عنوان الموضوع : على ورق الورد رواية جديدة
مقدم من طرف منتديات الشامل

!! |•°¬ على ورق الورد !! |•°¬
على ورق الورد ... خطيت ذكرياتي


يا رب تدوم ايامنا سوى
و يبقى عطول جامعنا الهوى
يا رب تدوم يا رب تدوم
يا رب نعيد هالحب اللي كان
و أحلام كتير من الماضي كمان
يا رب نعيد يا رب نعيد



الفصل الاول

في غرفة يغطيها ظلام الليل .. ويتداخل فيها نسيم الشتاء .. كانت نايمة على سريرها البارد .. وغارقة في احلامها الوردية ..

رانيا : داااااااااااااااااااااااااااااان .. دانوووه قومي بسك نوووم يلاااا
" رانيا : 18 سنه .. بنت حلوة .. خلوقة .. الكل يتمنى بنت مثلها ... جمالها شرقاوي .. شعرها اسود عكس لون بشرتها البيضاء.. عيونها سود شفايفها كانها حبة كرز حمراء وصغيره .. وخشمها صغير وكانه سلة سيف .. شعرها كيرلي وكثيف وحيوي ...
قامت من نومها وبكل كسل وتمغطت وانسدحت مرة ثانيه بكل تعب
دان : اهلين .. ليش جيتي ؟؟
رانيا : وشو له تطرديني من بيتكم ؟؟ لا تخافين اصلا مو طالعه ههه
دان : امشي .. امشي اقعدي بلا مصاخه .. بروح الحمام وارجع ..
قامت دان من السرير وراحت الحمام اخذت لها شاور على السريع ولبست الروب وطلعت ...
" دان : 18 سنه .. بنت ولا اروع .. جمال واخلاق ودين .. جمالها شرقاوي . شعرها بني غامق وصاير شكله غريب لانه من تحت فاتح شوي ومن فوق غامق .. ناعم مثل الحرير .. بشرتها بيضاء وعيونها بنيه شفايفها صغيرة وخشمها صغنون .. اللي يميزها جسمها .. كانه منكان من روعته
رانيا : نعيما
دان : تنعم دنياك ..
تفتح الدرج وتاخذ السشوار وتنشف شعرها
دان : الا ما قلتيلي .. شهالزيارة الحلوة ؟؟
رانيا : اهلي الهوانم .. راحوا البحرين وتركوني نايمة .. وانا اخاف اقعد بالبيت لحالي ... جبت كاتي " الشغالة " وجيت
دان : وما قالولك متى يجون
رانيا : خياس بيجون الجمعه
دان : اهااا يرجعون بالسلامة ان شاء الله
رانيا : الله يسلمك
دان : الا كم الساعة الحين ؟؟
رانيا : هههه توك تسالين عن الساعه ؟؟ ... الساعه 3 الفجر
دان : ول .؟؟ انا حسبالي 6 المغرب
رانيا : وبعدين نايمة وتاركه باب البلكونه مفتوح .. شهالعباطة ؟؟ الدنيا فريزر برا
دان : عشان ما ابي افتح المكيف
رانيا : على فكرة .. جنا ورند بيجون يفطرون هنا
دان " وهي تمشط شعرها " : ماشاء الله وانتي عازمة اللي تبين ببيتنا ؟؟
رانيا : هههههه معليش بس اشتقت لهم من يوم ما بدت اجازة الحج وهم لاحس ولا خبر ..
دان : صح عليك .. الا اقول " حطت الفرشة وراحت عند غرفه الملابس " .. انتي مستحيل توك جايه
رانيا : صح انا مستحيل توني جايه .. كنت من الساعه 11 هنا .. قعدت مع امك وسارة وسعد وتوني طلعت اصحيك
دان : اهاا .. طيب هم للحين تحت
رانيا : مدري بس خالة ام عبد الله وسارة راحوا يناموا وقعدنا انا وسعد نسولف بعدين انا طلعت اصحيك واظن هو راح ينام
دان لبست لها بجامه قطن عاديه بنطلون وبلوزة كم طويل واخذت الشال حقها
دان : اقول رانيا وريني شلابسه ؟؟
رانيا وقفت وكانت لابسة بنطلون برمودا لتحت الركبه بنص شبر جينز سماوي .. وبلوزة طويلة وفيها زركشة من تحت بالسماوي ونفس الشي الاكمام لانه كانت طويلة
دان : تبين تنامين بذا ؟؟ تعالي البسي بجامه
رانيا : جبت معاي
قامت رانيا غيرت ملابسها ولبست البجامه واخذت الروب اللي يوصل لين الركبه ولبسته
دان : تبين تاكلين شي ؟؟
رانيا : ايه صراحه مرة جوعانه
دان : تعالي ننزل ناكل
نزلوا دان ورانيا للمطبخ يشوفون شي ياكلونه ..

ريم : وكنتو صديقات لذي الدرجة ؟
رانيا :اكثر من علاقة صداقة .. كانت ونعم الصديقة .. والاخت .. والحبيبه .. ما اظن شلون تتخيلين شكثر كنا متمسكين في بعض .. وما فرقتنا الا اقدار الزمان ...
ريم : كنتو بس انتو الاثنين والا كان في ثانيات لانه اسمعك تقولين اسماء ثانيه
رانيا : الحين بتعرفين ..
لمن نزلنا انا وهي ناكل .........

دان : يوووو لا تقولين
رانيا : الا شوفي في حبوب بنيه
دان : طيب ايش تبين تاكلين يعني ؟
رانيا : ياخي اي شي مو شرط شوربه
دان : اساسا هذا مو خربان تعالي اقري
بعد ما قرت رانيا المكونات
رانيا : اهاااااااا هذا دجااااج مسوينه مرة صغار ههههه
دان : عبيطه مو اقولك وانتي قاعده تكبيه من اول ... روحي بس جيبي الماي من الغلايه بسرعه
راحت رانيا تجيب الغلاية وراحت فتحت الغاز وراحت تدور على المسدس
دان : ايش ذي الريحه ؟؟
رانيا وهي ماسكة المسدس حق الغاز : فتحت الغاز ورحت اجيب المسدس
دان : يا غبيــــه .. تبين تفجرين البيت لا سمح الله ... " وسكرت الغاز "
لا تستخدمين ذا استخدمي الكهرباء احسن شي
رانيا : أيش اسوي اذا احنا ما عندنا مثل فرن الكهرباء حقكم
دان : اجل انطقي اقعدي انا بسويه
راحت دان فتحت الشباك عشان تروح ريحة الغاز وقعدت تسوي الشوربة
جا سعد وهو يتثاوب وماسك بطنه من الجوع : ايش تسوون ؟؟
رانيا : نسوي شوربه
سعد : مممم .. ايش نوعها ؟؟
دان : وشو تحقيق ؟ .. ماجي
سعد : يمييييي ... طيب حطوا لي معكم
"سعد 22 سنه ... انسان رائع بكل ما تعني به الكلمة .. اخلاق ... ووسامة .. وروح رياضيه ومرحه ...و جسم طول وعرض .. "
سعد يطالع في رانيا : يمة شفيك تطالعين فيني كذه ؟؟
رانيا انتبهت لنفسها : ها ؟؟...
سعد : خلاص اذا ما تبوني اكل من الشوربه مارح اكل اسوي لي أي شي ثاني
يقولون مرة حلو .. انا للحين ما اتفرجته Blood diamond رانيا : لا شدعوة ؟؟ ناكل ونتفرج فلم جبت
دان وهي تذوق الشوربه : مممم .. ومين فيه ؟؟
رانيا : ليوناردو ذي كابريو و واحد ووحده مدري اول مرة اشوفهم
دان : تمام
سعد " اتثاوب مرة ثانيه " : طيب اذا خلصت الشوربه صحوني انا في الصاله
دان : امشي خلاص خلصنا " تشيل القدر وتحط الشوربة في الصحن "
قعدوا ياكلوا ويتفرجون الفلم .. بعدين دان ورانيا راحوا ناموا .. وسعد نفس الشي
الساعه 7 الصبح
ام عبد الله وابو عبد الله كانوا تحت يفطرون
نزلت دان ..
دان : صباح الخير
ام وابو عبد الله : صباح النور
وباست راس ابوها وامها وجلست تفطر معاها
ابو عبد الله : اجهزي اليوم الغدا عند عمك عبد العزيز
دان :عشان وشو المناسبه ؟؟
ابو عبد الله : حق تخرج مهند
دان : يوووو يحلييييلة اخذ الماجستير خلاص ؟؟
ابو عبد الله : ايه ورجع من اسبوع
دان : طيب شلون اروح ورانيا هنا .. ما اقدر اتركهها لحالها ..
ابو عبد الله : تجي ويانا
دان : صح تجي بيت جدتي بس مو بيت عمي . رح ترفض اكيد وما ابيها صراحه تروح بيتها
ام عبد الله : خلاص طيب انتو اقعدوا واتغدوا
دان : عادي تعتذر عني ؟ لاني من جد ما اقدر اترك رانيا
ابو عبد الله : كلميه انتي .. انا مالي دخل
دان : اوكي بكلمة بعد الظهر .. على فكرة موم ... جنا ورند جايين يفطرون هنا على الساعه 9 رح نطلب من بارنييز و كودو " بان كيك " اوكي؟؟
ام عبد الله : طيب ..
دان : يــس
طلعت دان غرفتها غيرت ملابسها بهدوء في غرفة الملابس عشان ما تزعج رانيا
راحت قفلت الستاير اللي على السرير لانه كان نظامه سرير عالي وفيه عواميد حقة ستارة ودان دايما تربط الجزء في عواميد الستارة عشان ما تحبها مسكرة مرة
الساعه 9 ...
سعد وابو عبد الله راح الشغل .. وتلفون البيت يرن
دان : الوو السلام عليكم
عبد الله : وعليكم السلام .. كيفك ؟؟
دان: هلا والله .. تمام الحمد لله انت شخبارك ؟؟
عبد الله : الحمدلله ..غريبة مو نايمة للحين .؟؟
دان : هههههه من جد صح ؟؟ ههه لا عشان جنا ورند جايين يفطرون
عبد الله : اهااا .. وليه رانيا مو جايه معهم ؟؟
دان : الا هي نايمة عندي من امس
عبد الله : اهااا ... الا وين ابوي ؟؟
دان : راح الشركة من شوي .. ما شفته ؟؟
عبد الله : لا ما شفته .. وامي وين ؟؟
دان : ماما راحت السوق تجيب هديه لمهند
عبد الله : ماشي ... يلا سلمي عليهم كلهم ..
دان : يووصل وانت بعد سلم على هند
عبد الله : ان شاء الله .. يلا مع السلامة
دان : مع السلامة
" عبد الله : 28 سنه .. متزوج هند .. وعايشين اجمل قصه حب .. رجال بمعنى الكلمة .. صبور .. مخلص ومحب لغيرة .. يحب الكل والكل يحبه "
طلعت دان لغرفتها
دان : رانيا ... رانياااا ... رانيوووه وصمخ ...
رانيا : ممممممممممممم
دان : قومي يلا جنا ورند في الطريق يلااا
رانيا : مممم طيب طيب ... " ورجعت دخلت داخل اللحاف ونامت "
دان سحبت منها اللحاف ورمته على الارض عشان ما تتغطا وراحت وفتحت باب البلكونة ودخلت اشعة الشمس للغرفه مع هوا بارد ينعش الجسم على الصبح
جلست رانيا على حالها : يوووووه حرام عليك ما نمت الا الساعه 6 والحين تقوميني ؟
دان : ههههه طيب يلا قومي خذي لك شاور البنات جايين في الطريق
رانيا قامت واخذت الروب ودخلت تاخذ شاور
اما دان .. فنزلت تحت ترتب المجلس وطاولة الاكل .. وقالت للسواق يروح يجيب الفطور
دان : روح اول شي كودو جيب 4 بان كيك وبعدين روح جيب من بارنييز 4 موكا حار وجيب من السوبر ماركت كوكيز كبير اللي انا اجيبه دايما ... و 4 بلو كوكتيل .. وجيب 1 شبس كبير دوريتوز برتقالي وواحد ازرق اوكي ؟
السواق : اوكي
دان : كتبت في ورقه ؟؟
السواق : يس
راح السواق وجاب كل الطلبات
رانيا : ليش كل هذا ؟؟
دان : ايش؟
رانيا :بان كيك و موكا و كوكيز و بلو كوكتيل وشبسات ؟؟
دان : بان كيك و موكا الفطور الحين .و الشبسات و البلو كوكتيل والكوكيز بعدين
رانيا : يا فرحتك !!
الا يدق الجرس
نقزت دان وقعدت تصفق بهبل : جو جو .. يااااي
رانيا : هههههههههههه هبله .. امشي امشي بس نفتح الباب

كيف بيكونوا رند و جنا ؟؟
وكيف يتكون حفلة مهند في بيت العم ؟؟

القصة لسا في البدايه ..
اتنظر ردودكم ...

>>>>> ردود الأعضـــــــــــــــــــاء على الموضوع <<<<<
==================================

الروايه مره نايس يلا حبيبتي كمليها وعن توقعتي لسا مااقدر اتوقع شي

__________________________________________________ __________
الروايه مررررررررررررررررررره حلوه زيك وحتكون احلى لو كملتيها ياعسل يالله عاد عن الدلع
كمليها ترى انا استنننننننننننننننننننننننننننننننننننننى
وشكراً

__________________________________________________ __________
الفصل الثاني

مشت دان لعند الباب وفتحته
رند وجنا : هاااااااااااي
رند : مرجووجة مثل دان عبيطة وتحب الفرفشة .. ثقتها بنفسها قويه .. يكفي جمالها اللي مغطي على الكل
جنا : بنت دلوعة وحساسة ورومانسية . جمالها حلو وهادئ عيونها حلوة وكحيلة ووجهها مرة بيبي فيس وصغير اللي يشوفها ما يقول انها اول جامعه
دان : هاياااااااات ... كيفكم اشتقت لكم موت يا دبات.. وينكم لا حس ولا خبر
رند : امشي ندخل تبينا نقعد بالشارع
دان : ههههه طيب يلا ادخلوا انتو ايش تنتظروا
دخلوا البنات البيت وسلمت عليهم رانيا وقعدوا
جنا : الا وين خالة ما شفناها ؟؟
دان : راحت السوق عشان اليوم بيسوون حفلة حقة مهند وخرابيط
جنا : اهاا ... اسمعي ترى انا جعت .. ومارح استحي منك رح اروح واكل
دان : وش محسبتني ما جبت فطور ؟؟ جبت يا حبيبتي فطور بيحبة قلبك .. وعلى فكرة اليوم بتنامون عندي ..
جنا : انا ما اقدر لانه يوم الجمعة كالعاده الجمعة في بيت جدتي
رند : انا بكلم ماما تشوف اذا ما كان عندنا شي
دان : مافيه عندكم ما عندكم مالي دخل رح تنامون عندي وبكرة الصبح نروح الظهران مول نفطر ونتسوق مرة وحده
رانيا : صح .. وما باقي على العيد الا 10 ايام ... وانا للحين ما شريت اشياء العيد
دان : قوموا جهزوا معاي الفطور
قاموا البنات جهزوا مع دان الفطور وفطروا بالعافيه عليهم ..

نروح لمكان يجتمع فيه الحب والاخلاص والصبر وهو بيت .. عبد الله ..
عبدالله : كيفك هنودتي اليوم ؟؟
هند (بابتسامة صفرا ) : الحمدلله ماشي الحال
عبدالله حس بحزن هند : هند ...
هند : نعم ؟
عبد الله : ليش زعلانه ؟
هند انفجرت صياح في حضن عبد الله وتشهق ومو قادرة تتنفس مع الشهقات ..
عبد الله وقلبه تقطع على حال هند ورفع راسها ومسح دموعها وضمها لصدره
هند هدأت شوي لمن ضمها عبد الله وتوها تبي تتكلم الا عبد الله يقول : هند .. ما ابيك تزعلين .. هذا قدر ربك.. ربك ما اراد انه يعطينا العيال .. ليش تسوين في نفسك كذه .. يمكن يكون فيه خير لنا يا قلبي ..
هند انفجرت ودخلت في حالة بكاء حاد وصارت تحاول تنطق بحروف متقطعة :
طـ .. ـيـ .. ـب ا .. نـ .. ـت .. لـيـ ..ش مـا .. تبـ ..ي .. تتـ .. ز .. و.. ج .. و .. تـ ..ر يـ .. حـ ..نـ ..ي؟؟
(طيب انت ليش ما تبي تتزوج وتريحني ؟)
عبد الله رفع راس هند من حضنه ومسح لها دموعها الحارة .. : انا مستحيل اتخلى عنك واتزوج وحده غير اللي حبيتها وعشت معاها سنتين من عمري ... وانتي بعد ما ترضين صح والا لا ؟؟
هند بصوت اهدى من اول وفيها نبرة صياح : صح .. بس انا ما ابي احرمك من العيال .. انت ما تدري انا ايش احس فيه لمن اشوفك تلعب مع عيال اولاد عمك وانت ما عندك هالشعور بالابوه
عبدالله مرة يحب البزران .. كانت امنيته في الحياة انه يصير اب ويكون عنده اولاد وبنات ويربيهم ويدللهم .. انصدم لمن عرف انه الانسانه الوحيده اللي حبها باخلاص وحبها مطبوع في قلبه انها .. (عاقر ) .. بس رغم كذه تزوجها ..و معه امل كبير في انه ممكن في يوم من الايام تجيب له ولد واحد او بنت وحده على الاقل
سكت عبدالله ماعرف ايش يرد على هند .. وهند شافته انه ما قدر يرد عليها نزلت دمعة بدال ما تتبخر على خدها خدها اللي انسلخ من حرارتها .. قامت راحت غسلت وجهها وسوت الفطور لعبد الله
عبدالله انسدح على السرير ودموعه تجمعت في عينه … اول مرة يحس نفسه بذا الضعف .. هو محروم .. محروم من شعور الابوه .. محروم من انه يربي ولد من لحمة ودمه … وفي نفس الوقت هند بعد محرومة من شعور الام .. هي بعد حلمها انه يصير عندها ولد من لحمها ودمها .. لكن الامر مو بايدها ..
حاول يخفي الدموع ويمسحها بمناديل تحبس كلمات وكلمات ومشاعر متألمة ومجروحة .. لكن كل شي بيد الله
كيف ممكن تصير حياة هند وعبد الله ؟
وعبد الله ممكن انه يتزوج على هند ؟؟
حياتهم بتستمر على هالحال والا رح يتغير وضعهم ؟؟
تنهدت رانيا وهي حابسة في عيونها دمعه حارة
ريم : ايه طيب وبعدين ايش صار في هند؟؟
رانيا طالعت في الساعه لقتها 12 ونص : لا روحي الحين نامي الوقت تاخر وبكرة وراك مدرسه .. احكيك بكرة
ريم : لا بليز خالتي قولي الحين
رانيا : لا خلاص بكرة وراك مدرسة .. اذا رجعتي اكمل لك ان شاء الله
ريم : وعد ؟
رانيا : خلاص وعد ان شاء الله
--
ريم راحت نامت
بس رانيا ما قدرت تنام قعدت تسترجع افكارها ..احزانها وافراحها مع احلى صديقات مروا عليها في عمرها

--
دان : شتبون تسوون الحين ؟؟
رند : مممممم .. ترى ودي اروح عند جدتك.. ابي اشوف بنات عمك من زمان عنهم
دان : اليوم جمعة حقة مهند في بيت عمي مو عند جدتي
جنا:اهااا
دان : تبون تروحون ؟
رانيا : انا عن نفسي ما عندي مانع
رند وجنا : ولا انا
دان :طيب دقيقه ادق على ماما اقولها اننا جايين معها
راحت دان تكلم امها والبنات راحوا تكشخوا وعدلوا نفسهم
طلعت دان للغرفه عند البنات لقت كل وحده ماسكة مرايه وتعدل في شكلها
راحت دان لغرفة الملابس حقتها وطلعت بنطلون بيج وفيه شقوق سودا وبوت اسود وبلوزة سودا وفيها كلام بالبيج داخل في بعض … فتحت شعرها الناعم وحطت عليه كاب مثل حق الكاو بوي ..وحطت اي شادو بيج ومتدرج للاسود وقلوس وبلاشر
اما رانيا وجنا اكتفوا بكحل وقلوس وبلاشر
ورند حطت اي شادو وردي على لون اللبس وبلاشر وكحل وقلوس
نزلت دان تحت وطلبت كيكة من الذواق وتبغاها تروح على بيت عمها على طول
دان تصارخ لفوق : بناااااااااااات خلصتوووا ؟؟
رند وهي تنزل : ايه ايه لا تصارخين نزلنا
نزلوا البنات وقاعدين ينتظرون ام عبد الله في الصاله
ثواني وتدخل ام عبد الله .. وقفوا البنات يسلمون عليها .. طلعوا للسيارة وراحوا على بيت العم عبد العزيز
وصلوا واستقبلتهم ندى " بنت عبد العزيز "
ندى : هلا والله بعمتي شخبارك
ام عبد الله : الحمدلله بخير انتي شخبارك يا ندى ؟
ندى : بخير وسهالة .. شخبار البنات
سلمت على رند وجنا ورانيا واتجاهلت دان ... وهذا الشي عادي بالنسبة لدان لانه ما تطيقها ولا تطيق اسمها
دخلوا وقعدوا بالصاله ودان راحت لغرفة مهند تسلم عليه
طق طق طق
مهند : ميييين ؟؟
دان : مبرووووك التخرج وعقبال الدكتوراه
مهند فتح الباب واعطى دان كف بالمزح : كيفك وحشتيني يا دبه
دان : انت الاكثر والله .. الحمدلله على السلامة
مهند : الله يسلمك الا وين عمتي ؟
دان : تحت ..
مهند : انا اخلص وانزل اسلم عليها اوكي .. ؟؟
دان : اوكي
نزلت دان تحت وقعدت مع بنات عمها
اعرفكم عليهم ..

ندى عمرها 20 سنه تدرس في جامعة الملك فيصل .. بنت مغرورة .. شايفة نفسها على الكل .. وما يهمها اذا جرحت احد بكلامها ... كل اللي تشوفه انه هي الكبيرة والناس صغار
نوف : 16 سنه حبووووبة عكس اختها ندى .. بنت على نياتها واللي في قلبها على لسانها .. حساسة ودلوعة .. وتحب الكل والكل يحبها ودايما تتهاوش مع ندى عشان تصرفاتها الغبيه


---
عند عبد الله وهند
عبد الله : يلا هند تجين معاي ؟
هند : ايه بس اروح ابدل
راحت هند بدلت ملابسها وهي ما ودها تروح بس ما تبي تخلي عبد الله يروح لحالة .. مو حلوة قدام اهله
طلعت هند وكانت لابسه جلابيه بيج وفيها شك بالتركواز والبني .. كانت الاكمام من فوق عادي ومن ناحية الكف واسعة واخذت جزمة زحافي بربري بيج وازرق وشنطة تركوازي وميك اب خفيف وطلعت
عبد الله : يا الله شهالزين كله
هند " استحت ونزلت راسها ": تسلم
عبد الله مسك كتفها من ورى : يلا خل ننزل
طلعوا عبد الله وهند من بيتهم وركبوا السيارة وراحوا على بيت عمهم
--
مهند وهو نازل من الدرج : هلا والله بعمتي تو ما نور البيت
البنات " رانيا ، رند ، جنا " تحجبوا
ام عبد الله : هلافيك يا قلبي .. كيف حالك ؟؟ مبروك الماجستير " وقدمت له الهديه
مهند : تسلمين والله يبارك فيك .. ماكان في داعي تتعبين نفسك
ام عبد الله : لا في تعب ولاشي .. غلاوتك من غلاوة سعد وعبد الله
مهند : تسمين " وباس راسها " لف على البنات : كيف البنات
البنات : الحمدلله
رند : مبروك ..
مهند : الله يبارك فيك .. وعقبالك
رند : تسلم
طلع مهند لصاله الرجال .. وكانت ندى تطالع رند بنظرات
ندى "بوقاحة" : ياهووو مبروك وتسلم ايش هالتطور يا هانم رند
ام الوليد "بعصبيه" : ايش هالكلام يا ندى ..؟؟ كم مرة اقولك اتركي عنك حركات المصخرة
ندى "ببرود" : ماما ما قلت شي عادي بامزح
رند طالعت فيها باستغراب : اظن انه مافيها شي لو باركت له .. من واجبي انا جايه بيته عشان اباركله مو عشان اسكت
ام الوليد : تسلمين حبيبتي من ذوقك
ندى ما عرفت شترد عليها فاكتفت بخزة بادلتها اياها رند وسكتت ماتبي تسوي مشاكل
رند كانت مستغربة من وقاحة ندى .. وياريت بعد كانو لحالهم .. كفاية انه امها و اخواتها موجودين ..
دان كانت قاعده تسولف مع نوف و نادين وجنا ورانيا .. ورند سرحانه
لاحظت عليها نوف ... وباين عليها زعلت من ندى
نوف : رند !!
رند التفتت عليها : هلا
نوف : زعلتي من ندى صح ؟
رند : لا خلاص ماصار شي ..
نوف : لا تزعلين .. هي كذا دايما حتى مع عماني ..
رند : من جد ؟
نوف حبت ترقع السالفه عشان ما تبي احد ياخذ فكرة سيئة فوق الافكار السيئة الثانيه عن ندى : المهم انتي لا تزعلين هي ما تقصد
رند ابتسمت لنوف وعلى طيبتها .. اللي كانت عكس اختها
رند دخلت في السوالف مع البنات وام الوليد وام عبد الله قاعدين يسولفون ...
تجمعت العائلة كلها و بدات الوناسة

العم عبد الرحمن "ابو عبد الله" ..
عبد الله "سبق التعريف
ارم : 24 سنه .. متزوجة وعايشة قصة حبها في روما وباريس بلجيكا .. الزبده في شهر عسلها حاليا
سعد " سبق التعريف
سارة : 22 سنه .. توام سعد ومرة مقربة له .. هاديه وتحب الرسم .. ورسمها مافي اروع منه .. مخلصة دراستها الجامعية وتشتغل في معرض رسم
دان " سبق التعريف
نوف " تكلم منال و سارة و شوق " : هاا متى ناويين تسوون معرض تراني مجهزة مكان حلو كذه بالغرفة احط فيه كم لوحة
سارة : هههه لا تخافين قريب ان شاء الله
رند : متى كان اخر معرض
منال : ممممم قبل سنه تقريبا
رند : اووه من زمان يعني
وجات ام الوليد تنادي على الغدا
الكل راح اتغدى ..
هند :" وهي قايمة " سفرة دايمة خالتي ..
ام الوليد : وين هند ما كليتي شي
هند : فيك الخير ولله عمتي بس الحمد لله شبعت
ام الوليد : بالعافيه
هند راحت للحمام تعدل الميك اب وطلعت وندى لحقتها ..


كيف بتعدي العزيمة ؟
وندى ليش لحقت هند ؟؟
والفصل الثالث بندخل داخل حياة شخصيتين من الشخصيات .
تابعوا ..

__________________________________________________ __________
سوووو نايس ...


مشكورة يا عسل ..

بس ابي اسالك

انتي مالفه القصة؟؟

__________________________________________________ __________
لموسه وينك يلاه كملي القصه

مرررررررررره اعجبتني وشدتني كثير

كمليها بسرعه ولا تطولين

مشكوره ياقلبي

انتظرك