عنوان الموضوع : رواية مكانه الخالي ::كامله رواية جديدة
مقدم من طرف منتديات الشامل



مكانه الخالي للكاتبه رغوده ... *كامله*






((الجزء الاول))
كانت في السياره راجعه للبيت من بعد يوم طويل عليها ويوم متعب
كالعاده التعب مو غريب عليها اقرب لها من الصديق في هالحياه

وكانت حاطه اغنية الرويشد اعفيني وكانت تسمع
في كل شي ضحيت للي انا حبيت بأخر نفس فيني اعطيت ماخليت
جود بينها وبين نفسها: ليش الحياه ظالمتني ليش هالعذاب كله من نصيبي
على قولتك يا الرويشد كلي الم وجروح ماعاد فيني روح...
اخواني كلهم عرفوا السعاده والطمأنينه في حياتهم الا انا ليش ياربي
وانا اللي كنت اضحي واحب واخلص واساعد
ونزلت من عينها دمعه حارقه على خدها من تحت نظارتها الشمسيه
ومسحتها بسرعه وكملت طريقها

في بيت الدكتور فيصل

لمياء: ماما ... ماما .. مامااااااااااااااااا
الام: ها وشفيك ليش تصارخين؟؟
ليماء: طلعت روحي وانا اناديك..
الام: وش تبين
لمياء: بغيت اسألك جود متى بترجع من الامارات
الام بعد تفكير: ممم يعني شهر

ويقاطعهم دخول الاب

لمياء: هلا والله بابا
الاب: هلا حبيبتي
وباست ابوها على راسه وخده
الاب: شخبارك
لمياء: تمام
الاب: وين ريم وعبدالرحمن

وهم نازلين من الدرج
ريم وعبدالرحمن: كنا سمعنا اسمنا
لمياء: ههههههههههه
ريم: ليش تضحكين يا عمه
الاب والام: وشفيك
الاب: ضحكينا معك
لمياء: شوف التوافق ماقالوا اسامينا قالوا اسمنا عارفين نفسهم اثنينهم
علل من طينه وحده هههههههههه

ريم وعبدالرحمن طالعوا بعض بنظره غبيه خلت الاب والام وريم ينفجرون
ضحك....

ريم بزهو: اقول حمني حبيبي خلنا بس نروح لعمي اصرف ..
عبدالرحمن: وانتي الصادقه
الاب: وين؟
عبدالرحمن: ابوي بعد اذنك بنروح لعمي عبدالرحمن..
لمياء: سميك هههههه
الاب: طيب لاتتأخرون
ريم وعبدالرحمن: انشاءالله
وطلعوا

انا الحين بعطيم نبذه عن هالشخصيات اللي كتبنا عنها
جود ولمياء وريم اخوان من ام وابو وحده وعبدالرحمن اخوهم من امهم
بس يعني الدكتور فيصل مو ابو البنات زوج امهم وهو عنده عيال من
زوجته الاوليه وهو دايما عندهم يعني هو متزوج ثنتين الحب يكنه
لام عبدالرحمن.. لانها كانت زوجه ولا احسن وطيبه بدرجه كبيره
عكس الاوليه اللي ماتقدره ولاتعطيه اهتمامها

بيت التاجر عبدالعزيز

وهم على الغداء
عبدالله: اقول الا جود متى بترجع
ابو عبدالله: بعد شهر انشاءالله
ام عبدالله: ياحلوها اشتقت لها
محمد: اي والله اشتقنا لها
عبدالعزيز بتنهد: ايييه هذي بنتي مو الثانيات كنت احبهم واعاملهم احسن
منها وفي الاخير هي اللي بقتلي.... والثانيات عند زوج أمهم اللي يحبونه
أكثر مني.....
بعد اللي قاله بو عبدالله الصمت عم المكان

خلونا نوقف شوي عبدالعزيز تاجر كبير معروف بأسمه في السوق وصيته
القوي جدا ... وكان احب عياله عنده جود من عقب ماصار الانفصال بينه
وبين ام عبدالرحمن...
انا قاعده اجيبها شوي شوي لكم التاجر عبدالعزيز ام عبدالرحمن ماكنت
اول زوجه له لا كانت الثانيه عبدالله هو ولده الكبير وام عبدالله اللي كانت
معنا قبل شوي هي مو أمه هي زوجة ابوه كانت له مثل أمه ويقولون لها
ام عبدالله هي اسمها مناير..
مناير ماعندها غير ولد واحد وهو اصغر عيال عبدالعزيز اللي هو فهد..

الحين اقدر اقولكم شخصيات العايلتين
عبدالعزيز تاجر كبير متزوج من مناير
فيصل دكتور من عايله كبيره وتاجر بعد متزوج من نوره

عبدالله اكبر عيال عبدالعزيز عمره 28 سنه
محمد ثاني عيال عبدالعزيز عمره 26 سنه
هذول عيال عبدالعزيز من الزوجه الاولى

خالد ثالث عيال عبدالعزيز عمره 23 سنه
جود اول بنات عبدالعزيز عمرها 18 سنه
لمياء ثاني بنات عبدالعزيز عمرها 17 سنه
ريم ثالث بنات عبدالعزيز عمرها 15 سنه
هذول عيال الزوجه الثانيه
فهد رابع عيال عبدالعزيز عمره 15 سنه
وهذا ولد مناير الزوجه الثالثه والاخيره

نايف اكبر عيال فيصل عمره 23 سنه
هشام ثاني عيال فيصل عمره 20 سنه
دينا اول بنات فيصل عمرها 19 سنه
لمى ثاني بنات فيصل عمرها 17 سنه
هذول عيال زوجته الاولى
عبدالرحمن ولد زوجته الثانيه16
ولد زوجته الثانيه

تم بعون الله وحمده ههههههههه

في الامارات
وصلت جود البيت
قطت اغراضها اللي في يدها وكانت متجه للمطبخ....استوقفها
التلفون وهو يرن
جود: الوو..
ساره: اه يالقاطعه وينك فيه..
جود: هههههههه اي تمام انتي شخبارك الناس يسلموووون اول..
ساره: هههههههه السلامين..
جود: وعليكم السلامين..
ساره: شخبارج حبيبتي ..
جود: تمااامووو.. انتي شلونك
ساره: تمام.. جودي .. طلبتك
جود: افا عليك بس عطيتك عيوني..
ساره: فديتج انا تعالي البيت الليه..
جود : اجيك؟؟
ساره: اي ارجوج..
جود: اي بس..
ساره: لابس ولاغيره..
جود: اليوم اربعاء اهلك في البيت وابوك واخوانك يبون يرتاحون..
ساره: ابوي واخواني مسافرين.. ها عاد لاتطولينها وهي قصيره.. ها شو..
جود: شو ارمس بعد اييكم افا عليج..
ساره: ياحلو الاماراتي بلسانج..
جود: احم احم جوعانه..
ساره: اوووو صح انتي شكلج ماتغديتي.. خلاص عيل روحي بس لاتثقلين
وراج عشا..
جود: هههههههه انشاءالله
ساره: يلا باي
جود: بايووو حبيبتي

جود جود هذي شي ثاني اكثر وحده متعذبه هي انفصال امها وابوها
اثر عليها هي كل اخوانها كانوا عايشي حياتهم واوضاعهم كانت ممتاازه
الا هي هي كانت المشتته بين امها وابوها هذا اللي أثر فيها يوم عند امها
ويوم عند ابوها وبعد كذا ابتعدت عن اهلها في سفرها للامارات للدراسه
جود ماكان ناقصها شي مال وجمال وحياة كل شخص يتمناها بس جود كانت
مفتقده شي لا المال ولاغيره يجيبه لهاو ما احد فكر يعطيها اياهااللي هو الحــــب والحــــنان....
ساره كانت تعرف جود من زمان من يوم ماكانوا صغار واهلهم يعرفون
بعض بس علاقة ساره وجود مميزه... مميزه بمعنى الكلمه كل وحده تحب
الثانيه اكثر من نفسها.... كانوا خوات وصديقات واصحاب....

>>>>> ردود الأعضـــــــــــــــــــاء على الموضوع <<<<<
==================================




((الجزء الثاني))

في مكتب التاجر عبدالله في شركة ابوه

محمد وخالد: السلام عليكم
عبدالله: عليكم السلام.. وينكم
خالد: وين بعد؟. هنا
عبدالله: تعال انت حضرتك 24 ساعه بره البيت.. وين تروح؟
خالد: وانت وش دخلك.. المهم انا ابي اروح الامارات..
محمد: الامارات !! ليش؟؟
خالد: ياخي بروح اسلي نفسي.. حرام؟
عبدالله: بدال ماتروح تسلي نفسك..انتبه لشغلك..
خالد: ياحبيبي خلينا الشغل لك..
محمد: متى بتروح؟ بعدين قلت لابوي؟
خالد: لا ماقلتله بروح له الحين ولو وافق برو بعد يومين بالكثير..

ويقاطعهم السكرتير
السكرتير: استاذ عبدالله.. الاستاذ نواف بره يبي يقابل حضرتك..
عبدالله: خله يتفضل..
السكرتير: انشاءالله..
نواف: السلام عليكم
الكل: عليكم السلام..
عبدالله: وينك يا القاطع.. شخبارك
نواف: بخير الله يسلمك..
خالد: المهم عن اذنكم بروح اقول لابوي..
عبدالله: والله انك فاضي..
نواف: ليش!!
محمد: الاخ بيروح الامارات..
نواف: والله؟
خالد: اي..
عبدالله: ليش؟
نواف: انا بعد بروح
محمد: جد متى..
نواف: هاليومين .. يعني السبت..
خالد: اجل .. اخاويك..
نواف: حياك الله بو وليد..
خالد: خلاص بروح اقول لابوي..
وطلع خالد من المكتب

في الامارات
جود: السلام عليكم
ساره: وعليكم السلام والرحمه ... هلا والله
جود: هلا فيك.. شخبارك..
ساره: تمام.. وانتي..
جود: بخير دامك بخير..
ساره: تعالي نروح الغرفه..
جود: اوكي.. بس وين اهل البيت ما سلمت عليهم..
هبه اخت ساره: نحن هنا..
جود: هلا والله.. شخبارك؟
هبه: تمام..
ساره: اقول ممكن نروح الغرفه؟؟
جود:هههههه اوكي
وفي هاللحظه يرن موبايل جود ويطلع لها رقم خالد
جود: لحظه..
ساره: لحظاات..
جود: الوو..
خالد: هلا بالصوت..
جود بأبتسامه: هلا فيك.. شخباركم..
خالد: بخير وانتي..
جود: مشتاقه لكم..
خالد: لاتشتاقين .. يوم السبت انا عندك..
جود: والله؟
خالد: اي والله... وش رايك بالمفاجأه..
جود: حلوووه مره.. بس وش عندك هنا؟
خالد: ابد حبيت اجيك واشوفك..
جود: اهااا اجل قلتلي حبيت تشوفيني.. ايييه..
خالد: جـــود
جود: اخ يا الخراط تشوفني وانا بجيكم بعد شهر لهذي الدرجه تحبني..
خالد:وش قصدك؟؟
جود: قول بصراحه انك جاي تشوف الحبايب..
خالد: وانتي وش دخلك..اجي اشوف اللي ابي
جود: طيب استاذ خالد ابي اقفل مشغوله..
خالد: لا تكفين لاتسكرين بموت بيجيني شي الحين.. فكه
جود: من وجهك.. بااي
خالد: باايات..

ساره: هذي لحظه؟؟
جود: هذا اخوي خالد
ساره بارتباك: خالد...
جود بخبث: اي خلوودي..
ساره : وش يبي
جود: يقول بيجي يوم السبت ..
ساره وهي مفتحه عيونها: هاااااااااا... من جدك
جود:اي..

ساره طبعا فرحت كثييير اتوقع انكم فهمتوا ان ساره وخالد يحبون بعض
وخالد أساسا جاي لساره

في بيت بوعبدالله
خالد: يما ترى انا ابي اروح الامارات السبت..
ام عبدالله: الامارات!! ليش؟؟
خالد: بروح اتمشى مع نواف واشوف بالمره جود..
ام عبدالله: قلت لابوك؟؟
خالد: اي ووافق..
ام عبدالله: في حفظ الله يا وليدي..
وقام خالد باس راس امه
خالد: تسلمين يا الغاليه..
ام عبدالله: انتبهوا لطريقكم..
خالد: انشاءالله..

يوم السبت تحديدا في الامارات
نواف: الحمدلله على السلامه يا بو وليد..
خالد: الله يسلمك..
نواف: وين بنروح الحين..
خالد: ممممم اول شي نكلم اختي جود.. اقولها وصلت ونشوف..
نواف: اوكي
وكلم خالد جود وحطه على السبيكر
جود: الوو..
خالد: الو.... هلا جودي..
جود: هلا خالد..وصلت؟؟
خالد: اي وصلت انا ونواف..
جود الحمد لله على السلامه..
خالد: الله يسلمك.. اقول جودي وينك في الحين؟؟
جود: في السنتر مع... مع ساره..
خالد اللي حس انها فرصه وجته: لا جد اجل خلاص انا جايلكم مع نواف..
جود بنظرة خبث: حيااك..حياك اخوي..
خالد: الله يحيك.. يلا بااي
جود: بااي..


في السنتر
ساره: شو بلاج تبتسمين جيه
جود وهي تلتفت لساره: خالد اخوي جاي السنتر....
ساره:شووووووو... خالد!!
جود: اي خالد.. ومعه واحد من ربعه اضن اسمه نواف..
ساره اللي سرحت في خالد وتذكرت مواقفه كلها مع خالد واللي رمت عليها مثل
شريط سريع
جود: ساره تعالي نقعدي في الكوفي
ساره:.......
جود: !! ساره... سااااره.
ساره: ها شو..
جود: سلامتك اقول خلينا نقعد في الكوفي..
ساره: اوكي
بعد ماقعدوا
ساره: تصدقين وحشني...
جود: مين؟
ساره: اوووف... مين بعد خالد اخوج...
جود: اها...ههههههههه.. ماتشوفيش وحش يا حبيبتي..
ساره: وحش في عينك..
جود: هذا هو في الطريق بيجي وشوفيه وشبعي منه..
ساره: ياحلوه والله ماينشبع منه...
جود:هههههههه ليش ؟؟ من زينه..
ساره بعصبيه بسيطه: جــــود اخرتها معك.. وبعدين يعني؟
جود: ممممم ولا قبلين..
وفي هاللحظه يرن موبايل جود ولما شافت الرقم ابتسمت لساره بنظره ماكره
وساره اقصرت عطتها ذيك النظره وبعدها ضحكوا ساره وجود مهما تصير بينهم
مشادات في الكلام في النهايه كله على مزح وحتى عصبيتهم تكون على مزح

ساره: ردي..
خالد: انشاءالله أم وليد.. هههههههه
ساره انقهرت من حركة جود وحاولت ماتعطيها اهميه
جود: الوو..
خالد: وينكم..
جود: في الكوفي...
وبعد ماعرف خالد المكان راح لهم هو ونواف

نواف وخالد: السلام عليكم
جود وساره: وعليكم السلام
خالد: شخبارك ساره؟؟
ساره: تمام الحمدلله
جود وهيي مفتحه عيونها: خلوود انا اختك سلم قول شي..
خالد: اسفين عمتي شخبارك..
جود من غير نفس: بخير.. طبعا من شاف احبابه نسى اصحابه
خالد: اعرفكم..نواف صديقي..

نواف طبعا اللي كان منبهر بجود وبجمالها ومبتسم لها

ساره:هلا والله
جود: تشرفنا
نواف: الشرف لي..
نواف في نفسه اي والله الشرف لي اتعرف على قمر
طبعا جود كانت اجمل وحده من بين كل البنات اللي حولها في اي مكان
كانت تمتلك ملامح جميله جداا وخلابه
وبعدها قعدوا يتمشون في السنتر واخر النهار راح نواف وخالد في سيارتهم وراحوا للاوتيل اللي بيقعدون فيه
وجود وصلت ساره لبيتها ورجعت هي لبيتها

جود اللي تضايقت من موقف خالد اخوها انه ماسلم عليها
حتى لو شاف ساره انا اخته ليش ما يسلم علي وحتى لما نبهته ماحسيت
بلهفة سلامه لي عاادي فرقت يعني سلم ولا قعد الله يسامحه ولا كأني أخته

ساره اللي كانت مبسووطه لانها شافت خالد وكانت تفكر فيه من لحظة رجوعها للبيت
وخالد كان نفس الحال

بيت الدكتور فيصل

لمياء: خليه.. حلو
ريم: لالا بايخ قعدي بس..
لمياء: وشو انتي بايخ كل شي لك يعني...
ريم: اف ياربي.. وبعدين..موب حلو مانبيه..
لمياء: انتي ماتبينه .. انا ابيه

وفي هالوقت دخلوا دينا ولمى: السلام عليكم
لمياء وريم: وعليكم السلام
لمياء: هلا والله..
وبعد السلام والقعده
دينا: ليش مانطلع للسوق؟؟
ريم: الله فكره حلوه..
لمى: ياريت
لمياء: بس امي
دينا: انا اقنعها..
لمياء: ممممم اوكي
وطلعوا

في بيت بوعبد الله
بوعبدالله: خالد وصل الامارات؟؟
عبدالله: اي الحمدلله..
ابو عبدالله: الحمدلله..
ام عبدالله:اقول جود لما ترجع وين بتقعد..
بو عبدالله بجديه: في بيت ابوها طبعا..
ام عبدالله: ماراح تروح لنوره..
ابوعبدالله: الا بتروح بس ماراح تطول...
محمد: بس ابونايف زوج امها ماراح يعي..
ابوعبدالله بعصبيه: هذا اللي نقص كافي خذا لمياء وريم.. بكمل على جود.. والله اقلبها عليه..
ام عبدالله: هد اعصابك..

بعد مرور شهر
ساره: ياحبيتي والله بتوحشني..
جود: وانتي اكثر.. بشوفك بس في السعوديه..
ساره:ما اضن بنجي..
جود:ههههههه لابتجين مع خالد..
ساره بعصبيه بسيطه ضربت جود على كتفها ضربه خفيفه
ساره: صدق ماتستحين..
جود: خلاص عاد.. سارونه حبيبتي امزح..
ساره: ترى دمك موخفيف لاتمزحين كثير..
جود: انشاءالله..خلاص عاد لاتزعلين..
وبدت جود تغني مع بصوتها اللي كان جدا حلو
الله لايجيب الزعل بينك وبيني وان زعلت ارضيك انا يانور عيني
تضحك الدنيا في عيني لارضيت واقبل اعذارك واسامح لو خطيت
اااخ انا محتاج لحنانك مهما كان
بعدها ضحكت جود بحزن وساره طبعا حست فيها
وبعدها حضنوا بعض
ساره: جودي حبيبتي ليش تكتمين في نفسج صيحي طلعي الل في داخلج لاتكتمينه
عقب هالكلام طلعت جود كل اللي في قلبها وكان كاتمها
جود بأبتسامه: المهم عاد خلاص لاتزعلين
ساره: حبيبتي انا ما ازعل منج.. اتغلى بس..
جود: تغلي ياختي.. هههههه.. الحين انا بمشي اشوفك على خير..
ساره: انشاءالله.. مع السلامه
جود:الله يسلمك

خالد اللي كان زعلان انه بيرجع وماراح يقدر يشوف ساره
ونواف اللي كان طاير من الفرح لانه طول الطريق بتكون جود معهم
نواف طبعا اللي حس انه يحب جود وكل يوم حبه يكبر لدرجة انه ما كان
يقدر يتغنى عنه وقرر انه اول مايرجع من الامارات بيكلم ابوه في موضوع
زواجه من جود...
وش رايكم اعطيكم نبذه عن نواف
نواف شاب وسيم جدا وهو يعتبر ثاني اولاد ابوه وعمره 28 سنه
ومن عائله جدا كبيره ومرتاحه جدا ماديا وتعتبر في مستوى عايلة بو عبدالله
وابو رائد الي هو نفسه ابو نواف كان من اقرب اصدقاء ابوعبدالله

__________________________________________________ __________



((الجزء الثالث))

في بيت ابوعبدالله

بوعبدالله: اليوم رجعت جود.. ابيكم تتجهزون اكيد الاهل بيجونا بعد كم يوم..
ام عبدالله: انشاءالله ولايهمك..هي جايه مع خالد؟
عبدالله: اي ومعهم نواف..
محمد: يوصلون بالسلامه..
بوعبدالله: انا مرهق بطلع اريح..ولما يرجعون صحوني..
ام عبدالله: انشاءالله..

بعد ماطلع ابو عبدالله

محمد: يما والله كذا طفش..اف..
ام عبدالله: اسم الله عليك..وشفيك؟
عبدالله: راكبه جني هو وخالد الحمدلله رب العالمين..ههههههههههه
محمد: انطم انت..انا اكلم امي..
ام عبدالله: حمود ... استح اخوك الكبير..
محمد: يعني ماسمعتي وش قال!
ام عبدالله: وهو صادق انت خالد اعوذ بالله منكم..قرود ماتركدون.. وماغير طفشانين..
عبدالله: ومو اي قرود اصيلين هههههههههههه
محمد: عبود ممكن تكرمنا بسكوتك.. يما والله طفشان..
ام عبدالله: اييه طفشان انا عندي لك حل..
محمد بلهفه: وشو؟
ام عبدالله: وشرايك نروح الداون تاون على طريق الخرج..
عبدالله: ههههههههههه حلوه يما..
محمد: يما انا مو ولدك مثل عبدالله وخالد وفهد... ليش دايما ماتعطيني وجهه..
ام عبدالله: ياوليدي ما ادري عنك... تقول طفشان وش اسويلك..
محمد: ابي اساااااااااافر..
ام عبدالله: الله يكافينا شر المحنه.. سافر براحتك..يلا انا بقوم اجهز العشا على مايوصلون خالد وجود...


في السياره
خالد: ماعندك شي نسمعه
نواف: وش تبي يا بو وليد؟
جود: حطوا كسرات يمدحونها..
الكل:ههههههههههههههه
نواف اللي لقاها فرصه: جود شاركينا برايك وش تبين تسمعين.؟
جود: اي شي...
نواف: انتي وش اكثر اغنيه تحبينها.؟
جود: اكثر اغنيه... الا يامطول صبري..
خالد: الله يخلف عليك.. انتي ليش تحبين الحزين.؟
جود: خلينا السعيد لك استاذ خالد..
نواف:خلاص.. انا بحط لكم على ذوقي.. جود شلون الدراسه في الامارات.؟
جود: تمام حلوه..
نواف: حابه الامارات.؟
جود: اي كثير..
خالد: ياخي اكيد حابتها ونص يكفي ساره فيها..اي مكان ساره فيه حلو..
نواف وجود: ههههههههههههه
جود: هذا الحب وعمايله..
نواف: الله يعينك يا بووليد.. شكل الحب لاعب فيك..
خالد: اي والله وانت الصادق لاعب فيني لعب..
نواف: والله من خبالك..هههههههه
جود:ههههههه
خالد: خبال في عينك.. يوم ماتحب تعال قولي خبال..
نواف بأبتسامه ساحره: الله يسمع منك ويجي هاليوم..

في بيت ابو نايف الدكتور فيصل

نايف: السلام عليكم
الكل: عليكم السلام
نايف: شخباركم... ها مافي جديد..؟
لمى: على حطة يدك..
نايف: دينا وين لسانك اللي يلعلع... ما اشوفه ياريت 24 كذا ساده فمك..
دينا بعصبيه: نايفوو اسكت عني اليوم مو رايقتلك..
نايف: !! خير وشفيك !؟
دينا: مرتفع ضغطي..
نايف: ليش خير..؟
دينا: العله جايه اليوم..
نايف: !!
دينا: ياشينها ياكرهها..ما اطيقها اف..
نايف:!! اسم الله عليك فيك شي... هيه انتي تكلمين نفسك..
دينا: وبعدين معك قلتلك خلني في حالي..
نايف: لمى وشفيها المسعده..
لمى:يعني مانت عارف...
نايف: لاوالله ما اعرف.. خير وشفيكم.؟
لمى :اليوم جود راجعه من الامارات..

نايف أول ماسمع اسم جود فز قلبه

نايف بفرح: والله.. اليوم؟
لمى: اي نعم وهذا اللي مزعل اختك..
نايف:!! ليش؟
لمى: ياخي افهم اختك ماتطيقها تكرهها تبغضها..
نايف بعصبيه بسيطه: وليش انشاءالله.. وش سوتلها جود ولاعمرها ضرتها عشان تكرها كذا...
دينا: والله عاد انا حرره..
نايف: احترمي نفسك.. هذاك تحبين خواتها ومصدقاتهم..شمعنى هي ضرتك في شي.؟
دينا بأستهزاء: اصلا هاذي حتى خواتها مايحبونها اعوذ بالله ماتنحب..عن أذنك
وعقبها راحت دينا غرفتها وطلع نايف من البيت

في بيت ابو عبدالله

فهد بصوت عالي: هييييييييه جود وصلـــــــــــت..
جود: حبيبي انت والله..تعال ابي احضنك وحشتني..
ام عبدالله بفرح: جود ياحبيبتي...الحمدلله على السلامه..
جود بفرح: الله يسلمك ياحبيبتي..
وحضنت أمها
عبدالله: هلا بالغاليه والله..
جود: هلا فيك..
محمد: تو مانور البيت..
جود: منور بأهله...
وسلمت على اخوانها..

ابو عبدالله وهو نازل

بو عبدالله: هلا بحياتي.. هلا بحبية أبوها..
سلمت على أبوها اللي حضنه وسلم عليها بشوق

بعد ماقعدوا وتعشوا..
ام عبدالله: ها جودي .. شخبارك..
جود: الحمدلله..
ابو عبدالله: شلون خويلد جننك؟؟
جود: لا ابد..
عبدالله: سبحان الله..
محمد: غريبه.. انتوا قاريين عليه عند شيخ في الامارات!؟
الكل ما عدا خالد:هههههههههه
عبدالله: تلاقيه جوعان بس..... ما اضن ان العشا كان فيه موز..
الكل ماعدا خالد:ههههههههههه
جود: خلود زعلت؟.... نمزح..
خالد: لا ابد... ليس على المجنون حرج..
محمد: مجنون في عينك..
خالد: يا محمد..
عبدالله: احترم نفسك..
ابو عبدالله بعصبيه: وصمه... انطموا..
عقبها الاولاد كلهم نزولوا روسهم
جود بينها وبينها نفسها: هههههه ما قصر فيكم..


في بيت ابو رائد
نواف: السلام عليكم
الكل: عليكم السلام
ابو رائد: هلا والله.. الحمدلله على السلامه..
ويروح ويبوس راس ابوه
نواف: الله يسلمك..
ام رائد: هلا بوليدي الحمدلله على السلامه..
رائد: الحمدلله على سلامتك يا اخوي..
نواف: الله يسلمكم..
مريم وهي نازله(اخت نواف): هلا هلا والله بأخوي..الحمدلله على سلامتك ماتشوف..
الكل:هههههههه
نواف: الله يسلمك والشر مايجيك... بس ليش قالولك مريض..
مريم: لا اسم الله عليك بس مشاعري دخلت في بعض..ههههههه
نواف: ممممممم.... مريوووووم... وشفيك كل عمري أسافر ولا مره استانستي كذا خير..؟
رائد: مايبيلها سؤال بديهيه يا نواف..
نواف:!!
مريم: بصراحه أنا فرحانه مووت لان حبيبة قلبي رجعت..
نواف: حبيبة قلبك!! .......مين؟
رائد: من بعد جود...
نواف: اهااا.. جود ايييييه صح..

وفي هاللحظه نواف في عقله ربط جود اللي كانت اخته مريم 24 ساعه ماتوقف الكلام عنها...
وبين جود اللي قابلها واللي هي أخت خالد.. واللي هي حبها... انهم شخص واحد...
وجاته فكره كويس جود ومريم علاقتهم قويه وصداقه وطولعمرها مريم تتكلم عن جود...
ههههههه هين يا مريم هذا وجهي اذا خليتك الليله..

في بيت بو عبدالله
جود في غرفتها: خليني ادق على أمي..
ريم: الووو....
جود: اهلين...
ريم: مين جود..
جود: اي..شخبارك ريم..
ريم: هلا والله تمام..وانتي..
جود:الحمدلله..شلونكم.. وحشتوني..
ريم:الحمدلله كلنا بخير..
جود: ريم امي عندك.؟
ريم: اي دقايق بس..
جود: خذي راحتك..
ريم: ماما.. ماماااا...
ام عبدالرحمن: نعم..
ريم: جود على التلفون..
ام عبدالرحمن: وصلت.؟
ريم: اي بتكلمك..
ام عبدالرحمن: الوو..
جود: هلا ماما شخبارك..
ام عبدالرحمن: الحمدلله شخبارك انتي..
جود: تمام الحمدلله..اشتقتلك..
ام عبدالرحمن: ننتظرك انشاءالله..
جود بضيق: انشاءالله..
ام عبدالرحمن: تبين شي.؟
جود: سلامتك سلميلي عليهم..
ام عبدالرحمن: يوصل.. مع السلامه
جود: الله يسلمك

بعد هالمكالمه جود حست انها منخوقه وحبت تطلع تجلس في الحديقه..
معقوله هالمعامله من ام لبنتها ولا اخت لاختها حتى كلمة الحمدلله على السلامه ماقالوها
وفي هالوقت طلع ابو عبدالله الحديقه وشاف جود..

ابو عبدالله: وشفيك يابنتي... قاعده هنا.؟
جود: سلامتك حبيت اجلس شوي في الحديقه..اغير جو..
ابو عبدالله اللي حس ببنته..
ابو عبدالله: وشفيك يابنتي.. خير..مبين انك مضايقه..
جود: ..........
ابو عبدالله: تبين فلوس..؟
جود: لا
ابوعبدالله: محتاجه شي.؟ نفسك في شي..؟
حرام عليكم حسوا فيني ما ابي فلوس ما ابي شي بس ابي حنانكم اللي
مو عارفين من تعطونها يعني كثير علي بدال يا ابوي ماتاخذني
في حضنك وتواسيني تقولي تبين فلوس الى متى ببقى كذا..؟ ما احد حاس فيني

__________________________________________________ __________




((الجزء الرابع))

في بيت بو رائد في غرفة مريم تكلم جود
مريم: ياربي اخيراااا رجعتي.... وحشتنيني مووووت...ابي اشوفك..
جود: هههههههه ممكن اتكلم.؟ ياحليلك كليتيني...
مريم: ههههههههه..طيب طيب.. ابي اشوفك.. مشتاقه لك..
جود: انا اكثر والله...وشرايك نطلع بكره.؟
مريم: ممممم..بسأل امي لو وافقت نطلع انشاءالله..
جود: طيب .. كلمي امك عشان نطلع..وانشاءالله توافق..
مريم: انا متأكده لو قلتلها اني بطلع معك بتوافق..
جود: هههههههه والله امك عسل..
مريم: تسلمين..

وفي هاللحظه كان باب غرفة مريم يدق
نواف: مريم...نايمه..
مريم: لحظه لحظه جود.. مين؟
نواف: انا نواف..ممكن أدخل..
مريم: اي تعال..حياك..
نواف وهو يدخل: الله يحيك..مشغوله..؟
مريم: اكلم..ليش.؟
نواف: سلامتك حبيت أسولف معك..
جود على التلفون: مريوووم خلاص روحي شوفي اخوك.. وانا بعد ابي أنام..
مريم: اوكي جودي اشوفك بكره انشاءالله..مع السلامه..
نواف اللي حس انها فرصه وجاته
نواف: مين كنتي تكلمين.؟
مريم: وليش تسأل وش هاللقافه..؟
نواف: بلاغة شف..
مريم: هذي جود..ماسمعتني..
نواف بأستعباط: جود..جود.. اييييه عرفتها..شخبارها.
مريم: بخير..
نواف: الا هي.. اكبر منك صح.؟
مريم: لالا احنا كبر بعض...
نواف: والله..
مريم: والله..
نواف: طيب ابي اسألك بصراحه..وشرايك فيها..وما ابي مشاعر الصداقه تتدخل برايك فيها..
مريم: ممممم بصراحه انا هالبنت تعجبني كثيير من كل النواحي..
نواف بلهفه: شلون.
مريم: يعني بنت مرره طيبه وعسل.. وتحب كل اللي حولها..واللي يعجبني فيها شلون عندها
حنان لكل اللي حولها وهي فاقدته..
نواف: فاقدته!!
مريم: اي جود أمها وأبوها انفصلوا من زمان..اخوانها كل واحد حدد انه بيكون يا مع أمه يا مع أبوه..
نواف: كملي..
مريم: اخوانها الاولاد اللي هم عبدالله ومحمد من أول وهم عايشين مع أبوهم لان محمد وعبدالله مو من أمها
نواف: اي أعرف..
مريم: أما اخوانها اللي من أمها وأبوها اللي هم خالد ولمياء وريم هذول خالد هو اللي عاش عند أبوه وريم
ولمياء عن أمهم وزوجها...... وجود هي الوحيده اللي كانت ومازالت مشتته بين أمها وأبوها يوم عند ذا ويوم ثاني عند ذا.. وأمها وأبوها بدال ما كل واحد يحاول يكسبها بحبه وحنانه سوا العكس وكل واحد أهملها..
بأختصار جود كانت بنت مشتته بين أمها وأبوها وبعدين صارت مثل اللعبه وأمها وأبوها كل واحد يبيها...
ودخلوا في خلافات مالها نهايه والبنت كانت الضحيه.. وأكبر ضحيه لانها عمرها ما حست بحنان الام وعطف الاب..

في هاللحظات نواف كان يقول بينه وبين نفسه: ياحبيبتي ياجود كل هذا فيك وساكته ومستحمله ولايوم
حسستي اللي حولك بحزنك..... عهد اقطعه على نفسي لو انشاءالله اخذتك وصرت زوجتي لعوضك عن كل اللي
شفتي وأعطيك كل حنــاني وحبـي..

مريم: نوافو..وين رحت..
نواف: معك..
مريم: نواف اياني واياك هالكلام يوصل لاحد مين ما كان.. هالكلام ما احد يعرفه غير الله سبحانه وتعالى
ثم انا وجود وساره.. ولو انك مو اخوي وصديقي وقريب مني اكثر من غيرك كان ماقلتلك شي..
نواف: لاتحاتين يامريم هالكلام مستحيل يطلع مني..
مريم: انا عارفتك يا اخوي ولو اني مو عارفتك كان ماقلتلك هالكلام...لان هذي اسرار..بس نواف قولي ليش
هالاسئله..؟
نواف بارتباك بسيط: ها..لا ولاشي ندردش..
مريم: ندردش؟! طول عمري سيرة جود على لساني ولا عمرك سألتني عنها..
نواف: مافي شي..
مريم: نواف.. قولي انا اختك ولا منت مأمني..
نواف: لايا مريم مأمنك بس..
مريم: بس وشو..حلفتك بالله قولي وشفيك والصراحه..
نواف واللي طبعا كان قاعد مقابل مريم رجع راسه لورى وسنده على الكرسي وتنهد
نواف: حبيتــــــها..
مريم بدهشه: ها... حبيتها!...من حبيت..
نواف: حبيت جــود..صرت أحس اني أحبها أكثر من نفسي..
مريم: نعم؟؟ ومتى صار هالكلام وأنا وين...
نواف: من أول يوم شفتها في السنتر مع خالد..في الامارات..
مريم: نواف من صدقك حبيتها..
نواف: العب عليك أنا ؟ والله حبيتهاااااااا..
مريم نقزت من مكانها: الله وناســـه.... يعني اخوي بيتزوج صديقتي..
نواف قام من مكانه:سدي فمك لاأحد يسمعنا..
مريم بترجي: انشاءالله انشاءالله..بس تكفى قول متى بتخطبها..
نواف:مممم والله ما ادري...ابي اقول لابوي..بس ما ادري شلون أفاتحه..
مريم: عادي قوله بتزوج...أبوي وأمي ميتين يبونك تتزوج..ترى انت مو صغير..
نواف: معك حق...أجل خلاص انشاءالله بعد كم يوم بأكلمه...
مريم: مممممم طيب نواف حبيبي انت....ابي أطلع بكره ومافي غيرك يوديني..
نواف: هاهاهااااي....ايه هين..
مريم وهي تقلده: وشو هاهاهااااي..ايه هين..
نواف: بصراحه بكره عندي شغل كثر شعر راسي ومو فاضيلك..
مريم بخبث: ممممم طيب لو قلتلك اني بروح مع جود..
نواف:هاا.. والله..
مريم بنفس الخبث: اي والله...
نواف: خلاص مادام كذا اطلعك ونص..
مريم: اااخ منك...يعني لو جود مو طالعه كان ماوافقت...
نواف:لا والله حبيبتي بس يعني..
مريم: طيب..مادام جود انا مو زعلانه..
نواف: لهذي الدرجه تحبينها..
مريم: امووت فيها يابختها اني احبها كذا..
نواف: والله يابختك انتي انها تحبك..ههههههه..
مريم: لا والله..اطلع انا بنام..
نواف:هههههههه تصبحين على خير...الموعد بكره..
مريم: وانت من اهله..


في بيت بو نايف دينا في الغرفه
دينا: اف يا الطفش..
لمى: وشفيك.؟...لاتقولين عشان جود ترى قرفت..
دينا: والله ما أحد قرف غيري..تصدقين ودي يوم احرق قلبها..
لمى: ممكن أعرف ليش تكرهينها كذا.؟ هي وش سوتلك.؟
دينا: كذا هي ماتنحب..كيفي..
لمى: لا انا عارفه ليش...
دينا: ليش ياأم العريف.؟
لمى: اناداريه انك تغيرين منها...صح.؟
دينا: .......
لمى: شفتي اني عارفه.. تبين الصراحه يعني معك حق..هي قمر وأحلى بعد..كل شي فيها يجنن ياخذ العقل..
غير كذا مال ودلال وعقل...وعيشه ولا أحلى....ولا أبوها اللي مغرقها بفلوسه..طبعا بالنسبه لي ماعنده غير
هالبنت..يابختها..حتى ابوي اللي يعتبرها بنته مايقدر يخفي اعجابه بجمالها الفاتن..
دينا بعصبيه: خلاص ماتعرفين تسكتين.؟
لمى: يمه خرعتيني..وش قلت.؟
دينا: انا بنام خليني..
لمى: وانا بعد والله فيني النوم..تصبحين على خير..
دينا: اي خير دامها في حياتي..
لمى وهي تهز راسها: اعوذ بالله من الغيره..


في بيت ابونايف (الزوجه الثانيه)
ابو نايف: جود وصلت.؟
ام عبدالرحمن: اي..
ابونايف: الحمدلله على سلامتها..
ام عبدالرحمن: الله يسلمك..
ابونايف: كلمتك.؟
ام عبدالرحمن: اي تسلم عليكم..
ابونايف: الله يسلمها ويسلمك..تدرين ودي اخذها لولدي نايف..
ام عبدالرحمن: عاد ابوها اللي برضى..
ابونايف: كان زين يوافق..

اليوم اللي بعده
في بيت بو رائد
نواف: مريووووم..نايمه.؟
مريم: اف ياربي مين.؟
نواف: انا نواف..
مريم: تعال ياشين الحلايا..
نواف بعد مادخل
نواف: شين في عينك... وش حلوي...
مريم: انسان مزعج مثلك ماشفت..
نواف: المهم..متى بتطلعين مع جود..
مريم: وانت وش دخلك..
نواف: وشو وشدخلني انا اللي بطلع...لا شكله النوم لين الحين تأثيره مستمر...اجيبلك مويه..
مريم: مو عطشانه..
نواف: هههههههاي...ومن قالك انك هامتني عطشانه ولا ضميانه...ابي اجيبلك مويه اكبها عليك..اسبحك
مريم وهي ترمي عليه المخده
مريم: اطلع برى لا اوريك شي ماعمرك شفته..
نواف: اصلا انا بروح لامي..
مريم: اي صح..امي ماقلتله عن الطلعه نسييييت..وخر ابي اروح اقولها..
نواف: والله مصيفه..بطلع وأطلع وماقالت لامها....

في بيت بو عبدالله
جود: ماما... مامااا
ام عبدالله: هلا جود حبيبتي..تعالي انا هنا..
جود: صباح الخير..
ام عبدالله: صباح النور..
جود: ماما بصراحه..ابي اطلع مع مريووم..ممكن
ام عبدالله: مريم بنت بو رائد؟
جود: اي..ممكن.؟
ام عبدالله: طيب مع مين بتروحون؟
جود وهي تقعد على كرسي من كراسي الطاوله
جود: ممممم والله ما ادري..يمكن السواق او اخوها..
ام عبدالله: طيب..تعالي أعطيك الفلوس وابيك تنتبهين لنفسك.؟
جود: هههههههه انشاءالله بعدين انا كبرت..اصلا المفروض ماتخافون علي..هذاني عايشه في بيت
بروحي في الامارات
ام عبدالله: طيب امشي معي اعطيك الفلوس..
جود: انشاءالله...


العصر كانت مريم رايحه مع نواف لجود
مريم: ياربي فمك فمك يبن الحلال لايجيك شد من هالابتسامه..ماشاءالله شاقه الوجه شق..
نواف: ياكذبك..اصلا انا وشلون اقدر ابتسم وانتي معي.؟ فهميني.؟
مريم: لا والله..
نواف: ههههههههه.. اقول ترى وصلنا كلمي جود..
مريم: اوكي.........الوو.. هلا جودي..
جود:هلا فيك..وينك..
مريم: بره استناك..
جود: خلاص جايتك..الا مع مين بنروح..
مريم: نواف اخوي..
جود: نواف..والله..
مريم: اي والله..يلا عاد تعالي..
جود: اوكي طالعه..

في السياره
طبعا نزلت مريم من السياره عشان تسلم على صديقتها اللي ماشافتها من زماان وبعد سلام ولقاء حميم رجعوا السياره
جود: السلام عليكم
نواف: عليكم السلام والرحمه..هلا وغلا..
جود بحيا: هلا فيك..
نواف: شخبارك جود..
جود: تمام الحمدلله.. شلونك انت..
نواف: بخير دامك بخير..ها وين تبون تروحون.؟
مريم: ممممم جودي وشرايك نروح(........).؟
جود: براحتك..نروح..
مريم: خلاص نواف روح (........)
نواف: انشاءالله..
مريم: اقول جود..شخبار ساروونه..
جود: تمام..مشتاقتلك..
مريم: ياحليلها..والله ماأنسى يوم احنا في المتوسط شلون انا وياها نتهزء بسبتك..
جود: ههههههههه..أحسن..
نواف: ليش وش كانت تسوي..
مريم: هههههههه احنا كنا قاعدين الثلاث جنب بعض..وجود كانت كل ماتدخل مدرسه ماتسلم من تعليقاتها..
وطبعا احنا جنبها ونسمع كل اللي تقوله..
جود: ههههههههههه
مريم: تضحكين ها..المهم احنا طبعا من عقب مانسمع تعليقاتها مانقدر نمسك نفسنا ونضحك..وهي البريئه
ماسوت شي.. وعقبها المدرسه تطردنا من الفصل وهي تقعد..
جود ونواف: ههههههههههه
مريم: وانا ساره المساكين ناكلها..
جود: ههههههههه ما احد قالكم تجلسون جنبي..
مريم: سكتي سكتي بس..
جود: هههههههه..
نواف: توني ادري عنك ياجود..هههههههه
مريم: ياما تحت السواهي دواهي..
الكل: ههههههههه



بعد مرور اسبـــــــوع

في بيت بو رائد في الصاله
نواف: السلام عليكم..
ابو رائد وام رائد: عليكم السلام ورحمة الله وبركاته..
نواف: شخباركم.؟
ابو رائد: الحمدلله على كل حال..
نواف: الحمدلله.. ابوي انا ابي افاتحك في موضوع انت وامي..
ابو رائد: قول وانا ابوك..
ام رائد: خير يا وليدي..
نواف: الخير بوجيهكم..يبا تعرف انت وامي اني الحين كبرت والحمدلله متحمل مسؤولية نفسي وفاهم وعاقل..
بصراحه انا ابي اكمل نص ديني وأتزوج..
ام رائد: هذي الساعه المباركه..
ابو رائد: خير ماسويت ياولدي..
ام رائد: انا انشاءالله من بكره بدورلك على بنت اخطبها لك..
نواف: يمه.. انا ودي في وحده..
ام رائد:!! من هي.؟
نواف: انتي وابوي تعرفونها وتعفون اهلها..
بو رائد: مين هي.؟
نواف: جود بنت عبدالعزيز بو عبدالله..
بو رائد: والله ونعم....
ام رائد: يازين ما اخترت..
نواف اللي لحظتها حس براحه
نواف: طيب..ومتى بتخطبونها لي.؟
بو رائد: خير البر عاجله..
ام رائد: نخليها الخميس.؟
بورائد: زين ..وشرايك يانواف.؟
نواف: الشور شورك..
بو رائد: خلاص اجل انشاءالله يوم الخميس نروح ونخطب جود لنواف..
نواف: طيب عن اذنكم..انا وراي طلعه..
بورائد: في حفظ الله..
ام رائد: انتبه لنفسك..
نواف: انشاءالله..مع السلامه
ام رائد وابو رائد: الله يسلمك..
طلع نواف بعدها وحس ان الدنيا كلها تبتسم له

__________________________________________________ __________


الجزء الخامس))
في شركة بوعبدالله
يرن وبايل بوعبدالله
بوعبدالله: الو..
بورائد: هلا بو عبدالله..
بوعبدالله: هلا فيك يا خوي..وينك من زمان عنك..
بو رائد: والله تدري ياخوي انشغلت بعد..الدنيا ومشاغلها...
بوعبدالله: الله يعينك..
بو رائد: وياك يارب...اقول ياخوي ودنا نزوركم مع الاهل..
بوعبدالله: ياهلا فيك والله..هذي الساعه المباركه والبيت بيتك..مافي بينا هالرسميات انت الداخل واحنا الطالعين..
بو رائد: الله يسلمك ياخوي..الخميس مناسب.؟
بوعبدالله: البيت بيتك حياك الله في اي وقت..
بو رائد: الله يحيك...اجل نشوفك على خير انشاءالله..
بوعبدالله: انشاءالله..
بورائد: في امان الله..
بوعبدالله: مع السلامه..

في بيت بونايف (زوجته الثانيه)
يرن التلفون
لمياء:الوو..
دينا:هلا..
لمياء: وينك ياعمه..
دينا: هنا..المهم ابي اطلع
لمياء: اوكي بقول لامي ونطلع..
دينا: خلاص بجيك..ونطلع لاني طفشانه..

يوم الخميـــــس

في مجلس الرجال عقب العشا والقعده والسوالف
بورائد: والله يابو عبدالله ان لنا الشرف ان نناسبك..واحنا طالبين بنتك جود لولدي نواف..
بوعبدالله: والله الشرف لنا..وجود بنتي ونواف ولدي..وماراح الاقي احد احسن من نواف ائمنه على بنتي..
نواف: الله يسلمك ياعمي..
بوعبدالله: بس تعرف يابو رائد لازم اشاور الاهل..وان شاءالله مايصير الا كل خير..
بورائد: حقك يابوعبدالله.. يلا عاد احنا نستأذن..
بوعبدالله: وين ياخوي بدري.؟
بو رائد: من عمرك..احنا عاد بنستأذن وجعله بيت عامر..
بوعبدالله: الله يسلمك..
بو رائد: يلا في امان الله..
بوعبدالله: حياك الله..
بو رائد: الله يحيك..


في السياره
شوق(زوجة رائد): ياحلوها يا رائد..اشاءالله تبارك..اخلاق وادب وذوق..
رائد: الله يخليها لاهلها..
شوق: امين.. بصراحه لو هي من نصيب اخوك يابخته..
رائد: اي صح يابخته هو عنده حظ..(رائد بنظره كلها حب) بس مو مثلي..
شوق: ياحبيبي انت..

في بيت بوعبدالله في غرفته
ام عبدالله: وانت وشرايك..؟
ابو عبدالله: والله ياريت جود توافق تاخذه..ماراح تلاقي احسن منه..وحتى انا اتطمن ان امها وزوجها مايلعبون
براسها ويخلونها تحب ولده..
ام عبدالله: خلك من أمها الحين..المهم ان جود توافق شاورها وشوف وش تقول..
ابوعبدالله: طيب ناديها لي ولاعليك امر..
ام عبدالله: انشاءالله..

ام عبدالله بعد ماطلعت من الغرفه
ام عبدالله: جود..جود..
جود: هلا..
ام عبدالله: اقول حبيبتي روحي لابوك يبيك..
جود: يبيني!!
ام عبدالله: اي..روحيله..
جود: انشاءالله..

في غرفة عبدالله اللي كان سرحان في مريموكان يتذكر الموقف
عبدالله: يا الله وشكثر متغيره...كبرت وحلوت..اصلا هي من يومها حلوه...ومن يومها....وانا احبها بس هي مو
حاسه فيني..بس نظراتها اليوم لما شافتني ماكنت عاديه....

في هاللحظه محمد وخالد ادخلوا على عبدالله وهو ماكان حاس فيهم..
خالد: الحمدلله والشكر اخوك ذا فييه شي فيه شي يعني فيه شي..
محمد: سمعوا من يتكلم..اخبل واحد عرفته بحياتي..
خالد: مو اخبل منك..
محمد: اقول ترى ماني رايق لمناقرك..خلنا نشوف الحبيب.. محمد بصوت مرتفع عبووود..
عبدالله فز من مكانه وراح لمحمد وضربه: وضربه تاخذك...وشفيك.؟
محمد: انا وش فيني ولا انت وشفيك.؟
عبدالله: وش فيني.؟
خالد: سرحان في عالم ثاني منت معنا ابد..
عبدالله: المهم الحين وش بغيتوا..؟
محمد: سلامتك خلنا نسولف..
خالد: اقول وشرايكم بخطبة نواف لجود..صراحة انا بكون مره مستانس لو نواف خذه جود..
محمد: والله انا اتمنى كان زين...
عبدالله: والله من حظها جود لو خذت نواف..
ويقاطعهم صوت لا من حظ نواف لو خذى جود..
محمد: انت قاعد تتسمع.؟
فهد: لا ...
خالد: ولوى..
عبدالله: وشفيكم على الولد..؟
محمد: التجسس عيب..
فهد: انا ماكنت اتجسس.... انا سمعتكم بالغلط بس..
ام عبدالله وهي جايه: وشفيكم اصواتكم واصله عندي..
عبدالله: مافي شي سلامتك يمه..
ام عبدالله: انتوا متى بتركدون والله جننتوني..
محمد: سلامتك ياحبيبة قلبي..
ام عبدالله: خل عنك هالكلام متى بتعقلون كنكم بزارين..
عبدالله: اقول يمه..
ام عبدالله: نعم..
عبدالله: يمه..ابي اتزوج..
محمد: هاا...
خالد بترجي: وانا بعد يمه..
محمد: وانا وانا بعد يمه...
ام عبدالله: هههههههههههههه..اسم اللع عليكم وشفيكم مره وحده هههههههه
فهد: غيرانين من جود هههههههه
عبدالله: يمه اكلمك جد..تضحكين...!
ام عبدالله: يا ولدي وش تبيني اقول..
عبدالله: يمه انتي مو حاسه اني كبرت..
ام عبدالله: الا والله كبرت..اللي في عمرك عندهم عيال..
خالد: يمه وانا يعني اللي صغير.؟
ام عبدالله: لا والله كلكم كبرتوا...
محمد: اجل اخطبين لنا..
ام عبدالله: تتكلمون من جد ولاتلعبون..
عبدالله: يمه والله اكلمك جد..
خالد: يمه احنا مو صغار نلعب..
محمد: اي والله يمه احنا كبرنا خلاص..
ام عبدالله: اذا تتكلمون جد خلاص باكلم ابوكم الليله وانشاءالله من بكره بدور لكم..
خالد: لا..انا في وحده حاطها في بالي..
عبدالله: وانا بعد...
محمد: ياسلام وانا..؟
خالد: شنهو وانت هي دعايه بالجمله..
ام عبدالله: انت انا ادور لك..بس انتوا من تبون.؟
عبدالله: انا.. انا..ابي مريم اخت نواف..
ام عبدالله: يازينها من بنت..طيب......وانت يا خلود..
خالد بأبتسامه عريضه: انا ابي ساره صديقة جود...
ام عبدالله: ههههههههه وشفيكم على ربع اختكم.؟
محمد: ويقولي مو بالجمله..
ام عبدالله:ههههههههه....ولايهمك حمودي انا بدور لك زينة البنات...
محمد: لايمه انا مو الحين..خليني شوي يمكن الاقي وحده واحط عيني عليها..


في غرفة ابو عبدالله
جود وهي تدق الباب
ابو عبدالله: مين؟
جود: انا يا ابوي..
ابو عبدالله: تعالي يابنتي..
جود: السلام عليكم..
ابو عبدالله: عليكم السلام ياهلا.. تعالي عندي..
جود: انشاءالله...امر بغيتني..
ابو عبدالله: اي والله....بغيت في موضوع..جود يابنتي انت الحين ماشاءالله كبرتي وماعدتي صغيره
وانا ابوك واحبك واكثر واحد يخاف عليك في هالدنيا ويدور مصلحتك هو انا..انا بغيت افاتح في موضوع
واخذ رايك فيه..جود اليوم بو رائد خطبك مني لولده نواف..وانا قلتله ابي اخذ فتره اشاورك فيها
ورايي انا ان الولد ماينعاب واكثر واحد راح اكون مكن عليك وانتي معه لكن انا ماحبيت اسوي شي
لين ما اعرف رايك..والحين انا مناديك اشاورك...ها وش قلتي..
جود: بصراحه انت فاجئتني..وبالنسبه لنواف ماينعاب وماعليه كلام..
ابو عبدالله: طيب يابنتي ابخليك تفكرين هاليومين...اليوم اللي تحسين انك تخذتي قرارك اللي متنعه فيه
تعالي وقوليلي..
جود: انشاءالله...عن اذنك..
ابو عبدالله: تفضلي...

بعد ماراحت جود غرفتها رن الموبايل بعد ماشافت الرقم
جود: ياهلا والله...
ساره: هلا فيج والله...وينج..
جود: ابد هنا...شخبارك...؟
ساره: تمام الحمدلله...انتي اشحالج..شو اخر الاخبار..
جود: في خبر نيوووو..حصري مثل مايقولون..ههههههه..
ساره: هههههههه شو قولي..
جود: انخطبت..
ساره: صج..
جود: والله...
ساره: ومتى هالكلام.؟
جود: توه ابوي مكلمني..
ساره: وشو صار وافقتي.؟
جود: اقولك توه مكلمني لسى بفكر..
ساره: اهاا..طيب شو رايج..
جود: ماادري والله بفكر..
ساره: الله يكتب الي فيه الخير..
جود: امين..
ساره: تعالي صح شو اخبار مريووووم..
جود:ههههههههه
ساره:شو بلاج تضحكين..؟ تخبلتي..؟
جود: ههههههههه...تدرين من اللي خاطبني.؟
ساره: !! من؟
جود:ههههههه نواف اخو مريووووم...
ساره: شوووو؟ من صجج..
جود: اجل من كذبي.؟
ساره: بصراحه هبله لورفضتيه..
جود:خليها على الله..هذا كله نصيب..
ساره: ونعم بالله..

بعد مرور يومين في بيت بو عبدالله بعد الغدا

جود: يبا....انا بغيت اقولك اني اتخذت قراري..
بو عبدالله: وش قلتي يا بنتي.؟
جود: انا...موافقه..
بوعبدالله: الف مبروك..
جود: يبارك في عمرك..
ام عبدالله: مبروك يابنتي..
جود:الله يبارك فيك يمه..
ابوعبدالله: باقي العيال..هههههه...جل تبون تتزوجون..
خالد: يبا انت عارف زين ان احنا كبرنا..
عبدالله: بعدين بصراحه اللفي عمري عندهم عيال..
ابو عبدالله: خلاص امكم انشاءالله بتخطبلكم..
وبعدها قاموا باسوا راس ابوهم..

في هاليوم كلمت مريم جود
جود: وينك انتي..
مريم: معليش حبيبتي والله انشغلت شوي...اقول لين الحين ماقررتي..؟
جود:الا قررت..
مريم: جد وش رايك..بشري..
جود: ممممم انا مو موافقه...صراحه ما اقدر استحمل اعيش معك في بيت واحد..
مريم: وشو..
جود وهي ماسكه نفسها عشان ماتضحك: مثل ماسمعتي الحقيقه انتي مزعجه و24 ساعه فمك مايسكت..
مريم: نعم؟
جود: هههههههههههههه
مريم: تضحكين بعد.؟
جود: هههههههههه امزح معك وافقت..هههههههه
مريم: والله
جود: والله
مريم: يافرحتك يانواف..
جود: يافرحته!!
مريم: اي..بموت من الفرحه لو درى اخوي يمووووت فيك..
جود: وش عرفك.؟
مريم: هو قالي..
جود: يعني اخوك هو اللي اختارني.؟
مريم: اي نعم..اقول جود لازم اقفل الحين اوكي
جود: اوكي..
مريم: بااي
جود: باايات..

مريم:نواف..نوااااااااف..
نواف: ها ... وشفيك.؟
مريم: عندي لك خبر بمليوووون ريال..
نواف بلهفه: وشو؟
مريم وهي تمد يدها: وين المليون.؟
نواف: اقول مريم وبتقولين ولا..؟
مريم: خلاص خلاص بقول..امسك قلبك..اضبط نفسك...
نواف بنفاذ صبر وعصبيه بسيطه: خلصينا نطقي..
مريم: جووووود وافقت..
نواف بفرحه كبيره: من صدقك حلفي..
مريم:والله..توها مكلمتني..
نواف: ياحبيبتي انتي...ياحلو جهك علي..
مريم بغرور: احم احم عشان تعرف بس..
نواف: عارف والله..

وسمع نواف ومريم صوت يناديهم ونزلوا
بو رائد: نواف ابشرك يا ولدي..جود وافقت..
ام رائد: مبروك يا ولدي..
رائد :مبروك يا خوي..
شوق:مبروك يا رائد..
نواف بأبتسامه: الله يبارك فيكم..
ابو رائد: انشاءالله بعد يومين الخطبه وبتشوف البنت يانواف
نواف: انشاءالله..

__________________________________________________ __________



((الجزء السادس))

في بيت بوعبدالله
جود تكلم: الو...
ساره: هلا..
جود: هلا فيك سارونه..اخبارك..
ساره: بخير وانتي..
جود: تمام...
ساره: عندي لك خبر حلو..
جود: خير..
ساره: بنييكم بكره..
جود: والله...
ساره: اي والله..
جود: حلو معناته بتحلقين على خطبتي..
ساره: شوو!!...وافقتي..؟
جود: اي...
ساره: كللللللللوش..ههههههه
جود: هههههههه..
ساره: الف مبروك..
جود: الله يبارك فيك...عندي لك سالفه..بس لاتقولين لاحد..
ساره: شو رمسي..
جود: خالد بيتزوج..
ساره: بيتزوج!
جود: اي كلم امي وقالها تخطبك له...
ساره بفرح: جود تتكلمين جد ولاتمزحين..
جود: والله جد..وعبدالله بيخطب مريم..
ساره: هههههههههه كوشتي علينا..
جود: هههههههههه ما احد قالكم صادقوني..لو عندي صديقه ثالثه كان خذيتها لمحمد..
ساره: اي صح هذا اللي ناقص...هههههههه
جود: خساره..ههههههههه...ماقلتلي متى بتجون..؟
ساره: بكره...انشاءالله..
جود: وناسه والله السعوديه بتنور..
ساره: بأهلها..
جود: تسلمين...لو جيتي لازم نجتمع انا وانتي مريوووم...من زمان ماجتمعنا


بعد مرور اليومين
بعد ماجا ابو رائد واهله وساره واهلها
ساره: ها جود شو احساسج.؟
جود: مادري عادي..
مريم:ياربي على برودك وشو عادي..
جود: شتبون اسوي يعني..في توتر بس عادي..بعدين هذي مو اول مره اشوف نواف..
هبه: بس هالمره غير..
جود: عادي خلاص انتوا كذا بتوتروني اكثر..
مريم: ههههههه يعني متوتره..
جود: اف منكم..اي متوتره..
ساره:هههههههه
وكان يرن موبايل هبه
هبه: اقول عن اذنكم شوي معي مكالمه..
ساره: من؟
هبه: وحده ربيعتي..
ساره: اوكي روحي..
وبعد ما مشت هبه
ساره: جود شو اخبار خالد..؟
جود: ههههههه تمام..مشتاقلك..
ساره وهي تضرب جود ضربه خفيفه:مافي فايده فيج..
مريم:هههههههه
ساره: تضحكين عقبالج عبدالله بيخطبج بعدها تعالي ضحكي..
جود: هههههههه صدق انك فضيحه..
مريم: خليك من الفضيحه وش صاير..؟
جود: ماراح اقولك
مريم: لاجود تكفين..
جود: هههههههه الحين تكفين.. هذاك ماقلتلي عن نواف..
مريم: جود عاد..
ساره: خلج منها انا اقولج....عبدالله اخوها بيخطبج..
مريم بدهشه: عبدالله..
جود: صدق صدق فضيحه..
ساره: سكتي انتي....مريم شو رايج.؟
جود: تسألينها حنا خوات..ومن اول نعرف ان مريم تحب عبدالله..
ساره: يعني موافقه.؟
مريم: والاخت جود فرحانه خالد بياخذ ساره وانا عبدالله..
جود: هههههههه...ما احد جبركم..
ساره: الحب اعمى..
جود: بالضبط وانتوا مثله عميان..هههههههه
ساره ومريم اللي في هاللحظه ماقدروا يمسكون نفسهم وهجموا على جود

هبه في الحديقه
هبه: اوكي...باي
وهبه وهي تمشي كانت بتخبط في واحد بس تداركت نفسها

هبه:اسفه ما انتبهت..
محمد: عادي انا اللي اسف..
بعدها التقت عينه في عين هبه وتم يطالعها بنظرات كلها اعجاب وهي كانت تبدلها نفس النظرات
وقعد يفكر من تكون هالبنت هو حاس انه يعرفها وتذكر انها هبه اخت ساره

محمد: انتي هبه صح.؟
هبه: شلون عرفت.؟
محمد: انا محمد اخو جود..
هبه: هيه عرفتك..تشرفنا..
محمد: الله يسلمك الشرف لي..
هبه: عن أذنك..
محمد: تفضلي..

بعدها جا الوقت اللي كان نواف بيشوف فيها جود اللي هي النظره الشرعيه كنه مو شايفها يعني لووول

بوعبدالله في المجلس دخلي يابنتي
جود وهي شايله الصنيه :السلام عليكم..
بوعبدالله ونواف: عليكم السلام والرحمه..
طبعا نواف انبهر بجود كانت ذاك اليوم طالعه مثل القمر
بوعبدالله: قعدي يابنتي..
جود: انشاءالله..
بوعبدالله بأبتسامه: هذي جود بنتي يانواف..
نواف بأبتسامه:ونعم والله..الله يخليها لك..
بوعبدالله:الله يسلمك ياولدي..

في جهه ثانيه من البيت عند البنات
مريم: اف وينها ذي..ابي اعرف وش صار..
ساره: انشاءالله الحين بتيي..
هبه:خلوها الحين بتيي...
وجات جود تمشي بسرعه ورمت نفسها على الكنب
جود: اوووووووف...الحمدلله عدت على خير..هههههههه
ساره: ياربي على هالبنت كل الاوقات تضحك 24 ساعه..
مريم: يوووه انتي بعد..وتوجه الكلام لجود..ها وشصار نطقي...
وهي تعدل جلستها جود:ولا شي..
هبه:ههههههههه ولاشي..شلون يعني ماجات اصابات..؟
جود: ههههههههه ياحليك والله انك مثلي وهالحلوين مثل بعض..
ساره: جود عاد...
جود: ياربي عليكم دخلت سلمت قعدت طلعت..
مريم:اي نبي التفاضيل..
وقالتلهم كل شي

في بيت بو نايف(الزوجه الاولى)
كانت جايه لمى تركض:لحقوووووووووووا..
نايف: وشفيك تصارخين.؟
دينا: خير..؟
لمى:جوووووووووود انخطبت..
نايف وهو يقوم من مكانه بصدمه:وشووو؟
دينا بلهفه: وشعرفك.؟
لمى: توني مكلمه خواتها..
دينا بنفس اللهفه: ومن مقرود الحظ..؟
لمى: ماتتوقعين..
دينا: ميين؟
لمى: نواف اخو مريم ولد بورائـــــد..
نايف بغضب: وشلون تنخطب.,واحنا ماندري..؟
لمى: واحنا وش دخلنا اصلا ابوها وبوي ما يطيقون بعض..
نايف: ولو لازم نعرف..
لمى: هالكلام عندك انت مو عند ابوها..
دينا بغضب: من زينها عشان ياخذها واحد مثل نواف ولد بو رائد..
لمى:لاتخلين الغيره تملي قلبك...يابخته خذاها...
دينا بعصبيه: مالت عليها..

وراحت دينا لغرفتها
وشبكت على النت ولقت الماسنجر سلمان اون لاين
سلمان: هلا..
دينا: هلافيك..
سلمان: اخباارك..
دينا: طفشاانه..
سلمان: افااا...ليش.؟
دينا: ظروف خاصه..
سلامتك من الطفش..
دينا: الله يسلمك..
سلمان: دينا...احنا من زمان واحنا نعرف بعض..صح.؟
دينا: اي..
سلمان: طيب..انا ودي اسمع صوتك..
دينا: ليش.؟
سلمان: مافيها شي لو سمعت صوتك..
دينا بعد مافكرت صح مافيها شي خل اكلمه اسلي نفسي على الاقل
دينا: اوكي موافقه..

ذيك الليله مرت كئييييبه على نايف اللي حب جود وماقدر يوصلها..
والعكس على نواف اللي كان جدا سعيد انه خلاص قرب حلمه يتحقق وتصير جود زوجته..

بعد مرور عدة أسابيع تمت خطبة مريم وساره
هالليله ليلة ملكة جود كانت طالعه فضيعه وكانت أحلى وحده
وكان من الحاضرين امها وخواتها ولمى دينا اللي كانت الفتره اللي راحت كلها تفكر
وشلون تحرق قلب جود ووصلت لفكره واللي هي تخلي نواف يترك جود ويطلقها

وجا وقت اللي بيشوف فيه نواف جود
نواف: مبروك..
جود بحيا: الله يبارك فيك..
نواف بمرح: بس انا قاعد ابارك لنفسي..
جود: والله..ومن قالك اني ارد عليك..؟ انا قاعده ارد على نفسي..
نواف: ههههههههه..يعني وحده بوحده..؟
جود: ههههههه
نواف: تسلملي هالضحكه..
جود بعدها استحت وتمت تطالع الارض
نواف: جود..حاس اني بموت من الوناسه..ماني مصدق لين الحين انك صرتي زوجتي..
وهو يمسك يدها: جود..احبــــك..
جود صار وجها مثل الطماطه وموعارفه وش تسوي من الحيا

في جهه ثانيه
خالد وهو يمشي يقاطعه صوت
خالد مبروك التفت خالد وأول ماشاف اللي يكمله ابتسم بفرح
ساره: ماراح ترد..
خالد: يبارك فيك ياعيوني..
ساره: خلود انطم..
خالد: وش دعوه..مافيها شي..
ساره: قلتلك انطم..
خالد: انشاءالله..اخبارك..؟
ساره: الحمدلله...وانت.؟
خالد: اكيد بخير دامني اشوفك..
ساره: خالد بروح الحين..انا شفتك وقلت اباركلك..يلا عن اذنك..
خالد:وين والله مشتاقلك..
ساره: معليش بس لازم اروح..
خالد: روحي يابعد روحي ياحلو السعودي بلسانك..
ساره بعصبيه بسيطه وحيا: قلتلك انطم..
خالد:ههههههههههههه
ومشت ساره وخلته

ريم: تعالي نروح لابوي.. نسلم عليه ونخليه.يعطينا شوية فلوس
لمياء: وانتي الصادقه..يلا..الخير كله رايح لجود
وراحوا
لمياء: بابا..
ريم: ابوي...
وبعد ما التفت ابو عبدالله وشاف بناته
بو عبدالله بينه وبين نفسه: اكيد جايين يبون فلوس مو حبا فيني..
بو عبدالله: نعم..
لمياء: شخبارك ابوي..
ريم: عساك بخير..
بو عبدالله من غير نفس: بخير.. وش بغيتوا
لمياء: بغينا...نسلم عليك..
ابو عبدالله: ايييه اجل انا ابي اروح مو فاضي..
ريم: يبا..نبي فلوس..
بوعبدالله: قولوا كذا من الاول موتقولون لي بنسلم عليك..انتوا من يوم يومكم مافيكم خير لي..
ويطلع بوعبدالله من جيبه شيك:كنت عارف انكم جايين عشان الفلوس وهذا الشيك مجهزه لكم..
لمياء:كثر الله خيرك..
ابوعبدالله: ايه مو تقولون الله يخليك لنا..تقولون كثر الله خيرك..لانكم مو عاجبكم فيني الا خيري..
ومشى وخلاهم وهم ولاكأنهم سمعوا شي

انتهت الاجازه ورجعت جود وساره الامارات يكملون دراستهم
رجعت جود البيت يوم وحست انها مضايقه وكلمت امها
جود: الو...
ام عبدالرحمن:الو..
جود: هلا ماما شلونك..
ام عبدالرحمن من غير نفس:بخير..
جود بضيق: وشخباركم كلكم.؟
ام عبدالرحمن: قلتلك بخير..
جود: امي....انا مضايقه..ودي اتكلم مع أحد..
ام عبدالرحمن: وش تبين اسويلك يعني..؟
جود بترجي وقربت تصيح: ودي اتكلم معك..
ام عبدالرحمن: انا مو فاضية لك وراي شغل...مع السلامه
وقفلت الخط قبل لاتسمع ردها

وبعد هالمكالمه بدت جود تبكي بقهر وحرقة قلب..في هالوقت دق الباب واستغربت من اللي جاي..
وفتحت الباب ولما شافت اللي على الباب تفاجئت انه جايها..وحست بفرحه...



وبكذا انتهت قصة

مكــــــــــــــانـه الخــالـــــــــــي

اتمنى تعجبكم الروايه

ســـيـــــ يووو