عنوان الموضوع : رواية كفايه حبها بقلبي وغيرها مااريد احباب بقلمي - رواية جميلة
مقدم من طرف منتديات الشامل

السلام عليكم ورحمة الله وبركاته اخباركم حبيت انزل لكم اول روايتي وطبعا هذا اول منتدى تنزل فيه واتمنى تعجبكم

(كفـــــايـــه حــــبهــــا بـــقـــلبـــي وغــــيـــرهــــا مـــاأريــــــــــد أحـــبـــاب)
بسم الله الرحمن الرحيم
السلام عليكم ورحمة الله وبركاته
اترككم مع قصتي انشاء الله إنها تعجبكم بس اقروها من البدايه للنهايه صح البدايه ماتحمس بس مع احداثها تحمسكم وأتمنى انها ماتضيع اوقاتكم ولاتلهيكم عن الصلاة والعبادات ولاتشغلكم عن أعمالكم ولازم بالبدايه نتعرف على الاشخاص..........

___"الأشخاص"
عائلة محمد: هيفاء زوجته
الأبناء:خالد متزوج زوجته منى له بنتين وعد ورنيم ووليد ،،وليد عمره25 _فارس 23 فراس 18 البنات مها متزوجه ولها بنت جنى ،ساره متزوجه وميت زوجها بعد زواجها بسنه
ريم عمرها20 غاده 17 أفنان 5 سنوات ---
عبدالعزيز اخو محمد عائلته زوجته زينب واخت هيفاء زوجة محمد أبناءه ياسر _عمره26 طارق24 البنات ندى 22 وعد19

عائلة منصور:زوجته علياء الأبناء سعد عمره26 وريان 23 البنات مشاعل عمرها 20 أشواق 18
سلطان أخو منصور وعايلته "زوجته لطيفه والأبناء بدرعمره 25 وفيصل21 البنات هنادي عمرها 23 ونجود19
عائلة جابر:زوجته بدريه والابناء فايز 25 وماجد 17 وبنت وحده ابتهال عمرها 20
وباقي الشخصيات نتعرف عليها بالقصه،،،،
""البدايه""الجزء الأول (الفصل الأول)
منصور رجل غني وأهم شي عنده المال جالس يقلب بالأوراق اللي تخص الشركه
دخل ريان:السلام عليكم
منصور بدون مايناظر:وعليكم السلام
ريان بمزح:اتمنى ادخل واشوف ماعندك اوراق
منصور بعصبيه:اطــــ‏ــــلع وانت ساكت
طلع ريان وبنفسه "وش فيه له يومين مطنش" راح لأمه بالغرفه دخل السلام عليكم وش فيك ؟ماردت عليه قال بنفسه "وش صاير لهم مطنشين
طلع راح لأشواق لقاها تصيح بغرفتها استغرب يالله العالم هذي وش صاير لها وش فيها الأخت تبكي
زادت شهقات اشواق
تقدم ريان منها:فيك شي
أشواق:....
ريان:بتركك براحتك واذا ارتحتي اسألك وطلع من الغرفه،،،



في بيت جابر مجتمعين كلهم جالس يسوي فيهم ماجد انواع المقالب لين طفش ابتهال وزعلت وقامت راح وراها وكب العصير على شعرها صرخت مااااجد اعقل سمعته أمه ونادته رجع وهو يبي يتقطع من الضحك ابتهال دخلت غرفتها وراحت تغسل شعرها
جلس ماجد عند ابوه وهو خايف من ردت فعلهم جت ابتهال وكبت عليه ماء بارد ضحك ناوين انتي وابوي على شر انا عارف من يوم شفت ابوي يبتسم لك بس صراحه المقلب فاشل .


في بيت محمد مجتمعين وليد وفارس وريم واحمد ولد عمهم وأخوهم من الرضاع أمه ماتت يوم جابته وبعد موتها بشهرين مات ابوه اخذه عمه محمد ورباه لين كبر وعرف كل شي وعمره الحين 25 وعمه محمد يعتبر له كالأب وزوجة محمد مثل الأم وهو بعد مثل الابن جالسين يسولفون ويتقهوون
احمد لوليد: وش رأيك نروح نتمشى
وليد تأمر أمر
فارس: ابي اروح معكم
وليد: لا قطه
احمد: صادق عندنا أشياء خاصه
فارس: من يوم طلعتوا على الدنيا وأنتم أشياء خاصه ضحكم عليه وطلعوا.


مشاعل بغرفتها تفكر بالمصيبه اللي حطهم منصور فيها ياربي وش اسوي كيف اقنع ابوي وسعد اللي أهم شي عندهم الدنيا والمال سمعت صوت الباب قامت وفتحته هلا اشواق وش فيك ليش عيونك متنفخه ووجهك مصفر دخلت اشواق وجلست على السرير
مشاعل: لاتخافين مايصير شي إنشاء الله
أشواق: يارب يامشاعل بس ابوي مصر يزوجنيه
مشاعل: لا مايصير شي إنشاء الله بس انتي لاتخافين وقعدت تهديها.


بالسياره احمد ووليد يتمشون دق فايز على وليد رد هلا
فايز:السلام عليكم
وليد:وعليكم السلام
فايز:وش اخبارك وينك
وليد:بخير الحمدلله نتمشى انا واحمد
فايز:طيب ترى بكره بنطلع البر وش قلت
وليد:لا اسمحوا لنا مانقدر نطلع
فايز:لا عاد ماتحلى الإ فيكم
وليد:خلاص بنروح عشانكم
فايز:زين نروح بكره الفجر
وليد:إنشاء الله ومع السلامه رجعوا للبيت.

بيت المنصور"
مشاعل قاعده تنتظر العشاء يجهزونه الخدامات وسعد جالس يحوس ويفكر بالأوراق اللي معه دخل ريان السلام عليكم
مشاعل: وعليكم السلام
سعد بعصبيه: بلا سلام بلا هم اطلع انت وياها برا
ريان: اللي مثلك يرحب مايطرد لا وبعد وش الخبر اللي سمعت عنك انت وابوي
سعد: أولا أشياء ماتخصك لاتدخل ثانيا هذي مصلحتنا قاطعه ريان: يعني المصلحه أهم من أختك
مشاعل: صادق ريان
سعد بعصبيه: مابقى الا هالسوسه تدخل
ريان: احترم نفسك
سعد بإستهزاء: متى جتك الرحمه لها
اخذ ريان الأوراق وهو معصب وشققها
صرخ سعد: الا وأشياء تخص أموالي سمع منصور اصواتهم وهم يتهاوشون فتح الباب بقوه وش صاير انت وياه وش الاصوات هذي
تكلم سعد وريان مرتبك ويرتجف: ولدك اللي مايدري وش يصلح شقق أوراق تخص الشركه
رفع منصور يديه على رأسه: تخص الشركه
سعد: ايه ماتشوفهن مشققات قدامك
منصور بعصبيه:حــــــــيوان ليه تسوي كذا
حز بخاطر ريان كلام ابوه وطلع ريان وراح لغرفته وهو محزن
طلع منصور وراح للشركه.


بعد صلاة الفجر جالس وليد ينتظر أحمد عشان يفطرون ويروحون البر جت هيفاء وهي مستغربه وليد وصاحي بدري أول مره قام وليد وسلم عليها هيفاء: غريبه صاحي بدري وين أحمد جاء احمد صباح الخير وسلم عليها
وليد: بنروح البر حنا والشباب هيفاء:بحفظ الله افطروا وبعد ماخلصوا راحوا يلبسون لبسوا ملابس رياضيه وطلعوا
خالد عند سيارته بيروح الدوام شافهم غريبه صاحين بدري وين بتروحون ردوا البر تروح معنا
خالد: أعوذ بالله قاله علي أروح البر
وليد+أحمد: بكيفك وركبوا السياره ومشوا
وليد وهو يغمز لأحمد:من ألحين بدينا نفكر
أحمد بضحكه:غـــــــصب القلب ومايعشق
وليد:بهاذي صادق
أحمد: طيب ليه مانخطب ونرتاح قبل احد يتقدم لهن
وليد: لا إنشاء الله ماأحد يتقدم غيرنا
دق جوال احمد: هذا فايز بيقول تأخرتوا رد هلا فايز
فايز:صباح الخير وينكم لنا ساعه ننتظركم
احمد:بالطريق الحين نجي
فايز:بسرررعه لاتأخرونا
احمد:ابشر دقايق ونكون عندكم
فايز:مع السلامه
أحمد:هلا والله
بعد ماقفل احمد
وليد: لايكون يقول تأخرتوا احمد: ايه بس اسرع حتى نوصل
فايز وعبدالعزيز وتركي وبدر وياسر وسامي ينتظرون وليد وأحمد وصلوا
فايز: الحمدلله على السلامه مابغيتوا توصلون
وليد: وصلنا ألحين
بدر: يالله مشينا تأخرنا ركبوا السياره وراحوا للبر.


ريان بغرفته دخل عليه سعد ماشاء الله لك يومين ماطلعت من الغرفه ترى هاذي حركه قديمه يالله تعال اليوم ملكت اشواق
ريان: يعني زوجتها يانذل ياحقير وهي مارضت
سعد: ههههههااااااي ضحكتني بس تعال عندنا تحت واترك الكلام اللي ماله داعي طلع ريان من الغرفه ونزل عندهم .
أشواق تبكي بغرفتها وش أسوي وش أقول أنا مستحيل اتزوج واحد ماأحبه ليه يضلموني كل هذا حب للمال فتحت مشاعل عليها الباب اشواق تعالي ابوي ينتظرك تحت
أشواق: آآه يامشاعل وش اسوي قولي لي شي افتك من النشبه اللي بلوني فيه
مشاعل: الحين تعالي تحت وانشاء الله مايصير الإ الخير نزلن وراحن عند ابوهن .



وصلوا البر ونزلوا أغراضهم فرشوا الفرشه وجلسوا عليها قام بدر يجهز لهم قهوه وجلسوا يتقهوون
فايز: عاد الغدا يسويه وليد ويساعده تركي واحمد والباقين يتمشون
احمد: ههههههاااااي ضحكتني والله ماألمس شي لو تقعدون ماتغدون انا جاي استأنس مو أطبخ لكم مثل الهندي ضحكوا بدر: لو انت بالذات سويت الغدا اعطيك احسن شي بحياتك ضحك احمد: صدق خلاص اسويه بس بشرط ماأقطع البصل
وليد: حتى انا ماأقطعه
تركي: ولا انا
ياسر: ليه تدلعون علينا وش حظرتكم
عبدالعزيز: اقول بلا ازعاج انا اقطعه بس انت ياوليد تسوي الغدا
وليد: اسويه بس تحملوا طعمه ياسر:ليه هندي ماتعرف تطبخ ترى أقول وسكت وانت تعرف عاد
ضحك وليد: يارب يزين طعمه فايز: سوو الغدا وبنروح نتمشى واذا جهز نرجع
صرخ تركي: لا حرام عليكم مقعدينا نكرف وأنتم فالينها
سامي: عادي اجر
تركي: قل بعد صدقه ضحك سامي وراحوا قطع عبدالعزيز البصل وعطاه وليد وراح مع العيال
قعد وليد يجهز أغراض الغدا بيسويه
تركي :كأنا هنود
وليد بضحكه:لا وأنت الصادق مثل الإندونسيات
جاء احمد:ههههه من الإندونسيات
وليد:فيه غيرنا
تركي:ههههههههه
يتمشون الشباب
فايز: وش رأيكم نسوي فيهم مقلب
ياسر: لا ماله داعي
بدر: صدق والبر مايصلحن المقالب
عبدالعزير: لا وش النذاله هاذي مقعدينهم يسوون لكم غدا وتسوون فيهم مقالب
فايز:أنا مشتهي نسوي مقلب
ياسر:مره ثانيه
جالسين ينتظرون الغدا يخلص تركي:أكره شي عندي الطبخ
أحمد: إنشاء كله كم شهر ونتزوج ونترك العزوبيه وطلعات البر
تركي: احمد انت تبي تزوج
أحمد: ايه ليه
تركي: لا بس من تبي تزوج
أحمد: فيه غيرها هنادي
تركي: هنادي بنت سلطان
أحمد: ايه مافيه غيرها
تركي: لا بس سعد ولد عمها وانت تعرفه نذل
أحمد: ولا تنسى اني ولد خالتها ومتزوجها متزوجها
وليد: الحين اخطبها دام سعد منشغل مع الدنيا
احمد: طيب انت تركي اذا تزوجت من تخطب
تركي: ابتهال بس خايف من ولد عمها راشد
وليد: راشد مو هنا رايح لبريطانيا
تركي: عارف بس يمكن يرجع وليد: انتم لاتخوفون أنفسكم وانا ابشوف الغدا
الشباب جايين يمشون شافوا وليد هاهاهاي قاعد يكرف مساكين حنا فالينها وأنتم تطبخون
وليد: اسكتوا لا أحرمكم الغدا كله سكتوا وجلسوا قام احمد يجهز لهم الغدا
تركي: وش النذاله ليه تضحكون
جاب احمد الغدا وقعدوا يتغدون.


بيت المحمد"
ريم وغاده وامهن جالسات بالصاله
ريم: ياحظ العيال مستأنسين بالبر وحنا بالبيت طفش جاء فراس وقطع عليهن السلام عليكم
الكل: وعليكم السلام سلم على أمه وجلس جنبها وين ساره ماأشوفها معكم
ريم: ابروح اشوف يمكن بغرفتها فوق
فراس: لا انا ابي أروح قام وراح لساره وطق الباب ماردت استغرب ساره انا فراس افتحي الباب
ساره منسدحه على السرير ومعها صور سلمان تطالع فيهن وتبكي تذكر احلى يوم بحياتها يوم تزوج سلمان طق فراس الباب مره ثانيه ساره الله يخليك افتحي لي قامت ساره وغسلت وجهها وفتحت له سلم عليها مع راسها وش فيك عيونك متنفخه تعالي ننزل تحت عند أمي والبنات نزلت .


بيت العبدالعزيز"
ندى: وش رأيك نروح بعد المغرب لبيت عمي
وعد بمزح:اكيد دار الحبايب وبنقول لهنادي ونجود يروحن معنا
ندى: خلاص قولي لريم
وعد: اوكيه العصر أقولها .

بيت السلطان"
هنادي ونجود منسدحات بغرفتهن
دق جوال هنادي: نجود تكفين شوفي مين عاجزه اقوم قامت نجود :ندى أرد عليها
هنادي: لا عطيني الجوال جابته وردت هنادي هلا وغلا بندى
ندى:مساء الخير وش أخبارك
هنادي:أهلين مساء الورد بخير وش أخبارك انتي
ندى:الحمدلله بخير وش رأيك تروحين انتي ونجود معنا بعد المغرب لبيت عمي محمد
هنادي:مادري افكر وأقول لك
ندى:مايبي لها تفكير
هنادي:خلاص نروح
ندى:بعد المغرب نتواجه إنشاء الله مع السلامه
نجود لهنادي: وش تبي ندى
هنادي: تبينا نروح معهن لبيت محمد
نجود: وافقتي
هنادي بضحكه: ايه ليه بيت أهل احمد وماوافق
نجود: اممم كل هذا عشان أحمد تخيلي يتزوج غيرك ويحب وحده غيرك
ضربتها هنادي: اسكتي لاتخوفيني ولاتنسين ان عندي عيال عم
نجود: وان صار عندك عيال عم اللي ماتبينه ماأحد غاصبك عليه واحمد من صغره وهو يحبك وتحبينه والإ نسيتي
هنادي: لا مانسيت بس سعد والا نسيتيه
نجود: ماعليك من سعد
دخل فيصل السلام عليكم
هنادي+نجود: وعليكم السلام تفضل
فيصل: لا ابنام واذا جت الساعه5 قومني
هنادي: وتودينا لبيت أهل أحمد ضحك فيصل: ماأسمه بيت اهل احمد بيت اسمه بيت المحمد ضحكت هنادي: كلهم
فيصل: خلاص بس ابروح أنام طلع فيصل وكملن سوالفهن.




البر"
فايز بيقهر وليد: وليد وش هالطبخ
ياسر:مــــ‏ــــلح
بدر: صدق مو زين الغدا
تركي: عاد مابقيتو شي
أحمد بعصبيه: تغيديتوا وشبعتوا خلاص قوموا
بدر: احمد ودي أسألك ليه أنت عصبي
سكت احمد وطنشه وقام وراح يغسل
بعد ماخلصوا من الغدا راحوا يتمشون.



قريب من غروب الشمس رجعوا لمكانهم
فايز: يالله بنرجع للبيت
أحمد: والأغراض هاذي من يشيلها
ياسر: انت ووليد وتركي
أحمد: لا والله
ركب فايز سيارته ونادى العيال يالله مشينا بسرعه اتركوهم يشيلون الأغراض
وليد: ترى بنتركهن
بدر: بكيفهن وركبوا السياره وراحوا بقى احمد ووليد وتركي تركي: وش نسوي نشيل الأغراض ماحنا تاركينهن وقعدوا يشيلونهن
وليد:يالله وشالوهن ورجعوا البيت،،


تجمعن هنادي ونجود وندى ووعد وريم وساره وغاده بالمجلس وفلنها سوالف وضحك وتعليقات

(بعد مرور ثلاث أيام)
ركب أحمد سيارته بيروح يسلم على خالته لطيفه .

وليد عند عيال عمه عبدالعزيز
ياسر: وش اخبارك بعد ذاك اليوم
وليد: بخير والله وناسه
ياسر:اي والله لها طعم مافيها عوايل
وليد: وش أخبار ندو
ياسر: بخير وش تبغى فيها
وليد: لا بس أسأل دخل عليهم فراس وجلسوا يسولفون.


بيت السلطان"
هنادي بغرفتها منسدحه دخلت عليها نجود مساء الخير وجلست على السرير هنادي وش توقعين سمعت
قامت هنادي: وجلست وش سمعتي قولي بسرررعه
نجود: سمعت ابوي يقول لأمي ان عمي منصور بيخطبنا لعياله مسكت هنادي قلبها: لا لا انتي كذابه
نجود: والله مااكذب
هنادي: طيب ابوي وش قال له نجود: قال انه مارايح يزوج وحده من بناته الا برضاهن هنادي وكأن الروح رجعت لها: الحمدلله خوفتيني بس انا خايفه من سعد وانتي تعرفين اني أحب أحمد ومستحيل اتزوج غيره
نجود: على طاري أحمد تراه عندنا
هنادي: صدق ليه ماقلتي لي نجود: عاد اذا قلت لك بتروحين ماأنتي رايحه
ضحكت هنادي وطلعت .

بيت الجابر"
ابتهال بغرفتها ترتبها فتح ماجد الباب وش تسوين
ابتهال: خوفتني اذا دخلت ثاني مره طق الباب
ماجد: ههههه لازم
ابتهال: ايه
ماجد:عندي لك خبر ماتتوقعينه ابتهال:قل وش الخبر خوفتني
ماجد:فيه محشش
قاطعته ابتهال:سخيــــ‏ــــف
ماجد:ههههههههه
ابتهال:والله انك سخيف خوفتني واخر شي محشش
ماجد:هههههههههه
ابتهال:اطلع اقلب وجهك
ماجد:بطلع مصدقه بقابلك
ابتهال:يكون احسن
طلع ماجد و جلست ابتهال على السرير واخذت جوالها وكتبت(كل الجروح تهون ماعد جرحين ضيق الزمن وبعد شخص تحبه،،)

تركي منسدح بغرفته وصله المسج فتحه وابتسم هذا رقم ابتهال لازم أرسل لها (أجمل حياتي ،،لحظتي يوم اشوفك "واصدق دموعي"دمعتي يوم فرقاك "
''ذقت العسل ''وقلت هاذي طبوعك والشوق حرك خافقي حيل أغلاك نقشت وسط القلب كامل حروفك قلي أمانه كيف
أقدر انساك..؟!!)وصل المسج لإبتهال ابتسمت ونزلت تحت،،

بيت المحمد"
رجع وليد من بيت عمه ودخل بالمجلس عند فارس: وش فيك زعلان
سكت فارس ومارد
جلس وليد جنبه: فارس فيك شي
فارس: لا بس انا قلت لكم ابي اسافر لبريطانيا ورفضتم
وليد: تسافر فاضين لك اقول اجلس هنا واترك السفر بعدين فارس: انت سافرت ورجعت ماأحد قال شي واحمد سافر وماأحد قال شي ليه انا يوم قلت كلكم رفضتم ليه قلي
وليد: فارس انت صغير وصعبه تروح وحدك وحنا مانقدر نروح ونترك أحمد وهو يداوم
فارس: انتم كل شي أحمد احمد وش حضرته احمد هذا وليد بعصبيه: احمد غصب عنك نجلس على حسابه راضي ولا موراضي سمعت والإ لا
فارس: انتم مدللين احمد وعلى كيفه شركه ونصها له وسياره معروف لازم كل بعد ست شهور تغير وشيك ثلات مئة الف معها لازم وش هذا واخر شي انا ولدكم وكل شي ترفضونه
احمد يمشي بالصاله سمع فارس ووقف
وليد: فارس أحمد كيفه يدلل مالك شغل فيه واحترمه لاتنسى انه يتيم وعندنا سمعت والا لا
حزن احمد انا ألحين وش قلت لفارس حتى يقول الكلام هذا يعني انا مضيق عليه
فارس: احمد اخذ اكبر من حجمه وكل شي عطيتوه قلي ليه
انقهر احمد من كلامه ودخل: فارس اذا كنت مضيق عليك وماتبيني مستعد اطلع عادي مايهمني بس انا ماأقدر اترك عمي اللي رباني وتعب علي جمد وليد بمكانه وانقهر على فارس
فارس: انت ووجهك ماقلت مضيق علي
وليد: فارس اسكت واحترم احسن لك
فارس: ماني ساكت وابي اتكلم كيفي مو شغلك انقهر وليد وجاء بيضرب فارس ومسكه احمد: اتركه كيفه خله يتكلم
فارس بإستهزاء: ادري ابي اتكلم مو انت تمنعني
سكت احمد
وليد: احمد لاتصدق كلامه
فارس: انا ماقلت شي خطأ انت ياأحمد أخذت أكبر من حجمك
أحمد بإستغراب: قل وش اللي أخذت
فارس: كل شي حتى ابوي اخذته عنا من كثر مايحبك ويحرص عليك
انصدم احمد من كلامه وطلعت دمعته وطلع
انقهر وليد: فارس انت نذل وحقير حرام عليك تسوي كذا وكف على وجهه
حط فارس يده على وجهه: تضربني
وليد: اضربك واكسر رأسك بعد وطلع
انقهر فارس: ايه هذا اللي قاهرني يضربني كله عشان احمد آآه قهر وطلع وراح لغرفته.

احمد ركب سيارته وراح
ركب وليد سيارته وراح وراه الحين وين يروح ماتوقعت فارس كذا وطلع جواله ودق على أحمد
أحمد بالسياره ومحزن مره لا ماأتوقع فارس كذا انا لازم اشتري لي بيت واطلع بس ماأقدر اترك عمي وعمتي اللي ربوني ووليد بعد وقعد يبكي دق جواله شاف رقم وليد ورد هلا وليد
وليد:احمد انت تبكي
احمد:وش اسوي ياوليد غصب عني
وليد:طيب انا وراك وقف ابيك بكلام
أحمد:طيب هذا انا ابي اوقف وقفل اسند راسه على المرتبه
نزل وليد من سيارته وفتح باب سيارة احمد وركب احمد لاتصدق كلام فارس لانه كان زعلان
أحمد: حتى انا ماتوقعت الكلام يطلع منه
وليد: بس انت ياأحمد لاتزعل ولاتكدر خاطرك
أحمد: وليد قل انا مضيق عليكم
وليد: احمد وش الكلام هذا انا قلتلك فارس كان زعلان وعلشان كذا تكلم بكى ضمه وليد: احمد لاتبكي
أحمد: غصب عني ياوليد
وليد: طيب خلاص بنرجع للبيت أحمد: انا ماني راجع
وليد بإستغراب: ليه ابوي اذا رجع ومالقاك بيزعل
أحمد:انا الحين بروح لبيت خالتي وليد: لا ياأحمد لازم ترجع
احمد: وليد الله يخليك ابروح واذا جاني النوم اجي
وليد: بكيفك بس لازم ترجع
أحمد: إنشاء الله سلم عليه وليد وراح للبيت واحمد راح لبيت خالته .

وصل أحمد بيت خالته ونزل فتح له بدر هلا احمد وش فيك وجهك متغير احد قايل لك شي أحمد: لا مافيني شي ودخلوا بالمجلس
بدر: ابروح اجيب لنا عصير احمد: لا ماني مشتهي مابقى شي على العشاء .

دخل وليد البيت وجلس بالصاله دخلت عليه ريم مساء الخير غريبه وحدك وين أحمد سكت وليد واخذ الريموت وقعد يقلب بالتلفزيون
ريم بإستغراب: "لايكون أحمد فيه شي أسأل وليد او اسكت لا لازم اسأله": وليد
ناظر لها وليد هلا
ريم:احمد فيه شي ليه ماجاء معك
وليد:رايح لبيت خالته
ريم بإستغراب:رايح وهو جاي منهم غريبه
وليد:أقول لك شي ماتوقعينه فارس مزعله وقايل له كلام تنصدمين منه
ريم:غريبه فارس يزعله طيب وش قاله
وليد:يقول ابوي مدلله ومعطيه أكبر من حجمه وقال إنك اخذ ابوي عنا وكلام ماله داعي
ريم:صدق يقول الكلام هذا ليه الحين يدري ابوي ويزعل
وليد:انتي لاتقولين شي وابوي انا اقوله بس انتي الحين روحي جهزي العشاء مع البنات.


هنادي طالعه من غرفتها غريبه احمد يجينا المغرب ويجي ألحين لايكون سامع شي ان عمي قايل لابوي ودخلت بالمطبخ .

قال احمد لبدر عن فارس استغرب بدر أكيد زعلان ياأحمد ماتوقع فارس يقول كذا بس انت عادي لاتصدقه
احمد: بس انا
قاطعه بدر: ياأحمد انا قلت لك اكيد زعلان
دخل عليهم فيصل وسكتوا السلام عليكم العشاء جاهز تفضلوا قاموا وراحوا يتعشون.


جهزن البنات العشاء وراحن ينادن العيال وابوهن العشاء تفضلوا قاموا
محمد: وين احمد ماشفته
وليد: بيتعشى عند خالته
محمد: طيب فارس وينه
فراس: بغرفته
محمد بإستغراب: فيه شي
وليد: لا انا اناديه بس تعالوا تعشوا راحوا يتعشون ووليد راح لفارس فتح عليه باب الغرفه فارس تعال تعشى
فارس: ماني مشتهي
وليد: بكيفك وطلع
انسدح فارس على السرير ايه لو اللي ماتعشى أحمد كان انجن دخل عليه فراس فارس تعال ابوي ينتظرك تحت
فارس :انا مابي عشاء
فراس: بس ابوي ينتظرك تعال قام وراحوا .


تعشى أحمد وقام الحمدلله بدر: تعشى
أحمد: الحمدلله خلصت قام وراه بدر .
غسل أحمد وقعد يمسح يديه بدر: بتروح الحين للبيت
أحمد: ايه تصبح على خير وطلع.


جاء فارس هلا يبه تبي شي
محمد: ايه تعال تعشى
فارس: ماني مشتهي
محمد: لا لازم تعشى واذا ماتعشيت ماني متعشي جلس فارس عشان خاطر ابوه وقعد يتعشى.

فتح أحمد الباب ودخل وراح لغرفته
سمعوا صوت الباب
محمد: هذا احمد اكيد
قام وليد وناظر ماشاف شي ورجع
محمد: من اللي جاء
وليد: مادري
محمد: غريبه احمد يجي ولا يسلم علي ماهي من عوايده لايكون فيه شي
انقهر فارس "ايه لوه انا كان طنشوني" وقام
هيفاء: فارس تعشى
فارس: خلصت الحمدلله .
راح محمد لغرفة احمد فتح عليه الباب
احمد منسدح على السرير
استغرب محمد أحمد قام احمد وحبه مع راسه حط محمد يديه وراء ظهر أحمد وناظر بوجهه احمد فيك شي ليه وجهك متغير طلعت دمعت احمد ومسحها استغرب محمد احمد قلي فيك شي
أحمد بصوت متغير: لا مافيني شي
دخل وليد
محمد: وليد احمد فيه شي سكت وليد
محمد: قل فيه شي
وليد: ايه فارس مزعله استغرب محمد: وش قلت فارس ليه وش قايل له قاله وليد كل شي انقهر محمد لا ماأصدق فارس يقول كذا وطلع
أحمد: وليد ليه تقول لعمي كذا وليد: عشان فارس مايتعود يقول كلام ماله داعي.
دخل محمد على فارس فارس فارس
فارس: هلا
محمد: وش الكلام اللي سمعت
سكت فارس ومارد
محمد: اخر مره تقول كلام ماله داعي بعدين انا مقصر فيك بشي
سكت فارس
محمد: قل انا مقصر فيك بشي فارس: لا ماقصرت فيني
محمد: خلاص وتقول كلام لأحمد ثاني مره مو احسن لك فهمت والا لا قم رح اعتذر لاحمد
فارس: انا ماقلت شي خطأ عشان اعتذر
محمد بعصبيه: كل اللي قلت خطأ وتعال اعتذر لأحمد قام فارس بدون نفس ودخل على أحمد ووليد
فارس: أحمد أعذرني اذا كنت غلطت عليك
ابتسم أحمد لفارس: انا عاذرك طلع فارس وراح لغرفته دخل محمد وهو مستأنس أحمد اذا بغيت شي قلي ولاتستحي قام أحمد وحب راس عمه الله لايحرمني منك طلع محمد ووليد وأحمد جلسوا يسولفون.

انسدح فارس على السرير انا ليه قلت لأحمد كذا أحمد طيب ليه انا أقول كذا ليه وقعد يبكي دخل عليه فراس فارس وش فيك تبكي سكت فارس فراس: الحين قم غسل وجهك ورح قل لأحمد انه ماكان قصدي وصدقني أحمد ماراح يزعل قام فارس وراح يغسل وراح لغرفة أحمد
دخل فارس غرفة أحمد السلام عليكم
أحمد: أهلين وعليكم السلام فارس واقف ومتردد
أحمد: فارس اجلس جلس فارس: احمد صدقني ماكان قصدي أزعلك بس غصب طلع الكلام
ابتسم أحمد: انا عارف وعادي انا مازعلت وضم فارس على صدره
ارتاح وليد وجلسوا يسولفون.


ندى ووعد طالعات بالحديقه
وعد:ندى لو يخطبك واحد غير وليد توافقين
ارتبكت ندى من كلامها:وش قصدك
وعد:لا بس كذا أسأل
استغربت ندى:وعد قولي انتي سامعه شي
وعد:لا بس اسألك وجاوبيني
ندى:تعرفين انتي اني أحب وليد ومستحيل اتزوج غيره
وعد:طيب اذا هو تزوج غيرك
خافت ندى:وعد انتي وش قاعده تقولين اكيد سامعه شي
وعد:لا ماسمعت شي بس كذا مجرد اسأله
ندى:وليد يحبني ومستحيل يتزوج غيري
وعد:طيب الحين تعالي ندخل نجلس هنا اريح وجلسن.


سعد بغرفته دخلت عليه أشواق سعد ممكن اسألك سؤال
طنشها ومارد
صرخت بوجهه: سعد رد
علي
انقهرسعد وكف على وجهها: ترفعين صوتك علي انا مالي احترام
أشواق:انت نذل كيف تبيني احترمك وحرام تسوي فيني كذا
سعد:تحترميني غصب والزواج متزوجته متزوجته
أشواق بصراخ:لا لا مستحيل اتزوج واحد متزوج وله عيال
سعد:هههههههاااااااااي ضحكتيني
أشواق :بس هذا ظلم حرام عليك أنا ماني مشروع من مشاريعك
سعد:الحين اللي مزوجك انا وإلا ابوي
أشواق:كلكم بس انت اللي تقول لأبوي
سعد:اللي مثلك يفرح واحد غني ورجال
أشواق:هذا اللي همك الأموال
سعد:أقول اطلعي ولا اشوف رقعت وجهك عندي فهمتي وإلا لا
طلعت وراحت لغرفتها دخلت عليها مشاعل اشواق وش فيك أشواق:وش فيني كل شي فيني تخيلي اتزوج واحد عنده زوجه وعيال ظلم والله ظلم وقعدت تبكي مسكتها مشاعل وضمتها على صدرها: لاتبكين ياأشواق واصبري الصبر مفتاح الفرج .


خالد ومنى جالسين يتقهوون دخلت عليهم بنتهم وعد تبكي ماما وليد ضربني مسكها ابوها خلاص اجلسي هنا وانا أهاوش وليد
دخل وليد وجلس جنب ابوه مسكه ليه تضرب اختك عيب
وليد: طيب طفشتني تقولي انت بزر
ضحك خالد: لا ياقلبي انت رجال بس وعد ماتعرف صغيره
وعد: لا أنا ماني سعيله انا دبيله وليد السعيل
ضحك وليد: انتي ماتعرفين تكلمين انتي البزر
صرخت وعد: تذااب انا دبيله
خالد: كلكم كبار بس اسكتوا منى: يالله روحوا لغرفة الالعاب والعبوا قاموا وقعد خالد ومنى يسولفون .
وانتظر ردودكم واذا فيه ردود نزلت لكم بكره مقطع كثييير

>>>>> ردود الأعضـــــــــــــــــــاء على الموضوع <<<<<
==================================

رووووووووووووووووعة كثيير

كمليها بسسسررررعة الله يعافيك

بانتظارك غناتي

__________________________________________________ __________
مشكوره على الرد يا نقاء السكر وعشانك بنزل الفصل الثاني مع اني قلت انزله بكره بس عشان القى ردود اكثر

__________________________________________________ __________
(الفصل الثاني )
ابتهال عندها ماجد ومطفشها ودها تقوم بس خايفه منه دخل عليهم فايز السلام عليكم وش فيكم كنكم زعلانين ابتهال: والله متصبره على ماجد وحركاته بس وش اسوي
فايز: خايفه منه ليه مارحتي وتركتيه
ابتهال: خايفه يروح وراي بعد ماجد يقلد صوت ابتهال) اعتقد ماني وحش ماني ماكلك
ضحك فايز:خلاص اعقلوا كل يوم مناقر
ماجد:احسن شي
فايز:بس انت فيك خشونه
ابتهال:توك تعرف من زمان

تركي بغرفته يوه اليوم ماأرسلت لإبتهال اتطمن عليها اخذ جواله وأرسل لها (كل صبحك صبااااحي لين وقت المغيب وكل ليلك جنوني لين فجر الصباح ،،،لو عيونك عيوني ماتناظر قريب ولو فؤادك فؤادي طاح من الوجد طاح سقتيني من بعيدي وجبتيني لك طليب وأخذتيني من قريبي ،،،وصرت لك مستباح وكل وقتي معك فرح وانشراااح)
ارسلت له ابتهال
(الحب يصدر عن شعور وأحاسيس "والبعد مايخلف من الحب حاجه "البعد يتعبنا بكثر الهواجيس "لكن نبي نرتاح يوم انتواجه
ارتاح ياعمري تعوذ من ابليس
راسي ~>
ماأحد~> غيرك يكيف {مزاجه})
قراها تركي واستأنس وانسدح .

بيت العبدالعزيز"
ندى تعبانه شوي ومنسدحه بغرفتها فتحت أمها الباب عليها ندى ندى فتحت عيونها هلا يمه وش بغيتي
زينب: لازم تقومين وتأكلين مايصير تسوين بنفسك
ندى: والله يمه ماني مشتهيه مالي نفس أكل احس رأسي بينفجر من الصداع
زينب: أقول لياسر يوديك للمستشفى
ندى: لا أكل بنادول واشوف اذا ماخف الصداع أروح
زينب: طيب انزلي معي ألحين قامت ونزلت مع أمها .


وليد له يومين مو مرتاح لان ندى تعبانه يارب وش صار على ندى ابي ادق على ياسر اسأله عنها اخذ جواله ودق على ياسر
ياسر تارك جواله بالشاحن وطالع عن البيت
ندى ووعد جالسات سمعن صوت جوال ياسر ناظرت ندى شافت المتصل "وليد"
فز قلبها لما شافت اسمه وعد ارد عليه
وعد:ايه عادي قولي ان ياسر مو موجود
ردت ندى على وليد هلا
يوم سمع وليد صوتها فز وعرف انها ندى مساء الخير
ندى:مساء النور
وليد:وش اخبارك طمنيني عليك
ندى:الحمدلله بخير
وليد وده يكلمها بس الجوال لياسر وخايف انه يرجع ويشوف ندى ويسوي لها شي
وليد:ندى ماأطول عليك بس انا اتطمن عليك
ندى:مشكور وماقصرت
بعد ماقفلت ندى سألتها وعد وش يبي وليد
ندى وهي تبتسم:يسأل عني
وعد :صدق لو دريت كان انا رديت كله عشان مايسمع صوتك
ندى:اوووه نذله
وعد:ههههههاااااي توك تعرفين
دخل ياسر مساء الخير
ارتبكت ندى مساء النور اجلس وش فيك واقف
ياسر:ابجلس وجلس أخذ جواله وقعد يقلب فيه
ندى مرتبكه وخايفه
استغرب ياسر وسألهن وليد داق على جوالي
وعد:ايه يسأل عنك وقلت له اذا جاء اقوله
ياسر:اممم ان زين ادق عليه
ارتاحت ندى وقامت راحت وراها وعد احمدي ربك فكيتك من تحقيق
ندى:مشكووووره
وراحن غرفتهن .


ريم جالسه بغرفتها عند النت
وغاده منسدحه فتحت عليهن أفنان بنات قامت غاده هلا وش بغيتي
أفنان:احمد ووليد ينتظرونكن بالصاله
ريم:جايين الحين
راحن غاده وريم لأحمد ووليد
ريم:هاي شباب وش بغيتوا
وليد:هلا هلا بريمو تعالي اجلسي
ريم مستغربه:وش بغيت
احمد:اجلسي بعدين نقولك
غاده:وانا وإلا مطنشين
احمد:نطنشك انتي لا تعالي وحط يده وراء ضهرها وباسها مع وجهها
ريم بحماس:قولوا وش عندكم
وليد:مها بتجي وبتجلس عندنا
غاده بصراخ:ياي ياسلاااام واخيرا بتجي
احمد:وبعد بنشوف جنو
ريم:كللووليششش
وليد:طيب الحين قلنا لكم وش رأيكن تجيبن لنا شي
ريم +وعد:ابشروا من عيونا وراحن.



سعد جالس بالحديقه انا عارف ان احمد يحب هنادي بس انا اقول لأبوي يخطبها لي مو حب فيها عشان اقهر احمد .


أحمد بيطلع من البيت
هيفاء:أحمد...
أحمد:هلا يمه....
هيفاء:وين بتروح
أحمد:لبيت خالتي لطيفه
هيفاء:بحفظ الله بس لاتأخر
احمد وهو يحب على رأسها:ابشري من عيوني ويطلع .

هنادي لابسه بنطلون وجالسه بالحديقه وشعرها طايح على عيونها ومعها قصه تقرأها
دخل أحمد وهنادي معطيته ضهرها يناظر فيها ودقق فيها ويوم عرف انها هنادي راح يمشي بهدوء ويوم قرب منها حط يديه على كتوفها صرخت وطاح الكتاب منها
أحمد وهو بيتقطع من الضحك:هنادي.... هنادي...
وقفت وناظرت أحمد...
أحمد بإبتسامه جننت هنادي:ايه أحمد وش فيك خفتي
وردت خدود هنادي:لا بس كنت....
أحمد:انا ابدخل وين خالتي
هنادي:داخل بالصاله
راح أحمد وهنادي تطالع فيه
وتقول بنفسها
تدري يوم تغيب عني "يختلط همي بضني "أشعر بضيق وكآبه كنه شي وضاع مني...شوف كيف الورد يذبل "والقمر يبعد ويرحل تتغير كل حاجه" لماأنت شوي ترحل "تبغى شو الحقيقه بعدك والله ماأطيقه"
ومايفزها الإضربت نجود لها مع ضهرها وش قاعده تسوين
هنادي:يمه...خوفتيني
نجود:تعالي عندي وش مجلسك هنا
هنادي:أغير جو
نجود:تعالي بس ندخل
أخذت هنادي القصه وراحن.


في اليوم التالي"
عائله المحمد مجتمعين ينتظرون مها توصل
ريم:وليد انت وأحمد وش تساسرون
وليد:مو شغلك سالفه بينا
فارس:والله سوالفكم ماتنتهي طول الوقت
أحمد:الله يديمها
وليد بصوت عالي:امييييين
ضحكوا عليه .



الجزء الأولالفصل الثالث)
وصلت مها للرياض الكل فرحان ومبسوط بجيتها لان لها فتره ماجتهم أخذوا جنى وقاموا يلاعبونها قامت تصيح البنت لانها مستغربتهم اخذها فارس وباسها بقوه
ضحك وليد: الحين أخذها وتبكي يوم جاها الدفش بثقل دم ضحكت
مها: بنتي خشنه
احمد:واضح سبحان الله
وليد: أكيد ريم عمتها
ريم:والله والنعم
جاء فراس وساره
وانضموا للجلسه،،
بعدعشر دقايق،، مها وأحمد ووليد طلعوا لغرفة وليد يسولفون،،،

فارس: بنتها طفشتني تبكي ساره خوذيها ترى ابي انزلها
هيفاء: عطنيها
جت ريم تركض سمعتهم
فارس: قولي وش سمعتي
ريم: الأخوان يبون يتزوجون دخلو وليد واحمد ومها
فارس: كلللللللللللوللللليييشش
وليد: الحمد لله على العقل فارس: ساكتين ولا قلتم إنكم تبون تزوجون
أحمد: وصل الخبر بسرررعه فراس:أحد عنده ريم ومايدري وليد: تبي لها شغل ريم هاذي ريم: يكذب
فارس: صح كذاب فراس هو اللي جاب الخبر
مها:عادي مافيه شي بس لوريم انتظرت شوي
ريم: عاد والله ماأصبر
احمد: أكيد ماتقدرين يالفضوليه دخل خالد وقطع السالفه قام وسلم على مها وأخذ جنى وقامت تصيح
فارس: خافت منك طالع وحش
خالد: أكيد تو جاي من الدوام وتعبان
منى: حدك يافارس مووحش فارس: نسيت ان فيه محامين ريم: أمحق محاميه
خالد: أمممم تراها غاليه
ريم: سألتك غاليه والإموغاليه
ضحك الكل
أحمد: يالملقوفه اسكتي
ريم: ايه على ماقالوا سبع صنايع والحظ ضايع
الكل:ههههههههههههههه
أحمد:وليد تأخرنا بنروح الشركه
وطلعوا،،،

محمد جالس بمكتبه،،
دخلوا أحمد ووليد:السلام عليكم
محمد:وعليكم السلام حيا الله من جاء وابتسم
سلموا عليه وباسوا رأسه وجلسوا
وليد:يبه عندنا موضوع ودنا نأخذ رأيك فيه
محمد:تفضلوا
أحمد:والله حنا كبرنا وودنا نكمل باقي ديننا ونتزوج
محمد:هاذي الساعه المباركه
قولوا لأمك تختار لكم
وليد:لا البنات جاهزات
محمد:من بناته
أحمد:ندى وبنت سلطان
محمد:والله والنعم بس حددوا يوم وأخطب لكم
قام أحمد وباس راس محمد: مشكووور ياأغلى اب بالدنيا
طلعت دمعة محمد واستغرب وليد وأخذ يلطف الجو حتى مايشوفه احمد ويبكي بعد
وليد: أحمد رح أطلب لنا شاهي وبعد ماطلع
سأل وليد أبوه: وش فيك
مسح محمد دموعه
محمد: تذكرت عمك عبدالرحمن الله يرحمه ولاتنسى إن أحمد ولده
وليد: الله يرحمه
محمد: ألحين هذا أحمد كبر وصار مايقول لي الإ يبه
وليد بحزن: هاذي الدنيا وانت انسى كل شي حتى أحمد مايشوفك ويتضايق وأنا ماأحب أشوفه وهو متضايق دخل أحمد وهو يبتسم ابتسم له وليد ومحمد ونزل أحمد الشاهي وشربوا وبعد ماأنتهو منه رجعواللبيت وبقى محمد بشغله.


بيت اهل تركي"
قام تركي وراح يسلم على أمه أبوه ميت وساكن عند أخوه عبد الله هو وأمه وزوجة عبدالله ليلى نذله وتكره تركي ودايم تسوي أي شي تقهر تركي فيه تركي يبي يطلع من البيت نادته ليلى على وين سكت وطلع وسكر الباب بوجهها
انقهرت ليلى: طيييب ياتويرك اكرهك وع اصبر بس "اوووف هو وامه لو تموت ارتاح"

ام عبدالله جالسه بالصاله وتقهوى،،
ليلى وهي عند الباب:وأنتي الى ألحين جالسه قومي اذلفي لغرفتك
ام عبدالله"الله يعين":وأنا جالسه على قلبك هذا بيت عيالي وحلالي
ليلى بإستهزاء:عيالي وحلالي وراحت"اوووف تقهر هالعجوز" ام عبدالله:"حسبي الله ونعم الوكيل الله يصبرني على ماابتلاني فيه حتى ولدي قلبته علي الله يهديه بس"
وقامت بتطلع بالحديقه"اوسع صدري فيها احسن من مقابل وجه ليلى"

بيت المحمد"
ساره ومها جالسات عند أمهن وريم وغاده طلعن للحديقه
مها لساره: سلمان الله يرحمه صار على موته تسع شهور والى الأن وانتي ترفضين الزواج مايصير تسوين بنفسك كذا
ساره وهي تبكي: لاتذكريني الله يخليك وزادت شهقاتها أخذتها امها ومسحت دموعها
هيفاء: تعوذي من الشيطان هذي الدنيا
مها: صادقه امي هاذي الدنيا عاد اذا بكيتي بيرجع قامت ساره وراحت غرفتها وانسدحت على السرير وقامت تصيح ليش يامها تذكريني فيه وأنا ناسيته
دخلت عليها أمها
هيفاء: ياساره حرام تسوين بنفسك كذا قومي غسلي
مها: لودريت إنك بتسوين كذا ماقلت لك يالله تعالي ننزل قبل لايجي ابوي ويشوفك وأنت تبكين ويتضايق غسلت وجهها ونزلن
بالحديقه ريم وغاده جالسات ينتظرن ابوهن دخل محمد وسلم عليهن
محمد: تدخلن معي اوتجلسن هنا
ريم+غاده:اكييد تدخل ونجلس لا
دخل محمد ودخلن جو أحمد ووليد وفارس وفراس وولد خالد وليد وجلسوا بالحديقه يأكلون أيسكريم

في بيت منصور منسدح منصور على السرير
علياء : السلام عليكم طنشها منصور
علياء: ترى رد السلام واجب وترى هاذي ماهي حاله ماتفكر بعيالك وماتسأل عنهم ضحك بإستهزاء: عيالك انتي مسؤوله عنهم أناأهم شي عندي نفسي واطلعي وسكري الباب .

بيت اهل تركي"
بعد ماجلست ام عبدالله بالحديقه بعد عشر دقايق جاها تركي وجلس عندها،،
ام عبدالله لتركي: وش رايك نطلع عن عبدالله وزوجته ونتركهم براحتهم
تركي: إنشاء الله كلها اسبوع ونطلع وأخطب
ام عبدالله: الله يوفقك
تركي وهو يبوس رأسها:ويخليك لي
ام عبدالله قامت:بدخل معك انتظرني
مسك يدها تركي:المنحوسه داخل
ام عبدالله:ايه بس انتبه تقول شي وانت تعرف عبدالله مايرضى عليها
ليلى جالسه بالصاله وطفشانه"اوووف ملل وعبدالله تأخر"
دخل تركي وامه،،
ليلى:"كملت عاد"
ام عبدالله:السلام عليكم
ليلى بدون نفس:وعليكم السلام
جلس تركي"ياكرهي لها حتى صوتها ينرفزني"
قامت ام عبدالله:تركي بروح ارتاح لغرفتي تبي شي قبل أنام
تركي:لا سلامتك
بعد ماراحت امه،،
ليلى قامت:وانت ليه ماتذلف لغرفتك
تركي:جالس على قلبك اعتقد البيت بيت أبوي وحلالي والإ أنا غلطان
ليلى:لاوالله البيت بيت عبدالله وبيتي
تركي:هههههههههههههههههههههه هههههههههيههههههه
ليلى بقهر:ضحكت بلا ضروس
وطرااااااااااااااخ برجلها بالطاوله،،
تركي بعصبيه وصراخ:عــ‏ـمــ‏ـــــى ماتشوفين
دخل عبدالله على صراخ تركي
عبدالله:خير إنشاءالله وش فيك تصارخ
ليلى بصياح مصطنع:آآآآه اهئ..اهئ..ضربني..تركي
طررررااااخ ضرب عبدالله تركي كف على وجهه
وقف تركي بمكانه مصدوم مايدري وش السالفه وليه عبدالله يضربه
عبدالله بعصبيه:تمد يدك على ليلى مره ثانيه كسرت يدك فاهم
تركي:أنا ماضربتها
عبدالله:أسكت لا تكلم أنقلع أطلع برا لا أشوفك داخل هالبيت وانسى أنك بيوم من الأيام دخلت هالبيت
لف تركي بيطلع
:تــ‏ــــــــ‏ــــــركي لف لمصدر الصوت وشاف أمه وراح لها
ام تركي بدموع:وين بتروح
تركي:لاتخافين يمه ادور بيت واخذك معي
ام تركي:الله يوفقــ‏ــــــــ‏ــك
طلع تركي وراح يدور له بيت،،
ام عبدالله لعبدالله:ارتحــ‏ــــــــ‏ــــــت ألحين
عبدالله:يــ‏ــــــــ‏ــــمه انتي ماشفتيه وش سوى
طنشته امه ودخلت غرفتها وهي تدعي على ليلى والساعه الله عرفتها فيها،،،

__________________________________________________ __________
انشاءلله تكون الرواية كاملة

__________________________________________________ __________
مشكوره دموع الورد وطبعا الروايه كاملة الاجزاء عندي بس تو انزلها وهذا اول منتدى تنزل فيه واتمنى من اللي تنقلها لمنتدى ثاني تنقل اسمي معها ولا احلل من تنسبها لغيري بتنقلها عادي بس يكون اسمي معها ولكم الشكر

مشكوره اختي maaLI وملامح دافئه على الردود رفعتوا من معنوياتي شوي بس اتمنى ردود اكثر وعشان كذا بنزل بارت طويل لعيونكم