عنوان الموضوع : رواية هل مازلت عذراء ؟
مقدم من طرف منتديات الشامل

(مرح الحارثي)

( شـــــــامخه رغم الالـــــم )

هاذي الروايه اول روايه لي حولت اول مكتبتها اني انزلها بمنتدى الشامل لاكن صارت معي مشكله في التسجيل فطريت اني انزلها بمنتدى ثاني لاكن لاغنى عن منتدى الشامل واعضاء
فاتمنى من كل قلبي ان تنال اعجابكم



(هل مزلت عذراء)

( هاذي اول روايه لي لن اسمح ولن اسامح ولن احلل من ينسبه لنفسه او يغير في احداثها )

لااعلم ان كان ماساكتب فيه الفائده قبل المتعه اذا كان فيه النصيحه قبل المصيبه ان كنتم تعلمون عن وجود
ماساكتب في الحقيقه ام انكم تعتقدون انه لا يوجد الا في الخيال ...في حياتنا الكثير من الحقائق التي لم تكشف؟!
لان قد يكون السبب صغر سننا او بسبب عدم الثقه بنا او لانهم يعتقدون ان الوقت لم يحن لكي
نعلم بها لكن للاسف اخطئو كثيرا....بتصرفهم هذا لقد دمروا من حولهم بسبب استخفافهم لنا ..
في روايتي الكثير من الحب الخفي ودمار والفساد وشذوذ وتحرش والسلوكيات الخاطئه التي يقوم بها بعض
من الفتيات والشباب التي حصلت في الواقع وليس في الخيال...
ولكن ليس هم السبب فقط بل لي ذويهم القدر الكبير من كل افعالهم وعدم ثقتهم بأبنائهم



( الفصل الاول)
في احد احياء الرياض ببنايه تتكون من4 ادوار تسكن به عوئل من كل الجنس ولون ومن كل مستوى في
كل دور 4 شقق لن اتكلم عن كل من في البنايه ..بل من لهم احداث قد تثير المتعه والشفقه عندكم
في الدور الاول عائلة الاب متعب الام عائشه (اماني 8 سنوات عبدالله 7 سنوات وساره 5 سنوات)
في الدور الثاني عائلة ام ابرهيم فاطمه الاب متوفي (خالد 30 سنه فوزيه 28 سنه نواف 26 سنه
مها 24 سنه سحر 23 سنه شوق 15سنه سعود14)
في الدور الثالث عائلتين الاول ابو عبد المجيد الاب سعيد الام مريم (عبد المجيد 25سنه فهد 20 سنه
اسما 16سنه ندى 15 سنه صلاح 14سنه)
والاثانيه عائلة ابو اسامه الاب سلمان والام سميره (منار 18سنه واريج 8 سنين واسامه 7 سنين)
في الدور الرابع عائله الاب احمد الام هدى (ليل12 سنه عبد العزيز 9 سنين خلود 7سنين
ملاك 5سنين) احمد يصير اخو مريم من الرضاعه
في العماره في ممر الدور الثالث يلعبون العيال كوره وفجاه عزوز بكل قوته يشوت الكوره على باب بيت
سعيد بيت عمته وينحاش وينحاش بعده الاولاد الي كانو يلعبون معه يطلع لهم صلاح وهو معصب وواصله معه
صلاح:الله يلعن اهلكم ياعيال الكلب انا اوريكم ماكأن في احد ساكن في العماره غيركم ولا عنده اختبارات ..
صلاح ياخذالكوره ويدخل بيتهم وعلى طول على المطبخ وبسكين يفقع الكره
ندى:حرام عليك هذي 3 كوره تفقعها عليهم من يوم بدأت الاختبارات
صلاح:تعرفين تاكلين تبن
ندى:تبن في فمك وراحت لغرفتها هي واسما
اسماتذاكرمن قلب تبي تنجح لانه ثاني علمي خايفه ترسب لان المدرسات مستحلفين لهم مع انه
الفصل الدراسي الاول
ندى:انتبهي لا تكلين الكتاب
اسوم :ابي اخلص ابي انزل عند شوق اغير جو شوي
ندى بينها وبين نفسها على بالها مدري انها لسى تحب نواف وتنزل علشان تسمع اخر اخباره شوق بنفسها قالتلي
وشوق مستحيل تكذب
(شوق صديقة ندى مع بعض من الابتدئيه الا الان مع بعض ونفس الفصل كمان طبعن هم بثانوي 1 ثانوي )
ندى:بس شوق عندها اختبار ولسى مافتحت الكتاب توني مكلمتها بعدين اخوانها في البيت وش ينزلك الحين
اسما وهي تضيع الموضوع:غريبه ليل مانزلت اليوم اكيد امها محجرتلها
ندى وتوها تفقد ليل:ايو والله اكيد امها محجرتلها كنت ابي العب معها (مع انه في فرق سن بينهم
كبير بس ندى كانت تحب تلعب مع ليل ينتهي لعبهم بهوشه وتنتيف شعرماكانت تنزل ليل بفستان جديد
الا وتنتفه ندى لها مع هذا كانت ليل تنزل تلعب معها)
شوق كانت قعده تلعب ورق مع سحر ويخططون وش بيسون في الاجازه بعد الاختبارات وين بيروحون بس لازم
المكان الي يبون يروحون له يكون فيه شباب يموتون على شي اسمه شباب
سحر:وش رايك نروح اسواق الجزيره وبعدين ننزل لتحت نلف كم لفه
شوق : انا ماعندي اي مانع بس ناخذ معانا اسماء وندى عشان نفلها وبعدين نستغفل امهاتنا ونروح العقاريه وش
رايك مدام بنخربها نخربها صح
سحر:وانتي الصادقه ... بس عبدالمجيد قال لندى انه بيودينا حي السفارات او الدرعيه بيمشينا عشان نشوي
اخاف يصير شي ويحلفون علينا مانطلع
شوق: لا لاتخافي سوينا اللي اكبر من كذا وماانكشفنا بتجي على ذي

انتهت الاختبارات وزي ماخططو سحر وشوق راحو لااسواق الجزيره ونزلوا تحت ونزلت معاهم ندى واسما
ومها(للمعلوميه هذيك الايام ماكان في جوالات كان في بيجر قديمه صح ) الشباب يرمون لهم الارقام عليهم ولي
يمرو اويحطون ارقامهم في شنط البنات اللي مميزه بكبرها والوانها الغريبه وهم كانو مستقصدين علشان لو
واعدوا احد يعرفهم من شنطهم وكانو يلقبونهم باهل الاعشق (اغنيه لي ديانا حداد)
شوق:بنات لا يفوتكم الي واقف هناك ابو الثوب السكري جنان ....كل البنات التفتو مكان ماتأشر شوق
سحر:وععععع سمين
شوق حرام عليك بلعكس جسمه رياضي وبعدين مناسب مع طوله يهبل ابي رقمه مالي دخل والله مطلع الا
ورقمه معي (شوق راحت وتميلحت عنده الين عطاها الرقم )
كانت شوق واسما وندى يلبسون ابوات لنص الساق ولها كعب عالي الكعب ينفتح من تحت
كانوا يجمعون الارقام فيها من جوى مايحطونها في الشنط علشان ماينسوها ويشوفها احد من
اهلهم ويروحون وطي.. طبعن لما يتجمعون كل وحده تطلع الارقام الي معها ويشوفون مين اكثر
ارقام ويبدون يدقون عليهم واحد واحدالمهم طلعوا من الجزيره مشي الين العقاريه وفرو فيه كم فره
على كم رقم ورجعوا لقو اهلهم واقفين على الباب ينتظرونهم
ام سحر :الله ياخذكم وينكم فيه لنا ساعه ننتظركم وين رحتو
سحر:وين يعني ...كنا تحت نتمشى ونتعشاء ونشتري كم غرض وبعدين لا تنسين ان لي اسبوعين محبوسه
بسبب الاختبارات (وراحت اخذت السله من يد امها وتكمل كلامها)مع اني مادرس اكيد بفلها اليوم اما البقيه
ماتكلمو بس قلوبهم لو تنطق نطقت من خوفهم بسبب سحر ولي سوته في العقاريه مع عبد من عبيد الشيوخ
ترن ترن ترن /ندى:اساعه كم (تسال اسوم)
اسوم:1 الليل من بيدق الحين
ندى:انا بفتح الباب في راسي حرش ابي اتهاوش مع اي احد حتى لو الحارس
(ندى راحت فتحت الباب ولقته ليل ومعه رز ولحم )
ندى وهي تضحك على ليل:وش عند امك جايه ذا الوقت....لا ومعك رز ولحم بعد بصراحه جاء في وقتها
امك ماتسوي رز والحم بليل الا اذا احد عندكم مين عندكم
ليل وهي رافعه حواجبها : طيب شيلي الي بيدي وبعدين حققي معاي وجع
ندى: هييي لا تنافخين بتدخلين ولا بتطلعين بيتكم
ليل:لابدخل لاني طفشانه ولاماتبوني ادخل
ندى: ادخلي اخاف ماادخلك تفضحيني بكره عند امي عاد امي تموت فيك مااانتي بنت اخوها
(دخلت ليل وجلست جنب اسماء عند التلفزيون وكانوا حاطين ع مسلسل ماريا سيدس وكان في لقطه
حميميه(يعني تقبيل ههههه)
ليل:عيب ياقليلات الادب
ندى واسما بصوت واحد:اقول لايكثر
ندى وهي معصبه من ليل :اقوووووول روحي بيتكم هذا الي ناقص بزران
ندى مسكت ليل بفستانها من ورا وسحبتها لين عند الباب فتحته وقالت :انقلعي بيتكم
ليل راحت بيتهم بعد ماطردتها ندى
ندى وهي تكلم اسوم:تدرين انها حافظه رقم بيجر تهاني (الي هو تركي)ورقم بدور(بدر)
(طبعاهم يغيرون اسم الشاب الا بنت قريب من اسمه او على نفس الوزن بس مايغيرون العائله
الشاب علشان محد يعرف عن وش يتكلمون احفظوا الالقاب لاني حتكلم بعدين بالقاب الشباب اوكيه)
اسوم :منهي ذي الي تتكلمين عنها
ندى:مين يعني ليل مين غيرها مره وحده دقيت قدامها وحفظته
اسوم وهي خايفه ومصدومه:الله لا يوفقك تخيلي فضحتكي انتي وشوق والله لينحروكم لو يدرون
ندى:لا لا تخافي ....تدرين وش قالت
اسوم :وش قالت
ندى:تقول سمعوني وش تقولون ولا بعلم عليكم قامت سحر ومسكتها مع اذنها وقالت لها لا تهددين
مابقي غير بزران ..بس بخليك تسمعين وش نقول مو خوف منك بس علشان تتثقفين
انا وشوق متنا من الضحك اي ثقافه الي بتثقفينها ليل امها متخليه تطلع من البيت معنا قامت سحر
تقول والله هذي البنت بتطلع داهيه وبتقولون قالته سحر

البنات كل اسبوع يتجمعون في بيت سعيد او بيت ام سحر
اليوم يوم الجمعه في بيت سعيد كل البنات الي في العماره يتجمعون سحر وسمر ومها وشوق ليلى منار
هذي الجمعه مو مثل اي جمعه كل بنت تجيب رقم واحد حلو ويدقون عليه واول وحده عطتهم الرقم
كانت ليلى
سحر:هي ليلى والله لو يطلع شين ولا صوته مو حلو شفتي فنجان القهوه ذا الي معي بكبه فوقك
ليلى:لا لا والله حلو لا تخافين من ناحية حلو فهو حلو وسيارته كامري بس صوته مدري
سحر :هدوء تروني دقيت عليه
شوق :سحر خليني استهبل عليه تكفين
سحر :ورى ماتكلين تبن .... وفجاءه دق التلفون
سحر وبكل دلع وجرئه ردت:مرحبــــــــا
المتصل :مرحبتين في احد دق على بيجري قبل شوي
سحر:سوري شكلهم غلطو في الرقم (سحر تاشر للبنات بيدها اوكيه ان صوته حلو)
ليلي :شفتي انا ليلى ياماما مو حي الله
سحر :ع العموم سوري
المتصل سمع اصوات البنات وضحكهم عرف انهم لعابات فقال في نفسه خلينا نتسلى فقال
لسحر :لا عادي بس ممكن نتعرف
سحر :اخاف ناخذ من وقتك ونشغلك
المتصل :لا لا تخافين وقتي لكم افضيه ولا يهمك
سحر قاعدة تكلم المتصل المجهول الهويه والبنات يسولفون عن مغامراتهم بعد ماخلصت سحر
المكالمه حتعطيهم الموجز عن المجهول
سحر :اسمه احمد عمره 25 سنه سيارته شبح ساكن بحي المروج ههههههههههههههههه
البنات مستغربين من ضحك سحر
شوق :سلامات وش يضحكي
سحر:كلهم نفس الكلام عمرهم 25 سيارتهم شبح مرسدس وساكنين في المروج الواحه
الورود السلمانيه النخيل وتلقينهم ساكنين في المنفوحه ولا في الغاله
البنات ماستحملوا وماتو ضحك على كلام سحر
ليلى: حرام عليك والله حلوه
سحر وكانها تذكرات شي :ليلى مو انتي قلتي سيارته كامري
ليلى :ايوه قلت
سحر :شفتو من اولها كذب هو يقول سيارته شبح "سحر وهي تاشر بيدها على نفسها وتتكلم "
قلتلكم كذابين اسالوني عنهم انا عندي خبره فيهم
ندى وهي تطلع رقم من جيب البنطلون حقها وتعطيه سحر
طيب دقي هذا الرقم
سحر وهي تتريق :جيبي ها وش سيارته لكزز ههههههههه
ندى: مدري ماشفتها بالله دقي
سحر:هاتي اشوف ودقت الرقم.... وستنو وماحد دق دقو على رقم كان مع شوق وستهبلوا
على الرجال وطلعو ريحته لانه قالهم انه ساكن في النسيم قالو اكيد بدوي منتي
جاء وقت العشاء وقعدو ياكلون الرز والدجاج الي سوته ام عبد المجيد وفجاءه دق التلفون
ومريم موجوده معهم نظرات الجميع توجهت لي سحر علشان تنقذهم وترد سحر فهمتها وردت




هذا البارت الأول ... أتمنى تعجبكم
و حطيته علشان أشوف ردودكم فقط

شكرا

>>>>> ردود الأعضـــــــــــــــــــاء على الموضوع <<<<<
==================================

يسلموووووووو
روعة
بدايه موفقه
وعساك على القوه
وتقبلي مروري

__________________________________________________ __________
::
الله يعطيك العافيه
موفقه بإذن الله
زهرة من تقديراتركها هنا
::

__________________________________________________ __________
( الفصل الثاني)

سحر :مرحبا
المتصل :مرحبتين في احد دق على البيجر قبل نص ساعه
سحر تذكرت الرقم الي عطتها ندى وقامت تصرف الموضوع سحر:
هلا فوزيه اشلونك وش اخبارك ياويلك من امي لانك ماجيتي عندنا الاربعاء
المتصل وهو مستغرب: سلامات عسى ماشر
سحر:احنا في بيت خالتي ام عبد المجيد وهي قاعده معانا
المتصل وهو يضحك:ههههههه الحين فهمت
ام عبد المجيد مريم:سحر سلميلي على فوزيه وقوليلها اشتقنالها
سحر :فوزيه
المتصل وهوميت ضحك على سحر :ههههههههههههههه لبيه
سحر:خالتي تسلم عليك اقول فوزيه مقدر اكلمك الحين اذا نزلت البيت كلمتك اوكيه
المتصل وهو لسى يضحك:انشــــــالله انا في انتطارك وياويلك لو ماتدقين يايـــــاسحر ولا
اجل انا فوزيه ها اصير فوزيات علشانك يالله في امان الله
سحر:الله معك وقفلت الخط والبنات لا شعوري ماتو ضحك معاد مريم الي ماهي فاهمه شي ومستغربه
بسبب ضحكهم بعد ماخلصو العشاء وعند المغاسل حق الحمام
ندى وهي لسى تضحك :اما انتي ياسحر مصيبه
سحر وش تبين اقول بعدين مو اول مره تصير ويدق رجال على بيتكم واحنا فيه صح ولا لا بعدين
اهلك شاكين فينا
ندى:لا لا تخافين اصلن انا افصل التلفون الي في المجلس علشان لا نتورط
بعد ماخلصو عشاء كل وحده راحت بيتها بعد مادقو على اغلب الارقام الي كانت معهم
في اليوم التالي في الصباح الساعه 7 دق التلفون بغرفة اسوم وندى ردت ندى
ندى:مرحبا
المتصل:مرحبتين مين معي
ندى وهي تسكر ازارير مريولها حق المدرسه ومستغربه الصوت :انت المتصل ولا
المتصل :انا خالدال.... بس مين معي
ندى:وخير انشالله وذا قلتلي اسمك وش تتوقع مني اقولك اسمي
خالد: انتي مين ..... انتي سحر
ندى وعيونها حتطلع من مكانها من الصدمه لو الي رد واحد من اهلها وش ممكن
يصير بسحر /ندى تكلم خالد وهي معصبه منه لانه قال اسم سحر: انت مجنوووون
اشلون ... اششلون تقول اسم سحر تخيل لو الي رد واحد من اهلي تعرف وش ممكن يصير
فينا يالفالح
خالد:انا اسف مو قصدي
ندو ظلت ساكته لانها كانت حدها معصبه وتحوال تضبط نفسها لان كل الي في البيت صاحي
الي يبي يروح الدوام والي يلبس يبي يروح المدرسه وكانت كل شوي تلتفت للباب تشوف
في احد عند الباب ولا لا...... وبعد سكوت لفترته 10 دقايق
خالد نطق ويالتيه مانطق:اذا ماتبيني ادق واقول اسم سحر عرفيني على نفسك وش رايك
ندى وهي مصدومه من طلبه وخايفه انه يسويه ويدق ويقول اسم سحر واهلي اكيد بيمنعونا
نتقابل وندى ماتتخيل نفسها بدون شوق/ندىوبدون نفس: معاك حنان
خالد: هلا والله بحنان
ندو:هلا فيك....اسمع انا ماقدر اكلمك الحين لاني بروح المدرسه
خالد : في اي سنه تدرسين
ندو:خــــــالد بطل اسأله
خالد :طيب متى تقدرين تكلميني يعني في اي وقت بضبط
ندو: ممممممم انا بدق عليك اوك
خالد: ابي كلمه مو بدق عليك بعدين تسحبين علي
ندو: لا والله بدق بس انتبه تدق فاهم
خالد: فاهم
ندو: اوك مع السلامه
خالد: مع السلامه
بعد شهر من المكالمات بين (خالد وندو)و(سحر واحمد)و(وخالد وسحر )خالد يلعب ع الثنتين ندو وسحر
سحر ماقالت لندو انها رجعت ودقت ع خالد من بيتهم وخالد حس من كلام ندو
انها ماتعرف انه يكلم سحر وطلب انها ماتقول لاحد انها تكلمه عشان يقدر يحبك خطته
سحر مكملت مع احمد اسبوع وملت منه وسحبت عليه وشبكت مع واحد ثاني
(ندى قالت لخالد ان اسمه حنان)
خالد.:حنون
ندو :هلا
خالد:ممكن طلب
ندو:شو
خالد:ههههههههه حلوه شو من وين جايبتها
ندو:هههههههه من صديقاتي الي بالمدرسه
خالد:مممممم المهم ممكن اطلب ولا لا
ندو: اطلب
خالد:طيب قولي تم
ندو:لا اخاف اتورط قول اول
خالد:بصراحه ابي ... اشوفك
ندى وكأن احد كب عليها مويه بارده:وش قلت اكيد تستهبل
خالد:لا والله ماستهبل ندو والله اني ابي اشوفك
ندو: لا يعني لا
خالد مستغرب من ردت فعلها:ليش لا انا ماقلت اركبي معي السياره ولا قلت تعالي بحضني
شهقت ندو:انت مجنون محلاي وانا بحضنك ولا معك بالسياره بعد
خالد:يوم سعدي يوم تقعدين بحضني
ندو بعتب:خـــــــالد
خالد:عيون خالد والله اني صادق ماقلت اركبي معي قلت ابي اشوفك بس من بعيد
ندى تفكر بينها وبين نفسها ليش لا هم اكيد بيطلعون الخميس الجزيره بس وش تقول للبنات
خالد:حنون انتي معي
ندو: هاه
خالد وهو حده معصب من ندو:وش ذي هاه ماابيها قولي نعم قولي لبيه امر مو هاه
ندو حست ان خالد زعل:خالد
خالد وبدون نفس:نعم
ندو: بحاول بس مو اكيد
خالد وهو مو مصدق انها اقتنعت:والله
ندو:قلت بحاول مو اكيد
خالد :طيب متى
ندو:اممممممم ممكن الخميس لاني بروح العقاريه
خالد:حلو يعني اقدر اشوفك
ندو:انشالله
خالد وهو يستهبل على ندو:كم باقي على الخميس موكأنه بعيد
ندو:اوفففففف خالد بلا استهبال اليو الاثنين
خالد:ادري قالولك ثور
ندو:لا ع العموم مضطره اقفل مع السلامه
خالد:مع السلامه
جاء يوم الخميس اليوم الموعود وراحت ندو وشوق وسحر للعقاريه اما مها واسما
ظلوا في اسواق الجزيره
سحر وهي مو عجبها اصرار ندى:ندو وش عندك في العقاريه
طبعن هم كانو رايحين للعقاريه مشي
ندو:لا لا مافي شي بس نفسي اشوف ذوليك العبيد حق ولد الشيوخ الي تهاوشتي معهم
سحر:الله ياخذك مانسيتي انا نسيت تخيلي يعرفونك
ندو:لا ماتوقع يعرفونا مغيرين الشنط والعبايات
(كانت نازاله موضة العبايات الكلوش ام كم فرنسي ونهاية الكم ملونه)
شوق:واذا عرفونا وش بنسوي
سحر:مدري لكل حادث حديث
ندو:اقول لا يكثر وصلنا
دخلوا العقاريه ويدورون فيه بعدين راحت سحر الحمامات وانتهزت الفرصه ندى وسحبت معها
شوق علشان تشوف خالد
شوق:هيييي وش عندك سحبتيني وراك مثل البقره
ندو:هااا لا ولا شي بس كاني شفت واحد حليو
شوق وهي متحمسه:والله وينه ياويلك يطلع شين
ندو وهي تتلفت تدور على خالد بين الموجودين في الكفي لانها اتفقت معه انه يلبس لبس معين علشان تعرفه
(خالد كان لابس بنطلون جنز وبلوزه موف غامقه من جوه وجكيت جلد اسود عليه)
بس للاسف الي لفت نظر ندو هو الي جالس مع خالد
شوق:وينه الي تقولين عليه بسرعه علشان نرجع لسحر
ندو وهي مفهيه على الى مع خالد وتنهدت تنهيده من قلب:شفتي الي لابس الجكيت الجلد الاسود
شوق:ايوه شفته
ندو:الي معه وش رايك فيه
شوق وهي تتفحص الي مع خالد بعيونها وشوي وتطلع من مكانها:يلعن ديكه روعه وش روعه الا خقاق
(كان من جد روعه ووسيم ووجه طويل وملامحه هاديه الخشم كان طويل ونحيف كانه منحوت نحت
وعيونه الوزيه اما شفايفه شي ثاني صغيره ولونها وردي كانها شفايف مولود ومسوي سكسوكه بدون
الشنب) وكان يضحك من قلب على شي كان يقوله خالد
شوق :لو كان بنت كان خاويته هههههههههه
ندو وهي تضحك على شوق:منك والجد
شوق:تخيلي اخاوي بنت هذا الي ناقص
ورجعت ندو وشوق علشان سحر لاتلعن خيرهم ...بس لقوا سحر تتهاوش مع واحد وباين عليه من عيال العز
وطلع ولد الشيوخ الي تهاوشت سحر مع عبيده المره الي فاتت
الرجال وهو معصب من سحر واسلوبها معه وصاك على اسنانه :اقول وطي صوتك لاقص لك لسانك
سحر:ورى ماتاكل تبن وتنقلع من وجهي بعدين انت مو ولي علي انا حره تعرف وش يعني حره يعني
ماني عبده من عبيد ابوك وانقلع من وجهي اخيرلك
الرجال وهو مصدوم من كلام سحر:انتي عارفه انا من ولده
سحر: اكيد عارفه
الرجال وهو يرفع راسه بكبر: يالله ولد مين انا
سحر:ولد ادم الي مخلوق من تراب ومرده للتراب يالتراب
الرجال وهو مومستوعب اشلون وحده مثل هاذي ترد عليه بهذي الطريقه انا ولدآل......
تكلمني هاذي الحشره كذا
الرجال وهو يحاول يمسك نفسه ومايرتكب جريمه في سحر:ماكأني عطيتك وجه لاتخليني اخلي العبيد الي مع يربونك


وهذا البارت الثانيه ... أتمنى تعجبكم




__________________________________________________ __________
مشكوره ويعطيج الف عافيه ياعسل

__________________________________________________ __________
(الفصل الثالث)
سحرتتريق عليه راحت تخبت ورى شوق وندى :يمه لا تكفى اخاف انفضح وبعدين يوصل الخبر لاهلي
ويذبحوني
بعدين رجعت ووقفت قدامه تمام(ن):اقول تراك مصختها عطني علبة الدخان وتوكل
شوق وندى موفاهمين ولا مستوعبين شي من الي قاعد يصير وبعدين وش سالفه علبة الدخان
(الرجال طلع البكيت من جيبه ورماه في الارض و داس عليها برجله وفرمه فرم وهو يطالع بعيون سحر
يبي يشوف ردة فعلها)
سحر بينها وبين نفسها الله يلعن اصلك يابن الكلب كنت ابي اخوف البنات بدخان
الرجال وهو يتريق :انا اخاف على بنات بلدي ومارضى عليهم اموت ولا اشوف وحده يشكه دبوس
فما بالك تدخن لان الي تدخن في نظري للبنت الي معانده اهللللل وشدد على كلمت اهل كان يقصد
ينغز بهالكلمه كان يستنا سحر ترد على كلامه
سحر وبكل جرئه لصقت في الرجال وتكلمت بصوت واطي:يرحم امك كله علبت دخان 5 ريال اجيب بداله
كرتون لو ابي بس كنت ابي اخوف الي معي يعني نرفزت نفسك ع الفاضي قالوا الحريم ناقصين عقول ودين صح
الرجال: صح وماكذبوا لما قالوا كذا
سحر :بس انتو يالرجال الي ناقصين عقول ودين ورجوله كمان تحشرون نفسكم فلي مايخصكم
ومشت ولحقوها ندو وشوق وكل وحده نفسه تعرف وش القصه
اما الرجال كان يفور من كلام سحر وقال في نفسه والله ماكون طلال ولد فهد اذا ماوريتك يابنت ال.....
استغفر الله استغفر الله خلتني اطلع عن طوري هالبنت
البنات وهم راجعين الجزيره
شوق:سحر وش السالفه وش يبي منك الرجال
سحر: هذا الي تهاوشت مع عبيده المره الي فاتت
ندو وشوق بصوت واحد:نعم
شوق وهي تتلفت خايفه يكون لحقهم : تخيلي قتلك ولا ركبكي السياره حقه واغتصبك
سحر وهي رافعه حواجبها متعجبه من كلام شوق وفيها ضحكه:شوووووووق الدنيا فوضه يقتلني او يغتصبني
سحر وشوق كملوا الطريق وهم يتهاوشون على الي صار اما ندو مو معهم في عالم ثاني مع خوي خالد الحليوه
رجعو البيت ندو تحكي لااسوم عن الي صار في العقاريه
اسوم:ربي ستر انه ماصارلكم شي
ندو تسرح شعرها عند المرايه:على قولتك .... وفجاءه دق التلفون وندو كان قلبها حاس انه خلود(خالد)
ندو نطت من مكانها وردت :مرحبا
خالد وبدون نفس وواصله حده:وش ذي الحركه الي سوتيها فيني اليوم
ندو وهي مستغربه : اي حركه
خالد واصله معه:لا تستهبلييييين
ندو وهي من جد مومتذكره:والله مدري عن وش تتكلم واي حركه
خالد:تواعدين وتسحبين علي
ندو وهي توها تفتكر:هههههههههههه علشان كذا معصب بس من قال اني سحبت عليك
خالد وهو مستغرب :وش قصدك من قال
ندو وهي تلعب بخصله من شعرها:جيت وشفتك كمان
خالد وعيونه شوي وتطلع من مكانها: كذابه قولي والله
ندو: والله اني رحت العقاريه وشفتك والدليل انه كان معك واحد لابس ثوب وكاشخ
خالد:ايوالله صدق يعني شفتيني وانا ماشفتك وش استفدت انا
ندو : yas شفتك
خالد وهو حده معصب من برود ندو: تستهبلين انتي انا الي ابي اشوفك تقومين حضرتك
تشوفيني وتنحاشين وين اصرفها ذي
ندو ببرود مو طبيعي:اصرفها في الرجحي المهم اني وفيت بوعدي لك
خالد وبين في صوته انه زعلان : حنان
ندو:هلا
خالد:مع السلامه (كان متوقع ان حنان الي هي ندو تسأله اذا كان زعل ولا لا)
ندو: اوكيه مع السلامه
خالد وهو مو مستوعب الي سمعه سمع طوط طوط يعني قفلت الخط في وجهه
خالد وهو يكلم نفسه قفلت الخط بوجهي والله لوريك وردها لك ياحنون
( خالد كان يحسب ندوقصدي حنون تحبه اوعلى الاقل معجبه فيه مادرى ان الي كان معه اخذ عقلها)
يوم السبت في المدرسه كانو البنات متجمعات في الساحه وقت الفسحه شوق وندو وسمر وحنان وجميله نسرين ومها
حنان كانت تحكي للبنات عن حبيب القلب مشاري (حنان صديقة البنات من ايام المتوسطه بنت عائله مرتاحه مره
ابوها ظابط معروف وامها مديرة مدرسه ابتدائيه (الابتدائيه والثانويه في مبنى واحد قاسمينه بنص للمعلوميه)
حنان تحب واحد يشتغل جرسون مطعم في اليومرشيه كان عماني من اصول بكستانيه)
حنان: اموت عليه
ندو:والله منتى بصاحيه بكستاني ليه خلصو السعوديين في البلاد رحتي حبيتيلك اجنبي يابنت ال.....
حنان وبزعل:حرام عليكم لو تشوفونه يجنن والله لويمر ربوع وماشوفه اموت انا مادخل المطعم الا ومعي
ورده له احبه تعرفون وش يعني احبه
شوق :حنااااااااان
حنان : هلا شوق
شوق وبتريقه:حنان احنا موقادرين نتزوج سعوديين قالو تزوجو بكستانيين انتي صاحيه والله لو
يدري عنك ابوك ليذبحك انتي وياه
حنان: عمى يعميكم كلكم....محد يقلكم شي هذ وانا ناويه اقلكم خبر بس انتم ماتحمسون احد يقلكم شي وقامت
البنات ينادون حنان وحاولوا يراضونها
ندو:تعالي خلاص ماعاد بنتكلم فيه بس تعالي
سمر وبنفاذ صبر: وش كنتي بتقولين لااصكك بعلبة العصيرذي(كانت تاشر على علبة عصير ربيع الي معها)
حنان: بصراحه بصراحه كنت ابي اقولكم ان اخوات مشاري حيجون في الطلعه
(قالت جملتها بسرعه وهي خايفه من ردت فعلهم)
(البنات مو مصدقينها ) جميله :منك والجد ولا تمزحين
ندو:وش عندهم جايين المدرسه وبعدين مين حيجيبهم
حنان:جايين علشان يسلمون علي لانهم مايعرفوني ولااقدر اشوفهم ولي حيجيبهم اكيد هوعلشان اشوفه
مها:طيب اشلون حتعرفين انهم اخوات مشاري
حنان:هوقالي ان وحده منهم نسخه منه وهو مشالله عليه فلقت قمر
نسرين تحاول ترفع ضغط حنان: حنون القرد في عين امه غزال فمابالك في عين حبيبته يطلع قمره هههههه
حنان ماعطتها وجه وتكتفت
صفرت وطلعو البنات لفصولهم سمر وشوق وندو وهم في الفصل
سمر:مدري عندي احساس ان حنان حتجيب العيد قريبآ
شوق:والله انه نفس احساسي هي بنفسها قالت ان ابوها مايرحم احد اجل لو يدري عنها وش بيسوي فيها
ندو:والله اني حاولت فيه وحنا نطلع الدرج ماعطتني وجه قال ايه قال كل البنات تحب وتكلم حتى انتم تكلمون
وتواعدون ولا انا غلطانه قلتلها ايه احنا نكلم ونواعد بس ولا واحد من الي نواعدهم شاف وحده منا واتحدى
ابن امه يقول شاف وحده منا ومع هذا ماعطتني وجه والله لو ماحبها واعزها
ماكلمتها وحاولت فيها مهما ماكان تظل صديقتي
شوق :بسلامتها حتى انا حاولت الي نقوله لمصلحتها
شوق:سممممممممر وين وصلتي
سمر وهي تضحك:هههههههههه تصدقون اني متحمسه اشوف خششهم بصراحه
في الطلعه حنان تستنى اخوات مشاري عند البوابه الداخليه للمدرسه فجاءه دخلوا ثنتين للمدرسه ومبين عليهم مو
من الطالبات كانوا يتلفتون كانهم يدورون على احد
شوق وهي تنادي حنان: حنون هذول هم
حنون: طيب خليهم يفتحون وجيهم علشان اعرف اذا هم ولا لا
مها : طيب روحي اساليهم على اساس انك حاسه انهم محتاجين مساعده وعرفيهم عن نفسك
حنون : لا استحي
جميله هي وسمرخطرت لهم فكره :حنان تبين تعرفين اذا هم خواته ولا لا
حنان :ياليت
جميله وشكلها ناويه على نيه:اكيد
حنان خافت من جميله لاتجيب العيد:وش بتسوين
جميله: مالك الا الي يسرك لاني بصراحه ابي اشوف وجيهن
اخوات مشاري كانو واقفين عند المقصف ولسى متغطين وفي ايدينهم اكياس
جميله:شوفي وش بسوي اذا اخوته بيفهمون واذا لا فهم مو خواته
جميله وبصوت عالي:حنااااااااااااااااااااااان اخوك له ساعه ينادي مشاري البلوشي مشاري البلوشي صرع امنا باسمه
حنان وعيونها شوي بتطلع من مكانها بسبب حركة جميله وشوي وخوات مشاري واقفين عند البنات ويسألوهم
اخوات مشاري وفيهم ضحكه: من فيكم حنان
حنان وهي تعدل شعرها ودخل خصله ورا اذنها: اناحنان .. انتو اخوات حنان وهي لسى ماكملت كلمتها
اخت مشاري:ايوه احنا اخوات مشاري
حنان والبسمه شاقه حلقها راحت سلمت عليهم
جميله:ماودكم تكشفون منخنقتوا
حنان وهي منحرجه من حركة جميله:جميله بلا ستهبل
اخوات مشاري كشفو وجيههم وهم يضحكون على حركة جميله لما نادت حنان على اساس انه اخت مشاري
وعد اخت مشاري:انا وعد وهذي رهف بصراحه لو مانديتي حنان كان راح اليوم واحنا ندور عليها
ندو ومها ونسرين وشوق عيونهم على وعد الي كانت جميله جمال طول وجسمها المخصر ووجهه كان طويل
مع انه ماكان مليان بس كان حلو عيونها كانت واسعه ولونها عسلي وشفايفها كانت ورديه ودك تاكلها
رهف كانت تشبهها بس طول وجهها ولون عيونها لا
وعد: حنون هذي الهدايا من مشاري لك
سمر: حركات طيب واحنا تري لولانا ماعرفتي انها حنان
وعد:الهديه لازم تكون من مشاري مو مني ولا
سمر: اكيد قوليله تقولك سمرتبي هديه ولا معد بخليه يشوف حنونته
وعد:لو اقوله كذا بكره والهديه عندك علشان ماينحرم من حنونته تريه ذبحنا فيها
حنان وهي حدها مستانسه انا مشاري يفكر فيه ومزعج اهله فيه
وعد:لازم اطلع لان مشاري يستنى بره وعن جد تشرفت بمعرفتكم واتمنى اشوفكم مره
ثانيه يالله مع السلامه وطلعت
حنان وهي لابسه العبايه:يالله بنت مع السلامه
البنات كلهم: وين رايحه نبي نشوف الهدايا
حنان: بكره بقولكم وش جاب
شوق:يلعن ابو دارك لنا ساعه ننتظر علشان نشوف وش في الاكياس ذي كلها وانتي تبين
تروحين تشوفين الثور حقك
حنان زعلت من كلام شوق وطلعت تبي تلحق تشوف مشاري

وهذا البارت الثالثه ... أتمنى تعجبكم





مشكوورة حبووبه ،,,
يعطيك العافيه ~ تقبلي مروري بكل ود~
ودي~