليه وبعدين اشر على نفسه " انت وانا عايشين وما عندنا هم حتى يدي لما مات صحنا شووي وتالمنا بس مو كثر ساارة سارة مثل ما تعرف ظلت ثلاث سنين وهي مو مصدقة انه جدي مات وجاها هالمرض .. والحين لما ما تنجح العملية خلااااااااص بتنسى انها موجودة في هالحياة صدقني سارة اختي ومحد يعرفها كثري
تنهد وقال : يعني نخليها ترووح مستحيييييييل !
قال ناصر : شووف احمد ربك على الاقل سارة مو أي صدمة تاثر فيها يعني قلبها قوووي يعني غيرها الله يبعد الشر ما يقدرون حتى يركضون او شي بسرعة يالمهم قلبهم .. سارة الحمدالله تقدر تسوي أي شي هي تبيه الا الصدمات القوية ما لازم تتعرض لهم لان قلبها بيكون ضعيف هالمواقف !


دخل بيتهم وشاف اخته تبجي في حضن امه
خاف وراح لها : نووفة شفيج ؟
تطلعت في اخوها وقامت راحت غرفتها وهي تبجي
تنهدت امه : على صديقتها
قال باستغراب : منو ؟
قالت : بنت جيرانا
هز راسه وراح ورا اخته
طق الباب ودخل : نووف
دفنت راسها في المخدة وهي تبجي
قرب منها وخل ايده على شعرها يمسح عليه : حبيبتي هذا قدرها ليش تسوين في رووحج جذي
رفعت راسها وهي تقووول : محمد ما اتحمل اني افقدها امووت والله انت تعرف شنو سارة تعني لي ساااارة كل شي بالنسبة لي ..
حضنها وقال : حبيبتي نصيبها في الدنيا جذي شنسووي والي يسلمج لا تعبي روحج اكثر
رفعت راسها ومسحت دموعها ودخلت الحمام

" نوووف .. البنووتة الحلووة ام عيوون زرقان .. بشرتها بيضة حيل مثل ساارة .. واحلى مافيها عيوونها الزرقان الي تاسر الكل .. صديقة سارة الرووح بالروح وكل اسرارهم مع بعض "
" محمد .. ريال ولا كل الرياييل الكل يحبه والكل يتمنى انه ياخذ بنته جمييل لدرجة فيه شبه من سلمااان والكل ساعات يفكرهم اخواان سبحان الله .. وعيوونه الشهلاوية تميزه عن الكل .. عمره " 23 " صديق سلمان الرووح بالرووح ودخل مثل مجال سلمان الا هو الهندسة وسافر مع سلمان المانيا ودرسووا مع بعض .. "
" ام محمد .. مرة طييبة وماكوو اطيب منها عاشت خمس سنيين بدون ريلها الي تووفى .. صبرت وتحملت ليما كبرت اولادها الي ماكوو مثلهم حنونة على الكل " ..

نزلت وشافت اخوها يطالع التلفزيون
قعدت وطقته على ريله بمزح : شفيك ؟
التفت لها وابتسم ورجع يطالع التلفزيون
هزت راسها بملل : شنو ذي .. وين امي ؟
مشعل : في غرفتهم بتروح بيت خالتي روحي وياها
حركت راسها تفكر وبعدين قالت : ارووح احسن عن الطفش ..
قامت وراحت غرفة امها وابووها
طقت الباب ودخلت : يمه ابي اروح معاج
ابتسمت ام ناصر : اوكي يالله روحي البسي
راحت لبست ونزلت وهي حاملة شيلتها
مسكها سلمان : شووي شوي على روحج زين ما طحتي
ضحكت : ههههههه مسوي فيها سوبر سلمااان بعد خلني ارووح
ضحك بقووة الكلمة كانت متناسقة : ههههههههههههههههه سوووبر سلمان انتي وويهج
قالت بغرور : احلى من ويهك .. بالله عليك انا مو جميلة
ابتسم وقال : يا حلووة انتي
مسكت خدوده : يايييييييييييييييييي على غمازااتك راااح امووووت
ضحك وقال : هههه الله يكملج بعقلج
التفت الى ناصر الي كان نازل وهو يقول هالجملة
تخصرت : ليييش انشاءالله انت ويااه شايفيني مينونة ولا مينونة
قالوا اثنينهم مع بعض : الثنتين
تباعدت عنهم : يا شينكم بس
سلمان مبتسم : تتحدين غمازاتي
ناصر : تتحدين رموشي
مشعل دخل معاهم خط : تتحدين عيوني العسلية
ابتسمت باستهزاء وحركت عليهم ثلاثتهم وهي تضحك : ههههههههههههاي " اشرت على سلمان " غمازاتك عندي اياهم " اشرت على خدها " شوووف .. وانت " اشرت على ناصر " رموشك عندي اياهم .. " صارت تسبل بعيونها " .. " اشرت على مشعل " عيوونك العسلية عندي اياهم وانا عيوني افتح منك يعني انا احلى من عيوونك فاهم
ضحكوا ثلاثتهم وهي ابتسمت ..
وجهت كلامها الى سلمان : وبعدين انا على الاقل من ابتسم تبين غمازاتي مو انت تشق البوووز من الضحك وبالزور تبين
ضحك : هههههههههههه مادري من الي من شوي يقولي ياي على غمازاتك .. " وجه كلامه الى ناصر " ولا شنو يا خوووي
ناصر : ههههههههه أي الظاهر فيها انفصام الشخصية
ابتسمت وبانوا غمازاتها : لا فيني مرض القلب
ناصر نزل راسه وسلمان دموعه في عيونه مشى وين ما كان بيرووح ومشعل قرب منها وعطاها كف وصرخ



اذا عجبكم الجزء وجفت تفاعلكم انشاءلله بكمل
أتمنى تعجبكم الرواية


>>>>> ردود الأعضـــــــــــــــــــاء على الموضوع <<<<<
==================================

يعطيكـ العافيه ع الرواية
وأشكر أناملكـ ع الطرح الجميل والأكثر من رائع
تسلم


مع تمنياتي لكـ بالتوفيق


__________________________________________________ __________
ربي يعطيك العافيه على ماقدمتيه لنا من ابداعات ...

اشكرك على طرحك الراقي والمميز ..

بانتظار ماتقدميه لنا من ابداعات ...

تقبلي مروري ...


كذآ من ربي حبيتكـ~

__________________________________________________ __________
يسلموو ايديك

تقبلي مروري

__________________________________________________ __________
تسلمي والله على الروايه تمنى المتابعه

__________________________________________________ __________
يسلموا هالانامل على هالطرح المميز
وانتظر بقية الاجزاء

تقبل مروررررررررررري وتقديرررررررررررري

شكرا ع البارات مممممممممرا روعه