عنوان الموضوع : ليلى نهايه وبدايه من الواقع
مقدم من طرف منتديات الشامل



الفصـــــــــــــــل الأول....
أسمي ليلي.....
عندي 26 سنه....اه انا فتاة ليل...بريستيتيوت زي مابيقولو...قررت اقتل نفسي....شربت اقراص منومه بس شكلها لسه تأثرها مظهرش يمكن لانو جسمي خد على الاتقل منها...هيد حشيش او بانجو..دماغ تكيلا او فودكا..مهو اكيد الحجات دي بردو بتأثر
سبكم من كل ده انا قبل ما انحرف كنت بنت عادية بس زي بنات كتير نفسي احب واتحب واعيش واخرج واتجوز اللي حبيتو ...مهو ده الطبيعي في اي مكان الا بلدنا ...الراجل عارف انو ميتجوزش اي بنت عرفها او لسانو خاطب لسانها قبل كده حتى لو قالتلو صباح الخير...بس انا مكنتش اعرف كده طول عمري اهلي كانو قافلين عليا مفيش خروج مفيش زيارات مفيش صحاب يادوب اروح المدرسة وارجع اكل والمدرس يجيلي اخد الدرس واذاكر وانام....هي دي كانت حياتي لحد الجامعه....وما ادراكم مالجامعه حياة جديدة مفتوحة اصحاب شباب على بنات...انا فاكرة اول يوم كويس قوي كنت لابسه الطقم الجديد والطرحة الاستايل وشايله كشكول محاضرات وفرحانه قوي وهموت واتعرف على اي بنوته تكون صخبتي اقعد معاها اتكلم معاها اروح معاها لو ساكنين قريب من بفض متع كتيييير ناس ممكن تشوفها هبله بس بالنسبه ليا كانت حجات كنت محرومة منها ونفسي اعملها....فضلت اسبوع مش عارفه اكون اي صداقات لحد مافي يوم لقيت بنت تقريبا في سني محجبه زي بتسلم عليا

وقالتلي.......انتي ليلي

قلتلها اه قالتلي انا منه معاكي في الكليه

ولقيت اسمك معايا في سكشن الترجمه وان شاء الله تكون معرفة خير ....طبعا انا كنت هموت من الفرحة قعدنا نحكي وعرفت انها من منطقه قريبه مني واتفقنا نروح سوا ونيجي سوا وانا طبعا الفرحة مكانتش سيعاني...ويومها قابلتني تاني مفجأه سعيده لما روحت البيت لقيت أمي جيبالي كمبيوتر ودخلتلي النت منا كبرت بقه وبقيت قد المسؤؤليه...كنت بجد هموت من الفرحة بس مع الأسف مكنتش لسه بعرف اتعامل مع النت ولا الكمبيوتر وزي الهبله تاني يوم قابلت منه وحكتلها واول كلمة قالتهالي اشطه هجيلك النهارده هظبطلك ميل واعرفك ميلي ونشيت سوا فنا بحسن نيه قولتلها هو مش الشات ده عيب

ضحكت لحد مافطست من الضحك وقالتلي ياهبله دنا هظبطك وهخليكي مصاحبه على اخر السمستر...يمكن لأنو كان عندي ميول للأنحراف ابتسمت ومرديتش عليها بس جوايا كنت في قمة السعادة.
الصور المصغرة للصور المرفقة

>>>>> ردود الأعضـــــــــــــــــــاء على الموضوع <<<<<
==================================

القصة مستوحاة من احداث حقيقيه


الفصل التاني....
عارفين لما بيكون الأنسان طول عمرو محبوس وياخد افراج فجأه بجد بجد بيتجنن..اه والله ...يعني يمكن لو اهلي كانو فتحولي الشباك بشويش واحده واحده مكنش اللي حصل حصل...واكتر حاجه وجعاني اني طول السبع سنين اللي مشيت فيهم غلط عمري مافكرت اتوب...اه حاسه بالذنب والشيطان شاطر يغرقني اكتر مسبليش فرصه افكر اني اتوب والندم جه متأخر.قوي
بعد المحاضرات منه روحت معايا البيت فتحت الياهو وعملتلي ميل وضافتني عندها....واول كلمه قلتها ليها تمام يامنه ايه بقي الشات ضحكت وقالت لي انتي مستعجله خالص في نفس اللحظة دخلت امي الاودة بس منه كانت خبرة في اقل من الثانيه كانت قافله صفحة الشات وهي مسبقا كانت فاتحه صفحة الجامعه عندنا طبعا اغلب الجامعات الخاصة بيكون ليها صفحة على النت...ايه منا نسيت اقولكم انا كنت فاشلة ودخلت جامعه خاصة ...مش هضحك عليكم واقولكم مثلا اني كنت متفوقه ولا من الأوائل لا بالعكس خالص....لما خرجت ماما رجعت منه فتحت الشات انا طبعا كنت مبهورة عملتلي اسم حركي قطة نعسانه قالتلي انو هيجذب الناس عشان تكلمني وفعلا بدأت اقترحات التعارف تظهر بالهبل...منه قعدت تروش شويه وبعدين مشيت وبقيت انا لوحدي والنت....كانت ليلة غريبه شفت كلام اول مرة اشوفو وقريت حجات اغرب حجات عمري ماتخيلت اني اقرها انا في الليله دي فقدت عذرية عنيه وايدي وعقلي وقلبي.....وكان اول واحد اكلمو الفرعون الصغير( أحمد ).....
انا فضلت اكلم احمد شهرين وطبعا حبينا بعض واساسي كان لازم نشوف بعض واتفقنا انو يجيلي الجامعه اه منا بوهم نفسي اني محترمه ومشفوش الا جوه الجامعه...يوميها نزلت بدري روحت ل منة البيت وهي ظبتني ادتني بلوزة ضيقة شويه على طرحه ستايل كده ورسمتلي عنيه وشوية روووج على رشتين برفيوم....كنت حاسه اني طايرة منا راحة اقابل حبيب القلب...شفته هو بصراحة معجبنيش بس قلت ومالو هو انا لاقيه اه انا حلوه بس مبتشافش يبقى خليني معاه خدني كافيه جوه الجامعه وقعد يسبلي ويحب فيا ...اه نسيت اقولكم انا في البيت كان عندي حظر تجول يعني أمفروض كل يوم بكون في البيت الساعه سته بالظبط ولو اخرت نص دقيقه بتبقي مشكلة....يوميها اخرت عشان احمد وقلت مش مشكلة لو متهزقتش عشان حبيبي هتهزق عشان مين...وكنت في منتهى السعاده لما قرر يوصلني ركبنا سوا السي تي ايه اللي بينزل الهرم وقعدني جوه ودفعلي الأحرة وانا ايه طبعا مهبولة بكل ده...فجأه طلب يمسك ايدي رفضت طبعا ...شوية وطلب تاني رجعت رفضت...شوية ومسك ايدي وانا معترضتش سيبتو يمسكها....روحت البيت طبعا متأخرة واتهزقت دخلت اودتي ولا هاممني فرحانه وطايرة كلمت أحمد وحبينا في بعض شويه واتفقنا انو اول مايروح هيكلمني نت بس مع الأسف نمت ومحستش بنفسي غير تاني يوم نزلت جري على الكليه وعشت اليوم وطلعت على السايبر مكنتش قادرة استحمل لحد ماأروح فتحت الميل لقيت ميل من أحمد وكان بيقول...سامحيني انتي جميله خالص بس انا مش هقدر اكمل معاكي في ظروف اقوى مني ومنك انا أسف بجد بس احنا مننفعش بعض....وبس...انا تنحت وانهرت في السايبر واتصلت ب منه جتلي ورتها الرسالة..كان رد فعلها غريب قالتلي....ده عبيط ده ولا ايه طظ فيه ده كان شبه العصايه بكرة تعرفي سيد سيدو سيبك منو ....وفتحت شتيمه والناس بقيت بتبصلنا وفي نفس اليوم دخلت الشات تاني وعرفت الطائر المهاجر...او سمير

__________________________________________________ __________
جميل قصتك وتلفت الأنتياه

في انتظار التكمله بشغف

سلمت يمناكي

__________________________________________________ __________
الف شكر عالقصة

__________________________________________________ __________


__________________________________________________ __________