عنوان الموضوع : !@ بحر العذااب عنوان حياتي@! من الواقع
مقدم من طرف منتديات الشامل

بسم الله الرحمان الرحيم
ابيكم يا اخواني تساعدوني على حل موضوع خاص فيني راح اوضح لكم راح اكتب همومي لكم راح اكتب حياتي يمكن البعض ما يصدق حياتي ذقت العذاب من صغري انا انسان يتيم الوالدين توفو في حادث وقت الحدث كان عمري شهرين مات في الحادث الوالدين وختي وما طلعت من الحادث لا انا اخذتني الحكومه وتصلت بقريبي وهو عمي مالي احد غيره جاء من الطايف واخذني كان كبير بسن ضليت معه فتره وتوفا اخذتني الحكومه وعدتني للمنطقه الي توفا فيها الوالدين وودوني لميتم لقيت من الميتم الكره والحقد والعذاب الميتم بلقطيف وكانو يكرهوني تدرون ليه لاني سني وتربيت عند شيعه لقيت انواع الحرمان كانو يضايقوني وجبرت اني اتشيع وصبحت شيعي حبوني وتغيرت معاملتهم معي تربيت وكبرت وتخرجت من كليت المعلمين طبقت اول سنه وكنت ساكن لوحدي سألة عن اقاربي لي عرفت هم وين وسافرت لهم الطايف ضنيت عيال عمي بتلقوني بيرحبو فيني لاكن حطمو كل احلامي انكروني وسبوني وقالو ولد حرام يحسبوني جاي ابي اخذ حقي من الورث والي خلق الكون مابي شي ابي اهل ابي سند ولما قالو ولد حرام من اطبيعي دافعت عن نفسي والله العضيم نزلو علي ضرب منهم خمسه وهم يضربوني شاتوني على ذكري وسببولي عقم رموني قدام البيت وتركوني جو فاعلين الخير ودوني للمستشفى تعالجت فيه وما كنت اعرف اني اصبحت عقيم وما اشتكيتهم رجعت الدمام رجعت محطم نفسين شككوني بنفسي ان كنت صادق وين خوالك عنك ما كان وقتها عندي جواب لام كانت يتيمه ما لها لا خال كبير بسنحياتي مثل عدمي نويت انتحر ليه عايش الحيوان افضل مني له اب وام واهل ليه يا رب خلقتني انسجنت مره ما احد سال خالد حي ولا ميت طلعت اخر اليل ابي اخذلي اغراض من السبرمركه لقتني دوريه طلبت اثباتي ما كن معي وما كان معي جوال اخذتني ودتني القسم انحجزت والله العضيم ثلاث ايام واخرتها حن علي عسكري وكفلني وطلعت ليه اعيش محروم من كل شي جبت بنزيم وصبيته بشقه ونويت احرق نفسي ولدت معذب وبموت معذب لاكن دخل علي صديقي كان معي في الميتم وطلعنا سو تزوج وساكن بلقطيف وعنده نسخه على مفتاح الشقه يزورني من وقت لي وقت مسكني واخذني معه بلبيت وقال ليه تسوي كذا وكلمني لين شلت الفكره من راسي وداني اليوم الثاني لدكتور وتعالج ما اكذب اتعالج نفسين عيال عمي ما سابوني ضلو وراي يدقو ويرسلو رسايل لجوالي انا ولد حرام غيرت ارقامي وشرحت حلتي لدكتور قال شوف لك اي احد قريب تقول له الي بقلبك ما لقيت غير الشات اصبحت اخش شات معينه في وقت معين ادخل اشكي همومي لقيت الي يكذبني ولي يضحك ويتمسخر ضليت فيه لين يوم تعبت من الحياه ونويت احرق نفسي ولدت معذب وبموت معذب كنت محتاج انسان يوصل وصيتي لعيال عمي كانت فيه بنت دومن تبي تحاكيني على الخاص وما كنت اسمح لنفسي مستحيل يوم افكر اكلم بنت او العب بحسيسها لانسان يميل لشهوا كنت ارفض ولدت معذب ليه اعذب معي انسان بحياتي وكانت هي تبي توصل وصيتي عطيتها رقمي والله دقت وهي تبكي وضلت تذكرني بربي لين شلت الفكره من راسي كانت تكلمني كل يوم وكنت اكلمها مثل اخت وفي يوم طلبت مني انها تشوفني رفضت وقلت لها والله لو تعيديها لقفل وما عاد اكلمك وقفلت وزعلت منها رجعت كلمتها بعد فتره ما اكذب عليكم حبيتها من قلبي وصارحتها بحبي وقلت لها ابي ادخل مع الباب مابي اطب من فوق السور لو جاكي انسان مثلي يتيم لا اب ولا ام ولا اهل يرضو اهلك فيه قالت ليه لا ما دام راح يسعدني وعتها بلخطوبه ونويت اخطبها ضليت فتره وسافرت احضر زواج زميل لي بدوام في ابها سافرت وسكنت بشقه مفروشه عيى وعيت اروح معه للبيتهم جاب لي الولد ورحت معه كنت اروح وجي معه في مشاويره وفي يوم راح المستشفا يطلع تحاليل حق الزواج سويت التحاليل وطلعت عقيم انحرمت من الاب ولام ولااهل والحين من لاولد وزواج محروم من كل شي ليه ربي كاتب اكون محروم من كل شي عرفتو الحين الحيوان افضل مني له اب وام واهل ويجيم عيال اما انا وجودي زي عدمو صارحتها وقلتلها اني عقيم ونويت اتركها يمكن البعض يقول انا قاسي اعلقها وتركها والله العضيم احبها بس هي تبيني راضيه فيني وانا عقيم ما ابي احرمها حياتها ليه ادمر حياتها واحرمها من اجمل شي بدنيا لاولد ربي كتب علي اعيش وحيد وموت وحيد انا افكر بعقلي قبل قلبي لساتها صغيره عمرها17 مابي احرمها حياتها واكون سبب في تعاستها يوم ابيكم تسا عدوني اتركها ولا لا اخوكم خالد الحارثي


>>>>> ردود الأعضـــــــــــــــــــاء على الموضوع <<<<<
==================================

اقول اخوي خالد انا انصحك نصيحة اذا هي راضية باللي انت فيه وتحبك
تزوجها وعيش معها احلى عيشة وخلها تسعدك واسعدها بحبكم وبخصوص انك عقيم
ترى مافي شي مستحيل على الله عزوجل اذا مكتوب لك تجيب لك عيال بتجيب..
واذا مو مكتوب اكيد ربي بيعوضك بشي ثاني ربي ماينسى عبده..
اما بخصوص الانتحار انت ايمانك ضعيف خلي ايمانك بالله قووووووووي...
وروح مكة وخذ لك عمرة وادعي شكل هالفكرة ماطرت على بالك..توكل على الله وبس
فاهمني..؟؟؟؟!!!!!
اما البنت اللي تعرفت عليه انا اللي من جد ابي اتعرف عليه صدق هذي البنت
ولا بلاش... اكيد تشبهني انا بنوته حساسة شوي وهي اكيد مثلي لو هي مو مثلي
ماحبتك....ترى الحب شي عظييييييييييييم..
وسلملي على البنت اللي تحبك قولها شواقه تسلم عليك
اختك:اسيرة الحب والوله

__________________________________________________ __________
الله يكتب اللي فيه الخير
تقبل مروري

__________________________________________________ __________
والله ماعرف شو اكلك علي حياتك
الي ملئ بالحزن والالم
بس حل ايمانك بالله قوي
ترا الله ماينسى عبده
فالله مثل ماخذ منك اشياء
راح يعطيك اشياء

__________________________________________________ __________
اهلين اخوي
اتأثرت بقصتك كثير والله
واحب كثير اني اساعدك
اول حل وهو اللي المفروض كنت تسويه من اول وهو الاستخارة .. صدقني مافي شي اعظم من انه الله يبين لك ويخترك اللي فيه الخير ويرضيك به سواء كنت راضي فيه او لا

ثاني قرار انا اتوقع دام انه البنت في العمر الـ 17 .. وهي حبتك عن طريق الشات اسمحلي اقول انه احتمال يكون تعاطفها وحبها الكبير لك وهو تفكير تفكره البنت في سن المراهقه .. يمكن لانك ( ذكر ) ما عرفت تحدد طريقه تفكير البنت هذي

بس انا اللي اخاف منه انه اهلها بعد ما يوافقوا انهم يزوجوها وهي بهذا العمر .. ويمكن بما انك عقيم ما يخلوها ترتبط فيك لانهم يخافوا على بنتها مو من شي بس اكيد هم بعد يبغوا انه تتزوج بنتهم وتخلف لهم وتجيب لهم احفاد ويكبروا قدام عيونهم .. الخ الخ الخ

ما تعرف كيف الاهل وطريقة تفكريهم !!

ما اقدر اقول الا انك تستخير بعد كل صلاه الى ان تلاقي الجواب من ربك

وبنزلك رد فيه كيفيه صلاة الاستخارة والدعاء و كيف بتلاقي الجواب قريب ان شاء الله

اتمنى ما اكون ضايقتك اكثر بهذا الرد ولكن صدقني هذا في مصلحتكم انتو الاثنين .. حرام تاخذ على رأي مراهقه وبعدين تندم طوال حياتك وهي بعد .. وترى المراهقات تأثر عليهم اي كلمه .. من صديقاتها من اخواتها من اي احد بسرعه يمكن تغير رأيهاوتقتنع فيه
مراهقه لسه بتقول لك انها تحبك وهي ما عرفت معنى الحب من جد
اذا هي مستعده تضحي بنفسها و( فكرت بقلبها ) لازم تفكر بعقلها بعد .. لان مو دايما القلب يحل المشاكل .. وخصوصا في مسأله زي كذه

اتمنى انك تستخير وتشوف ربنا ايش يختار لك وتبشرنا ^^

وتحياتي لك ..

اختك : بنوتة اون لاين

__________________________________________________ __________
كيفية صلاه الاستخارة

( اول شي تقول ) : نويت ان اصلي صلاة الاستخارة ( بعد كل فرض )
تصلي بعد صلاه الفرض ركعتين ولمن تخلصها اقعد على السجاه وقول :

اللهم اني استخيرك بعلمك واستقدرك بقدرتك
اللهم انك تقدر ولا اقدر
واللهم انك تعلم ولا اعلم
اللهم انك انت علام الغيوب
اللهم ان كنت تعلم ان زواجي بـ ( اسم البنت ) خيرا لي في ديني ومعاشي وعاقبة امري فيسره لي وبارك لي فيه
اللهم ان كنت تعلم ان زواجي بـ ( اسم البنت ) شرا لي في ديني ومعاشي وعاقبة امري فاصرفه عني واصرفني عنه واختر لي الخير حيث كان ثم رضني به
امين

و يجيك الرد اما انك تحس انك تكون مرتاح مرة وتحس انك مبسوط ومتطمن انك تتزوجها
واما انك تحس انك متضايق وتبغا تبتعد عن هذا الزواج فابتعد عنه وان شاء الله ربي يرضيك بهالقرار

واحيانا يجيك في المنام .. تحلم فيه يعني

واعتقد انه بس زي كذه

ملاحظة : اذا جاك الرد بالضيقه و الكدر لاسمح الله لا تسوي عكس اللي ظهر وغصب تروح تتزوجها حتى لا تقلب عليك الايام لاسمح الله ويصير شي مو كويس بعدين

واذا حسيت لاسمح الله انك متضايق حاول انك تفهم البنت وتقعنها وانه هذا الشي احسن لكم انتو الاثنين
------------

وبس .. اتمنى اكون افدتك اخوي وان شاء الله الله يقدملك اللي فيه الخير ويرضيك به ان شاء الله

السلاك عليكم يا بحر
والله فيه ناس أكثر منك
وظروهم أصعب من ظروفك
أولا... أنصحك بالسفر الى مكان بعيد لايعرفك فيه احد
وعيش حياتك بكرامه وشرف
ملحوظه.... لاتحكى فى هذا كثيرا
فأ نت تشتكى الله لخلق الله ,,,,وكلنا تحت رحمة الله .يفعل فينا ما يشاء
والله كثيرا من الناس تريد ان تنتظر الموت أمام باب المقابر ولاكن الله لم يأمرنا بهذا الفعل
وأما الزواج سيأتى فى حينه ان شاء الله
أما بالنسبه للبنت صاحبة 17 ربيع حرام فهى ما تزال صغير ع الحب وعزابه
هى تعاطفت معك ليس الا لانها ماتزال فى سن المراهقه
كن واقعى فى كل شيئ .....بالحب وبدونه يحى الانسان
وكلام بنوته اون لاين كلام حق وصادق وصريح
أخيرا..............ان غير المكان والزمان سوف تلمس الفرق
والله المستعان
ما بين طرفة عين وانتباهتها......... يغير الله من حالا الى حا ل
وفقك الله لما فيه خيرى الدنيا واللآخره

لطفى بن مساعد