-
ما تغلبني لو الحب غلاب رواية خيال روعة - مشوقة
عنوان الموضوع : ما تغلبني لو الحب غلاب رواية خيال روعة - مشوقة
مقدم من طرف منتديات الشامل
السلام عليكم ورحمة الله وبركاته
قد تمحي الايام كل ما كان
بكل مافيه من احاسيس ومشاعر ولكنها لا تستطيع
محو اخوه صادقه ربطت بين ثلاث اخوات فتألفت
الارواح وارتبطت القلوب .. فكان حبهم اصعب من
ان يمحيه الزمن او يطويه المشاغل والهموم ...
بعد قصة
بين ثنايا الايام
هاهي سفينة افكاري تعود لترسي في قلوبكم من جديد
في روايه جديده ونمط فكري جديد
بداية ً احب ان انبهكم لأمرين
اولاً سفينتي هذهـ المرهـ ستبحر بكم في الخيال الواسع
فقصتي خياليهـ لأبعد حد
ثانياً ربما تكون قصتي جريئة ولكنها تحمل في معانيها الكثير من العبـرهـ والفائدهـ
•]¦!• ما تغلبني لو الحب غلاب •]¦!•
بقلم الكاتبة " صاحبة كلمه "
أتمنى تعجبكم
>>>>> ردود الأعضـــــــــــــــــــاء على الموضوع <<<<<
==================================
°ˆ~*¤®§(*§™‰ الجزء الأول § ™‰(¤®§*~°ˆ
حطت شذا لمساتها الاخيره على اللوحه وتمعنتها وهي تبتسم بنعومه
وقفت ورفعت اللوحه وقالت بصوت عالي : وش رايكم ياحلــويــن
فتحو الاطفال عيونهم بأعجاب وكـأنهم يشوفون لوحه للفنان بابلو بيكاسو او جون كونستابل
مع ان اللوحه لو شافها شخص كبير ماراح تعجبه اكيد لانها عباره عن شجره وحولها فراشات أي شخص يقدر يرسمها
رامي بصوته الطفولي : ممكن مدرستي ترسمي لي لوحه خاصه فيني
نور وهي نافخه خدودها : لا اذا راح ترسم لك ترسم لنا كلنا
الاطفال مأيدين كلام نور : ايه صح .. صح
غرقت عيون رامي بالدموع وراح على طول يبكي في حضن شذا
مسحت على راسه شذا وقالت بصوت هادي : اذا رسمت لكل واحد فيكم لوحه راح يضيع وقتنا " مدت يدها ورفعت كم قميصها شوي تناظر بالساعه " بعد نص ساعه بالضبط لازم تنامون .. يللا حبايبي كل واحد يغمض عيونه ويتخيل حديقه حلوه كلها شجر وعصافير و
قاطعها رياض : وفراشات
ابتسمت شذا وقالت : ايه وفراشات يللا بعد ماتتخيلون ارسمو على طول
جلست شذا تراقب كل واحد وهو مغمض عيونه الصغيره ويتخيل
تمنت لو كانت طفله في عمرهم وتعيش نفس حياتهم
سمعت صوت اكثر الناس بشاعه على وجه الارض : ليــه مطلعه الاطفال بره
لفت على صوت مديرة الحضانه وقالت : عندهم درس رسم الحين
المديره بصوت عالي ارعب الاطفال : انتي غبيه ؟ ماشفتي الجو كيف بارد .. كم مره قلت لك فكري الف مره قبل ماتتخذي أي قرار
نزلت راسها شذا وهي تقول في نفسها : من قال انا غبيه بالعكس .. بدلت ملابس الاطفال كلهم قبل ما اطلعهم بره .. وثانياً هم طلبو مني اطلعهم وانا ما اقدر ارفض لهم طلب
المديره : بسرعه دخليهم كلهم داخل
الاطفال : لالا كل يوم هذي العجوز تجي تصارخ علينا مانبي ندخل
مسكت شذا ضحكتها وقالت : يللا حبايبي ندخل المديره معها حق
رفعت شذا راسها مكان ماكانت المديره واقفه .. بس ماشافتها .. اخذت نفس عميق .. وسمعت صوت رامي يقول بصوت عالي : خلـصت
شذا : هات اشوف
مد رامي لها اللوحه وهو مستحي ويضحك بخفه
اخذت شذا اللوحه وضحكت وهي تشوفه راسم بنت طويله شعرها الاسود واصل لساقها وعيونها عباره عن دائرتين لونهم اسود ولابسه فستان ابيض مثل فستان العرايس " أي بمعنى راسم مدرسته شذا " بس شذا ماكان شعرها واصل لساقها لا واصل لنهاية ظهرها ولونه اسود مفحم نفس لون عيونها السود الواسعه وكان بياضها وتورد خدودها يعطيها جمال اكثر كانت طويله بس ضعيفه مره لانها ماتاكل زين ولا تهتم لصحتها ..
شذا : بس رامي حبيبي الدرس هو انك ترسم حديقه
رامي بخجل : لا مدرسه هذي اللوحه لك وانا راح ارسم حديقه الحين
باسته شذا على خده وهي تضحك له
" آآآآآآآآآآآآآآآآآآي "
شذا والاطفال كلهم التفتو لمصدر الصوت وهم مرعوبين
عبير ماسكه ظهرها وهي طايحه على الارض : آآآآه ظهري ظهري
وقفت شذا وقالت وهي معصبه : ياربي منك عبير وانتي كل يوم تطيحين في نفس المكان
عبير وهي تحاول تقوم : والله انسى ان المديره الله ياخذها حطت درجه هنا
" عبير اخت شذا عمرها 19 اصغر منها بسنتين .. كانت تشبه لها كثير بس الفرق ان لون بشرتها برونزي طبيعي ولون عيونها عسلي يتناسب مع لون شعرها البني الفاتح الواصل لنهاية كتفها .. كانت قصيره شوي بس قصرها يليق بجسمها الضعيف .. عبير شخصيه مرحه وعنيده عكس شخصية اختها الهاديه وإلي من الصعب انك تقدر تعصبها
تذكرت شذا شي .. وبسرعه قربت من اختها وهمست
شذا : ليه طالعه برا
عبير : البزارين يبون نطلع ملينا من الجو داخل
شذا بخوف : عبورتي حبيبتي ادخلي داخل لا تجي لك المديره وتصارخ عليك مثلي قبل شوي
عبير : خلها تولي .. تعالوا تعالوا حليــويــن خلونا نكتب هنا
شذا مسكت يدها وقالت : اسمعي كلامي عبوره
عبير ولأنها تسمع كلام اختها الكبيره قالت للأطفال يدخلون داخل .. واشرت لأختها " باي "
...............................................
صوت كعبها مع ريحة عطرها يشد الواحد من بعيد .. كانت تتمشى في السوبر ماركت الكبير وهي مبسوطه .. ماخلت شي الا واخذته
مرت عند قسم فيه كل انواع الشوكولاته ... لوت فمها بتفكير " اممم اخذ او لا .. بس الشوكولاته راح تخرب الريجيم "
لفت تانظر في العربه إلي بيد سواقها : يللا هي جات على الشوكولاته .. اليوم راح اخليه اجازه عن الريجيم
مشت والسواق يمشي وراها بعربتها وهي تحط الشوكلاته بكميات كبيره .. إلي يشوفها يقول ماخذه شيبسات وحلويات وشوكلاته لديره مو " لها بس "
ناظرت في علبت جالكسي " Senzi "
وكان في العلبه بس اربعه
مدت يدها النحيله تبي تاخذهم سبقتها يد رجوليه واخذتهم كلهم
ارتفعت حرارتها من العصبيه .. وناظرته وكانها تناظر عدوها وشلون يتجرأ ياخذ شي ملكي " بحسب تعبيرها "
مشت وراه وهي في قمة قهرها .. كان واقف يتأمل علبة المكرونه إلي بيده .. وبجنبه عربه مليانه اغراض
رفع جواله وجلس يسولف .. يوم قربت منه سمعته يقول : مدري أي احسن واحد ماكتبتي لي في الورقه .. بسرعه ابي اخلص .. عندي مشوار مهم انا مو فاضي
بخفه اخذت العربه حقته وحطت مكانها عربتها
واشرت للسواق يمشي فيها
والسواق مشى فيها بسرعه
زادت في العربه كم شيبس حاسبت وطلعت .. والسواق حامل وراها الاكياس
وهي ميته ضحك : ياربي اتمنى بس اشوف شكله .. وهو يشوف عربتي المليانه خرابيط ويتلفت يدور عربته مثل المجنون هههههههههههههههههههههههههه
فتحت الكيس إلي بيدها وهي تدور بسرعه مثل الاطفال .. ايه هذا هو : فتحت الجالكسي واكلته بنفس مفتوحه بعد إلي سوته
السواق : لو سمحتي وش اسوي بالاغراض .. انزلهم البيت ؟
كانت مطنشته وتتمايل على اغنية " شو بني "
لـ إبراهيم الحكمي
تحمحم السواق وكان بيعيد كلامه : لوسـ ......
قاطعته وهي تأشر بعدم اهتمام : سوي فيهم إلي تبي .. احرقهم .. تبرع فيهم .. والا اقول لك اعتبرهم هديه مني
........................
هذي " جنا " عمرها 17 سنه الاخت الثالثه لـ شذا وعبير
بس كانت تختلف عنهم تماماً في الاطباع
وحتى في المستوى الاجتماعي
راح اوصف لكم شكلها في البدايه
اخذت بياض وطول شذا
وحتى شكلها كان يشبه لشذا كثير
ونفس وسع العيون بس لون عيون جولي كان عسلي
وشعرها كان نفس طول شعر شذا والاختلاف ان لون شعرها بني فاتح مره وعليه خصل شقرا
وكان كثيف وناعم
كانت رشيقه " اكثر شي يهم جولي جسمها وشكلها "
اما بخصوص المستوى الاجتماعي
شذا وعبير يعيشون في بيت جدهم " توفوا ابوهم وامهم وسنهم صغير واخذهم جدهم يربيهم "
وحالت جدهم الاجتماعيه اقل من الجيد
وعشان كذا الحياة اجبرت شذا وعبير يشتغلون في حضانة الاطفال براتب قليل
اما جولي بعد ماتوفوا ابوها وامها .. اخذها عمها وزوجته يربوها وكان عمرها ايام .. فماعاشت مع خواتها ابداً وتعودت على الدلال
عمها زوجته ماجابت له بنات فعشان كذا اخذ جولي يربيها .. الكل توقع انه بيفضلها على الكل .. بس عمها ماكان يهتم لها ولا بأولاده ولا بزوجته .. بس مايقصر معاها في النحايه الماديه ..وبنات اخوه شذا و عبير حتى مايسأل عنهم .. وهو رجل اعمال ناجح و دوم مشغول بعمله
طلعت لغرفتها تركض .. انسدحت على سريرها و اخذت جوالها ودقت على بيت جدها
شذا : الوو
جولي بأنفعال : هــــــــــلا وملــــيون غلا يــا كل الحلا
شذا تضحك : هلا جولي اكيد جبتي العلامه الكامله في الامتحان
تغيرت ملامح جولي وضحكت ضحكه بارده : ههه لا بس تقريباً
شذا بجديه : طيب كم درجتك
جولي : اممم توقعي
شذا : 5
جولي : لا
شذا : 4
جولي : لا
شذا بصوت عالي : 2
جولي بأرتباك : بصراحه جبت صفر .. بس والله .. والله حليت زين
شذا جد تنرفزت : وشلون حليتي زين ودرجتك صفر .. صفر عاد يا الظالمه .. ما استحيتي والمدرسه تقول درجتك ؟
جولي : لا طبعاً
شذا : جولي وانا اذاكر لك كنتي تقولي انك فاهمه .. وش المشكله .. يعني ماتفهمين لشرحي في التلفون ؟
قامت جوالي واخذت لها كريم ومسحت فيه يدها : ياربي احس بجفاف يمكن لان الشتا على الابواب
شذا : نعم ؟
جولي حست لنفسها وضحكت .. جولي : اقول شذاوي .. نادي على عبوره ابي اكلمها
.....................................
قفلت عبير السماعه بعد ماحكت ساعه مع جولي .. وتنهدت بصوت عالي
شذا وهي تخيط قطعة قماش على وشك تنتهي منها : وش فيك ؟
عبير وهش تحضن المخده : وحشتني جــولي مــــــــووت
شذا تبتسم بنعومه : وانا بعد وحشتني ودي اشوفها .. هي وعدتني انها راح تحاول تمرنا
بعد صمت طويل .. عبير تحط يدها على خدها بملل : ياربي جدي وعدنا انه راح يحاول يصلح التلفزيون
شذا : بس قال لك ماعنده فلوس هالفتره
عبير : ياربي افف من جدي الحين وش نجلس نسوي طول اليوم
شذا : عيب عبير .. جد ماعنده وش تبيه يسوي يسرق
عبير : آآه ياربي .. ودي اروح العب مع حمود " ولد جيرانهم عمره 8 سنوات " بلعبته الجديده " تقصد بلاي ستيشن2 " بس استحي من اخوهم الكبير بيقول كل يوم رازه وجهي في بيتهم
شذا توقف .. جد لو انا مكانك استحي كل يوم اروح العب وكاني وحده من عمره .. ماعلينا اطلعي ابي اجرب الفستان وقولي لي رايك .. طيب ؟
هزت راسها عبير .. وطلعت
بعد 5 دقايق نادت عليها .. دخلت عبير وناظرت باللي تشوفه مبهوره
عبير : وااااو .. ما كأنك انتي إلي مخيطته .. صدقيني كانه مصمم عالمي
شذا مبسوطه على كلام اختها : احلفي عبوره من جدك
عبير تلف على شذا : ايه وربي يهبل .. خساره ماعندنا مناسبه تلبسيه فيها
شذا : الا عندنا زواج ولد عمي
عبير : ايه هين محد راح يعزمنا .. ينحرجون منا
شذا : جولي راح تعزمنا
عبير : يعني إلي يسمعك يقول هم يحبون جولي
شذا ماكنت تسمع عبير لا كانت تناظر المرايا مبسوطه بالفستان إلي خيطته بنفسها
" نصيحه مني لك ياشذا لا تلبسي هذا الفستان لانك راح تندمين .. مااتوقع هالفستان ترضى تلبسه أي مخلوقه على وجه الارض بصراحه مدري كيف عجب شذا وعبير .. القماش نفسه كان من النوع الرديئ وكان كل الفستان بنفس القماش .. الا انها اضافت له قماش ثاني من فوق عشان يصير استر .. لان شذا بعادتها ماتلبس الا لبس ساتر "
.....................................
لبست جولي فستان وردي ناعم يوصل لركبتها ورافعة شعرها بشريطه ورديه .. اخذت معها عبايتها المطرزه بجميع الالوان .. وطلعت من غرفتها " ناويه تروح مجمع الظهران " (( ماتحب تجلس في البيت ))
شافت ولد عمها فهد " عمره 13 سنه " جاي لجهتها .. لوت فمها ماتحب تشوفه
وقف وقال وهو كل دقيقه ياخذ نفس على الركض إلي ركضه
فهد : جـــــولي بابا بيتزوج وبنرميك برا البيت يا الخايسه
ناظرت في وجه ولد عمها مو فاهمه شي من إلي قاله
فهد : والله العظيم
مسكت اذنه وشدتها بقوه .. شذا : مو قلت لك الف مره لا تقول لي يا الخايسه .. وبعدين وش هالخرابيط إلي جالس تقولها
فهد واذنه تعوره : روحي اسألي بابا بعد
تركت جولي اذنه .. وراحت لعند مكتب عمها
سمعت ولد عمها الكبير يصارخ ومعضم كلامه مو مفهوم : وش ناقصها امي تروح تتزوج عليها هالمغربيه
عمها : والله انا حر بتصرفاتي واتمنى ما احد يناقشني في هذا الموضوع .. وانا قررت خلاص اتزوجها .. وراح اسافر معها للمغرب لمدة 5 اشهر وبرجع ......
حطت يدها على فمها من الصدمه : انا .. انا احب عمي .. ليه يتركنا بهالبساطه ويتزوج مغربيه خايسه حقيره .. 5 اشهر ؟؟؟ والله لو ان عمي بيسافر شهر وبيخليني مع عيال عمي اتوقع منهم حتى القتل مستحيل يرجع عمي ويشوفني سالمه .. هم يكرهوني انا وخواتي كره العدو .. اخذت نفسها بسرعة البرق ودخلت غرفتها وفي داخلها حاقده على المغربيه إلي بتخرب عليها كل لحظه حلوه في حياتها
جمعت كل ملابسها وذهبها واغراضها .. وحطتهم في شنطه
لفت وشافت ولد عمها فهد يناظرها ويقول بأستهزاء : زين انك راح تطلعين بنفسك .. لان حنا بعد مايسافر بابا ماراح ننتظر دقيقه وحده ونتطردك من بيتنا
اخذت جولي تحفه كبيره .. وهي كانت اول شي طاحت عليه يدها
ورمتها بقوه على ولد عمها .. تكسرت التحفه على راسه .. وبدا الدم يسيل وهو يبكي بصوت عالي من الالم
دفته جولي بقوه على الارض وطلعت من غرفتها او بالاحرى من البيت كله
بس إلي يشوفها مايتوقع إلي صاير لها .. لان إلي صار لها يعتبر مصيبه لغيرها ويمكن يتأثر اكثر منها .. بس نقدر نقول جولي منعدم الاحساس عندها
جولي وهي تركض : عمي احقر انسان عرفته في حياتي .. وعيال عمي احقر منه .. والمغربيه الخايسه احقر منهم آآآآآآآآآآآآآآف ياربي .. ودي انتقم منهم كلهم
ناظرت في بيت عمها .. وكانت بترجع بتخلي السواق يوديها بيت جدها
جولي : لالا انا ما ابي من بيت عمي ولا شي
لفت تناظر في بيت جيرانهم
شافت سواقهم ينظف السياره ابتسمت بخبث .. وراحت له تركض
جولي : هي انت ودي بيت جدي
السواق : ممنوع
جولي عضت شفايفها : ودني بسرعه ياحمار ماتعرف انا من بنته
السواق : ممنوع اوصل احد مكان غير اهل البيت
فتحت جولي الشنطه إلي حاملتها .. وطلعت منها كيس صغير .. فتحت الكيس توري السواق إلي داخل الكيس .. وهو عباره عن عقد وسوار ذهب
انبهر السواق : خلاص هاتي
جولي : لا اول توصلني بيت جدي بعدين بعطيك الذهب
هز السواق راسه وقال : وين بيت جدك
تذكرت جولي انها ماتدل بيت جدها بس تدل هو في أي حي .. فطلبت من السواق يوديها الحي وهي راح تسأل عن بيت جدها هناك
كانت جولي تراقب الطريق بتمعن .. تحاول تتذكر شكل الحي .. اول مادخلت السياره الحي إلي فيه بيت جدها .. ابتسمت جولي " وصلنا "
وفي نفس اللحظه اللي وقف فيها السواق السياره فتحت جولي الباب .. وطلعت بسرعه من السياره وراحت تركض .. والسواق نزل بعد .. وصار يركض وراها
وجولي تتلفت وراها تشوفه قريب اولا .. بس لسؤ الحض كان السواق قريب منها .. فمسك طرف الغطا وسحبه بقوه
صرخت جــولـي بصوت عالي : اتركني ياحرامي وش تبي مني .. ياعالم .. ياناس
ومثل ما احنا عارفين في مثل هذي الاحياء تكون الناس في فترة العصر معضمها برا
فتجمعت الناس على جولي والسواق وهي تصارخ وغطاها كان على الارض وشعرها طايح على اكتافها : شوفوه فصخني غطاي ويبي يسرق فلوسي .. بدون ذنب .. ماسويت له شي ماشيه في حالي
وكانت تمثل انها تبكي وتعدل الغطا
طبعاً اهل الحي ماخلو في السواق عضمه صاحيه حتى البزارين صارو يرمون الحجر عليه .. وما اكتفو بكذا كانو بيتصلو للشرطه .. بس جولي سوت حالها الطيبه المسكينه وقالت لهم خلاص اللي جاه يكفيه .. وسألهم واحد كبير في السن شوي وين تبي تروح قالت له اسم جدها .. ومشى ومشت هي وراه .. وكانت تبتسم وتناظر في كيس الذهب إلي في يدها " انا راح احتاج للذهب اكثر منك "
.......................................
شذا : قومـي عبوره عاد افتحي الباب
عبير منسدحه : قومي انتي .. تعبانه والله
شذا ماحاولت في عبير اكثر لانها تدري انها راح تحاول على الفاضي .. طلعت برا الحوش .. وقالت بصوت عالي : مـــــيــن
جولي : انا شذو افتحي الباب بسرعه
خفق قلب شذا اول ماسمعت صوت اختها .. ماتوقعت جيتها في هذا الوقت ابداً
مشتاقه لها موت .. ماتتحمل بعدها عنها
فتحت الباب ومدت يدها لختها .. حضنتها جولي بقوه وغرقت عيونها بالدموع
جولي : وحشتيني شذا .. وحشتيني لدرجه ماتتوقعيها
سمعت عبير صوت اختها جولي .. طلعت بسرعه من غرفتها وحضنت جولي وشذا .. صاروا الثلاثه لامين بعض .. وتمنو مايفترقون ابداً
بعدت عبير راسها ودموعها تطيح : ياربي جولي ماتوقعت زيارتك لنا في هذا الــ..... " سكتت اول ماطاحت عيونها في الشنطه الكبيره اللي بجنب جولي "
جولي : عمي طردني مايبيني وعيال عمي ضربوني .. والسواق سرق فلوسي .. متتخيلون فضاعت إلي صار لي
وقفه ( صحيح جولي تموت في شي اسمه شذا وعبير وهم شموع ينورون حياتها .. بس عادة الكذب ماتقدر تتركها حتى مع اعز الناس لها )
شذا : ماتوقعت ان عمي يسوي كذا .. عياله اتوقع منهم كل شي .. بس عمي لا
عبير : والسواق كيف سرق فلوسك ادخلي داخل ارتاحي وعلمينا بالسالفه
شذا من قهرها ماخلت كذب الا وقالته عن عمها وعياله ولا كانها عاشت معاها من اول ماشافت النور .. هذا وهم اقرب الناس لك الله يستر منك ياجولي
عبير : جد انهم حقيرين .. ماعليك منهم حبيبتي .. واعتبري انك ماعشتي معهم
جولي بحزن : ان شاء الله .. الا وين جدي ؟
عبير : جدي مايجي هنا الا وقت النوم .. انا عن نفسي انا م قبل ما يجي واصحى الا هو طلع .. بس نلتقي في وقت الوجبات
جولي مايهمها جدها ابداً ومايعني لها شي .. فغيرت الموضوع : طيب ممكن تجهزون لي غرفه ودي ارتاح بعد إلي صار لي
ناظرو شذا وعبير في وجيه بعض مستغربين
شذا : جولي الله يهديك انتي عارفه بحالتنا .. نامي في سريري اذا تحبي وانا راح انام على الارض
جولي ناظرت في البيت منقرفه منه .. ودها تبكي من القهر
جولي : اممم لا بس انا اشوف سرير واحد في الغرفه .. عشان كذا فكرت غرفه لكل وحده وانا راح تجهزون لي غرفه
عبير : لا شذا تنام على السرير .. وانا احط لي فراش وانام على الارض .. بس دام ان حنا صرنا ثلاث وش رايكم كل يوم وحده تنام على السرير
لاعت كبدها جولي من الوضع .. بس تحب خواتها مره وعشان كذا قررت تتحمل الوضع او تحاول تتحمله عشانهم .. ولا انها ترجع بيت عمها بعد ماطردوها وضربوها وبسببهم سرق السواق فلوسها " الظاهر جولي تكذب وتصدق كذبها "
..........................................
في الصباح فتحت جولي عيونها على صوت صراخ عبير
: شـــــــــذوووو بتلبسين القميص الازررق
طلعت شذا من الحمام " الله يعزكم " : ايه بلبسه خليه
جولي وهي تجلس على السرير وتعدل شعرها : وين بتروحون ؟
شذا تحط الشريطه في فمها وتلم شعرها كله : تعالي عبير اربطيها
عبير تحط الاقلام في الكيس : لحظه شذو وين القلم الازرق
جولي عصبت : اسألكم وين بتروحون ؟؟؟؟؟
عبير تلتفت لها وتقول بمرح : بنروح الروضه
جولي تذكرت ان خواتها يشتغلون هناك .. وقامت بسرعه : بروح معكم
عبير بنفس المرح : لا ممنوع اسطحاب الاطفال هههههههه
جولي : لا ياحلوه انا مابروح معكم العب .. انا بروح اقدم لوظيفه
عبير وشذا في نفس الوقت : وظيــــــفـــــــه
جولي تضحك : ايه وش فيكم مايلبق لي صح ههههههههههه
شذا : لا جد جولي ليه بتجين معنا
جولي : والله العظيم ابي اشتغل معكم وش فيك
عبير : يعني بتصيرين مدرسه في الروضه
جولي : طبعاً .. انا وحده ماتقدر تجلس في البيت .. وش اسوي طول اليوم .. مدرسه وانقطعت منها .. وظيفه وماراح يقبلوني في مكان .. على الاقل هناك بتكونون معي
شذا : انا مدري بصراحه انتي ادرى بمصلحتك .. بس انتي ماتقدرين على الشغل
جولي : طيب راح نشوف .. انا بروح اتروش
تروشت جولي وخلصت لبس .. كان لبسها عباره عن
تنوره طويله لونها ازرق فاتح فيه خطوط اخضر تفاحي
.. وبلوزه كمها طويل ولونها اخضر تفاحي وفيها بالنص كتابات بالانجلزي لونها ازرق فاتح
ولبست معاهم جزمه لونها ازرق فاتح وكعبها صغير
حطت بلشر وردي على خدودها وقلوس وردي فاتح وكحل اسود برز لون عيونها العسلي
وتعطرت بعطرها ((Envy 2 me ))
__________________________________________________ __________
تابع
عبير: كل هذا عشان الروضه .. هذا لو انك بتروحين حفله
ابتسمت لها جولي وهي تلبس الحلق الازرق بدون تعليق
وطلعوا كلهم برا .. جولي : وين رايحين
عبير : بنروح الروضه وين بنروح بعد
جولي بانفعال : من جدكم انتو بتمشون بهالشمس
شذا بهدوء : أي شمس الله يهديك .. جولي بتجين معنا لازم تمشين .. وللمعلوميه تراك بتشتغلين من اول يوم لو قبلوك
جولي : الله يستر
وصلوا الروضه ودخلوا كلهم .. عبير راحت لصفها على طول .. وشذا بما انها الاخت الكبيره اخذت اختها جولي ودخلتها للمديره
جولي بلا مبالاه تناظر ستايل الغرفه .. وتقول في نفسها : ياربي لستايل مايتناسب ابد مع روضه وش هالالوان الزفته .. يع
المديره : ممكن تجلسين
ابتسمت جولي وجلست على طول على الكرسي .. وحطت رجل على رجل ورجعت ظهرها على ورا ..وكانت تحرك يدها على وجهها وتناظر في التكييف " اففف حر ليه مايشغلوه "
..................................
طلعت من غرفة المديره وشافت اختها شذا جالسه على الكرسي اللي بجنب غرفة الاداره .. وقفت اول ماشافتها .. وقالت : هــاه وش سويتي
جولي تلوي فمها : يعني
شذا بعجله : طيب وش قالت لك
جولي : قالت لي انتظر برا وبتشوف .. اذا كانت بشتغل هنا بتعطيني خبر .. وبداوم من اليوم
شذا تبوس اختها : طيب قلبو اتمنى لك التوفيق .. وانا بروح الفصل
ابتسمت جولي لاختها وشرت لها " باي "
ولفت ورا ............................... وصدمه الكبيره بالنسبه لجولي
ياربي وش تبي هيفاء بنت سلطان جايه الروضه يارب ماتشوفني .. ياربي احراج
هذي اول المصايب اللي جاتني من هالروضه .. الله يستر من تاليها
" هيفاء بنت درست مع جولي في المدرسه "
لفت جولي تقرا اللوحه الموجوده على باب الادراه
: جـــــولـــــي
بلعت جولي ريقها ولفت تسوي حالها متفاجأه .. وابتسمت : هلا وغلا هيفاء
باستها وقالت : جولي وش جايه تسوين هنا
جولي بثقه : والله اتبرع بمبلغ كبير للروضه .. تعرفيني احب الاطفال
هيفاء مبسوطه : شي حلــو
جولي تبتسم : وانتي
هيفاء : انا ماما مديرة الروضه .. واختي الصغيره هنا في الروضه بعد وعندها موعد في المستشفى اليوم .. فبستأذن من الماما .. عشان انا والبابا راح ناخذ اختي
جولي تقول بينها وبين نفسها وهي لاويه فمها : عشان انا و البابا راح ناخذ اختي .. جعلكم تطلعون من هنا وتموتون كلكم مره وحده .. وانا اقول هالمديره القشره على مين طالعه
فتحت المديره الباب وقالت بصوت مرتفع لجولي : تقدري تبتدي شغل من الحين .. وخذي هذي الورقه .. هذا الفصل إلي راح تمسكيه
(( حبيت اقول لكم ان السبب الرئيسي في قبول جولي بالحضانه هو ان لغتها الانجليزيه طلقه مره .. وهم اساساً عندهم نقص في المدرسات واذا قدمت لوظيفه بنت بعد جولي وامكانياتها احسن على طول راح يطلعون جولي بس ماقلوا لها هالكلام ))
تمنت جولي في هذي اللحضه انها ماعاشت على سطح الكره الارضيه
اخذت الورقه بسرعه وراحت تركض بدون ولا كلمه .. وبدون حتى ماتلتفت وراها
........................................
مساعدة المديره : الحضانه في حالة ازعاج مو طبيعيه
المديره توقف : ومن سبب هذا الازعاج كله
مساعدة المديره : الفصل إلي في نهاية الممر الاول
المديره عقدت حواجبها : هذا الفصل تو مسلمته لمدرستهم الجديده .. امشي بسرعه نروح نشوف وش سالفة هذا الازعاج
مشت المديره ووراها مساعدتها تركض
فتحو باب الفصل بشويش .. وشافوا جولي مسويه قطار بالاطفال وتغني معهم بصوت عالي
يالى بيسمع كلمة اهله شو بنقله
شاطر شاطر
يالى بيقعد عاقل وحده شو بنقله
شاطر شاطر
يالى بينجح بمدرسته
وما بيزعل معلمته بنحبه
وبنظل نقله شاطر
شاطر شاطر
يالى بيسمع كلمة اهله شو بنقله
شاطر شاطر
يالى بيساعد رفقاته شو بنقله
شاطر شاطر
يالى مابيكذب بحياته شو بنقله
شاطر شاطر
اخذت المديره نفس عميق تحاول تهدي اعصابها بعد إلي شافته .. مدرسه في روضتي تسوي كذا .. لا والف لا
صفقت بيدينها بصوت عالي خرع جولي
لفت جولي على المديره وقالت وهي مرعوبه : بسم الله وقفتي قلبي
المديره : ممكن شرح للي " تأشر بيدها " يصير قدامي
جولي مافهمت كلام المديره .. فناظرتها بعباطه
المديره تصرخ : تــكــلمــي ...؟؟
جولي : اعطيهم درس
المديره تكتف يدينها : ووشهو الدرس ؟
جولي مع نفسها " ياربي لاتكون هالفقمه بتجيني كل دقيقه والثانيه تسألني وش اسوي وما اسوي .. اففف انا حره في حياتي متى بيتركوني هالناس في حالي "
لاحظت المديره ان جولي طولت في الرد فحسبتها مستحيه من الموقف إلي صار " مسكينه مادرت ان جولي مستحيل تستحي من شي "
المديره : طيب يا آنسه جنا .. انا راح اعديها هالمره .. بس لو تكرر هالازعاج وهالفوضه راح يكون لي تصرف ثاني معك
جولي اكثر شي تكرهه احد يهددها او يتوعد لها بشي .. فطنشت المديره
المديره حست ان وجودها خلاص ماله لزوم .. قالت إلي عندها وخلصت .. فعطت جولي نظره وطلعت
جولي تلف تناظر الاطفال : حنا سوينا شي ؟؟
............................................
" احلـفي .. يعني بتسكنين مع زوجك في الخارج على قولتهم "
عهود تبتسم : ايه وربي .. على طول بعد زواجي راح اسافر
شذا سرحت في عالم احلامها .. اتمنى لو نسافر انا وعبير وجولي مع بعض .. وتكون حالتنا احسن من الحين و.............................. قطع تفكيرها كلام عهود
عهود : راح اشتاق لك ولعبير
شذا : وحنا اكثر
عهود : تعالي بسألك اختك البنت الصغيره إلي معك عند الاداره قبل شوي ؟
شذا تبتسم : ايه .. كيف عرفتي انها اختي
عهود : بصراحه كانكم توام وربي .. بس ماشاء الله اناقتها ملفته
" ستــــــــــــــــــــــــــــــوب "
شذا وعهود : ههههههههههههههههههههههههههه
عبير وهي تاخذ نفس : والله شوي وكنت راح اطيح
شذا تلف على عهود وهي للحين تضحك : تدرين عهود ان اختي عبير كل يوم تطيح في نفس الدرجه .. معجزه اليوم انها ماطاحت ههههههههههههههههه
عهود : مو منها من المديره .. مدري وش إلي جاي على بالها حاطه لنا درجه هنا
عبير : هههههههههه ماعلينا .. وين طلابكم
عهود وشذا : بريك .. يعني ياكلون
عبير : طيب انا بروح السوبر ماركت تبون شي
شذا بجديه : كلمتي المديره ؟
عبير بملل : طبعاً .. شذا بسرعه عاد تبين شي والا لا .. لا تعطليني ربع ساعه عندي بس
شذا بتفكير : امممم
عبير بنفاذ صبر : شـــــــــــذا
شذا : انتظري انتظري .. ابي ابي اممممم
عبير ملت وراحت تركض
شذا تمشي شوي : ههههههه عبير تعالي عاد
عهود : خلاص راحت مستحيل ترجع .. انا بروح اشوف البزارين .. اخاف يطلعون من فصلهم .. وتذبحني المديره
قبل ماتمشي مسكتها شذا : اجلسي يا الخبله .. ليه البريك للبزارين بس ؟
...........................................
جولي تتمشى في ارجاء الحضانه .. وهي في قمة الملل .. شذو وعبوره يتحملون الشغل هنا .. والله الوضع لا يطاق .. انا بجلس اسبوع .. واذا كان الوضع كذا كل يوم .. بجلس في البيت .. راتب شذا وعبير يكفينا حنا الثلاثه .. وانا اختهم الصغيره مجبورين يصرفون علي .. بس انا احبهم ما ابيهم يتعبون عشاني
تنرفزت يوم شافت مجموعه من العصافير متجمعه في ممر من ممرات الروضه .. ناظرت في الدريشه المفتوحه .. وعقدت حواجبها .. هذيلا وش دخلهم روضتنا
تقربت منهم شوي .. لاحظو وجودها وطارو كلهم لجهت الدريشه
ابتسمت جولي بخبث يوم شافت فتافيت من الخمز منثوره في الممر
بعدت على ورا شوي .. رجعت العصافير مكانها تاكل من الخبز
تقربت جولي لهم .. وعلى طول العصافير طارت كلها وطلعت من الدريشه
راحت بسرعه وقفلتها .. وكملت مشي وهي ميته ضحك
ناظرت في ساعتها " كانت الساعه فخمه مره وانيقه من ديور " : عطيت الاطفال كفايتهم من الدروس اليوم (( طبعاً ماعطتهم شي غير شاطر شاطر ودرس انجليزي ))
وباقي وقت طويل ونطلع .. انا بصراحه مليت بطلع الحين .. وبشنطتي مبلغ محترم اقدر اروح في مجمع الظهران اخذ لي كم شغله واكل لي شي احس بالجوع
رفعت الشيله عن كتفها وحطتها على راسها باهمال .. طلعت من الروضه وهي تتلفت يمين وشمال
فتحت عيونها بذهول وهي تشوف .. تشوف ..
وش يســــــــــوي هــــــذا عـــــــنـــــد روضــتــــنـــــا الخـــــا يســــــه ؟؟؟؟؟؟
!!!!!!!!!!!!!!!!!!!!
لالا جولي ماشافت امير .. يمكن امير بالنسبه لها
بس إلي شافته شخص ينظف سياره بيضا .. تعكس لون بشرته السمرا ولون عيونه الاخضرالفاتح المايل للعسلي .. وكان لابس بنطلون جينز و بلوزه حمرا
ضيقه بدون اكمام تبرز حجم عضلات جسمه الرياضي المرسوم بادقان .. رفع يده يعدل الكاب الاحمر إلي لابسه على شعره العسلي الخفيف .....
بعد ما صارت السياره تلمع .. طبع بوسه على يدها وطيرها للسياره
نزلت جولي راسها وهي تضحك
" لاحظوا ان البوسه للسياره مو لها "
تقربت جولي له .. وقالت بدلع مصتنع : ممكن
من دلعها الزايد .. ماسمعها
قالت بصوت اعلى شوي : ممكن
لف لها .. وابتسم وهو يشوف جمالها الصارخ .. واناقتها الملفته .. هو من عرف هالروضه للحين شاف بنات حلوين بس بهالاناقه ماشاف
ايسم : نعم ؟
جولي : بس ابي اعرف وين السواق الخاص بالروضه ؟
ايسم : تفضلي اختي
جولي حسبته ماسمعها فعادت كلامها : ابي اعرف وين السواق
ايسم : ايه معك سواق الروضه
في نفس اللحظه وفي نفس الدقيقه وفي نفس الثانيه طاح من عيونها .. وصارت تشوفه حشره لا اكثر ولا اقل .. وهو لو كان قايل لها انه ولد الوزير واطلب منك الزواج كانت وافقت بدون أي تردد او اعتراض
جولي بقرف : اجل ودني مجمع الظهران
ايسم : ههههههههههههههههههههههههههههههههههههههههههههه
جولي : ما اتوقع قلت شي يضحك
ايسم : من انتي ؟ هههههههههه
جولي بفخر : انا مدرسه في الروضه
ايسم : والمدرسه تطلع وتدخل بكيفها ؟
جولي : بتوديني والا لا
ايسم يعطيها ظهره بملل : طبعاً لا .. انا مو مستعد انطرد عشان " ويناظرها من تحت لفوق ويضحك بصوت عالي "
جولي ما تحملت الحشره إلي واقفه قدامها اكثر من كذا ودخلت الروضه وهي تدعي عليه من قلب
شافت عبير تدخل بعدها وهي تركض
جولي : من وين جايه عبوره ؟
عبير : رحت السوبر ماركت .. جبت لك شيبس وعصير
جولي ماعجبها إلي جابته لها عبير هي متعوده تروح السوبر ماركت وتاخذ أي شي تطيح عليه عيونها .. ابتسمت لعبير : ثانكس
راحت عنها عبير بسرعه بدون حتى ماترد عليها .. جولي : وش فيها هذي على طول طايره
ناظرت في ساعتها للمره الثانيه .. ياربي وانا بجلس كذا اعد الوقت والساعات
طلعت برا مره ثانيه .. شافت السواق نفسه " ايسم " نايم فوق السياره
راحت تضرب فوق السياره بقوه : اقــــــــــول
ايسم يفتح عيون وحده : انتي
جولي : طيب خلاص ماابي اروح الظهران .. ممكن توديتي بيتنا
ايسم يعدل جلسته : ياحلوه .. انا وظيفتي اوصل البزارين بيوتهم .. يعني مايخصني فيك ولا في غيرك
جولي كتفت ايدينها بملل .. لو ادل طريق البيت كان رجعت بنفسي .. الله ياخذني يوم جيت هالروضه
جولي : ان شا .........
قاطعها ايسم وقال : طيب تعالي بوديك بيتكم وبرجع آآآف
ايسم حسبها كانت بتجلس تحاول فيه عشان يوصلها .. بس هي كانت بتقول له ان شاء الله تدعمك سياره اليوم وتتكسر .. عشان تبطل تسوق
جولي بعصبيه : وش إلي آآآف هذي .. انت يا الحقير ترا انا مو محتاجه لك
لف عليها ايسم وهو في قمة عصبيته .. حتى ان جولي رجعت على ورا شوي حسبته بيضربها لان شكله كان مره يخوف .. مو نفس الشخص إلي كان يضحك قبل شوي
جولي : أأأ ايه حقير " بلعت ريقها " وخايس بعد
نكتفي لهنا .. ونكمل في الجزء الثاني
انا بالنسبه لي اعتبر الجزء الأول مقدمه تعرفنا من خلالها على بطلاتنا الثلاث – شذا – عبير – جولي
اتمنى تعجبكم.. وانتظر ردودكم وتعليقاتكم
__________________________________________________ __________
°ˆ~*¤®§(*§™‰ الجزء الثاني § ™‰(¤®§*~°ˆ
تقرب منها ايسم ورفع يده
جولي حست انه يبي يطقها
صرخت بصوت عالي : اتحداك .. اتحداك .. اتحداك " من انفعالها الزايد ضاع الكلام منها "
مسك خدها ايسم وسحبه بقووه .. قال وهو معصب مره : اسمعي يا البزره .. ترا انا واحد بايعها .. يعني اتقي شري .. لاني عادي مو بس اضربك الا اقطعك هنا .. فــــــــاهــمـــه
جولي وهي تحاول تشيل يده : والله بتندم قد شعر راسك على إلي سويته
تركها ايسم وقال بصراخ : انــــقلـــــعــي يــللا
جولي طبعاً ماتحركت .. ناظرته والشرار يتطاير من عيونها .. اصلاً هي مستغربه من ردة فعله إلي سوته مايستاهل كل هذا .. لكن انا اوريك : انت سواق لا اكثر ولا اقل .. اما انا مدرسه
ايسم يناظرها بحده : قلت لك ا ن ق ل ع ي " قالها وهو يشد على الحروف "
جولي بجديه : هات رقمك
ايسم : اعتقد هذا مو وقت ترقيم " كان عارف انها ماتبي ترقمه لكن حب يرفع ظغطها مثل مارفعت ظغطه – طبعاً ايسم من الشخصيات العصبيه لأبعد حد إلي ماتقدر تمسك اعصابها لو وش ماصار "
جولي بنرفزه : ومن انت عشان ارقمك .. هات رقمك بخلي بابا يحكي معك
ايسم يعدل الكاب ولا كأنه مسوي شي : بخصوص ؟
جولي : الحين بابا بيجي وبخليه يتفاهم معك ويعلمك كيف ترفع صوتك وتمد يدك على بنته
ايسم بلا مبالاه .. يحط يده بجيبه .. ويطلع علكه .. يرميها بفمه ويثبت ورقة العكله على السياره " غلاف العكله " : طيب هاتي قلم
جولي تطلع قلم انيق من شنطتها .. وتمده له : اكتب
ايسم كتب رقمه ومد لها الورقه .. يوم اخذتها قال لها : واسمي ايسم " عطاها نظره ومشى عنها "
جولي تناظر الورقه : انا اوريك يا " باستهزاء " ايسم
................................................
عبير تفتح باب فصل اطفال جولي .. وتشوف الفصل في حالة فوضه
عبير : ياربي زين ان إلي فتحت الفصل عبير مو المديره .. والا كان جولي مفصوله الحين
مشت لعند الدولاب الكبير .. وقالت بصوت عالي : يللا حبايبي انتهى الدوام كل واحد يجي يلبس قميصه الشتوي وشنطته
الاطفال : لا نبي نلعب
عبير ماعندها وقت .. ماسكت الاول ولبسته .. والثاني .. الى ان خلصتهم
" اففف ياربي تعبوني انا مو كافي فصلي "
عبير : يللا صفو طابور .. ووقفو عند الباب انتظروا ايسم .. ومو تسوون فوضه مثل امس .. طيب
الاطفال بصراخ : طـــــــــــيـــــــــــــب
تركتهم عبير .. وطلعت لحديقة الروضه بتجلس تنتظر شذا وجولي .. ارتاحت يوم شافت جولي جالسه على واحد من الكراسي
قربت منها شافتها منزله راسها .. عبير: جولي وش فيك
جولي بحزن مصتنع : الا قولي وش مافيني
عبير فاتحه عيونها : بسم الله وش صار
جولي ترفع راسها وتقول بأنفعال : سواق الحضانه إلي مايستحي تحرش فيني ورقمني .. ماخلاني حتى ادخل كان وقح معي مره .. انا مو علي بس انا .. لا هو بيخرب سمعة الروضه " تضرب على الوتر الحساس " وسمعت البنات إلي يشتغلون في الروضه
عبير شهقت يوم شافت خد جولي فيه ضربه لونها اخضر على ازرق
عبير : ضربك ؟
جولي تحط يدها على خدها إلي يعورها مره من مسكت ايسم القويه : لالا اتحداه يمد يده اصلاً
عبير تستوعب : انتي تقصدين ايسم ؟
جولي : ايه
عبير بثقه : لكن انا اوريك فيه .... بس اول قولي لي .. انتي ليه طالعه ؟
جولي وبدت تنفذ خطتها : انا حسيت بالجوع فطلعت .. اخذ لي شي اكله من السوبر ماركت القريب
عبير تشهق : وما اخذتي اذن من المديره
جولي تهز راسها بلا .. تسوي حالها تتذكر شي : لحظه لحظه انتي طلعتي للسوبر ماركت صح ؟
عبير مو فاهمه : ايه
جولي : بما انك اخذتي اذن من المديره وش رايك تــ.......
قاطعتها عبير : ايه ايه فهمت .. اقول ان الموقف صار لي انا .. وانه تحرش فيني انا ورقمني
جولي بأبتسامه : يس مثل ماقلتي بالضبط
عبير بأحباط : بس اخاف ما مايصدقوني
جولي تغمز : معي الدليل
.................................................. .......
وقفت المديره وهي في قمة العصبيه : ســــــــــعـــــــــــــاد " الفراشه "
جاتها سعاد في نفس الدقيقه " كل إلي في الروضه يموتون رعب من المديره " : نعم استاذه
المديره بأنفعال وهي تمد لها ورقه العلكه : خذي هذا الرقم .. وخلي الحارس يتأكد هذا رقم السواق ايسم اولا
سعاد تتراجف من صوت المديره : ان شاء الله
المديره توجه الكلام لعبير الواقفه وهي خايفه يطلع الرقم مو رقم ايسم : ما احد شافك وهو يرقمك ويتحرش فيك
عبير كانت بتقول لا .. بس جولي تكلمت بسرعه وقالت : انا كنت في فصلي فوق .. وشفته من الدريشه وهو " بتأثر " يتحرش فيها
المديره ماكانت مقتنعه مره بشهادة جولي .. لانها عارفه ان الاخت مستحيل ماتوقف في صف اختها .. إلي كانت تبي تعرفه وبسرعه ... الرقم المكتوب في الورقه رقم ايسم اولا
رجعت سعاد وهي شوي وتطيح من الركض : لا الرقم مو رقمه
المديره ارتاحت .. لانها ماتحب أي كلمه مو حلوه تمس روضتها : وكيف عرفتوا انه مو رقمه
سعاد : مو انتي قلتي لي اسألي الحارس؟ سألته يقول هو عنده رقم ايسم وهذا مو رقمه
حطت جولي يدها على راسها بعدم تصديق .. لا مستحيل مستحيل .. اكيد الحارس مخرف او فيه شي
جولي : مابنصدق الا اذا جبتو جوال السواق ايسم وتأكدنا
المديره . امرت سعاد انها تخلي الحارس يجيب جوال ايسم .. مو لعيون جولي لا .. عشان هي تتأكد بعد
سعاد رجعت وفي يدها الجوال " مااحد تعب من هالسالفه غير سعاد "
المدير : تدق الارقام من جوالها .. وتنتظر الرقم يدق في جوال ايسم
جولي مع نفسها : لازم يدق لازم لازم
عبير مع نفسها : ياويلي من المديره اذا طلع مو رقمه
سعاد مع نفسها : ان شاء الله يطلع رقمه تعبت وانا اروح واجي " ههههههههه "
المديره تنزل الجوال من اذنها وهي تبتسم : الرقم مو رقمه .. الرقم اللي دقيته يرن .. والجوال مارن عندنا
سعاد : ايه استاذه ابو صالح " الفراش" يقول ايسم شاف واحد يتحرش في البنت وكان لابس لبس يشبه لبس ايسم .. فشكلها حسبت اللي تحرش فيها ايسم
عبير من الخوف والارتباك : ايه ايه يمكن
انفجر بركان " جولي " من القهر على كذب ايسم .. وإلي عطاها رقم غير رقمه
طلعت بسرعه من مكتب المديره بدون أي كلمه
عبير : عن اذنك .. وآسفه على الازعاج
طلعت عبير من مكتب المديره .. وشافت اختها شذا طالعه من الحمام
إلي بجنب الاداره " الله يكرمكم "
شذا تمسح يدها بلمناديل : خير وش عندك مع المديره ؟
عبير تمسك يد اختها : اعلمك في الطريق .. وين اختك ؟
شذا مستغربه : أي اخت ؟
عبير: جولي بعد مين
شذا تضحك : نسيت انها تشتغل معنا .. الظاهر تنتظرنا بره .. خلينا نطلع
.................................................
طلعت جولي من الحضانه .. وشافت ايسم يبتسم و يركب الاطفال واحد واحد في الباص
كانت تناظره بنظرات حقد وتقول داخلها " جعلها اخر ابتساماتك يا ايسم "
انتبه لوجودها ايسم .. حمل الطفل ودخله الباص بحركه سريعه .. نط من الباص وراح لجهة جولي
جولي كانت تشوفه يقرب منه .. بس ماخافت منه ابداً .. بالعكس حطت يدها على خصرها وقامت تهز رجلها بملل .. مع انها عارفه ان ايسم يدري انها كانت تبي تطرده من شغلته في الروضه
" بديهي الفراش يوم يطلب جواله خبره بأسباب طلب الجوال "
يوم وصل لها ايسم .. رفع اصبعه السبابه وحطه على راسها
ايسم بهمس : اذا كان براسك شر .. اعرفي ان الشر إلي براسي
اضعاف مضاعفه من الشر إلي براسك
are you understand
وضغط اصبعه بقووه على راسها .. حست جولي ان اصبعه ممكن يخترق راسها
فقالت بهدوء : طيب شيل اصبعك
ايسم : مو الحين
جولي : تدري انك جريء ووقح
ايسم يشيل اصبعه: اذا انا جريء ووقح " اشر عليها من تحت لفوق بنفس الاصبع" : فأنتي قذره
تركها ايسم وراح يركض للباص .. وكان يقول في قرارة نفسه .. اللي صار اليوم ماراح يتكرر بكره .. مو فاضي انا اجلس اتابع بزارين .. مدري كيف شغلوها في الروضه هالخبله
بينما جولي اللي كان يدور براسها شي ثاني .. اللي صار اليوم بيتكرر اليوم وبكره وإلي بعده وإلي بعده .. محد بيقلعك من هالروضه غيري يا ايسم
" وش جالسه تناظرين "
لفت جولي لمصدر الصوت إلي هو اختها شذا .. ورجعت تناظر للجهه إلي كانت تشوفها .. اكتشفت ان الباص تحرك .. بس متى ماتدري .. لانها مالاحظت هالشي
شذا : لفي لحظه بشوف وجهك
لفت لها جولي وابتسمت
شذا تحط يدها على خد اختها بحنان : وش هذا
جولي رجعت تدعي وتسب في ايسم : ماعليك " تشيل يد اختها " وانا بدخل الفصل كنت اسرف فضرب في الجدار
شذا : هذا وانتي الرقيقه ضربتي في الجدار .. اجل لو كانت المرجوجه عبير وش سوت
عبير : عن الغلط
جولي : ههههههههههههههه ... ولا تزعلين قلبي اصلاً انتي رقيقه اكثر مني " تمسك يد عبير " يللا نرجع البيت .. بس لحظه لحظه .. بموت جوع انا
شذا : الحين نرجع ونطبخ
توسعت عيون جولي : نطبخ !! من إلي يطبخ ؟
شذا وهي تمشي : انا وعبير
جولي : اوكي اجل انا اول مانرجع بنام .. واذا صار الغدا جاهز صحوني
................................................
__________________________________________________ __________
" لو ما تبيني كان ما تسأل وراي شصار فيا
لو ما تبيني ليه تحرق روحك وقلبك عليا
مو نصحتك لا تعاند لا ولا كنك سمعت
خليت ورحت عني ابتعت وهذا إنت بالآخر رجعت "
كان ايسم منسدح على ظهره فوق باص الروضه وحاط سماعات الجوال باذنه يسمع اغنية " لو ماتبيني
إلي يشوفه بصراحه يتمنى يكون مكانه .. مغمض عيونه ومروق عـ الاخر .. وحاطر رجل على رجل وهو نايم
ومع ازعاج الناس إلي تروح وتجي بجنبه
وازعاج البزارين وهم يلعبون كوره .
. وشياب جالسين يسولفون ويشربون قهوه مع فراش الروضه .. كل هذا مايسمعه ولا يحس فيه ايسم .. لان صوت الاغنيه كان عالي مره
شال السماعات من اذنه ولف جسمه " صار منسدح على بطنه يدور في الجوال على اغنيه ثانيه "
عض شفايفه ايسم وقال وهو يبتسم " بس حلوه البنت "
( إلي مالاحظه ايسم انه كان يفكر بجولي ولو لبعض الوقت )
" ايه لقيتها "
أهواك أنا وأخفي الألم ((
وأقسم لك بربي قسم
لا تغيب عنا يا غلا
ومن فارق أحبابه ظلم ))
فجأه وبدون سابق اذار .. ضرب بوجه ايسم شي .. خرب عليه مزاجه الرايق
وجوه الطرب
فتح ايسم عيونه .. وعدل جلسته " ماولدته امه إلي يخرب روقان ايسم "
ناظر في الكوره وهي تطيح على الارض .. جراء اصتدامها في وجه ايسم
نط من فوق الباص .. واخذ الكوره
ناظر في البزارين إلي تقربو من ايسم اول مانط من فوق الباص .. وعرف من اشكالهم انهم كانو يلعبون كوره
رفع الكوره وقال : لمين هذي الكوره ؟
قرب طفل بريء وخدوه محمره مايتجاوز 6 سنوات .. قال بصوته الطفولي : انا
ايسم : ومن إلي شاتها ؟
قال نفس البزر وهو مستغرب : انا
طلع ايسم سكين من جيبه .. وطعن الكوره بعنف وبدا الهواء يطلع منها بسرعه
غرقت عيون الطفل بالدموع .. وتمنى لو يضم كورته قبل ماتفقد شكلها الدائري " على قولتهم اكبر هموم الطفل لعبته "
قرب ايسم من الزباله " الله يكرمكم " وقط الكوره او بقايا الكوره فيها
لف على البزارين .. كلهم رجعو ورا من الخوف
ايسم بحده وهو عاقد حواجبه : ياويل واحد منكم يفكر يقرب من هنا
" مامداه يكمل جملته الا والاطفال مالهم اثر "
ابتسم ايسم ورجع السماعات في اذنه
.........................................
كانت تدمج الالوان بمهاره وخفه .. " متعوده على هذا الشي " غطت بداية الجفن باللون الاسود وفوقه الاحمر والبرتقالي .. دمجته مع اللون الاصفر إلي تحت الحاجب .. وكونت الوان ناريه مدموجه مع بعض بأحتراف
شذا : خلاص جولي ابي اشوف
جولي مطنشتها ومشغوله بالميك اب
شذا تتأفأف : خلاص جولي طسي ابي اشوف شكلي
جولي باللهجه المصريه : ايه توسي دي ايه الارف دا .. " بجديه " شذو انتي ماصار لك ربع ساعه .. كيف تبيني اخلص الحين
عبير من ورا الباب : ادخـــــــــــــل
جولي : قلت لك لا
عبير : ادخـــــــــــــــــــــل
جولي : لا
عبير : والحين اد خـــــــــــــــــــل
جولي عصبت من شذا وعبير : ياربي خلاص باقي بس الكحله
قربت جولي قلم الكحله بتكحل داخل العين
شذا تبعد يدها بسرعه وعيونها تدمع : آآآآي جولي خلاص هذا تعذيب
جولي : الحين من جدك انتي ماتكحلين عيونك
شذا وهي تحط المنديل تحت عيونها : الا اكحلها بس مو مثلك في نفس اللحظه تبين تكحلها بسرعه .. انا اكحل العين الوحده في 10 دقايق
جولي تشهق : 10 دقايق يا الظالمه " تمسك وجه شذا غصب وتكحل "
بعد ماخلصت جولي من الميك اب .. اخذت جزء من شعرها ورفعته ببكله صغيره .. وطيحت خصل على وجهها بأهمال
جولي بعدت عن اختها تشوف شكلها النهائي .. كانت آيه من الجمال .. ابتسمت جولي لأختها إلي تشببها كثير .. وقربت منها المرايا
شذا تلمس وجهها بأطراف اصابعها : هذي انا .. لالا ما اصدق .. اثاريني حلوه وانا ما ادري ههههههههههه .. لا بس جد احس ملامحي تغيرت
عبير من ورا الباب : ادخـــــــــــــــــل ؟؟؟؟
جولي تضحك : نسينا اختنا ههههههههههههههه
" واااااااااااااو "
هذا إلي قالته عبير اول ماشافت اختها
عبير : ياربي شذو قسم بالله كأنك هيفاء وهبي
جولي ضحكت على التعبير وهي تقول : اختي احلى منها بمليون مره
عبير تصفق : يللا شذو قومي قومي دوري الحين
جولي تناظر في يدها تبي تشوف الساعه كم .. بس اكتشفت انها فصخت ساعتها
سحبت شنطتها اللي كانت مرميه على السرير ومتناثر منها بعض الاغراض .. دورت فيها وهي عاقده حواجبها .. وجلست تدور وتدور " من كثر الاغراض إلي فيها "
رمتها وهي متضايقه : آآآآآآآف ماجبت جوالي معي من بيت عمي
شذا وهي للحين ماسكه المرايا تشوف شكلها : على طاري عمي .. غريبه ما سأل عنك
عبير : لا غريبه ولا شي
جولي : انا ابي جوالي الحين
شذا : عادي مو مهم الجوال
جولي : بالعكس انا بدون جوال احس نفسي معزوله عن العالم
عبير : وش هالاحساس الغريب .. اقول قومي بس سويلي مثل شذا
جولي طنشت موضوع الجوال وابتسمت : لالا الحين انتي تحطين لي ميك اب في عيون وشذا تحط لي في العيون الثانيه بس يكون متشابه وناعم
انبسطو شذا وعبير على الفكره .. وقربو منهم علب الميك اب حق جولي اللي كان كله من ماركات " كريولاين وبن ناي وماكس فاكتور "
وقفت جولي .. لحظه بروح اغسل يدي
طلعت من الغرفه وراحت الحمام " الله يكرمكم "
بس كان فيه احد : مين إلي في الحمام ؟
انتظرت شوي .. وطلع جدها كان كبير بالسن مــــره .. اول مره تشوفه .. واصلاً مو مهم عندها تشوفه اولا .. ناظر لبسها إلي كان عباره عن بيجامه شورت قصير مره
قال : يا الله لا تغضب علينا .. يا الله من فضلك .. وراتس لابسه كذا وش هالفسق .. شــــذا .. شــذا
جولي ناظرت جدها بأستخفاف الحمد الله والشكر
جات شذا بسرعه وقالت : نعم جدي
جدها : قولي لخويتس لا تطلع من غرفتس اذا هي لابسه هاللبس الفاسق
شذا : بس جدي انا قلت لك امس بالليل ان جولي جات تسكن عندنا
جدها يناظر جولي : لا ما ابي اختس دام هذا لبسها
جولي بوقاحه : والله هذا بيت خواتي
شذا تهدي الوضع وتسحب يد جولي : يللا تصبح على خير جدي
جولي تشيل يدها : اتركيني ابي اغسل يدي " تلف على جدها وهو يروح غرفته " تعالي انتي مو قلتي انك خبرتي جدي اني بسكن هنا
شذا بهمس : ايه وربي قلت له .. بس ترا ذاكرة جدي لك عليها
جولي ترفع حاجب : يللا وش علي منه .. روحي الغرفه بغسل وبجيكم
بعد ماغسلت جولي رجعت وجلست وبدو يحطون لها الميك اب
ولي بعد 10 دقايق قالت بما انه ناعم اكيد الحين بيخلصون .. مرت ربع ساعه .. نص ساعه .. ساعه ... وجولي تهز رجلها بملل من إلي يصير
عبير : خــــــلصـــت
شذا : انتظرباقي شوي .............................. ايه خلاص خلصت
جولي اخذت المرايا .. وناظرت شكلها .. ابتسمت على النتيجه .. لانها توقعت نتيجه اسوء من كذا " جولي جمالها رباني أي شي جمالي بينحط في وجهها بيخليها ملكة جمال حتى لو كان مو مرتب
جولي فجأه انفجرت ضحك : كيـف عيون خضراء وعيون زرقاء سلامات
شذا تركز : يووووه ما انتبهت على بالي عبير حطت اخضر .. يللا مو مشكله اصلاً الالوان متقاربه
وقضوا الاخوات الثلاث سهرتهم وهم يحطون ويشيلون في الميك اب
................................................
في قلب المملكه " الرياض " الناس كلها نايمه والهدوء يعم المدينه
طبعاً بكره مدارس ودوامات مو يوم مناسب للسهر لهذا الوقت المتأخر
كانت الحان اغنية عبد الله الرويشد
تعم المكان في احد بيوت الطبقه المخمليه
كثر ماقلت انا احبك كثر ماقلت انا اهواك بغني لك انا احبك واقول اهواك انا اهواك " "
بعد ماخلص عزف .. مرر اصابعه على كل مفاتيح البيانو " عاده فيه مايغيرها "
لافي يبتسم لأخوه الصغير سامي بوجهه الملائكي البشوش : يـــــــاربي على كل هالعزف مانمت
سامي : اصلاً انا اذا سمعت عزفك اصحصح
لافي بسخريه : والله مدري انت تذمني او تمدحني
سامي : ماعلينا .. الحين ممكن " يهزخصره " نسمع شاكيرا
لافي : اذا كنت تبي امي تذبحك .. اسمع شاكيرا
سامي : على طاري امي .. متى بنروح نشتري ملابس للشتا
لافي مستغرب : وش دخل امي في ملابس الشتا
سامي : ببساطه لان امي قالت للشغاله ترمي ملابس الصيف كلها
لافي : وليـه ترميها
سامي مقتنع بكلام امه : وش فيك الشتاء جا خلاص
لافي بملل : عارف ان الشتاء جا .. بس هذا مايعني نرمي ملابس الصيف
سامي : تخيل بعد مايخلص الشتاء طلعت مع خويك و لبست بدله من بدلات الصيف إلي راح .. وخيوك شافها من قبل .. بيقول لافي ولد ناصر يلبس نفس ملابسه من الصيف للصيف
" سامي يشوف الحياه بهالمنظور لان امه تشوف الحياه بنفس هالمنظور .. مو غرور لا .. بس حياتهم والوسط إلي يعيشون فيه عودهم على هذا الشي "
لافي يدلع صوته : ياربيه احراج صح
سامي يحسب اخوه يتكلم جد : ايه والله ............................ اممممم
لافي وهو يقوم عن كرسي البيانو : وش فيك
سامي : متى بتروح غرام بيتهم
لافي وهو يجلس بجنب اخوه سامي : وليه تسأل
سامي : ما ابيها .. ما احبها
لافي عصب على اخوه : عيب هذي بنت عمك .. وبعدين هذا جزها جالسه تساعد ماما
" ام لافي وسامي حامل في اشهرها الاولى وحملها صعب مره .. وهي الحين ممنوعه عن الحركه فلهذا هي ملازمه سريرها .. غرام بنت عمهم اصرت انها تجلس وتساعد زوجة عمها .. واكيد عارفين ان ام سامي ولافي مو محتاجه مساعده من احد .. الخدم كثير في البيت والحمد الله بس مع اصرار غرام سمحت لها تجلس معهم ................ وراح نعرف سبب اصرار غرام "
سامي نزل راسه : انا آسف
لافي طنش سامي
سامي يلصق وجهه بوجه اخوه : سامحتي
وقف لافي وحمل اخوه على اكتافه وصار يدور فيه بالغرفه ... وسامي يضحك طول الوقت
" لافي يموت في اخوه الصغير سامي .. صحيح الفرق بينهم كبير حيث ان لافي عمره 21 سنه وسامي عمره 4 سنوات .. بس لافي عاش طول عمره بدون اخوان ..ويوم صار عمره 17 امه جابت له اخو .. يحق له يحبه اولا ؟؟ "
............................................
كانت واقفه عند باب غرفة لافي .. تسمع عزفه على البيانو .. تضايقت مره يوم وقف عزف .. تمنت لو يجلس طول الليل يعزف .. تحس براحه كبيره وهي تسمع عزف لافي
تحركت من عند الباب بهدوء .. وجلست على الكنب الموجود في الصاله .. لبسة نظارتها وفتحت المجله إلي اخذتها من الغرفه
لوت فمها وهي تقرا الموضوع إلي على غلاف المجله " عندما تطارد الفتيات الرجل "
متى بتحس فيني يالافي
رفعت راسها يوم سمعت ضحكات لافي وسامي وهم يطلعون من الغرفه
لافي يوقف وينزل سامي : غرام .. ليه صاحيه لهالوقت ؟
غرام وهي تلعب في شعرها بخجل .. " كانت لابسه عبايه بس بدون الغطى .. وشعرها رافعته مثل ذيل الحصان .. هو ماكان ناعم بس تموجاته حلوه وناعمه " : بس مافيني نوم
لافي : ماما نايمه ؟
غرام ماكانت تدري اذا امهم نايمه اولا .. لانها ماكانت جالسه معها .. بس عشان لا يقول لافي هي مطنشه امهم .. خمنت انها : نايمه
لافي بحنان : طيب الكل نايم .. قومي انتي بعد نامي
غرام : انت ليه صاحي
لافي : ما ابي انام الا اذا هالدب نام
غرام تناظر في سامي وقالت بسرعه : ترا سامي نام على كتفك
لافي يرجع راسها على ورا شوي يبي يشوف وجه سامي : ايه جد نام .. بوديه غرفته
غرام توقف وتمد يدها : هات .. انا بوديه الغرفه
لافي ينزل سامي : طيب بس بشويش لا يصحى
قرب لافي من غرام اكثر عشان يعطيها سامي .. وهالشي اربكها وخلاها ترجع على ورا كم خطوه
لافي حسبها ماتبي تحمل سامي
لافي : غرام اودي سامي انا ؟
غرام بتوتر : لا انا بوديه
.................................................. ...................
" جــــــــــــــــــــــــــولي .. جــــــــــــــــولي .. آآآآف ياربي "
عبير وهي تدور لها على شي تلبسه : زين لا تصارخين
جولي وهي منسدحه على السرير وصوتها كله نوم : شذو روحي عني بليز ابي انام
شذا تتخصر : مدري اقطع نفسي انا .. جولي مابتروحين الروضه ؟
جولي مطنشه .....
شذا تهز كتف جولي : ردي علي احاكيك بلا دلع وقومي
جولي للحين مطنشه
شذا يعلى صوتها : جـــولي ردي
جولي : ابي انام تعبانه
شذا : ياسلام والروضه
عبير تضحك : انا من يوم قالت تبي تشتغل قلت هذي مو وجه شغل والحين تأكدت من صحة كلامي ههههههههههههههههههه
شذا تجلس بتعب : رفعت ضغطي اختك
عبير : وش عليك منها خليها تغيب
شذا : لا دام انها تبي تشتغل لازم تتعلم النظام
جولي تفتح البطانيه وتجلس على السرير : والله الواحد مايقدر ينام في هالبيت
شذا بجديه : جولي انتي مو في بيت عمي .. حياتك قبل انسيها .. الساعه 6 بالضبط لازم تصحين من النوم
جولي ضايقها كلام اختها .. بس قامت من السرير بدون ماترد عليها
شذا تمسك يدها : زعلتي
جولي بدلع : لا
طلعت من الغرفه .. وعلى الحمام على طول " الله يعزكم "
.. قفلت باب الحمام وناظرت في الدش .. كانت تتمنى لو في بيت جدها بانيو .. لان جد ودها تسترخي في المويه الدافيه
كانت نفسها تقول لها تعودي على نمط معيشتهم .. بس جولي ترد على نفسها .. لا والف لا .. مو انا إلي اتعود على كذا
بعد ماتروشت .. راحت عند المرايا .. وسوت لنفسها بوسه : مستحيل فيه بنت احلى مني
مشطت شعرها ولمته كله .. ونزلت شوي خصل على وجهها
لبست فستان نص كم
لونه بيج للركب وفيه مربعات بني غامق
طلعت من الحمام .. وراحت غرفتها وهي تحس بنشاط .. طلعت من شنطتها جزمه " الله يكرمكم " لونها بني غامق " من زارا " ولبستها
لفت على خواتها إلي يناظرونها مستغربين
جولي تبتسم على بالها معجبين بلبسها : وش رايكم ؟ حلوه صح ؟
عبير انفجرت ضحك : ههههههههههههههههههههههههههههههههههههه
شذا ماضحكت .. قالت على طول : جولي حبيبتي ممنوع هاللبس في الروضه
جولي : لا والله وش هالروضه إلي كل شي ممنوع
شذا : بسرعه جولي بدلي والبسي تنوره طويله وقميص
جولي تلبس عبايتها : والله لو ايش ماصار مابدلت ملابسي ..
عبير للحين تضحك : ولا مره جات مدرسه الروضه لابسه هاللبس هههههههههههههههههه
شذا تحاول تقنع اختها : جولي مابيضرك شي لو بدلتي
جولي بعناد : متى بنروح
شذا ملت وحست ان مافيه فايده في هالاخت : يللا نمشي
طلعوا البنات من بيت جدهم .. متوجهين للروضه
جولي وهي تمشي تلمح سوبر ماركت .. وتوقف : جوعانه عبوره .. عاد ادخلي وخذي لي شي
شذا تمسك يدها : اقول يللا ترانا متأخرات
جولي لوت فمها ومشت بأستسلام .. وصلوا الروضه وكل وحده راحت على فصلها
الا جولي ضيعت الفصل " هههههههههه "
جولي وهي ماسكه عبايتها بيدها وتحاكي حالها : ياربي والحين اذكر انه فوق بس وين بالضبط
شافت مدرسه تمشي وهي مستعجله .. وقفتها جولي بسرعه : لو سمحتي وين .. وين اممممم " كيف اوصف لها حالتي "
المدرسه وهي تناظر لبس جولي : انتي ام وحده من الاطفال
جولي تهز راسها : لا انا مدرسه جديده
المدرسه وهي مستغربه من اللبس : اوكي انا اخليك الحين لاني مستعجله
آآآآف والحين ياربي .. ايه صح .. بروح اسأل المديره
مشت جولي لغرفة المديره .. ودخلت بدون ماتطق الباب
قالت بمرح وبدون مقدمات : سوري بس ضيعت الفصل
المديره " وش هالمدرسه المستهتره باللبس والفصل .. تأشر على لبسها بالقلم : اول شي .. هذا لبس نضامي
جولي تسوي حالها مستغربه : ليه وش فيه لبسي .. لحظه بجلس تعبت صار لي ساعه امشي وادور على هالفصل
جلست جولي وميلت رجلينها على جنب " صار اللبس اقصر "
جولي : ايه وشو
المديره : تكلمي بأحترام
جولي : ليه وش فيه كلامي
المديره طنشت : يعني ماتدرين ان هاللبس ممنوع
جولي : لا
المديره : اوكي .. اجل ارجعي البيت .. بدليه وتعالي
جولي شهقت : ارجع البيت .. ومن بيرجعني .. سواقي راح
المديره ترفع اكتافها : مشكلتك
جولي وقفت وقالت : طيب بروح ابدله وبرجع
المديره تناظر في الساعه : عندك بس نص ساعه لاني بطلع من الروضه عندي اجتماع مهم بخصوص موضوع يخص بعض المدرسات هنا
جولي بعد ماخلصت المديره كلامها .. طلعت من غرفة المديره .. وسكرت الباب وراها
لبست عبايتها وهي معصبه .. الحين بالله وين اروح ؟ ما ادل طريق البيت مدري متى بالضبط بدله
................................................
__________________________________________________ __________
كان جالس على درجة الباص يلعب بالفتاح .. يرميه بعيد ويرجع يمسكه
انتبه لشخص طالع من الروضه
ميل راسه يشوف مين الا وجولي طالعه .. ضحك مع نفسه : هذي مستحيل تجلس في الروضه دوام كامل
كان الهوى قوي بهذا اليوم .. فأول ماطلعت جولي جاها هوى قوي شدت يدها على عبايتها عشان ماترتفع واليد الثانيه مسكت فيها غطاها .. بس الهوى كان اقوى منها بانت ساقينها ببياضهم المشع
على طول نزلت اليد إلي على غطاها ومسكت عبايتها من تحت
طارت خصلات من شعرها اول مانزلت يدها ..
دخلت خصلات شعرها داخل الغطى وهي معصبه : آآآف ياربي
ايسم يناظرها بأستخفاف : والله محد خرب عيالنا الا هالبنات
شافها وهي تتلفت كانها تدور شي .. قال بصوت عالي وهو يلعب بالفتاح : وين بتروحين اليوم بعد ؟
جولي " ايسم ؟ كملت كملت " : هذا الشي مايخصك وبعدين انا ما اكلم حقير وتافه ومريض مثلك
ايسم يهز راسه : جد انتي مريضه .. مدري ليه حاقده على المجتمع
جولي : يحق لي احقد عليه لانه ماانصفني
ايسم يعدل جلسته مستمتع بالكلام مع هالبنت هو نفسه مايدري ليه : كيف يعني ماانصفك وش مفروض تكوني في هذا المجتمع
جولي بثقه : مـــلـــكـــه
ايسم رفع حاجب .. وكان بيتكلم بس شافها لفت عنه فسكت
فجأه لفت لجهته مره ثانيه وقالت : واذا انا صرت ملكه انتي بتصير خدامي ههههههههههههههه
ايسم ماعصبه الكلام .. لا عصب منها يوم ضحكت
ايسم : بزره قسم بالله
جولي : انت الحين ليه معصب هههههههههههه مو انت سواق وش الفرق بينك وبين الخدام ؟
وقف ايسم وقال : متـأكده من كلامك ؟
جولي مو مهتمه : طبعاً هههههههههه اقول يللا باي بروح بيتنا هههههههههه
قرب منها بسرعة البرق ومسك خدها بقوه وضغط عليه : الحين متأكده ؟
" هذا ماعنده الا خدي ليه يعني "
جولي تألمت مره بس حاولت ماتبين له : عيب عليك تمسك خدي انت لا اخوي ولا ابوي
ايسم : ليه انتي تعرفين العيب اصلاً " وشد على خدها "
جولي جد تعورت مره ماقدرت تمسك نفسها : آآآآآي ايسم اتركني خلاص والله يعور
ايسم ببرود : اعتذري مني على إلي سويتيه امس
جولي مغمضه عيونها من الألم : تبطي
ايسم تركها : طيب نشوف
فتحت جولي عيونها .. وانتبهت لمفتاح الباص إلي بيده الثانيه .. سحبته بسرعه ورمته بأقرب زباله
كانت تبيه يروح لعند الزباله ويشيله وتتشمت فيها
بس هيهات ايسم يسويها
ايسم ضغط على اسنانه بقوه من حركتها .. صرخ عليها : روحي جيبيه
جولي كانت بتروح تركض .. بس ايسم سحبها من يدها بسرعه بصوت اعلى : قلت لك روحي جيبيه
جولي وهي تحاول تفك ايدينها من ايدين ايسم : محد قال لك تحط راسك براسي
" ماشاء الله حب وغرام عند باب الروضه "
لفو ايسم وجولي لمصدر الصوت .............................. المــــديــــــرهـ
ايسم ترك جولي وبعد عنها وهو مرتبك من كلام المديره .. فهمت الموضوع غلط
المديره : الحين عرفت سر هاللبس المخالف .. كنتي عارفه اني راح ارجعك البيت .. فأتفقتي مع ايسم انك تقابليه في هذا الوقت .. بس الله ما اراد ان خطتكم تكتمل بدون ما اشوفكم .. شكلك ماانتبهتي يوم اقول لك عندي اجتماع برى الروضه بعد نص ساعه
جولي بصوت مرتفع : اقـــول انتي يا عجوز النار زودتيها اشوف .. انا بروح والله يقلعها من روضه
ايسم هز راسها وغمض عيونه وفتحها .. يبي يستوعب الكلام إلي سمعه .. تأكد الحين ان هالبنت بايعتها .. هو الا مصدر رزقه مايستستهل فيه .. وهالبنت كل شي عندها عادي .. من اهلها ؟ وش اسمها وكم عمرها ؟ وش إلي خلاها تشتغل هنا بالضبط .. شي داخله خلاه يصر على انه يتعرف على هالبنت الغريبه اكثر
..................................................
طبع بوسه على راس امه .. وجلس على الكرسي .. ناظر في غرام : صباح الخير
غرام وهي تحرك الشوكه في صحنها : صباح النور
" بعد 5 دقايق "
سامي جاي يركض .. يسحب الكرسي الكبير يبي يجلس
ام لافي تناظر ولدها بعيونها الحاده إلي تدل على التسلط والغرور : كم الساعه الحين سامي ؟
سامي منزل راسه خايف من امه : ماري تقول الساعه 7
ام لافي : كانت الساعه 7 بس الحين الساعه 7 وخمس دقايق .. وش سويت في هالخمس الدقايق
سامي : كنت بطلع من الغرفه بس شفت في التلفزيون توم اند جيري وجلست اشوفه شوي .. والله سرحت
ام لافي تلف وهي معصبه للجهه إلي واقفه فيها ماري : يعني ماتدري ان تلفزيون غرفة سامي مايشتغل في هذا الوقت ؟ لي تفاهم بعدين معك " تلف على سامي " ارجع غرفتك والفطور بيوصلك هناك
سامي كان شوي ويبكي .. مايحب يفطر لحاله .. بس هذا عقابه ليه يتأخر عن موعد الفطور .. هذي حياتهم وهذا نظامهم .. ولازم الكل يتبعه .. ام لافي حتى وهي ممنوعه عن الحركه .. لكن الا الوجبات لازم تجتمع مع عائلتها فيها
بعد ما مشى سامي .. ابو لافي : طولي بالك على الولد حرام ياكل لحاله
ام لافي : احسن عشان يتعلم النظام .. شوف لافي ولا مره كسر نظام واحد من انظمة هالبيت
وقف لافي : الحمد الله ..
ام لافي : وين حبيبي ما اكلت شي
لافي : لابس عندي بعض الاشياء مو فاهمها في الماده وبخلي واحد يشرحها لي
ام لافي : ليه يشرحها لك ؟ انت ماتركز في المحاضرات
لافي : الا اركز بس فيه اشياء حتى مع التركيز مافهمتها
ام لافي : مفروض انت تشرح للناس مو الناس تشرح لك
ابتسم لافي وقال : ان شاء الله .. يللا عن اذنكم
ام لافي تنظار ولدها وهو يمشي وتدعي له بالتوفيق
غرام توقف : الحمد الله ..
ام لافي تقول بسرعه وكأنها تذكرت شي : الا صح ناصر " ابو لافي " ابيك تشيل التلفزيون من غرفة سامي اليوم
ابو لافي : انتي تامرين امر كم ام لافي عندي
ام لافي تبتسم على كلامه : وتدري اصلاً انا بشيل كل التلفزيونات إلي بالغرف .. احسها تقلل الجمعات في الصاله .. صح والا لا ؟
ركبت غرام الدرج وهي متضايقه ليه زوجة عمي ماتعطيني وجه .. تكلمت وطلعت ولا احد درى عني " ام لافي هذا طبعها ماتحب الا زوجها وعيالها والباقي ماتعبرهم "
..................................................
دخلت شذا البيت ورمت شنطتها وهي تركض .. فتحت باب الغرفه ولقت جولي .. جالسه على السرير تهز رجلها وهي تتصفح مجله قديمه
شذا تتكلم وهي تاخذ نفس من الركض : هـــــي انتــــي وينـــــــــك قلبنا الروضه فــــوق تحت ندور عليك .. اخر شي رحنا الاداره .. المديره تقول انك رجعتي البيت
جولي : ايه وش فيها.. هذا انتي تشوفيني بالبيت
شذا : قصدي ليه رجعتي .. صار شي ؟
جولي : ابد لبسي مخالف
دخلت عبير ووجها احمر ودموعها تصيح
جولي حطت يدها على صدرها : بسم الله .. ياربي وش فيها ؟
شذا : سالفه طويله " تمسك ايدين عبير وتجلسها على السرير " : والله الموضوع مايستدعي كل هالبكي بالعكس " تحضن ايدينها وهي تبتسم " انا بالنسبه لي هذي مغامره
عبير تعطي اختها نظره تخوف : مغامره ؟ ايه هين .. مغامره إني اعيش مع ناس مااعرفهم
شذا : مو أي ناس .. الناس إلي بتروحين لهم ثقه .. الروضه صار لها سنين من متى ودت مدرساتها الى بيوت مو ثقه
عبير تشهق : بس انا ما ابي .. والله ما ابي " تزيد في البكي "
جولي مثل الاطرش بالزفه : ممكن تفهوني وش الحكايه
شذا تعدل جلستها : انا اقول لك .. مو بعض الناس إلي عندهم ولد صغير ويحتاجون الى مربيه تربيه .. يتفقون مع روضه يجيبون لهم مربيه .. والروضه ترسل لهم مدرسه من مدرساتهم تشرف على الولد .. والمربيه تعيش معهم بالمده المتفق عليها مع الروضه
جولي تهز راسها : طيب ليه تعيش معهم ؟
شذا : عشان تشرف على الود وش فيك .. ماتعيش معهم لنهاية عمرها لا .. بس بالمده المتفق عليها يعني سنتين ثلاث كذا تقريباً
جولي : اوكي فهمت .. واختك ليه تبكي الحين
شذا : المديره سوت قرعه واختارت 7 مدرسات من الروضه لهذا الشي .. وانا وعبير طلعنا مع الاسماء .. بعد ماسجلت المديره الاسماء وراحت .. قرينا الاسماء الموجودين في صندوق القرعه .. كان اسمك مع الاسماء بس حضك ماطلع
جولي : انتي وعبير الحض لازم يجمعكم في كل شي
شذا تدف كتف عبير : ايه هين اختك مو راضيه حتى انها كلمت المديره ماتبي تروح بس المديره تقول اجباري
عبير وهي للحين تبكي : تخيلي شذا حضي يوديني لبيت سفاحين ياربي وش اسوي الحين
شذا : قولي قسم .. بلا خرابيط .. قلت لك الروضه ثقه مابتوديك أي بيت .. وبعدين هذا الموضوع هين .. بالنسبه للموضوع إلي في بالي
عبير وجولي في نفس الوقت : أي موضوع
شذا : جولي كيف نخليها في البيت بروحها ؟
عبير : انا بجلس معها وانتي روحي
شذا تفصخ عبايتها " نست ماتفصخها مع السوالف " : مابترضى المديره " تضرب راسها " صح
على طاري المديره .. جولي المديره قالت لي انها تبيك بكره في موضوع
جولي عاقده حواجبها : تحلم اروح لها بعد ماصارخت علي قدام السواق
شذا : احلفي ؟
عبير : هالمديره مااستغرب منها شي بعد إلي ... " بصوت عالي " يــــــــــــــــاربي وش هذا "
جولي خايفه : ميـن إلي يطق الباب بهذي الطريقه
شذا وقلبها يدق : محد يجينا بالهوقت ابد
سمعوا البنات صوت الباب إلي بره وهو ينتفتح بقوه .. يعني الشخص إلي يطق الباب كسر القفل
عبيرقامت بسرعه .. سحبت يدها جولي : وين بتروحي يالمجنونه
عبير : اتركيني بقفل باب الغرفه
جولي : ايه ايه قفليه بسرعه
بعد ماقفلت عبير الباب بثواني بس .. الا والطق يصير على باب غرفتهم
لصقوا عبير وجولي وشذا في بعض وجلسوا يصارخوا
>>>> نهاية الجزء الثاني <<<<
ظهرت في قصتنا اول عائله جديده وهي عائلة ابو لافي -
يمكن هالعائله تغير اشياء كثير في حياة بطله من بطلات قصتنا
وهالشي راح نعرفه في الجزء الجديد
المديره وش الشي إلي تبيه من جولي بعد إلي سوته ؟-
والاهم من كذا مين الشخص إلي تهجم على البنات في بيتهم ؟ -
.................
يمكن فكرة القصه توضحت لدى البعض في هذا الجزء
وراح تتوضح اكثر في الجزء الثالث .. انتظروني مع احداث مشوقه وشخصيات جديده
الف شكر لك على هالبداع اللي اتحفتينا فيه
مشكوووووووووووووووووووووووووره
وننتظرك بالتكمله
على احر من الجمرررررررررررر
وياليت الروايه تكون مثبته
سيــ يووو
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس