عنوان الموضوع : ولا تلقوا بأيديكم إلى التهلكة قصة حقيقية
مقدم من طرف منتديات الشامل

السلام عليكم ورحمة الله وبركاته
جميل انحنا نعيش قصة حب جميلة بس الاجمل انها تكون فى النور بعلم الاهل حبيت اوضح من خلال القصة الطريفة كمية التنازلات الى ممكن تتنازل عنها(من كدب على الاهل ومن ترخيص لنفسها وعفتها ومن اذلال نفسها لشخص لا يستحق ) من اجل قصة وهمية
فلا تتعجلى النصيب فانه ات
الموقف عباره حوار بين شاب وبين بنت


( الحب وعذابه مستنى البت بتاعته بقاله ساعتين وربع وفى عز الحر الساعه 12 الظهر كده وهو مخنووق منها اووى انها لطعته الوقت ده كله )


الحب وعذابه : فى سره ( هى البنت دى بتستهبل كده على طوول ليه كل مره تسبينى ملطوووع فى كده طيب بس لما اشوفك )


" وبعد مرورساعه كمان "


البنت : ( بكل سذاجه ) هاى روحى اتأخرت عليك؟


الحب وعذابه : لالا ابدا يا حبى بالعكس انا اتمنيت انك تتأخرى كمان وكمان عشان تيجى على مهلك اصلى بخاف عليكى من النسمه الطايره ( فى سره الله يخرب بيت اليوم اللى عرفتك فيه )


البنت : طب ايه ..عامل ايه دلوقتى ياروحى


الحب وعذابه : تمام الحمد لله ياقلبى


البنت : تعرف ماما النهارده كانت منعانى من الخروووج ومكانتش راضيه تخلينى انزل النهارده


الحب وعذابه : ( فى سره يا نهار ابوكى اسود غامق كمان لطعانى من صباحيه ربنا وفى الاخر مكنتيش هتيجى ) احم احم وعملتى ايه ياروحى ؟


البنت : ابدا قولتلها انى رايحه عيد ميلاد واحده صاحبتى


الحب وعذابه : ( فى سره برضه تعرفى لو قولتيلى انك رايحه عيد ميلاد صاحبتك واحنا متجوزين هتبقى الضحيه رقم 957 ) ياسلام بقى انتى بتحبينى الحب ده كله يا عمرى


البنت : اكيد يا منيل وهو فى حد غيرك برضه ( طبعا ده فى سرها والا كنت زقتها على العربيات اللى معديا دوول) انت اول حب ليا


الحب وعذابه : ( الحب بيستعبط ) مش عارف ايه الزحمه دى اشمعنا النهارده !!!


البنت : زحمه ايه يا حبيبى وفين العربيات اساسا !


الحب وعذابه : انتى بتكدبينى ياروحى ؟ العربيات اهم يا عيونى


البنت : ( هو هيستهبل من اولها.. كالعاده فى سرها ) اكدبك ايه يا حياتى هو معقول برضه !! ده العربيات مليا الشارع اهو


الحب وعذابه : ( فى سره طبعا . هى البت دى بتاخدنى على قد عقلى ولا ايه ده مفيش ولا عربيه كلهم تكاتك ) طب يلا يا حبيبتى


البنت : ايه ده ايه ده انت بتعمل اييييييييه !!!


الحب وعذابه : ايه عيونى بمسك ايدك عشان اعديكى الطريق انا مش قصدى .انا قصدى انى خايف عليكى اوعى تفهمينى غلط
البنت: ليه وانا صغيره مش بعرف اعدى العربيات


الحب وعذابه : خلاص براحتك انتى بتفهمى خوفى عليكى غلط
البنت: انا اسفه خلاص خدها انا مكنتش اعرف انك بتحبنى وخايف عليا


" وبعد ما عدينا الطريق والحمد لله "


الحب وعذابه : ايه رأيك يا حبيبتى ندخل سينما ؟


البنت: اوك بس بسرعه عشان متأخرش احسن ماما تزعقلى(ودخلنا السينما)


الحب وعذابه : ايه ده السينما ضلمه اوى النهارده ليه ! (طبعا بستهبل )
البنت : اه ياماما انا بخاف من الضلمه اوى
الحب وعذابه : ( فى سره اما اتلكك كده واحط ايدى على كتفها كده يمكن ماتاخدش بالها )
البنت :ايه اللى انت بتعملوا دا !!


الحب وعذابه : تانى هتفهمينى غلط يا حبيبتى
البنت : لا المره دى فهماك صح يا خويا
الحب وعذابه : ( اخوكى ! احنا هنستهبل ) انا بس خايف عليكى من الضلمه يا روحى اصل السينما شكلها يخوف اووى
البنت : اوك معلش يا حياتى فهمتك غلط المره دى كماان
الحب وعذابه : يا روحى ولا يهمك انا من ساعه ما عرفتك وانتى عماله تفهمينى غلط
البنت : هههه انت عسل اووى
الحب وعذابه : عارف
البنت : ( يخربيت تقل دمك.. فى سرها طبعا والا هتضرب بالجذمه )
الحب وعذابه : انما تعالى قوليلى انت حلوه اوى ليه كده النهارده
البنت : ميرسى
الحب وعذابه فى سره كدتك نيله فيكى وفى شكلك .وبنت معديه من قدامه وفى سره اهى دى البنات ولا بلاش)
البنت : انت سرحت في ايه ؟
الحب وعذابه : فيكى طبعا يا حبيبتى
البنت طب سرحت فيا فى ايه بقى ؟
الحب وعذابه : سرحت انك بتحبينى ولا لاء؟
البنت :انا لومكنتش بحبك مكنتش خرجت معاك يا حبيبى ( فى سرها :وهو انا لاقيا غيرك وقلت لا )
الحب وعذابه :يعنى افهم من كده انك بتحبينى ؟
البنت : طبعا
الحب وعذابه : طب قوليلى بحبك
البنت : لا انا مش هاقولك غير لما اتأكد من حبك ليا الاول
الحب وعذابه : واثبتلك ازاى طيب ؟
البنت تيجى تخطبنى من بابا دلوقتى لحسن انا جايلى عريس
الحب وعذابه : عريس ! طب الف مبررروك انا طبعا معزووم
ونهاية كلامى
وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ
{وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى. فَإِنَّ الْجَنَّةَ هِيَ الْمَأْوَى}
اسئل الله الستر لبنات الامة الاسلامية
واترك التعليق لكم


>>>>> ردود الأعضـــــــــــــــــــاء على الموضوع <<<<<
==================================

::

حوار ممتع
الله يعطيك العافيه

::

__________________________________________________ __________
حوار ممتع وفيه الفكاهة والواقعيه

وهذااا ما ال اليه وضع المجتمع والحاله

في عصر الهي يحمي البقيه الباقيه

مشكور nano

طرح رائع فعلالالا



__________________________________________________ __________
يعطيك الف عافيه ع الطرح الرائع
لاعدمناك والله وبنتظار جديدك
ودي لك


.,

__________________________________________________ __________
الله يعطيك الف الف عا فيه على الطررح الجميل يا عمررري صج صج حوار ممتع مرره مرره حلووووو مشكوووررره يا القا ليه

__________________________________________________ __________
يسلمووووووو
لبى انفك
روعه الله يعافيك
وتسلم اديك