عنوان الموضوع : ..][][ مــصــدر الــح ــــب ][][.. قصة حقيقية
مقدم من طرف منتديات الشامل
>>>>> ردود الأعضـــــــــــــــــــاء على الموضوع <<<<<
==================================
الجــزء الاول
عيلــة بو فيصــل
ام فيصل
فيصل 20 سنه
راشد 16 سنه
الجوهره 14 سنه
محمد 6 سنين
احمد 1 سنه
عيلة بو ناصر
ام ناصر
دانه 16 سنه
ناصر 13 سنه
محمد 10 سنين
مها 5 سنين
غاليه 3 سنين
" وفي عيله بذكرها لكم وبتعرفونها بعدين .. والام تصير اخت ام فيصل "
" بالنسبه لعيلة ام ناصر .. هم يصيرون جيران عيلة بو فيصل "
في بيت بو فيصل
فيصل : يمــه يمـــه
ام فيصل: هلا فيصــل وينك مختفي ماتبين كله برى هايت ؟؟
فيصل : شسوي .. ويا ربعي .. فله وياهم ضحك ووناسه ..وجلسات .. الله الله .. ياحلاها
ام فيصل : هه .. انزين آمرني شبغيت ؟
فيصل : يمه .. ابي بيزات .. فلستني السياره .. معاشي كله فيه مايسوى علي .. ومع هاااي انا متعلق فيها ومابي ابيعها
ام فيصل : اه منك .. انزين الحقني غرفتي
راحت ام فيصل ووراها فيصل
ام فيصل : هاك .. جم تبي ؟
فيصل وهو يفكر : امممم براحتج الي يعجبج
ام فيصل عطته الفلوس والولد ماصدق وراااح يشغل موتره .. خبركم الحين مغرب الساعه 6 وهو دايم يطلع هالحزه ومايرد الا الفير ..
وبعد ماراح فيصل يات الجوهره الصاله
الجوهره : هلا يمه شفيج قاعده بروحج ؟
ام فيصل : شسوي .. محد فيكم قاعد وياي قلت بقعد اطالع هالبرنامج الثقافي عن السمج وانواعه .. حلو .. تعالي قعدي شوفيه
راحت الجوهره عند امها وقعدت ..
ولفت انتباهها اكثر انهم حطو مقطع عن متحف في امريكا عن السمج .. وهو شكله بيت زجاجي ومن برى سمج وكنكم تطالعونها ع الطبيعه .. قعدت الجوهره تتفرج ع المتحف وبعدين قالت ..
الجوهره : يمه شرايج نروحه .. حلو وايد
ام فيصل : طيب قولي حق ابوج
الجوهره سكتت وماعندها شي تقوله لانها عارفه انه ابوها مايوديهم مكان وايد .. والحين سفر .. الله يستر
وكملوا شوفتهم للبرنامج .. ياهم محمد ويا لعبته " سياره " .. وقعد يلعب يدام الشاشه ..
الجوهره وام فيصل : محمد قووووم عن الشااشه نبي نشوووف
محمد ساكت ويكمل << يزيدها الاخ
الجوهره قامت طقته ورجعت جلست مكانها ..
وطبعا محمد يصيح ..
ام فيصل : ليش طقيتيه ؟؟
الجوهره : يمه يقهر من قلب .. يعني بلاه ماتعرفين انه يفهم ؟؟؟ وهو يعاند ومايقوم ؟؟
ام فيصل : حتى لو .. المفروض ماتطقينه .. خاصه انه اصغر منج
الجوهره : والله شكلكم كلش ولا بتفهمون ابـــــــــــــــــــد
ام فيصل : بس
الجوهره سكتت .. وجى بو فيصل ويا راشد من برى .. معروف راشد كله يطلع ويا ابوه
راح بو فيصل يبدل وراح راشد غرفته يكمل مجابلة الابتوب والنت..
ام فيصل : راشــد راااشـــــــــد
راشــد : هلا
ام فيصل: تعال بقولك
راشد : آمري ؟
ام فيصل: انت رايح ثاني ثنوي ادبي رياضيات ولا ادبي علوم ؟
راشد .:. اصلا جي ولا جي .. انا ماحب الكيمياء .. واحنا ماعندنا علوم .. يعني الرياضيات ابرك لي ..
ام فيصل : زين متى بتسجل ؟
راشد : يمه تو الناس باقي ع الدوام اسبوعين مره وحده بسجل..
ام فيصل .. : اها .. باتوفيق انشالله
راشد : انشالله
..
اما بالنسبه للجوهره .. طفشت منهم ولا بعد ابوها قام يسولف عن رمضان .. هااي الي ناقص .. راحت هي غرفتها وقعدت ع النت .. وكانت حالتها " بالخارج " .. واول ماوصلت الا وهي تشوف واحد اسمه " عبدالله " [ بعدين بقولكم قصته .. بس مقصد الجوهره مو تكلمه .. وتضيع كرامتها .. هي كانت ضايفته وضايفه جم واحد من الشباب بهدف التسليه ]
عبدالله نكه كان [ If YoU LoVe Me .. IWell GiVe YoU My HeaRt ]
والجوهره نكها كان [ Do0onT CrY oVeR aNyoNe WonT Cry oVeR YoU ]
[ If YoU LoVe Me .. IWell GiVe YoU My HeaRt ] :
السلام عليكم
[ If YoU LoVe Me .. IWell GiVe YoU My HeaRt ]:
شفيج ؟ السلام لله مو لي
[ If YoU LoVe Me .. IWell GiVe YoU My HeaRt ]:
خلاص شكلج مشغوله .. لي رديتي كلميني
...
قرت الجوهره كلامه واكتبت
[ Do0onT CrY oVeR aNyoNe WonT Cry oVeR YoU ]:
سوري عبود ماكنت هني توني يايه
[ If YoU LoVe Me .. IWell GiVe YoU My HeaRt ]:
لاعادي ماختلفنا .. بس كان خاطري اكلمج بخصوص شي
[ Do0onT CrY oVeR aNyoNe WonT Cry oVeR YoU ]:
اوك قول
[ If YoU LoVe Me .. IWell GiVe YoU My HeaRt ]:
ابي اسمع صوتج جوجو .. صدقيني مليت من الكتابه.. وانا احبج والله .. احبج من كل قلبي
" الجوهره كانت تتامل كلامه ومصدومه "
[ If YoU LoVe Me .. IWell GiVe YoU My HeaRt ]:
وينج ؟؟؟
[ Do0onT CrY oVeR aNyoNe WonT Cry oVeR YoU ]:
لا وياك بس انا بطلع الحين
[ If YoU LoVe Me .. IWell GiVe YoU My HeaRt ]:
اوك بس توعديني انج تفكرين ؟
[ Do0onT CrY oVeR aNyoNe WonT Cry oVeR YoU ]:
يستوي خير .. باي
[ If YoU LoVe Me .. IWell GiVe YoU My HeaRt ]:
الله يحفظج
........................
طلعت الجوهره وهي تتامل كلامه ..وتقول في قلبها " شدعوه اكلمه .. لالالا محد صادق هالايام في حبه .. ، وشالي يضمنلي انه كرامتي مابتضيع على واحد مثله ؟؟ " وراحت ترقد
..
نجي حق عبدالله وشخصيته ..
عبدالله عمره 17 ، وتعرفت عليه الجوهره عن طريق الشات وصارلهم سنه وهم ع المسن ، الجوهره تحبه لكنها ماتبي تكلمه جوال لانها صغيره ع هالشي .. وبتضيع كرامتها .. والزم ماعلى البنت سمعتها ، وعلى حسب ماتعرفه الجوهره انه هو عنده ثلاث اخوان وولا بنت .. يعني كلهم 4 صبيان ..وساكنين بالدفنه .. اما الجوهره في الدوحه ..وكانت الجوهره تصارحه بكل شي لكنها ماتدري لو كان هو يصارحها ولالا ؟..
..
" لاا تستعيلون على عيلة ام ناصر وعيلة اخت ام فيصل .. قريب بنتكلم عنهم "
..
نجي حق فيصل الهايت ، كان هو قاعد ويا ولد عمه خالد .. " خالد اصغر من فيصل بسنه ، لكنهم ربع من زمان ويستهبلون وايد وايد حتى على اهلهم "..
وهم الحين قاعدين ع الشاطيء .. الساعه 1 في الليل
فيصل : هاا خلوود شفيك سرحان
خالد : لا ولا شي ..
فيصل : زين انا ابي اتزوج " وهو يوقف " .. مليييييييييييييييت من العزوووبيه ابي مره يانااس .. كلمت امي وقالتلي لما تعقل بتزوجني .. يعني الحين انا مو عوود وعاقل ؟؟
خالد : تبي الصراحه ؟
فيصل : أي تكفى
خالد وهو يلف ويهه : لا
فيصل : مالت عليك انا متعب روحي واقولك شله ؟؟؟ " وهو شوي وبيروح
خالد : اقعد ياريال وانا بقولك ليش مب عاقل
فيصل وهو منقهر : زين قول تحجى ..
خالد : اول شي .. انت صغير .. صغير بعقلك مو بسنك .. يعني عبالك تصرفاتك تصرفات واحد عمره 20 ؟؟ المفروض مو جي .. لازم تحسن معاملتك ويا الناس .. ولسانك الطويل تقصه .. وتأدب روحك .. وتكون بالشكل المثالي .. عشان يتاكدون انك عود بعقلك .. وصدقني لو تميت على هالحال ولا بعد 10 سنين بيزوجونك بنت الحلال ..
فيصل ساكت ويتأمل كلام ولد عمه ..
ويكمل خالد : وبعدين انت حق اكلك وماعندك وكل فلوسك حاطها في سيارتك .. يعني من وين بتييبلها المهر ؟؟
فيصل : عاد انت اسمع الي بقوله
خالد : قول
فيصل : اولاً في البدايه انا كنت احب نور بنت عمتي .. [20 سنه ] وهاااي تزوجت .. وبعدين حطيت عيني على بنت خالتي ساره [20سنه] وهااي بعد تزوجت .. " هم كلهم نفس العمر " .. وبس الحين حاط عيني على وحده ومااااااابيها تفرط منــــــي والله لو راحت مادري شبيصير في حياتي .. انا احبها بس عنها هي مادري .. والله اخاف تروح مني ..
خالد بفضول : منو ؟
فيصل : دانه بنت جيرانا
خالد : بس انت مو قلتلي انه عمرها 16 ؟ توهااا صغيره ياخي ع الزواج ..
فيصل : عاادي يهوون .. ع الاقل الحين خطوبه وبعدين الزواج .. ع الاقل احجزهاااااااااا
خالد : والله مادري شقولك .. كل الي عندي ابيك تركز في شغلك وتيمع مهر لها وخلها هي على بالك دايم وحطها المركز الي بتنجح عشانها
فيصل: آآه .. يستوي خير ..
خالد : شفيك ؟
فيصل : لا ولاشي .. تعبان بروح البيت .. بااااااااي
خالد : الله يهديك << على فكره .. خالد اصلح من فيصل .. لكنه يحب يستهبل لما فيصل يستهبل .. يعني تشجيع
.:.
للحين ماخلصت الجزء الاول مــن القصـــه ومن حاب انــي اكملهــا لــه من عيوني والله
.:.
__________________________________________________ __________
يالله بليززز فين التكميله
__________________________________________________ __________
انشالله خيتـــو
التكملــه والبارت جاهزين انشالله بتحصـلينهم باجر الظهر
__________________________________________________ __________
تابــع الجــزء الاوـوـول
رجع فيصل البيت وهو ضايق خلقه من سالفة الزواج الي كدر خاطره وحس انه مافي امل ..
وهو يمشي رايح لداره لقى راشد قاعد يطالع التلفزيون " يشوف مسرحيه ومندمج فيها حتى ماحس انه اخوه جى "
فيصل : رشود وين جوري ؟
راشد : الجوهره في دارها .. وخر شوي ابي اطالع
راح فيصل غرفته
وهو متسند ع السرير ومرخي راسه وسرحان فكره بعيد وشوي الا ويرن جواله على نغمة " تنحط ع الجرح "
فيصل : الو
خالد : الوووو فيصل الله يهداك سنه لما ترد
فيصل : السموحه
خالد : مسموح .. ماعلينا .. زعلان من الي قلته لك ؟
فيصل : لا .. بس متضايق من كلامك شوي
خالد : وانت تزعل من الصج ؟؟؟
فيصل سكت
خالد : الووووووووووووووووووووو
فيصل : وجع
وسكر فيصل جواله في ويه خالد
خالد : معليه فصووول .. بعدين بتعرف قيمتي يالخبل
..
اما بخصوص فيصل .. كان سرحان شلون يوصل لدانه ويواجهها .. وطبعا كالعاده .. يات في باله فكره وعلى طوووول بدون تفكير رااح عند الجوهره
طرررررررررررااااااااااااااااااااااااخ
الجوهره : اعوذ بالله من الشيطان الرجيم .. بسم الله الرحمن الرحيم .... جي يدشوون الناس ؟؟؟؟؟؟
فيصل : عدم المآخذه
الجوهره : هاا خلصني قول شعندك
فيصل : اممممم ... جوري فديتج
الجوهره : هاااه شعندك
فيصل : عندج رقم دانه ؟ بنت جيرانا ؟
الجوهره : شتبي فيه ؟؟؟ وبعدين مو عيب عليك ؟؟
فيصل: لا مو عيب ... عطيني اياه ..
الجوهره : اقول .. انجلع برررى
فيصل : افاااااا تطردين اخوج ؟؟؟
الجوهره : هااااااااااااااااااااا شتبي فيهاا يه ؟؟
فيصل : انزين جوري عندي طريقه احسن
الجوهره : شتخربط انت ؟
فيصل : اقول .. شكتي وسمعيني عدل .. باجر انا بشتري باقة ورد وعلبة جوكلت غالي للغاليه .. وابيج تروحين عند دانه وطبعا في البدايه سولفي وياها وجي وبعدين قوليلها هااي هديه من اخوي وجي... هااااي وصدقيني هالافتتاحيه حلوه واايد بالموضوع .. ومع السوالف ومر الايام اخذي رقمها وعطيني اياه ... فهمتي ؟
الجوهره وهي تفكر : اممممممممم لا
فيصل : صج انج بلهه .. لاتستعبطين .. عااااااااااد جوووري
الجوهره : الحمدالله والشكر .. اقول .. يستوي خير ... برقد انا .. رووح برى
فيصل : اوك اوك .. معليه جوهرووووو
طرررررراااااااااااااااخ
الجوهره : وجع .. شهالحاله .. واحد يقول " احبج ابي اكلمج " والثاني يقولي " تكفين عطيني رقمها " ماااااهي حااااااله ذي .. وحطت راسها عشان ترقد
....
في بيت بو ناصر
الكل كان مستعد للرحله الي بيروحونها للسيلين .. [ الشاليهات ]
ام ناصر : داانه يمه جهزتي اغراضج حق باجر ؟
دانه : اي يمه بس ماعندي شنطه عدله .. عندج ؟
ام ناصر : أي دانه خذي من عند اخوج ناصر ... انا عطيته الشنط .. روحي اختاريلج
دانه : انشالله
بعد ماراحت دانه جاها ولدها محمد ..
محمد : يمه .. انا ابي اجيب معاي قصتي مالت السلاحف << قصته المفضله
ام ناصر : ييب الي تبي تييبه
محمد : انزين
اما في غرفة ناصر
دانه : نصووووور وين الشنط الي عطتك امي اياهم ؟؟
ناصر : تحت السرير .. بس الشنطه السوده خليها لي ... ابيها لانه تناسبني
راحت دانه تطلع كل الشنط الي تحت سريره .. وطبعا غبار وحاله وهي تكح
دانه : كح كح كح
ناصر : صحه
دانه : على قلبك ... بس شهالغبااااااار ... ليش ماتنظف انت ؟؟
ناصر : وشفايدة الخدامه لو بنظف السرير انا
دانه حست التفاهم وياه صعب وراحت تدورلها على شنطه تناسبها ... ولقت شنطه زرقه على صورة ضفادع خضرة وفي لمعه عليهم واايد حلوه وكيووووت ... واختارتها تكون شنطتها ..
دانه : ابي هااي وايد حلوه
ناصر : أي اكيد حلوه يام الضفادع
دانه : اففففففففف منك بطلع باااااااي
ناصر : الله يحفظج .. ههه
دانه راحت غرفتها
في غرفة دانه
دانه تكلم روحها
دانه : يوووي وايد كيووت نااايس .. اممم بحط الاغراض .. بس اخاف ماتكفي ... اممم بحاول وبشوف
دانه : اووووهووووو يااااربي ليييش مايدخل .. دبدووبي مارتاح الا وياااااااااه .. وقامت دانه تتصارع ويا الشنطه لي ن دخل بالغصب
دانه : اففففف اخيرا دخل .. بس الشنطه ماتتسكر .. هههههههههه .. لا بالله بخليها مفتوحه .. عشان الاغراض كلها تطيح وانا اتبهدل
دانه : ياربي شسوي ... ماافي الا اني احط الاغراض الي طالعه برى في شنطة حد من هلي .. ولي وصلنا باخذ الاغراض
طلعت دانه من غرفتها وهي رايحه لغرفة اختها مها
دانه : مهووويه حبيبتي وين شنطتج ؟
مها : عند ماما
دانه : انزين .. في غرفتها .. ؟
مها : اي أي ..
راحت دانه غرفة امها تدور على شنطة اختها .. وهي ماشيه دعمت اخوها ناصر
ناصر : شفيج انتي هبله ماتشوفين ؟
دانه : ع الاقل كلمني باحترام لاني اختك العوده اوك
ناصر : فاضيه
راحت دانه عنه وهي منقهره
وفي غرفة ام دانه .. راحت تدور بين الشنط ولقت شنطه ورديه صغيره على [ فله ]
دانه : اييييييييييي اكيد هااي هي .. وراحت تتعبث ولقت العاب ومادري شنو ... وحطت دبدوبها واغراضها الي ماكفت فيه .. وطلعت من الغرفه عشان تجهز ملابسها لبكره ..
اما في غرفة البنات اليهال .. مها وغاليه .. كانو بيرقدون لان وراهم قومه الصبح وكذلك ام ناصر وبو ناصر ودانه .. اما ناصر يحب السهر ورقد الساعه 5 الصبح
..
التكملـــه المره الجايــــه
ونبى ردود ياعضااء للتشجيع
ويعطيج العافيه حبيبتي " بنت مره فله " ع المرور النايس الي فرحني
__________________________________________________ __________
تابــع الجــزء الاول << ختامها
..
امـــا الصبــح الساعـــه 7 في بيــت بو فيصل كان الجو هادي حلو .. وفي نفس الوقت قامت الجوهره وراحت شغلت الابتوب عشان تدش المسن من الملل ماتعرف شتسوي
دخلــت مالقت حــد تمت نطرت نص ساعه وبعد مافي فايده محد دخل .. وطلعت بعدها وراحت تطل من الدريشه .. كان الجو حلو نسيم بارد خفيف والجو غيــم وايد وايد حلوووو ... وشوي وتشوف حركه تحت من بيت جيرانها ..
[ طبعا كانو مثل ماقلنا انهم بيروحون السيلين ]
طبعا هي استغربت من قومتهم هالحزه وليش شنطهم بيدهم ؟؟؟؟ لالا اكيـــد في شــي... يمكن بيسافرون .. بس لو بيسافرون جان قالتلها دانه ع المسن امس ؟ .. امممممممم ... لالا في شي .. انا لازم اروح اتاكد ...
راحت الجوهره خذت عبايتها وشيلتها بسررعه نزلت تحت عشان تلحق عليهم وتعرف السالفه ..... ونزلت الجوهره ولقت باب الحوش لبيت بو ناصر مفتوح .. فقالت بتدخل ... ودخلت ...
اما دانه كانت واقفه برى تنطر ييبون اغراضها عشان ترتبها من مكان الشنط ... وهي وبحركه سريعه لقت الجوهره يدامها مدهوووووووشه
دانه : هلا جوجو شفيج ؟
الجوهره : شفيكم؟؟ وين بتروحون ؟ بتسافرون ؟ بتطلعون من البيت ؟
دانه : هههههههههه أي صح ماقلتلج بنروح السيلين .... تعالي ويانا او اقصد قولي لهلج تيون هناك صدقيني وناسه .. واحنا بنروح ويا عمتي واعيالها وبيت يدي ... يعني عيله كمله وحاجزين هناك 4 شاليهات .. [ عائلات ] لمدة اسبوع
الجوهره وهي مدهوشه : زييييين الحييييييييين بتروووحووون؟ ؟؟
دانه : أي ؟
الجوهره : اها .. تردون بالسلامه .. وحاسبو الطريق عدل ..
دانه : لاتوصين ..
الجوهره : اوك خلاص انا بكلم هلي وبشوف
دانه : اوك وانشالله يرضون انكم تجون
الجوهره : انشالله
وراحت الجوهره تركض لبيتهم تشوف اهلها صحو ولا لسى نايمين ... وماحبت هي تصحيهم لو كانو نايمين لانها بتلقى زفه ..
طبعا هي نطرت لين الساعه 1 الظهر .. توهم قايمين .. " بو فيصل .. ام فيصل .. فيصل .. راشد "
الجوهره : هيييه تو الناااس
الجميع : ليش شصار ؟
الجوهره : يمه .. ترى جيرانا راحو الشاليهات اليوم ... يمه تكفيييين خلينا نروح نستانس قبل ماتبدى المدارس .. وشي اكييد انه نرووح ويا هلي بيت يدي وخالاتي
ام فيصل : انشالله بكلمهم ..
الجوهره ماصدقت تبيها من الله
ام فيصل : بس عاد نطري شوي مو الحين بكلمهم ..خليها في الليل
الجوهره بيأس : اوك
وراحت ام فيصل المطبخ .. اما بو فيصل طلع برى البيت ويا راشد ... وبخصوص فيصل .. توه قاعد من النوم وماله خلق حد
راحت الجوهره عند فيصل
الجوهره : فصوول فصوول
فيصل بتعب : هااه شتبين
الجوهره : ترى دانه واهلها راحو الشاليهات اليوم وبيتمون هناك اسبوع في السيلين
فيصل وهو فااج عيووووووووونه : متتتتتتىىىىىىى ؟؟؟؟
الجوهره .: الصبح ..
فيصل : انزين شنو رقم شالييههم .؟؟
الجوهره : شدراني انا ... وييييييييييييييي
فيصل : افف منج ...
الجوهره : يزاتي يايبتلك هالخبر الحلو
فيصل : أي حلو الله يهدااج جوووووري
الجوهره انقهرت وراحت غرفتها
فيصل : وليييين ... شفيها ذي زعلت بعد ... امممممم أي صح .. ليش احنا بعد مانروح الشاليه هناك .. منها اشوفها واخذ رقمها .. ومنها اقدر استانس شوي واطلع من هالضيقه .. والوناسه تكتمل ويا الاهل طبعا .. خلاص انا الحين بكلم امي والحساب كله علي انا وطبعا خالاتي واجاار الشاليه وكل شي علي انا عازمهم ,, واممم ..بروح ابشر امي وبعدين جووري ورشوود ..
طلع فيصل من غرفته وراح الصاله ... لقى امه قاعده تفر في التلفزيون من الملل
فيصل: يمه بقولج شي
ام فيصل : تفضل ؟
فيصل : دام فضلج .. يمه انا عازمكم على الشاليهات الي في السيلين وويا خالاتي وكل شي علي انا
ام فيصل : خبر قديم .. انا من شوي كنت بكلم خالاتك بس قلت في الليل بكلمهم
فيصل : يمه يعني مو عاجبج ؟؟؟ وطبعا هالجووووري نشرت السالفه في كل مكاان .. وانا آخر من يعلم عندها في البيت .. اففففففففف
ام فيصل : لا شدعوه فيصل. . خلاص مو مشكله دامك عازمنا .. روح انت اليوم وبشر خالاتك
فيصل وهو ينقز من الفرحه والوناسه وعلى طوووووووول راح غرفة راشد يبشره بس مالقاه ... وماعنده الا الجوهره .... راح غرفتها منها يراضيها ومنها يونسها
فيصل : جووووري استانسي
الجوهره : ليش يااحظي ؟ فنشووك من شغلك ؟
فيصل : فال الله ولا فالج ؟؟؟ الحين انا اخوج حبيبج تقولين عنه جي .. هين ومب قايلج البشاره
الجوهره : لالالالالالالالالالالالالالالالالالالالا لساني بفرمه بس قوووووول عاااد
فيصل وهو مو قادر يمسك نفسه الا يقول : انا بحجز لكم ولخالاتي كلنا شاليهين في السيلين على حسابي ..
الجوهره شوي وبيغمى عليها من الفرحه : صججججججججججججججججججججججججججججججج؟ وقامت تناقز .. ولان هم اصلا مايروحون وايد ..
فيصل : بس بشرط
الجوهره : وشو شرطك ؟
فيصل : تييبينلي رقم دانه .. وشرط انا بخليكم تقعدون حتى اكثر من اسبوع
الجوهره وهي تفكر : اوك
فيصل : عند كلمتج ؟
الجوهره : عند كلمتي
وراح فيصل لبس ثوبه وغترته عشان يروح بيت خالته ويده يقولهم
....
وهنـــى اختــم لكم الجــزء الاول
امــأ الجــزء الثانــي الي بحطــه ابي يكون ع الاقل في ردود عشان اقدر اتشجع ولا تنسوون هااي اول منتدى اشارك فيه بالقصص وهااي اول روايه لي ... اريووووكم
رد مع اقتباس
