عنوان الموضوع : تشيز كيك New York!! - حلويات جديدة
مقدم من طرف منتديات الشامل
السلام عليكم ورحمة الله وبركاته

اليوم جبت لكم طريقة تشير كيك رهيبة...


بسم الله نبدأ مع الخطوات:

أول ما تبدون حموا الفرن على حرارة 350

مقادير القاعدة:

2 كوب بسكويت جراهام أو دايجستف مطحون
5 ملاعق كبيرة سكر
ربع ملعقة صغيرة قرفة
60 غ أو 6 ملاعق كبيرة زبدة، مذوبة







نخلط المقادير مع بعض ونرصها في قاع صينية التشيز كيك (اللي قاعها متحرك) و جوانبها...
ملاحظة: خلطة البسكويت بتكون نثرية مو متماسكة، بس لما ترصونها بتمسك مع بعض...
في البرنامج أستخدم كوب القياس عشان يرص فيه البسكويت، أنا استخدمت قوالب الكريم كراميل الصغيرة وأدت الغرض











دخلي الصينية الفرن لمدة 6 دقايق بالضبط، وهذا شكلها بعد ما طلعتها






مقادير الحشوة:

600 غ كريم تشيز، انا استخدمت علبتين جبن فيلادلفيا الحجم العائلي، وزن العلبة الوحدة 300 غ
كوب سكر
1 ملعقة كبيرة بشر ليمون (حسيت ان الكمية كثيرة وغيرت طعم التشيز كيك، فأتوقع ربع ملعقة يكفي)
ا ملعقة صغيرة فانيلا
صفار 5 بيضات
ربع كوب كريمة
بياض 5 بيضات

نجيب الكريم تشيز والسكر وبشر الليمون والفانيلا






نخلطهم مع بعض لين يصيرون مثل الكريمة






نضيف عليهم صفار البيض والكريمة ونخلطهم






نخلط بياض البيض لحاله لين ينفش ويتماسك






الحين نجيب بياض البيض ونضيفه بالتدريج على مقدار الكريم تشيز ونحرك بملعقة خشب من فوق لتحت عشان ما يهبط البياض، لحد ما يتجانس الخليط ونصبه في الصينية






ندخل الصينية الفرن لمدة ساعة وربع... اللي سويته هنا إني غطيت قاع الصينية بورق ألمنيوم و حطيتها في حمام مائي عشان ما تحترق لأنها بتطول بالفرن...

وهذا شكلها بعد ما طلعتها






خلوها تبرد تماماً، تقريباً ساعة ونص

بعدين حطوا عالوجه الحشوة اللي تحبون (أنا استخدمت الكرز)
بعدين دخلوها الثلاجة إذا تحبونها باردة، أو قدموها على طول

وهذ شكلها




















إان شاء الله عجبتكم... وعليكم بالعافية


>>>>> ردود الأعضـــــــــــــــــــاء على الموضوع <<<<<
==================================

يعطيك العافيه
انتظر جديدك
دمت بود
.
.
.


__________________________________________________ __________
شكرا لك على المرور اخوي

__________________________________________________ __________
مــــــــــاشــــاء الله شكلها لـــــــذيـــذه ..

تسلم يمنــــــــاك على مـــــاقدمـــت...

الله يعطيك العافيه على المجهود الرائــــع ..

ودمت في حفظ الرحمـــــن ..

__________________________________________________ __________
يعطيك العافية

__________________________________________________ __________
الله عليك يعطيك العافيه

شكرا على المرور