عنوان الموضوع : طبخاتي [لمسابقه شيف رمضان]
مقدم من طرف منتديات الشامل












السلام عليكم ورحمه الله وبركاته

عذرا جدا عالتاخير لانه كنت مره مشغوله وصاير لي ظرف مايسمح لي اسوي شي ولا اكتب عذرا منك اخوي نواف لكن وصلناااا متاخرين ..
وانا شفت مشاركات الغاليات قبلي ماشاءالله ابدااع طلعنا ولا شي
لكن نبي نشارك مو مهم الفوز ..

اخليكم مع ثلاث اطباق ..
[مرقوق+ كبده+سلطه الفرنسيه ]


















الكبده









المقادير ..مع الطريقه مباشره ..
كبده خروف ... مثل ماهي بالصوره فوق بعد غسلها جيدا
تطبخ على نار هادئه بدون اضافات الى ان تنشف من الماء طبعا الماء منها وفيها لانه بعد غسلها راح تكون مشبعه بالماء يعني مايضاف لها اي شي بس لاحضتي انها خلاص جفت من الماء
يضاف لها كوب زيت والبصل







تقريبا ست حبات بصل متوسطه
وتقطع بهذا الشكل ..








الى ان ينضج البصل وكلنا نعرف البصل كيف ينضج .نكون مجهزين بعدها الفليفله
الفلفل البارد والحار
الفلفل البارد اربع حبات كبيره والحار ثلاث حبات لانه الحراره تعطيها طعم افضل
كما هي بالصوره وتقطع بهذا الشكل ..








تحرك لمده تقريبا خمس الى عشر دقايق








والبهارات المستخدمه للكبده فقط الملح والفلفل الاسود ..ولاحظوا مانضيف الماء ابدا..
توضع البهارات بعد البصل والزيت ..

بعدهاااا

نضيف الجزر المبشور حبه وحده ..







وخمس حبات طماط مقشوره واقطع قطع صغيره ..














وتترك على النار لمده نص ساعه الى اربعين دقيقه
وهذه هي خلصت ..

















[السلطه الفرنسيه ]

المقادير
كما هي بالصوره








جزرتين
ثلاث حبات خيار
ليمونه
علبتين زبادي
ملفوف
مايونيز

الطريقه ..
يقطع الخيار والجزر والملفوف ويفرم فرم ناعم
اما الجزر يبشر افضل ..
ويضاف لها علبتين الزبادي ويعصر عليها ليمونه
ويضاف لها اربع ملاعق مايونيز وتحرك حتى تتجانس
المقادير مع بعضها
وتبرد بالثلاجه .








يتبع..

>>>>> ردود الأعضـــــــــــــــــــاء على الموضوع <<<<<
==================================

المرقوق ..
الطريقه مع المقادير مباشره


نص كيلو لحم يوضع في قدر ويوضع عليه 3 اكواب ماء
ويسلق حتى النظج ثم يضاف به نص كوب زيت و3 حبات ثوم وحبه بصل متوسطه ويقلب على النار لمده خمس دقايق
..
ثم يضاف له الخظار المشكله وهي
جزر بطاطس كوسا باذنجان وفليفله
طبعا مقطعه مربعات صغيره ومتساويه
وتسلق مع اللحم لمده عشر دقائق
ويضاف لها الملح والفلفل الاسود و وحبه صلصل ومكعب ماجي ونسبه ملح ليمون براس الملعقه ..
ودبس فليفله << اعتقد كثير يعرفوه اللي يتوفر عنده يحط ملعقتين
وهذه كما هي في الصوره .





وبعدين نضيف الماء طبعا تكون ثلاث ارباع القدر
اذا كان القدر كبير شوي .. يعني بالتقدير اكثر من ست لتر





وبعدين نخليها لمده نص ساعه تطبخ
نكون مجهزين العجينه عشان نخبزها على القدر ..
والعجينه الكل يعرفها عجينه العاديه للخبز اعتقد الحريم الكبار يعرفوها

وهذه هي جاهزه .. لان بسوي اربع او خمس ارغفه يعني مقدار محدد عشان ماتكون كلها خبز وتنشف ومايبقى فيها من المرق .. لا انا سويت خمس ارغفه لانه بتصير ناشفه لو كثرت .. يعني على حسب





وهنا طريقتها كيف على القدر .. طبعا نخبزها وبعدين نفرشها على اطراف القدر الى انه البخار هو اللي يسويهاا وينضج العجينه ..
ومن بعد نقص الاطراف ونسقطها بالقدر ..
ونحركها مع المرق عشان تتقطع






وبعد مانخلص نتاكد انه ماكثرنا عشان المرق
لانه بعدين بتتشرب المرق في الخبز وتنشف
عشان كذا احسن شي اربع ارغفه من العجين واذا كان المرق كثير نزيدها وبعد مانخلص نحرك الخبز مع المرق زين ونقطعه
ونطفي عليه
وبكذا نكون خلصنا المرقوق
وهذا هو شكله ..
وانا احب اكل جنبه التبوله واضيف له البقدونس والليمون لانه روووووعه وهو حامض ..



















وبالعاااافيـــــــــــــــــــــــه
ان شاءالله ينال جزء من اعجابكم
يعني جاملوني شوي


كانت معكم من المطبخ الرمضاني
خيتكم (سوير)

__________________________________________________ __________
يممممممممممممممم

خلاص انا بسويها وبعطي كل عضوو بالمنتدى

عشان يذوق ابداآآعاتي>>>>بس اذا تسممتو ترى مالي دخل


يثلموووو

__________________________________________________ __________
شيء حلو يسلمواا
وبصراحــة روووعـــة


__________________________________________________ __________
ربي يعطيك العافيه على ماقدمتيه لنا من ابداعات ...
اشكرك على طرحك الراقي والمميز ..

يسلمووو هالديات على هالطبخه الحلوه .,, ,, ربي يوفقك ^ـ^



تقبلي مروري ...


كذآ من ربي حبيتكــ~

__________________________________________________ __________
يعطيك العافية

انتظر جديدك

دمت بود

.

.

.

يسلمووووووووووووووووووو