عنوان الموضوع : القشد الملكي بانواعه من صنعي جديدة
مقدم من طرف منتديات الشامل
بسم الله الرحمن الرحيم
السلام عليكم ورحمة الله وبركاته
تحية طيبه وحلى دافي
لجو بارد
او طلعة بر
او جلسة عائلية
تسوونه على الدفايه او الجمر
المهم ركزو معي في الطريقة لأني ماراح اعيد ,,
نبدا على بركة الله ,,
ثلاث انواع لخلطة القشد أختاري منها الي يعجبك
او بإمكانك تسوينها كلها مره وحده
الصوره تبين انه الموجود فيها
حليب محموس وسميد محموس
او بسكويت مطحون
والنوع الرابع الي ما حضر عندنا الطحين البر
وهذا هوا أساس القشد
بالنسبة للمقدار
كوب واحد من أحد الانواع التاليه
نكمل في الصورة الي بعدها بقية المقادير
,,
باين في الصورة تمر خلاص او شقرا هذا افضل نوع
للقشد فرغناها من النوى وخليناها كامله زي ما هي
طبعا هنا ثلاث كيلو لانه لكل كوب من المسحوق الي فوق
كيلوا تمر وإصبع زبده ,,
مكسرات للزينه حسب الرغبه ,,
جينا للزبده
طبعا انا ذكرت انه لكل كوب مسحوق حليب او سميد او بسكويت او دقيق بر
كيلو تمر وإصبع زبده
هنا عندي ما في أصابع زبده الزبده عندنا كبيره مره اقصص منها حسب المقدار
على فكره انا ما أتقيد بلمقادير احط عشوائي
يعني اوزنها لانه إذا التزمت بالمقادير خربت الطبخه مدري ليه ,,
المهم نكمل طريقتنا ,
نذوب الزبده تماما على نار هادئة لو تحطينها على دفايتكم وانتم
جالسين تسوونها كان ياسلام او جمر الي ترغبونه ,,
بعد ما تذوب الزبده تماما
نضيف لها اي نوع من الي عندنا
هنا حطينا كوب السميد الناعم المحموس
وتحركينه برفق حتى يتشرب السميد الزبده
نضيف التمر على حبه حبه او حبتين مع التحريك المستمر
حتى تنتهي الكميه وبعد ما تحسين انه التمر
تغطى تماما بالسميد او الحليب او البسكويت
شيليه من على النار ,,
تقدم ساخنه وتزين بالفستق او اي مكسرات ترغبينها ,,
قشد بالسميد المحموس ,,
قشد بالحليب المحموس ,,
قشد بالبسكويت المطحون ,,
بالعافية ,,
جربوها راح تحبوها كل الشتاء ,,
اراكض بين الحمام ,,
يالله استودعكم الله
واتمنى انه قدمت لكم حلى لذيذ وسهل ويدفي وممتع
تسوونه في مجلسكم ,,
شمس الحقيقة&
>>>>> ردود الأعضـــــــــــــــــــاء على الموضوع <<<<<
==================================
يــــــــــــا سلام ,,,
ماشاء الله عليكِ ,, طريقه جديده علي بصراحه
وبالفعل سريع ونتيجته باين رااائعه
الله يعطيكِ الصحه والعافيه ياشمس
تستاهلين التثبيت والفايف ستارز ووسام التميز
والتقييم والاعجاب ’’ ^ ^
بإنتظار جديدك وشغل مطبخك ,,
كوني بخير
__________________________________________________ __________
للامانه وصفه جديده علي كليا
بس شكل طعمها طيب على الاخر لان الحليب او السميد يوم ينحمسو يعطو طعم ولا اروع
ولا شك في جمال ما قدمتي وطعومته
وعليكم بالعافيه يا قلبي
ننتظر منك المزيد بكل شوق
تقبلي مروري ولك ودي وردي
__________________________________________________ __________
ياحي الله شمس نورتي القسم يالغالية
صراحة شكله روعة ومششهي واكيد لذيذ
تسلم يدينك وجعل ماتمسها النار يارب
يعطيك العافية وبإنتظار جديدك
..{}..
__________________________________________________ __________
يمي يمي واضح انه شهي ورائع
يعطيك الف عافيـــــــــــــــــــــــــــــــــــــــه
**صل على النبي**
__________________________________________________ __________
رووووووووووووووووووووعه
ماشاءالله
الله يهنيكم
المشاركة الأصلية كتبت بواسطة همس الكون وعيونه 
للامانه وصفه جديده علي كليا
بس شكل طعمها طيب على الاخر لان الحليب او السميد يوم ينحمسو يعطو طعم ولا اروع
ولا شك في جمال ما قدمتي وطعومته
وعليكم بالعافيه يا قلبي
ننتظر منك المزيد بكل شوق
تقبلي مروري ولك ودي وردي
ياهلا وغلا بأميرة الكون
الله يسعدك على هالطله ,,
رد مع اقتباس
