عنوان الموضوع : روايه شله حسب الله/بقلم خلابه رائعة
مقدم من طرف منتديات الشامل

السلام عليكم ورحمه الله وبركاته

اليوم راح ابدا اكتب في دا المنتدى روايه اسمها

(( شله حسب الله ))

تتحدث القصه عن وقائع حدثت مع مراهقات في عمر الزهر وهن :

رنوو -رورو-توتا- ميمو- مرو-سوسو-نونا-بيونه-نونو- نوني -جولين (جوجو)- برو
وجميعهن يبلغن من العمر 17 عاما
ويدرسن في مدرسه واحده دائما ماتحدث معهن الكثير من المغامرات
والان سوف ابدا بكتابه مايحدث معهن:



رنوو بنوته طيبوبه مرجوجه تحب الرجه وخاصه لو كانت هيا وجولين مع بعض
والبنات ينادوهم ريه وسكينه بسبب افكارهم ومقالبهم في البنات
المهم رنو كانت تحب ولد اسمو اسامه بس تركوا بعض بسبب خلافات صارت بينهم ورنو اتعرفت عليه من النت بس ماكانت تكلمو الا بالمسن وبعد ماتركو بعض استمرت تفتكره
بس ماحبت ترسله اي رساله لانو خلاص انهو كل شي بينهم بس هيا كانت تنتظره يرسلها وماارسل ومع كدا ظلت معزته في قلبها غير عن الكل


واما ميمو فكانت غير عن الكل لمن يشوف الواحد شكلها يضحك غصبن عنه بسبب حركاتها
واكتر شي كانت تحبو انها تمشي في المدرسه هيا ورنو وجولين واحيانا تحب تمشي بعربجيه
وازا كانت جيعانه تجلس تقول اكل اكل كانها ماشافت اكل في حياتها
وكمان هيا زي رنوو كانت تحب واحد اسمه سيف كانت رنو تقلو خنجر وكان طول الوقت يعرض صوره في المسن ومرة حلق على الصفر وقال لرنو وميمو بالله مو مساري المطور
ومن بعدها رنو مسكتها على ميمو وماصارت تقلها االا مساري المطور وكمان هيا تركت سيف
لانو كان يستهبل عليها ومايهمو الا كلام الغزل فقالت ميمو اقول خليه يسري وربي لااصكو دليت ابو كلب ومن بعدها خلاص ماصارات تكلمو

واما توتا اكتر شي يميزها هو انها لمن تجلس معاها تحس انك تجلس مع وحده متفهمه لابعد الحدود ولمن تزعل الزعل مرة مايليق بيها وشكلها مرة بريئه
وكمان هيا كانت تحب ولد عمتها بس كان اصغر منها بسنتين وهيا كانت تكلمو كااخوها لكن ولد عمتها الا هو مهدي لمن كبر اتغير تفكيرو وصار يفكر فيها تفكير زواج وانو يبغاها واحيانا توصل لتهديد واهلها يدروا انها تكلمو بس كانو اخوها لكن هو الله يهديه كان تفكيرو غير عن تفكيرها
يمكن لانها كانت اقرب انسانه ليه من ايام الطفوله بس في النهايه ماصارت تكلمو لانها تعرف انو ماتقدر اصلا تزوجو وبعد مابطلت تكلمو حست بفراغ في حياتها وصارت لها قصص كتير راح نتعرف ليها لاحقا

اما جولين دي متميزة كانت رجه وبقوة واحيانا في المدرسه تروح للبنات الصغار وتتريق عليهم
هيا وميمو وتسوي مقالب كتير في البنات بس يمكن اكتر شي يميزها انو لو شافت احد زعلان فيها توقف معاه للاخير بس وتقول بس قولي مين الا زعلك وربي لااصفقو ماشاء الله عليها شكلها دخلت دورة في المصارعه الحرة ههههه وكمان جولين لها قصص كتير مرة راح نشوفها لاحقا


رورو كانت اقرب انسانه لرنوو كان الكل يحبها وشكلها زي الصغار لكن حركاتها من تحت لتحت الا يشوفها يقول مافي راس امها هرجه لكنها كانت سوسه من تحت لتحت
وكانت توقف مع رنو كتير وكمان تحب صحباتها مرة وتحب الخير لهم ودايما تنصحهم
ودايما البنات يقولوا انو فيها شبه من توتا وكانت تنادي توتا خيتو

واما بيونه كانت تحب الدشرة ولو احد قال خرجه تشوفها اول وحده تقول انا ابغى اخرج
كمان كانت طيوبه واكتر شي يميزها انها لو قامت في الحصه وجاوبت صح توقف وتمسك في البلوزة حقتها وتسوي كانها سوت انجاز ههههه

واما سوسه كانت مسويه زي جوج وسوفت هههههههه وطول الوقت تجلس تغني
ماعليك الا تختار الاغنيه وهيا تبدا تغنيلك الا تبغاه
وهيا كمان اتعرفت على واحد بس ماتركو بعض ماشاء الله اسمو مشاري بس البنات كانوا يقولوا مشمش ((حولوا الولد لفواكه ))
اتعرفت عليه من النت وطلع بالصدفه تعرف اهلو وهو قدها عمرو 17 سنه ويخطط انو يزوجها لمن يخلص الثنوي بس اهلو اكيد ماراح يوافقو فراح يخطبها بعد الجامعه ((ياعيني عليهم راح يستنوا خخخخ))

برو لمن تشوفها تقول البنت دي باين عليها بنت مؤدبه لكن هيا العكس وربي عليها لسان يطريك
لو اي احد قلها شي مايعجبها تقول ايش تبغي انتي يعني مسويا نفسها انها ماسمعت شي وماعليها من احد تقول الكلمه في وجه اي احد شخصيتها نايس وجريئه ماشاء الله عليها
بس سووووسه

نونا : تحس ان شخصيتها مضطربه وحساسه بالمرة وتبكي بسرعه هههه (ماشاء الله )
ولو زعلت ياويل الا يقرب منها وربي تقول راح تاكلك يعني احسلك تروح بعيد عنها
بس طيبوبه واحيانا بيونه تنقهر من شعرها لو مامشطتو وتقوم تمشطو لها وتقولها ايش دي العقد وربي كنافه هههههههه

نونو و نوني::
كانو مع بعض من زمان ومقربين من بعض كتير
والا يميزهم طولهم ماشاء الله عمالقه لمن توقف جنبها تحس انك قزم
وقلبهم كبير ومرة حبوبين وعلى نياتهم
بس كانو البنات لو جات نونو تجلس يقولولها درقن درقن عشن لمن تمشي تجلس تترقص ههه
بس نوني مشتها ماشاء الله لو شوفتها تقول واثقه من نفسها



مروو:
شخصيتها مرة نايس طيوبه حبوبه بس حساسه وتتأثر بالصداقه كتير واكتر شي يززعلها لو صارت مشكله مع صحباتها
بس كانت تحب تتريق كتير وكانت تقول لرنو ابن بطوطه ورنو تقلها رقيه عشن مرة سوت شكلها زي رقيه الا في طاش ماطاش ورنو مسكتها عليها
ومرة كان فيه مشهد رنو كانت الشغاله ومرو العجوزه وكانت مرو تنادي وتقلها يااتي ياااتي فكانت رنو تقول وربي الا يشتغل عندها يكره عمرو صوتها ازعااج وكمان كانت لمن تغني ترج الواحد الين مايقول امنت بربي هههههههه كمان مرة رنو كانت جالسه معاها فكانت كل ماتقول كلمه تقوم تغني مرو عليها الين رنو كرهت عمرها خخخخخ
وكمان صارت مع مروو مواقف كتير نشوفها لاحقا

.................................................. .................................................. ...........

اكملها لاحقا تعبت اليوم نوقف على الشخصيات

>>>>> ردود الأعضـــــــــــــــــــاء على الموضوع <<<<<
==================================


حـــــــــــــــــــــــركـــــــــــــات
ياعيني ياعيني ياخلابه فديت الي يكتب روايات
 << ماتلاحظو انو بينهم مصيبه
اقووول خلابه يلا بسرررعه كملي الروايه << اتحمست البنت
فديتك خلابه ياقلبي على الروايه الي باين عليها
من جد بمعنى الكلمه خــــــــــــــلابه<< وربي شكلهم عندهم مصيبه هع هع هع هع
لاتحرمينا من جديدك ياعيوني
تقبلي مروري ro0ro0

__________________________________________________ __________
ههههههههه ابشري ياقلبي
بس بعد الاختبارات ان شاء الله

بعدين تعالو هنا يااعضاء ترا مايصير الا يبغا يقرا لازم يرد
مو بس تقروا اووك امانه فاهمين<<<<<البنت عصبت هع

__________________________________________________ __________
سلمت يدايك اختي *خلابه *

بدايه رائعه ومشوقه حمستيني والله

الله يوفقك وينجحك بليز لاطولي علينا

يعطيك الف الف الف عافيه


__________________________________________________ __________
مشكووووره يالغلا .. ..

قصتك ناااايس .. ..

بس عاد ياليتك تكمليها لناااااا ..

ننتظرك وعساك ع القوه في إختبراتك ..

__________________________________________________ __________
يالله ياقمر انتي ياعسل ياسكر ياورده ياشوكلاته يافراوله يا....^^^خخخخخخخخخخخ مرره تحمست
تكفيين خلابه كمليها عاد نفسي اقراها بسرعه يالغلا^^مصلحجيه
شكرياااااااااااااا كتير

يسلموووووووووووووووووووو