عنوان الموضوع : معقوله متفشله منها
مقدم من طرف منتديات الشامل
السلام عليكم
اخباركم يا حلوين ,,
ابي احكي لكم قصه
في السنه اللي فاتت في المدرسه عندنا
كان فيه مجلس امهات
حفل وتكريم ومسابقات...الخ
طبعا بعد هذا كله يروحون الامهات يسألون عن بناتهم
حلو !؟
انا زوجة ابوي المديره يعني عادي م يحتاج تسأل عني *حتى لا احد يستغرب ليه م ارافق زوجة عمي للأستاذه ..ترى انا شاطره..المهم*
و كنت مسؤله عن النظام
اي ام تسأل عن الاستاذه الفلانيه ارشدها لها انا وبقية الطالبات اللي وياي نفس الحاله
صار وشفت
ام تسأل الاستاذه عن بنتها
الاستاذه تمدح فيها
انا ابتسمت على شكل الام
يا قلبي عليها ..فرحانه في بنتها
جت بتعطي بنتها بوسه
تخيلوا
البنت بعدت عن امها
وقالت لها مو هنا
انا مدري وش اقول صراحه
احس نفسي اختنقت
وضاقت الدنيا في عيني
وعلى طول طلعت الساحه
بدات دموعي تنزل
معقوله؟!
تستحي من امها تسلم عليها قدام استاذتها !؟
معقوله !؟
انها تحس بالفشيله لا سلمت عليها !؟
حتى
على كلامها م قدرت اعلق وقتها
من شدة الصدمه
يا بنات ..
اذا كانت الوحده تستحي من امها تسوي شي زي كذا
ليه م تستحي من ربها يوم انها
تتفشل من امها
والله ولد
مو ولد صغير
الا رجال
يبوس رجل امه
والله انها نعمه من السما
"وبالوالدين احسانا"
لعلمكم الام مسكينه ابتسمت على تصرف بنتها
وش تسوي مسكينه غير الابتسامه
بكره تكبرين
وتتزوجين وتجيبين بنت
تخيلي تسوي فيك كذا
واذا مو ازود من كذا
يعني انا صراحه مو قادره اتخيل
لا كبرت وجبت بنت ممكن تسوي كذا
طالعي عدل للنعمه اللي في بيتكم
مو اكل ..
ولا جوال..
ولا لابتوب..
ولا الملابس الجديده..
ولا...الخ
نعمه غير عن كل النعم
هذي امك يا حلوه
مثل هالنعمه مرح تلاقي
واخيرا
,,ربي اسألك الصحه والعافيه
لجميع امهات المسلمين والمسلمات
والرحمه وجنان الآخره
لجميع من هم منهم اموات,,
والسلام عليكم ورحمة الله
>>>>> ردود الأعضـــــــــــــــــــاء على الموضوع <<<<<
==================================
يارب أجعلنا بارين بأمهاتنا
والله أن الأم نعمة وأعظم نعمة
ولا يشعر بها الا من فقدها
يعطيك العافيه
__________________________________________________ __________
اللهم أسعدنا بأمهاتنا
فالجنة تحت أقدامهم
يعطيك العافية على الطرح
يسلموا
__________________________________________________ __________
ياقلبي ع اامها
يارب يجيها بنات يسون لها بالمثل وازوود بعد
اللهم احفظ امي وامهات المسلمين
واجعلنا بارين لهم
يعطيييك العاااافييه
__________________________________________________ __________
الله يهديها ولا يبتلينا
صراحه مو عارفه كيف اعلق
اللهم ارزقنا بر امهاتنا وآبااائنا
جزاك الله الف خير على الطرح
__________________________________________________ __________
اللهم آمين
يعطيكم العافيه
ع التفاعل الطيب
,,جوهره,,
رد مع اقتباس
