عنوان الموضوع : رواية سموه ياسر ..... رواية جديدة
مقدم من طرف منتديات الشامل

بسم اللله الرحمن الرحيم
سلااام اعضاء الشامل كيفكم تمام ان شاء الله
هذي الرواية اعجبتني فحبيت انقلها لكم

والحين اتركم مع القصه فصل فصل وجزء جزء صحيح انها طويله بس انا متوسمه فيكم خير انكم راح تقرونها وموعدنا كل يوم انزل لكم بارت
ولو فية جزء تحمستو لة وحبيتو انزل بنفس اليوم بارتين او اكثر
ما عندي مانع بس انتو قولو


ســــــــمـــــــــوه يـــاســـــــــــر((قصه من تاليف المجروحة))..

( المكان : الرياض)



العوائل: عائلة (عبد الرحمن) وعائلة (سليمان)

(عائلة عبد الرحمن)
الافراد : عبد الرحمن الاب شريك مع صديقه سليمان في شركة السيارات وهو وسليمان صداقه قويه مره .

منيره الام ماعليها حبوبه تحب عيالها كلهم بس نواف اكثر واحد تحبه كلمتها تمشي على الكل بس مو متسلطه.

خالد الولد الكبير 30سنه متزوج من ريم وعنده فارس ومها وزوجته حامل في الرابع يعمل مع والده في شركة ويعتبر ذراعه اليمين بالنسبه لخالد هو واخوه بدر اكثر من اصدقاء اسرارهم عند بعض دايما.

بدر الولد الثاني لعبد الرحمن 27سنه يعمل في عيادته الخاصه لطب الاسنان انسان حساس وراكد وثقيل رزه مرح اكثر واحد حنون على خواته.

نواف الولد الثالث 22سنه دلوع اهله حلو رايق دايما وهو متهور مره مره صايع مهنته التفحيط والهجوله مابقى بنت في الرياض الا رقمها لاكن علاقته ماتستمر اكثر من اسبوعين يعني ماعنده صديقات محددات مرجوج يدرس في جامعة الملك سعود بالرياض مصرقع ودايم طربان بس اذا عصب مايعرف احد.

ديما تدرس في ثاني ثنوي17 سنه مرحه ومرجوجه مملوحه عيونها عسليه وشقرى تشبه لنواف تحب تسوي مقالب بخلق الله هي ونواف ثنائي رائع متفوقه بدراستها.

سارا تدرس في اولى جامعه19 تخاف من كل شي تحب الهدوء والسلام ماتحب تزعل احد اوتضايقه نعوووووووومه مره وهاديه وحنونه وحساسه حلوه مره غامضه ودايم حزينه .

لمياء البنت الصغيره تدرس في في 3متوسط 15سنه مرجوجه مرحه وحبوبه مندفعه عندها حب استطلاع كبيييير جدا بس سليطة لسان و ماشيه على كيفها وماهما في احد تسوي الي تبيه دلوعة بابا ودايم هي ونواف مهاوشات وطبعا مع ديما وبالنسبه للدراسه من جمبها لاتقل جمالاعن اخوها نواف شرسه شوي طبعها حاد بس احيان مافي احن منها مزاجها متقلب وموبسهوله تتقبل أي احد .
______________________________________

(عائلة سليمان)
الافراد :سليمان الاب رجل غني صاحب شركات كثيره ومنها الشركه الي بينه وبين سالم ومع ذالك متواااااااضع جدا .

لولوه الام انسانه حبوبه تحب عيالها بدون تفريق راعية بيت من الطراز الاول اعز صديقاتها منيره مرت عبد الرحمن.

عبد العزيز الولد الكبير لصالح ايضا يشتغل مع ابوه غير متزوج 30 سنه صديق حميم لخالد


ياسر الولد الثاني لصالح 25سنه يدرس في سنة الامتياز طب رزه وحلو وموراعي حركات نص كم انسان خلوق جدا ومرح جدا بسيط في تعامله احيان رجه متفوق في دراسته غير متزوج بس امه تدور له على عروس .

مشاري مطنش العالم يمشي على كيفه عصبي شوي ومايحب دلع البنات متخرج من كليه الملك فهد الامنيه عمره 23سنه مايشبه أي احد من اخوانه عربجي بقوه جفس في تعامله بعض الاحيان ويشتغل في القطاع العسكري عمل مكتبي.

لينا البنت الوحيده لسليمان اولى جامعه 19 سنه ماتحب الرجه عاقله وتربطها علاقه حميمه ببنات عبد الرحمن ممتازه في دراستها اعز صديقاتها ديما بنت عبد الرحمن .

سعود اخر اولاد خامس ابتدائي دلووووووووع ماما 24ساعه يلعب بلايستيشن.
_______________________________
(((الفصل الاول)))
*الجزء الاول *

(يوم الاربعاء بعد المغرب غرفة لمياء)

لمياء وهي تتقلب في فراشها : يووووووووه انتو دايم كذا ماتخلون الواحد يرتاح حرام عليكم الي تسونه فيني اتركوني انام انا جايه من المدرسه تعبانه حرام عليكم والله حرام ما ابغى اروح معكم ياناااااااااااااس مااااااااابغاااااااااا
منيره الام: لاحول ولاقوة الا بالله قومي يابنتي بسك نوم يلا قومي صلي والبسي خلينا نروح الحين الاقيها منك والا من نواف
لمياء: يمه انا بقوم اصلي بس روحه مانيب رايحه انا(( ت ع ب ن ا ه)) تفهمون انتم وبعدين هذاك تقولين نواف ماقام يعني جت علي انا
منيره: لااااا خلاص انا ما عاد اتحمل انا اخلي ابوكم يشوف لكم يا ديما سارا اجهزو بسرعه لاني بلبس ونطلع والي مو جاي كيفه يصطفل مع ابوه
ديما وسارا : طيب يمه
سارا تكلم لميا الي منسدحه على السرير تافف : لميا عاد بلا حركات بزران انتي ونواف قومو من الظهر نايمين وماشبعتو يلا عاد لاتزعلون ماما وبابا
لمياء: اقول عن الفلسفه واذلفي غرفتك يلا
ساراوهي طالعه من غرفة لميا : الله يصلحك بس
وفجاه دخل عبد الرحمن الاب وطل من الباب : ليش قمرنا لميا مابتجي ؟؟؟
لميا نطت من السرير وجلست حمب ابوها : بابا حبيبي انت هنا
عبد الرحمن: هلا والله بلمو حبيب بابا هلا اقول لموي ليه زعلانه ومعصبه ومابتروحين معنا لبيت عمك سليمان
لميا : بابا والله انا تعبانه وبعدين كلهم لابسين وانا يبيلي اتروش والبس واحط ميك اب يعني شغله
عبد الرحمن وهويمسح على شعر بنته: طيب خلاص نواف نفس الشي مو جاهز احنا بنسبققكم وانتم الحقونا طيب
لميا وهي مستغربه : انا مع نواف!!!! طيب تم

وطلع عبد الرحمن من الغرفه

-----
دخل عبد الرحمن للغرفه : منيره منيره وينك؟؟
منيره :هذاني هنا تبي شي ؟؟
عبد الرحمن: ابد سلامتك بس خلاص خالد وبدر بيروحون مع بعض وانا وانتي وسارا وديما وريم و فارس ومها بنروح مع بعض اما لمو ونواف بيلحقونا
منيره : الله يهديك يابو خالد الحين ليش هالسيرات كلها ليش مانروح مع بعض كلنا
وخالد وريم وعيالهم مع بعض يعني بنروح بالتقسيط والله فشله
عبد الرحمن : هههههههه حلوه تقسيط بس لافشله ولا شي خلي العيال ياخذون راحتهم يامنورتي
منيره: ههههههه الله يصلحك بس حلوه منورتي هههههه
ضحكو مع بعض وعقب طلعو يستنون سارا وديما في الصاله
-----------
(سارا قاعده في غرفتها مسرحه في المرايه وشوي يدق عليها الباب)

سارا قاعده على الكرسي قدام التسريحه :مين ؟؟
الي عند الباب : انا بدر يصير ادخل
سارا تلتفت وهي مبتسمه: اكيد يصير هلا حياك
دخل بدر عند سارا وصك الباب عقبه : الله الله وش هالزين كله
سارا وهي مستحيه : تسلم ,, عيونك الحلوه
وفجاه ينفتح الباب بقوه غير طبيعيه ويصقع في الجدار سوير وين عطر كريستين ديور يلا طلعيه
سارا وهي تشهق : يمه خرعتيني بسم الله علي
لميا وهي تصارخ: اقول اخلصي وين العطر؟؟! وينه؟؟!
سارا وهي تقوم من الكرسي : طيب اول دقي الباب قبل تدخلين والا بس تدرعمين وانتي ماشيه
بدر تدخل وهويبتسم : اهلا لميا هانم كيف سعادتكم ؟
لميا:سعادتي زي الزفت!!
بدر: افا ليييييه
لميا: ابد سلامتك من الوناسه الي انا فيها
بدر:طيب هذاك تقولين وناسه وشلون وناسه زي الزفت؟؟ هاه وشلون يلا قولي؟؟!وشلون
لميا : بدير عن المصاله احسن لك ,, ترى الاخلاق قافله فلاتخليني اغلط
بدر : لالا,,لا تغلطين ولاشي بس الطريقه الي دخلتي فيها مره منرفزه ولو الغرفه لي ودخلتي كذا كان ............
لميا وهي رافعه حواجبها : ليش سكت ماتكمل كان ظربتني صح
بدر وهو يتجه لاخته ويقربها منه : لا ابدا مو صحيح بس كنت بهاوشك يعني والله هذي مو طريقه تدخلين بها قسم تنرفز ,,ثم يطالع في عيون اخته ويبوس على راسها
لميا : اسفه بدر اسفه سارا موقصدي بس انا متنرفزه مره اول مالي خلق اروح وثاني ولا غرض من اغراضي في الغرفه كلها موزعه عليك انتي وديما
خشت ديما برجه وهي تقول : هاه كن احد يحش فيني ؟؟
سارا : لا ابد بس لميا تسئل عن عطرها شفتيه
ديما : ايهم ديور
لميا: ايه أيه وينه
ديما : اليوم الصبح جا نواف واخذه من غرفتك
لميا : كنت عارفه ان هال************ نوافوه هو الي ماخذه
ونقزت لميا لغرفة نواف وهي تتحلطم
كل الي في غرفة سارا ضحكو وانتبهت ديما لاخوها بدر قالت: هلا بدر وينك ماشفتك اليوم؟
بدر راح عند ديما وقام يلعب بشعرها الطويل : وحتى انا ياقلبي ماشفتك اليوم
ديما وهي تبعد عن بدر: اقول وش رايك فيني؟
بدر: مره حلوه بس لو تغيرين لون الروج من عنابي لزهر فاتح احلى
ديما : يعني تشوف كذا ؟!!
بدر يهز راسه ايه !!
ديما : سارتي عند قلوس زهر
سارا: ايه ياعمري خذي

(واثناء ما ديما تطالع في المرايه وتمسح الون العنابي وتفتح القلوس الزهر)

بدر : لحظه ديما !! انا ودي اسويلك عادي؟
ديما: تعرف !
بدر: ايه يعني شوي بجرب
ديما: يلا امسك اشوف حط لي
بدر وهو يحط القلوس لديما : ايه كذا الله شفتي
ديما وهي تناظر المرايه: الله والله ياولد عند خبره
بدروعيونه طايره : وش قصدك ؟؟
ديما وهي تضحك : لا ولاشي بس لو تشتغل في مشغل تنفع
بدر وسارا :هههههههه

(شوي ويدق جوال بدر يوم طالعه ابو فارس يتصل بك )

بدر وهو يرد : هلا خالد دقايق وانا عندك
بدر للبنات: يلا حبايبي انا رايح مع خالد بنسبقكم توصون شي
ديما: لا سلامتك يالغالي بس تاخذوني معكم
بدر: تم يلا

(بدر وديما طالعين من غرفة سارا يلتفت بدر الا اقول سارا تجين معنا)

سارا تهز راسها : لابروح مع بابا وماما وزوجة خالد وفروسي ومهوي
بدر: على راحتك يلا ديما مشينا

(وهم في الطريق يسمعون ام لسانين تتهاوش مع نواف)

بدر لديما : ديمو حبيبي امسكي شماغي و اسبقيني لخالد وقوليله دقايق وجاي
ديما وهي تبتسم : طيب

(نزلت ديما للصاله ولبست عباتها)

منيره: يلا وين اختك ؟
ديما: لا ماما انا بروح مع بدر وخالد اما سارا بتجي معكم
منيره:هه ليه؟
ديما: ودي اروح مع اخواني انتو خذو سوسو دلوعتكم وافتكو من رجتي
منيره:على راحتك يلا حافظكم الله قولي لخالد لايسرع زيييييييين
ديما:سمي ان شاء الله
--------------
بدريدق باب غرفة نواف
نواف: الي عند الباب خش
بدر يفتح الباب : السلام عليكم
نواف ينط من فوق السرير ويتخبى ورى اخوه بدر : هلا والله ابومساعد تكفى انقذني من ذا الوحشه بتفلقني بالعطر تقول عشان ماتاخذ شي موب لك بدو ن استئذان
بدر وهويضحك :هههههههه الله يصلحكم خلو المهاوشات بعين الحين اجهزو تاخرنا على الجماعه
نواف حاط يده على خصره : كلمها هي
بدر يروح للميا ويخمها : خلاص لمو عشاني انا روري روحي تروشي واتركي نوافوه بعدين هاوشيه
لميا وهي تناظر في السقف: طيب خلاص بروح اف اف من هذي الحياه كلها ملل وطفش اف
بدر: طيب ابي بوسه قبل تروحين

(لميا تبوس اخوها وتروح غرفتها)

بدر بعد ما تاكد انها راحت :ها نواف وش السالفه ليش مزعل لمو؟؟!
نواف وهو يتربع على سريره : والله العظيم ماسويت شي هذا الله يسلمك يوم ان الصبح اخذ ديما للثنويه مريت على غرفة لميوه ولقيت العطر وشميته عجبني خذته ورحت لغرفتي تعطرت ونسيت ارجعه لغرفتها وجت تدور عليه الحين وعفستني بس هذي راس مال السالفه
بدروهو يحط يده على كتف اخوه : الله يصلحك الحين ماتعرف طبع لميا ماتحب احد يقرب اشيائها
نواف وهو يتطنز : شي الحين الي يسمعك يقول الماسات وذهب وحرير وشي ظل وارواج وعطورات خايسه وجل واسبريه بس لاكن مالت
بدروهو يوقوم من جمب اخوه متجه لباب الغرفه يبي يطلع : ههههههههه اسكت لاتسمعك لمو وتزعل وتقوم تعاند ولاتجي ,,والحين قم البس والحقنا انت ولميا و حلفتك بالله لاتهاوشها ولاتقولها شي واي شي تبيه اشره لها ترى هذي لمو حبيبت قلب روري على قولتها زين
نواف : اوكي طيب بس وين الحقكم ههههه؟؟
بدر : بيت عمي صالح
نواف بنظرة خبث : عندهم بناااااات
بدروهو متروع : نواف صاحي تبي تفضحنا ياخي بطل هبال عيب عليك استح وتذكر عندك خوات خاف الله
نواف يبتسم و يغمز لبدر: وش قالولك يعني مثلا بدخل لمجلس الحريم ارقم انا امزح معك ياشيخ
بدر وهو يطالع نواف بنص عين : والله تسويها مايندرى عنك
------------


يلا استنا ردودكم ان اعجبتكم الرواية اكملها

>>>>> ردود الأعضـــــــــــــــــــاء على الموضوع <<<<<
==================================

يعطيك الف عــــــــــــــــــــــــــــــــافيه

بجد روعه

تسلمين

__________________________________________________ __________
يسلمووووووووووووووووووووووووووووووووووووو
بليوكمليها بكره
يعطيك الف عافيه

__________________________________________________ __________
اوكي
انا بنزل بارتين لكم الحين لان بكرة احتمال ما ادخل

__________________________________________________ __________
(في الشارع وتحديدا عند الفورد حقت خالد)

(ديما المطفوقه كعادتها درعمت وركبت بدون احم ولا دستور)

ديما وهي ترفع عباتها عشان تصك الباب: سلامووو
خالد الي كان مركز في الجوال وموب حولها:بسم االله من وين جيتي
ديما ببراءه: من بيتنا
خالدوهو يلتفت لورى على ديما:لا والله احسبك من الشارع ادري من البيت بس كيف موانتي بتروحين مع الوالد
ديما وهي معقده حواجبها: لييييه يعني تتضايق اذا ركبت معك وبعدين بدر عزمني
خالد وهويبي يبرر موقفه: لاوالله مو قصدي ابد بس يعني ...
قاطعته ديما :لا مويعني ولامايعني بابا وراح وانا وطحت بتسبدك
خالد: لا افا انتي العزيزه وشلون تقولين هالكلام
ديما وهي تطالع من القزاز:طيب دق دق على روري واستعجله ترى تاخرنا
خالد وهو يستهبل ويهز راسه زي السواقين :هازر ماماه انا الهين في سوي تلفون

(جوال بدر يدق ابو فارس يتصل بك )

بدر:الوووو هلا خلودي والله خلاص قسم الحين اناجاي
خالد : اقول تراك مصختها يلا ترى الوالد والعيال مشو لهم 10دقايق انجز ياخيي المشوار موب سهل
بدر: والله حاظرعلى خشمي بس لمو زعلانه وكنت اراضيها
خالد: اهلا ليش وش عندها الست لميا
بدر: لاجديد كالعاده مهوشات مع السيد نواف
خالد : اف الله يصلحهم وبس يلا انت اخلص والا ترى بقعد ديمتي قدام وانت ورى
بدر: لا لا انا جاي
بدر لنواف: يلا سلام خالد تحت مولع
نواف : طيب بتخليني مع ذا القبسه
بدروهو معصب: استغفر الله العظيم احد يقول عن اخته كذا اسمع انا تاخرت جبها والحقنا يلا سلام
نواف وهو محبط: امري لله سلام
بدر وهو نازل بسرعه من الدرج وبصوت عالي : نوافي زي ماوصيتك
نواف فتح شباك غرفته الي يطل على الحوش عشان اخوه يسمعه : اوكي دونت وري ابو مساعد

(وصل بدر للسياره )

بدرهو يفتح الباب ويركب : هلا والله ابو فارس
خالد: اخيرا مابغيت تطلع
بدر: وش تبيني اسوي نواف ولميا طلعو الشيب في راسي لين قامو وبع كذا بدو موالهم في الهاوشات الله يصلحهم
ديما: اصلا المفروض تتعودون لميا عنيده ونواف يحب يستفزها
خالد : الحين خلونا من داحس والغبراء وقولو لي وش مناسبة العزيمه
ديما: لينا نجحت وابوها مسوي لها حفله
بدر: ما شاء الله عليها هالبنت مشتهده
ديما تطالع في المرايه على عيون بدر: نعم نعم يعني احنا ماننجح مومشتهدين يااخ بدر
بدر: لا هو يعني ابو فارس صرفها
خالد :هههههه وين اصرفها معه قفلت عليك

(كل الي في السياره يضحكون)

ديما: خالد شغل ام بي سي
خالد: من عيوني كم ديمو عندنا

(وشغل خالد الا وفيه اغنية راشد الماجد جاني حبيبي)

(ديما خشت جو وقامت صفق وتهز وبدر يضحك عليها وعلى رجتها)
------------
نواف من غرفته وبصوت عالي :لميا عطيني الجل ممكن؟؟
لميا من غرفتهاو بصوت اعلى : اول تاسف عقب افكر!!
نواف: شوفي والله لو مو بدر محلفني والا كان بتصير علوم
لميا : علوم والا رياضيات
نواف راح لغرفة لميا ووقف عن الباب و يطلع لسانه : مصااااااااااااله
لميا طلعت من الغرفه وراحت لغرفة التلفزيون تتفرج عليه لين يخلص نواف لبس : طيب اسكت و رح للتسريحه وبتلقاه بس النينا رتشي لاتقرب لمه تفهم!!
نواف: اوكي نو برب لم
لمياوهي قاعده على الكنبه : يلا نواف تاخرنا
نواف وهو في غرفته يسكر ازرير بلوزته وطالع للصاله عند لميا : طيب لميا شوفي لبسي كذا كشخه

( كان لابس بنطلون جنز ازرق وبلوزه بيج فاتحه)

لميا: فنتاستك بس عزيمة رجال فالبس ثوب وصر رجال ولو مره وحده
نواف: اقول تلايطي بس قال ايش قال صر رجال انارجال غصبن عن خشمك تفهمين يالملسونه
لميا وهي رافعه حاجب ومنزله الثاني وتعفط فمها الي يلمع من القوس: طيب اخلص البس ثوب وشماغ وانزل انا بستناك في الحووش على الثيل
نواف وهو راجع لغرفته: طيب اقول لميا وش رايك تحمين البي ام لين اجي
لميا وهي نازله من الدرج للحوش : طيب هات المفتاح
نواف وهو يرمي لها المفتاح من شباك الغرفه: اسمعي انتبهي ترى مو معشقه
لميا وهي رافعه راسهها تكلم نواف الي واقف في الشباك: وانا اول مره اسوق عشان تجي تعلمني
نواف وهو يبي يستفز لميا : ادري ميب اول مره بس انبهك بلاك مطفوقه
لميا : اقول الفقه بس واخلص
نوافوهو يضرب بيده على قزاز الشباك : اخ بس مو قاضبني الا بدر الله يسامحه يوم يدعي
لميا ويدها على خصرها : لا خوفتني صراحه لوك رجال كان نزلت وقابلت وجه بوجه مو من فوق وانت في الغرفه وتتحجج ببدر بس الرجوله وين وانت وين
نواف وهو معصب : احترمي نفسك اشوف ترى زودتيها
لميا: انت انزل اذا ما ا نبرشت بك هنا وجبت لك صليب ما اكون لميا
نواف : اللهم طولك ياروح لميا يلا على السياره حميها
محد رد عليه
نواف ينادي : لميا لميا وينك؟؟
شوي الا يسمع البوري يدق
نواف: لا وتسفه بعد طلعت قبل لا اكمل كلامي الله يصبرني بس
سويتلي مشاكل سويتلي بلاوي تشرب معا..... الملسونه يتصل بك
نواف : الوووو
لميا: يلا انزل وجع
نواف : افا انا تقولين لي وجع يختي طيب بنزل بدون ملاسن
لميا: أي ملاسن اصلا الى الان وانا محترمه نفسي ماقلت شي
نواف : الله اكبر عليك الحين كل هذا ومحترمه لا صراحه انا الغلطان
طوط طوط طوط
نواف: افا والله صكت الخط في وجهي اما اخت مغسول وجهها بمرقه كوارع

(نواف نزل بسرعه للسياره وسكر البيت وقبل وصى على الخدامات ينتبهون للبيت)

وطلع للسياره واول مافتح الباب الا السياره تهز من المسجل لان لميا كانت مشغله الراديو ورافعه الصوت على الاخر اغنية سلمان حميد ((يالي على البال.....))
(نواف ركب ورخى الصوت شوي)

(لميا بعد مافتشت تطالع في اخوها بنص عين وتافف وعقب طلعت الوك مان حقها من الشنطه وخذت شريط راشد الحل الصعب من مسجل نواف وحطته في الوك والبست السماعات لفت على الجه الثانيه عند اقزاز)

بعد تقريبا 5دقايق نواف يبي يهدي الجو : احم احم نورت البي ام بك يالمو
لميا فصخت السماعات و حطت يدها على راس اخوها : وش بك مصخن
نواف وهو مستغرب : لا ليه
لمياووجهها بدت عليه علامات الطنازه : يعني اول مره اركب البي ام حقتك
نواف : لا بس ارحب بك
لميا وعيونها في عيون نواف: ما ابغى ترحيبك ابيك تقظب يدينك عن اشيائي ولسانك عني وبس

(نواف يطالعها بحسره ويركز في الطريق)

(الله الله يا بابا وسلام عليك يابابا سيدي ....... نور عيوني يتصل بك)

لميا: هلابابتي
عبد الرحمن: تاخرتو وينكم خالد وبدر وصلو وانتم لا ترى فشله اعجلو
لميا: طيب بابا بس تونا محركين يعني اريض لين نوصل
عبد الرحمن : لمو حبيبي هاتي نواف اكلمه
لميا تمد الجوال للنواف : امسك يالعله بابا يبيك
نواف وعيونه طالعه : ماعله الا انتي يا ام لسانين
لميا وهي تصفق نواف على راسه بالجهاز: كلم وانت ساكت
نواف كان ماشي120 ظرب بريك ومسك اخته مع كتفها : شوفي سكت لك لين خلاص طفرت من تعاملك طولت لسانك وسكت اما تدين يدك لا

(وكل هالهوشه وعبد الرحمن يسمع طبعا نواف طق لميا وصيحها واخذ الجهاز)

نواف: الووو
عبد الرحمن: الله يصلحكم انتو بس تتهاوشون على الطالعه والنازله
نواف: يبه هي الي بدت تقل ادبها خلني اربيها دعتوها بما فيه الكفايه خلاص
عبد الرحمن: انت مديت يدك عليها
نواف : ايه بس هي الي بدت
عبد الرحمن وهو معصب : طيب نتفاهم بعدين بس اسمع لاتسرع
نواف : ابشر
عبد الرحمن: الله يحفظكم
نواف : مع السلامه

(سليمان كان ساكن بحي الازدهار اما عبد الر حمن بحي الشفا يعني يبغى لهم وقت لين يوصلون هناك تقريبا نص ساعه او ساعه الاثلث)
----------
في بيت سليمان
صالح: هلا هلا اسفرت وانورت يالله انك تحيهم
دخل عبد الرحمن وبعده خالد ثم بدر طبعا سليمان كان واقف في الحوش هو وعبد العزيز وياسر اما مشاري كان باقي في غرفته و سعود كان فوق عند لينا في غرفتها جالسين يسولفون
فالحريم استنو شوي برى لين يدخلون الرجال طبعا على ماسلمو الرجال ووش الاخبار طيبين حيالله سلم الله ديما طفشت حياتها

ديما برجه: يمااااااا يمااااااااا
منيره: خيييير رخي صوتك فضحتينا الرجال كلهم في الحوش
ديما: يمه يمه حر يما انا بافتش شوي اتنفس وثم اغطي يما مكياجي بيسيح
منير: اهابس اقول عيب احنا في الشارع والرجال في الحوش استحي وخلي عنك الرجه
ديما: يماااااااااااااه بس شوي والله شوي
منيره: اقول بس المهم جبتي الكيكه
ريم: ايه ياخالتي جبتها هذاني شايلتها
منيره: الله يسلمك ياريم يابعد عمري
ريم: يوه كل ذا عشان كيكه اجل انا كل يوم بشيلها
منيره: انتي تعرفين ان معزتك من معزة خالد
ريم :هههههه
سارا: يمه بنجلس كذا صراحه انا احس اني بديت اذوب من الحر
ديما : افتشي انا فاتشه لي سنه ولا حد درى
منيره وهي تلتفت على بنتها: حسبي الله على ابليس
ديوم تغطي لايجي احد خوانك يفضحنا والا يمر احد
ديما: اففففف اجل انا بدق على بدر بشوف متى نوو يقلطونا

(جوال بدر يدق احلى ديما يتصل بك)

بدريرد وهو مفتشل : يووووووه والله اسف نسيت اعلم العيال انكم برى لحظه الحين اقولهم وانا مره ثانيه اسف
يلاسلام
ديما:طيب بسرعه
ديما: يمه الحين بندخل بدر يقول كذا
ريم : اقول ديما وش رايك تشيلين الكيكه لاني بشيل فروسي شكله بدى ينعس
ديما :طيب
جا بدر ودخل عند الباب
ديما:روري الله يخليك شيل فروسي عن ريم لانه ثقيل وهي حامل وموناقصه
بدر وهو يمد يدينه عشان ياخذ ولد اخوه: هاتيه ياريم عنك

(ريم مدت بفروس لاخو زوجها وشاله)

(عقب دخلو الحريم وجت الشغاله وشالت فارس وودته للمجلس لانه نام وبدر رجع عند الرجال)
----------
عند الحريم
منيره: يا هل البيت
لولوه: حياك الله ياام خالد
منيره: الله يحيك وش لونكم وش اخباركم ومن هرج الحريم الهم اول اخلصو سلامات نطت ديما في وجه هيله
ديما:خالتي
لولوه: عيون خالتك
ديما: تسلمين ياخاله اقول وين سعودي
ريم :هههههههههه يالمطفوقه حسبتك بتسالين عن لينا
لولوه: خليها ياريم تستانس اصلا سعود من درى انهم بيجون وهو الي مابقى احد في البيت الا وقاله ديمو بتجي ديمو بتجي وقال لمشاري يجهز له البلايستيشن بعد
ديما: الله بنلعب سوى
ديما: يلا عن اذنك خالتي بروح لسعودي

ديما وهي طالعه في الدرج : سعودي سعودي
سعود للينا: هذا صوت ديمو كيد جو
لينا :طيب روح شوف
سعود: ديمو انتي جيتي
ديما: ايه سعودي انا هنا

والتقو في الدرج وسلموعلى بعض وسعود خم ديما
سعود لديما وهو في حضنها : الله ديمو انا احبك ليتك تقعدين معنا دايم
ديما: وانا احبك بعد وودي اجلس معك على طول

(وخذتهم السواليف في الدرج لين جا مشاري بيطلع وسمع حس مره ميب تقربله تضحك مع سعود )
مشاري بصوته الثقيل: سعود معك احد
سعود بصوته الطفولي: ايه ديمو هنا
مشاري وهو طفشان:طيب سولي طريق انا بنزل
سعود:طيب
سعود لديما:ديمو روحي غرفة لينا عشان مشاري بينزل
ديما:طيب

(من زود طفاقة ديما راحت غرفة لينا ونست شنطتها الزهريه المطرزه بلون عنابي على لون بدلتها بالدرج وزي ماتعرفون شنط البنات مافيها الا قلوس وظل وجوال وصور وبوك المهم دخلت ديما لغرفة لينا وسلمو على بعض وجت ديما بتطلع الهديه الي عباره عن خاتم ذهب ابيض وطبعا الشنطه في الدرج)
ديما للينا: ليون بروح اجيب الشنطه واجي استني
لينا: طيب

(في الوقت الي ديما فيه طالعه تجيب شنطتها كان مشاري نازل وبدون قصد شات الشنطه وصقعت في الجدار وتنثرت الاغراض وقام يحاول يلقطها وديما زي عادتها تدرعم بدون احم او دستور وفجاه مالقت نفسها الا وجها لوجه مع..........
________________________

__________________________________________________ __________
شكل الروايه حلوة بس ما ابي اتعلق فيها ورمضان على الابواب
بس حبيت اقول يسلمو

وهذا البارت طوييل لعيوونكم

----------------------------------------
(عند الرجال تحديدا فارس وعمه الانتيكه)

نواف: ياحيوان لا تتفل ماتبي قل انا ما ابي مو تاكل ثم تتفل
فارس: ما اقى
نواف:وش الي مااقى ما اقى والله لوك هندي
فارس: بابا بابا
نواف:هنا مافي بابا ابوك راح وخلاني احوس معك
فارس: هادي اقى هادي
نواف:ذي ,, ويأشر على الرز
فارس: لا هادي
نواف:ذي ,, ويأشر على السلطه
فارس:لا لا
نواف بعصبيه :وشو اففففففف
فارس تعفط وجهه وخاف وحمر ثم:وااااااااااااا>>صياح البزران لاحد صرخ عليهم
خالد ارتاع لما سمع ولده يصيح ويركظ عنده ويشيله : هاه فروسي حبيب بابا وش بك
فارس ميت صياح ويأشر على عمه نواف
خالد وهو يتافف: حرام عليك ياخي خاف ربك في البزر ماسوى شي كل ذا عشاني قلت لك اكله لاكن طيب مردك تتزوج واصرخ على عيالك وتشوف
نواف وهو كاعها ظحك:ههههههههه اوهوووووو يمديك تعجز وتموت وانا توني
خالد:ليه وش قالولك 60 سنه
نواف يغمز:بس مو صغير يعني 30 سنه مقارنه مع 22 شف كم تطلع
عبد العزيز جاي وهو متلهف: بسم الله هذا فروسي
خالد:ايه هذا هو فارس
عبد العزيز يشيله بكل حنان وكانه ابوه ويخمه ويبوسه: الله فروسي
فارس خاف من عزيز وقام يصيح
عبد العزيز: خلاص خلاص سلم قلبهم امسك ياخالد ولدك
خالد:هاه يشبهني
عبد العزيز: يعني بس يشبهك والا لا مو مهم المهم انه يجنننن
-----------
( عند الحريم)
منيره: اكرمكم الله
لولوه: ياختي مااكلتو شوي
منيره:وشو الي شوي حرام عليك والله الحمد لله ياعساها سفرة دايمه
لولو :طيب شوفي سارا ياختي ماكلت زين
منيره:ايه سارا الله يعين وبس البنت ذي حالها مقلوب من عقب الي صار لرنا بنت عمها لاهي الي تاكل مثل الناس ولاهي الي تشرب مثلهم لاكن خليها على الله ياشيخه
لولوه: الله يعين

( جوال منيره يدق ابو خالد يتصل بك)
عبد الرحمن: سلام
منيره:حياك
عبد الرحمن: يلا مشينا
منيره:طيب ربع ساعه حق الشاي ونطلع
عبد الرحمن: بس ربع ساعه
منيره: حاظر
--------

(عند البنات )
لينا:حسااااااااااافه بتروحون
ديما:ايه والله حسافه ليت نقعد شوي
لميا: غرييييييبه ياديما تقعدين ليه سعود ونام ولينا كل يوم تشوفينها
ديما:لا والله يعني لازم سبب عشان اقعد كيفي اناحره
ريم:ياسارا يالينا يالميا يلاااااااا بنروووووووووووح
البنات للينا:يلا مع السلامه نشوفك على خير وقامو يسلمون

(نزلو البنات وريم راحت مع زوجها ولميا مع نواف اما بدر وديما وسارا راحو مع ابوهم )

(في البي ام )

لميا:نواف ممكن اطلب شي
نواف وهو يدق سلف: نعم وشو
لميا: اول كم الساعه
نواف: 11وحبتين
لميا:طيب اتصل على بابا وقوله اننا بنتاخر شوي
نواف:حلو حلو الظاهر تعودتي على الدجه
لميا:الله يخليك
نواف:دقي انتي
لميا:وليه مو انت بعدين انت اكبر ومن منطلق احترام الكبير انت دق
نواف:ههههههههه حلوه منطلق ومع وين طلعت ذي
لميا :عن التطنز واتصل
نواف:طيب بس لو قال لا ,, لاتفكرين انك تتحايلين عليه ترى بابا باقي شايل من سالفه التاخير على العشا
لميا:ان شاء الله بيوافق بس انت جرب

(جوال عبد الرحمن يدق المرجوج يتصل بك )

عبد الرحمن:الووو
نواف:ولكموووو
عبد الرحمن:نواف بالعربي وش تبي اخلص
نواف:لا ابد سلامتك بس عندي مشيوير اناولميا وحبيت اعطيك خبر
عبد الرحمن: ماشاء الله وخلاص قررتو بس حبيتو تعطوني خبر
نواف:هاه لاما قررنا يعني احنا نطلب الاذن
عبد الرحمن: طيب بس لاتتاخرون والا ترحون يمين ويسار اسمع يانواف الساعه الحين11ونص انت معك اختك انتبه لها والساعه 12ونص تجي للبيت
نواف: شكرا يبه وحاظر بانتبه لها


(وصك التليفون )

لميا تطالع اخوها وهي محبطه:هاه وش
نواف:يقول على البيت عدل
لميا:لااااااااااااا ليش طيب كان حاولت معه
نواف:اقولك شكله معصب
لميا وهي منفجعه:هاه معصب طيب ليه ؟؟
نواف:ههههههههه يالمهكه انصب عليك صدقتي يقول طيب بس لاتتاخرون
لميا وهي تظرب اخوها على كتفه:حيوان ضيقت صدري
نواف:ههههههههه طيب وين تبين تروحين

لميا: شارع التفحيط انت وعدتني نفحط
نواف: طيب بس مو اذا بديت اخمس تصيحين ورجعني للبيت
لميا: اول ياقدميييييي الناس وصلو للتنطيل والرفع على كفرين وانت باقي تخمس وبعدين ليه قالولك خكريه والا رخمه
نواف : لا بس حبيت اخذك على قد عقلك
لميا: اها بس اقول سق وانت ساكت
نواف: حاظر عمتي

(شغل المشكله حسين)

(وصل نواف للشارع ولقاه تقريبا فاظي مافيه الا شوية شباب)

(وبدى نواف يسرع وفجاه عقد له عقده ولميا تصارخ ونواف تحمس وقام يخمس ويسلسل وهو يخمس بغى يصقع في جدار بس ستر الله )

لميا:نواااااااااااااااااااف جدااااااااااااااااااااار
نواف هو يلفلف يمين ويسار: طيب خذي امسكي يدي ,, ومد يده لان لميا كانت مره خايفه وهو وده يحسسها بان الموضوع عادي واي مفحط يحصله اشنع من كذا لاكن وهو يظرب فرامل فجاه طلع له لاند كروزر و.........

لميا:ااااااااااااااااه نواااااااااف نوااااااااااااااف جيب الحق
نواف:لميا تمسكي زين لميااااااااا

(نواف ماقدر يسيطر على البي ام وصدم في اللاند و.... )

(نواف لحظة اصطدام اللاند بسيارته شاف اخته تطير من بين القزاز المكسركان وده يمسكها لاكن يدينه مجرحه من القزاز الامامي الي تكسر فوقه وجرح راسه ,, المهم دارت السياره دارت لين وقفت من نفسها ونواف حاس بالم فظيع في يدينه ووجهه وجسمه كله تعبان ورجلينه يالله يالله يحركها لاكنه نزل يدور اخته مشى شوي وبعد كذا طاح على الارض لانه ما قدر يتحرك اما راعي اللاند هج وتركهم)

(الشباب الي كانو موجودين كان عددهم 4 شافو الحادث وجو يتفرجون اول ماوصلو عند نواف)
واحد منهم :سلامات يا اخ
نواف:لمياااااااا
الولد: سم
نواف: لمياا لميا وينها
الولد جلس على الارض وقرب من نواف: مين لميا؟؟
نواف بصوت الموت: اختي لميااا
الولد: كانت معك في السياره
نواف يفتح عيونه : ايه دورها
الولد: طيب طيب لاتشغل بالك الحين ندورها
الولد لاخوياه: كلمو الاسعاف وانا بدور البنت
اخويا: طيب

(قام الولد يدور وفجاه لقا بنت تصيح)

الولد: انتي لميا
لميا وهي خايفه: مين
الولد: انا سلطان تعالي اخوك يدورك
لميا وهي تركض للولد :نواف
الولد: ما ادري تعالي شوفيه
لميا مسكت الولد من يده: يلا

(وراحو عند نواف)

(مع ان لميا كانت فيها رضوض ويدينها مجرحه لاكنها ركضت لاخوها خمته وهي تصيح)

نواف رفع يده يمسح على وجه اخته: لمو لاتصيحين انا بخير
لميا لما شافت اخوها ينزف قامت تشاهق بقوه :انا السبب انا
نواف: خلاص لمو انا بخير الحين الاسعاف يجي
لميا : بكلم على بابا
نواف بصوت اعلى : لا لا الا بابا
لميا: اجل بدر
نواف: طيب بس وصيه لايعلم احد

(بدر جالس في الغرفه مسرح وشويه جواله يدق لمو يتصل بك )

بدر : اهلا بالداجه
لميا ما قوت تتكلم وبدت تشاهق
بدر: لميا لميا
وفجاه اغمى على لميا
جا سلطان ومسكها قبل تطيح ومسك الجوال
سلطان: الووو
بدر:لميا وش فيه
سلطان: لا مافي شي مجرد حادث بسيط
بدر: مين انت وين لميا؟؟!
سلطان: انا سلطان شفت الحادث وبلغت والحين الاسعاف جاي
بدر: طيب وانت وين
سلطان: في شارع التفحيط الي عند الاستراحات
بدر : طيب الحين انا جاي

---------
(في بيت سليمان )

(بعد العزيمه مشاري راح عند لينا )

(دخل مشاري لغرفه لينا ولقاها في الحمام لينا ما طولت دقايق وطلعت من الحمام بعد ما تروشت ولبست جوى لينا شافت الرجال الي في الغرفه من ورى وحسبته ياسر ونطت عليه وغطت عيونه )
لينا: انا مييييييييييين؟؟
مشاري: لينا عن حركات البزران
لينا خافت مره ورجعت على ورى: والله اسفه مو قصدي بس
قاطعها مشاري: اففففف اسمعي وش اخبارك
لينا وهي مستغربه: هااااااااااااااااااه
مشاري يبي يصرف: يعني مبروك النجاح وكيف العزيمه ان شاء الله استانستي
لينا وهي باقي مستغربه: اييييييييه العزيمه هههههه لا تجننن بس مشاري تبي شي يعني معليش بس مو عادتك ابد تسال
مشاري: مين جا ؟
لينا: مين بعد ريم زوجت خالد وام خالد وبناتها
مشاري وهو يحك راسه: بناتها ليه هم كم وحده
لينا:3 بس
مشاري: وش اسمهم
لينا وعيونها طالعه: نعم مشاري انت وش تبي بالظبط
مشاري وهو مرتبك : لا بس اسولف تدرين سلام وطلع من الغرفه
ليا في نفسها: غريييييييييييبه مشاري بكبره يتنزل ويسولف لا ومعي انا الي حتى بالعيد ما قد عيد علي غرييييبه بس اكيد وراه شي ليش سال عن بنات ام خالد اصلا هو عارف انهم 3 وانهم سارا وديما ولميا يستهبل ليه والله ان وراه شي لا وشي كبير بس مردي اب اعرفه
---------
(في بيت عبد الرحمن )

بدر الي كان مره متروع نزل بدون شماغ وثوبه ماغيره بعد العزيمه
منيره: يمه بدر وش بك وين طالع بذا الشكل
بدر: يمه اذا رجعت قلت لك
منيره: بدر بدر استنى طيب كلمني بدر
منيره: عبد الرحمن شف ولدك وين طلع
عبد الرحمن : خير وش فيه
منيره: بدر طلع
عبد الرحمن: وين
منيره: مدري
عبد الرحمن: ابتصل عليه

(بدر في السياره تفحيط يانواف لا ومعك لميا الله يستر الله يستر شوي وجواله يدق الغالي يتصل بك بدر يطالع جواله )

بدر: يووووووووه ابوي وش اقوله
بدر: احسن شي اقفله

(وقفل بدر وجواله )

(بعد تقريبا نص ساعه وصل بدر لمكان الحادث )

(بدر فتح جهازه واتصل على لميا )

بدر: الووو
سلطان: نعم
بدر: انا اخو لميا وينكم
سلطان: عجل تكفى الاسعاف ما جا واخوانك ينزفزن
بدر: طيب طيب وينكم
سلطان: في نهاية الشارع
بدر: طيب وش اخبارهم
سلطان: الولد فاقد وعيه تماما والبنت تفقد وتصحى
بدر وهو قلق اكثر: ارفع يدك انا وصلت
سلطان: هذاني تشوفني
بدر: ايه ايه

(كان بين بدر وسلطان كم متر بس لان بدر كان خايف على خوانه ظرب بريك قبل لا يوصل وقام يركظ عندهم واول ما وصل ..... )

بدر: لمياااااااااا
لميا سمعت حس اخوها بس مو قادره تتكلم و قامت تظغط على يد سلطان
سلطان: نعم لميا
لميا بهمس: بدر وينه
سلطان: هذاه جا
بدر اول ماوصل: لو سمحت ركب نواف بالسياره وانا بشيل لميا معليش بتعبك معي
سطان: حاظر ولا تقول كذا الناس للناس

(وجا بدر وشال لميا ولف يده على خصرها ويده الثانيه تحت ظهرها وركب للسياره شالها قرب راسها لصدره وسدحا ,, اما سلطان شال نواف وركبه جمبه وسدح المقعده)

--------------
(في بيت عبد الرحمن )

عبد الرحمن وهو معصب: طيب يا نواف تقولي نص ساعه والحين 2 وما جيت انت ولميا لاكن طيب شغلكم عندي
منيره: وانت الله يصلحك ليش توافق له انه يروح تعرفه مرجوج
عبد الرحمن: قلت صار رجال ما بكسر بخاطره قدام اخته لاكن يصير خير طيب
-------
(سارا الي تعودت ان بدر قبل لاينام يمرها)

سارا وهي نازله من الدرج: ماما ماما وين بدر
منيره: والله علمي علمك طلع ولا ادري وينه
سارا: طيب نواف ولميا وين
منيره: من يوم افترقو عننا ماجو
سارا:دقيتو عليهم
منيره: ايه بس محد يرد
سارا: يمه انا بطلع اكمل شغلي على الجهاز توصين شي
منيره: لاسلامت عمرك

(سارا راحت لامها وحبتها على راسها)

---------
(في السياره )

لميا وهي في حضن اخوها بعد مافتحت عيونها: بدر
بدر وهو يقرب راس اخته لصدره:عيون بدر
لميا: وين نواف
بدر: نواف قدام
لميا: وين بنروح
بدر: للمستشفى
لميا وعيونها تدمع :نواف فيه شي ؟؟!
بدر:ماادري
لميا وهي تشد ثوب اخوها:بدر بدر تكفى قولي !!
بدر وهو يمسح علىشعر اخته: والله ما ادري !
لميا قامت تشاهق: انا السبب !
بدر: الا كيف صار الحادث؟!
لميا: رحنا نفحط واخوك الغشيم طلع رخمه
نواف فجاه: اقول احترمي نفسك انتي الرخمه اول دقه طرتي يالماصله
لميا وهي معصبه: اقول اسكت لا اجي اشدخ راسك زياده
نواف وهو يلتفت:أي اقول اها بس أي ياظهري
لميا :اقول لاتتحدى
تدخل بدر بسرعه: لاحول الحين اعور ويناقر
سلطان: هههههه
نواف: انثبر انت خير قاط
بدر بعصبيه: اقول اسكت تراه ظافك انت واختك في سيارته
نواف: ليه وين بنروح
لميا: للمستشفى
نواف: يعني بنتنوم
لميا:الله ينومونا ولا فيه مدرسه ياسلااااااااام
نواف: ايه والله وناااااااااساااااااااااا
بدر: الحمد لله هذا وانتو تعبانين

(طبعا سلطان كان مركز المرايه على لميا ومن باب اللطف يبتسم لها وهي كل ما طاحت عيها بعينه طلعت لسانها وسلطان كان مره مستانس على حركاتها الطفوليه)

(جوال بدر يدق ............الغالي يتصل بك )

لميا :مييييييييين؟؟
بدر:اف الوالد
نواف تعدل:أي أي تكفى نواف لاترد
لميا:ايه ايه امااااانه
بدر: موب راد
لميا: طيب لو رحنا للبيت وش بيسوي لنا
نواف: هاه ذي الي ماحسبت حسابها
لميا: الله يعين
بدر:اصلا بتوصلون مخدرين من البنج
لميا:هاه بنج ابره لاااااااااااااااا
بدر: موب على كيفك
لميا: لا لا لا اصلا ما بانزل
بدر: بعد موب على كيفك
لميا وهي تجر ثوب سلطان من ورى: هيه انت ياصديق ودينا للبيت مانبي مستشفى
سلطان وهو فاطس ضحك: ههههههه اولا انا سعودي بعدين اخوك ينزف وانتي بعد والا تبون تموتون
لميا: لا لا بس ابره لااااااا لااااااا الله يخليكم
نواف: افا يالرخمه
لميا: اقول اسكت ان شاء الله يقطعون بطنك بسكينه كبيره مره ويدخلون فيه مواصير وتصبب دمان ويعطونك 10 ابر كبيره مره
سلطان:ههههههههه والله انك توحفه
بدر الي حس انه مو مرتاح: لميا خلاص
لميا حست بنبرة الحزم الي ما تعوتها في بدر: طيب
بدر قرب لاخته مره وبصوت خفيف: لمو عدلي الطرحه وتغطي
لميا: يديني فيها قزاز سويني انت

(بدر قام يعدل طرحة اخته وهو يحاول ما يعورها وسلطان لاحظ هالشي وقام عدل المرايه الي مره كانت مركزه على لميا بس قبل ابتسم لها وهي طلعت لسانها عليه )

سلطان ابد ماتحمل المنظر الطفولي:هههههههههه
نواف: سلامات
سلطان حس انه ماله داعي:هاه لا ابد سلامتك
نواف وهو يتحلطم: الحمد لله والشكر على نعمة العقل
بدروهو يقرب راس اخته لصدره ويحبها في الجزء الي ما فيه جروح: لمو حبيبي الحين بنوصل مو تسوين حفله ان شاء الله البنج ما يعور
لميا وعيونها مليانه دموع: لاااا اخااااف
بدر وهو يوخر الشعر عن وجه اخته: انا بدخل معك لا تخافين
لميا: والله صدق
بدر: ايه صدق
--------

___________________________________________