عنوان الموضوع : اول قصة من تاليفي "وانتهى الجفا" - قصة رائعة
مقدم من طرف منتديات الشامل
بسم الله الرحمن الرحيم
سلام الله علييكم
حبيت اعرض اول قصة من تاليفي فهذا المنتدى
واتمنى انها تعيبكم ونشوف التفاعل
بسم الله الرحمن الرحيم
"الجزء الاول"
نبدا بمنتدى من المنتديات وكان المنتدى عجيييب رووعه واكثر من روعه والكل يحبه واهو منتدى اسلامي لامصخره ولا شياته .. واي تعارف بين واحد ووحده ماشي .. وحده فالمنتدى نكها (عذيج الريم ) وهاي فالبيت حياتها عندها لا تطاق مع ان حياتها حلوه ولا بأس بها
ونعرفكم بالشخصيات
عائلة آل عبد الله
ريم 15 سنه ثالت عدادي ..علي 17 سنه ثاني ثانوي .. نور19اول سنه كليه .. والام سلمى شويه تايهه عن العيال ماشاء الله علييهم كباار ويعتمد علييهم والابوناصر ما عنده شي غيير شغله ما عنده وقت حتى يسلم على مرته وعياله
عائلة الكعبي
يوسف 19 سنه اول سنة كليه .. حمد 16 سنه اول ثانوي .. سعيد 15 سنه ثالث عدادي ..
الابو حسن متوفي والله يرحمه والام ساره مهتمه بكل شي وتشتغل عسب توفر لعيالها كل شي
يوم من الايام ريم كانت ياسه ع النت وفاتحه المسنجر والمنتدى المعتاد علييه
وطبعا غييرها اشخاص يالسيين ع المنتدى منها يوسف وكان نكه فالمنتدى (محب اهل البيت )
يوسف: يما ابي عصير
ام يوسف : ان شااء الله كم يوسف عندي انا
يوسف: فدييت قلبج والله
ام يوسف :ميري ..ميري
ميري:يس مدام
ام يوسف: سوي عصير برتقال ليوسف ويبيه اهنا
ميري:اوكي مدام
ام يوسف:يما بس نش من عند هذا بيخرب عينك دومك لاصق به
يوسف : امييه خليني شوي بس
ام يوسف : والله برايك بس لا تتاخر ترا ليل وباجر وراك كليه
يوسف:ان شاء الله يما
بعدها ام يوسف روحت غرفتها ترتاح وميري يابت العصير ويوسف شرب العصير وبعدها راجع دروس شويه وبعدها روح يرقد من التعب
الصبح..
سلمى : يااميييه ريماني نشي
ريم : يما بس شويه خليني
سلمى: ترقدون نص الليل وما تنشون للمدرسه
ريم : يما خمس دقايق خليني
سلمى:شو بتسوي هالخمس دقايق يالله نشي
ريم :شوي بس يما
سلمى: ما ينفع لج الا علاوي اي يحشرج
ريم:لا لا يما خلاص الحين بنش
سلمى :زين يالله شوي وراده
ريم افففففففف شو هالمدرسه ما يخلون الواحد يرقد ع راحته
وترد سلمى تشوف بنتها راقده بعدها وتنادي ولدها علي
علي:ريم حبيبي يالله نشي مدرسه
ريم :شويه علي
علي يبدا حشرته المعتاده ويسكر المكيف وشل عنها اللحاف ويعفد لها ع السرير
ريم: ان شاااااااااااااااااااااء الله بنش اف
علي واهو ناقع ضحك : وخليناها تنش والله ههههههه
وسلمى تضحك وتروح تبوس ولدها وينزل تحت
ريم :تطلع من الحمام وتشوف امها فغرقتها
ريم: امييييييييه يالله ابي ابدل ثياابي
سلمى : اقوول احترمي الي اكبر عنج ولا بتشوفين شي ثااني
ريم:اوهوووشو هالعيشه الي ما تنطاق
سلمى:اقولج احترميني فااهمه
ريم: يمااا والله ترا ما بروح المدرسه
سلمى وتعصب وتصفع بنتها كف تخلييها طايحه ع الارض وتروووح
ورييم تصييح لكن محد يسمعهاا
ماشاء الله بيتهم 3 طواابق وكبييييييير
وحاليا الكل يكون تحت واهي فالطابق الثالث منو بيسمعها
وتمت تصيح وتصيح وقالت بنشووف منو الي بيلس فالبيت
بعدها مسحت دموعها وتلبست ونزلت تحت وطلعت ووجهة الرمسه لامها وقالت: لكن والله بتندمين
سلمى اول مره تمد يدها على احد من عيالها وتندمت وااايد لانها صفعت بنتها وعيالها كانو مستغربين شعنه ريم تطلع واهي تصييح وويها احمر حييل وقالت للام بتندمين
علي: يما شو فيها ريماني
سلمى ساكته وتصيح
علي:يما خلاص لا تصيحين
سلمى:اعرف بنتي بتسوي شي اخاف ما ترد لي
علي: ان شاء الله بترد لج وبتحضنج وتبوسج بعد
نور ما تحب تشوف هالمواقف جداماها فـ ع طول تروح المطبخ
وبعدها علي ونور يتوجهون كل وااحد لدوامه
نفس الوقت فبيت الكعبي
يوسف ينش ويروح الكليه
وحمد وسعيد يروحون المدرسه والام تتوجه لدوامها
يوسف يوصل للكليه شويه متاخر
ومتعود دوم يشوف شلته جدامه اذا متاخر والشله مكونه من حميد,, حسين,,محمد ويستقبلوونه بعتااب
حميد :صبااح الخير شعنه متاخر يعني؟!!
حسين: لا جان رقدت فالفرااش بعد
محمد:جان تميت فالسياره ليش نزلت
يوسف يطالعهم ويقول بل بل بل واحد واحد يسال الي يقول نجم واقف ويسالونه
والكل يضحك ويدخلون الكلاس بسلام قبل السير
نشوف التفائل وبعديين نكمل
اتمنى تنال اعجاابكم
>>>>> ردود الأعضـــــــــــــــــــاء على الموضوع <<<<<
==================================
انا من المشجعين و انتظر التكمله
__________________________________________________ __________
انا بعد من المشجعيين بس ها ما أوصيكي مو لما نروح نتفاعل تتغليين
ترى كلنا نحبك ونغليك >>>>>>>هههه مشيها بس فاهمتك من زمان قديمه الحركات
المهم انا معك دووووووووووم
انتظركي تكملين
__________________________________________________ __________
سلام الله علييكم
sara700
تسلميين ع الرد
وان شاء الله تستمرين وياينا
شهد الحلا
ان شااء الله ما بتغلا
وهاي التكمله
ريم ؟!!
حصه: اخاف صار لها شي فالبيت
شمسه : ريماني نشي بلاج زيغتينا علييج
حصه :ريم الله يخلييج ردي عليينا شو بلاج؟!!
شمسه:حصوص انا بروح للنيرس اتي الها
حصه اوكي بس بسرعه دخييلج
شمسة ترووح باسرع ما عدها واتييب وياها النيرس
وتقول ان مغما علييها وما عليها شر وبتخليها تستحريح عندها وفالبريك تعالو شوفوها
حصة ان شااء الله نيرس ومشكوووه
النيرس : ولو هذا وااجب
ويروحون صفوفهن
شمسه : يحليلها الله يعلم شو صاير فيها
حصه : انا اتوقع من بيتهم
شمسه :الله يعينها بس
شمسه وحصة اغلى ربيعات ريم
شمسة وحصة عيال خالت ريم
عند علي
علي: منصور دخييلك قوم نطوف عند البنات دخييلك ابي اشوفها شوي بس
منصور :تقول جدامي هاا والله لاذبحك
علي:شويه بس بعدين خليني اشوفها اوكي
منصور : افا عليييك بخليييك ذبحتنا فيها
منصور ولد خالت علي الي اهو اخو حصة
وعلي يحب حصة ودوم يتوسط لمنصور بس عسب يشوفها
حصة حاسه بنظرات غريبه بس للحين ما تعرف ان علي يحبها
وعلي يقول بس اخلص مدرسه اقول لها وما يحب لعب الشباب وعند كلمته
وفالبريك
علي يروح عند مبنى البنات يوقف ع امل ان يشووف حب قلبه
ويطوفون شمسه وحصه لكن مب ويااهم ريم علي اهنا خااف واايد على اخته
منصور:اختك مب ويااهم غرييبه شو صاير فالدنيا الثلاثي المرح مب ويا بعض
علي كان يفكر ويين تكون ريم
منصور:حووو انا ارمس اليدار؟!!
علي : لا بس افكر ريم ليش مب ويااهم
منصور تلاقيها منه ولا منااك
وعند البنات
حصة :الحمدالله ع السلامه شو صار بج قلبي؟!!
ريم ترمس بصعوبه : وين انا؟!!
شمسه:لا تخافين انتي عند النيرس فالمدرسه
النيرس : ريم يالله غسلي ويهج
ريم تنش وتغسل وييها وتتنشط
وتشكر النيرس وتتطلع
وهالوقت منصور يتصل لحصة ويتطمأن علييهم
منصور: هلا والله
حصة:اهليين منصور
منصور:شحالكم
حصة الحمدالله..خير صاير شي؟!!
منصور :لا نحن الي نسالكم صاير شي؟!!
حصة :شو يعني بيصير فينا وليش تسال
منصور : صدفه شفناكم بس دون ريم وعلي خاف على ريم وااايد
حصة اول ما سمعت اسم علي فز قلبها
منصور : الوووووووو
حصة : وياك وياك
منصور: من الصبح اتريا اقولج علي خايف على اخته وينها
حصة :الحين يايين لكم وبنستاذن وروحو استاذنو عسب ريماني بسرعه
منصور قال لعلي بنرووح نستأذن علي استانس لانه بيشوف حب قلبه وبيشوف اخته
وتلاقو عند البوابه
ريم اول ما شافت علي رااحت فحظنه وصاااحت حيييل
حصة خاافت واايد ركضت عند ريم وتمت تصيح وياها
ومنصور يلس يتامل المنظر
وطلع كراسته ويلس يرسم المنظر الي جدامه
منصور رسااام مااهر واي منظر يحبه يرمسه عيبه الي يشوفه وتم يرسم
علي هدا اخته وقال بنرد البيت
ريم: البيت انا مالي رجعه فييه
حصة استغربت:حبيبي لييش شو صاير؟!!
ريم: انصفع من امييه وتتطيحني ع الارض واصرخ ولا عندها شفقه اتي تشووفني اميه الي ما كنت اتخيل منها كل شي طلع منها كل شي انا ما ابي اشوفها ولا رااده البيت فاهميني
علي انصدم وحصة تمت تطاالع خالتها تسوي جييه ومنصور اشتغرب بس تم يكمل رسمه
حصة : زيين ريماني اليوم تعالي عندي
منصور: هيه ريم تعالي عدنا
علي:ممممممم
منصور: لا تقول شي ريم بتي يعني بتي
ريم : لا ماابي
حصة قاطعتها: يعني شو ما تبيين اسكتي اشووف ما اعرف ويين بتروحين يعني
ريم: خلاص برووح البيت لكن امييه انا ما ابي اشوفها بعد
علي شاف اخته كييف حاطه فخاطرها ع امها
حصة : حبيبي مايصير جييه خالو بعدين شو بتقول؟!!
ريم : خلاص قلت بروح البيت وما بشوفها وبسوي الي فبالي سامعين
واهنا ترد المديره وتشوف ان ريم وحصه يصيحون وعلي تعبان وشمسه طايحه ع الارض و خايفه ومنصور حزنان ويرسم
المديره: ياااااااه حبايبي يالله آومو معلييش روحو البيت ارتاحو دا انتو تعبانين
حصة :هيه نحن يبالنا راحت باال لكن كلنا بنرووح بيتنا حاليا
المديره : يالله ياعيالي
وطلعو من المدرسه ورحو البيت
ام منصور ما كانت موجوده فالبيت وريم ارتاحت لهذا الشي
حصة خلت ريم ترتاح فغرفتها ونزلو الصاله كلهم
وتمو يتناقشوون وجييه ومنصور روح المكتب مااله طبع اوراق على عددهم ورد
شو هاي الاوراق؟!! وليش يطبعها؟!! وليش على عددهم؟!!
رد وزع الاوراق وتمو يشوفون واهم يظحكون
حصة :منصور حراام علييك شو تسوي
منصور: هاي الاوراق ماشي تفروونها تذكروون ذكرى حلوة
علي تم يتامل الرسمه
منصور: عن تطيح عينك بس .. خذ هاي لاختك
حصه : فدييتها والله
وتنزل ريم علي الدري وترووح لهم
حصة: هلا هلا والله
ريم: هلا فييج
علي: تعالي خذي
ريم : شو هذا
تشووف واهي تضحك منصوور شعنه ترسمنا
منصور تم يطالع ريم ريم استحت ونزلت راسها علي تم يطالع منصور كيف يطالع اخته خذ القلم الي حذاله وفره علي منصور
منصور: هااااااااا بذبحك انته
علي : احم احم
منصور : اووووه سووري والله
ريم: انا بخلي هاي الرمسه ذكرى
منصور: عيل ليش طابعنهن عسب تحتفظن ابهم مب تفروونهم
ريم : هههههه اكييد بنحتفظ ابهم
ريم تحب تحتفظ بالاشيااء وتيلس وتطلع الاشياء وتذكر لحظات حلوه
وبعدها يت فاطمة ام منصور
وسلمو علييهم وجييه
واستغربت لييش راديين من وقت
حصة: يما اليوم دوامنا جييه قصير فقلنا بنتيمع اهنا
فاطمه واهي مستغربه حييل: اهااا
وتروح المطبخ
والكل يضحك
بعد تجهيزات الاكل
فاطمة يالله تفضلو ع الطاوله
علي: خالووو ليش تعبيين عمرج نحن شويه وبنرووح
فاطمه: يالله تفضلو وبلا دلع
والكل يرووح عند الطاوله وياكلون
فاطمة: حصة يما انا بطلع ويا خالتج سلمى الحين غرفتج خلييها تتنظف مب ما تخلينها تدخل غرفتج
منصور: افا علييج يما انا بخلييها رووحها تنظف غرفتها
حصة : يمااااااااا بس بخلي الخدامه تنظفها زيين
فاطمة: هييه جييه ابييج
حصة منحرجه والكل يضحك علييها
معرروفه ما تحب الخدامات ينظفن غرفتها ولا تحب تنظف غرفتها رووحها الا اذا فايجه
ريم: يوم بنخلص اكل بنلعب ترووث اور دير
والكل قال اوكيك
وبعدها خلصو اكل وقالو بيلعون
نور فالكليه مب نووع من الي تحب ترابع اي حد دومها هاديه ما تحب اي شي
عندها بنت خالتها بس الي اهي شمه اخت شمسه
نور: اف اليوم نرد 5 مب قادره انا اتم
شمه: دومج انتيه جييه
نور: دخييلج اليوم ريمو طلعت وهي تصيح ووجهة رمسه لامييه وطلعت
شمه : اوييه الله يعين خالتي
__________________________________________________ __________
:
.
.
مساء الجوري
سيدتي
سرمديّة
.
.
حضور هنا ،، بـ شغف لـ المتابعه ..
لكـ تثبيتي كـ [ حافز ]
و هذا جلّ ما املكـ ..
فقط سيدتي ،، أكملي حتى النهاية
و سـ نكون معكـ ..
.
.
تقبلي حضوري ..
و
متابعتي ..
:
.
.
لكـ خالص الود
نانا
__________________________________________________ __________
سلام الله علييكم
_nana_
حيااج
وان شااء الله بكمل للنهاية
وحضووركم يهمني
وتسلموون ع التثبييت
من الصوب الثاني
يوسف ومحمد وحسين وحميد
كلهم مثل التخصص ومثل الكلاس
وتخصصهم هندسه
يوسف: الله اليوم بنخلص 2
محمد: هييه والله كشخه
حميد : حد اي ويايه بنرووح ناكل شي
يوسف: كلنا بنرووح ويااك
ويطلبون وياكلون ويروحون الكلاس
……….
ريم: هاتو غرشة ماي صغيره
منصور: حصو فالمطبخ شي غرشه يالله فزي
حصه : ان شااء الله
وترووح تاخذ غرشه وتييبها
وييلسون ع الارض وع شكل دويره
تبدا شمسه تدور الغرشه
ويطلع ع منصور وحصة
ريم: منصور لازم تسال
حصة : ابي ترووث
منصور: حبيتي وااحد؟!!
حصة سكتت
وعلي يالس ع احر من الجمر
والكل يتريا الاجابه
حصة: ما اعرف اذا اسميه حب ولا لا
منصور : عاااااشو بيتكسر راسج شكله
والكل يضحك
ويدوروون واي الدور على ريم وشمسه
شمسة: ريمو ثروث اور دير
ريم: تروث
شمسه : شو ناويه تسوين بعد الكف
ريم تشكلت وتخربطت
حصة حست بريم وغمزت لشمسه توها شمسه بتغير السؤال الا و
ريم: ما اعرف شو بسوي لين اتيني فكره بسوي
ويدورون علي ومنصور
منصور: تروث اور دير ؟!!
علي: تروث
منصور: كم مره حبييت؟!!
علي: ويا هالشكل ويا اسالتك الي تبط الجبد
والكل يضحك
علي: مرتيين
ريم : عااااااشو
ويدورون
منصور وريم
ريم : تروث اور دير؟!!
تروث
ريم:حاليا تحب؟!!
سكت منصور
علي: عااشت اختيييه كسرت راسه والله يالله اعترف
منصور : ما اعرف اذا هذا حب ولا لا
علي: مثل اجبابة اخته
منصور: يعني وحده داخله بالي لكن ما اعرف اذا هذا حب ولا لا
ويدورون
شمسة وعلي
شمسة:تروث اور دير؟!!
علي: تروث
شمسه: تحب منو حاليا
علي: انصدم وقال ما ابي اقوول
شمسه تقول ما يصير بتطلع جييه
علي: عادي بطلع انتو كملو سووري ما اقدر اجاوب
منصور تم يضحك ويشوف اخته
والكل مستغرب
شمسه : لا مب حلو حد يطلع لا خلاص انا بعد ما بلعب
علي حس بشي عند شمسه
والكل قال خلاص ما بيلعب
وقروو ان كل وااحد يرد بييته ومنصور وحصة يقنعونهم انهم يتموون
وقالو بيردوون
وكل واحد رد البيت واول ما ريم وعلي دخلو البيت شافو امهم وخالتهم فالصاله
ع عطول ريم تسلم وتركض عند اللفت وعلي يبي يزخهاا عسب ترووح لامهم
ريم: هدني ما ابي اشوفها
علي: مهما كان هاي امج
ريم : اميه؟!! جان امييه ليش تظربني؟!! الله ما قال اظربو ع اشيااء تافه قال الله اظربو ع الصلاه وبس
علي: ماعلييه يالله روحي اتاسفي انتييه
ريم: ما ابي ما ابي ما ابي
وانفتح اللفت وروحت فووق
وعلي ترمس ويا امه وخالته وراح يرتاح فغرفته ويشوف الرسمه ومنتبه لحصة الي تصيح ويقول متى اقدر امسح دمعتج متى اقدر اقولج احبج متى اقدر امسج ع راحتي يالله متى تعبت وانا اتريا
علي يحب حصة من يوم اهو ياااهل وكان دوم ما يرضى على حصه يوم كان يضربها منصور يدافع عنها ويوم حد ياذيها يرووح يظربهم وتم يضحك ع ايام قبل وطلع عند البلكونه وتم واقف هنااك ومبتسم ويذكر ايام قبل جان يشوف سياره غريبه داخله بيتهم طلع منها رياال كبير شويه ورمس السكيورتي ودخل ورااه ابويه وسلم علييه وجيييه وناد امييه عسب تستقبل الحريم واهو روح الميلس ويا الريايل
ناصر يرووح عند سلمى ويقولها هذا ويااه فالشغل وجييه
وشوي واتي نوور من الكليه وتشووف سياره غريبه فبيتهم
تدخل داخل ترووح لريم
تدق باب غرفتها
ريم: تفضل
نور: سلام علييكم
ريم : علييكم السلام ياهلا
نور : هلا بج زوود شحالج
ريم: الحمدالله انتيه شحالج؟!!
نور: الحمدالله .. ربي يسلمج
ريم: غريبه يايه عندي دومج ع طول تروحين ترقدين اذا تردين 5
نور: لا بس شفت سياره غريبه فبيتنا
ريم: هاا منو؟!!
نور: قومي البلكونه شوفي
ريم: هيه صح غريبه
نور: قومي نرووح عند امييه
ريم : لا ما ابي
نور: ليش؟!!
ريم طاحت دمعتها
نور: اووييه بلاج ؟!!
ريم: ........
نور: ريماني حبيبي بلاج شو صار فيييه حد فييه شي؟!!
ريم: لا لا ماشي
نور: قولي حبيبي شو فييج وليش هالدموع
ريم: فييه يوم ماما مدت يدها علييج؟!!
نور واهي مستغربه : لا!!
ريم : مدت يدها على اي حد
نور: لا خلصيني ليش؟!!
ريم : عطتي كف وطيحتني ع الارض ع اسباب تافه اصلا امييه تكرهنيه ماتحبني تعامل الكل غيير الا انا
نور: لا حبيبي اصلا يوم طلعتي تمت تصيح
ريم: جذااابه اصلا افتكت منييه
نور: والله العظييم صااحت تعالي بنسال علاوي بعد
ريم: من صدقج صااحت
نور:هيه صدقيني
ريم: جذابه اصلا انتييه طلعتي
نور: هيه روحت المطبخ تميت اشووف شو يصير
ريم : هييه زيين يالله نرووح عند امييه
نور ستانست وطلعو
ونادو امهم وريم حضنتها واتاسفت لهاا وقالت لهم عدنا ضييووف روحو اتلبسو وتعالو
وكل وحده تروح تتلبس ويردون ويسلمون علييهم
والكل مركز علي نوور
وشوي اييون الريايل يدخلوون
سالم الابو ومرته عنود وعيالهم عهود وبدر
سالم : والله نحن يايين نخطب نوور لولدنا بدر
اول ما قالو جييه نور حطت يدها على وييها وطلعت
ريم لحقتها : شو فييج
نور تمت تصيييح
ريم: هاي دموع حزن ولازم اشووف دموع فرح
نور: تعالي ريماني بقولج السالفه بس بلييزلا تقولين لحد
ريم : اوكيك
روحو فووق ودخلو غرفت نوور
نور: يوم كان عمري 16 فالمدرسه كان دووم وااحد ييلس يطالني وييسوي لي حركات
وانا ما اعطييه اي اهميه لها الشي
يوم من الايام طرش فايد اخته الصغيره رساله
ونشت نور طلعت بكس رساايل قالت لريم اقري
ريم : بسم الله الرحمن الرحيم ..فالبدايه انتيه انسانه عيبتيني وحبييتج وحبييت الحركات الي تسوينها تصديين وجييه لو بداالج جاان الحيين تطلع ويايه بعد افتخر فييج بهذا الشي انا اسمي بدر وان شااء الله يوم من الايام ياي وبخطبج
وااااااااااااااااو اخيرا وافقت
ياعمري اثاريها تحبه الله يوفقها بس
انتظر التكملة
تحياتي
رد مع اقتباس
