عنوان الموضوع : الله معك لاتحسب اني بناديك....صحيح غالي بس الأغلى(الكرامه) لـ نور الدنيا رائعة
مقدم من طرف منتديات الشامل
بسم الله الرحمن الرحيم حياكم الله
هذي أول رواية نكتبها ومن تأليفنا ونتمنى تعجبكم ومانريد نطول عليكم
التعريف بالشخصيات
أبو نواف:شديد المعاملة وحنون على بناته
أم نواف:طيبة وحنونة وقلبها على أولادها
نواف:19 سنه شاب جميل وجذاب واسمر طالب في الثانوية وشخصيته غامضة
هلا وغلا مو ترحيب فيكم خخخخخخ هلا وغلا :17 سنة وهم توأم وهمهم الأكل والنوم وكل وحده فيهم أحلى من الثانية وشخصياتهم مرحه وحبوبين
&&&&&&&&&&
أبوفهد:طيب بس اذا عصب وخروا عن دربه
أم فهد:دايما ً ضد خرجاتنا بس في نفس الوقت طيبة
فهد:27 سنة طويل وأبيض عيونه بني وأحلى شي غمازاته موظف يشتغل في شركة أبوه
ريوف:25 سنة متزوجة ودايما ً معانا في مصايبنا عندها بنت عمرها سنه واسمها جوري
فيصل:19 سنة داشر طالع على ولد عمه وحلو واللي محليه استهباله
العنود:17 سنة العنود آخر العنقود سكر معقود مجننة البيت ودايم هي وفيصل في هواش مثل توم وجيري
&&&&&&&&
أبو خالد:طيوب والعصبيه مايعرفها
أم خالد:عكس أم فهد معانا في كل شي
خالد:28 سنة متزوج بنت عمه ريوف مملوح وحلو(أبو جوري)
بندر:25 سنة طالع مهبول على بنت عمه العنود
ريما: 16 سنة دلوعه البيت وتحب بندر حب مو طبيعي
زياد:15 سنة يكبر نفسه بقوه ويتشطر على ريما
&&&&&&&&&&&
أبو ريم:كلمته ماتتغير ويحب بناته ومايرد لهم طلب
أم ريم:بناتها عندها بالدنيا كلها وماتعيش من دونهم
ريم:16 سنة دلوعه وهي وريما دايم مع بعض اكثر من الاخوات
رغد:9 سنين دمها خفيف واحلى مافيها خدودها
&&&&&&&&&&&&
في بيت ابو نواف
هلا:غلا ايش رايك نقول لبنات عمي يجون عندنا
غلا: اوك
،،،،،،،،،،،،،،،،،،،،،،،،،،،،،،،،،،،،،،،،،،
في بيت أبو فهد
العنود:فيصل يامال العمى رد على التلفون
فيصل: تعرفين تاكلين تراب وتردين بنفسك
العنود: زين يصير خير .هلا وعليكم السلام
هلا: كيفك عنودة
العنود:بخير الله يسلمك ..أنتي شلونك؟
هلا:تمام الحمدلله ..اقول عنودة ايش رايك تجين عندنا؟
العنود:زين بكلم يمه وأجيكم الحين
هلا:خلاص ننتظرك .. يلا باي
العنود:باي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،
بيت أبو نواف
غلا:ها ايش قالتلك عنوده
هلا:تقول بتكلم امها وتجينا الحين . أقول ايش رايك نكلم ريم وريما؟
غلا:اي والله وناسة خلهم يجون عندنا
هلا:زين روحي كلميهم شوفي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيت أبو ريم
ريم:هلا والله
غلا:هلا فيك .. شلونك؟
ريم:تمام .. وانتي شخبارك؟
غلا:أنا بخير .. المهم الحين تعالي عندنا .. وبعد ابي اشوف ريما
ريم:لا ما يحتاج ريما عندي
غلا:زين يالخاينات ننتظركم .. باي
ريم:اوك .. باي
..,,..,,
ريما:ها ريماني منو؟
ريم:ذي غلا تبينا نجي عندهم
ريما:زين والله يوم انهم فكروا فيني يلا نروح لهم
ريم:يلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،
بيت ابو نواف
دق الجرس وتفتح غلا الباب
غلا:هلا والله عنودة تفضلي
العنود:هلا فيك .. ها وين اهل البيت
غلا: والله يما راحت المستشفى ويا يبا شوي ورادين
العنود:زين يالله وين هلا والباقين
غلا:هلا الحين جاية يلا خلنا نروح تحت
العنود:يلا خلنا نروح نرقص ونستانس "ويدق جرس البيت"
غلا:زين .. لحظة بشوف منو على الباب
ريم وريما:السلام عليكم .. كيفك؟
غلا والعنود:وعليكم السلام .. تمام طيبين وانتم؟
ريم وريما:نحمد الله ونشكره
هلا:سلام..يلا ياحلوين على تحت
العنود:لحظة..لحظة..وين نوافو
هلا وغلا:نايم شتبين فيه
العنود:يالله يا بنات تذكرون زمان لما يكون نايم ونكب عليه موية بارده
ريما:ايه والله كانت حلوة
ريم:يلا نعيدها؟؟
هلا:لا والله .. وكيف بتعيدينها؟
ريم :انتي او غلا تروحون تكبون عليه موية ولما يقوم قولوله هذولا بنات عمك حبو يسلمو عليك
الكل:ههههههههههههههههه
العنود وريما:والله فكرة
هلا وغلا:زين ..لكن لو صار لنا شي يا ويلكم
العنود:ما عليك ما راح يسوي شي
راحو البنات لغرفة هلا وغلا
وهلا وغلا راحو لنواف غرفته وبشويش كبه عليه المويه
والبنات كانو يستنونهم الين يجون دخلوهم وسكوا الباب بالمفتاح<<<<<<<"خبره ..مصايب"
طبعاً كان نواف لاحقهم وصار يدق على الباب ويصارخ والبنات ميتين ضحك داخل
هلا:هذولا بنات عمك حبوا يسلمو عليك
البنات:ههههههههههههههههه
نواف:زين والله لتندمون وتشوفون
العنود :تكبر وتنسى ياولد العم ههههه
نواف يقلد صوتها:تكبر تنسى ياولد العم ههههه..طيب مردوده
العنود:نواف ترى فيصل ينتظرك علشان تطلع معاه
نواف:اوكي
وبعد ما راح نواف والبنات في الغرفة
غلا:يلا بنات ننزل تحت
البنات:يلا
في الصاله
ريم:اقول غلا شغليلنا شي خلينا نرقص
غلا:زين بحط سلمان حميد
ريما:لا تكفين حطي لنا رشودي
غلا:زين يلا بحط هلي
العنود: يلا بنات..سرى ورى
ينفتح الباب ويدخل شخص ويصفق
وليد:عاشوا بنات اخوي عاشوا..ايش هالرقص ايش هالحلاوة
ريما:تسلم والله ياعمي من ذوقك
وليد:بس ها في زواجي ما ابي اشوف وحدة فيكم جالسة كلكم ترقصون
غلا:ياعمي انت اخطب اول وبعدين قولنا
وليد:اصلاً امزح وياكم انا مابعيش غير حياة العزوبية..الا عطوني من اللي تاكلون
هلا:تفضل يا اغلى عم بالدنيا ..فديتك
العنود:حركات اغلى عم وفديتك ايش خليتي لزوج المستقبل
هلا:اقول سكتي مالك دخل لانك ما تعرفين تتغزلين بعمي
وليد:لا قوموا اضربوا بعض يكون احسن..خليني اروح اشوف اخوي
ريم:زين بس عمي المرى الجاية مو طالع من عندنا غير اذا رقصت
وليد:اي يصير خير باي ياحلوين
البنات:باي يا احلى عم
،،،،،،،،،،،،،،،،،،،،،،،،،،،،،،،،،،،،،،،،،،،،
بيت ابو خالد
بندر:ايش رايك يا ابوي نروح هالاسبوع المزرعة
ابو خالد:زين والله خلاص نشوف اعمامك ايش يقولون..ها يا ام خالد شرايك
ام خالد:والله اللي يريحك يا ابو خالد
ريما:شو يما وين يتروحون
بندر:وانتي ايش دخلك يما لا تقولينلها
ابو خالد:بندر خلي ريما حبيبتي لحالها "وريما تمد لسانها لاخوها"ابوها يكمل:اي يا ريما بنروح المزرعة هالاسبوع
ريما:صج والله..يلا بروح اكلم بنات عمي اقولهم
،،،،،،،،،،،،،،،،،،،،،،،،،،،،،،،،،،،،،،،،،،،
بيت ابو ريم
يرن التليفون
ام ريم:السلام عليكم
ريما:وعليكم السلا. شلونك خالتي؟
ام ريم:بخير يا بنتي انتي شلونك وشلون امك؟
ريما:بخير تسلم عليكي..اقول خالتي ريم عندك
ام ريم:لحظة اناديها
ريم:هلا والله ريومة
ريما:هلا فيك ريماني ..الا مادريتي
ريم:لا والله شفيه
ريما:لا ما بقول بخليها مفاجأة
ريم:ريومه والله لو ما اتكلمتي لازعل منك
ريما:خلاص يا عمري كله ولا زعلك..يقول ابوي بنروح هالاسبوع المزرعة
ريم:من صجك ولا تمزحين
ريما:لا يا قلبي هالاشياء ما فيها مزح
ريم:زين حبيبتي امي تناديني اكلمك بعد شوي
ريما:اوك..باي
ريم:باي
،،،،،،،،،،،،،،،،،،،،،،،،،،،،،،،،،،،،،،،،،،،
بيت ابو نواف
ابو نواف:يلا ياعيال تجهزوا نص ساعة ونمشي
هلا وغلا:خلاص يبا خلصنا
نواف:اقول يبا انا وفيصل بنلحقكم على المزرعة
ابو نواف:زين ياولدي بس لا تسرعو في الطريق..يلا ياام نواف..هلا غلا يلا ماشيين
،،،،،،،،،،،،،،،،،،،،،،،،،،،،،،،،،،،،،،،،،،،،،،
بيت ابو ريم
ام ريم:يلا يا ابو ريم مشينا
ابو ريم:ريم..رغد..يلا على السيارة
ريم:زين يبا.. يلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيت ابو فهد
فهد:يبا انا بروح للشركة باخذ اوراق واجيكم على المزرعة
ابو فهد:زين ياولدي لا تتأخر..يلا يا عيال مشينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،
بيت ابو خالد
زياد:يلا يبا لا نتأخر
ابوخالد:زين يلا
ام خالد:ريما بسرعة..كل مرى كذا تاخرينا
ريما:زين يما روحوا اونا بلحقكم
،،،،،،،،،،،،،،،،،،،،،،،،،،،،،،،،،،،،،،،،،،،،،،
في المزرعة
اول من وصل فيصل ونواف
فيصل:اقول نواف بسرعة عالمسبح قبل يجون البنات ويغثونا
نواف:والله انك صادق..يلا ابدل واجيك
ووصلت العائلة الكريمة كلها
وبعدها وصلو خالد وريوف
والكل راح غرفته يرتاح ..الا احنا شلة الانس
وبعدها طلعنا من المسبح ورحنا صوب المسبح
العنود:اقول بنات بروح اجيب شي نشربه
ريم:اوك..لا تتأخرين
وفي المطبخ العنود تشرب مويه ويدخل عليها واحد ...:احم احم..وهو ما يدري انها بالمطبخ
منو تتوقعون دخل على العنود؟؟
>>>>> ردود الأعضـــــــــــــــــــاء على الموضوع <<<<<
==================================
مشكوره اختى ع القصه بانتظارك التكمله سلمت يداك
__________________________________________________ __________
مشكوره حبيبتي على مرورك
ووين الباقي الظاهر ماعجبتكم القصه
بانتظار مروركم
تقبلوا تحياتي
__________________________________________________ __________
القصة حلوة
والاجزاء روعة
عجبتني شخصية العنود>>رجة هع
انتظر التكملـة..
:f55:
طائر العنقاء
__________________________________________________ __________
الجزء الثالث
وفي المطبخ العنود تشرب مويه ويدخل عليها واحد ...:احم احم..وهو ما يدري انها بالمطبخ
نواف:آسف والله ما كنت ادري ان في احد بالمطبخ
العنود:لا عادي انا الحين بطلع
وكل والعنود منخشة ورا الثلاجة ومو واضح غير شوي منها
نواف:لا بس ياليت تقولي لهلا اوغلا تسويلي عصير برتقال
العنود:انزين
وراح نواف للصالة وهو يفكر في في العنود اللي خذت عقله
جا فيصل:اقول نواف ايش رايك نطلع نتمشى
ونواف ولا هو عنده وفيصل يحرك يده قدام عيون نواف
نواف توه انتبه:ها شتبي
فيصل:لا سلا متك بس اللي ماخذ عقلك يتهنى فيه.يلا الحين خلينا نطلع
نواف:لا لحظة قلت لوحدة من خواتي تسوي لي عصير
عند البنات
ريما:اقول عنوده شفيك تأخرتي كل هذا عصير ما صارت
العنود:لا بس شفت نواف بطريقي يقولك يا هلا سويله عصير برتقال
هلا:لا آم سوري ما ابي
العنود:طيب هو قال يا هلا او غلا يالله عاد وحدة فيكم
غلا:اقول خله يولي يا كل تبن
عند نواف وفيصل
نواف:شفيهم تأخروا بالعصير
فيصل:اقول يالحبيب مطنشينك يلا خلنا نروح
نواف: زين اوريهم
عند البنات
ريما:يلا بنات دورو لنا شي نتسلى فيه
العنود:انا عندي لعبة نروح من بعيد ونركض واول وحدة توصل المسبح تطلب اللي تبيه
البنات:زين والله حلوه
ويبعدون البنات وتوقف كل وحدة وبدأ العد 1,2,3
غلا:اقول ترى انا اول وحدة لا تحاولون
ريم:لا وانتي الصادقة اخر وحدة
هلا:اقول بس انتي وياها ولا وحدة منكن بتوصل
ويوصلو للمسبح واول وحدة كانت هلا وبعدها ريما وبعدها العنود وبعدين ريم واخر وحدة غلا
هلا:ياهوووووو وفزت من قدي اليوم
غلا:اي حبيبتي انا وانتي واحد يعني انا نص الهدية وانتي النص
العنود:اقول مصدقة نفسك مو بكيفك
غلا:مو مشكلة بعدين نتفاهم
ريم:ها هلا امري تدللي شتبين
هلا:خليني افكر شوي
وتجي ريوف ومعاها بنتها(طبعاً ريوف متزوجة خالد اخو ريما)
ريوف:ها بنات شخباركم ايش تسوون ليه كذا اشكالكم
البنات:تمام.كنا نلعب
في غرفة الاولاد
دخل وخالد ومعه بندر
بندر:اقول ايش رايك نسوي فيهم مقلب ونصحيهم
خالد:زين والله
بندر:يلا خلود هات ولاعة ومنديل
كانو بيحطونها بي اصابيع الشباب
بندر:يلا انت حط لفهد وانت بحط لزياد
ويحطونها للشباب..ويقومو الشباب وهم كارهين حياتهم
فهد:زين ياخالد اوريك
خالد:ياحبي لك يا فهود
في الليل البنات جالسين في الصالة على التليفزيون
ريم:بنات ايش رايكم نحط فيلم مرعب
العنود:اي والله بس نبيه وايد مرعب
ريما:زين بروح اشوف سيديهات بندر اكيد عنده
وتروح ريما وتاخذ ارعب فيلم عنده
غلا:اخيراً وصلتي يلا حطي بسرعة
واحنا في نص الفيلم ريم خافت وقالت تبي تروح الغرفة
ريم:خلاص بنات قفلوه ولا بروح
ريما:خلاص الحين بينتهي جلسي شوي
ريم:لا مابي وانا تعبانة بنام
العنود:خلاص روحي فكينا من رجتك
ريم:طيب احد يجي معاي
هلا:ريم بس ما في احد بياكلك
ريم:اوك..انا بروح
ريم وهي رايحة الغرفة شافت واحد لابس اسود باسود واول ما شافها دخل غرفة عمها وصرخت
بندر:اقول ريومة روحي شوفي بنت عمك مدري شفيها
ريما:خير ريم شفيك
ريم:والله شفت حرامي دخل غرفة عمي
ويطلع ابو فهد ومعه الحرامي
فيصل:ها ريماني ماكنت اعرف انك خوافة كذا
ريم:زين يا فيصل بردها لك
فيصل:لا لا يمه خوفتيني
وانتهى الفيلم وصار اخر الليل والكل راح ينام
وفي الصباح كان احلى يوم بالنسبة لنا لاننا صحينا على احلى وجه في الدنيا وليد
وليد:هلا والله كيفك يا بنات
البنات:هلا عمي تو ما نورت المزرعة
وليد:منورة بوجودكم يا حلوين تعالوا فطروا ويانا
الجزء الرابع
البنات: لا مالنا نفس
وليد:زين عشان خاطري
البنات:زين بنفطر بس بشرط
وليد:وشنو الشرط؟
البنات:نلعب بالدبابات
وليد:اوك من عيوني وكل وحدة بروحها بعدصرخوا البنات من الفرح وبعد
الفطور طلعوا للحوش وحصلوا العيال يلعبوا بالدبابات
وليد:اروح اطرد العيال واجيكم
غلا:عساك على القوة ياعمي
وليد:هلا شباب كيفك
نواف:هلا والله بخير جعلك بخير
وليد:اقول شباب هوونا البنات يبون يلعبوم بالدبابات
فيصل:اقول وليد البنات ما ينعطون وجه
وليد:هيي انت ترى كله الا بنات اخواني.والحين انت وياه تدخلون داخل
بندر:وليد حنا الحين بندخل ونص ساعة ونطلع مو كل شي بكيفهم
وليد:زين روحوا الحين
ويروح وليد للفيلا وينادي البنات وكل وحدة تطلع دباب لحالها
وليد:غلا حبيبتي ليش ما تركبين
غلا:ياعمي انا اخاف من الدبابات
وليد:اوك.انا بطلع وانتي اركبي وراي
غلا:زين
وكل وحدة راحت وغلا طلعت مع وليد وهي شادته من بطنه
وليد:يلا حبيبتي تمسكي زين
غلا:اشهد ان لا اله الا الله واشهد ان محمد رسول الله
وليد:خير داخلين حرب حنا
العنود:يابنات غريبة مرت اكثر من ساعة والعيال ما شفنا وجيههم
ريما:اي والله غريبة
ريم:لا تجيبين طاريهم الحين يجونك
نواف:هلا غلا يامال العمى نادي اللي معك الغدى زاهب
دخلنا عشان الغدى لقينا رز ولحم وحنا ما يعجبنا غير الوجبات السريعة وكلنا ما نبي
الا غلا والعنود المهم يملون بطونهم
غلا:اقول عنودة اجلسي ما عليكي منهم
العنود:اي والله وانتي الصادقة خلينا نجلس
وجلسوا العنود وغلا وريما دقت على بندر
بندر:هلا والله
ريما:اقول بندوري حبيبي
بندر:اخلصي شتبين
ريما:احلى شي فيك انك فاهمني
بندر:يلا قولي شعندك
ريما:نبي غدى من برى
بندر: وليه انشالله ما تغديتوا
ريما:ماعجبنا شي
بندر:اوك.الحين اشوف اذا راحوا معاي الشباب اجبلكم
ريما:مشكور حبيبي.باي
بندر:باي
ويروح بندر ويكلم الشباب وياخذهم معاه على المطعم ويشتري لنا
ريما دقت على جوال بندر
ريما:وينكم شفيكم طولتوا ترى متنا من الجوع
بندر:بالله انا عند الباب ارسلي وحدة من الخدامات يجي ياخذه
ريما:وليه انشالله انا اجي اخذه
بندر:اقول ترى الشباب معي
ريما:عادي وقت الضرورة تباح المحرمات هههههه
بندر:هاها دمك خفيف انقلعي بس.وقفل الجوال في وجهها
ريما:وجع انشالله
ريم:خير انشالله وجع لمين؟
ريما:في احد غير بندر في العيلة يرفع ضغطي
ريم:ههه.خير اشقالك
ريما:قفل الجوال بوجهي
هلا:اللهم لك الحمد والشكر الحين هذا اللي مزعلك ياشيخة ياما تقفلت الجوالات في
وجيهنا ياليته بس من اخوانا من امهاتنا بعد انتي بس عدي واغلطي ههه
ريم:اقول ريما وين الغدى بموت من الجوع
ريما:يوووه نسيت بندر قالي ارسلي وحدة من الخدامات تاخذ الغدى.الله يعيني على طوالت اللسان الحين
راحت ريما ترسل وحدة من الخدامات تجيب الاكل من بندر وتجيبه لها الغرفة
في غرفة البنات
ريم:هيه شفيها الشغالة طولت بموت من الجوع
هلا:اي والله طولت اقول ريما ليكون اخوك بندر ذبح الحرمة ترى يسويها
ريما:هههه اي والله يسويها
الباب يدق
ريم:هيه قومي انتي افتحي الباب
هلا:لا والله خدامة عندك وانا مدري
ريما:انطمي انتي وياها انا بقوم افتح
ريما فتحت الباب وكانت الشغالة جايبه الاكل
ريما:لا والله كان ما جيتي احسن
الخدامه:ماما ريما بندر قول انتي يامال الكسر
ريما:بالله اقلبي وجهك
ريم وهلا:ههههه
ريما:عادي تصير في احسن العائلات يالله بس خلونا ناكل قبل المفاجيع ما يجونا
هلا:اي والله على قولتك مفاجيع خلونا ناكل بسرعة
ريم:اسكتوا واذا ذكرتهم يحضرون هههه
الا وتدخل العنود الغرفة:سلااااااااام
وراها غلا:وعليكم السلام
غلا والعنود:هههههههههه
ريم:بسم الله ما قلتلكم واذا ذكرتهم يحضرون
العنود:هيه هيه عيدي وش قلتي عيدي ما سمعت
هلا:تقول الطيب عند ذكره
العنود:لا والله صدقتك
غلا:امسحيها بوجهي يابنت عمي كل شي يهون عشان اللي قدامهم
العنود:الله يهديك يابنت العم ليش ما قلتيلي من البداية عشان احسن العلاقات معاهم
غلا:عادي ما علينا يمدينا نحسن الوضع ههههههههههه
العنود:اقول ريم يا بعد عمري اقسميلي من الشاورما حقتك
ريم:لا والله اقلبي وجهك هذا غداي ولك نفس تاكلين بعد الرز واللحم ماشالله
العنود:اعوذ بالله اذكري الله لا اطلع كل اللي اكلته الحين
ريم:قلت ماشالله ما سمعتيني
العنود:اي احسب
ريم:في واحد حسب قام مات
غلا:الله لا يحرمني من توأمي قولو امين بنات
هلا:اخلصي شتبين
غلا:لا بي اقسميلي من الشاورما حقتك
هلا:طيري والله ما اقسملك
غلا:افا هذا وانا اختك
هلا:لا حبيبتي في الاكل ما اعرفك ولا تعرفيني
غلا:وجع تبريتي مني عشان الاكل
العنود:اقول غلا باقي وحدة ما طلبناها
ريما:ههههههههه خلصت اكلي من زمان
غلا:وجع مسرع اكلتي
ريما:اووووووووه من شفتكم وانا اكل الشاورما حقتي دفعه وحدها
هلا وريم:ههههههههههه
العنود:اقول بنات اذا جاكم اسها ترى مو من شي من دعاوينا
البنات:هههههههههههه
وبعد ما خلصوا اكل
هلا:اقول بنات ما مليتوا
العنود:اي والله ملينا بقوة
هلا:طيب ايش رايكم نلعب لعبة الابيات مثلا ً انا اقول بيت شعر واللي وراي
تقول بيت شعر يبدى بنفس الحرف اللي انتهيت بيه
ريم:اي والله حلوه بس منو بيبدى
هلا:خلاص انا ابتدي في اللعبة وبعدين وراي العنود وبعدين ريما وبعدين غلا وبعدها ريم
هلا:ان كان غيري في حياتك مسليك قله:ترى صعبة يعادل حناني
العنود:يشهد الله بحبك ما خشيت الملام لو على كيف حسادي يبوني حزين
ريما:نسيتني والحين يعني تذكرت ولا الهوى من دون تدري مشى بك
غلا:كل الوجود انساه لا صرت وياك وتتصور انك كل شي بحياتي
ريم:يا دنيتي كلي الم كلي حزن كلي جروح كلي هموم قاسية صبري عليها ما قوى
وفجأه يدخل شخص علينا
ماانتهى الجزء بس ننتظر توقعاتكم
منو هالشخص اللي دخل ؟؟؟
وهل بتتطور قصة العنود ونواف؟؟
انتظرونا
__________________________________________________ __________
يعطيك العافيه على هالتأليف الرائع
وسلم ربي يدينك .....ومازلنا ننتظر باقي القصه
اسجل اعجابي وانتظر منك كل ماهو جديد
تكفين نزلي الاجزاء بسرعه
رد مع اقتباس
