عنوان الموضوع : صابره معك كل هذا العمر ! - قصة رائعة
مقدم من طرف منتديات الشامل

صابره معك كل هذا العمر !






السلآم عليكمم ورحمةة الله وبركآته
مسآء + صبآح الخير
كيفكم وش مسوين طبعآ انتم شايفين الموضوع ف قسم القصص
وانآ قررت اليوم اكتب لكم قصه من خيالي وتآخذ من الوآقع بنسبه بسيطه
واتمنى تنآل اعجآبكم ، الزبدهه ! ندخل ب القصه دون اي مقدمآت


كآن فيه بنت معززه مكرمه ف بيت اهلهآ !
وحصل النصيب وتزوجة رجل من اقآربهآ
وكآن اسمه

وآئل وهي اسمهآ خلود ،

طبعآ وآئل عزهآ وحبهآ من كل قلبه
وهي كذآلك ،
وبعد فتره جآهآ خبر وفآة ابوهآ !
طبعآ وآئل صبرهآ وكآن يحآول يسعدهآ وينسيهآ ابوهآ
كآن يبي يصير لهآ الزوج والآخ والآب لهآ ،
ولكن م سلم من عيال الحرآم وطآح بآلمخدرآت ,
وتغير عليهآ كثير

خلود : كآنت دآيم تعآتبه على معآملته
وليه يآوآئل تغيرت علي كذآ م كآنت تدري وش السبب !
وكآنت منجبه منه 3 اطفآل
طبعآ مره من المرآت دقت عليهآ جآرتهآ حصه


حصه : الو السلآم عليكم كيفك ي خلود
خلود : اهلين تمآم انتي كيفك
حصه : خلود فيه سآلفه جآتني من زوجي سلطآن
وابي اعلمك هي صرآحه هآلكلآم لازم تدرين به عن زوجك
عشان تحطين له حد !

خلود : بنت بلآ استهبآل وش سآلفتك ترآكِ خوفتيني على وآئل وشفيه ؟!!
حصه : سلطآن البارح شآف وآئل مع شله بطآلهه ! وكآن بآلحيل سكرآن
سلطآن يفول انه من زمآن ف هذا الطريق بس شكلك م تدرين
انتبهي على زوجك لا تتطور حآلته ي بنت !

خلود مصدومه ومآعرفت وش تقول لجآرتهآ وتفشلت وقآلت لهآ وهي خآنقتهآ العبرهه
ان شاء الله م يصير الآ كل خير فمآن الله


وآئل تمرد وابتدت اللفآضه البذيئه تكثر لخلود !
وتطورت حآلته وابتدى يعآملهآ ب الضرب والآهآنه
وهي طبعآ م وآجهته لآنهآ مو مصدقه ! كآنت مفكره ان فيه وحده غيرهآ بحيآته

ومره من المرآت جآلس وآئل مع خلود واولآدهم ،

خلود : حبيبي وآئل تكفى ابيك تغير لي جوآلي ترآ كل البنآت تطورو بجولآتهم
وانآ على هذا كن زوجي موب متوظف !

وآئل : ورى م تخلين عنك هآلبنآت وخليك على جوآلك م فيه شي !
خلود : يوهه ترآ جد اكلمك انآ م ابيهه
وآئل قآم والشيطآن ف رآسه سحب جوآلهآ وكسرهه
وقآل خلآص ارتحتي كذا م فيه جوآل دآم م تبينه ولا تكثرين هرج
لا يصير شي م يرضيك لآ انتي ولا عيآلكك

خلود : شوف انآ سآكته عنك وصآبره عليك لكن انت كل مآلك تقل ادبك علي
اقسم بآلله لو م تحترم نفسك لا اعلم اخوآني عليك
انت تحسبني م ادري بعلومك الوصخه ! ي خسآره بس

وآئل : وشنهو وشهي علومي يآلفآهمه ! وتمرد عليهآ وابتدى ب الضرب
وهي تعآند وتشتمه

وآئل طلع عن طوره وابتدى يضربهآ بكل قوتهه :
خلود : غآبت عن الوعي !
وآئل : خرج وقفل عليهآ بآب الغرفه هي وعيآلهآ منهآرين من البكى على امهم !

بعد م فاقت خلود صآرت تترجآه يفتح لهآ البآب
وهو يهددهآ لو علمت اخوآنهآ ب اي شي م عنده مآنع يطلقهآ ويحرمهآ من عيآلهآ
ف صآرت تقوله والله م اعلمهم خلآص افتح الباب انا تعبانه ودني المستشفى ابموت

فتح لهآ الباب ودآهآ المستشفى
وصار الدكتور يسآل هذي وش فيهآ وش صار لهآ
وهي طبعآ من خوفهآ صارت ترقع وانآ طحت من الدرج وصار لي مدري وشنهو ..

بعد اسبوع اتصلت من تلفون البيت على امهآ وتسولف لآمهآ عآدي
البنت م قدرت تسكت وعلمت امهآ !

ام خلود : انتي من جدك سآكته على هذا كله ولا تعلمينآ
خلود : تكفين يمه م ابي احد يعرف م ابي اتطلق واخسر بيتي وعيالي ادعي ربي يهديه

ام خلود : اقولك انتي موب صاحيه شوي نجيك انآ واخوك عمر
خلود : يمه تكفين م ابي مشآكل اذا بتجين ضيفه حيآك الله احطك بعيوني
ام خلود : طيب طيب يلآ مع السلآمه يصير خير اذا جينآ

بعد نص سآعه

ام خلود واخو خلود عمر عند باب العمآره !

وآئل شآفهم وسبفهم على البيت ودخل لخلود
وقآل لهآ اقسم لك ب الله لو فتحتي فمك م يصير لعيآلك خير
خلود صآرت تبكي وتقوله حرآم عليك امي تحت واخوي

وآئل : اقولك انتي م ينفع معك اذا دقو الجرس لا تردين فآهمه !
خلود : تكفى ي وآئل ابي اشوف امي من زمآن عنهآ
وآئل : خلآص انتهى الكلآم فآهمه

عمر وام خلود دقو الجرس ولا حيآة لمن تنآدي !!!
وطبعآ عمر م يدري عن اي شي

عمر : يمه الظآهر بنتك برآ البيت مع وآئل وش رآيك نرجع
ام خلود : لالا انآ احس بنتي بآلبيت فيه شي

عمر : هههههه يمه تكفين م نبي وسوسه لو فيهآ شي م بتسكت بنتك ونعرفهآ
لو سخونه تجيهآ نص الحآره بتدري

ام خلود : اقولك دق على جوآل وآئل واسآله عن اختك !
عمر : اوكك


عمر : الو وآئل سلآم كيفك ي رجل
وآئل : هلا والله بخير الحمدلله انت علومك
عمر : بخير الزبدهه انتم وينكم ترآ نحن عند باب العمآره انتم موجودين ؟

وآئل : لا والله موموجودين نحن بآلرياض كلهآ كم يوم ونجي الطآيف خير وش فيه ي ولد
بالعآده تدقون قبل لا تجون !
عمر : لا م فيه شي بس امي مدري وشفيهآ قلقآنه على خلود

وآئل : هههههاي خلود شوف خلود عندي تبي تكلمهآ عشان تتطمن انت وامك ؟
عمر : ايه والله تسوي ف امي خير ي غآلي

وآئل ابتدى ب تهديد خلود ان فتحت فمهآ م يصير لهآ خير

خلود : الو عمر وشفيكم ؟
عمر : ي بنت وينك تتغلين م تدقين على امي شوفيهآ مصحيتني من نومي ونحن عند باب بيتكم
خلود : ههههه تستآهل نحن بآلرياض لكن طمن امي اني مبسوطه مع حبيبي وآئل ومآفيه شي
كلهآ كم يوم واذا جآز لنآ الجو ف الرياض يمكن نطول

عمر : يلآ الله يوفقكم وانآ اخوك سلمي على عيالك فمآن الله
خلود : فمآن الكريم #



ام خلود : هاه بشر وين اختك ي عمر
عمر : شفتي يمه انككِ تكبرين الآمور ! خلود تقول انآ ف الرياض مع وآئل

ام خلود اهآآ الله يسعدهآ وين م تكون
عمر : خلآص ارتحتي ي الغاليه وش تبين عشاء
ام خلود : م عآد ابي شي رجعني البيت
--

وآئل : خير امك وش عندههآ تسآل عنك ؟
خلود : وش درآني اول مره تسوي كذا
وآئل : اهآ مدري ليه حآس انك علمتيهآ **
خلود : لا تطمن م فتحت فمي لآحد م ابي اخسر عيالي وانت
لا تكلمني ولا اكلمك اوك والشيطآن اعوذ بالله منه

وآئل : يكون احسن !

مر عليهم اسبوع وهم م يكلمون بعض

وآئل كنه تندم انه سوآ معآهآ كذا

وآئل : خلود ي هو للحين زعلآنه ؟
خلود : تصدق حتى خايفه اني اقولك ايه وتضربني ؟ يآلله وين كنآ وكيف صرنآ !!
وآئل : ي بنت الحلآل ابليس دخل بيننآ واوعدك م عآد تنعآد
خلود : كل مره تقول كذا وكل مره تمد يدك علي
وآئل : طيب واللي يقولك يبي يعوضك ونسافر برآ انآ وانتي وعيالنآ ؟
خلود : هه من جدك تصدق م اتوقعهآ منك !
وآئل : افآ بس ابشري ب السفره الزينه والله امري وين تبين نروح
خلود : اوك حصل خير نبي استرآليآ وش رآيك
وآئل : ابشري كم عندي خلود بس هاه بعد ه السفره ب اتزوج عليك هههههههاي
خلود : هههههههاي عشان اكسر عظآمك والله
وآئل : مدآم معي القمر مآلي ومآل النجوم من بكرآ رآح احجز جهزي نفسك والعيال اوك
خلود اوك



-------

انتهينآ من الجزء الآول تآبعو معي الجزء الثآني بعد يومين :

بشرو بس اصلح اصير كآتبه ولالا ههههههههههههههاي
طبعآ بقلمي اتمنى تنآل اعجآبكم ي رب
لاتنسون الردود والتقييم +

>>>>> ردود الأعضـــــــــــــــــــاء على الموضوع <<<<<
==================================

القصة ومجرياتها حلوه ،، على الأغلب قصة واقعية

لكن يلزمنا فيها شوية تفاصيل زيادة بالإضافة إلى إستخدام مصطلحات أدبية لتزيد من جمالية المفردات والجمل وكتابتها باللغة العربية،،،

لكن بشكل عام ،، بداية موفقة للكاتبة وإستمري ،، الله يوفق وبإنتظار الجزء الثاني .

__________________________________________________ __________


__________________________________________________ __________
بدايه مشوقه
وبنتظار الجزء الثاني
يعطيك العافيه جنا

__________________________________________________ __________


__________________________________________________ __________
السلآم عليكم وجيتكككم بآلجزء 2
يلآ وبدون مقدمآت




وائل : خلود وش رايك اول شي نحضر زواج اخوي واليوم الثاني نسافر
خلود : اوك حبيبي على راحتك

خلود ووائل حضرو الزواج واستانسو وسافرو ل استراليا
وانبسطو ورجعو ,
وائل : حبيبي بعد يومين انا مسوي ذبيحه بمناسبة زواج اخوي
وبيجونك حريم وانا الرجال عندي بالاستراحه اللي بجنب العماره اوك
خلود : اوك حبيبي عادي اعزم اهلي ؟
وائل : حياهم الله .

طبعا صارت العزيمه وانبسطو وكل شي وجاتهم بعد ام وائل
وبعد م خلصو قالت ام وائل . انا بروح مع اخوك ي وائل
وائل : براحتك ي الغاليه
طبعا كلن وراح بيته ..
الساعه 4 فجر الا وجوال ام وائل يدق من ام خلود

ام خلود : شفتي ولدك اللي م يستحي على وجهه
ام وائل : وش فيه ؟؟
ام خلود : ولدكك خطب وملك علىى بنتي وطرطها من البيت واخذ عيالها منها
كلميه قوليله يعطيها عيالها الا هو الله لا يرده

ام وائل : منصدمه ي بنت الحلآل انتي من جدك قبل شوي نحن متجمعين ببيتهم وش حلآتهم ؟
ام خلود : ليه انتي شايفه هآلموضوع ينمزح به اقولك كلمي ولدك قليل الآدب
ام وآئل : اببشري م يصير الآ اللي يرضيك ان شاء الله

ام وآئل مصدومه وصارت تعلم اخوه بآلسالفه وتعلم زوجة اخوه !

اخو وآئل ، عزوز ضحك وقآل يمه تبين العلم والله اني كنت عآرف ودآري
لكن محلفني م اطلع السالفه

ام وآئل : عزوز انت من جدك منت بصآحي ولا تتكلم ولا تعلمني م كني امكم انآ اخر من يعلم
زوجة عزوز : يوه والله انك مجنون ليه كذا تشجعه ؟

عزوز خلآص عآد الشرع وحلل له 4 ! انآ الحين بدق عليه واقوله ليه يطرد حرمته

عزوز : الو وآئل ي هو وشفيك طردت الحرمه واخذت العيال ؟
وآئل : قسم ي ولد م طردتهآ يوم درت وشافت السالفه جد زعلت ولمت عفشها وقآلت بروح
مع اهلي وانآ قلت لهآ عيالي معي وذا اللي صار !
عزوز يآلله يالله فمآن الله

ام وآئل : اخوك ذا موب صاحي ترآ !
عزوز : يمه لا تكبرين السالفه الشرع محلل له 4
زوجة عزوز : محلل له ولا مو محلل له سوي سوآته وشوف وش بسوي فيك
عزوز : هههههههه ترقبي جديدي قريبا نسويهآ
ام وآئل : عشان اتوطآك وانآ امك
عزوز : لا خلآص دآم امي تدخلت مآلي كلمه

طبعآ وآئل سوآ اللي فراسه وتزوج .
وبعد شهر العسل رجع خلود وعطاهم اللي يرضيهم
وخلود كانت تحاول تتقرب من العروسه وتحاول تتعامل معاها ك اخت لهآ
لكن العروسه كانت متكبره ومغروره وماتطيق خلود و 24 ساعه شكآوي على راس وائل
خلود وخلود وخلود الخخ ..
وفي نفس للآسف م توفق معاها لانهآ من طبقه رآقيه وهو على قد حآله
ف كآنت دآيم تعآيره على كل شي
جلست معه شهرين وراحت بيت اهلها ودقت عليه وقالت له لا عاد اشوفك انآ م ابيك
لكن للآسف بعد مسوت كذا اكتشفت انهآ حآمل !

وآئل عآفهآ وقال تحرم علي م ارجعهآ ويآزين خلود
ورآحو للمحكمه
وقآل القاضي اذا ولدت حرمتك يجلس معاها الولد او البنت لمدة 7 سنوآت
وبعدها تقدر تآخذ الحضانه منها وتاخذ ولدك او بنتك

وآئل رجع البيت ويحكي خلود

خلود : ي ابن النآس خلي اللي ف بطنها معاها وان بغيته
خصص لك يوم ب الآسبوع تروح تشوفه وتفسحه وترجعه لآمه بلآش مشآكل وفضآيح
حرآم الولد يتمرمط بنكم !
وآئل : تصدقين توني عرفت قدركِ ي خلود !
خلود : ههِ م تعرف قديري لين تجرب غيري ،
وائل رجع مثل اول ومشى بطريقه الصحيح وحط خلود بعيونه
وتندم على كل شي سوآه فيهآ ، وصار يحآول يعوضهآ
وعاشو بسعآدههَ وهنىء ,

تحيآتي لكم اتمنى تنآل اعجآبكم