عنوان الموضوع : حتى لو كانت أنفاسي عذاب مِن حبك بظل أحبك وبتظل روحي وروحك في جسد واحد ::روايه جنان روعه لاتفوتكم - مشوقة
مقدم من طرف منتديات الشامل

بسم الله الرحمن الرحيم

قصة أنا مؤلفتها ولأول مره أكتب قصة من تأليفي
ماأحب أطول عليكم . بس أبي ردود وتفاعل , ها عاد لاتخيبوني فيكم أبي ردوردكم وتفاعلكم مع القصه .



أول شيء بعرفكُم على العوائل //

أبو أحمد وزوجته //

عندهم 4أولاد وبنت وحيده

الأولاد ::

(( أحمد ومحمد متزوجين , وجاسم وفهد ونوره )))

((فهد// وعمره 21 سنه يدرس في الهندسة )) ،
((جاسم // وعمره 18سنه في ثالث ثانوي )) ،
((نوره // وعمرها 16سنه في أولى ثانوي )) .

أعرفكم على عائلة أحمد وزوجته (( أم عماد وأبو عماد ))::

((عماد, وعمره 21سنه يدرس في الهندسة)) , ((طارق , وعمره 20سنه يدرس في الجامعة)) , ((لمياء , وعمرهاا 17سنه في ثاني ثانوي )) .

عائلة محمد وزوجته ((بو راكان وأم راكان )) ::

((راكان, وعمره 18سنه في ثالث ثانوي )) , ((عهود , وعمرهاا 20سنه )) , ((نجود , وعمرهاا 17سنه في ثاني ثانوي )) , (( عبد العزيز , وعمره 14سنه في ثاني متوسط )) .

طبعاً هم عائلة غنيه , عندهم مزرعه كبيره , وشركه يديرونها ، وطبعاً بيت أبو راكان ملاصق بيت أبوه أما أبو عماد فهو قريب منهم شوي .

عائلة أخت أم راكان واسمها (( أم عامر )) .
((عامر, وعمره 18سنه يدرس في ثالث ثانوي )) ,
((ندى , وعمرها 17سنه , في ثاني ثانوي )) , ((عبد الرحمن , وعمره 15سنه يدرس في ثالث متوسط )) ,
(( عبد الله , وعمره 5سنوااات )) .

أخو أم راكان // واسمه (( أبو فراس )) ::

(( فراس وعمره 21سنه يدرس في الجامعة )) ,
((مضاوي , وعمرها20 سنه تدرس في الكلية ))


أخو أم عماد // واسمه ((بو سعد)) ::

((سعد , وعمره 20 سنه يدرس في الجامعة )) ,
(( مي , وعمرها 16سنه تدرس في أولى ثانوي )) ,
((أروى , وعمرها 18سنه في ثالث ثانوي )) .
************************************************


صباح يوم السبت الساعة 6:00

كانت نجود في سريها وغاطه في سبعين نومه ,
دخلت عليها عهود
عهود وهي تصرخ: نجوووووود نجووود قومي يلا بسرعة تأخرتي .
نجود : عهيِّد ذلفي عن وجهي ماني رايقه لك .
عهود: مو رايقه لي , بكيفك أني الخسرانه بعدين بوصلك السواق .
نجود من سمعت طاري السواق فزت : لالا واللي يرحم والديك حلاص بقوم ما أبي أروح مع السواق الفاشل .
عهود وهي تبتسم : يلا ننتظرك تحت , لاتتأخرين .
نجود بادلتها نفس الإبتسامه : إن شاء الله .
قامت نجود وراحت دورة المياه ((الله يكرمكم )) تاخذ لها دش .
وبعد كذا طلعت مِن دورة المياه ((الله يكرمكم ))
إتجهت للمرايه ورتبت شعرها , بعد كذا خلصت ونزلت , شافت أخوها راكان ينتظرها وإختها عهود وعبد العزيز في السياره ينتظرونهم .

راكان : بسرعه واللي يرحم أمك أخرتينه .
نجود: وش فيكم علي اليوم ؟؟
راكان يوجه الكلام لأمه : يمه وش فيها بنتك ؟؟؟
أم راكان : يمه نجود أنتي كل مره تتأخرين وتدرين أن أخوك عنده مدرسه وعلى مايوصلكم ياخذ وقت , وأنتي تتأخرين .

نجود: أوووووف حتى أمي مع ركانوه .
راكان: هي أنتي عن الغلط .
نجود وهي واثقه مِن نفسها :: أنا ما خطأت .
ناظرها راكان بنظرات غريبه مافهمت معناها .
راكان : يلا مشيناا .
نجود: يلا .

ركبوا السياره وهم ساكتين على غير العاده , لأن راكان لو تكلم وتكلمت أخته نجود بيعصب وهو مايحب يعصب على إخواته .

وصلهم ومشى لمدرسته .

أول ما دخلت نجود الصف ركضت لها بيت خالتها ندى .
ندى : هلا والله وغلا .
نجود: هلا فيك .
ندى : وشفيك تأخرتي ؟؟
نجود : سكتي واللي يرحم والديك أخذت تهزئه محترمه مِن الوالدة وراكانوه .
((ندى قلبها صار ينبض بقوه من سمعت بإسم راكان , لكن هذي أول مره ينبض قلبها وبقوه , وماتدري وش السبب )).
ندى:: هههههه .
نجود : إي ضحكي وش رواك غير تطنزين علي .
ندى: بس غريبه ما غلبتي راكان .
نجود : كيف أغلبه ومعاه الست أم راكان .
ندى: ههههههههه بس بالصراحه تستاهلين اللي يصيرلك .
نجود ناظرتها بنظره : أنا أستاهل ؟؟
ندى: بالصراحه إي , كل مره تأخرينهم .
نجود تركت ندى وطلعت مِن الفصل .
ندى إستغربت منها ولحقتهااا .
وصارت تمشي معها بس وهم ساكتين , ندى تحاول تتكلم بس نجود ماتعطيها فرصه . إلى أن ضرب الجرس يعلن بداية الحصص .


أما في مدرسة الشباب .

راكان : السلام عليكم
الكل : وعليكم السلام .
جلس راكان جنب بندر صديقه .
وصار الشباب يتناقشون ويضحكون إلا راكــــان يبتسم إبتسامة مجامله لهم .
بندر إستغرب منه يعني مو مِن عوايده اللي خبره عنه يسولف ويضحك .
بندر همس لـ راكان : راكان وش بلاك ؟؟؟؟
راكان يتنهد تنهيده من قلب : آآآآه يابندر.
بندر: لاشكل السالفه شايده , قول لي وش بلاك ؟؟
راكان : بعدين يابندر.
عامر: ركان وش بلاك ؟؟
راكان يعمل نفسه مايدري : وش فيني.
عامر: أنا أسئلك , وجهك متغير .
راكان ماصار يستحمل .
همس لـ بندر أنهم يقومون .
بندر : نستأذن شباب .
الشباب: أذنكم معاكم .
ركان حب يكون مرح مثل قبل وحب يبعد الشكوك عنه : ندري أن إذنه معنا أجل معاكم .
الشباب: ههههههههه
راكان وبندر: يلا باي .
الشباب: باي .

إتجهوا راكان وبندر لجهه غير عن جهة الشباب ووقفوا في مكان يعني الأولاد مو كثيرين فيه .

بندر : يلا تكلم راكان تراك عورت قلبي عليك وش بلاك ؟؟
راكان : ..................


وإن شاء الله تعجبكم القصة

ولا تحرموني مِن ردودكم

>>>>> ردود الأعضـــــــــــــــــــاء على الموضوع <<<<<
==================================

القصه روووووووووعه ...سلمت يداك...

بانتظار البارت

__________________________________________________ __________
بليييييييييييز كمليها امانه
القصه جنان

__________________________________________________ __________
بصراحه القصة مررررة روعه

هذا وانا لسا ما كملتها
يسلمو ربي يعطيك العافية

وعلى شان هموسة الغاليه

كمليها

تقبلي مروري

__________________________________________________ __________
كمليها ولا مالنا خاطر عندك
ترى متحميسين له
وسلمان بجلاله قدره قال كمليها خلاص
مشكور سلوم ولاتزعل مني عندي ضروف

__________________________________________________ __________
مشكورين حبايبي .

تسلمون على متابعتكم للقصة .

ويلا استعدوا البارت بينزل .

ومشكوووووووووووووووووورين .

مشكوره ع التكمله