عنوان الموضوع : أنا أنثى - قصة خليجية
مقدم من طرف منتديات الشامل

ريناد / جواد

اسمين لشخص واحد !!

كيف ؟؟

تابعوا معي أحداث هذي القصة




( 1 )



ريناد .. بنت فائقة الجمال عمرها 20 سنة تخرّجت من الثانوي (ونسبتها ماأهلتها لدخول الجامعة)

هي أحد أفراد عائلة تتكون من 4 أولاد وأم وأب
هي (البنت) الوحيدة بالأسرة

كانت مُرفّهــهـ جدا وطلباتها أوامر

ومع كل الترفيــهـ اللي كانت عايشة فيــهـ
إلا إنها كانت تعاني من فراغ قاتل
الكل مشغول بنفسه ، مافيه أحد بالبيت فاهمها

كانت تشغل وقتها بالنت / بالطلعات والروحات والجيّات .. كانت ماخذه راحتها عالآخر

بس مازال الفراغ ينهش أيامها ، تبي شي جديد ، تبي أي شي يغير روتين حياتها









أم ريناد : ريناد اليوم أنا معزومة على زواج بنت وحدة من صاحباتي
تجين معي ؟

ريناد : لا يمه انتِ عارفتني مااااأحب الزواجات وإزعااااجها

أم ريناد : أوكي أنا الحين بأروح المشغل


ريناد : الله معك


انسدحت بسريرها
وفتحت اللابتوب
دخلت المنتدى اللي هي مسنتره فيه 24 ساعة

كان النك تبعها >> أجهلك !

جلست تتصفح المواضيع الجديدة
ردت على كم موضوع أعجبها

بعدين انتبهت إن فيه عندها إشارة تنبيه ماشافاتها

راحت تشوفها لقتها : رسالة خاصة

من : إفهميني

مساء الخير

يابنت من زمان عنك

بس حبيت أسلم

طمنيني عنك يالغلا




قرت الرسالة

وكتبت له رد عالسريع :

أنا بخير عساك بخير
انت كيفك ؟
تراني أنا دايم موجودة
بس انت اللي غيباتك كثيرة (:


أرسَلَت الرسالة

وجلست تكمل فرفرتها بالمنتدى


كثيرين بالمنتدى يحاولون يطلبون ودها
بس هي مقفله جميع السبل للوصول لها
ومااااتسمح لأي عضو يتجاوز حدود (الأخوّة) معها

ماكانت تحمل أي شعور خاص ناحية أي عضو
الجميع عندها سواسيا

باستثناء العضو (إفهميني) كانت ترتااااح له مررره
وتحس إنه (محترم / وعارف حدوده) !!

كانت ترتاح للسواليف معه
ودّها تفضفض له
فيه حكي كثير بداخلها
بس كانت تبي إذن تسمعها !






قرت موضوع في قسم الفرفشه لـ العضو : (إفهميني)
تسدحت من الضحك لما قرت موضوعـهـ
ردّت عليــهـ

وكمّلت جولتها بالمنتدى





الأيام مثل بعضها
روتين
ملل
وفراغ قاتل

وعلاقة ريناد بـ العضو (إفهميني) بدَت تتطور شوي شوي

كانوا جالسين يسولفون بالخاص (بالرسايل الخاصة)


إفهميني :

يادوبا تراي للحين ماعرفت اسمك ؟؟


أجهلك :

دوبا بعيــنـك ):
انت ماسألتني من قبل
والا كنت بأجاوبك
اسمي ريناد
انت وش اسمك ؟؟


إفهميني :

عاشت الأسامي ياريناد

اسمي عادل




أجهلك :

عاشت أيامك

قبل كم يوم قريت لك مشاركة
تشتكي فيها من مديرك بالعمل
وتقول انك تتوقع الطرد بأي لحظة !!

خير وش صاير ؟؟


إفهميني :

هالمدير متقصدني بشكل ماتتصورينه
يكرهني وحااااقد علي
لأني مو جالس أجاملة بالحكي مثل باقي الموظفين ولا أدهن سيره !!
عشان كذا هو يستنى علي أي زله


أجهلك :

يـــوهـ الله يعينك

إفهميني :

وانتِ تدرسين ؟؟


أجهلك :

لا
تخرجت من الثانوي
وجلست بالبيت



إفهميني :

كم نسبتك ؟



أجهلك :

ليــهـ الإحرااااج خخخ

نسبتي 75

وأصلا أنا مااااابي أدرس << عااااش مفقّش خخخ


إفهميني :

وكيف تقضين وقتك ؟؟



أجهلك :

بالنت والأسواق والنوووم

إفهميني :

ماتملين ؟



أجهلك :

ذااااابحني الملل
(فيس يبكي)



إستمرت علاقة ريناد بعادل .. على ماهي عليه
تجمعهم صداقة محترمة



اللي أعجبها بعادل
إنه مو مثل باقي الأعضااااء ..!

يعني ماتحس إنه ميت عالبنات
والا رااااعي غزل

وأكبر دليل إنه للحين ماعرض عليها ايميله ولا رقمه !!!

بينما باقي الأعضاء ماااايحتكون فيها إلا عشان نزواتهم الخاصة !!
عشان الإيميل أو رقم الجوال !!





من كثر ماهي مرتااااحة لعادل
كان ودها تفتح له قلبها
وتقول له عالمشكلة اللي معكرة حياتها !!

لكنها خاااايفة / مترددة / ومو عارفة من وين تبدا و وش تقول ...!

>>>>> ردود الأعضـــــــــــــــــــاء على الموضوع <<<<<
==================================

( 2 )


عادل (موظف في قطاع خاص)

عمره 24

يدخل النت في أوقات فراااغة

ابتدا يتعلق بالنت وخصوصا (منتدى ....)

من بعد ماعرف |ريناد| ..!

هو مايحمل لها بداخلة إعجاب أو حب أو أي شي من هذا القبيل

لكن .. يرتاح لها !!





كان مع خوية فهد بالمقهى

عادل : دقيقة يافهد بـ أشيك عالمنتدى
ثواني ماراح أطول

فهد : وش فيك مخبوص من كم يوم على هالمنتدى ؟؟
مو من عوايدك
اعترف يالخاروف .. جرجروك البناااات على خشتك ؟؟


عادل : والله مالخاااروووف غيرك
عندي شغلة مهمة بأخلصها وأجيك


فهد : وهالشغلة المهمة ماتقدر تنتظرك لين ترجع للبيت ؟؟


عادل (وهو يقوم من مكانه) : لا هالشغلة بالذاااات ماتقدر تنتظر




دخل المنتدى
أول ماسجل دخوووله

رااااح على طول لملفها الشخصي


أجهلك
آخر نشاط : 2009/3/2

هذا رابع يوم لها مادخلت المنتدى !!

غـريـبــــــهـ

يااااارب مايكون صاير لها شي !



سجل خروجـهـ من المنتدى

ورجع لخويه فهد


فهد : مسرع خلصت أشغالك .. والا الحبايب ماأعطوك وجه


عادل : ترى مو فاااايق لك


فهد : أصلا باين من ملامح وجهك !!
عسى ماشر ؟؟


عادل : مليت من هالمكان .. ماودك نطلع ؟؟


فهد : أوكي .. نطلع !!


كان يسوق السيارة وهو بعاااالم ثااااني


فهد : يالأخو .. أبو الشباااااااب .. يالطيب .. عـــاااااادل


عادل : بسم الله وشو له تصارخ ؟؟


فهد : بدري ، تو الناااااس .. وين كنت ساااارح ؟؟
من اليوم وانا جالس أناديك


عادل : لاسارح ولا هم يحزنون


فهد : ايــهـ واااااااضح ههههههههه
اللي مااااخذ عقلك يتهنى به


عادل (يقول بخاطرهـ) محد مااااخذ عقلي غيرها

__________________________________________________ __________
( 3 )


أم ريناد : ريناد لاتعذبين قلبي معك .. قومي نوديك المستشفى


ريناد (وهي تتلوى بفراشها) : يمه ماااابي أروح المستشفى .. ماااافيني شي ماااااافيني شي

أم ريناد : حبيبتي عشان خاطري ، شوفي شلون جالسة تتألمين ، من كم يوم وانتِ على نفس الوضع
تقولين مافيني شي .. وانتِ تتلوين من الألم


ريناد (حضنت أمها) : يمه والله مافيني شي .. مغص خفيف يجي ويروح

أم ريناد : كل هالألم اللي يجيك وتقولين مغص خفيف ؟؟


ريناد : لو كان الألم قوي ماكان تحملته يايمه أكيد بأروح المستشفى



ومازالت أم ريناد جالسة تحاول تقنع بنتها بروحة المستشفى

بس رينـــاد راااااافـضـهـ !!








خايفة تروح المستشفى بس ماتدري ليــهـ ؟؟

آخر عهدها بالمستشفيات ؛ لما كان عمرها 10 سنوات

الألم بيذبحها .. بس جاااالسة تكااااابر !!








جلست على هالحال لمدة اسبوع

بعدين حست انها بدت تتحسن والألم بدا يتلاشى




فترة مرضها ماكانت تدخل النت نهائيا


فتحت اللاب تبعها

فتحت ايميلها

شافت رسايل كثيرة من صديقاتها يستفسرون عن غيبتها وتقفيل جوالها !!


راحت تسجل دخولها (بمنتدى ....... )



عدد التنبيهات : 21

رسايل خاصة ورسايل زوار

كلهم يسألون عن سبب إنقطاعها المفاجيء


فرحت مررررهـ ماكانت متوقعـهـ إن أعضاء المنتدى بيفتقدونها بهالشكل


من ضمن (الرسائل الخاصة)

فيه 3 رسايل من العضو (إفهميني)

الأولى :

ريناد عسى ماشر ؟
3 أيام مابينتي
غريبة
مو من عوايدك


الثانية :

وربي بديت أقلق ..
ياليتك تطمنيني عليك أول ماتشوفين الرسالة


الثالثة :

مشكلتي اني ماأدري وين أرضك عن سماك
والا ماكان جلست أنهش بأعصابي كل هالوقت

أتمنى يكون المانع من تواجدك خير




ريناد (بخاطرها) : وااااااو معقولة يكون لهالدرجة خاااايف وقلقاااان علي !!
لااااا ياريناد .. انتبهي .. عادل يعاملك كأخت
لاااااتتجاوزين هذا الحد معااااهـ .. ولاتفكرين انك تحبينـهـ !!



أرسلت له رساله

...........

!

__________________________________________________ __________
( 4 )

جالس يتصفح بعض المواقع
وماكان له نفس يدخل (منتدى ......)
لأنه تعب من الإنتظاااااااار


عادل (بخاطرهـ) : يمكن البنت ملت من المنتدى !!
وانا اللي جالس أحرق أعصابي على ولاااا شي !!



قبل مايقفل اللاب
راح يشيك عالمنتدى
يمكن يلاقيها !




التنبيهات : 1




موووو مصدق عيوووونــهـ

وأخيـــرا
وأخـيـــــــرا يــاريـنـــــاد


رسالة خاصة جديدة

من

أجهلك :

مساء الورد والذوق والشوق
أسعدني سؤالك عني ياعادل
حبيت أقول لك اني أنا بخير
بس كنت تعبانة شوي بالفترة اللي راحت

مشكووور على إهتمامك




على طول بدا يكتب لها رد على رسالتها :

سلامتك رنو ماااااتشوفين شر
خوفتينا عليك يالدوبا
وانت بس تتدلعين (:

اسمعيني .. لو تعيدينها مرة ثانية ترى بأتوطى في بطنك

طيرتي عقلي
صرت شبه مجنوووون

ياويلك مني ياريناد لو عاد غبتي هالغيبة






قرت رسالته
وانرسمت إبتسامة على شفايفها

الشوووق واضح بكلامـــهـ



أرسلت له (من دووون وعي) :

إشتقت لي ؟




أرسل لها :

جنني الشووووووق






ماتوقعت هالرد !!

ماتدري هي وش كانت متوقعة

بس الأكيد انها ماتوقعت منه يجاوبها بهالصراحة



ماعرفت وش تكتب لــهـ !!!



بالأخير أرسلت لــهـ :

(فيس مستحي)









راحت ترد على باقي الرسايل الخاصة
ورسايل الزوار


بس كل تفكيرها كان مع (عادل)

__________________________________________________ __________
( 5 )


استمرت علاقة ريناد بـ عادل
مثل ماهي
الإعجاب كان يكبر بداخل ريناد

كل يوم تكتشف بعادل شي جديد
شي يعلقها فيه أكثر وأكثر











مرّة من المرّات
كانت جالسة تسولف مع عادل بالرسايل


أجهلك :

عادل
أنا مرتاحة لك مررررة


إفهميني :

شعور متبادل والله
أنا جالس أكلمك ، وكأني جالس أكلم نفسي
أحسك قريبة مني بالحيل


أجهلك :

فيه كلام بخاطري ودي أقوله لك


إفهميني :

قولي اللي بخاطرك ،، كلّي معك


أجهلك :

اممممممممم
ماينفع أقولك هنا بالمنتدى
ممكن ايميلك ؟؟




أعطاها ايميلــهـ ..

وجلسوا يتكلمون بالمسن



ريناد : أكيد مستغرب من طلبي !


عادل : لا مو مستغرب ، بس متشوق أعرف وش هالكلام اللي ماكنت قادرة تقولينة بالمنتدى !


ريناد : مو عارفة من وين أبدا !!


عادل : وش نوع الكلام اللي بتقولينه ؟؟


ريناد : امممم أنا عندي مشكلة

عادل : وش هي مشكلتك ؟؟؟؟

ريناد : ماأدري

عادل : طيب هذي المشكلة صايرة لك من زمان ، والا توها صايرة لك ؟؟


ريناد : مدري


عادل : ريناد انت من ايش خايفة ؟؟
افتحي لي قلبك


ريناد : عادل انت تدري كم عمري ؟؟


عادل : انتِ قلتِ لي إن عمرك 20


ريناد : امممممممم
طيب أنا فعلا عمري 20

عادل : وين المشكلة !!


ريناد : أنا للحين مابلغت !!!


عادل : من جدك تتكلمين ؟؟


ريناد : ايـــهـ


عادل : مارحتي المستشفى ؟؟
مافكرتي تكشفين على نفسك


ريناد : لا


عادل : وأهلك ليـــهـ تاركينك كذا ؟؟

ريناد : أهلي مايدرون
أنا مفهمه أمي اني بلغت


عادل : ماودي أخوفك
بس لازم تروحين المستشفى
وضعك هذا مو طبيعي

ريناد : مو هذي المشكلة وبس !!


عادل : وش باقي بعد ؟؟


ريناد : أنا ......................


عادل : انتِ ايــــش ؟؟؟


ريناد : لا ولا شي


!







يتبع

__________________________________________________ __________
( 6 )


عادل : تكلمي ياريناد .. انتِ من ايش خايفة ؟؟
طلعي لي اللي بخاطرك


ريناد : خلاص أنا طلعت اللي بخاطري


عادل : بس أنا متأكد إن فيــهـ أشياء ماقلتيها !!


ريناد : لا صدقني مابقى شي


عادل : تكلّمي

ريناد : وش أقوووول ؟؟


عادل : تعانين من شي ثاني غير اللي قلتيـهـ ؟؟


ريناد : لا


عادل : بأقرب وقت لازم تروحين المستشفى


ريناد : خايفة


عادل : من ايش خايفة ؟؟


ريناد : مدري


عادل : مافيك إلا العافية إن شاءالله
يمكن عندك مشكلة بالهرمونات
يعطونك حبوب تستمرين عليها لفترة معينة وتنتهي مشكلتك بإذن الله


ريناد : تتوقع إن هذي هي المشكلة وبس !!


عادل : ماأدري ، أنا جالس أقول (يمكن)
روحي اليوم للمستشفى


ريناد : بأروح بكرة إن شاء الله


عادل : وإذا مارحتي بكرة
وش تبين أسوي فيك ؟؟


ريناد : امممممم إذبحني


عادل : واذا ذبحتك ، كيف أعيش ؟؟؟؟؟


ريناد : عااااادي بتعيش مثل الأواااادم (:


عادل : من غيرك ماااارااااح أقدر أعيش


ريناد : ليـــهـ ؟؟


عادل : لأنك صرتي جزء من ذاااااتي


ريناد : !! أنا جزء من ذاتك ؟؟


عادل : مستغربة ؟؟؟


ريناد : ايـــهـ

عادل : يعني انتِ مااااكنتِ حاســهـ فيني ؟؟؟


ريناد : أحس بــ ايــــش ؟؟


عادل : لا ولا شي !!!


ريناد : دووووب زعلت ؟؟؟


عادل : من ايش بأزعل !!


ريناد : طيب كمّل كلامك


عادل : خلاص ماعندي شي أقولــهـ


ريناد : أكــيــد ؟؟؟؟


عادل : أحـبـــك


انصدمت ريناد لما قرت كلمة عادل



أحـبـــك !!

لااااااااااا هي ماكانت تبي الأمور توصل بينهم للحب !!

لا مستحيل

لازم توقفــهـ .. لااااينجرف معها أكثر !!






ريناد : تمزح صح ؟؟


عادل : !!! أمزح ؟؟؟


ريناد : تحبني مثل أختك صح ؟؟


عادل : إذا هذا اللي يريحك .. ايـــهـ أحبك مثل اختي
ارتحتي ؟؟


ريناد : ايـــهـ ارتحت

( 10 )



بعد سبع شهور











تحدد موعد العملية


الرهبة والخوف دااااخل ريناد انخفض مستواها بس ماتلاشت

مازالت خايفة من مستقبلها
ومن نظرة المجتمع لها !!

لكن هذا قدرها ،، هي وش تقدر تسوي !!









ودّعَت حياة البنات ، ودعت صديقات الطفولة والصبا

ودعت ملابسها

مكياجها

عطوراتها

غرفتها


ودّعت كل شي يخص (ريناد)

وبدت تقتحم عالم الرجال

بجسد مختلف وروح متجددهـ

ريناد / انتهت
وابتدت حياة / جواد


























.
.











جــــواد

تنتظرهـ حياة جديدهـ

وعاااام مختلف تماما


صعب إنـهـ يتأقلم على هالعالم المجهووول بالنسبة لــهـ








مازال حابس نفسة بالغرفة اللي تغير أثاثها ولونها
وأصبح طابع الغرفة (طابع ذكوري)


يبكي / يئن / يتعذب

ودّهـ لو يرجع الزمان للخلف

قبل مايقرر .. إنه يروح للمستشفى

لـيـتـهـ بقى على حاااالــهـ وعلى عـمـاااااهـ










كان يشوف إتصالات (عادل) ومسجاتــهـ

بس نفسيته ماااكانت تساعدهـ على إنهـ يكلّم أحد



ومع كثرة مكالمات عادل وإصرارهـ

رد عالإتصال


جواد (وهو يحاول إنه ينعم صوتـهـ) : ألو


عادل : عاش من سمع هالصوووت !


جواد : عاشت أيامك


عادل : سؤال أبي إجابتــهـ بصرااااحــهـ
رينــاد انت يضايقك إتصالي ؟؟

جواد : ليش تقول كذا ياعادل ؟؟


عادل : من تطنيشك


جواد : أنا ماطنشتك برغبتي .. عادل كان عندي ظروووف ، وانت لازم تقدّر


عادل : انتِ عااارفتني اني أراعي ظروفك ومستحيل ألومك على شي خاااارج عن إرادتك
بس ماااأتوقع إن هالظروف كانت تمنعك من إنك تطمنيني (برسااااالة) عالأقل !


جواد : معك حق والله ' بس أنا نفسيتي كانت تعبااااانة


عادل : وليـــهـ تحرميني من اني أشااااركك همومك وآلامك ومشاكلك ؟؟
ليـــهـ تحااااولين تبعديني عنك ؟؟
ريناد إذا أنا ماكنت جنبك بظروفك
متى بأكون جنبك ؟؟


جواد : ماااااأبي أتعبك معي


عادل : بس أنا راااااضي بالتعب اللي يجي منك
رااااااااضي يارينــااااد راااااضــي


جواد : أوعدك ماعاد أعيدها
خلاص ياعادل لاتضيق صدري أكثر

عادل : سلاااامة صدرك من الضيقة












كمّل مكالمتــهـ مع عاااادل
وقلبــهـ يتفتق من دااااااخل

هو مايبي يلعب بمشاعر هالإنسان
ولا يستمر بهالكذبة المقيـتــهـ
يبي يصااااارحـــهـ


بس كــيــــــف ؟؟؟