عنوان الموضوع : سندرلا ايام زمان
مقدم من طرف منتديات الشامل

كان يامكان في مكان كان.................





كان فيه بنت جميله اسمها (سندريلا)ويسمونها (سندوه)







ماتت امها بعد ماجاها حمى شديده.....



وتزوج ابوها ارمله اسمها...











(عوشه)..كانت قاسيه على (سندوه)وكان لها بنتين وحده اسمها(عشبه)والثانيه(نفافه)














وكانت زوجه ابوها تجعلها تنظف وتخم البيت بروحها ولا احد معاها..













وكانت تصيح وتصيح ومحد راضي يساعدها وكانو خواتها كل شوي يلعبون..
























طبعا ابوها كان يشتغل في التصخيم ويا خذله شهور الى ان يرجع بيتهم



علشان كذا حرمته تلعب لعوبها وتلعوز(سندوه)الفقيره على كيفها...



ومره من المرات صارت عزيمه كبيره في حارتهم..حيث دعا ابن الشيخ بنات الشعبه وشيابها وابائهم....يعني الكل خخخخ..






وكان فيه شاب وسيم وعنده مميزات كثيره وكانوا يحبونه واسمه(حارب)..طبعا مو احلى مني واحد يمدح نفسه خخخ..















كانت (سندوه)تتمنى تروح للعزيمه بس زوجه ابوها ما رضت



ويوم العربان شله شلالها وراحت للعزيمه ..جت خاله(سندوه)


بعد ما عرفت برغبه بنت اختها المرحومه انها تروح للعزيمه...



ولبستها ثوب احمر..وعطتها ذهب..والاهم من كذا انعالها الورديه..











..........يتبع..........

>>>>> ردود الأعضـــــــــــــــــــاء على الموضوع <<<<<
==================================

.....رجعنا....










راحت (سندوه) بعد ما تعدلت..العزيمه..وكانوا الحريم يشوفونها...





بذهول من جمالها ومايدرون ...ان هذي البنت الغاويه بنت منو....





وقامن البنيات ونعشن ونعشت معاهم ...والشباب والشيبان











وعلى الجهه الثانيه كان فيه (حارب)..وشتل بصره على صاحبه الثوب الاحمر








ورمقها بنظره ورجع لمكانه...



وبعد كم وقت ناد الشيبان(القهوه يا حريم)...










وراحت(سندوه)تسابق البنيات في وضع القهوة...



ولما فصخت نعالها..وقربت من الحصير ...



ابتسم لها(حارب)وهي تحط القهوه




واستحت ومن الربكه نست فرده وحده من نعالها...ولبست وحده




وشردت للبيت قبل ما تخلص العزيمه..





ولما ارجعت زوجه ابوها ...لقتها قاعده تتمرجح



وسألتها ايش سوت في غيابها...



قالت ببلاهه_انا مارحت مكان حتى العزيمه ما وصلتها
ولا شفت راعيه اللبس الاحمر ولا الي نست نعالها في العزيمه وشردت لبيتهم..



ولما شافت زوجه ابوها في شعرها شباصه حمراء...


تذكرت البنت الغاويه في العزيمه

وعرفت انها هي نفسها (سندوه)
وخذتها وصفعتها تصفيعا...

وعلقتها في النخله علشان تتأدب...تكسر الخاطر البنيه ماسوت شي..





وضرب الزمان الى ان جا (حارب)...


وكان ولد الشيخ يبحث عن راعيه النعال ...



للاسف ...ان الجميع من حضر العزيمه من البنات مقاساتهم بين (39-43)



ولا احد منهم مقاس(38)الا صاحبه الثوب الاحمر...



وفي مره من المرات كان (حارب)مار مع حراسه بالقرب من احد البيوت...وشاف بنت
معلقه في النخله فراح يساعدها



فوقعت من جيب (سندوه)فرده نعال الثانيه



فستانس(حارب)وتزوجها...



وعوقبه زوجه ابوها بعد ماجا ابوها



وزفت (سندوه)الى حارب في نفس اليوم









وانشد العربان


على دبا لادنت رعود...لو يطرا لك بودعيات

راعي وطنها بايت رقود...الا غريب الدار مابات


__________________________________________________ __________
يعطيك العافية

وتقبل مروري

__________________________________________________ __________
الله يعافيك ماننحرم من طلتك

__________________________________________________ __________
ههههههههههههههههه
اعجبتني حيل الصراحه احلىا من القصص الغربيه
اما علقتها بالنخله قويه هههههههههههه
تلبس فرده وتنسىا الثانيه لا وشايلتها بجيبها هههههههههه موبصاحيه هالسندرلا ههههههه
يعطيك الف عافيه قصه جونااان ماننحرم يا قومر

__________________________________________________ __________
يعطيك العافيه
تحياتي لك

يعطيك الف الف عافيه هههههههههههههههههه