عنوان الموضوع : رواية - ليت مشاعرنا مثل أسامينا ماتتغير رواية جديدة
مقدم من طرف منتديات الشامل

بسم الله الرحمان الرحيم
اللهم صل على محمد وآل محمد
:f55:




أبدأ قصتي التي سوف أكتبها لأول مره وأرجو من الله العلي القدير أن تحوز على رضاكم

قصه من نسج خيالي وربما تحدي تجربه جديده علي اما ان تفشل او تنجح وربما لن تتكرر


وهي :-


((
ليــــت "مشاعرنا " مثل أسامينا..ماتتغير))


ماادري ليه حطيت هذا الاسم الاخت الصغيره تقول هذا انسب يالله على بركه الله


الشخصيات سوف تتعرفون عليهم بالتدريج مع الأحداث

فيصل( فتى حبوب ووسيم وطيب يعيش هو ووالدته في منزل وحيدين فقط )
أم فيصل (امرأة حبوبه تحب ابنها فيصل وتخاف عليه حبوبه جدا بشكل لايوصف)
أم فيصل: قوم يافيصل من النوم ورآك دوآآآم
فيصل: يمه حرام عليش تو الناس والله والله أنتي أكثر من مراقب الدوام . المفروض تشتغلي معانا في المستشفى
أم فيصل: يالله خلاص كفاية دلع
فيصل: فديت هاالأم > فيصل جلس وباس راس أمه
وقال: والله أنا من غيرك مااللي لزوم ياأم فيصل
أم فيصل: والله أنت شمعة بيتي أنا اللي من غيرك مالي لزوم
فيصل: فديت الأم والله جنان أحلى من كل أمهات العالم
أم فيصل : قوم يعلي أعرسك
فيصل: أوه يمه أعرسك أبعرسك ليش مستعجلة والله ماشفت البنت اللي تترس عيني
أم فيصل: والله ماشفت ..؟ عندك بنات أعمامك وأخوالك والله كل وحده تقول للقمر قم وأنا أجلس مكانك .
فيصل > ابتسم لأن هذا الموال كل يوم يتكرر <
فيصل: الله يخليك لي يا أمي هذا كل اللي أبيه.
أم فيصل>ابتسمت وحست أنها مالكه الدنيا بكلام ولدها وحبيبها فيصل >"سرحت بحب أبنها وتذكرت أنها كافحت لين ربت فيصل من بعد ماسافر والده وتركها هي مع ولدها وكان عمره سنتـان
وكيف ساعدها أخوها الكبير بورثـها من والدتها وتاجـر لحد ماوقفت على رجولها وصارت الأم الحنونة والأم التاجرة الغنية اللي رفضت كل شي على حسـاب ولدها فيصل" تاجرت وكونت ثروة لولدها فيصل حتى لايحس بفقد والده لـه وأدخلته كلية الطب.سرحت بفيصل الطفل الصغير اللي ربته وتعبت عليـه الحيـن تشوفه رجال ومركز بس ناقص تشوف عياله وتتمنى ياريت يوافق ويتزوج "<
فيصل قطع حبل أفكار أمه ووقف على راسها : يمه يمــــــه ويـن رحتـي؟
أم فيصل ضحكت : ياريت تتزوج ببنت أخوي محمد
فيصل : هههههههه أي وحده ندى ولا وســن ؟؟
أم فيصل : وسن طبعا.
فيصل عقد حواجبه : وش معنى وســن على راسها ريشه ؟؟
أم فيصل : ماأدري بــس أحبها والله .
فيصل : أقول يمه يالله مع السلامة بتأخر على العمل بسبب موآآآآل الزواج اللي كل يوم تكلميني عنه .


********************
} عــائــلة محمد بــو نــدى {


وسن "شخصية جذابة وحلوه ونعومه مؤدبه جدا"

ندى" حبوبه وجميله ولكنها أقل جمالا من وسـن لكنهم يحبون بعض في عائلة وســن الأنصاف ليس موجود ألا من والدتهم لكن والدهم يفضل ندى على وســن ودائما يرى وســن البنت اللي تخلي عفاريت الدنيا تنطط قدام عيونه > على قولة أخواننا المصريين <
ولـــــكن ماالسبب؟؟؟"
سوف نعرف هذا من خلال تسلسل الأحداث.......

وسن جالسه مع أم ندى بالصالة والأم تشاهد التلفزيون وتسلى بالمكسرات
وسن: يمــه ليش كل أسبوع تصير ألجمعه ببيت أحد ليش مايصير كلنا نروح ببيت جدي الله يرحمه ونتجمع كلنا بدل كل أسبوع يصير ببيوتنا
أم ندى : يايمه لازم كذا كيف نروح هناك وهو مافيه أحد من يخدم علينا وينظفه
وسن : كل واحد فينا يجيب شي مع شغالاتنا وخلاص والله يمه تعبنا يوم اللي يصير بيت أبوي يهزئ فينا ويقلب البيت علينا.
أم ندى:يعني لو بنات عمك ماجو بتفرحين.؟
وسن:يمه ليش؟ والله أحلى شي لما نجتمع مع بنات عمي بس المشكلة أبوي" وسن نزلت راسها لتحت ناظرتها والدتها بحزن لأنها أكثر وحده عارفه أن أبو ندى مايطيق وسن قباله ودائما يحرجها ويجرحها سواء أمامهم أو يم أهله لما يصيرو معهم بالبيت "
أم ندى: وسونه حبيبتي لاتزعلين في النهاية هذا أبوك أنتي تعرفينه مو أول مره ومرده يوم بيتعامل معاك زين .
"" وسن ناظرت والدتها ولسؤال بنظراتها يقول متى متى متى؟؟""
أنفتح الباب ودخل بوندى" شخصيه جادة مايضحك إلا لحبيبته ندى وبس وإذا دخل البيت يكون البيت كله ساكت من هيبته "
دخل الصالة بو ندى: السلام عليكم
الكل :- وعليكم السلام ورحمة الله وبركاته
بوندى ناظر بالصالة يدور على شي فاقده تلفت يمين وشمال وقال: وين ندى.؟
أم ندى ابتسمت كأنها عارفه بالسؤال مسبقا: هي جات من الكلية ودخلت لغرفتها ترتاح أصحيها الحين؟؟
بوندى بحنيه: لا خليها بعد عمري أكيد تعبانه
بنفس الوقت ناظر وسن و بصرامه:هي أنتي ليش جالسه هنا؟؟
وسن بخوف: جلست مع الوالدة بس.
قاطعها: يعني أيش جالسه أنا مآبي تبريرات أنا أقول لما تجين من المدرسة تدخلين غرفتك مو رازه وجهك هنا يا الله انقلعي وأحسن لك انخمدي في سريرك لين يجهز الغداء
وسن مارفعت عينها على والدها وقالت على طول : إن شاء الله تامر أمر أنت بس.

بو ندى: وشفيك واقفة يالله.؟
وسن بخطوات سريعة وخوف صعدت لغرفتها وفي عيونها حزن وألم وقهر من تعامل والدها لها

ندى دخلت على وسن وشافتها حزينة ندى: وسونه يا عيوني وش فيها القمر زعلانة ....!!!
وسن : ماأدري شسوي أبوي على طول يعصب علي والله دايما أراضيه .
ندى:آآآآه أنتي ما تعودتي لا تزعلين والله الدنيا ما تسوى وأنتي زعلانة
وسن ضحكت وورى ضحكتها آلم يعصر قلبها
ندى ابتسمت: آه ياحلوها من ضحكه
وسن : ندو ياعمري ألليله جمعتنا عند عمتي أم فيصل
ندى : أي والله بنشوف بنات عمك الخايسات سمر ومروه لازم نطلع أحلى منهم اللحين لازم نرتب ملابسنا قبل مايقلبونا
وسن : أي والله يالله قومي


قاطعهم طرق الباب
الخدامة روز: بابا كبير يقول يالله تعالوا نتغذى
وسن وندى ضحكوا : الله يستر

وعلى طاوله الغداء الأب يمينه الأم وندى على يساره ووسن مقابله والدها
ولكن وسن يدور في خلدها مئة سؤال وسؤال كل الحنيه كانت لندى والقسوة الموجودة في والدها سبحان الله كلها راحت
كانت وسن تناظر إنسان أخر يضحك ويمزح ويحن على ندى
لكن السؤال
ليه أنا ما يسوي لي كذا !! ليه أنا لا !!!!!




>>>>> ردود الأعضـــــــــــــــــــاء على الموضوع <<<<<
==================================


}عــائـلة بــو منصور {

مروه"فتاة جميله عاقله رزينة أكثر من سمر"
سمر" ألمرحه وتحب أناقتها أكثر من مروه وأكثر نعومه أيضا "
مروه وسمر جالسين بالصالة يتمازحون ويضحكون ويلعبون > أونوا <
أثناء ذلك دخل أخوهم منصور وشافهم يلعبون على طول دخل وسحب الورق منهم مروه وسمر زعلوا وراحوا وراه
أكيد تسألون من منصور " منصور أكبر من مروه وسمر حبوب وطويل ووسيم يمزح كثير ودائما يلعب ويمزح مع سمر أكثر من مروه ودائما يناديها المغرورة وهو أكثر واحد اعتماد عليه في بيت بو منصور"
سمر لحقت منصور لغرفته وهو ماخذ الورق وقالت : والله بذبحك
منصور وهو يضحك عليها : أتحداك يا سمووور هههههههه
سمر : حرام عليك تخرب علينا ليش؟
سمر أشوي وتبكي مسكها منصور وحضنها : خلاص سمور لا تزعلين والله أضحك معاكم
سمر ضحكت ونشوة الانتصار بانت عليها :منصور الليلة بنروح بيت عمتنا أم فيصل
منصور أبتسم بخبث: بتجي بنات عمك ندى ووســن صح؟؟
سمر: قصدك وســــن )(وتبتسم بخبث()
منصور: لاتنسين سلمي عليها
سمر: أي يوصل ()بنذالة)) أقولك أشوف أفكر أقول لها وإلا لا ؟
منصور: أفاااا ليش؟؟ هذا وأنا أخوك الكبير اللي يحبك ويراضيك
سمر بابتسامه: خلاص يوصل كل شي ولا أخوي الغالي بالرغم أني أحلى من وسن بس بقول لها .
منصور : يا بنت الحين أنتي أحلى منها!!!!
سمر ضحكت ومشت وهي عارفه في داخلها أن وسن أحلى منها

نزلت سمر لعند أختها إلا بدخلة بو منصور عليهم سلم عليهم وقال: وين أمكم
مروه: أمي طلعت بيت جيرانا
بو منصور:لما تجي ويجهز الغداء نادوني أنا في غرفتي .

بو منصور
" الأخ الثالث في قصتنا شخصيه واثقة جدا وحبوب وله مكانه في المجتمع وأب حنون على بناته"
أم منصور" أم حنونة وتحب المظاهر واجتماعيه جدا دائما لها علاقات في المجتمع وتحب تزور وتتزاور مع صاحباتها وجيرانها"
دخلت أم منصور البيت: السلام عليكم
مروه وسمر :وعليكم السلام ورحمة الله وبركاته
مروه: أقول يا أم منصور ترى بومنصور المزيون وصل قبلك
أم منصور: صحيح ياعمري بو منصور أكيد جاي تعبان يالله بنات قوموا قولوا للشغالة ترتب الغذاء على ماابدل وأنزل أنا مع بو منصور
سمر ومروه :إن شاء الله يمـــــــــه
راحت أم منصور لزوجها
أم منصور: كيفك يا عمري وتاج راسي
بو منصور يبتسم: الحمد لله يا أم عيالي البيت من غيرك ولا شي .
أم منصور : أوه يابو منصور ياحلو كلامك والله اشتقت لك قم ياروحي نتغدى عشان ترتاح من بعدد الشغل
"أم منصور وبو منصور يحبون بعض بشكل جنوني ودايما كلامهم مع بعض بالحب والغزل حتى أمام عيالهم "
وعلى طاولة طعام الغداء تجمعوا العائلة كلها بومنصور وأم منصور ومروه وسمر ومنصور ماعدا حمد اللي دائما أخر الوافدين
دخل حمد: السلام عليكم
الكل :وعليكم السلام ورحمة الله وبركاته
حمد:أو بو منصور يطاوعك قلبك تأكل قبل ما يجي حبيبك حمد ما هقيت تسوي كذا
بو منصور: أستحي يولد قل يبا
حمد حب راس أبوه : وأنا مالي غير بو منصور
أم منصور ماده بوزها وشكلها زعلآنه على حمد
حمد:أشوف القمر أم منصور زعلانة!!
أم منصور: أي تحب راس أبوك وأنا مالي شي
البنات :هههههههههه
حمد: كل شي ولا أم منصور نواره بيتنا وشمعتنا فديت الزعلانين
أم منصور بضحكه: بس كلام أبي حالي حال الأخو اللي يمي
منصور يستهبل : الله يايمه الحين صار بو منصور أخو أجل أحنا عيال مين...؟؟
الكل :- هههههههه هههههههه
حمد باس رأس أمه وهو يضحك هذا حال عائلة بو منصور يسودهم الحب والتفاهم

****************

}فــي منــزل أم فيــصــل {
الكل على قدم وساق اليوم أخوان أم فيصل عندها تنظيف وطبخ وترتيب
فيصل: السلام عليكم
أم فيصل : وعليكم السلام ورحمة الله وبركاته
فيصل: كل هالحوسه عشان أخوانك!!!!!!
أم فيصل:ذولا أخوالك
فيصل باستغراب: الله زعلتي..؟
أم فيصل:أبي اعرف ليش أنت تسوي كذا؟
فيصل: آآآآه يايمه أخوك بو ندى يعل القلب
قاطعته أم فيصل وهي معصبه : أستحي هذا خالك بو ندى
فيصل: أوف خلاص بفضي حالي ونجلس وياهم احمد لله أن خالي بو منصور راح يجي هو و منصور وحمد إلا أخوك الثاني ما ينجلس معاه
أم فيصل: ياوليدي أنت الرجال بالبيت وما يصير أخوالك يجوون عندنا ويجلسون لوحدهم
فيصل أبتسم :خلاص راح أجي كل شي ولا الغالية تزعل
أم فيصل : الله لا يحرمني منك يا حنون

*****************
وسن طلعت من الحمام ولبست لها فستان أخضر مخصر وقصير ورتبت شعرها وحطت لها ميك أب خفيف وناعم مثلها
ورشت عليها من العطر الفرنسي ودخلت عليها ندى
ندى:الـله والله قمر وش ها الحلى هذا.؟
وسن بخجل: أنتي القمر والله
ندى: يحليلك الحين كل ها الجمال الرباني وأنا القمر أنتي القمر بالبيت
وسن صارت خدودها حمر من الخجل : حرام عليك والله استحي

ندى لفت على وسن وباست جبينها بيبي :أحب اللي يستحون يا الله نجهز عشان ما نتهزء
نزلت ندى ووسن وندى وأمهم وأبوهم جاهزين ناظر بوندى في وسن ولا كأنها عاجبته
ها البنت
وسن في البداية ما همها نظرات أبوها اللي تعودت عليها لكن بعدين تضايقت
التفت أبوها على ندى وقال لها بحنيه : حياتي ندى يا الله معاي السيارة
مسك أيدها ومشى معاها للسيارة ووسن وأم ندى وراهم فتح لها باب السيارة ودخلها
وناظر بوسن: يا الله ركبي السيارة بسرعة لا تعطلينا
أم ندى دخلت قدام مع زوجها ووسن ركبت السيارة وهي متضايقة من طريقة معاملة والدها لها .



***********
% في بيت أم فـصـل %

أم فيصل مبسوطة وهي تحتري إخوانها وبناتهم
فيصل : الوالدة الغالية مبسوطة
أم فيصل: أنكتم أحسن لك ولا تزعلني منك وبعدين أنت كلما شفتني مبسوطة تحب تتسبب فيني
فيصل ضحك لين بانت أسنانه:هههههههههههههههههههههههههههه
> أمه هذي حالتها كل ما يجوون لها أخونها تتغير تفرح ويبان عليها السعادة <
فيصل باس راس أمه : بــروح مغلط الرجال أنتظرهم.
أم فيصل :أي والله روح الله لايحرمني من وليدي
فيصل باس يد أمه وطلع لمجلس الرجال
دق جرس الباب وفتحت الشغالة الباب ودخل أبو ندى وزوجته وبناته

أم فيصل: الله حيهم
أبو ندى وهو مبتسم:كيف أم فيصل الغالية ؟؟؟
أم فيصل: فديت أخوي والله حياك أنا تمام دامك أنت بخير > وقربت من أخوها وحبت رأسه
أم ندى: كيفك ياأم فيصل؟؟
أم فيصل: ياهــلا بزوجة الغالي.. وسلمت عليها وباستها على خدها
التفت أبو ندى على بناته : سلموا على عمتكم
قربت وسـن من عمتها وباست راسها : كيفك عمه؟
أم فيصل: تمـــااام حياا الله الجمــــــااال
وسن بحيــاء نزلت راسها للأرض
ندى قربت من عمتها وباست راسها : كيفك عمــه؟
أم فيصل: يامرحبا بــندى بكــر أخوي يامــرحبا حيــاااكم
أبو ندى: وين فيصل؟
أم فيصل: بالمجلس تفضل أخوي
أبو ندى : بروح لفيصل المجلس لا تـنسين يا الغالية جيبي لي القهوة و الحلى اللي من أيدك
أم فيصل: تــامر يا الغالي ما طلبت شي يا الله بناااااات تفضلواا

جلسوا البنات بالصالة .إلا يدق الجرس مره ثانيه ويوصل بو منصور وعياله
ندى ووسن وأمهم تغطوا بالصالة
دخل بو منصور وحب راس أخته
أم منصور سلمت على أم فيصل ودخل منصور وحمد سلموا على عمتهم إلا أبو منصور لمح زوجة أخوه أم ندى
أبو منصور : كيفك يا أم ندى أحوالك؟
أم ندى : طيبه الله يطيب حالك.

قاموا ندى ووسن يسلمون على عمهم بو منصور : هلا والله بالأميرات
وسن باست راس عمها :كيفك عمي ؟
وندى وراها بعد باست راس عمها : كيفك عمي؟
بو منصور: بخير

منصور شاف البنات يسلمون على أبوه وقف يناظر ياترى أي وحده فيهم وسن
قطع حبل أفكاره أخوه حمد: يــا الله نروح لفيصل المجلس وسحبه وياه
إلا دخلوا البنات مروه وسمر وهم يصارخون : تدخلون وتخلون الأغراض علينا
إلا حسواا بوالدهم يناظرهم وسكتو راحو لعمتهم وباسوا راسها وسلموا عليها وسلموا على زوجة عمهم أم ندى
إلا صراخهم زاد بالتحايا على بنات عمهم :هـــــــــــااي
ندى : هايـااااات يا الدبة
مروه: دبه أنتي أنا و شحلاتي رشيقة
وسن: هلا مروه أحوالك؟
مروه:تمام
سمر:تسلمون عليها يا الخاينين وأنا لا صج قهر
ندى ومروه ووسن:ههههههههههههههههههههههه
كانت بالفعل متضايقة
وسن قربت منها: سمــور الغالية زعلانة وحضنتها : فديت الزعلان أنا
سمر حضنتها أكثر: ماحد يطيب خاطري إلا أنتي
شافتهم عمتهم وضحكت عليهم وقالت: والله دلو عات
البنات :ههههههههههه

جلسوا يتونسون إلا أم فيصل تقول: قوموا بنات رقصوا خلونا نفرح ونشوف مين الشاطرة بالرقص
البنات عيونهم على بعض وبصوت فرح : يا الـلـه
شغلوا المسجلة بصوت عالي وبدوا الرقص سمر ترقص وشوي تصفر مثل الأولاد على رقص البنات
أم فيصل وأم منصور وأم ندى يشجعون البنات هذي اللي تتمايل وهذي اللي تدبك وهذي اللي تنطط
والضحك عالي والفرح مبين عليهم
وسن من كثر مارقصت عطشت أستئذنتهم تدخل المطبخ تاخذ لها مويه
دخل شافت الشغالات مشغولين بترتيب الأكل ومدت يدها وأخذت كاس مويه تشرب


إلا دخل واحد المطبخ وهي معطته ظهرها ما حست فيه ألا يقول
.......: جهزوا الشاي؟؟


تـــوقعــاتكم

منــو اللي دخــل المطبخ؟؟ وشو راح ببصير؟؟كيف رده فعل وسن باللي صار؟
وشنو اللي يخلي بو ندى يتعامل مع وسن كذا؟؟
ترقبوا المزيد؟؟

اكيد تقولون هذي مصدقه نفسها
ماعليه خذوني على قد القصه وانتظر من اعضاء المنتدى التعليق
محتاجه التشجيع واتمنى الجميع
ان يعلق عليها ؟؟؟؟
لااحد يعلق ويقول كلمات ركيكه ترى مااعرف اصف كلام منمق
مثل الكتاب والشعراء المرهفين
تجربه تصيب او تخيب
ومافي تتمه الا بتعليق


الكاتبه: Wasan

__________________________________________________ __________
يسلمووووووووو بصراحه قصة في قمة الروعه تسلم الانامل

__________________________________________________ __________
يشرفني اكون اول من يرد ع موضوعك

__________________________________________________ __________
الروايه رووووعه جدااااااا والله يعطيك العافيه

__________________________________________________ __________

وانا يشرفن انكم تكونوا من أول الرادين على روايتي المتواضعه


الجزء الثاني من:-





(( ليــــت " مشاعرنا " مثل أسامينا.. ماتتغير))











وسن من كثر مارقصت عطشت أستئذنتهم تدخل المطبخ تاخذ لها ماي

دخل شافت الشغالات مشغولين بترتيب الأكل ومدت يدها وأخذت الماي تشرب





إلا دخل واحد المطبخ وهي معطته ظهرها ما حست فيه الا يقول

.....: جهز الشاي؟؟





التفت صارت عيونهم بعيون بعض ونسوا كل اللي حولهم

وسن" نظرات حالمة في عيونه سحر وجذاب ماتعرف كيف تتصرف بحالها"

فيصل" حس بأنفاس حارة وخايفة في نفس الوقت كان يناظر بأحلى عيون

أنصدم فيه في الدنيا جمال مثل هذا الجمال "

طاح الكاس من يدها نزلت تلم الزجاج المكسور نزل معاها فيصل ومسك إيدهاا

فيصل: أتركي الزجاج لا تتعور أيدك

خافت حست بأيده على أيدها صدمت بكتفه وطلعت تركض من المطبخ وهي قلبها يدق بسرعة

فيصل كان يناظر فيها من فوق لتحت

رجعت عند البنات ولسانها مربوط وتفكيرها منشل ودقات قلبها سريعة

أم فيصل حست انه وسن من جات من المطبخ وهي مرتبكة قالت لهم: بروح المطبخ أشوف الشغالات إذا رتبوا السفرة للعشاء

دخلت المطبخ سألت الشغالة : فيصل دخـــل المطبخ...؟

الشغالة : أيوه مدآآم

أم فيصل ابتسمت: فيصل شاف وسن
الشغالة : أيوه مدآآم

أم فيصل عرفت سر أرتباك وسن وفرحت أخيرا فيصل ناظر وسن وحس أكيد بجمالها

وكان هذا اللي تبيه وحصل



نادتهم للعشاء

سمر: وسونه يسلم عليك أخوي منصور

وسن أتبسمت بحياء ونزلت راسها : الله يسلمك ويسلمه

سمر: يا قلبي أستحي منصور ما احد يستحي منه

وسن ناظرت سمر وتفكيرها مشغول باللي صار بالمطبخ

سمر: عمه أم فيصل كيف تجلسين يوم يصير فيصل بالدوام الليلي ؟؟

أم فيصل: تعودت خبرك الشغالة والسواق ساكنين بالبيت والحمد لله الدنيا أمان

أم منصور:تعالي ياخيتي عندنا بالبيت يوم وتسلي معانا وونسينا

أم ندى: وإحنا بعد ذيك الساعة لما أم فيصل تجي عندنا

أم فيصل: تسلمون يالغاليين والله هذا من ذوقكم

سمر: عمه تعالي والله

أم فيصل: ووليدي فيصل أتركه لا ما أقدر

سمر بخبث: عادي خليه يجي معاك

مروه عطتها قرصه على رجلها : يالعجله أستحي

سمر: آآآي ليش ؟؟

ندى:يالدبــه أستحي

وسن كانت في عالم ثاني ماعلقت على الموضوع

"أم فيصل ضحكت على حركات البنات وعيونها على وسن"







فيصل في المجلس مع خواله وعيالهم جالسيين يتونسون وتفكيره في البنت اللي في المطبخ وما يدري مين هذي منهم

فيصل: منصور متى تأخذ إجازة عشان نسافر الأمارات ؟؟

منصور: ماأدري والله ودي بس المدير مضيق علينا

فيصل أبتسم وعيونه على عمه بو منصور لأنه المدير اللي مضيق على منصور

ناظرهم بومنصور وأشر على أخوه بو ندى:أسمع هالعيال يبون يسافرون ويتفسحون عمرهم مايتحملون المسؤليه

أبو ندى بصرامه:أي والله أحنا بعمركم حملنا مسؤليه وعندنا حريم وعيال

حمد وفيصل ومنصور يتبسمون على كلامهم

ناظرهم بو منصور: تضحكون عمركم ماراح تحسون بالمسؤليه وخصوصا إذا صار كل شي عندكم نت سيارات وسفرات والله الدنيا أختربت

فيصل :ياخوالي الأعزاء هذا يسمونه تطور

أبو ندى : والله مو تطور هذا خراب

فيصل وحمد ومنصور سكتوا عارفين أن الكلام مع الكبار مايتغير

تعشوا وطلعوا من بيت أختهم وهم مبسوطين



********************



أبـ أعترف أني بدون عيونها...

أضيع في شرق الحياة وغربها..

كل ما أقول لها أحبك عشت عيد..

وتقولي ما أسمع عشان أرجع و أعيد..



فيصل جلس وكل تفكيره بالعيون الجميلة والبنت اللي شافها كان وده يكلم أمه بس مايبي تمسك أمه عليه شي سرح في جمال عيونها

أم فيصل فتحت باب غرفة ولدها: إلى الحين ما نمت

فيصل عدل جلسته: أبد يمه ماجآني نوم

أم فيصل: ورآك بكره دوام

فيصل سرح وبنفسه> آه يا يمه لو تعرفين شلي قلب كياني

أم فيصل قاطعت أفكاره: وليدي نام أحسن لك ما يصير تروح الدوام وأنت تعبان

أم فيصل كان ودها تكلمه عن اللي صار بس أجلت الموضوع لوقت ثاني

فيصل: يا الله يمه يا حنونة تصبحين على خير

أم فيصل: وأنت من أهل الخير



****************

@ في منزل أبو منصور @

منصور أول ما دخل البيت مسك يد سمر وسحبها على جنب

سمر: آه وجع وجعت يدي

منصور: وجع اللي يوجعك أن شاء الله وبـ استهزاء: يا الرقيقة

سمر وتمد لسانها على منصور: أيوه أكيد حلوه ورقيقه

منصور قرص خدها : عيب عقلي

سمر بابتسامه: خير

منصور: بلا نذالة وصلتي السلام

سمر: هااااااااه وش تقول؟؟

منصور: بلا سخافة

سمر: أي وصلته والبنت استحت والله لو قايله ها الكلام لندى أن منصور يسلم عليك كان رفعت الجزمة وضربتني بس الحمد لله أنها وسن.

منصور: تسلم لي الغالية الحبوبه سمور تستاهلين أحلى تمشية بكرة

سمر بفرح : صحيح؟

منصور: أيوه

سمر: خلاص أبي أروح السوق والمطعم

منصور: هي أنتي قلنا مكان واحد لا تطمعين

سمر بدلع : طيب ما فيه شي السوق وندخل المطعم بس

منصور: خلاص كل شي ولا سمور المجنون

سمر عصبت : أنت المجنون

منصور: خلاص لا تاكلينا اللي تبينه بيصير

سمر تصارخ ب انتصار : هيه هيه أخيراا

مروه: وشفيك صراخك واصل لتحت

سمر: أخوك منصور بيودينا السوق والمطعم يقول حتى الفلوس من عنده

مروه: صدق والله

منصور يناظرهم عارف حركات خواته لما يبون فلوس وتمشيه على حسابه وابتسم

سمر: أي واحنا مالنا غير أبو الشباب

حمد وصل ودخل في السالفة على طول : في أحد يتكلم علي

مروه: يعني ما عندنا إلى أنت

حمد : أشوف صرتوا أحزاب علي

سمر بدلع: أوه حمودي وأحنا نقدر على أخونا الحلو

حمد : فكرت

منصور باستهزاء : صحيح ياسمر أنتي منافقة

سمر غمزت له: خلنا نضحك عليه

سمعها حمد ومسك أذنها : أوريك يالعياره

سمر : آآه حرام عليك والله أحبكم كلكم

الكل: ههههههههههههه

**************



) في بيـــت أبو ندى (



وصولوا البنات مبسوطين صعدوا لغرفهم على طول أبو ندى وأم ندى دخلوا لغرفتهم بعد

أم ندى بدلع:حبيبي انبسطت اليوم

أبو ندى: أي والله أختي ما قصرت والله لما أشوفها أفرح الحمد لله دايما هي قد المسؤليه تعبت والله عوضها بولدها الله يتمم لها يارب

أم ندى: آآمين يارب وش رايك أجهز لك الحمام عشان تنام وترتاح

أبو ندى: والله ماحد يعرفني غيرك الله لايحرمني منك يارب

أم ندى: يارب وأنت بعد تاج راسي



في غرفة وسن

وسن بغرفتها حاسه أنها مبسوطة وفي نفس الوقت خايفه ودها تتكلم مع ندى باللي صار وخايفة تصغر في عين أختها

بس مبسوطة وتمسك يدها : يارب أيده حنونة ماحد مسك يدها كذا ولاحتى أبوي على طول يمسك يد ندى ولامره مسك أيدي بحنيه لكن فيصل لما مسك أيدي حسيت بدفى أيده وعيونه

لما جات في عيوني حسيت قلبي بيطيح شعور غير

حضنت وسن دبدوبها ونامت وهي فرحانة



في غرفة ندى



ندى لما وصلت دخلت غرفتها اتصلت على صديقتها شجون

ندى: شجون حبيبتي ليه الـــيوم ماجيتي الكلية

شجون: والله مالي خلق محاضرتين مو مستاهله أجي لهم

ندى: والله زعلت اليوم ما أحد لي هناك

شجون: ولا يهمك أعوضك في الأيام الجايه قولي ما شفتي حبيبك

ندى: أصص وش حبيبي هذا كــلام كبير

شجون : بذمـتك ما تحبـينه

ندى: إلى أحبه وأعزه بس كيف وهو مــو داري عني

شجون: في خطط ولازم نسويها ويصير اللي تبينه

ندى: كيـــــــــــف؟

شجون: خلي الأفكار موجودة ونطبقها شوي شوي

ندى بأمل : جد يا الله قولي لي



يا ترى من هــو هذا حبيب نــدى؟

و ماهي الخطط اللي راح تصــــير ؟؟

فيصل بيكلم أمه عن وسن وإلا لا؟

انتظروا المزيد!!!!!!!!!!!!!