عنوان الموضوع : حلى البلاك بيري طريقة سهلة
مقدم من طرف منتديات الشامل
السلام عليكم اليوم جبتلكم حلى رهيب شكله واسمه واتمنى ان يعجبكم
3 بيضات
فنجانين سكر ( =7 ملاعق كبيره تقريبا )
شوية فانيلا
نخلطهم مع بعض بالمضرب اليدوي ,
بعدين نضيف عليهم
كاس ونص حليب بودرة .. _ نيدو _
كاس ونص ماي ..
( لازم تكون كمية الحليب مساوية للمويه )
ونخلطهم ,
تصير الخلطه سائله مايله للثقل شوي ,
موب ثقيله مره ,
الحين نجيب فنجانين سكر .. ونحطهم ع نار هاديه لما تذوب وتصير سايله ..,
بس مانخليه يصير بني مره عاد ..
نحطها بصينية التقديم
ونحرك الصينية لما تتغطا من تحت كلها ..
ونجيب الحين صينية اكبر ونحط فيها ماي مغلي ..
عقب نجيب الصينية اللي حطينا فيها السكر
ونحطها داخل الصينيه الكبيره اللي فيها الماي , _ بالعربي بنسوي حمام مائي _
عقبها نصب عليها الخلطه اللي سويناها شوي شوي " داخل الصينيه الصغيره طبعا _
ونخليها بالفرن ساعه الا ربع على درجة حرارة 350 ,
المفروض بعد نص ساعه تدخلين السكين وتشوفين ..,
لأن ممكن تستوي معك قبل الساعه الا ربع ..
على حسب الفرن :/
عاد لما تستوي ..
نطلعها من الفرن 5 دقايق بس .. وندخلها الثلاجه اقل شي 4 ساعات والأفضل انها تطول أكثر ..
وبس
ونقدمها ..منقوووله
>>>>> ردود الأعضـــــــــــــــــــاء على الموضوع <<<<<
==================================
كريم كراميل شكله لذييييذ تسلم الايادي
__________________________________________________ __________
وربي كريم كرميل ولا اشهى
ربي يسلم الايادي اللي نقلت الطريقه لنا
ويسلم العيون اللي اختارتو
وننتظر منك المزيد بكل شوق
تقبلي مروري ولك ودي وردي
__________________________________________________ __________
كريم كراميل مطبوخ
بصراحة لذيذ .. نعمله دائما
ممكن بحليب السعودية + قشطة طازة
مشكورة
__________________________________________________ __________
يعطيك العافية
بإنتظار جديدك
__________________________________________________ __________
يعطيك الله ألف عافية وننتظر المزيد
مررررررررررره شكلها حلوه يسلمو
رد مع اقتباس
