عنوان الموضوع : أقدار من سابع سما .... (روايتي الجديدة) - رواية جميلة
مقدم من طرف منتديات الشامل

السلام عليكم ورحمة الله وبركاته

كيفكم ايش اخباركم؟؟؟

هذي اول قصه لي انزلها في هالمنتدى وان شاء الله الاقي عليها اقبال و تشجيع منكم عشان اكملها


ورح تتعرفون على الشخصيات من خلال القصه واتمنى انها تعجبكم



اختكم

candy shop

واللي حاب ينقل القصه او يعطي رايه من الضيوف او الاعضاء هذا ايميلي




( الفصل الاول )


طق طق طق
بسام: ادخل
مدت سهاد راسها من الباب وعلى وجهها ابتسامه حلوه: هاي
لف بسام بكرسيه اللي يدور ناحية الباب وابتسم لاخته: هلا سهادي تعالي ادخلي
دخلت سهاد بخفه زي عادتها وهي لابسه فستان قصير للركبه ابيض وكت .. جت عند اخوها وهي لازالت مبتسمه : شفيك مانزلت اتغديت معانا تحت؟؟
بسام: مالي نفس
سهاد: بسام انت من رجعت من لندن وانت مو على بعضك .. قول لي شفيك؟
بسام حط يده على راس اخته ومسح على شعرها: حبيبتي لاتحاتين مافيني شي بس انا قلقان عشان النتيجه حقة الاختبارات انا حاس اني ماسويت كويس .. بس هذا هو الموضوع
سهاد: طيب تعال اجلس معانا برا مو حلو تجلس لحالك هنا
بسام ابتسم مره ثانيه لاخته: طيب روحي وانا جاي وراك
سهاد: لا انا عارفه لو رحت وانتظرتك تلحقني مارح تجي يلا قوم معاي الحين كلنا برا جالسين ومستانسين

قام بسام مع اخته ونزلوا للصاله اللي يجلسون فيها دايما وكان في لعب ووناسه

سيرين: قسما بالله يا هناء ان طالعتي بورقي لافقعلك عيونك
هناء: انتي خبي ورقك زي الناس طيب عشان محد يشوف
جوري: يللللا سيريييييين دورك
سيرين: طيب وجع شفيك ماعندك صبر
رمت سيرين رقم 2 قلب وعصب منها زياد
زياد: يالللللله حطي ورق زي الناس يابنت الحلال
سيرين: هذا اللي عندي يؤؤؤ

نزلوا سهاد وبسام بهاللحظه
سهاد: ليش بديتوا سكه جديده ياسخاااافتكم عيدوها عيدوها مالي دخل
سيرين: مافي محد قالك تطلعين فوق .. استني بس نخلص وتعالي
بهاللحظه صرخت نجلا: هنننننننننند جبت هنننننند هند هند هند
سيرين: وجع يوجع خشتك تونا باديين اللعبه .. اكيد غشيتي
نجلاء: لاماغشيت انا ورقي كان حلو من البدايه
سعود وياخذ الدفتر اللي معاه عشان يسجل النقاط: هذا ثاني هند تجيبينه نجول خفي علينا يابنت الناس
سهاد: عيدوا اللعبه من البدايه بسام يبي يلعب معنا
سيرين: ايه احسن هالنجيله قاضيه علينا
نجلاء: نجيله بعينك
سعود: بس يالله خلاص اجلسوا .. وسعوا الدائره عشان سهاد وبسام يجلسون ... ويالله اسحبوا ورقه اللي عنده اكبر رقم هو اللي يوزع

بسام كان يلعب معاهم بجسمه بس اما عقله كان في وااااادي ثاني ... حس براحه وحس انه صار احسن الحين بعد ماجلس مع اخوانه واخواته ولعب معهم لعبتهم المشهوره (كمكان) دااايما يلعبون هاللعبه وتسير احلا اذا كان سعد وزيد وسارا زوجة سعد معهم .. وقتها تسير العائله كامله

.......................................

... لندن...

في شقه صغيره في وسط زحمة وازعاج مدينة الضباب
تركي: كله منك اصلا انا قايل من اول ماله داعي هاللعبه الحقيره اللي سويتها
راكان: وانا شدراني انها ماقالت له ... انا قلت اننا بس نساعده يغير جو
تركي: محد رح يتحمل مسؤوليتهم غيرك .. انت اللي ربطتهم ببعض دورلك طريقه يالفالح عشان تبعدهم عن بعض
راكان جلس عالكنب واتكلم بلكنه غير مباليه: تتوقع يعني انه رح يكمل معاها بعد مادرى عنها .. مجنون انت .. بسام ماهو اهبل عشان يستمر معاها
تركي جا لعنده ونظراته حاده: والله انا اللي شايفه انه متعلق فيها واجد واذا طلع يحبها ياراكان رح تكون مصيبتك اعظم
راكان عصب من كلام تركي: انت شقاعد تقول؟؟؟ ايش اللي يحبها ومدري ايش .. حتى لو كان يحبها يالفالح .. مجرد انه درى هي ايش رح تخليه يكرهها من كل قلبه
تركي: طول عمرك ماتفهم ولا رح تفهم الحب ياراكان .. اللي يحب بصدق مايكره حبيبه لو ايش ماكان

تركه تركي وراح غرفته وسكر الباب .. اما راكان ماكان هامه وعارف انه بسام مارح يرجع ل Bellatrix.... بعد ما عرف اللي عرفه عنها ... راح للمطبخ وسواله ساندويتش ... حاول يدق على بسام بس بسام مايرد عليه او يعطيه بيزي .. عرف انه مو وقته يكلمه الحين .. دخل الغرفه لقى تركي جالس عالمكتب ويدرس .. راح عند سريره وانسدح

تركي وراكان اخوان واصحاب بسام وعايشين مع بعض بنفس الشقه هم الثلاثه .. شخصية الاخوين متناقضه مره وكل واحد له تفكير مختلف عن الثاني وطريقه للحياة مختلفه ... بس مع كذا منسجمين مع بعض وعايشين مع بعض مبسوطين لان مالهم الا بعض بهالغربه اللي هم فيها ... راكان اكبر من تركي بسنه وشوي .. بس اي احد لما يعيش معهم يحس ان تركي اكبر لانه عاقل ورزين اما راكان الللي ماخذ الدنيا وناسه ولعب

راكان: ممكن ماتسوي ازعاج وانت تدرس .. ماتشوف اني ابي انام
تركي: انت نايم بوقت ما الناس تدرس يعني انت اللي قوم وسويلك شغله ثانيه غير النوم مو انا
راكان: عن الفلسفه بس ... انت اللي مسوي فيها دافور وماخذ صيفي... ادرس بهدوء خل غيرك يرتاح
تركي بطنز: ترتاح من ايش ياحسره وانت توك قايم من النوم ماسارلك 3 ساعات على بعض
راكان : مالك دخل انا حرررر اسوي اللي ابي
تركي: خلاص وانا بعد حر واسوي اللي ابي وبدرس بصوت عالي .. عادي انا حررر

كانهم اطفال يتناقرون .. طول وقتهم كذا .. مناقر في مناقر .. بس مناقراتهم ماتتعدى الكلام ومحد يزعل من الثاني لانه في نظرهم هم قاعدين يمزحون مع بعض

.................................................. .......................................

.... اسكتلندا (ابردين) ....

سعد: مارح تجي مدرسة العربي اليوم؟
زيد وهو مندمج مع الفلم الكرتون: no she's not
سعد: وليش طيب ماهي جايه اليوم؟
جت سارا من المطبخ المفتوح عالصاله ومعاها كاسين عصير وجلست جنب زوجها: تقول ان ولدها تعبان وبتاخذه المستشفى ورح تجي بكرا بدل اليوم
اخذ سعد منها العصير وشرب منه: زيد يا بابا وخر من التلفزيون لاتلصق فيه كذا
سارا: اسمع حبيبي .. وحده من البنات عازمتني في بيتها وابي اروح
سعد: طيب روحي بس متى العزومه؟؟
سارا: كذا عالساعه 9 الصباح
سعد: اف ليه بدري كذا؟؟
سارا: هي عزومة فطور
سعد: طيب مو مشكله
سارا: رح تتاخر في الشغل بكرا بعد؟؟
سعد: ماادري والله على حسب
رن التلفون وقام زيد يشوف مين ... بعد دقايق قفل زيد السماعه
سعد: مين عالتلفون؟
زيد: هذا صاحبي دايفد .. عادي اروح بيتهم؟؟ يبغاني اجي بيته لان ادوارد وماركوس جايين هناك
سعد: طيب روح بس لاتتاخر عالساعه 7 تجي عشان تنام بدري .. بكرا مدرسه
زيد طار لغرفته مبسوط ولبس ملابسه بسرعه وطلع من البيت .. ولان بيت صاحبه قريب يخليه سعد يروح لحاله لان بيت صاحبه بنفس حارتهم

نقدر نقول ان حياتهم هاديه وسعيده .. كل الاطراف فيها راضيه عن موقعها بهالبيت الصغير . سعد الزوج اللي يحب زوجته ورجال البيت والاخ الكبير اللي يهتم باخوه الصغير زيد كثير ... سارا الزوجه اللي تحب زوجها وتدور رضاه وتحاول كل اللي تقدر عليه عشان تخلي مملكتها الصغيرة عامره للابد .. زيد الطفل الصغير اللي مسوي جو بالبيت عايش مبسوط مع اخوه اللي يحبه مررره فوق كل شي وزوجة اخوه الطيبه اللي هو بعد يحبها ويمضي اغلب وقته معها

سارا: شفيك حبيبي سرحان؟
سعد: لا بس افكر
سارا: في ايش؟
سعد: افكر في زيد ... كبر ووصل لسن رح يسال فيه كثير عن امي و ابوي ... رح يهتم فيهم كثير هالفتره وسنه الحين حساس مابي فقدهم ياثر على نفسيته وعلاقاته مع الناس
سارا: لاتخاف عليه ماشاء الله زيد شخصيته قويه مع انه لسه طفل .. وانت مو مقصر معاه ... لاعبله دور الاخ والام والاب بوقت واحد .. يعني لا تشيل هم وزيد بخير طول ما هو معاك


وصل زيد لبيت دايفد ودق الجرس
Mr. Thomas: hello Zaid how r u son?
مستر توماس: اهلين زيد كيفك ياولدي؟؟

Zaid: hi Mr. Thomas I'm fine... what about u?
زيد:هاي مستر توماس انا بخير .. انت كيفك؟

Mr. Thomas: I'm fine too son… comes in; David is waiting for u upstairs
مستر توماس: انا بعد كويس .. تعال داخل , دايفد يستناك فوق

دخل زيد البيت وهو مبتسم : thank you Mr. Thomas
شكرا مستر توماس

طلع زيد لغرفة دايفد اللي عارف هي وين لانه يجي كثير عنده .. فتح الباب لقى ادوارد و ماركوس و دايفد متجمعين حول شي بالارض

Zaid: hi boys
زيد: هاي يااولاد

Edward: hey Zaid… come here u have to see this
ادوارد: هاي زيد ... تعال هنا لازم تشوف هذا

جا لعندهم زيد وجلس معاهم عالارض وسار يطالع معهم في علبة قزاز داخلها يرقه قاعده تتحول لفراشه .. وقاعدين يراقبوها وهي قاعده تتحول

Marcos: look at that … that's really disgusting
ماركوس: شوفوا هذا ... من جد مره مقرف

Edward: bloody hill
ادوارد: ( الصراحه هذا مصطلح انجليزي لما نشوف شي ومايعجبنا او شي ونبي نعلق عليه .. هم الانجليزيين يقولون كذا)

Zaid: look look I can see her wing
زيد: شوفوا شوفوا اقدر اشوف جناحها

David: oh my goodness… it's painful, isn't it?
دايفد: اوووه ياربي... يعور صح؟؟

Marcos: hhhhh don't be fool David… it is an insect
ماركوس: ههههههه بلا غباء دايفد هذي حشره

Zaid: incredible… how did you get this?
زيد: فظيع ... كيف جبتوها؟

Edward: we stole it from the school
ادوارد: سرقناه من المدرسه

Zaid: oh no… u r not series?
زيد: يووه .. من جدكم؟

Marcos: thank God that teacher didn't see us… oh no boys that’s really
disgusting… just put it away David
ماركوس: حمدلله بس ان المدرس ماشافنا .... يوو يااولاد هالشي مررره مقرف .... حطه بعيد يا دايفد

Zaid: what r u going to do if the teacher find out?
زيد: ايش رح تسووا لو المدرس اكتشف انكم سرقتوها؟

David: we didn't see and know anything
دايفد: احنا ماشفنا ولا عرفنا شي

Edward: don't worry Zaid that teacher is a mental person… he will never find out
ادوارد: لاتخاف يازيد هذاك المدرس مجنون ... مارح يكتشف ابدا

Marcos: come on David, stop starry on this, take it away before I gag on you
ماركوس: يلاااا دايفد .. لاتبحلق بهالشي ... وديه هناك قبل مااستفرغ عليك

>>>>> ردود الأعضـــــــــــــــــــاء على الموضوع <<<<<
==================================

جلسوا الاولاد مع بعض يلعبون خاصة بعد ما اصر ماركوس انهم يشيلون البرطمانه اللي فيها اليرقه لانه حس بالقرف منها .... مر الوقت وسارت الساعه 6 ونص و ادوارد وماركوس راحوا بيوتهم وماظل الا زيد و دايفد

David: my parents traveled to Australia twice when I was young… and this is some photos of them… see, I was so ugly… so, what about your parents… where did they travel?
دايفد: امي وابوي سافروا استراليا مرتين لما كنت صغير... وهذي شوية صور لهم .. شايف كيف انا كنت بشع ... ايش عن امك وابوك ... وين سافروا؟

Zaid: I don't know, both of my parents died when I was 3 years old… but I traveled with my brothers and sisters to Lebanon… that was incredibly fun.
زيد: مااعرف.. امي وابوي ماتوا لما كان عمري 3 سنوات .. لكن انا سافرت مع اخواني واخواتي لبنان .. كان مررره وناسه

David: what's Lebanon??
دايفد: ايش لبنان؟

Zaid: it's an Arabian country… you have to go there with your family… it's incredibly beautiful… oh I have a better idea, why don't u come with me when we going to travel to Saudi Arabia… you can see all my family there
زيد: دوله عربيه .. لازم تسافرلها مع اهلك .. تراها مرررره حلوه ... اوه تدري عندي فكره احسن .. ليش ماتجي معاي للسعوديه لما نروحلها .. رح تشوف كل عائلتي هناك

David: are the people nice in there?
دايفد: الناس طيبين هناك؟

Zaid: of course
زيد: طبعا

David: cool, so I can see all your brothers and sisters there
دايفد: كووول .. يعني اقدر اشوف كل اخوانك واخواتك هناك؟؟

Zaid smiling: yes, and all of my big family, I have a lot of uncles and aunts
زيد ابتسم: ايه وكل عائلتي الكبيره ... انا عندي عمات واعمام كثير

David: how many?
دايفد: كم؟

Zaid: I have 7 uncles and 5 aunts
زيد: عندي 7 اعمام و5 عمات

David: wow… unbelievable, I'm only have 1 uncle and 2 aunts and my father
always said that he has a big family
دايفد: واااو ... شي مايتصدق ... انا بس عندي واحد عم وعمتين ودايما ابوي يقول انه عائلته كبيره


مر الوقت وهم يسولفون هالسوالف البزايريه حقة الاطفال .... سارت الساعه 7 ونص ورجع زيد البيت



..................................

كل فرحه ولها منغص ... وهي اللي مامر على زواجها سنه وتتفاجئ بهذا الخبر اللي كسر وحطم كل الامال والاحلام اللي كانت تبيها تتحقق ...طلعت من المستشفى و ركبت السياره وهي بعالم اخر .. طول الطريق والدمعه على طرف رموشها بس ماتبي تنزلها ... وصلت البيت .. راحت على طول لغرفتها بعد مااعطت الفلوس لسواق التاكسي ... دخلت الغرفه بهدوء ولقت حبيب عمرها نايم ... هنا بكت بس بكت بصمت عشان ماتزعجه وتصحيه ... لكنه صحى لانه حس بنوع من الازعاج في الغرفه ... فتح عيونه الا ويلاقي هنادي على الارض وضامه رجلينها ودافنه راسها وتبكي ... قام بسرعه لعندها

سامي: هنادي... شفيك؟
هنادي زادت تبكي وتشهق بصوت عالي .. سامي هنا خاف عليها من جد
سامي: هنادي حبيبتي شفيك شصاير لك؟؟ ليش تبكين كذا؟؟
هنادي رفعت راسها ومسحت دموعها: مافيني شي ... بس حسيت بضيقه وبكيت
سامي: هنادي فيك شي؟؟ قوليلي شفيك مو معقوله تبكي كذا عشان ضيقه
هنادي ابتسمت غصب: صدقني حبيبي ... بس حسيت بكتمه وبضيقه بصدري قمت بكيت
سامي سكت لانه عارف ايش قد هنادي حساسه ويمكن انها اشتاقت لاهلها وحست بضيقه من الغربه عشان كذا بكت
سامي: طيب قومي نتمشى شوي يمكن تخف ضيقتك
هنادي حبت تسايره ووافقت ... مابغت تعارض وماتروح ويحس انه في سبب ثاني خلاها تبكي كذا...
دخل هو اخذله شور سريع وبدل ملابسه ... اما هي راحت عند تسريحتها ومسحت دموعها وشافت عيونها حمره شوي من البكي ... جا لعندها سامي وضمها من ورا وهي سارت تطالعه من المرايه ... باس كتفها وقال لها : مابي اشوف عيونك الحلوه تدمع دمعه وحده
هي ابتسمت وهي تطالع في انعكاس صورته بالمرايه
سامي: يلا نروح ... انا مفكر اعشيك في مطعم جديد توه انفتح .. شرايك؟
هنادي: اللي تشوفه حبيبي
مسك يدها وطلعوا من البيت ... فضلوا يروحون المطعم مشي دامنه مو مره بعيد والجو حلو ... دايما تحس باحاسيس لذيذه لما تكون يدها بيد سامي .. تحس بالامان والدفا ... دمعت عينها لما تذكرت اللي قاله لها الدكتور بالمستشفى ... ياربي الحين شلون اقول له ... لو قلت له اكيد رح يزعل وينصدم وانا ماابي اشوفه حزين او مكتئب انا ابيه مبسوط وفرحان ... خلاص احسن شي مااقول له ... مو مهم عندي اذا اتعذبت واتالمت .. اهم شي هو ... هو وبس ومستعده اضحي باي شي عشان سعادته .. وابتسمت
سامي: ليش تبتسمين؟
هنادي وسعت ابتسامتها: لاني لما اكون معاك اكون مبسوطه
سامي اخذ يدها وباسها: وعد مني اني لابسطك طوووووول ماانا عايش
وصلوا المطعم الجديد ... كان ديكوره هندي نوعا ما ... طلبوا شي خفيف ياكلونه ... بس الافكار سارت تروح وتجي براس هنادي لكن قطع عليها التفكير صوت سامي
سامي: اقول هنادي
هنادي: هلا
سامي: ايش صار على هذيك الكحه الغريبه اللي كانت تجيك
ارتبكت هنادي: لا ماهي شي .. رحت عند الدكتور قال لي انها التهاب بسيط واعطاني دوا وخفت الحين
سامي: طيب ليش طالبه اكل حار ... الفلفل يزيد الالتهاب
هنادي: لا عادي مو مشكله اصلا هو التهاب بسيط
سكت سامي ورجعت هنادي لافكارها اللي كل ماتروح من بالها لحظات وترجعلها مره ثانيه

__________________________________________________ __________
.................................................. .

نرجع للسعوديه وتحديدا في جده عروس البحر الاحمر

سميره (زوجة العم عبدالوهاب) : يله يا اروى ايه هو دا سارت الساعه 9 ولسه مارحنا لبيت ستك
اروى وهي تعدل شعرها ومحتااااسه: طيب ياماما شعري مو راضي يزبط (يظبط)
سميره: ياربي منك اخلصي علينا ابوكي دحينا جي وانتي لسه حتى ماخلصتي شعرك
اروى بنرفزة: يعني هو بيت ستو رح يطير
سميره : لا تتقاوحي معايا يا بت ... هادا اللي باقي والله
راحت سميره غرفة ولدها قيس ... فتحت الباب لقته لسه نايم ولا قام لبس حتى
سميره وصوتها عالي: قيس قوم بلا في شكلك ماني مصحيتك دوبني .... قوم فز جتك البلاوي
قيس بصوت ثقيل من النوم: يوووووووو ايش في ايش في
سميره: قوم فز البس رايحين بيت ستك
قيس: ماابغى ... ماابغى اروح بيت ستي ... ابغى اجلس في البيت
سميره: ايمانا بالله يا قيس ازا ماقمت قوامن ( قوامن يعني الحين وبسرعه) رح تشوف شغلك

طلعت سميره من غرفة ولدها ... سميره بطبيعتها متسلطه لابعد حد ... تحب هي تكون في نص الدائره ... والنقطه المنصفه لكل وتر في هالدائره

جا عبدالوهاب للبيت ولقى سميره نازله من الدرج
عبدالوهاب: رايحين بيت امك الحين؟
سميره وهي تجلس عالكنب: ايوا .. بس باقي بنتك البارده اروى وولدك اللي بس نايم زي حريم النفاس
عبدالوهاب: وانتي على ايش مستعجله خلاص بس يجهزوا روحوا
سميره: انا قايلتلهم من العصر يجهزوا بس هم كدا مايحبوا يجهزوا الا على اخر دقيقه ولا وكمان يتلكعوا
مارد عبدالوهاب عليها لانه عارف الجدال معها ضايع ... حب يغير السالفه
عبدالوهاب: ترا حاجز سفرنا للخبر بعد اسبوعين
ازهار اللي كانت نازله من الدرج سمعت ابوها ايش قال: من جددددددد
نزلت بسررررعه وجلست بقوه عالكنب: من جد يبا رح نسافر الخبر بعد اسبوعين؟
عبدالوهاب ابتسم لبنته: ايوا من جد اجل تحسبيني اكذب
ازهار: لا يبا حاشاك انا بس مو مصدقه

ازهار واحمد وعبدالوهاب الوحيدين اللي يتكلمون زي اهل الخبر ولهجتهم زي اهل الخبر ... مو عشان شي بس لسانهم ماخذ على هاللهجه اكثر من الحجازي ... على عكس قيس واروى

سميره: شايفتك مبسوطه لانك رايحه
ازهار وسعت ابتسامتها: اكييييد ... كل بنات اعمامي وعماتي هناك واشتقت لهم
سميره: طيب لاتنسي ترتبي شنطك من بدري عشان تشتري اي شي ينقصك
ازهار: ايه انشاء الله ... متى تبونا نروح عند جدتي؟؟
سميره: بس يشرفوا اختك واخوكي رح نمشي
نزلت اروى ومدت راسها من الدرابزين : ازهاااار فين حطيتي السشوار؟؟؟
سميره : وايش تبغي بالسشوار دحينا؟؟
اروى: خربت اللفافات قمت غسلت شعري ودحينا ابغا اسشوره
سميره عصبت: حسبي الله عليكي من بنت ... يابت انتي رايحه بيت ستك منتي رايحه فرح كدي شعرك ( مشطي شعرك) وتعالي بلا كلام فاضي
عبدالوهاب و ازهار تموا يضحكون على هبالة اروى و عصبية سميره

الحياه في عروس البحر الاحمر صاخبه... والصخب يولد التوتر .... والحياه في هالبيت مليانه توتر وعصبيه وتسلط من الام ... وبنفس الوقت مليان حب وحنان من الاب ... المفروض الادوار تكون متبادله .. لكن احيانا نواجه مشاكل من هالنوع ... ام متسلطه واب حنون ... ياترى كيف رح تكون حياتهم؟؟

.................................................. ................
.... الظهران (ارامكو)......

بعد ماخلصوا لعب بالورق ... جلسوا يتفرجون فلم ... بس في واحد منهم مو قادر يعيش الجو اللي هم عايشينه .. لازم يرجع ويشوف السالفه ... لازم يفهم منها ... لازم يسمعها مو يمكن تكون مظلومه ومتبليين عليها .. ولا راكان قال لي كذا عشان اتركها ... ااااه بس ااااه احس النار تاكلني ... ماني قادر اصدق ولا استوعب للان
... حس فجاه في احد قاعد يلوح بيده قدام عيونه ... رجع للواقع
نجلاء: بساااااااااااااااااااام
بسام بصوت واهن وضعيف: هلا
نجلاء: شفيك؟؟ من زمان اناديك وانت مو بالدنيا
بسام وهو يقوم: مافيني شي
طلع لغرفته ورمى نفسه على السرير ... فتح عينه بهدوء .. رجعتله الذكريات ... رجعتله اللحظه اللي شافها فيها ... اول كلمه ... اول همسه ... اول نظره ... كانت اجمل مخلوق شافته عيونه .. كانت بريئه هاديه جميله بكل معنى الكلمه ...

خلصت اخر محاظره اخيرا... طلع من قاعة المحاظرات وهو تعبااااان ونفسه عند خشمه لو يجي احد يكلمه رح يصفقه بالكتاب اللي بيده .. جا بوجهه راكان
راكان: هلا بو البس
بسام من دون نفس: هلا والله
راكان: شفيها اخلاقك بخشمك
بسام: انت قلتها ... اخلاقي بخشمي يعني تكفى اتركني بحالي الله يعافيك

وهم ماشين بالحديقه اللي بالجامعه جلس راكان فجاه بخفه على الحشيش الاحضر
راكان: وايش اللي حارق اخلاقك كذا؟
بسام: كذا طفشان وزهقان وملان وقرفان عيشتي هنا
راكان سحب سيجاره وولعها : ياعمي احمد ربك
بسام جلس على الكراسي الحجر الموجوده بحيث يكون راكان قدامه بس عالارض : الحمدلله ... بس خلاص انا ماعدت اطيق الحياه هنا ... ياعمي طفي هالقرف اللي معك
راكان: اتركك من القرف اللي معي وخلينا نفكر بطريقه تخليك تطيق الحياه هنا .. مو طايقها لانها مو عاجبتك ... مو عاجبتك يعني الحياه اللي كنت فيها اول عاجبتك ... تحليل منطقي صح ... (تحولت ملامح راكان للجد) ياغبي تبي تفهمني ان الحياه بالسعوديه عاجبتك
قام جا تركي فجاه من ورا راكان : وليش ماتعجبه يا خواجه راكان
راكان اتخرع : وجع ان شاء الله بغيت تموتني
تركي: خلاص هذاك بعدك حي ما مت ... المهم ليش ماتعجبه؟
راكان: وايش عاجبه في الحياه هناك ؟
بسام: وانت ايش اللي عاجبك في الحياه هنا؟
راكان: انتوا مجانين ... يعني لو كنتوا بالسعوديه ايش كنتوا رح تسوون ؟؟ كنتوا رح تجلسون بالبيت تقشرون بصل
بسام: ليه والناس هناك كلها قاعده تقشر بصل؟؟ واحنا مصيرنا نرجع بعد ماندرس
تركي يتطنز: ايه بس لما تكون جاي من لندن رح ترجع تقشر بطاطس
بسام ضحك بقووووووه
راكان طالع فيهم نظره يعني انتوا متخلفين ولا ماتدرون وين ربي حاطكم
راكان: تستهبلون انتوا ووجيهكم اللي كنها مقلايه محروقه .. انا قصدي ان هنا كل شي في .. طالعوا حولينكم .. الجو يعني البنات
تركي: وهذا اللي براسك يا راكان البنات وبس
راكان وهو يشفط بقوه من سيجارته: ليش هو في احلا من البنات ... انتوا قارفين حياتكم لانكم مو عايشين الجو
بسام: خلي الجو لك ياخواجه
راكان اشر لورى بسام: شايف البنت اللي هناك ... اظن انها تنفعلك
لف بسام وشاف بنت جالسه عالارض ومتكيه على الشجره وقدامها كتاب تدرس منه .. مو مبين وجهها لان شعرها الاسود الفاحم طايح على جنب وجهها
رجع بسام لراكان: شفيها؟
راكان يشفط من سيجارته: اسمهاBellatrix Dilkastiyo
)بيلاتركيس ديلكاستيو)
بسام رفع حاجب: طيب؟؟
راكان: اظن ان جوكم يجي مع بعض
بسام شال جاكيته من جنبه وشال كتبه: ايه زين .. انا بمشي ... وخلي الجو لاصحاب الجو يافهيم
راكان: عشان تطيق عيشتك .. عيش الجو
بسام ولكانه سمع: مع السلامه
تركي: وين رايح؟
بسام: بروح اناااااام .. اشوفكم بعدين باي
راح بسام وبقى تركي وراكان جالسين مع بعض
راكان: اقص ذراعي من هنا .. اذا ماخليته معاها
تركي: وانت شعليك منه .. خليك بنفسك بس
راكان: اصبر ورح تشوف

لكن الرؤيه اختفت لان النور انفتح بالغرفه ... شاف سعود واقف عند الدولاب ياخذ له ملابس
بسام: رايح المستشفى؟
سعود: ايه دوامي رح يبدا بعد ساعتين ... بسام ايا كان الموضوع اللي شاغلك ... لا تفكر فيه
بسام: ماقاعد افكر بشي
سعود: تعرف انك ماتقدر تكذب علينا وتصرفاتك مكشوفه وواضحه
بسام: مافيني شي بس متضايق
بهاللحظه دخل زياد وجلس على سريره وطلع تنهيده طويله : سعود بس تطلع طفي النور

بغرفة البنات كان تقريبا الكل منسدح على سريره مستعد ياخذ له غفوه بسيطه ... دايما بهالوقت ينامون شوي
هناء وهي مسدوحه عالسرير: نفسي اعرف انتي ليش معطيه للموضوع اهميه؟
جوري: مو معطيته اهميه .. هو مهم من الاساس
سهاد: انا اشوف لو تطنشين الموضوع احسن ... دايما هذي سخافات البنات في المدارس
جوري: بس ماتوصل لهالدرجه
سيرين من تحت بطانيتها: ممكن تسكتون عشان اعرف انام
جوري: اصلا لو تشوفونها وهي تكلمني ... لو تشوفون شكلها مستحيل تقولون انها بنت ... شكلها شعرها مشيتها طريقة كلامها كلها زي الاولاد
سهاد: طيب عادي جوجو هالاشياء تحصل دايما ... انتي لاتعطينها وجه
جوري: انا مااعطيها وجه هي اللي تتلزق فيني
هناء: جوري ... هذول ناس مريضه ... احسن شي تسوينه انك تشتكي عليها بالاداره ... وبعدين يمكن هي شخصيتها مسترجله وتمشي معاكي مو معناته انها معجبه
سهاد تتطنز: وعلى ايش ياحسره ههههههههههههه
جوري: انطمي بس ... انتي مقهوره لاني احلا منك
سهاد: انتي احلا مني ... ههه فششششششر ياحبيبتشي ( تقلد لهجة اخواننا المصريين)
سيرين من تحت البطانيه مره ثانيه: وبعديييييييين
هناء: مثل ماقلت لك مو شرط تكون معجبه فيك .. يمكن هي كذا مسترجله وتجلس معاكي عادي مافيها شي
سهاد: ايه يعني لاتصدقين نفسك ان عندك معجبات
هناء: وبعدين الظاهره هذي ماسارت موجوده الحين خلاص الناس كبرت وفهمت
سيرين بصوت عالي لان طفح الكيل عندها: وووووجع ان شاء الله اسكتوا ماتخلون الواحد يعرف ينام
سهاد: لاتصارخين كذا ياغبيه رح يسمعوك الجيران
سيرين: والله انتوا اللي لازم نسد فميمكم بسدادات عشان تسكتون ... يعني كنتوا جالسين بالصاله ليش ماحلالكم السوالف وقت ما الناس تحتاج تنام
هناء: طيب خلاص بنسكت اسكتي انتي اول ... تسكتنا ويوم سكتنا مارضت تسكت



نهاية الجزء الاول

ايش حكاية بسام ... وايش سالفته مع بيلاتريكس ؟
هنادي ياترى ايش فيها ؟؟ وايش اللي قاعد يدور براسها؟
سعد وسارا وزيد وحياتهم في اسكتلندا ياترى رح يستجد فيها شي؟؟؟
كيف رح تكون حياة عائلة العم عبدالوهاب في جده مع تسلط امهم ؟؟

القصه لسه فيها جوانب ماانكشفت بهالجزء ورح تبين في الاجزاء الجايه اتمنى ان البارت يعجبكم واذا لقيت تشجيع منكم رح اكمل البارت الجاي


سامحوني اذا لقيتوا اي اخطاء نحويه او املائيه بالانجليزي او العربي لان انا لسه قاعده اتعلم اتقن اللغه الانجليزيه وان شاء الله اكون استخدمتها صح

__________________________________________________ __________
رح احط لكم البارت الثاني والثالث عشان تكون القصه ماشيه مع باقي المنتديات


واتمنى اشوف تفاعلكم وردودكم وتوقعاتكم


( الفصل الثاني )


.... الخبر حي الحزام الاخضر ....

في بيت كبير وضخم ومزين بالورود والزرع ... كانت العائله تجتمع كل يوم عشان يسهرون مع بعض

في الحديقه اللي ورا البيت ... كانوا الشباب يشوون ومبسوطين ومهيصين
والبنات جالسين ومغطسين رجولهم في البركه
رانيا: يالله ياشباب اخلصوا بطننا رح يتقطع من الجوع
فهد: اصبروا يؤؤؤ هذا بدل ماتجون تساعدوننا
رانيا: مالنا دخل فيكم انتوا عليكم تأكلونا اليوم
سند: رنووووي تعالي ذوقي هذي تعالي
رانيا: مابي دامك انت اللي مسويها اخاف اموت ولا بطني يمغصني
سند: ماااااالت عليك وعلى خشتك ... احسن لاتجين تاكلينها ... رح تفوتين ثلاث ارباع عمرك

بنفس المكان بس بعيد شوي كان بسام جالس مع صديق عمره اياد .. ولد عمه وولد خالته بنفس الوقت ورفيق عمره وصديقه الروح بالروح
اياد مصدوم ومطلع عينه مترين قدام: من جددددددك ؟؟؟
بسام بياس: قول لي ايش اسوي
اياد لسه مابعد استوعب: بسام انت من جدك تتكلم
بسام: ايه من جدي ولا انا حالتي كذا من ايش يعني
اياد: ولسه بعد تبي تفكر ... لا بارك الله فيك ولا باشكالك ... بسام الموضوع مايبغاله تفكير ... ليش تضيع تفكيرك وتتعب ذهنك على وحده مثل هذي
بسام: اياد لا تقول عنها كذا
اياد : وبعد تدافع عنها ... بسام انت صاحي ولا مجنون
بسام: اياد انت ليش مو راضي تفهم انا احبهااااااا
اياد: حبك برص انت وياها قال تحبها قال ... هذي اصلا من البدايه المفروض ماتحتك فيها
بسام: انا لسه ماتاكدت من الموضوع ... يمكن السالفه مو صحيحه ... يمكن الكلام كله تلفيق عليها... مابي اتركها وانا مو متاكد ... انا معلق على حبل رفيع .. احس ان فيه امل تكون بريئه
اياد: بسام اسمعني زين... حتى لو كان الكلام اللي عنها مو صحيح .. هي ماهي من ثوبنا ياخوي ... ليش تبي تربط نفسك بوحده عاداتها وحياتها وحتى دينها غير عنك .. رح تتعب معها صدقني ... خلاص ابعد عنها .. حتى لو انت تحبها حاول تنساها
بسام بضعف: مااقدر يا اياد مااقدر ... انت مو فاهمني ... انت مو عارف هي ايش بالنسبه لي
اياد: انت بغربه يابسام ... مو هي اللي تستاهلك ... انت حبيتها لانها اول وحده طبطبت عليك وانت هناك بلحالك محتاج احد جنبك ... عشان كذا تعلقت فيها ولا مو حبا فيها
بسام: يمكن يكون اللي تقوله صح ... بس مع الايام انا حبيتها جد ... انا من جد احبها يا اياد ... انا ماني قادر اعيش بدونها
اياد زفر زفرة تعب لانه تعب من مناقشته مع بسام: طيب ايش ناوي تسوي الحين؟
بسام: افكر ارجع لندن ... واشوف السالفه بعيني واتاكد بنفسي

اما عند البركه اللي حاطين البنات فيها رجولهم
سيرين: يالللللللله شدعوه كل هذا تشوون ... لو بتشوون بقره كان خلصتوا
رزان: ههههههههه حلوه
رائد يتطنز: هي هي هي لا والله وتعرفين تنكتين
سيرين: ظف وجهك مناك بس انت الثاني
رائد: سيرينووو ... لاتكوني ناويه على هواش؟؟
سيرين: تعال كان اطقطق عظامك
رائد يستهبل: يمه منك تخوفين
طنشته سيرين ... وكملت لعب بجوالها

جتهم العمه الصغيره اسماء ... اسماء اصغر عماتهم عمرها 28 سنه ومو متزوجه .
فهد: صباااح الخير ياختي ... لا شرايك كنتي كملتي نوم لبكرا
اسماء: ليش انتوا ازعاجكم يخلي الواحد يعرف ينام
سند: خلاص بسك نوم رح تعفنين من كثر ماتنامين اخاف نجي يوم ونلاقي فوقك طحالب وفطريات

طنشتهم اسماء هم دايما كذا يتطنزوا ويستهبلوا ... راحت وجلست على الكراسي اللي قدام المسبح
اسماء: والله وتطورنا وسرنا نشرب قهوه ... من متى ؟
زياد ابتسم: ياشيخه على الاقل شي يروقنا
اسماء: شخبار شغلك؟
زياد: ماشي حاله ... وانتي كيف شغلك؟؟
اسماء: ياشيخ لاتذكرني انا الحين باجازة
زياد: والله زين .. كم مدتها؟
اسماء: اخذت اجازة اسبوع اريح فيها راسي من هالشغل
زياد: احسن لك ترا
سكتوا فتره ... زياد يشرب القهوه وتفكيره لبعييييد
اسماء: تفكر في ايش؟
زياد:اسمعي ابي اخذ رايك في شي
اسماء: وشو؟
زياد: سيرين تبي تقدم على ال cpc
اسماء: طيب؟
زياد: تعرفين ال cpc فيه ابتعاث لبرا وهي تبي تروح وانا ماوافقت لها
اسماء: ليش ماوافقت؟
زياد: ايش اللي ليش يا اسوم شلون تبيني ارسلها لحالها
اسماء: طيب شفيها هي رايحه تدرس
زياد: لا مايصير ...شلون ارسلها لحالها .. يصير لها شي هناك لا سمح الله وحنا بعيدين عنها
اسماء: طيب دام ارامكو اللي متكفلين فيها ماله داعي تخاف عليها
زياد: لا احس الفكره صعبه ... بس بنفس الوقت انا حاس انها زعلانه
اسماء: طيب ليش ماتروح معها
زياد: اسما تستهبلين انتي ... شلون اروح معها وشغلي والبيت وين اوديه
اسماء: ياذكي انا قصدي انك تروح معها بالبدايه وتتطمن على وضعها وسكنها وترجع
زياد: لا اذا انا رضيت لها رح افتح مجال لجوري ونجلا بعد انهم يدرسون برا وانا ماابي البنات يكونوا كل وحده بجهه ... يكفي سعد وزيد وبسام
اسماء: انت لاتفكر بالموضوع السنه لسه مابدت حتى... وهي لسه باقيلها سنه ... من تبدا الدراسه لين تقدم الله يلحقنا خير ... ايش صار على تسجيل سهاد ؟؟
زياد: انقبلت الحمدلله في جامعة محمد بن فهد
اسماء: ليش ماراحت فيصل؟؟
زياد: ماتبي تقول ان تعاملهم غبي ومدري ايش
اسماء: طيب مو محمد بن فهد غاليه؟
زياد: خليها تروح مكان ماتبي اهم شي يكونوا مرتاحين وان شاء الله بعدين تقدم على منحه
اسماء: لاتضغط على نفسك يا زياد
زياد: كيف يعني؟
اسماء: يعني اشوفك ترهق نفسك بزياده عشانهم
زياد: خواتي هذول كيف مااتعب عشانهم؟
اسماء: مو كذا ياخي
زياد: الا كذا وزياده ماابي احسسهم انهم عايشين بمستوى اقل من المستوى اللي كانوا فيه مع ابوي الله يرحمه ... وبعدين انا مو مرهق نفسي ولا شي بالعكس انا لما اشوفهم مبسوطين ارتاح
اسماء: الله يعينك ويعينهم

...........................................



... في مستشفى الملك فهد التعليمي ...

طلع سعود من غرفة العمليات واتجمع حوله 3 اشخاص تقريبا على وجوههم علامات الترقب واللهفه
واحد منهم: ها يادكتور بشر
سعود ابتسم لهم: الحمدلله قدرنا نسيطر عالنزيف ... رح يكون تحت المراقبه لمدة 24 ساعه ومن بعدها تقدرون تشوفونه
الرجال: الله يبشرك بالخير يادكتور ويفرح قلبك يا رب
سعود:امين ... يالله بالاذن
مشى سعود بالممر وعلى وجهه ابتسامه حلوه .. يحس باحساس حلو كلما انقذ حياة انسان ... دخل مكتبه وجلس عليه واطلق تنهيده طلع منها كل التعب اللي يحس فيه ... هالعمليه اخذت وقت طوييييل ... حس بصداع خفيف ... سمع صوت الباب يندق
سعود: تفضل
انفتح الباب ودخلت منه دكتوره حلوه هاديه صغيره .. لساتها تدرس وهي في السنوات اتطبيقيه الحين... تشبه كثير منى ابو سليمان اللي ببرنامج كلام نواعم بسبب ملامحها الهاديه
ريهام: السلام عليكم
سعود: وعليكم السلام ... هلا ريهام تفضلي
ريهام: مبروك ... سمعت ان عمليتك نجحت
سعود ابتسم ابتسامه واسعه بانت منها الغمازات اللي بخده اليسار: ايه الحمدلله .. الله يبارك فيك

داخت ريهام من ابتسامته الساحره بس مابينت له ... تبتسم له بهدوء لكن هي من داخلها بركان بينفجر كل ماتكون معه ... تحس باحاسيس جارفه ناحيته
ريهام: اوكي اجل انا استاذن ... بس حبيت ابارك لك
سعود: ولو ريهام اذنك معك والله يبارك فيك

طلعت ريهام من مكتب سعود واخذتلها نفس عميق ... يالله ياريهام شكثر انتي غبيه ماكان له داعي تروحين له وانتي عارفه مدى تاثيره عليك ... اكيد حس بشي ماهو غبي لهالدرجه هو ... افففففف ياربي ليش يصير لي انا كل هذا طاح وجهي قدامه .. خلاص من يوم ورايح لازم اقلل من كلامي معه عشان مايحس بشي

من غير ماتحس انفتح الباب اللي وراها وهي لسه غارقه بافكارها .. جاها صوته مثل الحلم لكنها استوعب بسرعه
سعود: ريهام؟؟
لفت عليه بسرعه لقته واقف قدامها وقريب مره رجعت على ورا شوي
ريهام: ااا ... انا ... اممم
سعود ابتسم: انا بروح الكافتيريا اشرب لي شي ... تجين معاي؟
ريهام انبلهت: هاا؟؟
سعود: تعالي انا عازمك
ريهام وهي للان مو مستوعبه: ط .. طط .. طيب

ومشوا الاثنين جنب بعض رايحين للكافتيريا وريهام ماشيه جنبه تحس انها رح تطيح من طولها ... ريحة عطرة تدوخها فكيف لو هو بكبره جنبها ... حست بخوف وفرح مدموجين مع بعض وقلبها تحس انه بيطلع من حلقها من قوة دقاته .... يالله ليش يسير لي كذا ؟؟؟؟

جلسوا على طاولة في الكافتيريا وسالها بصوت هادي : شتبين اجيبلك؟
ريهام: لا مو مشكله انا اقوم اجيب بنفسي
سعود: لا خليك انا عازمك قولي شتبين واجيبلك
ريهام والاحراج مرسوم على عيونها: ممم شاي بس
ابتسم سعود وراح

يااااربي ... ريهام ريهام اعقلي بليز ... لاترتبكين قدامه انتي قوية وعمرك ماانحنيتي لاحد فلا تنحنين قدامه ... يارب ساعدني احس اني بركان بينفجر لما يتكلم ... وش النهايه معاه ياربي ليش يسير معاي انا كذا ليييييش؟؟

قطع حبل افكارها سعود وهو يحط الشاي والساندويتش قدامها ... ابتسمت له وابتسم لها هو بعد وجلس قبالها
سعود وهو يحط السكر في الكابتشينو : شخبارك مع دكتور اسامه؟
ريهام هي بعد لهت نفسها بتقليب الشاي بعد ما حطت فيه السكر: الحمدلله ... مع اني ماارتحت معاه كثير
سعود: هههههه يمكن لانه جدي بزياده في الشغل ... بس انتي محظوظه لان دكتور اسامه دكتور ممتاز ورح تستفيدين منه كثير
ريهام: اكيد معك حق
سعود: فترة التدريب احلى فتره ... خاصة انه تصير فيها مغامرات كثير
ريهام: وانت ... اي نوع من المغامرات صارت لك بفترة التدريب
سعود: ما صار لي شي محدد ... بس حبيت هذيك الفتره لانها هي اللي رح تحدد شخصيتك كدكتور
ريهام: صح
سعود: مداومة لمتى اليوم؟؟
ريهام: انا توني جاية ... دوامي لـ 6 المغرب
سعود: الله يعينك
ريهام: وانت من متى موجود؟
سعود: انا موجود من امس العصر... كان عندي 3 عمليات عشان كذا طولت
ريهام: بالتوفيق يارب
سعود: ايش ناويه تتخصصين بعد التخرج؟
ريهام: ان شاء الله عظام ... بس رح اقعد يمكن سنتين بعدين ادرس التخصص
سعود: حلو ... كثير ناس يسوون كذا
فجاه دق جواله
سعود: الو .... ايوا سيرين ايش فيك؟
استغربت ريهام .. سيرين؟؟ مين تكون ؟؟ معقوله تكون زوجته؟؟
سعود يكمل المكالمه: طيب طيب مارح انسى ... انتي دقي مره ثانيه بعدين ذكريني ... خلاص ارسلي اسم الدوا مسج وانا بشوفه بالصيدليه اللي هنا ... اوكي يلا باي
ريهام فضولها ذبحها وماقدر تمنع نفسها من انها تساله: زوجتك؟
سعود: هههه لا ايش زوجتي ... هذي اختي سيرين
ريهام حست براااااحه: اها ... طيب دكتور سعود انا استاذن
سعود: ناديني سعود ماله داعي الالقاب
ريهام ابتسمت بهدوء وقلبها يرقص من داخل: ههه ان شاء الله .. يلا مع السلامه
سعود رجع ابتسم: مع السلامه

راحت ريهام وهي مرررره مبسوطه لانها اتكلمت معاه اليوم ... يااااي ايش قد انا مبسوطه

..........................................

__________________________________________________ __________
.... كندا ....

كان قاعد على الكنب في الصاله يتفرج تلفزيون ... اما هي جالسه بجسمها معاه لكن روحها وعقلها بمكاااان بعيييد ... ماترجع لواقعها الا لما تسمع ضحكاته على الفلم الكوميدي ... تضحك معاه وهي ماتدري شالسالفه وبسرعه تغوص في افكارها ... فجاه لفت عليه ونادته
هنادي: سامي
سامي لف عليها: هلا
هنادي: ابي اقول لك شي
سامي: ايش هو؟
هنادي بتردد: انا ... اممم ... انا ابي اترك الجامعه
سامي انصدم من هالقرار العجيب والمفاجئ وهي اللي كانت تتمنى تدرس هالمجال : ايش؟
هنادي: ابي اترك الدراسه
سامي لسه مو مستعب: كيف يعني ... تبي توقفين هالترم؟
هنادي: لا انا ابي اترك الدراسه بالمره ... مابي ادرس
سامي: لييييش؟
هنادي: بس فكرت انو كذا احسن لي ... الدراسه هنا صعبه وتاخذ من وقتي كثير واحس اني مابي
سامي: هنوده حبيبتي هذا مو عذر ... انتي شدي حيلك ورح تقدرين تدرسين ... وبعدين ليش قررتي كذا مو انتي اللي كنتي مره مبسوطه لانك كنتي تبين هالتخصص
هنادي قربت منه: ايه بس احس اني مو مرتاحه ... وبعدين احس اني ماني قادره اوفق بينك وبين البيت وبين الدراسه
سامي: انتي مو مقصره علي ولا على البيت بشي
هنادي: صدقني سموي ياقلبي انا مو مرتاحه بالدراسه هنا ... واحس انه احسن لي ....
قاطعها وقال: طيب طيب اسمعي ... انتي استخيري هذا احسن حل
هنادي: طيب ولا يهمك
سامي رجع قال: والله مو هاين علي تتركين دراستك وتظلي قاعده بالبيت
هنادي ابتسمت له وقربت منه زياده: مو يمكن يكون احسن عشان ادلعك كل يوم
ابتسم سامي : ويلوموني ليه احبك ... مايدرون ان عندي الماسه لو اموت ماافرط فيها
ضمها له بحنان وضغط عليها وقال: الله لايحرمني منك
انعصر قلب هنادي لما سمعته يقول كذا وحست كانها سكينه تطعنها قالت بصوت مبحوح فيه لمحة بسيطه من الحزن : ولا منك حياتي
بعدت منه شوي وقالت: لو تركت الجامعه خلاص رح اكون تحت امرك اللي تبيه رح اسويه لك حتى لو قلتلي اذبحلك خروف
سامي ضحك: يا الله يا الله كل هذا تموتين فيني
قربت هنادي وباسته في خده : واكثر بعد
ابتسم سامي بمكر: وليش في خدي؟
هنادي تطالعه بطرف عينها: ووين تبيها يعني؟
سامي : يعني شرايك؟؟
هنادي ضحكت ... قام هو ضحك بخبث وشالها بسرعه ... هنادي تصرخ وتضحك
هنادي: يووو نزلني نزلني
سامي: ششششش ولا حرف
هنادي سارت تضحك زياده
دخلها سامي الغرفه حقتهم وسكر الباب .*)

.........................................



When marimba rhythms start to play

Dance with me, make me sway

Like a lazy ocean hugs the shore

Hold me close, sway me more


Like a flower bending in the breeze

Bend with me, sway with ease

When we dance you have a way with me

Stay with me, sway with me


اتذكر اول يوم اتكلم معاها فيه ... الاغنيه اللي قاعدين يرقصوا عليها البنات في الحوش ذكرته فيها ... ليش شغلتوا هالاغنيه لييييش؟؟؟

اتذكر الحفله اللي سوتها الجامعه بمناسبة تاسيسها ... كانوا واقفين هم الثلاثه يسولفون في قاعة الحفله ... كان بسام يتناقش مع تركي في موضوع خلاه يحرك يدينه بحماس ... وماانتبه الا وهو يرجع على ورا ويده تصدم بشي ... لف وراه ولقى انه يده صدمت بقوه ببنت ولا احلى ولا حتى اروع من اي شي بالكون ... كانت لابسه فستان اسود طويل حق سهره خلا بشرتها البيضا تبين احلا من الخيال ... وكانت مخليه شعرها مثل ماهو ستايله غجري لونه اسود فاحم ... سرح شويه بوجهها الساحر ... عيونها اللي كان سوادها مثل الليل ولا خشمها المتناسق بشكل ملحوظ مع وجهها وشفتها اللي مغطيها روج احمر مخليها محلوه اكثر واكثر

Bassam: sorry … I'm so sorry
بسام: اسف ... انا اسف

….: no it's ok
....: لا عادي

راكان هنا قطع عليهم الجو اللي كانوا فيه

Rakan: hi Bellatrix … how r u?
راكان: هاي بيلاتريكس... كيفك؟

خطت بيلاتريكس نظرها للي واقف يكلمها ورجعت طالعت في بسام

Bellatrix: hi Rakan it's so pleasure to see u here
بيلاتريكس: هاي راكان شي حلو اني اشوفك هنا

نظرات بسام ماانشالت من على بيلاتريكس اللي كانت تكلم راكان ونظراتها هي بعد معلقه فيه وبوسامته اللي تذذذذذذبح
راكان راح عند الدي جي وقاله يجهز اغنيه
رجع مكان ماكانوا واقفين لقاهم على ماهم ساكتين مايتكلمون هم الثلاثه بس يطالعون ببعض

Rakan: now, why don't you sway each other?
راكان: الحين... ليش ما تمايلوا بعض؟؟

بسام طالع فيه ومعقد حواجبه: ايش؟
راكان قال ببساطه وكاس عصير البرتقال بيده: sway each other
تمايلوا بعض

اشر راكان على حق الدي جي ... وامتلت القاعد بموسيقى اغنيةsway اللي يغنيها Michael Buble
اخذ بسام يد بيلاتريكس اللي كانت مبتسمه وهي تمشي مع بسام ... بداوا يرقصون مع بعض وبسرعه امتلت القاعه بالناس اللي رقصت معاهم

راكان يطالعهم ويضحك: ماقلت لك
تركي يطالعه ويقول بطريقه يعني ان الوضع مو عاجبه: اقول خلك في نفسك بس

بسام وبيلاتريكس اللي بان عليهم الانسجام ... اتكلموا مع بعض شوي
Bellatrix: I didn't know who u r yet
بيلاتريكس: انا لسه ماعرفت مين انت

Bassam: oh … I'm Bassam
بسام: اوه ... انا بسام

لفت حولينه ومالت وقال
Bellatrix: oooh, Arabian right?
بيلاتريكس: اوووه .. عربي صح؟

بسام وماسك خصرها ويدور هو وياها على ايقاع الاغنيه: yes, Saudi
ايه ... سعودي

Bellatrix: wow… interesting, I'm Bellatrix Dilkastiyo
بيلاتريكس: وااو .. شي مثير للاهتمام ... انا بيلاتريكس دلكاستيو

بسام طالع فيها وقال: you are not British
انتي مو بريطانيه

لفت دارت مره ثانيه ورجعت حطت يدها على كتفه: I'm from Spain
انا من اسبانيا

بسام ابتسم وهي تميل عليه : so sweet to meet u senioreta
شي حلو اني قابلتك سنيوريتا

بيلاتريكس ضحكت: and so pleasure to dance with u sinior
وشي حلو اني ارقص معاك سنيور

ابتسم لها وكملت هي وقالت: you are a good dancer by the way
ترى رقصك كويس على فكره

Bassam: that's because I'm dancing with you my beautiful lady
بسام: هذا لاني قاعد ارقص معك يا سيدتي الجميله

Bellatrix laughed again and rolled around him: are you hitting on me?
بيلاتريكس ضحكت مره ثانيه ولفت حولينه: هل انت قاعد تغازلني؟؟

Bassam smiled and looked at her: you have the sweetest eyes I've never seen
بسام ابتسم وطالع فيها: انتي عندك احلى عيون شفتها في حياتي

بيلاتريكس سكتت وطالعت فيه ... علقت عيونها بعيونه ... وقفوا رقصتهم شوي وتموا يطالعون ببعض
قربت منه بيلاتريكس وهمست باذنه: sway me more
ميلني اكثر

ابتسم لها وكملوا رقصهم وتمايلهم وانسجامهم اللي كان مثل المغناطيس يجذب عيونهم لبعض

اما عند راكان وتركي اللي تموا يناظرونهم
راكان: شف الحيوان ... عايش جوه من الاعماق هههههههههه
تركي: انت اللي قلتلها تجي عنده
راكان: محد فاهمني غيرك
تركي بتهديد: راكان... مالك شغل ببسام فاهم ... وقول لها لاتجيله مره ثانيه
راكان: شوفه بس انت... بالله شفته مبسوط من قبل زي ماهو الحين
تركي: اقول اسكت بس .. مايجي من وراك الا البلا

خلصت الاغنيه ووقفوا ... ورجعوا لمحل ماكانوا واقفين تركي و راكان ... صفق لهم راكان وهم جايين وقال بصوت عالي ويتكلم اسباني
راكان: marvilloso,, marvilloso
راكان: ( رااائع ... رااائع ) >> بالاسباني

Bellatrix laughed: wow, you are a very good Spanish speaker Rakan
بيلاتريكس ضحكت: واااو ياراكان لغتك الاسبانيه كويسه

Rakan smiled a confidence smile: yes I am.
راكان ابتسم ابتسامه ثقه: اكيد

بيلاتريكس ابتسمت وناظرت في بسام وابتسمت ابتسامه مافهم بسام ايش معناها
Bellatrix: I have to go now, see you soon
بيلاتريكس: انا لازم اروح الحين ... اشوفك قريب

مشت من عندهم وعيون بسام عليها وهي ماشيه ... جا راكان عنده وقاله
Rakan: so, how were your sways?
راكان: كيف كان تمايلكم؟؟

بسام طالع فيه: shut up ....خلونا نروح البيت يلا

طول ماهو يتذكر كان مبتسم ... حلوه هذي الذكرى ... رجع طالع في بنات عمه وهم لسه يرقصون على هالاغنيه ... حس بهذيك اللحظه ... حس بخصرها وهو يلفها ويدورها ويميلها و يرفعها ... حس قلبه يرتعش وان الجو كله اتملا بريحتها ... اشتاق لها واشتاق لنعومة صوتها و بريق عيونها ... عمره ماتخيل انه يصير رومنسي لهالدرجه ... طالع في بنت عمته اللي تناديه
زهيه: بساااااااام تعال معانا ليش قاعد لحالك
لكنه ابتسم وقام ودخل البيت وماراح عندهم ... لقى عمانه وزوجاتهم جالسين مع جده وجدته
بسام: السلام عليكم
الكل: وعليكم السلام
عبدالعزيز (الجد): هلا ببسام ... وينك من جيت من مدري وين ماشفناك مو من عوايدك ماتمر علينا بعد ماترجع
بسام وهو يبوس راس جده: سامحني ياجدي بس تعرف رجعت تعبان وماقدرت امر على احد
راح عند جدته وباس راسها هي كمان: كيفك يا جده؟
عزيزه (الجده): بخير دامني اشوفك
جلس بسام جنب جدته ... وسار يسولف مع عمانه
عبدالقادر: كم سنه باقيلك في لندن يا بسام؟
بسام: والله ياعمي باقيلي حوالي سنتين
داهود: يالله الحمدلله راح الكثير ومابقى الا القليل
دموع ( زوجة داهود ) : بسام تعال زورنا ياولدي ... مو ترجع لندن ولا جيت عندنا
بسام: ابشري ياخاله من بكرا وانا عندك .. لا ورح ابات عندكم بعد
دموع ابتسمت: الله يحييك باي وقت

دموع زوجة عمهم وخالتهم بنفس الوقت .. لان امهم ماجده وخالتهم دموع توام ... وهم تقريبا قراب من عائلة عمهم داهود اكثر من اي احد بسبب القرابه اللي تجمعهم من الطرفين
............................................

__________________________________________________ __________
... بعد يومين وفي اسكتلندا ...


كانوا سعد وسارا نايمين ... رن المنبه وازعج سارا اللي نايمه بحظن سعد
سارا: سعـــــد ( نايم ولا هو منتبه ) سعـــــــــــد
سعد: همممممم
سارا: سعد سكر المنبه
سعد: مممممممم

(( تررررررررررن تررررررررررررن تررررررررررن ترررررررررن))

سارا انزعجت من جد.. هزت سعد : سعــــــد سكر المنبه يللللللللا
وسعد ناااايم ولا يرد عليها ... ياست منه سارا ومدت نفسها لين وصلت للكمدينه اللي بجهة سعد .. وجات تبي تقوم من عليه الا هو حوطها بيده
سعد: خليك كذا احسن
سارا: يعني كنت صاحي وانا اناديك من اول وماترد علي
قربها سعد له وسار يبوسها في رقبتها: زين اني مارديت عليك ولا كان ضيعت علي هالفرصه
حمر وجه سارا وبدت تحاول تفك نفسها منه: يووو سعد خلاااص يلا قوم صلي الفجر قبل لايفوتك
سعد: طيب لسه بدري.. لاحقين لاحقين
سارا وهي تضحك: يووو سعد يلللا قوووم
طبعا قاعده تقول هالكلام لانها متامله تفك نفسها منه.. بس من حسن حظ سارا ان زيد جا يدق الباب
طق..طق..طق..طق
سعد: لاااااااا زيد مو وقتك ابد
سارا قامت من عنده اخيرا: ههههههه احسن
قامت سارا من عالسرير ولبست الروب حقها وفتحت الباب : هلا زيد شفيك بابا ليش صحيت الحين
زيد كان قصير نوعا ما .. كان ماسك المخده وجار البطانيه الصغيره حقته وعيونه مليانه دموع مايبيها تنزل وشعره معفس: ممممم ( صوت بكيه لانه مكتوم ) ممممممم انا خايف ممممممم
سارا: تعال حبيبي تعال داخل
اخذت منه المخده والبطانيه وشالته وهو حط راسه على كتفها وبدا يصيح .. سعد رفع راسه من عالمخده
سعد: زيد حبيبي شفيك ... ليش تبكي؟؟
نزل زيد من عند سارا وراح عند سعد وانسدح جنبه ودفن راسه بصدره: انا خااايف كل يوم اشوف حلم يخوف
سعد جلس وسند راسه على ظهر السرير واخذ زيد وخلا راسه على صدره
سعد: لا تخاف زيودي .. لما تشوف حلم مو زين لازم تقول اعوذ بالله من الشيطان الرجيم عشان تروح منك الاحلام اللي تخوف .. لازم ماتبكي انت خلاص سرت كبير
هز راسه بقوه بمعنى ايه
بهالوقت سارا كانت تصلي الفجر ..
سعد: يلا زيود قوم روح الحمام توضى عشان نصلي الفجر
قام زيد وراح الحمام اللي جنب غرفته وفرش اسنانه واتوضا ... لانه تعود انه يصلي مع سعد دايما صح ان صلاته مو مره مضبوطه بس من المهم انه يتعود عالصلاه من وهو صغير خاصة لانهم عايشين ببلد مو مسلم

خلصوا صلاه كلهم .. وطالع سعد بسارا بنظرات متوعده هههههه .. بس سارا اشرت بحواجبها انه لا .. قام طالع فيها يعني ليش ان شاء الله .. قامت اشرت بعيونها على زيد النايم جنب سعد.. هز سعد زيد عشان يقوم ينام بغرفته
زيد: بس انا خايف انام لحالي
سارا عشان تستفز سعد: خلاص زيود ياقلبي خليك نايم هنا

قام سعد خز فيها وهي طالعت فيه وسارت تضحك .. وحطت راسها عالمخده .. قام سعد اخذ جواله وارسلها رساله
((message…message… u have a message)) << هذي نغمة سارا حقة المسجات صوت بزر يغني هالمقطع
فتحت الجوال ولقت الرساله (( عقابك بس اقوم للدوام ... ياويلك مني ))
ضحكت وقالت تبي تزيد الزيت عالنار وارسلتله مسج
(( تيننن تيننن)) <<< نغمة المسجات حقة سعد
فتح المسج (( اذا كان العقاب منك .. اجل ياليت اتعاقب كل يوم ))
طالع فيها سعد من طرف عينه ولقاها لافه وجهها وتضحك قال في نفسه " والله لاوريك "
قام من عالسرير وشال زيد اللي نام من يوم ماحط راسه ووداه غرفته وغطاه زين وطفى اللمبات وخلى بس لمبة الابجورة وخلى الباب مردود... ودخل غرفته وسكر الباب وظل متكى عليه
سارا قالت وفيها الضحكه : يووو سعودي لازم تنام وراك دوام
طنش كلامها سعد وجا لعندها
.*)
.................................................. .

رجع لها الالم الغريب ... سارت تكح وتكح وتحاول تكتم كحتها ... لفت على سامي لقته لسه نايم ... ماقدرت تكتمها اكثر من كذا ... قامت من السرير وراحت الحمام وبدت كحتها تقوى وتقوى ... لين ماحست ان روحها بتطلع ... وتشهق بقوه وتكح ... طالعت في يدها اللي كانت حاطتها على فمها لقتها غرقانه دم ... طالعت بنفسها بالمرايا لقت ان الدم يسيل من فمها ... تشهق وتشهق وتكح والالم يزيد داخل صدرها ... طاحت ... ماقدرت تثبت رجلينها ... ظهرها مسند على باب الحمام والكحه مستمره والالم تحسه يحرقها

بعد دقايق خفت كحتها لين اختفت ... بعد مانزلت دموعها من الالم اللي كانت تحسه رح يموتها ... غسلت يدها من الدم وغسلت وجهها ... اخذت فوطه ومسحت فيها الدم اللي كان بالمغسله ... حطت الفوطه في الغساله على طول عشان سامي مايحس بشي ... تحس انها لسه تعبانه ... فتحت باب الحمام لقت سامي توه صاحي
ابتسمت بتعب: صباح الخير
سامي وصوته ثقيل من النوم: صباح النور
جا لعندها وباسها في خدها بوسة الصباح زي مايقولوا
هنادي: ايش تبيني اسويلك فطور؟
سامي: تصدقين اني مشتهي شكشوكه
هنادي ضحكت بس ماقدرت تكمل ضحكتها لانها كحت كحة خفيفه
سامي بخوف: لسه الكحه ماراحت
هنادي ارتبكت مره: هاا .. لللا .. هي خفت مره خصوصا مع الدوا اللي عطاني اياه الدكتور
سامي: مااشوفك تاخذينه
هنادي: الا باخذه ... توني خذيته لما صحيت ... تبي قهوه مع الشكشوكه؟؟
سامي: عادي حبيبتي اللي يريحك سويه ... وانا الحين باخذ لي دوش سريع واجي اساعدك
هنادي: لا مايحتاج تساعدني انا ابي اسويلك كل شي بنفسي
سامي يضحك: شعندك مدلعيني
هنادي اختفت ابتسامتها بس اغتصبت ترجعها عشان ماتحسس سامي بشي : زوجي وابي ادلعه ... يلا روح اتحمم عشان اسويلك الشكشوكه
سامي: بس كثري الطماطم هههههههههههه
هنادي: من عيوني

راح سامي ياخذ له الشور السريع .. وهنادي راحت المطبخ تسوي الشكشوكه ... تحس لسه الالم اللي من الكحه ماراح لكنه قاعد يخف تدريجيا ... وتحس بتعب لو اتكلمت كثير ... هالكلمتين اللي اتكلمتهم مع سامي حست ان الالم زاد شوي منهم ... اللي بقى لها من عمرها فضلت تقضيه مع سامي وبس ... عشان كذا تركت الدراسه ... تبي تكون لسامي وبس وماتبي اي شي بالدنيا يشغلها عنه

حطت البصل والطماطم مع البيض وحطتهم في المقلايه حقة البيض وسارت تلخبطهم مع بعض ... كانت تعرف ان سامي مايحب الشكشوكه مفرفره يحبها متماسكه ... كانها كيك على قولة سيرين بنت عمها هههههه .. ضحكت لما اتذكرت سيرين وتعلقياتها اللي تضحك خصوصا لما علقت على الشكشوكه اللي سوتها لما جاها سامي ايام الملكه وكان وقت فطور ... قال لها سامي انه يحب الشكشوكه متماسكه وسميكه مايحبها رفيعه... وسيرين لما شافتها قالت : ايش هذي الشكشوكه اللي كنها كيكه
... صح انا من زمان ماكلمت بيت خالتي ماجده الله يرحمها ... خلاص بعد مانفطر بكلمهم وبكلم ماما وبالمره اقولهم اننا جايين لهم بعد مايخلص سامي الاختبارات حقة الجامعه .

حطت الشكشوكه في الصحن وودتها على الطاوله ... حطت في صحون ثانيه زيتون وجبن وزعتر ورتبت الطاوله ... دخلت غرفتها لقت سامي ينشف شعره من المويه بالمنشفه ... جت لعنده واخذت المنشفه منه وسارت تنشف شعره بيها
هنادي: نعيما
سامي: تنعم دنياك يا احلى زوجة في الكون
هنادي ابتسمت: يالله تعال الشكشوكه رح تبرد
سامي: ثواني يالقمر وانا عندك ... ابدل ملابسي واجيك
هنادي: تبي اسويلك كابتشينو ولا قهوه تركيه؟
سامي: انتي ايش حابه؟ اللي تسوينه راضي فيه
هنادي: انا احس من زمان ما شربنا قهوه تركيه
سامي: خلاص قهوه تركيه اجل
هنادي: اجل يلا قوم البس وانا بعد الفطور بسويها
.................................................. .............................



نهاية الفصل الثاني


ايش اللي رح يستجد في قصة بسام وبيلاتريكس؟؟ وايش هو الشي اللي يبي يتاكد منه بسام واللي يحسه افتراء على بيلاتريكس
تتوقعون سامي رح يلاحظ ايش فيها هنادي؟؟
هم الحين ببداية اجازة الصيف ... ايش تتوقعون رح تواجه العائله بهالاجازة؟؟
احداث كثيره رح تحصل بالاجزاء الجايه ... لكن ايش هي التوقعات؟؟

ضمته سارا وتحس ان دموعها تنزل مثل الشلال ... لا يازيد لاتفكر كذا انت بعدك صغير
زيد: اليوم اصحابي لما وسخوا ملابسهم كانوا خايفين من امهم لا تهاوشهم ... بس انا وين امي تهاوشني ... اصحابي بالمدرسه باول يوم بالمدرسه جو مع امهاتهم .... انا امي وابوي راحوا وخلوني ... مايحبوني ... ليش كذا؟؟
بكى ... شهق... ودموعه اختلطت بالطين اللي بوجهه ... بكى زياده

Zaid: I hate them… they left me alone
زيد: انا اكرههم... هم خلوني لحالي

سارا: زيد حبيبي مايصير تقول كذا ... ربي اللي اخذهم
زيد اتعلق بسارا زياده ... وبكاه زاد وسارا شالته وحطته على البار اللي يفصل المطبخ والصاله وهي جلست على الكرسي
سارا: زيد حبيبي ... مامتك كانت تحبك كثييييير حتى ابوك ... بس ربي اخذهم ... هم مايبون يروحون ويخلوك بس ربي اخذهم ... انت لاتبكي حبيبي لانك اذا بكيت رح تزعلهم ... هم يحبوك اكثر من اي شي بهالدنيا... واحنا هنا كلنا نحبك زيد حبيبي ... انا و سعد زي امك وابوك صح؟
زيد: يعني ينفع اقول لك ماما
سارا ابتسمت: اذا تبي تقول لي ماما قول حبيبي عادي
زيد مسح دموعه بيده الوسخه مره ثانيه: وينفع اقول لسعد بابا؟؟؟ بس هو اخوي كيف اقول له بابا
سارا: اذا انت تبي تقول قول ... سعد مارح يزعل
زيد: يعني السنه الجايه لما المدرسه تسوي حفلة المذرز داي رح تجين؟؟
سارا: اكيد حبيبي ... وانت اذا اشتقت لامك وابوك لازم تقول الله يرحمهم ... عشان يروحوا الجنه وعشان هم يكونون مبسوطين لانك انت تحبهم ... وتقدر كمان تحكيهم ايش يصير معك كل يوم
زيد: والله؟
سارا: ايه حبيبي هم يحبونك حب كبييييييييير اكبر من السما
زيد هدا شوي ... وضمته سارا وسارت تمسح على شعره ... يالله يا زيد بعدك صغير على حزن زي كذا ... الله يقدرني واوفي بحقك والله انا لو عندي عيال ماكنت حبيتهم قدك
سارا: يلا الحين روح اتحمم وحط الملابس بسلة الغسيل وتعال عشان نتعشى ولا تنسى تصلي المغرب
زيد راح الحمام بعد ما اعطى سارا بوسه في خدها ... هو مره يحب سارا لانها حنونه عليه ... تلعب معاه بالبلاي ستيشن احيانا ويتفرجوا هاري بوتر اللي يعشقه زيد وحافظه صم ... سواء افلام او كتب

زيد رجع مثل دايما وراحت عنه الكابه اللي من شوي ... نشيط ودايما يبتسم ... راح للغرفه واخذ الروب الازرق الصغير حقه
دخلت سارا غرفتها تغير بلوزتها لانها اتوسخت من التراب اللي كان على ملابس زيد وبعدين راحت المطبخ
و حمت الغدا اللي سوته .. كان مكرونه بصلصة ايطاليه ... بعد نص ساعه طلع زيد من الحمام ولبس البيجامه حقته
جلسوا هم الاثنين على الارض والطاوله اللي موجوده بنص الصاله قدامهم وعليها الصحون اللي ياكلوا منها
سارا: ايش تبي تتفرج؟
زيد: هاري بوتر طبعا
قامت سارا ووقفت قدام الدولاب اللي فيه الـ سيديات حقة الافلام: اي جزء؟
زيد وهو ياكل المكرونه: الخامس

........................................

ويرجع الزمن لورى بالذكريات للندن ... لما كانوا يتمشوا في الهايد بارك مع بعض من بعد شهر من حفلة الجامعه وكانوا من بعدها يتمشون ويطلعون مع بعض يوميا

Bellatrix: ooh bassam look … there are swans
بيلاتريكس: اوووه بسام شوف .. هناك بجعات

بسام ابتسم لها وهو يجدف القارب اللي بالبحيره اللي في الهايد بارك

ودى القارب ناحية البجعات اللي اشرت عليهم .... قرب القارب منهم ولمستهم بيلاتريكس وهي تبتسم مرررره مبسوطه... صح انها عايشه هنا من زمان الا انها ماقيد جات الهايد بارك لانها ماعندها اصحاب او صاحبات تجي معاهم ولاعمرها اصلا فكرت انها تجي لحالها
جا بسام جنبها وقعد يمسك ويلعب البجعات معها شوي

Bassam: let's go back now
بسام: خلينا نرجع الحين

اخذها من يدها وجلسها بالقارب وهو قام يجدف لين وصل للمكان اللي يوقفوا فيه القوارب ... طلع هو ومد يده وطلعها

Bellatrix: thank you bassam
بيلاتريكس: شكرا بسام

Bassam: for what?
بسام: على ايش؟

Bellatrix: for making me happy
بيلاتريكس: لانك خليتني مبسوطه

ابتسملها بسام ومسك يدها ومشوا مع بعض ... تاشر هي على الحيوانات الصغيره اللي تشوفها تمشي بحريه في الحديقه ... ويشوفها وهي متحمسه وتضحك وهو يبتسم لها ... هذي انسانه ولا ملاك ... سار مو قادر يعيش يوم من دون مايشوفها او حتى يسمع ضحكتها او تعليقاتها الاسبانيه اللي تقولها بنص الكلام اذا شافت شي ماعجبها او عصبت ... او حتى من غير مايشوف رمش عيونها

بعد ما مشوا قرروا يجلسون شوي ... جلس بسام ومسند ظهره على جذع الشجره ومدد رجوله .. وهي جالسه جنبه بس حاطه راسها على صدره وبيدها ورده قطفها لها وهم ماشيين

Bellatrix: you know bassam… this is the happiest day of my life.. do you know why?
بيلاتريكس: تعرف بسام ... هذا اسعد يوم بحياتي ... تعرف ليش؟

Bassam: maybe because you are with me
بسام: يمكن لي انك معاي

Bellatrix: ok this is one of my reasons… but what I'm talking about is because I can tell you what ever I want and I can do what ever I want with you… and that's makes me feel happy… before my parents got divorce, my life was incredible, I felt something known as safe hhhh I didn't feel like this for many years
بيلاتريكس: اوكي هذا واحد من الاسباب... بس اللي قاعده اتكلم عليه هو اني اقدر اقول وا اسوي اي شي ابيه معاك ... وهذا يخليني احس اني فرحانه ... قبل ما امب وابوي يتطلقوا حياتي كانت روعه ... كنت احس بشي اسمه امان ههههه ماقيد حسيت بهالشي من سنوات

لفت راسها وسار وجهها مقابل وجه بسام وكملت وقالت

Bellatrix: I don't know if you are going to believe this or not but I really love u bassam… I love you more than anything else in my life
بيلاتريكس: مااعرف اذا رح تصدق هالشي اولا بس انا من جد احبك يا بسام ... احبك اكثر من اي شي ثاني بحياتي

بسام ابتسم لها وبعد خصلات شعرها الاسود لورا اذنها

Bassam: I love you to sweat heart
بسام: انا كمان احبك حبيبتي

Bellatrix: really?
بيلاتريكس: من جد

Bassam: more than anything you can imagine… every time I breath, my love becomes bigger and bigger and bigger just like a balloon and I think it will blown up
بسام: اكثر من اي شي ممكن تتخيليه ... في كل مره اتنفس فيها, حبي لك يكبر ويكبر زيكبر زي البالون واعتقد انه رح ينفجر بيوم من الايام

ضحكت بيلاتريكس خاصة على تشبيه حبه لها بالبالون .... اعترفوا بحبهم لبعض قبل فتره ... دايما الحب يجي بسرعه ومانقدر نتصور كيف نصرح بمشاعرنا للي نحبه بسرعه اكبر ... اللي يعرفه بسام عن بيلاتريكس انها عايشه مع ابوها دون اليخاندرو ... وعندها اخ اسمه خواكين عايش مع امها في اسبانيا ... العلاقه بينها وبين امها معدومه تماما ماشافتها ابدا هي واخوها من بعد ماانفصلت امها عن ابوها

طلعوا من الهايد بارك .. ركب بسام الموتور بايك حقه وبيلاتريكس ركبت وراه ... واو احساس حلو اللي حسته وهي معاه الحين على الموتور بايك ... تحس بالانتعاش والهوا يطير شعرها واحساس اروع وهي ماسكته ولافه يدها حوله عشان ماتطيح... كانت تدله على طريق بيتها ... وصلوا لمكان بعيد شوي

Bellatrix: it's ok bassam you can stop here
بيلاتريكس: خلاص بسام تقدر توقف هنا

وقف بسام ... وقامت بيلاتريكس من الموتور بايك

Bassam: why?... your house is not here
بسام: ليش؟ ... بيتك مو هنا

Bellatrix: its ok I can continue my way alone
بيلاتريكس: مو مشكله اقدر اكمل طريقي لحالي

Bassam: no I won't let you walk alone … it's too late now
بسام: لامارح اخليكي تمشين لحالك ... الوقت مره متاخر الحين

Bellatrix: no darling don't worry ok
بيلاتريكس: عادي حبيبي لاتخاف اوكي