عنوان الموضوع : أستخلاص العبر من حكايا جدتي !!! - قصة خليجية
مقدم من طرف منتديات الشامل

كان يا مكان كان فيه راجل زمان ثرى
واحنا عارفين أن الثرى يا ولاد وراه
شلة زلنطحيه { أصحاب منفعه وحرميه } المهم يا أولاد أن الراجل دوت كان بيبعزء فلوسه شمال ويمين
وكان قليل لما يعطف علي مساكين المهم انه جه
يوم وأصبح فقير ومديون راح لشلة الزلنطحية
يستلف منهم شوية نقدية قاللو منين دا أحنا
مش لقين حتي تمن الطعميه يعمل أية ويروح فين
قال لأزم أسيب بلد الحرميه والزلنطحية فضل يمشي ويدور علي بلد يسكن فيها ومشي وتعب لغاية ما صادف قرية من بعيد شاف عندها منظر عجيب
رجاله كتير لبسين توب أخضر وفي أيديهم
حجر وكل واحد بيخبط بيه علي صدرة ويقول
أنا اللي جبت دا كله لنفسي
أستغرب الغني اللي أصبح فقير
دفعه الفضول قال أدخل أشوف قصة البلد ديا
فين يروح ويبات فين راح علي المسجد قال أصلي
وهناك أنام
وتاني يوم الفجرية جه الامام ومعاه فطار
سأله الغني اللي كان فقير ايه قصة الرجال
اللي شفتهم خارج القرية قالوا بكرة تعرف
أستهوتو القرية حب يعيش فيها بس معهوش نقدية
سأل الأمام ممكن أعيش معاكم في خير وسلام
بس بس
الأمام بس ايه
مفيش فلوس
فلوس !!! هنا يا أبني مفيش فلوس
أومال عيشين أزاى
يا أبني كل حاجه بنبعها ونشتريها من الله
ولله
أى شيئ تحتاجه أقسم علي صاحبه بالله تلقاه
طب والجواز
نفسه تمام .. تروح تخطبها وتقسم علي والدها
وتعيشوا في أمان
الله أيه السهوله ديا وأيه البلد ديا
قالوا بس حاسب فيه طلاق!!!!
قالوا أزاى
أذا سألت علي شيئ ملكش فيه وصاحبه قالك
اللي ملكش فيه متدخلش فيه مرأتك تبقي طالق
وأذا سألت تلت مرات وكان الجواب نفس الرد
تبقي مرأتك محرمه عليك وتخرج بره القريه
وتبقي محرمه عليك !!!
المهم أنه أشترى بيت وأتجوز وعاش في
أمان وعاش في سلام بفضل الله ومن الله
ومر عام
وكان فيه في القريه مولد كبير كل عام
حب يروحه مرأته منعته قالتلوا بلاش أنا خايفه
تسأل هناك علي شيئ ملكش فيه
قال متخفيش
المهم راح
وهو وماشي شاف منظر غريب
شاف راجل وفي أيديه قربة ميه
وتلت حفر واحده كبير وفيها بذور قليله
وواحده وسط وفيها بذور أكتر
وواحده صغيره وفيها بذور أكتر وأكتر
يجي للكبيرة يملاها ميه كتيرة
الوسط أقل والصغيره معدومه
قالوا بتعمل أيه حرام عليك
البذور الكتير معدومه وتدى الميه
للبذور القليله قالوا الكلمه
الشهيرة اللي ملكش فيه متدخلش فيه
ضرب دماغه وقال هبا مرأتي طالق !
رجع حزين مرأته وستوا قالتلوا لسه أدامك
أتنين ومر عام وجه نفس المولد وحب يروح
المهم راح وهو ماشي شاف شيئ عجيب
شاف شيخ عجوز راكب شجرة جميز
الخضرا يخدها والمستويه يتركها
قالوا أما أمرك عجيب
خد المستويه وسيب الخضرا تطيب
قالوا نفس الكلمه اللي ملكش فيه متدخلش فيه
رجع البيت مكسور حزين
ومر عام وجه نفس المولد قال لأزم أروح
والمره دى بغير الطريق بروح عن طريق البحر
وهو رايح علي الشط شاف منظر عجيب ومش جديد
شاف مركب واقف وسط الميه وناس عالشط مسكين حبال
بيشدو المركب وناس وقفين يشدو الناحيه التانيه
قال أمركم عجيب .. أتجمعوا كلكم في ناحيه واحده
شدوا المركب تيجي بسرعه
قالوا نفس الكلمه اللي ملكش فيه متدخلش فيه
راح للأمام يشفلوا حل
قال الأمام كدا ملكش عيش عندنا ولأزم ترحل عننا
قالوا حاضر بس قبل ما أمشي لأزم أفهم أيه
قصة التلاته
قال الأمام
الاولي كانت الأرزاق سبحانه يهب لمن يشاء
بغير حساب
طب والتاني
التاني كان الموت تموت صغير تموت كبير
اللي يجي أجله مفيش تأخير
طب والمركب
أما المركب هي الدنيا ناس تشد من هنا وناس
تشد من هناك وهي هي واقفه ما مكانها
شاف الأمام في عين الغني اللي أصبح فقير
سؤال قالوا عاوز تسأل عن الرجال خارج القرية
دول كانوا زيك عيشين هنا في أمان بس اللسان
بيقتل صاحبه
وخرج الغني يدور علي حجر وخد مكانه وسط الرجال
يردد معاهم أنا اللي جبت دا كله لنفسي
وتقبلواا مرورى وآسف جداً للاطاله
أحمدو الله علي كل حال
أحلام شهيد

>>>>> ردود الأعضـــــــــــــــــــاء على الموضوع <<<<<
==================================

يسلموووو ع المووضوووع

__________________________________________________ __________


__________________________________________________ __________


__________________________________________________ __________


__________________________________________________ __________