عنوان الموضوع : وافي ونخولي - قصة خليجية
مقدم من طرف منتديات الشامل

السلام عليكم ورحمة الله وبركاته
هذه القصيده من نسج الخيال وليست واقعيه ولكن ممتعه نوع ما...

يقول كان فيه اثنين اصدقاء عايشين في ديرة فقر ماعندهم عمل ولا فيه مجال للشغل بذا الديره واتفقو انهم يرحون يدورن لهم شغل مشوا الاصدقاء طبعا القصه قديمه المهم طلعو من الديره وابعدو عن الديره طبعا على رجليهم وفي ما هم يمشون صادفو لهم واحد واسألوه عن شغل قالهم الا والله خابر لكم تاجر قدام بعييييد من هنا والله رجال طيب امشو قدام وبتلقونه ان شاء الله المهم تعدوه ومشو وذبحهم الضمى ومرولهم على قليب (بئر)وقال الاول لثاني انزل في البئر وعب المويه وانا بسحبك اذا عبيت المويه المراد نزل الثاني وعب المويه ويوم عب المويه رفيقنا الاول سحب عليه ولا طلعه من القليب لانه طمع بتاجر بشتغل لحاله عنده ومشى وخلاه ورفيقنا الي في القليب معد يقدر يطلع وامسى عليه الليلفي بئر لحاله بلخلا ماعنده من يقول ربي الله واثناء هو جالس بلقليب بليل سمع ناس يسولفون اثرهم من اهل الارض يسولفون ويقولون الديره الفلانيه الي قليبهم منسد ومقطعو عنه الما لو انه يحفرون من الغرب ويطلعون الصندوق الي ساد الما صندوق مليان من الذهب ولا هم مافكرو فيها ولا الثانين الي بنتهم لاتقوم ولاتسمع ولاتحرك من الفراش لو انهم يذبحون ديك ويرشون دمه عليها كان صحت وطابت ورفيقنا الي بلقليب يسمع المراد يوم طلع الصبح عليه لاان الخياله جاييين يبي يروون من الماءسمع رفيقنا قام يصرخ الحقوني طلعوني قالوله الخياله انت انس ولاجان ولا وش انت قال والله انس ورفيقي تركني هنا عما الطمع عيونه
المراد طلعوه وشكرهم ومشى وين راح رفيقنا راح لديره للي قليبهم مسدود وراح لشيخ الديره وقال قليبكم مايجيه ماء وانا اعرف علته واقدر اصلحه لكم قال اي والله ان كان صلحته فأبشر والله بسعد وان كان تكذب حنا بنعلمك شغلك قال لاوالله مااكذب بس عندي شرط وابيكم توافقون وقال الشيخ اشرط قال الي ساد قليبكم باخذه لي قال الشيخ ابد هو لك ولك فوقه مية راس من الغنم قام وقالهم احفرو من ومن هناك لين طلعو الصندوق ومشت المويه واخذ الذهب والغنم ومشى يم اهل البنت المريضه قال لابوها انت عندك بنت مريضه ماتقوم من الفراش من يوم خلقت قال الاو اي والله يابن الحلال وماخليت شيخ ماوديتها له قال رفيقنا انا بعالجها لك بس بشرط قال الابو اشرط وشرطك بيتم
قال رفيقنا شرطي تزوجني البنت الحين قبل اعالجها قال البنت مريضه كيف اوزجك وهي مريضه قال ابد ماعليك قال الاب براحتك وملكله على البنت
المهم قال رفيقنا رح اذبح ديك وجب دمه قام ابو البنت يذبح ديك وجاب الدم يوم جاب الدم رشه على البنت وجلست البنت 24 ساعه مغمى عليها ثم قامت مافيها الا العافيه ويعود رفيقنا لديرته مع الحلال والحرمه واغناه الله ويقابل رفيقه النخولي قاله النخولي انت للحين عايش قال ايه يالردي عايش والخير يرجع لله ثم للقليب قال النخولي والله لروح للبير ذا الي خلاك كذا ويروح النخولي يم البير ويثطب بلير ويجلس يوم امسى عليه الليل يسمع الجن يقولون البنت الفلانيه تعالجت والبير الي في الديره امتلى من الماء
قال الثاني لا لا والبير الي حنا في ذا فيه انسي خل ندفن البير بل الانسي الي فيه ودفنو البير بلي فيه وهذا جزا النخولي الي غدر برفيقه ....

ودمتم اتمنى اعجبتكم القصه

>>>>> ردود الأعضـــــــــــــــــــاء على الموضوع <<<<<
==================================

صراحه القصه كثير روووووعه
تسلموا حياتي

__________________________________________________ __________
::

الله يعطيك العافية
تحيتي
.

__________________________________________________ __________
سلمت يداك ع ماقدمت
ودي ,.

__________________________________________________ __________
اشكركم على مروركم انتم الأروع
لكم ودي وتقديري دمتتم ......

__________________________________________________ __________
يعطيكـ ااالف عاافيه
وبنتظار جديدكـ الاحلى
~تحيااتي~

قـصه رائـعه...

وأكثـر مـن رائـعه

تتـرك اثـر فـي قارئـها وتفـيدهـ

تحـياتـي