عنوان الموضوع : (القـــدر) روايه ورومنسيه
مقدم من طرف منتديات الشامل

القــدر




اعزائي القراء هذي أول روايه أكتبها ... وأتمنى أني قد وفقت لو بشئ بسيط في كتابتها
وأرجو أن تنال على إعجابكم ..
الكاتبه : roooz
.
.
.
بسم الله الرحمن الرحيم
الجزء الأول:
صباح يوم الخميس الوالد كعادته طالع لشغله وهو من اصحاب الشركات ..والوالده طلبت من الطباخ يجهز الفطور لهم . وهي راحت لفوق عشان تقعد العيال ..
بدأت بفيصل وهو الكبير ويشتغل مع ابوه في الشركه وفي الاجازه الصيفيه عرسه
الأم:فيصل يمه يلا قوم بسك نوم .
مافيه فايده ..فيصل قووم ...قعدت تطق الباب بأقوى ماعندها على الباب فصوول يلا قووم !..وكأنها تكلم جدار !!..الام عصبت وجافي بالها تقعد ريم وفهد وبعدين ترجع له ...راحت لغرفه فهد..وفهد هذا يدرس ثالث جامعه راعي حركات مع البنات ومغازل ..
الام: فهد حبيبي يلا قووم
فهد فتح الباب وكان لابس ثوبه وشماغه ومتجهز : هلا يمه ..أنا جالس
الام : عفيه عليك ..بس ليه لابس وين بتروح؟!
فهد: هااه !بروح اطلع برى اشم هوى .
الام: خلاص يمه ..طيب روح الحين افطر الفطور جاهز
فهد: ان شاء اللله ..إلا أقول يمه فصول أخوي ماصحى؟!
الام: لااا وين يصحى لي ساعه وانا اطق عليه الباب ولا صحى
فهد : خلاص خليه علي أنا اعرف له هههه
الام: خلاص ..وأنا اروح أصحي الريم ..عشان تفطر معك .
فهد راح لغرفة فصول وقام يطق عليه طق مو صاحي
فهد:فصوول ..يلا قووم ترى شهد هنا في البيت جات تسلم عليك ..يلا قوووم
فيصل قم مومصدق وعلى طول نقز على الباب وفتحه وعيونه حمر !!
فيصل:وينها وليه جايه؟!صار شي ؟
فهد كان ماسك الضحكه لاتطلع بس ماقدر يوم شاف شكله ...تفرقع فمه من الضحك :ههههههههههههههههههههههههههههها
فيصل عرف انه مقلب من مقالب فهيد ..عصب ودخل الغرفه وقفل عليه
فهد ميت من الضحك وهو ينزل لأمه
الام : فهود ...خير وشفيك تضحك؟!
فهد : من ولدك هههها ..وترى صحيته لك
الام: مشكور يا يمه
فهد: يلا انا ماشي الحين
الام: تو الناس ما فطرت ؟!
فهد:لامالي خلق افطر ...ولااقول على شان خاطرك يلا .
طر وراح طلع وركب سيارته الأوودي الأسود ...وراح للمجمع وكانت الساعه 10 طبعا طلعت المجمعات هذي شي ضروري عنده ...يقعد يغازل في البنات ويسحب فيهم ...والبنات يخقون عليه جمال وخشم مدقق ملامح جذابه .
أول مادخل الراشد ..قعد يتمشى وراح اخذ له كفي وجلس ماغير يطالع في البنات الي يمرون .
الفتت نظره وحده كانت تكلم جوال ..عليها جسم موصاحي وكانت متنقبه .
فهد: انا ويني عنها ؟!..أوووف ياهو جسم وبياض ولالا العيووون تذبح .
هي خلصت مكالمتها ودخلت الجوال في شنطتها ..إلا تطيح عينها في عينه هي يوم شافته حست قلبها يعورها
فهد قعد يعطيها نظرات وحركات ..طبعا بهذي الحركات بعدوا عنه يطيح الطير من السما ..يعطي دروس فيها .
البنت :يا ربي يجنن ويغازل !لا رحت فيها .
فهد عرف وين بتروح .. قام من مكانه وصار يمشي قدامها
البنت يوم شافته قام ...قام قلبها يدق .
وصار يخفف من سرعته عشان يصير قدامها على طول ويلتفت عليها بنص وجهه ويعطيها ذيك النظرات
البنت خلاص ذااابت !!
وكان قدام فيه عامود ...فهد بعد عنه والبنت بعدت عنه ...وفهد صار قريب منها حييل ...راح مسك يدها وسندها على العامود ولصق ظهره بصدرها ...البنت خافت ماتدري صرخ ولاتضرب؟!
فهد: ياحلوه ...لاتخافين ماني مسوي معاك شي ...وكان ماسك على ايدها
البنت خلاص بتموت الرجال لاصق فيها
فهد يكلمها :تصدقين عيونك وجسمك وحلاتك جابوني لك !
هي خلاص وججها صار احمر ...وساكته
فهد : اموووت في الي يستحون ...يعذبوني ..
ياحلوه معك فهد.
هي تمت ساكته موقادره تتكلم وفي نفسها :بعد ويقولي اسمه وانا وشلي فيه؟
فهد: مافيه عاشت الاسامي يافهد؟افاااا!
هي حست انه فشله ردت عليه : عاشت الاسامي
فهد:عاشت أيامك
الايجي ذاك الرجال البنت انتبهت له ..أما فهد كان يطالعها فما انتبه له
البنت صرخت : فهد!!
إلا ذاك الي امسكه من يده واسحبه له بقوه ..فهد عرفه ...هذا ناصر معاه في الجامعه صار بينه وبين ناصر هواش وعاد جا الحين يبي ينتقم منه .
يجي ناصر ويعطي فهد ذاك البكس ..فهد من شدة الضربه صار يرجع على ورى وعلى طول تلطم بشماغه ورفع ثوبه ..ويرد له ذاك البكس في بطنه ..ناصر عصب ووصل حده وطلع ذاك السكين ...فهد ماانتبه للسكين عطاه بكس ثاني خلاه يطيح عليه ويجي ناصر ويطعن السكين في ظهره ..فهد حس بألم شديد مره !!
راح تفل في وجهه ..وعطاه ذيك الضربه الي خلت خشمه ينزف ..ورفسه برجوله ..فهد طبعا اقوى منه هو من النوع الي يهتم بعضلاته وجسمه ..المهم طيحه على الارض ماقوى يقوم ..الا ويجون ربعه ويشيلونه
البنت هنا كانت تصيح وهي تشوف الدم ينزف من فهد ..وكان تعبان قامت تلوم روحها لأنها ماساعدته اقل شي نادت احد يفزعله بس كان المجمع شبه فاضي
البنت على طول راحت لفهد وهي تصيح ..فهد انتبه لها انها تصيح راح ضحك وقال لها : خفتي علي ؟!
البنت ماردت عليه شتقوله ؟
راح فك اللطمه وغطا فيه اجرحه عشان مااحد يدري بالي صار له
فهد وهو تعبان : لوسمحتي اسمك؟
البنت : ساره
فهد : السوري انا تعبان وودي اقعد
ساره ماتدري شتسوي وهي تصيح الا تشوف مخزن مفتوح وعليه مفتاحه وقالت له :فهد شرايك تقعد في ذا المخزن ؟!وانا بروح اشتري مطهر وشاش وقطن من الصيدليه وبرجع لك
فهد وهو تعبان: الي تشوفينه
ودخلته المخزن وقفلت عليه ..بحيث ماحد يدخل عليه وراحت بسرعه للصيدليه
فهد كان جرحه ينزف موعارف يحرك كتفه وتسند على كرتون وقعد ينتظرها الا سمع صوت مفاتيح ..وهو خاف ان احد جا من العمال ..ولاكان يقدر يتحرك الا يشوف السوري داخله ...هو فرح انها رجعت على شانه
طالعها بنظراته وقالها : يعطيك العافيه السوري ماقصرتي
ساره : ولو ماسوينا شي ...وهي من داخلها متوهقه كيف بتطهر له جرحه !!
ساره :يلا علشان اطهر لك جرحك
فهد فهم عليها ..وحس انها متوهقه ومستحيه منه قال في نفسه بجننها
فهد وهو يطالعها ويضحك : يعني افصخ ؟ ما تستحين مني ؟!
ساره صار وجهها طماطه هي بدون شي رايحه فيها يجي ويزيدها؟
ساره وهي معصبه : فهد ماله داعي هالحركات ..ولا اقول انا بطلع وبخليك
فهد: لالالا ...بعدين من راح يهتم فيني ؟..اهون عليك تتركيني انزف بجرحي
ساره : اشوفك واثق من نفسك ..وماعطته وجه وقامت تطلع المناديل والشاش والقطن والمطهر
فهد قام يضحك عليها حس انه وهقها عدل !
فصخ عقاله بيده اليمين لان يده اليسار مايقدر يحركها وفصخ شماغه وطاقيته وحطهم على الارض وفتح الطقطق وبدا يفتح ازارير ثوبه
ساره كانت تطالعه وهي مستحيه ...مو متخيله نفسها تعالجه ..وانتبهت لشعره كان كثير وناعم مره
فهد: ساره ...السوري ...السوري!!
ساره : هااه ...نعم!!
فهد :الي ماخذ عقلك يتهنى فيه ..
ساره نزلت راسها من الحيا ..خافت انه عرف انها كانت تطالعه
فهد: اقول لاهنتي فتحي لي ازارير الثوب حاولت بيدي ماقدرت
ساره : طيب ...يلا بسرعه لايزيد النزيف.
ورفعت ثوبه وفصخته ...تفاجأت ان الفانيله كان نصها دم كان شكله يخوف والدم مطبع جسمه ..وراحت رفعت فانيلته لما بان جزء من بطنه ماكانت تبي تفصخه اياها بس شتسوي ! طالعت صدره وهي ميته من الحيا كان صدره مشدود ومقسم وعضلاته كانت بارزه
راح عطاها ظهره ..هي شافت الجرح خافت هي تخاف لما تشوف الدم وشلون وهوكثير كذا؟وصارت تمسح الدم من جسمه بالمناديل والمويه وكانت تصيح
وطهرت الجرح وبدا النزيف يخف وحطت القطن على الجرح وبدأت تلف الشاش من كتفه اليسار وتغطي صدره اليمين
فهد حبها .. دخلت قلبه ..كان يحس بالراحه لقربت منه ..كان يحس بالدفا للمست جسمه ..بس كان يسأل نفسه هي تحبني ولا لا لو انها ماتحبني ماكان خافت علي واهتمت فيني ..كان على الاقل تركتي
ساره : فهد خلصت ..الشاش مريح ولا مشدود؟!
فهد: لاتمام ..بس الجهه اليمنى احسه مرتفع شوي لونزلتيه اكثر يكون احسن
ساره توهقت ..كانت وهي تنزل الشاش تتجنب انها تلمس صدره بس ماقدرت ..كل مالمسته نزلت راسها ..كان شكلها مره يضحك ..وكان فهد يبتسم ..مقدر شعورها وحالها
خلصت ووقفت مقابلته وهو كان جالس متربع
فهد :السوري ...يعطيك العافيه تعبتك معي
ساره : ولو تستاهل اكثر ..وماسوينا الا الواجب وهي مستحيه
فهد : السوري ودي اشوف وجهك ...فهد خاف انها ماترضى
ساره تمت واقفه فتره ..ورفعت ايدها ..قررت انها تفتح وجهها له
فهد فرح عرف انها بتفتح وجهها ..فصخت النقاب وكشفت عن وجهها
فهد يوم شاف وجهها نسا الدنيا ومافيها كانت جميله حيل عيون وساع وفم صغيير وبياض باختصار كانت ملاك بالنسبه له
فهد: اشهد انك قمر ..الا ملاك !
ساره منزله راسها :تسلم
فهد: تعزيني ؟!..ان كان لي معزه وتعزيني ...اجلسي جنبي
ساره : بس.....!!!
فهد : السوري انا مااجبرك على شي ماتبينه ...انا بس قلت ان كانك تعزيني اجلسي جنبي ..
فهد يحاول يعرف كانها تحبه ولا لا
ساره قربت منه وجلست جنبه وكانت مستحيه حيل كيف تجلس جنبه وهو كاشف صدره ..كانت في مسافه بينه وبينها
راح رفع يده ونزل الغطوه من على شعرها ...على طول طاح شعرها على وجهها من نعوته كان طويل واسود مثل الخيوط او الخصل ..راحت التفت عليه وطالعته وهو كان يطالعها بنظراته الي تذبح
فهد: السوري ....بقولك سر
ساره طالعته وهي مستغربه
فهد : عاد قربي اكثر عشان ماحد يسمعه
ساره : ؟؟؟؟؟؟علامات استفهام كثيره على وجهها
قربت منه مسافه نص صبع راح دخل يده ورى ظهرها ومسكها من كتفها
ولصقها على صدره وقرب فمه من اذنها بعد مارفع شعرها عنها وهمس لها : أنا أحــــبــــك
ساره ماصدقت جاتها صدمه وبعدت عنه شوي
فهد راح مسكها من رقبتها ولصق جبهته بجبهتهاا وقال لها
فهد: شفيك؟! مانتي مصدقتي ؟ أنا أحـبـك
وطبع لها في فمها بوسه خلتها في عالم ثاني ولمها على صدره وقعد يلعب في شعرها وخدودها .. ساره مو حاسه بروحها نست نفسها ..
وهو كان يلمس ظهرها يقرب شوي شوي من صدرها لما لمسه ساره هنا انزعجت من تصرفه
فهد جاه ابليس وقرر انه يسوي معاها ماصار يقدر يتحمل اكثر وكل شي موجود قعد يفكر ويطالعها ..كسرت خاطره المسكينه شذنبها وايش بصير بحالها بعدين ..وهذا جزاها بعد الي سوته معاه ..تعوذ من ابليس ورفع راسها وطالعها وهي تطالعه بعيون دافيه
فهد: حبيبتي بسالك سؤال صغير
ساره : اسأل
فهد: انتي تحبيني ؟

ساره نزلت راسها وقعدت تفكر تعترف له او لا

>>>>> ردود الأعضـــــــــــــــــــاء على الموضوع <<<<<
==================================

&&& ٌroooz &&&




يعطيك ألـف عافيه على الرواية



باين عليها نـآآآيـس انتظرر الباقي .

__________________________________________________ __________
الجزء الثاني
فهد / مااسمع ؟
ساره قامت من جنبه ووقفت وعطته وراها ...فهد حاول يقوم وشد على يده المته حيل بس تحمل كان يبي يسمعها ..وقف وراها على طوول
هي التفتت عليه وهي مغمضه ماتدري انه قدامها
وقامت تقول وهي مستحيه ومغمضه عيونها : احـــــبـــــ.....
مابعد تكملها هو على طول باسها
هي ارتاعت وفتحت عيونها مستغربه ..كان جالس كيف قام ولاحست فيه ؟!
فهد الظاهر انه ظغط على يده بقوه صارت تألمه ومسك كتفه وكان يأن
ساره خافت عليه شافت ظهره ...وجابت القطن والشاش وزادت عليه ..وقعدت تهمز ظهره بحيث ما يكون الالم متركز في جهه وحده
فهد حس ان الالم خف راح طلب منها انها تجيب بوكه من الثوب وفتحه وطلع منه فلوس وعطاها اياها وقال لها : حبيبتي ماعليك امر لو تروحين تشترين لي بدله عشان اطلع فيها ماينفع اقعد كذا
ساره: OK!..من العين هذي قبل هذي ..وترى ذوقي يجنن ..انتظرني وراجعه لك بحاول الي ماأتأخر ...وطلعت وسككرت الباب
فهد تسند على الكرتون ورفع راسه فوق وقعد يفكر كيف خطرت بباله انه يسوي معها ويلوم نفسه ..لو غيرها كان تركته بجروحه ينزف وكان الله اعلم بحاله ...ومسك شنطتها واخذ منها ورقه وقلم وسجل فيها رقمه وكتب اسمه فوق الرقم ودخلها بحيث انها تكون بارزه وتشوفها ..السوري دخلت المحل وشرت له جينز لونه رهيب ..وكانت محتاره تاخذ له تيشيرت او قميص فكرت فيها واختارت قميص على اساس مايضغط على جرحه ؟..احتار بالمقاس قعدت تلوم نفسها ليه مااسئلته قبل ماتطلع ..خذت له مقاس تشوف انه قريب ان شاء الله
وقبل ما تطلع شرت له كاب رهيب .
اول مااطلعت من المحل فكرت تاخذ على طريقها اسكريم من باسكن ..واخذت العلبه الكبيره
وصارت تسرع خافت انها تأخرت عليه
فتحت الباب وشاته منبطح ..هي خافت ظنت صار له شي على طول قربت منه وطت يدها على صدره تبي تتأكد انه حي ويتنفس .. احمدت ربها كان نايم .. هي قعدت تتأمل فيه ..ملامحه.. جسمه.. عضلاته..فهد حس فيها بس كان يبي يرتاح ولا قام ..شكله وهو نايم مثل الطفل الصغير .
قربت منه كثير وباسته ...فهد استغرب!! وابتسم لها ..هي خافت انه جالس وشذاا الاحراااااااج ..راح مسك يدها ولمها ونام على جنبه اليمين ..هي خلته نايم ربع ساعه
بعدها قعدت فوق راسه وصارت تلعب بشعره وتناديه بصوت هادي ..فهد ...فهد ...يلا قووم
هو انتبه لصوتها وجلس وتسند على الكرتون وطالعها : هلا السوري من جيتي؟
ساره : يعني من فتره بس خليتك نايم
فهد : السوري حلمت حلمت حلم رهيب ماتبين تعرفينه؟
ساره : بلا
فهد: انك بستيني .....يتعمد يحرجها هههههههه
ساره صار وجهها احمر شذا الاحرااااااج فشله
ساره : اقول خلنا من احلامك ..تحول تصرفها ...شوف هذا الجينز عجبني مره وهذا القميص اما هذا الكاب تخيلته عليك وشريته ...شرايك فيهم ؟!
فهد : كلهم ذوق ياذوق
ساره: لااااااااااااا
فهد خير وشفيك ؟!
ساره الايسكريم صار عصير لاااا
فهد: طيب وخير؟
ساره: لاكيف حتاكله؟
فهد : بسيطه اشربه
ساره : اجل بسرعه لايحتر اكثر
فهد: يلا شربيني اياه...وهو يطالعها بنظراته ويبتسم
ساره فتحت العلبه وقامت تشربه اياه
فهد: لحظه..شاف الايسكريم وصل نص العلبه راح اخذها وقام يشربها وتعمد انه يشربها من نفس المكان الي شرب منه
فهد: عليك بالعافيه
ساره : تسلم
فهد اخذ الجينز وبيلبسه ساره فهمت : خلاص انا بطلع واذا خلصت قلي
فهد يجننها ..لا ..لا ..لاتطلعين جلسين هنا .. وهو يضحك هههه
ساره عصبت وطلعت وتسندت على الباب وزي الي شاده نفسها : ايييييييييي ...احبك ...احبك...احبك
تمت شوي الا تسمع صوته وهو يأن خافت لايكون النزيف زاد على طوول دخلت وشافته ملصق راسه بالجدار وماسك كتفه من الالم
ساره: فهد شفيك؟!
فهد: لابس الم بسيط وانا البس القميص حاولت ادخل يدي اليسار فيه بس رجع الالم ...راحت مسكت القميص ولبسته اياه ..وسكرت ازاريره .
ورجعت على ورى عشان تشوف شكله بالبدله ..طلع خيااال والي فرحها اكثر ان الجينز مقاسه والقميص مو الكبير ولا الصغير تمام عليه
ساره: فهودي انتظرني دقيقه ودي اصورك بجوالي ...جابت جوالها N95
وصورته يمكن عشر صور كل صوره احلى من الثانيه
ساره : تذكرت وين الكاب؟ انا بلبسك اياه
لبسته اياه ...عاد الحين بعدوا عنه طالع خطييير ..يخققق جد
ساره: ياويلك ان شفك تطالع في البنات ..والله لأزعل ..طالعه وهي تقولها مثل مثل البنت الضغيره الدلوعه تجننن
فهد: اهاااااااا...تغارين علي من البنات ؟
ساره وهي حاطه يدينها على خصرها ..ايه اغار ..طالع شكلها كأنها من الصغار اذا عصبو ا
راح قرصها على خدها بخفيف وقالها : احبك
ساره نزلت يدينها مستحيه..
فهد : السوري كم الساعه الحين؟
ساره: لااا الحين الساعه وحده ونص وامي والسواق بيجون ياخذوني الساعه ثنتين شسوي بيشوفوني ماشريت شي
فهد: هدي ..هدي ..يلا نطلع الحين نروح نتسوق يمدينا
ساره: يلا ..وصارت تشيل ثيابه المطبعه دم وسفطتهم وحطتهم في كيسه الملابس الجديده
وعلى طول طلعوا من المخزن
وصاروا يدخلون محل ورا محل وكانت تشاوره في كل شي قبل ماتشتريه ..فهد فهد شاف فستان ناعم لونه احمر قصير وخيوط ...الفستان رهيب واول ماشافه تخيله عليها سأل راعي المحل عن سعره دفع له وشراه ..السوري طبعا ماحست فيه لأنها كانت داخل المحل واول مااطلعت راح مسكها من يدها ووراها الفستان الي شراه كان في مثله معروض ..ساره استجنت عليه : كيف ماشفته؟! يلا خلنا ندخل ابي اشتريه مره حلو نعوم وحلو
فهد: لا لا يمكن نشوف احلى منه يلا مابقى شي .. وهو من داخل طاير من الفرحه عجبها الفستان الي اختاره
جات الساعه 2 وكل شي تمام
فهد: هااه خلصنا وجات الساعه 2 اكيد امك والسواق جو
ساره ماردت عليه كانت منزله راسها تحت ..كان قلبها يتقطع ..فهد حس انه فيها شي ..ارفعت راسها وطالعته تفاجا انها تصيح ..كانت تصيح لأن هذي اخر لحظات معاه ما تبي تتركه .فهد عوره قلبه ..راح مسكها من كتفها : حبيبتي خلالاص لاتصيحين .
ساره : انا احبك يافهد قالتها ودموعه على خدها ..فهد تأثر كثير منها وقالها : اوعدك ..وهذا وعد مني اني اشوفك مره ثانيه ..مسح دموعها : يلا لازم تطلعين اكيد سواقكم جا ..وقبل ما تتركيني احب اعطيك هذي الهديه
خذتها وهي تصيح وطاحت دمعه منها على يد فهد
هو كان وده تجلس معاه ..بس اهلها بشوفونها تأخرت
راحت تمشب وصارت كل مالها تبعد عنه وتبعد عنه ..كان يحس انها اخذت قلبه معاها طلعته من بين ضلوعه واخذته وياها
كانت تحاول تمسح دموعها من عيونها بحيث امها ماتحس فيها : خلت الوضع كأنه عادي
اول مادخلت السياره :السلام عليكم ماما ..بسرعه نبي نوصل البيت عشان اوريك الي شريت ...يلا
امها: فرحت يوم شافت بنتها فرحانه ماكانت تدري ان قلبها من داخل مجروح
السوري التفتت على النافذه الي جنبها الا تشوف فهد وهو يركب سيارته الاوودي ومشى ..هي خافت عليه من السواقه وكتفه مجرووح صارت تدعي انه يوصل بالسلامه ..اول ماوصلت السوري البيت اخذت امها واختها الي اصغر منها بسنه وكان اخوها خالد عمره سنتين يمشي وراهم وصارت تفتح كيسه ورى كيسه لما وصلت للكيسه الي عطاها فهد افتحتها الا تشوف الفستان الي كانت تبي تشتريه هي شافته على طول طلعته من الكيسه وكانت فرحانه كثير ولكمته وقالت لهم: ايش رايكم فيه ؟ يجنن صح! اههاااااااه وطاحت على الكنب وهي تضحك .
وصل فهد لفلتهم وكانت نفسيته تعبانه لدرجه انه مر من الصاله وكان قاعد فيها اخوه فيصل ولاسلم عليه وكان شكله تعبان
فيصل استغرب من فهد مو من عادته يدخل ولايسلم اويقعد معاه حس انه فيه شي !! خلاه يرقى ولما يرتاح شوي يروح يعرف وش فيه ...فيصل وفهد عادتهم من هم صغر كل واحد يفضفض للثاني .
فهد دخل غرفته وشغل المكيف وط كيسة الثياب على الكنب الي جنب السرير وانبطح على السرير ومض عيونه ماكان جايه نوم طول ماهو قاعد يفكر في السوري ويتذكر ملامحها
قرر انه بعد العشا يروح لمستوصف ليعالج جرحه بعد ماكانت السوري تعالجه
فهد انتبه انه فيه احد يدق الباب رد عليه: نعم ..
فيصل: انا فيصل ادخل؟.
فهد: تفضل
فيصل دخل الغرفه وبيجلس جنب فهد على الكنب الي فيه الكيسه ..
فيصل : اشوف فهيد ايش شريت اليوم ؟ ومسك الكيسه وبيفتحها
فهد صارخ: فيصل حدك جب الكيسه بسرعه!!!
فيصل يقوم من الكنب ويروح جنب التلفزيون ..فهد يبي يلحقه بس ماقدر ضغط على كتفه وصار يألمه مسك كتفه وحاول انه مايبين انه مجروح
فيصل فتح الكيسه وطلع ثياب فهد الي متطبعين دم ..فيصل خاف قام يطالع فيهم التفت على فهد وهو مستغرب ماشاف الا فهد ماسك كتفه وباين عليه انه متألم يصل راح ركض بسرعه وبعد يده عن كتفه ماشاف الا الدم مطبع بلوزته فيصل خاف مايدري ايش يسوي !!
فيصل: فهد شفيك؟ ! علمني!! وشذا الدم الي على قميصك؟!
فهد : لابس جرح بسيط
فيصل فتح قميص فهد وشاف الشاش ملفوف عليه فصخه قميصه وكانت علبة الاسعافات موجوده على الدولاب ..فتح الشاش الملفوف بيد ساره وشاف جرحه على طول حط القطن ولفه بالشاش ولبسه قميصه حتى ماسكر الأزارير واخذه ركض لسيارته ووداه المستشفى
وقالوا له ان الجرح مو مره خطير وان شاء الله يتلائم بعد اسبوعين على الاقل
فيصل دخل على فهد وجلس جنبه
فيصل: فهد كان لي معزه عندك ..قلي وايش الي صار لك؟
فهد : ماخبي عليك كنت بالمجمع امشي بحالي الا يجي ناصر الي معاي بالجامعه وباها طق وبدينا الهواش فجأه طلع سكين صغير من مخباه وطعني فيه على ظهري
فيصل : كيف لفيت الشاش على ظهرك؟!
فهد: اهل الاحسان كثيرين
فيصل وهو معصب: فهد لاتقعد تلعب علي ..قل الحقيقه اعرف حركاتك ..الشاش فيه ريحة عطر نسائي
فهد انصدم !! مثل الي فتح عيونه للأخير وخااف ..ماعرف يتكلم وايش يقوول؟!!
راح لف وجهه عنه وتم ساكت
فيصل عرف انه ماراح يتكلم .. قام من مكانه وقاله كلمه قبل مايطلع : فهد ماهقيتك تخبي على اخوك شي ...وسكر الباب
فهد: فيصل!!
فيصل : طلبتني؟
فهد: بتتركني بالمستشفى ؟!
فيصل من داخله فيه الضحكه بس لازم يسوي نفسه جامد ..كان بيتسى اخوه خخخخخ
ركبوا السياره ..فيصل شغل اغنيه حسين الجسمي فقدتك :
فقدتك يا اعز الناس .. فقدت الحب والطيبه ..انا من لي سواك ان طالت الغيبه .....
اثرت الاغنيه على فهد كان مسند راسه على النافذه ويتأمل كلماتها
فهد: فيصل بقولك بالي صار .
فيصل:يلا قول
فهد : اذا وصلنا البيت ورقينا غرفتي
فيصلk!
وصلو البيت ورقوا لغرفة فهد ..فهد جلس على السرير وفيصل مقابله
فيصل : يلا سمعنا
فهد قاله انه بنت شافته والدم ينزف مه وراحت اهتمت فيه وعالجته وطبعا الحركات الي هناك مشفرهم عن اخوه خخخخخ
فهد: فصول ..تصدق ان البنت هذي دخلت قلبي ...حبيتها
فيصل: اووووف ...اخترب الولد عساها زينه ؟
فهد: مو زينه بس الا ملاك
فيصل : ايش اسمها ؟
فهد: السوري
فيصل : ولا اللبناني ههههههه
فهد: اقول الزم حدك وبعدين اشدخلك فيها ؟!حبيبتك عندك

__________________________________________________ __________
مشكوره
أختي

__________________________________________________ __________
الجزء الثالث
فيصل يبي يجنن فهد قام يصارخ بصوت عالي : السوري ..السوري
فهد : اسكت لاتفضحنا ..انا قايل ماني مرتاح لقلتلك
الا تجيهم ريم ركض : وشفيكم؟ ! وشذا الصراخ ؟! وحطت يدها على خصرها ورفعت حاجب وبعدين من ذي السوري ؟
فهد توهق صار وجهه احمر
فيصل: يالحو ليه معصب ؟!
ريم استحت ونزلت راسها ..
فيصل: اقول انقلعي عاد ...يلا ..برا ...يلا
فهد مات ضحك عل اخته
.................................................. ........................
ساره كانت جالسه على سريرها وتتخيل فهد جالس جنبها ..وعلقت الفستان
على الدولاب ...عشان كل ماشافته تتذكر فهد
خذت شنطتها وفتحتها عشان تطلع جوالها الا تشوف ورقه مسفوطه ..استغربت!على طول افتحتها شافت مكتوب فيها ...(فهد .......050 )
فرحت كثييير ..فهد ترك لها رقم جواله يعني في امل اقل شي تسمع صوته ..كانت الساعه وحده ونص وكان هو منبطح على سريره وجالس يتابع فلم ..الا يدق جواله وكان فوق التلفزيون تركه يولي ظنه واحد من ربعه .
ساره كانت متحمسه تبي تكلمه تبي تتطمن عليه بس مارد عليها ..جاتها غلقه خافت صار له شي ..قررت انها تدق عليه بكره وبتنام الحين لأنها تعبت كثيير اليوم .
.................................................. ...........................
جات الساعه 10 الصباح فهد استعد لصلاة الجمعه ويوم جا بيطلع من غرفته تذكر جواله ..اخذه وراح يصحي فيصل للصلاه ..راح لغرفته ماشافه موجود استغرب !فيصل جالس بدري؟!
نزل تحت الا يشوف فصول جالس في الصاله سلم عليه وجلس جنبه
فهد: مو من عوايدك تجلس بدري خير!! فيك شي؟!
فيصل: والله انتم ماينعرف لكم ان تأخرت هواش ..وان جلست بدري فيك شي ؟!
اتركنا والي يرحم والديك من ذي السالفه ...شخبار جرحك الحين؟
فهد: الي برا والي داخل ؟
فيصل فهم عليه ..قام يضحك أول مره يشوف فهد بالحاله هذي ورد عليه :لا الي برا
فهد : الحمد لله احسن شوي من البارح
فهد قعد يحارف في جواله ..شاف المكالمات التي لم يرد عليها
شاف الرقم الي دق عليه امس ظنه مشاري واحد من اخوياه قايله بطلع رقم جديد ..دق عليه بيشوف ايش عنده
في هذي اللحظه دق جوال السوري وكانت نايمه وحاطه الجوال جنبها ..جلست واخذت الجوال وردت وصوتها كله نووم
ساره: الو
فهد استغرب هذا مو صوت مشاري ؟!: هلا
ساره : مين معاي؟
فهد: لاشكلي غلطان ..آسف على الازعاج
ساره حست انه فهد هي ماصدقت طار النوم من عيونها تبي تتأكد
ساره: فهد؟
فهد: أي ..نعم
ساره: ماعرفتني ؟
فهد قام من مكانه ..فيصل خاف ..فهد راح داخل البيت بسرعه ورد عليها
فهد: السوري ؟ ..انتي السوري؟!
ساره: ايه ...شخبارك؟ كيف جرحك الحين ؟
فهد الحمد لله بخير بعد ماسمعت صوتك ..والجرح بدا يلتئم
السوري تصدقين اني فقدتك !
ساره: ........
فهد: الو
ساره : معاك ..يعطيك الف عافيه على الهديه فرحتني كثير ..بس هديتك الثانيه احلى
فهد استغرب هو عطاها هديه وحده !: أي هديه ؟!
ساره: رقمك
فهد: هههههههههه
ساره هنا خلاص بتموت وهي تسمعه يضحك مع بحت صوته طالع يجنن !!
فهد: ok حبيبتي ودي اكلمك متى تكوني فاضيه ؟
ساره: اممم يمكن كذا وحده ثنتين الليل
فهد : ok انتظري مني اتصال ...يلا باي عمري
ساره وهي مستحيه : بااي
هي كانت تبيه يتكلم معها وقت اكثر ..بس يلا اهم شي سمعت صوته وتطمنت عليه
.................................................. ..........
فهد رجع للصاله
فيصل : خير شفيك ؟
فهد تذكر انه فز من مكانه ... توهق كيف يصرفها
فهد: لابس هذا مشاري اخوه مسوي حادث
فيصل : كيفه الحين؟
فهد: يقول بخير ..الحين هو بالمستشفى ..ابغى ازوره اليوم
فيصل: يلا اجل معاك
فهد: لا..لا ..ماله داعي بعدين شعرفك بخوه ؟ اقعد بس مكانك ماجات المثاليه الا الحين
فيصل : هذا جزاي ..اقول امش امش ..لانتأخر عن الصلاة
.....................
جات الساعه وحده ونص ساره تنتظر فهد يدق عليها ..بس فهد كان في غرفة فيصل مع الريم مجتمعين يتابعون فلم ..الفلم رومنسي واصل حده ..وكل واحد مسبه في التلفزيون ..عايشين جوهم ههه
فهد تذكر ساره وشاف الساعه ...على طول قام يسحب في روحه من الغرفه ..وراح لغرفته جلس على سريره ودق عليها ...ساره فرحت دق جوالها عرفت انه فهد
فهد مستانس : الووو
ساره بنعومه : الو
فهد: هلا والله ..اشتقت لصووتك الدافي
ساره: .........
فهد: حبيبتي انتي معاي؟
ساره كلها حيا : معاك
فهد: يالبي قلبك
ساره: هههههه
فهد: تسلملي هالضحكه
تمت المكالمه للساع 3 ونص
وتم على هذي الحاله اكثر من شهر ...تعلق فيها بزياده ..صار كل الي يشوفه ما ايشوفه الا سرحان ..ربعه ..اهله..الجامعه..سيطرت على تفكيره
جا يوم من الايام دق عليها وقعد يتكلم معها ويسولف كانت تقوله بكل شي يصير لها ..تحسه اقرب الناس لها ويف يفهمها ..وكان يساعدها في كل شي تحتاجه ...فجأه تمو ساكتين فتره
وتكلم فهد : السوري بسألك سؤال واتمنى تجاوبين بكل صراحه لأن الراي رايك في الاول والاخير
ساره استغربت من كلامه : يلا قول
فهد: لو تقدمت لك راح توافقين ؟
ساره ماصدقت الي سمعته فرحت كثييير ردت عليه بسرعه ..طلعت من لسانها كذا : أكـــيد
فهد: تتكلمي جد !!
ساره انحرجت كيف طلعت من لسانها وين الثقل ياحظي ...
ساره: ........
فهد عرف انها مستحيه : ههههههههه ..ترى بعتمد على ردك يلا بااي
ساره : بااي
فهد طار من الفرحه وقال لازم يكلم امه عن السوري عشان تروح تخطبها له بأسرع وقت ...وماجاه نوم ينتظر يجي الصباح بأسرع وقت !
وساره قعدت تفكر في كلامه معقوله تتزوج فهد !!..معقول؟!
.................................................. ...........
غفت عينه شوي وجلس على الساعه كان موقتها 10 الوقت الي تصحى فيه امه ..على طول نزل ببجامته وحتى ماغسل وجهه ..قعد يدوره ..يدورها لين لقاها في الغرفه الداخليه الي فيها التلفزيزون
..سلم عليها وجلس
الام: هاه وشفيك جالس الحين؟
فهد: لابس شابع نوم
وتمو يطالعون التلفزيون وهم ساكتين ..وفهد يبي يتكلم يبي يفتح الموضوع
فهد: يمه
الام: نعم
فهد: يمه بغيت افاتحك بموضوع
الام:تفضل
فهد: انا يايمه قررت اني ..
الام: ايش قررت ؟
فهد: اني اتزوج
الام: تتزوج!!..هذي الساعه المباركه
فهد: بس ابغاك تخطبين لي والزواج ان شاء الله بعد ماخلص الجامعه
الام: تامر ..أمر ..بدور لك احلى بنت في العيله
فهد هنا انصدم مايبغى من بنات عمه !! كيف يقولها عن ساره؟
فهد: لايايمه ماابغى من القرايب ...وبعدين انا حاط عيني على وحده ..وابغاك تخطبينها لي
الام: منهي؟
فهد: هي من عايله معروفه ومعروف عنهم الاخلاق الطيبه والاحترام ....و...الخ
الام: خلاص بكلم خالتك اليوم ونشوف أي يوم نروح نشوفهم يمكن ماتصلح لك ؟
فهد رد عليها بسرعه دون مايحس : الا تصلح
الام استغربت ! لهذي الدرجه زينه؟
فهد: ودي اليوم لو تروحون احسن
الام : ليه مستعجل
فهد: لابس ..بس كانك تعزين ولدك فهود روحي اليوم
الام وهي تضحك هذا اسلوب فهد من يومه صغير لا بغى شي : هههههه ولايهمك اليوم اليوم
فهد: الله يخليك لي
فهد كان فرحان من داخل ورجع غرفته وجلس على السرير : واخيرا بتصير لي !!
هذي الخطوه الاولى عشان تكوني على سريري معاي هههههها
حط راسه على المخده ونام وهو مطمن
.................................................. .................................
الام دقت على اختها بتقول لها عن السالفه ..الا ترد شوق بنت اختها ..عليها جمال وطول وشعر حلوه
الام : هلا شوق شخبارك؟
شوق : الحمدلله
الام : وين امك؟
شوق : داخل دقيقه بناديها لك
يمه..تبغاك خالتي نوره في التلفون
ام شوق : جايه..جايه
اخذت السماعه وكلمتها وكانت شوق جالسه جنبها
ام شوق: هلا نوره كيفك؟
ام فيصل(نوره):الحمدلله ..بغيتك بموضوع عن فهد
ام شوق: فهد!
هنا شوق دق قلبها ..قطت اذنها في السماعه ..معروفه بين بنات عمها انها تموت في فهد لدرجه انهم ينادونها في جمعاتهم ..مجنونه فوفو
ام فيصل: ايه قرر انه يتزوج ..وابغاك تمشين معي العصريه اروح انا وياك ونخطب له
ام شوق : وليه ماياخذ من بنات العايله ؟ كل وحده احلى من الثانيه !
ام فيصل: قال ماوده بقريبه ...بعدين قالي عن بيت ناس محترمين واخلاق وفي مستوى قريب لمستوانا
وودي اشوفهم اليوم
ام شوق : خلاص العصر
ام فيصل : كوني جاهزه بمرك مع السواق
ام شوق : خلاص
ام فيصل : يلا مع السلامه
ام شوق : مع السلامه
هنا شوق عورها قلبها حست انه فيه شي بيصير وهي ماتدري
الام سكرت السماعه
شوق: وشفيها خالتي نوره ؟
الام : فهد يبي يتزوج ..وبنروح اليوم نخطب له
شوق مثل الصاعقه الي نزلت على راسها وقامت تقول في نفسها ..كيف؟ يتزوج؟لا..لا

__________________________________________________ __________
مشكورهـ على القصهـ،،،
واللهـ اني تحمست،،،
اللهـ يخليكـ كمليهـ بسرعهـ،،،
معليكـ امر طبعًٍََِأ،،،
تقبلي مروري

يعطيك العاافيه

ننتظر جديدك