عنوان الموضوع : توأم روحي >>من كتاباتي .. - مشوقة
مقدم من طرف منتديات الشامل

توام روحي

السلام عليكم والرحمه الله وبركاته ..

كيفكم ..اخباركم ؟؟

حبيت انزل لكم اول روايه لي مع توام روحي بنت خالي


البدايـــــهـ
العايله الاولى
ابوعبدالله:حسن
ام عبد الله:سلوى
ايمان :عمرها 25
عبد الله :23
حنان وجنان:توام يشبهوو بعض كثيير حتى مايفرقهم الا الي يعرفهم وعمرهم 19
مازن:16
--------------
العايله الثانيه
ابوفهد :جاسم
ام فهد:سلمى
فهد23
العنود:22
عبد العزيز 21
كوثر:19
مهند:16
--------------
العايله الثالثه
ابو خالد:سعود
ام خالد :بدريه
خالد 25
انوار:19
حمود:17
رهف:9
بسمه:27 متزوجه عندها ولدين وبنت وحامل في الشهر السادس >>زوجها اسمو فيصل
-------------
ابو محمد :خالد
ام محمد:خلود
ازهار :19
نور:15
محمد:23
الريم:7
سلطان :17
مشعل:13
--------------
والخال طلال:25
والخاله فايزه :39
مومتزوجين وساكنين في شقه بروحهم
وطبعا الاخووه ماخذين الاخوات
وشخصيات اخرى بتتعرفوا عليها من حيث احداث القصه
البارت الاول
في قهوه من قهاوي الكويت كانو قاعدين الشباب
طلال :شباب مو كان زهق
فهد:اي والله يالخال نبي شي يرفه عنا !!
عبدالله :شرايكم نروح الشاليه ؟؟
طلال:والله فكره .. بس تظمن ان العجايز يرضوون ؟؟
فهد :اي والله كل واحد بيتحجج في شغله
مهند:لا ان شاء الله يرضوون
مازن :اجل انا بجهز قيتاري <<< مازن مغني العايله الكبيـــره
حمود:ولا تنسى جهز لنا اغنيه حلووه
مازن:اكيــد من عيوني
------
في الجهه الثانيه
في بيت ابو فهد(( عزيمه بنات ))
كوثر :بنات بكرا ابي البس ازرق شرايكــم؟؟
ازهار :انا ماعندي ازرق كثير
انوار :يعنو عندك ؟؟
ازهار :اي عندي بس مااابي
حنان :لا ازرق ولا اخضر ولا اصفر انا وحده تعبانه من الجامعه ومابي اروح
كوثر بحماس :اي والله خلنا نغيب ونطلع طلعه حلوووه
حنان:اي نغيب ونروح نتسوق وندور في المجمعات
انوار :اي والله خلنا نرفه عن نفسنا
جنان:انا رايحه البيت مليــت انا مدري وش جابني لكم << الي ماتعرفوه ان جنان ماتحب البنات ابد
ولما وقفت بتطلع شافت عبد العزيز
عبد العزيز:تمرينا هنا البيت ولاتجي تسلمين
جنان:سوري حبيبي بس شسوي >>عبد العزيز يحب جنان وهي تحبه
عبد العزيز :طيب امشي الحديقه
جنان :يلا
---------
في اليوم الثاني في الجامعه
ليلى وحده من الجامعه :والله ماخليه في حاله
هاجرصديقتها:ليلى ولي يعافيك اتركيهم بحالهم
ليلى:لا ماتركه هو لي انا وبس
هاجر:بس هو مايحبك يحب بنت عمه
ليلى :مرده لي
هاجر:يابنت الناس عبدالعزيز مايحبك شوفي عمار يحبك ويموت فيك
ليلى:هاجر بالله عليك هذا واحد ينحب
...:بس انا للاسف حبيتك
هاجر:عمــار
عمار:اي عمار
هاجر:عن اذنكم بروح لرفيجاتي
ليلى :خذيني معاك
((راحت وتركت عمار واقف بروحه .. بعدين شافت عبد العزيز قاعد بروحه ..))
عبد العزيو يكلم روحه :هذول وينهم مااشوف لاكوثر ولا حنان ولا جناني
ليلى وقفت قباله :شلونك عبدالعزيز؟؟
عبد العزيز::ها؟انا .. بخير
ليلى قعدت من دون ماتستاذن وجلست تطالع فيــه لين مازهق
عبدالعزيز:عن اذنك انا رايح
ليلى :توو الناس
عبدالعزيز:انا خايف على جنان شكلها غايبه
ليلى :شنوو؟ جنان؟؟
عبد العزيو حب يغيضها :اي حبيبتي جنان
وراح
هاجر قعدت بعد ماشافت عبدالعزيو قام : هاا شصار ؟
ليلى بقـــهر:يحبها اففف يحبها
هاجر:قلت لك يحبها بس انتي عنيده
ليلى :انا اوريه ان ماخليته يحبني ويموت فيني
------------
عبد العزيز يتصل الى جنان :الوو جنان وينك؟؟
جنان:هلا والله
عبدالعزيز:حبيبتي فيك شي ؟ ليش غايبه ؟
جنان:مافيني شي بس ماكان لي خلق اداوم في الجامعه
عبدالعزيز:ليش ماقلتي لي امس كان الحين ماقعدت بروحي مثل الحين ؟؟
جنان:انا اسفه حبيبي مره ثانيه ماغبي عنك شي
عبدالعزيز:اووكي حياتي اخليك الحين عندي محاضره ..سلام
جنان:سلام .. انتبه لنفسك
عبد العزيز:ان شاء الله
-------------------
البنات في المجمع
حنان:اففف ياكره الرجال الي لاحقنا
كوثر:وش علينا منوو خليه يولي
انوار :اموت واعرف منو الي عاجبتنه فينا
ازهار :والله انك فاضيه
الرجال :هذا رقمي اتمنى تدقوون
جنان بستهزاء :والله اووكي الحين ادق عليك
الرجال :استناك حياتي
جنان :اقول تراك مصختها.. لااجمع عليك الناس ..روح عمى بعيينك
كوثر: ههه قطع ياكرهه
حنان :شوفوا في فلم راح يبدا بعد شوي خلونا ندخلوو !!
ازهار :اي والله خلنا ندخله
((دخلوو الصاله ولما قعدووا جى رجال وقعد جنب كوثر ))
الرجال :حلفت عليك تكلميني .. ولي يسلمك
كوثر :متى حلفتني يا كذاب .. ولي يسلمك انت ابعد عني
الرجال :يلا عفيا تراني حبيتك والله
كوثر:اووه تراك ازعجتني حنان :بعد عنها لا طلب الشرطه فااهم
الرجال:قلت لكم حبيتها فهمووني
حنان:حبتــــــك الجرااده
الرجال:مقبووله منك دامك نسيبته حبيبتي
كووثر:اووه انا الغلطانه الي جايه من دون خطيبي
حنان:روح دور غيرها ياملييق
((مسك يد كوثر وباسها ))
كوثر:اتركني عسى ايدك الكسر
حنان نادت علىرجال الامن الي واقفين عند الباب :لو سمحت لو سمحت
الرجال :بعد عنها
(( بعد مابعد عنها على طوول طلعوو من الصاله ))
كوثر::اووه قطع مكرهه الحيواان
ازهار:لو درى عبدالله ليقطعك
كوثر:يمه ياويلي منه
انوار:بس انتي ماسويتي شي
جنان:قولوو هالكلام لعبدالله
حنان :جنانووه ياويلك اذا قلتي لعبدالله
كوثر:لا ليش تقووله انا بقوله انا ماغبي شي عنه
جنان:هذا وجهي اذا سامحك عبدالله كل شي ولا هالمواقف
كوثر:اووه يلا يلا على البيت
((في السياره رن جوال كوثر))
كوثر:اووه هذا عبدالله
جنان:يلا اشووف ردي يلي ماتغبي عنه شي
حنان كانتي سكتي بس
كوثر:يووه يتصل مره ثانيه
حنان :يووه اتصل لي ارد ولا ؟؟
كوثر: لا لا بنقوله ان كنا بالمجمع ولا نسمع الجوال
((رن جوال جنان))
جنان:انا برد مابي اخوي يحاتي
حنان :جنان يووزي عن حركاتك
جنان ماردت عليها ورفعت الجوال ::الوو هلا عبد الله
عبد الله :وينكم ؟؟
جنان: احنا في السياره بطريق الرجعه
عبدالله :اوكي سلام
((عبدالله رسل مسج لكوثر ))
{يبين انك ماتبين تكلميني ..ليش انا شسويت لك او انتي ايش سويتي وخايفه }
كوثر:جنان قلتي له شي
جنان :ماقلت شي بس كان في ودي بس ماصار في فرصه اقوله
كوثر :احسه حس بشي صاير برد عليه
ورسلت المسج
{حبيبي انا في السياره اذا رجعت نتفاهم وبعدين انا ماابيك شدعووه تسوي نفسك ماتعرف وش كثر احبـــــك }
عبد الله رد{اوكي انتظرك .. بس انزلي بيتنا }
كوثر:حنوون يبيني انزل بيتكم !!
حنان :اووكي انزلي ويعنيي ؟؟
كوثر :تخيلي يضربني ؟؟
جنان:كان امووت ضحك هههه
حنان:لا شنوو يضربك حلاو هي ردي عليه وقولي له شوي وجايين
ورسلت له انهم راجعيين
انوار وصلت البيت :يلا باي وسلمولي على الاهل وامووون
حنان:يوصل
ازهار بتنزل مع انوار:اتصلي لنا قولي شصار اووكي
كوثر:اوكي
((دخلوو البيت ))
عبدالله :ياهلا ومسهلا بحبيبتي وخطيبتي عن قريب
كوثر:هلا فييك
عبدالله :فيك شي ؟
كوثر:لا مافيني شي .شفيني يعني ؟
عبدالله :وجهك اصفر تعالي معاي وقولي لي السالفه !
كوثر:عبدالله مافي لاسالفه ولا شي
عبدالله :العي على غيري
كوثر حست انها مصيوده مصيوده :طيب اقولك بس مو تعصب وموتزعل علي
عبدالله :بل السالفع فيها زعل .. كوثر قولي لي وش مسويه
كوثر :والله انا ماسويت شي هو جى ومسك ايدي
عبدالله :شنو شنو شنوو ؟؟ مسك ايدك ومنو الحيوان الي مسك ايدك ؟؟
كوثر:مدري واحد شكله مو صاحي وشارب شي
عبدالله :وين مسكك ومتى ؟؟
كوثر:عبدالله اهدى شوي ماصار فيني شي وطلبنا رجال الامن
عبدالله :ليش ..حاول يعتدي عليك ؟؟
كوثر:لا بس مسك يدي وضايقني
عبدالله : ووين صار هالكلام؟؟
كوثربخووف:بالسينما !!
عبدالله بعصبيه :ومخليه الجامعه ورايحه السينما ليش ؟ها؟ليش ؟؟
كوثر:عبدالله لاتعصب علي انا ماسويت شي
عبدالله كوليش ماقمتي من مكانك اول ماجلس جنبك ؟
كوثر:يوووه ترى غيرتك الزايده ماتحتمل
((وراحت غرفة حنان ))
حنان:كوثر:فيك شي شنوو صار ؟؟
كوثر:وصليني البيت واقولك بالطريق
((في السياره))
حنان :يلا قولي كل شي
كوثر:ماخلى شي ماسال عنه ويقول اني انا الغلطانه بصراحه هذي الغيره مااحبها يغار علي بس مو بهالطريقه
حنان :كوثر هو ماسوى كذا الا لانه يحبكولا يرضى احد يلمسك غيره
كوثر :بيني يعتذر مني على هالاسلوب الي يكلمني اياه
حنان:طولي بالك الحين هو معصب اذا راق اكلمه
كوثر: لا لاتكلمينه خليه لحاله يعتذر ويحس بغلطه
((ووصلوو بيت كوثر))
حنان: كلميني طيب
كوثركاووك
((ودخلت البيت ))
العنود:ها استانستوا
كوثر: لا وبلييز لاتجيين وراي الغرفه
العنود:شصار؟؟
كوثر:يووه ماصار شي
ام فهد :حبيبتي كوثر فيك شي ؟؟
كوثر:لا يما مافيني شي بس نعسانه وابي انام
ام فهد :خلاص يما روحي نامي
العنود:السالفه ماشكلها سالفه نعس
((كوثر ماهتمت لها ودخلت غرفتها ))
كوثر:اف دق يعبدالله دق
((انطق الباب ))
كوثر::منوو؟؟
مهند:هذا انا مهند
كوثر:شتبي ؟
مهند:ادخل ولا ؟
كوثر:ادخل ...نعم ؟
مهند بس حبيت اتكلم معاك
كوثر:مهند انا نعسانه ولا لي خلق ولي يسلمك رووح بعدين تعاال
مهند : طيب خلاص نوم العوافي ان شاء الله
كوثر:مهند لحظه بتروح الدوانيه اليوم ؟
مهند ايووا اكيد
كوثر:طيب شوفلي عبدالله مستانس او متضايق واتصلي او ارسل مسج
مهند:طيب ليش
كوثر:بدون اسئله
مهند:طيب طيب
---------
في بيت ابوخالد
فرح بنت بسمه عمرها 5 سنوات :يما يما راكان يصييح شلوون اسكته
بسمه :من شنو ؟سويتيله شي ؟
فرح :لا ماسويت شي بس انتي قريب تولديين ولازم اساعدك
بسمه :حبيبتي وعمري انتي
فرح :يلا قولي لي شلوون اسكته
بسمه :عطيه الرضاعه وشربيه منايدينك الحلووه
فرح :ان شاء الله يمه
بسمه عفيا على بنتي الشاطره
------------
في بيت ابو محمد
مشعل : يمه يمه
ام محمد:نعم ياوليدي نعم ؟
مشعل :يمه لحقيني نور مرضانه
ام محمد وعلي بنيتي شفيها
مشعل :مريت جنب غرفتها لقيتها تناديك ولما دخلت لقيت حرارتها مرتفعه وكانت تبكي
ام محمد :انا رايحه اشوفها وانت اتصل على محمد عشان نروح المستشفى
مشعل كان شاء الله يمه
((صعدت ام محمد لبنتها ))
نور: يمه يمه
ام محمد:يمه حبيبتي شفييك ؟
نور:حاسه بتعب مو طبيعي يمه
ام محمد:من شنو اكيد عين ماصلت على النبي
نور :يمه ابي ماي
ام محمد:ان شاء الله من عيوني
سلطان :يمه محمد يستنا تحت في السياره
ام محمد: وليش مانزل الحين شلون انزل اختك
سلطان :انابحملها من ثقلها هي
ام محمد:يلا وريني شطارتك وانا بروح اجيب عباتي
((نزلوها واخذوها للمستشفى ))
محمد:ها دكوت طمنا شفيها ؟
الدكتور :لا تخافون شويه تعب وارهاق راح نعطيها مغذي وتطلععلى طول بس هي تحتاج للراحه
ام محمد: متاكد دكتور مافيها شي ثاني
الدكتور :ولو يا خالتي يعني بكذب
ام محمد: لا يا وليدي بس ابي اطمن على بنيتي
الدكتور :مثل ماقلت بس شوي تعب وارهاق
ام محمد: الحمد الله
((في الليل الديوانيه كل الشباب مجتمعين الا عبدالله ))
سلطان : تصدقوون مسكينه نوور مرره تعبانه
مهند مازن حمود :هاااااااا!!!!
مهند وش فيها نوور ؟؟
سلطان :يقولون شوية تعب وارهاق
مازن : ليش ماخلتوها في المستشفى عشان ترتاح اكثر هناك
مشعل :يقولك شوية تعب وارهاق تنام بالمستشفى
حمود :والحين شخبارها ؟؟
سلطان :من بعد المغذي بخيير
الكل : الحمدالله
مهند: مازن وين عبوود ؟
مهند :اممم مادري عنه اتوقع بالبيت
مهند:غريبه ماجى هنا !!
مازن : اكيد ماله خلق اتصل عليه واشووفه ؟
مهند:اتصل
مازن اتصل لعبدالله :الوو عبدالله وينك؟
عبدالله :نعم شتبي ؟
مازن:وينك ليش ماجيت الدوانيه ؟
عبدالله:ضايق خلقي ومارح اجي
مازن :لكن الخال يبييك !!
عبدالله :ليش ماتصل علي ؟
مازن:ماعنده رصيد وقالي اتصل عليك
عبدالله :طيب شوي وجاي
مازن للخال طلال :طلوووول الحقني الحين بجي عبدالله انا قلت له انك تبيه عاد دبر لي اي شي
طلال :ولا يهمك ادبر اي شي
مازن:فديتك يالخاال
((شوي ووصل عبدالله))
عبدالله لطلال :قالي مازن تبيني شنو تبي ؟
طلال :الناس تسلم بعدين يتكلمون بطريقه لبقه مو بهالطريقه
عبدالله :ادخل في الموضووع بسرعه مالي خلق
طلال :اول شي ليش مو حالق ضايقه فيك الدنيا وان خالك
عبدالله :لا اكيد فيك شي تعال تعال قولي السالفه من البدايه
مازن :شفيه هذا ؟
مهند:اممممم عرفت
حمود:شنو عرفت؟
مهند: هااا لا ولا شي شوي وراجع
((مهند بعد شوي عن المكان ورسل مسج لكوثر ..))
{كوثر عبدالله موحالق يعني ضايقه فيه الدنيا وماله خلق احد حتى الخال طلال .. ويلا انتظر المكافاه }
كوثر:على قلبي والله ياعبدالله
ردت
{طيب اذا رجعت للبيت نتفاهم }
رد مهند
{اوووكي }
----------
عند طلال وعبدالله
طلال :السالفه جذي يعني
عبدالله :اي هذي السالفه من البدايه الي النهايه
طلال :عبوود اتصل وتاسف حرام علي البنت ماسوت شي
عبدالله:بــــس..
طلال قاطعه :اذا تحبها صج اتصل او ارسل مسج ..يلا وانا خاالك
عبدالله :ان شاء الله
((عبدالله رسل مسج لكوثر ))
{حبيبتي انا اسف مره وحقك علي واتمنى تسامحيني على اسلوبي اليوم معاك انا من لي غيرك عشان ازعلك ..احبـــــــــــك }
كوثر :توقعت انه مارح يستنى لبكرا
{اشدعووه ياقلبي انت اكييد اسامحك وانا احبك اكثر ..ويلا روح احلق يلا }
عبدالله :كيف عرفت ان انا مو حااالق !!
{ان شاء الله حبي الحين احلق ويلا سلاام }
كوثر :اكيد استرغب كيف عرفت انه مو حالق
{سلاام حبيبي }
-----------
اليوم الثاني في الجامعه
ليلى :عبد العزيز ... عبد العزيز
عبدالله :نعم في شي ؟
ليلى :اي والله ممكن نقعد بالكفتيريا ؟
عبدالعزيز:بس...
ليلى قاطعته :ارووجك عندي مشكله ابيك تحلها لي
عبدالعزيز :طيب بس بسرعه لو سمحتي
ليلى :تخاف من جنان
عبدالعزيو:لا شنو اخاف بس مااحب اجرحها
ليلى :اها اجل يلا
عبدالعزيز قعد :ادخلي في الموضووع
ليلى:الصراحه انا احب واحد ابي اقووله كيف ؟؟
عبدالعزيز:قوليله انك تحبينه هذيهي المشكله
ليلى:لا المشكله انه يحب وحده
((عبدالعزيز فهم ))
البنات طلعوو من المحاضره ..
وشافتهم انوار وفتحت عواينها على الآآخر
حنان :انوار شفييك شصاير ؟
انوار :تشوفوا الي اشوفه
كوثر: عبدالعزيز ليش قاعد مع وحده
((جنان وقفت شوي وبعدين مشت بسرعه ))
-------------
عبدالعزيز قام وليلى مسكت يده عشان يقعد
عبدالعزيز:اتركين انتي شتبين
ليلى:عبدالعزيز انا احبك انت
عبدالعزيز:اووووه
((ورااح بعيد عنها ))
عبد العزيز للبنات :وين جنان؟
كوثر:عبدالله انت ليش قاعد مع وحده غير جنان ؟
عبدالعزيزكقالت لي ان عندها مشكله والمشكله انها تحبني
انوار :اجل الله يعيينك على جنان
عبد العزيز:خلوني اروح اشوفها
((عبد العزيز راح يلحق جنان ))
عبدالعزيز:جنان..جنان اسمعيني شوي ..جناان
جنان وقفت :روح لحبيبة القلب الي قاعد معاها
عبدالعزيز:انا ماحب غيرك صدقيني بس هذي وحده تي تفرق بينا
جنان:عبدالعزيز اتركني ابي اروح البيت ابي ارتاح رووح عني
عبدالعزيز:انا اوصلـــــك
جنان:شكرا عندي سياره
عبدالعزيز:جنان لاتزعلين اسمعي السالفه
جنان:مابي اسمع شي
عبد العزيز :اوو وش هاليووم النحس
((رجع دخل الجامعه ))
كوثر:هاا شصاار ؟
عبدالعزيز بخيبه امل :اووه ماتبيني ماتبيني كله بسبب ليلووه
حنان :طوول بالك انا اشوفها لك
عبدالعزيز:اذاماكلمتني بنتحر
كوثر:حبيبي عبدالعزيز هونها وتهوون واكييد راح تعرف السالفه وتسامحك
عبدالعزيزماهتم لكلام كوثر:مع السلامه انا طاالع
((طلع على طوول من دون مايسمع اي كلمه من البنات ))
كوثر:وعلي اخووي افف من وين طالعه لنا هذي النذله
حنان :وش رايكم نروح نكلمها ؟
ازهار :والله انها حيوانه بكل وقاحه تمسك يده وتقوله احبك
((مشووو الى ليلى الي ماقامت من الطاوله الي كانت قاعده فيها مع عدالعزيز ))
كوثر:لو سمحتي ممكن نكلمك شوي
ليلى بعصبيه :مشغووله تعالوو في وقت ثاني
((كل وحده قامت تطالع الثانيه لانها كانت قاعده من دون ماتسوي شي ))
حنان:اقوول بعدي عن ولد عمي احسن لك
ليلى :انتي مالك خص .وبعدين عبدالعزيز يحبني وقرييبمرره يخطبني
البنات انسدحوو من الضحك :ههههههههههههههههههههههههههههههههههههههههههههههههه هههه
ليلى :استغفر الله العظيم قلت نكته انا ؟
كوثر :حبيبتي شكلك تحلميين غسلي اييدك من الخطووبه من عبدالعزيز ولاتنسيين افركييها زيين اووكي
ليلى :اقوول اقلبوو وجييهكم
انوار :هيي انتي احترمي حاالك
ليلى :انا محترمه حالي قبل مااعرفكم
انوار :بنات شكلي اليووم انا بتهااوش من زماان ماتهاوشت
ليلى :قربي اذا في امك خيير قربي
انوار :انتي هييي طالت وتشمخت
((تهااوشووو هووشه قوويه مرره ))
ليلى :عمى بقلبك
انوار :عمى بقلبك انتي ياحيواانه
ازهاار :انواار خلاص الدنيا كلها تجمعت
حنان :يووه انا راح اتصل على خالي ان شاء الله بس مو مشغول
طلال :هلا حنان شصااير ؟
حنان :خالي تعال الجامعه انوار متهاوشه مع بنت ونبيك تحل المشكله
طلال :طيب بس مسافه طريق وانا عندكم
بعد ربع ساعه وصل
طلال :وينها انوار ؟؟
كوثر: عند الاداره
طلال :قولولي شسالفه ؟؟
حنان :انا اقوولك
-------------
انوار :هي الي بدت وتكبرت علي وقالت اذا في امك خير قربي وانا الصراحه ماارضى على امي
الاداره :وانتي ياليلى وش عندك من كلام ؟
ليلى :اهي تدخلت في شؤووني الخاصه
الاداره :بس مايحق لك انك تشتمينها
ليلى :والله انا موغلطانه
الاداره :المهم انكم ثنتينكم بتاخذون تعهد عشان ماتتهاوشوون مرره ثانيه
انوار :طيب
ليلى :يا كرهك بس
انوار :اقول انطمي احسن
--------------
طلال :كل هذي هوشه
انوار :العن امها المت رااسي ..آآه ياراسي
طلال :اوديك المستشفى
انوار :تسلم والله يالخال ..عرفت السالفه
طلال :ايي ويبغالي الحين اكلم جنان بس والله راسها يابس شلوون بس راح تفهم
انوار :يلا ابي ارووح البيت بس الحين شفكني من لسان امي
ازهار :بروح معاك وبقول انك طحتي من درج الجامعه
انوار:الا على طاري نوور شلونها الحين ؟؟
ازهار :الحمدالله بخير صارت احسن من اول
كوثر :يلا انا وحنان رايحين ..سلاام
ازهار :ترى اذكركم في محاضرة ثانيه
حنان :وفي احد له خلق المحاضرات يلا كوثر يلا
((في سيارة كوثر))
حنان ::صح بشووف شصار مع جنان ....يووه مغلق
كوثر :اكيد ماتبي تكلم احد انا متاكده ان مارح يحلها الاخالي هو الي يحل مشاكلنا
حنان :فديت هالخاال والله ...انزلي معاي بيتنا
كوثر:طيب
-----------
ايمان :حياالله من جنانوور البيت شلوونك كوثر ؟
كوثر ::هلا منور بوجوودك بخيير لا جنان ماجت ؟
ايمان :غريبه تسالين عنها ادري ان علاقتكم مو واجد بس هي جت وقالت انها رح تنام وماتبي احد يروح لها ويزعجها
حنان :انا رايحه لها
كوثر:تعالي معاي ايمان بقولك السالفه
---------
حنان:جنان افتحي الباب انا حنان
جنان :حنان روحي عني مارح افتح
حنان :عفيا يلا ابي اكلمك د
جنان :مارح افتح يعني مارح افتح
حنان :لو تشوفين وش سوت انوار عشانك تهاوشت مع البنت لين ودووها الاداره وراحت بيتهم بمها ماحبت ذيك البنت تفرق بينكم ..ياجنان ارووجك اسمعي عبدالعزيز شوي ترى لو راح من ايدك ماراح يجي واحد احسن منه تراه يحبك وانتي بعد تحبينه لاتخلي هالغيمه السووده تخرب عليكم ..راح اخليك شوي تفكري مع نفسك ..
------------
دخلت انوار البيت
انوار وطلال وازهار :السلام عليكم
الكل :وعليكم السلام ..
ام خالد :يمه بنيتي شفيج
انوار :مافي شي ولو سمحتوو مابي احد يجيني ابي اناام مصدعه
((وراحت غرفتها على طوول ))
طلال :مافيها شي بس شوية مشاكل في الجامعه
ام خالد :شوي مشاكل تجيني والدم تارس وجها
طلال :قلت لك مافيا الا العافيه
((حمود راح لاخته ))
------------
انطق باب الغرفه
انوار :نعم ؟
حمود:انوار افتحي الباب انا حمود
انوار :طيب
حمود:انوار شفيك ؟
انوار :مافي شي
حمود:انوار احنا ماتعدونا نغبي شي عن بعضنا ؟
انوار طيب بقولك
حمود يلا اسمع
انوار :تهاوشت مع بنت في الجامعه
حمود:ليش عاد ؟
انوار :هذي البنت تحب عبدالعزيز وتبي تفرق بينه وبين جنان وطبعا جنان شافته قاعد معاها ولاا وكانت ماسكه يده بعد والحين موراضيه تكلمه ولاتسمع منه ولاشي
حمود:وعبدالعزيزوينه؟
انوار:محد يدري وينه طلع من الجامعه زعلاان ومتوتر وحالته حاله واخاف صار لهشي
حمود:لا ان شاء الله
انوار:يارب بس ماصار فيه شي
حمود:الحين انتي ارتاحي ولا عليك من شي
انوار :ان شاء الله
------------
عبدالعزيز بعد محاولات كثيييره ماقدر يكسب جنان لان راسها يابس بس قرر يروح الشاليه ويبعد عنها يمكن تحن شوي وترضى وتسامحه
------------
حنان راحت لغرفتهاتريح وشوي وكوثر قالت السالفه لايمان وراحت البيت
---------------
العنود:شصاير اليوم ؟
كوثر:جناان تخاصمت مع عبدالعزيز
العنود افا لييش عاد ؟
كوثر:شافته جالس مع وحده
العنود مومصدقه ان اخوها يقعد مع وحده غير جنان :شنوو جالس مع وحده ؟؟
كوثر عصبت :وانتي تصدقيها في اخووك
العنود:كوثر فهميني من دون صراخ
كوثر:خلاص انا تعبانه وابي اناام
العنود:كوثر اول قوولي لي ؟
كوثر :اف هذي البنت تحب عبدالعزيز وتبي تخرب بينه وبين جنان عشان يخطبها مثل ماتقوول
دخل فهد
فهد:شصااير ليش الصرااخ ؟
كوثر تنهدت بقووه ماتبي تعيد السالفه مليوون مره :اف انا بروح غرفتي تعباانه اف
فهد :العنوود شصااير؟
العنود:جنان وعبدالعزيز متخاصمين
فهد ولا على باله :وخير ياطير هم كل يوم يتخاصمون ويردون لبعض مافي اي جديد
العنود:بس هالمره غيير
فهد:كيف يعنوو ؟
العنود:جنان شافت عبدالعزيز جالس مع وحده تحبه وهو مايحبها
فهد :اهــــــــا اجل الله يعيينك ياعزووز ..الا الحين وينه
العنود:محديدري عنه
فهد:شنووو محد يدري ..سلااام انا طاالع اشوووف وين رااح
العنود:سلاام
----------------
وصل الخبر كله للعايله ومحد راضي بلي صار لعبدالعزيز وجنان
--------------
ومر اسبووع ولا احد يدري عن عبدالعزيز



انتهى البارت الاول

سوري بس ماقدر اكمل البارت الثاني الاني تعبانه من هالبارت

وان شاء الله تعجبكم

ويلا ابي منكم توقعات للبارت الثااني

مو منقوووول هالمره مني ههههه

>>>>> ردود الأعضـــــــــــــــــــاء على الموضوع <<<<<
==================================

يسلمووووووووووووو على الموضوع ننتظر جديدك

__________________________________________________ __________
الله يسلمك

يسلموو على المروور الحلوو

__________________________________________________ __________
يسلموووووووووووووووووووووووووووووووو مره خطيره وتقبلي مروري اختك نورالرياض

__________________________________________________ __________
الله يسلمك

مشكوووره على مرووورك الحلووو

__________________________________________________ __________
هلاوالله خيتوووووووو

كييييييفك ..

اكييييييد حلوه ..

مشكووووووووووره ننتظر الباااقي

خيتك بنوته كيوووووووت..

اناترى زي رفيقاتي.. خخخخخخخخخخخ