عنوان الموضوع : ₪₪قصـــــة: دمــــ قلبـــــــــــي ـــوع ₪₪ بقلم سلمى راشد من الواقع
مقدم من طرف منتديات الشامل

رواية بعنوان


دمـــــــــوع قلبـــــــــي

بقلم // سلمى راشد



الجــــــــزء الأول



دخلت ميرة على عمها اللي كان يالس يسمع أغنية لام كلثوم وهو سرحان وعلى ويهه ضحكة شاردة والدمعة متحجرة بعيونه
وميرة فخاطرها إنها تخلي عمها يروق ويهدا ويطلع من الحالة اللي اهو فيها
وقفت جدامه تتمايل وترقص على وتر الأغنية وقامت تغني له على نفس النغمة مالة ام كلثوم

أمر عذاب وأحلى عذاب
عذاب الحب عذاب الحب للأحباب

انتبه لها عمها وضحك .. وقال :
والله انج مب هينه ياميروووه أحلى عذاب ؟؟ وش عرفج أنتي بالحب يابنت 16 سنة .. قال حب .. حبتج العافية
ميرة واهي تضحك : احم احم .. وشنو فيني انا مب قد الحب يعني ؟؟
شوف ماي أنكل ترى انا اللي اخترعت الحب .. والحب بيي يمي ويقول والله انج احب من الحب
حمد يضحك من قلبه ... أما تعابير عليج ( أحب من الحب )
افهم انج مافيا ؟؟

ميرة : تقدر تقول جذي .. شرايك أسمعك بعد من الموسوعة الكلثومية
حمد: هيه ولله أبغي اسمع .. بصراحة صوتج حنون ومخملي شرات أم كلثوم .. لكن أخاف ارقد وأنتي تغنين
ميرة : لا.... ولا يهمك ترى بمسك المنديل شراتها وبقطعه وبصارخ وبخليك في حالة استنفار عام
ماتخاف بس إنت ايلس عدل واستعد للهزات الارضية
حمد عدل يلسته وهو يضحك على بنت أخوه اللي يحبها من القلب

ميرة وقفت على الكرسي .. ومسكت اكلينكس .. ولبست نظارتها الشمسية وصارت تغني لعمها ولكن بإتقان شديد


طول عمري بخاف .. من الحب .. وسيرة الحب .. وظلم الحب لكل صحابووو
واعرف حكاايات مليانة أهات .. ودموع وانين

والعاشقين ذابوا .. ماتابوا
طول عمري بقول ... لاأنا قد الشوق .. وليالي الشوق .. ولا قلبي قد عذابو
عذابوو
وقابلتك انته .. ولقيتك بتغير كل حياتي
معرفش ازاي حبيتك .. معرفش ازاي ياحياتي
من همسة حب لقيتني بحب .. لقيتني بحب واذوب في الحب ..
أذوب في الحب صبح وليل .. ليل على بابووو


عيون حمد ملاها الدمع .. ومارام ييلس ولا دقيقة .. ويه يم ميرة وحبها من يبهتها وقال لها .. يهزي عمرج وانا ياي عقب ساعتين عسب اوصلج
وبسرعة ظهر من الغرفة واخذ سيارته وسار برع البيت

ميرة : مالت على ويهيي يعني ماعرفت اغني له غير هذي الأغنية اللي كلماتها تذوب الصخر
مسكين ياعمي الله يعينك على قلبك .. يا ليتني اقدر أساعدك وأطلعك من اللي انت فيه

شوي ودشت هيفاء عمة ميرة
شتسوين واقفة على الكرسي تبين تطولين .. وتستوين زرافة
ميرة انزلت وسلمت على عمتها .. هيفاء الي اهي اصغر عن حمد واهي متزوجة من سنة وبعدها مايابت يهال
هيفاء: يلا ميرة اخاف نتأخرعلى موعد حفلتج يلا خليني اساعدج في اللبس
،،،،
اليوم حفلة تخرج ميرة من الثانوية العامة ومدرستها بتسوي لهم حفل قبل الامتحان واهي تدرس في مدرسة خاصة

هيفاء : لبسي الفستان الأول ومن ثم ارتب لج شعرج لان شعرج وايد طويل أخاف نرتبه ومن ثم يخرب يوم تلبسين الفستان واخر شي نسوي الميك اب
هيفاء تحب بنت أخوها العود بوخالد اللي ياب بنت وولد بس وميرة اصغر عن أخوها والكل يحبها وهيفاء تعتبر سر ميرة ... وميرة تحبها لابعد مدى


هيفاء : باسم الله عليج ياعمري والله انج تخبلين استويتي مثل عروسة باربي
ميرة حلوة وايد ويسمونها في العيلة الغرشوبة وماهي بطويلة وجسمها نحيف وبشرتها بيضا طالعة على يدتها امم امها وشعرها اسود حيل وعيونها ناعسات لونهم عسلي وضحكتها مميزة وصوتها حنون

هيفاء : اخاف عليج تنحسدين .. راحت ويابت المبخر وبخرتها وقرأت عليها ايات تمنع من الحسد والعين
شوي ودش خالد : شهالزين شهالحلاة ماشاء الله عليج ميراتي شنو اليوم بتعرسين يالدبة
ميرة راحت صوب اخوها اللي حبها من يبهتها وقال لها ان شاء الله ابارك لج وانتي يايبة معدل الامتياز
ميرة : ان شاء الله خلودي

خالد اكبر عن ميرة بــ 7 سنوات ويدرس قانون واهو في سنة ثالثة
خالد : ها عمتيه خذي بالج منها اخاف احد يخطفها ويشرد
هيفاء : شنو يخطفها .. ليش اهي سايبة افا خالد شلون يخطفونها وهي يالسة فعيوني
خالد : بيدينا في المغازل يا ست هيفو روحي في هالويه انتي واهي انتي قردة واهي سبال
ترى انا اتطنز وين هالحلاة اللي عليها ؟؟ روحن احسن لكن .. حريم ناقصات عقل شوية ميك اب تخلي الوحدة فيكن شبه عروسة السكر

ميرة واهي تلوي على اخوها .. خلودي حبيبي انا سبال ؟؟
خالد : ياويلي منج انتي قطوة وتعرفين شلون تتمسحين فيني .. انتي مب سبال انتي قطوة .. واحلى قطوة شفتها

>>>>> ردود الأعضـــــــــــــــــــاء على الموضوع <<<<<
==================================

يسلموو خيتووو على القصة
تقبلي مروري
مع خالص تحياتي ننوي الحلوه

__________________________________________________ __________
مشكورة فديتج على الحضور الجميل
وابقي معنا هنا الى نهاية الرواية

__________________________________________________ __________
الجـــــــــزء الثاني
من قصة << دمــــــ قلبــــــي ــوع >>


في بيت مها << رفيجة ميرة

مها : يمة يالله بسرعة اخاف اتاخر على ربيعاتي .. من ساعة انتي يالسة مجابلة المنظرة شتساوين
ام مها : انزين يمة صبر شوي ... بتعدل وارتب روحي
مها بتذمر : اللي يشوفج يقول حفلة تخرجها او يقولون حفلة عرسها
ام مها : عن التطنز مها كافي هذرة .. كاني خلصت يلا نشي جدامي

مها : لحظة بتصل على ميرة بقول لها اني بسبقها

مها تتصل على ميرة

مها : الووووو
جنوا : هلووو
مها : مرحبا جنوا شحالج ؟ وينميرة ؟
جنوا : الحمد لله ىنسة مها ؟ لحظة شوي إزا بتريدي
مها : ان شاء الله

ميرة : هلا والله مهاتي شحالج قلبو
مها : بخير ميرة انا تيهزت وبسير مع امي بسبقج للقاعة بس ماتبطين
ميرة: ان شاء الله مها الله يحفظج


هيفاء : كاهو يه حمد .. يالله ياميرة لبسي عباتج ... لبست ميرة عباتها وشيلتها وسارت صوب ابوها وباسته من خده
بوخالد : فديت قلبج يبه .. الله يحميج ويفرحني فيج عن جريب
بوخالد يوم شاف ميرة تذكر امها .. لكن ماحب يبن لها انه تمنى ان امها تكون موجودة في هاليوم عسب ماتصيح

ميرة : ان شاء الله يبه بفرحك بأحسن العلامات... ميرة حست بابوها لكن مسكت عمرها بالحيل
حمد دش البيت وقعد يصفر .. واااو شنو اشوف جدامي
أميرة ولا ملكة
ياربي انا خليت وراي أم كلثوم .. اشوفج صرتي كليوبترا هههههه ماشاء الله عليج ميراتي

بوخالد : بتوصلهن ياحمد ؟

حمد : ايي وبحضر الحفل بعد ... لان الحفل مختلط وانا ابي اشوف ميرة وقت تتخرج
بوخالد : وهذا هو عشمي فيك ياخوي
حمد بلهجة استجواب: لا والله ... ليش عبالك ميرة بنتك بروحك ؟؟ لا ياخوي هذي بنتي أنا وأختي وأمي وكل شي لي بالدنيا
ميرة وهيفاء يضحكن على حمد من القلب اللي دوم يضحك لكن قلبه مهموم


اوصلوا لقاعة الاحتفال وميرة سارت عند ربيعاتها وبدا الحفل ...ميرة قدمت كلمة الخريجين وزميلها علي قدم كلمة الخريجين من الاولاد وفي النهاية كان توزيع شهادت تقدير وجوائز تذكارية والخريجين تصوروا مع مدرسينهم ومدرساتهم


واخر الحفل سار الرياييل في قاعة بروحهم يرزفون ويتعشون والبنات في قاعة منفصلة .. و شغلن الدي جي وقعدن يرقصن


وعلى الساعة 11 خلصت الحفلة وودعت ميرة مها على امل تشوفها اول يوم امتحان عقب 3 اسابيع

سارت ميرة وعمتها صوب مواقف المدرسة وكان حمد يترياهن
حمد : ها ميرة من باجر نبدأ الدراسة والجد ..... أبي امتياز مع مرتبة الشرف
ميرة : طبعا عمي .. وأنا ميرة
هيفا : اخوي وصلني بيتي اكيد الحينة صالح يحتريني
حمد : يحتريج ؟.. الا قولي افتك منج ومن لسانج الطويل
ميرة : عمي .. بليز ما ترمس عن عمتيه جذي
حمد يحاول يعصبهن: سكتي انتي يا أم بليز !! الا انتي طالعة على عمتج ولسانج اطول منها ويباله قص
هيفاء : طويل طويل ... وريلي يحبني ويحب لساني .. وانا شعلي منك
وصلت هيفاء لبيتها وحصلت ريلها يترياها

صالح : ياحيالله الغالية .. وينج ياقلبي تاخرتي عليي وايد
هيفاء : شسوي حبيبي تدري حفلات التخرج يبالها وقت طويل .. وهذي ميرة مب أي وحدة
صالح : ان شاء الله تتعبين يوم تخرج بناتنا
هيفاء سرحت .. بناتنا .. وينهن بناتنا ... وانا الحينة كملت السنة وما يبت لا بنت ولا ولد

صالح كان يقرا افكار هيفاء لــوى ...وقال:بس قولي يارب و الله بيرزقنا


__________________________________________________ __________
الجزء الثالث



بدات الدراسة الحقيقية عند ميرة .. وميرة بنت جد .. ماتعرف اللعب وقت الدراسة ..وساوت معسكر في قسمها وجدول حق الدراسة .. وقفلت على نفسها كل شي .

عمها حمد خذ ايازة من الشغل عسب يكون اول يوم امتحانات مع ميرة .. عمتها هيفا بعد هدت بيتها ويلست تجابل ميرة .. حتى خالد اخوها طول الوقت يطمن عليها وخايف عليها من الدراسة الزايدة


اليوم الاول من امتحانات ميرة مادة الفيزياء
نشت ميرة من الفير...صلت ودعت لامها اللي ماتنساها دوم عقب كل صلاة تدعي لها بالرحمة والمغفرة ويهزت عمرها ونزلت تحت حصلت ابوها وعمها وعمتها ناشين ويتريونها على الريوق
ميرة واهي تضحك : ياقلبي عليكو .. معقولة !! انا اسوي فيكو جذي ؟؟ معقولة !!! ياناس هذا حب ولا.... ولا عدم ثقة فيني ولا خايفين عليي ؟؟
ابوها يضحك : يحبونج ياقلبي .. شنسوي القلب ومايهوى
ميرة راحت صوب ابوها وحبته وقالت لها انت اللي قلب ميرة
حمد : نعم .. خير ... وانا ولا أنا الهندي مالج
ميرة : الهندي ؟؟؟ الا احلى هندي في حياتي وحبت عمها على خده وراحت صوب عمتها وقالت لها يالله بالدور امواااه عمتي والحينة دور خلودي ببوسك يعني ببوسك استعد
خالد : يمة دراكولا تخوفين ... شنو؟ قال اتريا السبال يحبني
ميرة : انا سبال ؟؟ اقول خلودي ؟؟ اخو السبال شنو يطلع ؟؟ وتاشر عليه ...
الكل قعد يضحك على ميرة ومستانسين ان نفسيتها مرتاحة

حمد وصل ميرة لين المدرسة من الداخل وسارت صوب رفيجاتها وسلمت عليهن وعلى ضحك وطنازة لين بدا الامتحان وكان سهل وايد واطلعت واهي مستنانسة وكان عمها يترياها
حمد : هاا بشري
ميرة : روووعة عمي سهل وايد ... انت تدري انا ماخاف غير من مادة العربي والنحو انا مادانيه
حمد : لا تحاتين انا بدرسج المادة كلها
حمد : متى العربي
ميرة اخر يومين

اوصلت ميرة البيت وسارت تربع صوب ابوها اتطمنه وابوها قال لها الوناسة دوم يبه الله يوفجج

استمرت ميرة على هالحال في الدراسة وتعبت وايد وتحملت وحمد بصراحة ماقصر وياها ودرسها العربي وساعدها بقدر الامكان
وخلصت الامتحانات على خير


ميرة : هيه ،،،هيه ،،،خلصت ياعمي
حمد : ياروح عمج انا اللي بقول هيه
الحينة بسير ارقد ومن ثم بسير اشوف ربعي اللي من وقت ما سرت صوبهم

ميرة : اسفة عمي وهقتك معي
حمد : ومنو لي غيرج يا قلبي

رجعوا البيت وعند الغدا

حمد : اخوي انا بطلع ويا الربع بنسير البر
بوخالد : وين بتقنصون ؟
حمد : مب بعيد عن الديرة
بوخالد : على خير اخوي خلك على اتصال دوم
ميرة: عمي سمعني صوتك كل يوم وما تطول وايد
حمد : ان شاء الله

خالد : نفسي اسير اوياك بس توهقت ويا الدراسة والشغل مع ابوي .. والله ابي ارتاح ... بس مب الحينة
حمد : انت بتذبح عمرك في الدراسة والشغل ارحم روحك يا خويلد وركز على شي واحد
خالد : ومنو يساعد ابوي
حمد : تحجج انت ؟؟؟ تعال معي
خالد : ياليت اتحجج بس والله ماروم خلني اصارع بروحي

بعد العصر يلست ميرة تزهب لعمها شنطته وتحط له كل الاشياء اللي يحتايها للبر
حمد كان يالس وفي عالم ثاني وسرحان وعيونه كلها حزن
سارت ميرة يمه ويلست على الارض وحطت يدينها على ريوله وطالعت عيونه وقالت له :
تكفى ياعمي خلك من التفكير والسرحان اللي راح يدمرك .. عمي انت كافيك عزوبية .. فكر بالزواج واقضي على الوحدة اللي اثرت عليك وايد

حمد مسك يدينها وحبهن وقال لها : انا لاحق على زواجي،،، بيوزج انتي الاول
ميرة وقفت وقالت : شنو انا اتزوج ؟؟؟؟
لا انا بدخل اليامعة وبكمل مايستير ودكتوراة
حمد : اووف كل هذي دراسة .. البنت حدها اليامعة وتتزوج ومن ثم اذا تبغى تكمل دراسة تكمل في بيت ريلها
ميرة وهي تضحك : تقصد تكمل ماجستير طباخ و دكتوراه حلويات من مطبخ الزواج

ضحك حمد على رمسة ميرة اللي دوم تحب تعطيه شعور بالحنان والحب رغم سنها الصغيرون الا ان عقلها اكبر منها وهشي يخلي حمد يتعلق فيها اكثر

__________________________________________________ __________



في بيت العيلة ( بيت بوخالد )


الجـــــــــــــــــــــــزء الرابـــــــــــــــــــع

بوخالد : اقول سيف متى تقدر تييب نتيجة ميرة من الكنترول ؟
سيف : باجر باذن الله تكون عندك عمي .. وبييب نتيجة اخوي بعد
محمد : لااااااا أا،،، مابي احد ييب لي نتيجتي خلها تطلع بروحها ... مابي اتنكد من وقت .. خل النكد في وقته زين .
سيف : بييبها لك وياويلك مني ياحمود لو عندك دور ثاني
محمد : والله انا ساويت اللي علي وأكثر من جذي ماعندي.
سيف يناظر ميرة بطرف عين ويقول لها : وانتي ميرة تبين نتيجتج ولا مثل حمود
ميرة باصرار : لا طبعا الا ابيها اليوم قبل باجر عسب اتطمن واعرف وين بقدم اوراقي بالضبط
سيف : ليش بتدرسين يامعة ؟؟؟؟
ميرة : ليش ؟؟ فيه مانع ؟؟ ولا فيه غلط ؟؟

سيف ولد عم ميرة ،،، ويبي يتزوج ميرة ... وهو شاب عمره 26 سنة خريج كليه العلوم ويشتغل في حلال ابوه وعمه بوميرة وهو الرئيس التنفيذي لجميع شركاتهم .. ذكي ومزيون وهو ذراع بوخالد اليمين

سيف يطالعها بقهرويقول فخاطره : ثلج .. باردة .. متى تحسين ؟؟ ياهل ،،متى تكبرين وتحسين فيني؟
ميرة اذكى من اليميع وتفهم كل كلمة يقولها سيف لكن ماتحب ادش معه في نقاشات عقيمة وهذي وصية عمها حمد لها
عفرا بنت عم ميرة : ميرة تعالي نيلس برع في البلكون .. الجو زين خلينا نغيرجو
يلسن البنات وقعدن يسولفن سوالف وايدة وماوعن الا على صوت سيارة عمهن حمد
ميرة : لااا معقولة حمد يه
عفرا : متى تكبرين .. قولي عمي حمد .. موحمد حاف عيب هذا عمنا
ميرة : عمج انتي،،، انتي قولي عمي .. لكن أنا حمد مب عمي وبس !!
وفزت تربع تسلم على عمها ... تيمعت العيلة على سوالف حمد عن البر وعلى الصور اللي متصورها وبعد العشا

حمد : ميرة باجر يمكن تظهر النتايج
ميرة : هيه ادري .. وسيف يقول انه بييبها باجر قبل الناس ماتعرف
سيف: ايي عمي باجر الصبح بخبرك بالنتيجة
حمد : خير ان شاء الله .. اترياك سيف
سيف: ان شاء الله عمي

ميرة ماعرفت ترقد عدل ونشت من الفير تترقب المجهول

حمد نش من الرقاد على 7 الصبح
ميرة : صباحك عسل عمي .. شحالك
حمد : صباحج قيمر ياقلبي .. بخير .. شحالج انتي ؟
ميرة : انا بخير ياويه الخير
حمد : الخير في ويهج
خالد :كل هذا ترحيب بعمي حمد .. ليش خير ان شاء الله مافي غيره هنية .. احم احم
ميرة قعدت تضحك وتقول لهم يلا نتريق احسن لنا من مناقرة خالد على الصبح







بعد الريوق ميرة انشغلت شوي في البيت وحمد يلس مع اخوه ،، وخالد سار الشركة
وشوي وتليفون حمد يدق والمتصل سيف

حمد : هاااه .. الله يبارك في عمرك .. متأكد انت !!!! مشكور.. مع السلامة

بوخالد : شفيك حمد تتحجى بالشيفرة إنت !! شنو قال لك سيف ؟
حمد : خايف على ميرة من النتيجة ,,,
بوخالد : ليش .. كم نسبتها ؟؟
حمد : 96.4 %
بوخالد : بس ؟؟؟؟؟ يعني مافي طب
حمد : يعني التخصص اللي تبيه ميرة بدشه وأكيد هندسة

كانت التوقعات غير جذي .. ميرة ماتبي نسبة كبيرة لانها لو اكثر عن 97 % ابوها بيدخلها الطب ولو96 % عمها بيدخلها هندسة حسب التخصص اللي اهو بيختاره لها .. واقل من جذي الحرية المطلقة لها

ميرة : ها عمي شووووو .. سيف اتصل ؟
حمد طالعها وقال هيه اتصل .
ميرة : قلبها ووقع وعيونها دمعت وحست انه فيه شي وقالت له : شنو افشل .. نتيجتي تفشل مووو .. كم يبت ؟؟وقف حمد وقال لها : 4 .96 % قعدت تصيح ميرة وبسرعة سارت لين غرفتها
حمد لحقها وحصلها طايحة على السرير تبجي
حمد : ليش تبجين ؟؟ انتي عملتي اللي عليج
ميرة : تفاجأت وتوقعت اكثر من جذي .. ليش وين التقصير؟
حمد : سيف يقول انج اعلى نسبة في مدرستج على البنات والاولاد بعد
ميرة : معقولة !!! مستحيل عمي فيه طلاب متفوقين وأعلى مني دوم شلون انا اتفوق عليهم ؟؟
- عمي انت متأكد من النتيجة ؟
حمد : هيه .. ميرة خلاص انتي الحينة ليش تصيحين والله حالة وحدة تييب 96.4 % وتصيح عيل الباجين شنو يسوون ينتحرون ..
حمد يضحك لها يناظرها بعيون المنتصر : بدشين قسم الهندسة ... موو
يلا نشي وبدلي ترى الحينة الكل يدري عنج والكل بيي يبارك لج ولحمود بعد .. الا تدرين حمود كم ياب ؟
لفت ميرة ويهها عليه وبعيونها تساله .. رد عليها وقال 65 % وبعد وايد عليه تلاقيه مستانس وايد ويمكن يالس يرقص
ميرة : ياحليلك ياحمود الحينة سيف طايح فيه
حمد : يستاهل .. يلا يهزي عمرج ومابي اشوف دمعة .. وغمز لميرة وقال لها نزلي .. ياباش مهندسة
ضحكت ميرة وقالت : ان شاء الله عمي