[ آلبآرتتُ آلآولُ ]
آبَمشي و آبتعد و آرحَل مدآم إن بَ الهوى تجريح
ترآني بآيعه منهم – عَلَى النآقص – يسوموني
آبَنسَى مآضيٍ قآسي و , آكبه في مهبّ الريح
و آبَذبح قَلبي بَ يدي ولآ بَ حبي . . يذلّوني ’
أَنَآ مآني قليلَة شرّ و ترآني . . آفهَم التَّلميح
ولآ آرضى آعيش منذلّة ولآ , حتى يلوموني
آبَحيآ رآفعَه رآسي بَ وَقتٍ من يقوم يطيح
و بَ آلوي ذرآع قوم على الغلطه : يحدّوني
أَنَآ بنَيَّة و لي حقٍ بَ آقوله و آعلن التصريح
بَ قَبري عيشتي آكرَم . . ولآ نـآسٍ يهينوني
×
×
×
×
دانة كانت جآلسسه في غرفتهآ وحولها الكتب من كل مكآن وهي عاقده النونه:آوووف ياربي انا ليش ادرس ومتعبه نفسي اخرتي بقعد في البيت
ام سالم:يا بنيتي يا دآنه هذآ مستقبلك لآزم تكملين وتدرسين لآن العلم سلآح
دآنه وهي رآفعه ايدها:خلآص ماما لاتبدين الاسطوانه حقتكم وربي حفظتها .. انا ماقول غير ربي يصبرني على ما ابتلاني
آم سالم:الله يوفقك ويسعدك يا بنتي .. ختمت الام كلامها بهالجمله ولفت عشان تطلع وسكرت وراها الباب
×
×
×
×
ابوسلطان:لآزم نقول لهم يامريم هذي مو حاله آخرتها بيعرفون
ام سلطان برجآء : لا يا محمد تكفى مو الحين .. مو وقته ابد .. انا اقول ناجل الموضوع احسن
ابو سلطان بآصرآر وهو يرجع على الكرسي ويرتخي بجلسته كان الموضوع منتهي: العيال وانتي عارفه وش الوضع بالبيت مايحتاج اقولك .. يعني لازم يعرفون قبل لايتطور الوضع
ام سلطان بحكمه : محمد .. تكفى مو الحيين .. واذا انت مصر قول للعيال من غير ما تقول لها ابو سلطان :والله مدري وش اقولك يامريم .. مدري وش هالاصرار العجيب اللي عندك انها ما تعرف هي بالنهايه لازم تدري بالموضوع لازم نقول لها حالها حال باقي العيال
مريم وعينها بدت تدمع:يابوسلطان كان لي عندك خاطر .. اسمع كلامي هالمره بس
ابوسلطان بحنان وهو يقوم عندها:خلاص مريومتيولايهمك مافيه شي يستاهل دموعك خلاص اللي تبيه بيصير والبنت مارح يوصلها الموضوع .. لكن العيال ضروري يعرفون
مريم وهي تناظر فيه وتبتسم:جعل رآسك سالم يابوسلطان
×
×
×
×
لؤلؤة كانت ساجده لربها تبكي بقلب محروق وتدعي:حسبي الله ونعم الوكيل حسبي الله ونعم الوكيل -تشهق بالبكي-
فجآه الباب ينفتح بقوه وسوى ضجه بالبيت من قوة الصوت
عيسى: يآح.... كم مره آقولك ابي ارجع القى كل شي جآهز ليه الغدآء مو جآهز << هدي اعصابك يا خوي
صارت لؤلؤة تناظر فيه _ اتكلم عن عيسى _ بخوف وهو يقرب منهابخطوآت متسارعه صار يرفسها ويشدها من شعرها
لولوه بخوف والم :آي آآآي عيسى بلييز اتركني << اهئ اهئ
انت جآي بدري اليوم ماكنت عارفه انك بتجي بدري آآه
عيسى: ياحيوانه يابنت الـك.... وش تسوين صاحيه من الصباح هآ قولي وين تسربتي من الصبح يالـ ...
رمآهآ عالارض وتفل عليها وبعدها طلع من الغرفه والبيت كله << طلعة بلا رجعة
لولوه انفجرت بالبكي بعد ماطلع وهي تدعي وتتحسب عليه تحس روحها شوي وتطلع من هالوضع المآساوي اللي هي عايشته
×
×
×
×
آصوآت وازعاج ناس رايحه وناس جايه ريحة الدخون بكل مكان الشغالات بلبس موحد وكآنهم نحلات يشرفون على ترتيب ونظافة المكان
كل هذآ تحت سقف قصر بو عبدالعزيز (الجد)
صاله كبيره تزينها الثريات انارات صفراء اضائتها عاليه جالسين الكبار في جهه والصبايا لمتهم في جهه ثانيه من الصاله ..
لوجين وهي متسدحه من الضحك :هههههههههه عاد تخيلي طاحت قدام البنات فشيله محترمه ههههه
الجوري:آحسن تستاهل هذا اللي شايف عمره مصيره كذا ههههههه
رغد:ههههههههههههههههه وربي حمستوني اجي اشوف هالبنت شكلي بشبع ضحك من اشوف خشتها
شموخ:هههههههههههه وربي لو تشوفونها بيغمى علييكم ههههههههههه
فجآه عم الهدوء عند البنات وكل وحده تنآظر الثانيه
الهنوف: بنات شوفو من جآ
رغد: آوف يعني ضروري تجي تنكد علينا
ساره:هآآآآآآآآآآآآآآي
شموخ ناظرتها من فوق لتحت بعدين لفت عينها
الجوري بقرف: ووع
لوجين وقفت وطلعت من الصاله وقآمو معها شموخ والهنوف
رغد: آحم آحم هلا
فجر وكانت وراها اختها بيسان بصوت واطي وهي مستحيه:السلام عليكم
رغد والجوري: وعليكم السلام
عم الهدوء عالجهه اللي جالسين فيها البنات بعكس جهة الحريم
اللي زآدت فيها الآصوآت من السلام والترحيب
×
×
×
×
آم عبد العزيز: تو مانور البيت يام لولوه
ام لولوه بدون نفس : منور باهله
آم سلطان تمزح: شدعوآ يام عبدالعزيز وحنا كل نورنا وين رآح اذا توه ينور البيت ههههه
هيله وهي تمد صحن الحلا لام حمد:تفضلي يام حمد
آم حمد وهي تردها : تسلمين
ام فهد: الا يام حمد وينها لولوه بنتك من تزوجت اختفت ما صرنا نشوفها الا نادر وين لوين نشوفها
آم متعب بتاييد لكلام ام فهد: آيه والله ماصارت تجي لنا دآيم مع البنيات مثل آول
آم حمد بتبرير: آيه تدرون انشغلت مع زوجها والعيآل صارت ام ومسؤلياتها كثرت واهتماماتها كبرت
آم عبدالعزيز: ولو كان كذا يام حمد حنآ اهلها لازم تشوفنا ونشوفها ولهنآ عليها
آم حمد بخآطرهآ: آييه وآضح الشوق بعيونكم ما اقول الا مالت عليكم وحده وحده شغالين ورآ بنتي المسيكينه ماتدرون ببلاها
آم حمد: اكيد باقرب فرصه بتجيكم .. زوجها راعي سفريات وهي لازم ترافق معه
×
×
×
×
وعند الرجال في بيت الشعر كآنت الاوضآع مختلفه
آجوآء شتويه ريحة الحطب اللي يحترق منتشره في المكآن
شيآب وشبآب جآلسين يسولوفون في موآضيع مختلفه والنقاش كان شبه محتد حول آلتجآره والتجآر
بوفهد:انا من وجهة نظري يابو سلطان نصبر شوي علامك مستعجل
بو حمد: وانا شوري من شورك يابو فهد
بومتعب: انا شايف كلام بو سلطان هو الاضمن مثل ماتدرون هالصفقه مو اكيده
بو سلطان: كذآ اقل مافيها نضمن حقوقنا
سلطان بثقه : آحم .. والله انا شايف غير كلامكم كله .. الصفقه بالنسبه لآبو نآصر مضمونه من غير نقاش ليه نغامر ونعرض الشركه للخطر على شي مو مضمون بالنسبه لنا .. انا شايف نترك الموضوع كله وقدامنا صفقات كثير غيرها نشتغل عليها احسن
بو عبد العزيز: صح لسانك ياولدي .. عين العقل .. المفروض كلكم تكونون بنفس التفكير ...
نآيف بصوت وآطي : آووف هالشياب سوآلفهم ماتخلص
متعب : والمشكله حابسينا معاهم
تركي: والله انا برآسي اتحرش بالشياب
زياد: ايه والله تركان جبتها قوم نتحرش فيهم
تركي: تركان بعينك .. يمكن اصغر عيالك وانا مدري
زيآد : طيب طيب خلاص اكلتني بلسانك .. آوف ماتتحاكى انت
(هذآ هم زياد وتركي عيال عم ونفس الاخوآن على كثر مايتهاوشون الا انهم اقرب اثنين لبعض وهم الاثنين بنفس السن 20 سنه ثاني جامعه)
وسط الكلام اللي يمين ويسار قطع حوار الشباب صوت رنة الموبايل
سالم: آلو
لافي: آهلييين
سالم: هلآ والله
لافي: آخبآرك حبيبي
سالم وهو يطلع من بيت الشعر: ههههههههه الله يرجك .. الحمدلله بخير
لافي: ههههههههههههههههه آشوف الوضع عاجبك
سالم: ما قول الا الله يخلف على امـ(ن) جابتك هههههههه
سالم: آقول لافي خلك من الهياط وش نويت بتهج معنا ولا مالك نفس
لافي: والله للحين ماقررت ياسالم تدري ابوي وعمآمي مارح يخلوني افلت بسهوله الشركه بفتره صعبه حاليا
سالم: الله يكون بعونكم .. المهم توصي على شي يالحبيب
لافي : سلامتك
سالم: اذا قررت كلمني وعطني خبر
لافي: ان شاء الله .. الله معك
دخل لافي الجهاز بجيبه وقرر يضل برآ يغير جو طلع زقاره شغلها وبدا ينفث هواها السام لقى رجلينه تمشيه داخل حديقة القصر
جذبه منظر النآفوره مع الإضاءات اللي مسلطه عليها والتماثيل اللي حولها صاير المنظر خيالي ولقى نفسه يقرب منها بدون شعور ويجلس عندها
رجعت فيه الذاكره لورى شوي لكم شهر عدى
كآن يمشي بمكان يشبه هالمكان لكن الاختلافات بسيطه يوم كانو بالشاليهات واقف جنب مثل هالنافوره ويكلم بالجوال وكان بعيد شوي عن الازعاج ولكنه يسمع صراخ البنات والشباب وهم يلعبون ويستهبلون ....
فجآه دآهم انفه ريحة عطر نسائيه قويه وبعدها حس بشي ناعم كانه حرير يغطي على عيونه
وحس بانفاس دآفيه تقرب منه وتهمس...: عرفتني حبيبي
لافي من كثر الارتباك مارد ولا قدر يسوي شي بس جمد بمكانه من قوة الصدمه ظل مخدر تحت تاثير عطرها نعومة ايدها صوتها
...: ههههه وش فيك ماترد
- شالت ايدها عن عيونه ولفت قدآمه عشان تقابله وصار ظهرها لجهة النافوره
لافي ماصدق اللي قدامه من البشر ولا حوريه من الحوريات ثبت نظره عليها وماقدر يلف وماقدر يركز بشي ثاني غيرها حتى انه نسى اللي يكلمه عالجوال ولكنه صحى على صرختها
....: آآآآآه يمآإه .. طراخ تشش تشش < طبعا اكيد تتسائلون وش هذآ الله يسلمكم هذآ صوت الماي اللي بالنافوره بعد مارجعت على ورآ ولقت نفسها بوسطها
صرخت مرا ثانيه : آآه آهئ آهئ
طبعا كل هذآ صار قدام عيون لافي اللي ماقدر يسوي شي غير انه يضحك ويقرب منها عشان يساعدها تطلع : هههههههههههههههه ..
وبعد ماطلعها ماقدر يشوف غير الماي اللي ينزل منها وهي تركض بعييد
لافي:ههههههههههههههههههههههههه .. مرجوجه بس شي .. لازم اعرف من هي ههههه
طبعا لافي قدر يعرف من هي عن طريق آخته شهد اللي عمرها 5 سنوات يوم قالت له ان وحده من البنات طاحت بنافورة الشاليه وسال عنها وجاوبته بكل برآءه: هههه ماتعلفها هذي ....
قطع التفكير على لافي صوت نايف العالي وهو يناديه باسمه : لافي .. لاااافي
لف لافي على نايف وهو مبتسم ابتاسمه قويه : هلا نايف آمر
نايف وهو يقرب :لا بعد يتبسم .. مو صاحي ... صار لي ساعه اناديك
لافي يتنهد: السموحه بو النيف والله ما انتبهت لك
نايف: انت مو ذآبحك غير هالرومانسيه اللي عندك .. اجل مقآبل النافوره وسرحآن مسوي لي فيها روميو وتاركني اصارخ ههههههههآإي
لافي يمزح: آقول بو النيف خلك بعيد عن رومآنسيتي .. هذي من ممتلكاتي اللي ماحب احد يمسها
نايف: آخس يا ممتلكات اتعب انا ههههه .. آقول تعال تعشى ولا يكثر
لافي : هههههههههه الله يخلف
مشى نايف باتجاه بيت الشعر وصار يمشي ورآه لافي وهو مبتسم
(بـاتكلم لكم شوي عن نايف ولافي... نايف بن محمد يعني ولد ابو سلطان عمره 26 يشتغل في شركة العايله شخصيته قويه ويفرض رايه عالكل .. لكن بنفس الوقت طيوب وقلبه كبير الحب والرومانسيه مصطلحين الغاهم من قاموسه آمآإ بالنسبه لشكله وسيم وجذآب ابيض عريض وسكسوكته كثيفه وهيئته كانه شاعر ويشبه لافي كثثثثير حتى في طريقة السكسوكه .. لافي ولد ابو سيف و ولد عمة نايف عمره 25 يشتغل طيار شخصيته عكس نايف تماما انسان حالمي ورومانسي يحب يبني اعشاش كبيره من اعواد صغيره)
×
×
×
×
دودي: آلو
سلطان: هلا والله
دودي: كيفك سلطوني
سلطان : الحمدلله بخير يابعد كل سلطونك .. انتي كيفك حبيبتي دودي
دودي بصوت وآطي : من سمعت حسك صرت احسن شي بالدنيا هههه
سلطان: عساه دوم ان شاءالله .. كيف الدوآم معك
دودي: ماشي حاله بس مرآ تعب لانه فترتين
سلطان: انا قايل لك وش تبين بهالدوآم تعب عالفاضي انا مابقصر عليك حياتي
دودي:سلطان انت عارف من اول اني ما اشتغل عشان الراتب انا اشتغل عشان اضيع وقتي
سلطان : خلاص حبيبتي كادي برآحتك .. بس انا ما ابيك تتعبين .. مابي احس اني مقصر معك
كادي: لا تشيل ببالك اصلا .. -بخجل قالت-دآم انت معي انا مابي من هالدنيآإ شي يكفيني انت وبس
سلطآن دآخ من كلام كادي وتمنى لو انه كان جنبها: آحيييييييه بس .. لو انك جنبي الحين بس آآخ يالقهر مرآبط ما اقدراطلع
كآدي صار وجهها طماطه : ههههههههههه .. لا تنصب بس لو انك تبي تجي كان جيت
سلطآن: ههههههههههه .. هين يا كادي لا تخليني اصيدك
كآدي بدلع: اصلا انا اللي بجيك وبخليك تصيدني لانك مارح تقدر تسوي لي شي
سلطان: يلعن ام و ابو الدلع اللي كذآ يآشيخ .. انتي وش ناويه علي اليوم ههههههه
كآدي:ههههههههههههههههه .. ابي اطفشك
سلطآن: آفآإ .. آنآ اطفش منك .. مستحيل آنآ ...
تركي مستعجل : ملعونه قومي طلعيهم بسرعه .. قال ايش قال بتطفشني قال..
كآدي تستهبل : يلا عاد احترمني انا اختك الكبيره
تركي يرفع ايده بتهديد مع شوية جديه على ملامحه: آقول بسرعه قبل لا استهبل عليك بطريقتي
كآدي قآمت تطلع مفتاح السياره وعطته اياه بدون نفس : خذ
تركي: مالت على ذآ الخشه .. طلع وسكر ورآه الباب
رجعت كادي للجوآل وهي مبوزه بعد تهزيئ تركي لها وبصوت زعلان: آلو
سلطآن: صآدق فيك آخوك مآلت على ذآ الخشه .. اجل ساعه قاعد اتغزل فيك بالنهايه قاعده تكلمينه يلايلا روحي باي
كادي تطالع الجوال بعد ماسكر سلطان غرقت عيونها وشوي وتبكي: وش فيهم علي هذولي ..
سكر سلطان الجوآل والتفت على العسكري اللي قدآمه: آيوه يا خالد وش عندك
×
×
×
×
في بيت بو سالم
دانه:انت وش دخلك فيني هذآ مستقبلي ولا مستقبلك
سالم باقناع: اقول يابنت الحلال .. استهدي بالله وفكري زين هذا مستقبلك .. انا ماقلت كذآ الا لاني ابي مصلحتك
دآنه: أل آيه أل مصلحتي آل آقوول روح دور مصلحتك بعدين تعال حاكيني
سالم:شف شف قليلة الخاتمه انا اخوك الكبيير احترميني - آخذ آقرب شي عنده وكان كآس - لآ آفلقك بهذآ
دآنه بدلع: لآلآه ماهقيتها منك سلووم آنآ آختك حبيبتك تفلقني
سالم بستهزاء يتطنز عليها : آل آيه آل آل حبيبتك آل - وبجديه - آقول آهجدي وعن حركآت البزران هذا مستقبل مو لعبه
دآنه باصرار: ودآم هالمستقبل مآيمشي الا بالدراسه مابييه عفته خلالالاص ماتفهم آنآ مآبي مسستقبل
سآلم:آيه الحين ماتبينه بس بعدين بتتندميين - شد شعرها وهو يقول - قد ششعر راسك
دآنه بآلم : آآآآي يآلدب بععد عنيي يمآآآآآآه يمآآآآآه
سآلم بعد مآفك يده عنهآ وقرب وجهه من وجههآ : من الدب هآآ ؟
دآنه بخوف : هآ من قآل دب ويينه ذا اللي قآل جييبه آنآ آورييه شغله
سآلم بعد مآبعد عنهآ وآسترخى بجلسته وعلى وجهه آبتسآمه : آيه خلك كذآ آنتي كيذآ تمآم ... ومدرسه مآبتطلعين منها
دآنه غرقت عيونها بآلدموع وصآروخ ع غرفتها
دخلت آم سآلم وصآدفت دآنه بطريقها وجهت كلآمها لـ سآلم : وش مسوي بآختك المسيكينه مآغير كل مآشفتها غثيتها
سآلم: عشآن تتعدل وتصير مرأة .. آجل هذا حكي تقول تبي تطلع من المدرسه
آم سآلم: آيه مآعليه يآوليدي بس بشويش عليها مهمآ كآن بعد هي دلوعه هالبيت مآحد يرضى عليها
سآلم:آمحق دلوعه ... آقول بس روحي آلحقي على دلوعتك قبل لآيصير فيها شي
آم سآلم وهي تمشي بتروح تشوف دآنه : آلله يهديكم كل مآقلنآ تكبرون وتعقلون آستخفيتوآ زيآده
سآلم بصوت وآطي : محد مستخف في هالبيت غيرها وكلآ من دلعكم الزآيد لها مآلت علي وعلى حظي كآن انا البنت موهي
تسطح سآلم ع الكنبه وآستلم الريمونت وصار يتنقل بين محطه وثانيه
×
×
×
×
اما ساره فكانت وآقفه قدام المرايه وتحط اللمسات الاخيره للميك آب دق الباب دقات خفيفه
ساره:مين
بيسان: انا بيسان
ساره وهي تحط المآآآسكرآآ : آيييوآ آدخلي
بيسآن : بتطلعين ؟
سآره : آييه بطلع - لفت ع بيسآن - ليه تسألين ؟؟
بيسآن وهي تجلس ع السرير : آمممم ويين بتطلعين ؟
سآره : بروح اسوي شو بينق
بيسآن: آممم شو بينق - قآلت وهي تتبسم - طآآيب وش رآيك تآخذيني معآآك
سآره بدون آهتمآم وهي تظبط طرحتهآ :آذآ تبي تجين تعآلي
بيسآن بفرح : آييه بجي ثوآني ونآزله
سآره وهي تبخ نص علبه العطر عليها : آذآ تآخرتي ترآ بمشي وكيفك
بيسآن طآآآآرت لـ غرفتها عشان تلبس عبآيتهآ
وهي مآره من عند غرفه فجر آحتآرت تدق الباب وتقول لها تجي معهم ولا لا
في النهايه قررت آنهآ تكمل لبسها وتطلع بسرعه عشان ساره مآتعصب عليها
في السياره ...
سآره : لو آنك متآخره ثآنيه وحده زيآده كآن مشيت عنك كويس لحقتي ع حآلك
بيسآن مقهوره من آسلوب آختهآ لكنهآ مضطره : سوري
سآره تكلم فآروق: على مجمع الرآشد
×
×
×
×
آلضيق فيٍ صدرٍي كسرٍ حآجزٍ الصمتْ
فجـرٍ برآكينْ الكلآم وحكآنيٍ
آلبآرٍحة مليؤؤن مرٍه تألمت"
دآؤيت جرُح .. ؤبآنْ ليٍّ( جرح ثاني )
رد مع اقتباس
