عنوان الموضوع : وأني أنثى بس غير ..! للمرأة
مقدم من طرف منتديات الشامل






منهو مثله في حنآنه في آمانه
من يحسسني لسىّ الدنيا بخير
وآنيّ آنثىّ
................ بس غير !




ßяõЂ

>>>>> ردود الأعضـــــــــــــــــــاء على الموضوع <<<<<
==================================

بسم الله الرحمن الرحيم ..


كل عآم وانتو بخير بمنـآسبة شهر رمضآن المبآرك ..

اسأل الله أن يتقبل منّا صيامنا و قيامنا ..

هـذآ مـوضوع لـدآنتيل مـآششـآءالله ع ــليهـآ ..

ح ــبيته ونقلته لكم ..

الكـلآم بلسسسـآنهـآ :

بمناسبة رمضان حبيت اتطرق الى نقاط مهمة تهم كل أنثى ممكن بعضنا ينساها او يتغافل عنها

برضوا حابه اتكلم عن الانوثه ومفهومها الي للأسف بداء يندثر في اوساط مجتمعآت الصبايا ..



/



][ إعادة برمجــة الآنوثه ][






الانوثه تعتبر كود " شيفره " محد يقدر يفكها لانها حاجه الله فطرنا عليها وميزنا فيها وصارت مضرب

مثل وحاجه نفتخر فيها ... لما تمر من جنبك بنوته كيوت ونعومه على طول نقول : شوفي كيف

هالبنت انثويه او أنوثتها طاغية ..

يا كثر ماتغنوا فيهآ وياكثر ماكتبوا الشعّـآر عنها ..



الي خلاني اتطرق لذا الموضوع للأسف انو قبل كم يوم شفت بالجامعه اشكال عجيبه وتضيق الصدر

من البنات والي اشك انهم بنات من ستايلاتهم " الله يهديهم " اكيد انو مو أول مرة اشوفهم فيها لكن

حسيت أنهم خلاص زودوهـآ ..

الوحدة تمشي بكل ثقه وبكل فخر ان رحتي للمولآت أو للحفلات وحتى الزوآجات ؟!

عارفه انها حريه شخصيه لكن هالشي مايجوز شرعآ لانو يعتبر من باب التشبه بالرجآل .. ليش

تحاولين تطمسين انوثتك؟

مافيه بنت بالدنيا ماتحب تتميز بذي الصفه .. بنات يصرفون مبالغ كبيرة ويغآمرون في عمليات

وحاله حاله حتى يقال عنهم انهم انثويات ...





ستايلآتهم وملآبسهم حاجه عجيبه ولا الاساور الي باليد الاشكال الي فيها جماجم وهيكل عظمي

وماركات السيارات والالوان الغريبه ولا التيشرتات الي عليها رسومات ماتمت للانوثه بصله ..غير

قصات الشعر الي تخليك تتسألين الي قدآمك بنت ولآ ولد .. ولا النظرآت "السن قلاسز" ستايلات

شبابيه واضحه وماكأن بالمحل الا ذا النوع غير الشوزآت " وانتوا بكرآمة " الوحده ماعاد يفرق معها

تاخذ شوز اخوها ليتها لهنا وبس انقلبت الايه وصرنا نشم ريحة عطورات رجآليه قوية معاهم ؟!!

ممكن هالشي نقول عنه ذوق او ستايل ومالنا حق نتدخل طيب والمشيه والتصرفات الي تتعمدها ؟!

الوحده مشيتها مثل مشيه اخوها ولا ضحكها تسمعينه تخافين من غلظ صوتها [ وللأسف انو مش

غليظ لكن تحآول تخليه كيذآ] يعني الصوت الانثوي الف وحده تتمنى يكون صوتها رقيق وناعم بس

من تسمعه ع الجوآل او التلفيون راح يتخيل لك ايش ورى هالصوت من انوثه ساحرة ؟!

لدرجة انو المزح والضحك مايعرفونه تمزح مع صحباتها ترجهم وتعورهم .. من متى واحنا نسوي

هالحركات ؟حتى الضحك له اداب واتيكيت مش الوحده تفتح فهمها لاخر شي وتقرف الي حوالينها

يعني لما تضحكين كويس تغطينفمك بيدك او بمنديل ولاتعلين صوتك وانتي تضحكين ..



كثير تعجبني ضحكات بنات تحسينها بنوته غنوجه من ضحكتها نفسك محد يضحك غيرهاهذا كله من

رقتها وانوثتهـا .. غير العلك الي تحلفين مايدخل فمك بعد ماتشوفين المناظر الوحده تطق بالعلك

قدام البنات بلا ذوق ومافيه أي احترام للي قدآمها ..



نجي لملامحهم الي يا سبحان الله كيف يحاولون يشوهونها بس ما يقدرون ما يعترفون في روج ولا

كحل ولا شي ليته على كذا حتى حواجبهم مره تقرف اشكالها لا يمشطونها و لا يرتبونها و لا

يرسمونها ..غريب امرهم اللحين احنا ندفع كل إلي ورانا وقدامنا نشتري فيها انواع واشكال من علب

الميك اب حتى نتفنن في ابراز ملامح انوثتنا ..يعني ايش راح تكسبون .. سمعتكم راح تصير

طآيحه وحتى اهلكم راح ينظرون لهم بنظرة سيئة لانهم ماعرفوا كيف يربون .. غير كذا راح تجيبين

الكلام الشين لنفسك .. وليتها لك بس حتى لصحباتك.. والكل ينبذك ولايحب يختلط معاك حتى

مايقولون صاحبة البويه .. والاهم من كذا تعتبرين مطروده من رحمة الله و " ملعونه " لانك من

المتشبهين بالرجال ..الانوثه كنز المفروض تدورين عليها وتسعين حتى تحصلين ع هالكنز

وتحافظين عليه وتنمينه ..اعرف وحده عندنا بالجامعة ماشاء الله تبارك الله ربي اعطاها من الجمال

والنعومة يعني غيرها يتمنى ربع الي عندها حتى انو اختها معروفه بالحلاوة والزين .. البنت من

دخلت الجامعه تعرفت على شلة بنات " بويات " للأسف وتخيلوا معاي كل هالحلاوة والزين رآح

لدرجة انو قصت شعرها قصة مدري وش تحس فيه .. غير التيشرتات ولا الاساور

والعقد من جد حالتها يرثى لها .. يعني كنتِ وين وصرتي وين ؟!والله انو البنات يقولون وحده تعرفها

اذا جت زواجات لهم لازم تجي اختها الكبيرة وتمسكها حتى تحط لها ميك آب

برضوا اختها الكبيرة هي الي تختار لها ملابسها وتسنعها .. حتى انو لما تحط لها مناكير تجلس

البنت مدري البويه " استغفر الله العظيم " تصيح صياح ماتبي ..!!ليش هذا كله الوحده فيكم تستحي

من انوثتهآ ؟


ßяõЂ

__________________________________________________ __________

فيه اشياء بسيطة بالنسبة لك وممكن ما تنظرين لها لكن الكل يعتبرها مفاتيح للأنوثه خلونا نمشي

خطوة خطوة ..ونهتم فيها وبتشوفون الفرق بأنفسكم .. اتركونا من الخلطات والعمليات والخرابيط

هذي فيه أشياء أساسية وتعتبر بنظرك انها تافه ..






الاظآفر : من اهم معالم الانوثه " الاظافر " ونعومة اليد تكملها الاظافر الحلوة .. انا ما اقصد بالاظافر

الطويلة والله بعضها طولها اوفر و حتى تقرف من كثر ماهي طويلة .. حلو نهتم فيها ونعتي فيها

بحيث نبردها ع الشكل الي نبيه نلمعها ونقويها بالكريمات والمرطبات .. وحلو نلونها بالمناكير وانا

مايلفت نظري بالبنت واحسها بجد بنت الا باهتمامها بالاظافر والمناكير سواء الالوان العادية او

النقشات الي يحطونها او الفرنش مانيكير <~ والاخير افضله بقوة ..

حابه انوه على حاجه اغلب البنات يمكن مايعرفون النقطة الي هي من السنة النبويه " تقليم الاظافر "

وانو مانتركها فوق الـ 40 يوم وفيه احاديث كثيرة تنبهنا من هالشي واكيد ماقاله المصطفى صلى

الله عليه وسلم الا لحكمة إلهيه ويمكن تتسبب لنا باضرار ومخآطر احنا في غنى عنهآ ..



في صحيح مسلم عن أنس قال : " وقت لنا النبي صلى الله عليه وسلم في قص الشارب وتقليم

الأظفار،..... ألا نترك أكثر من أربعين يوما وليلة " .

غير بعض البنات الي ما تنضظفهم ويطلع شكلها بشع من القاذورات المتراكمة تحت الاظافر ويمكن

الاظافر الطويلة تمنع وصول الماء اثناء الوضوء لذلك انتبهوا من هالنقطة ..والسنة انو يوم الجمعه

اسبوعيا نقص الاظافر وهذا من باب النظافه ..





الشفايف : والي يسمونها الناس عنوان الانوثه لما تشوفين وحده شفايفها متقشره وعلى حدودها

سواد ماتحسين باي معني للأنوثه حتى لو حطت من القلوسات والروج من مختلف الماركات ماراح

ينفع معها بيطلع شكلها بشع لابعد حد على عكس الي شفايفها ناعمه ومرطبه وتحسينها مليانه

بالاضافة الى شيل الشعر بالفتله مثلا واقصد بالشعر الي حول الفم بالاضافة الى المرطبات

المتخصصه بذي المنطقة ..





الايدين والرجلين : اهم نقطة الي تفرقين فيها بين البنيه والولد الشعر .. تخيلوا معاي وحده بكامل

اناقتها وشياكتها بس مو شايله " حافه " يدينها ورجولها منظرها بنحط عليه اكبر × يعني بالله عليك

ايش راح تفرق بينها وبين الولد ؟! وطبعآ طرق الشيل والحف كثيرة ومتنوعه وتفرق من بنت لبنت

"كل واحد ينام ع الجنب الي يريحه " برضوا النعومه والاهتمام له دور كبير في المساهمة في انوثة

البنت والمرطبات والكريمات متنوعه وكل وآحد احلى من الثآني ..





الريحه الطيبة : معيار الانوثه بالريحة الحلوة البنت مثل الوردة دآيما فواحه بالريحة الحلوة الي تنعش

من حولها وطبعآ المخلطات والعطورات الفرنسية و البخور ودهن العود بالاضافة الى اللوشنات و

البودي سبراي .. و الديودرنت " مزيل العرق " اهم حاجه وبكل وقت وخصوصا بالصيف .. حابه انوه

على شغله مهمه انتبوا يابنات من انو يشمك أي رجال اجنبي عنك حتى لو هو سوآقكم وخلوا

الحديث هذا في بالكم ..قال رسول الله صلى الله عليه وسلم : ( أيما امرأة تعطرت فمرت على قوم

ليجدوا منها ريحاً فهي زانية) .




ßяõЂ

__________________________________________________ __________
][ هل هلآلك يا رمضـــآن ][






لحظة من فضلكم ياحلوآت كلكم قولوا معآي :


اَللّهُمَّ اجْعَلْ صِيامي فيهِ صِيامَ الصّائِمينَ وَ قِيامي فيِهِ قِيامَ القائِمينَ ، وَ نَبِّهْني فيهِ عَن نومه الغافِلينَ

يا اِلهَ العالمينَ ، وَاعْفُ عَنّي يا عافِياً عَنِ المُجرِمينَ .. أللّهُمَّ اجْعَلْ صِيامي فيهِ بالشُّكرِ وَ القَبولِ عَلى

ما تَرضاه مُحكَمَةً فُرُوعُهُ بِالأُصُولِ ..اللّهُمَّ نَبِّهني فيهِ لِبَرَكاتِ أسحارِهِ ، وَنوِّرْ قَلْبي بِضِياءِ أنوارِهِ ، وَ

خُذْ بِكُلِّ أعْضائِي إلى إتباع آثارِهِ بِنُورِكَ يا مُنَوِّرَ قُلُوبِ العارفينَ .. اَللّهُمَّ ارْزُقْني فيهِ طاعةَ الخاشعينَ

، وَ اشْرَحْ فيهِ صَدري بإنابة المُخْبِتينَ ، بِأمانِكَ يا أمانَ الخائفينَ..اَللّهُمَّ اَعِنّي فيهِ عَلى صِيامِهِ وَ

قيامة ، وَ جَنِّبني فيهِ مِن هَفَواتِهِ وَاثامِهِ ، وَ ارْزُقني فيهِ ذِكْرَكَ بِدَوامِهِ ،بِتَوْفيقِكَ يا هادِيَ المُضِّلينَ ...

اَللّهُمَّ اجعَلني فيهِ مِنَ المُستَغْفِرينَ ، وَ اجعَلني فيهِ مِن عِبادِكَ الصّالحينَ القانِتينَ ، وَ اجعَلني فيهِ مِن

أوليائك المُقَرَّبينَ ، بِرَأفَتِكَ يا اَرحَمَ الرّاحمينَ .






اول مانقول رمضان يطري ع بالنا صحن لقيمات و سمبوسه وكأس فيمتو و طاش ما طاش ..!!

صح و لآ انا غلطآنه .. طبعا انا ما اعمم بحكي لكن الاغلبيه كذا وانا منهم يعني تفكيرنا محصور

بالاكل وايش الطبخات الجديدة غير المسلسلات الي نفكر فيها وهي شغلنا الشاغل .. نسينا انو

هالشهر ماراح يتكرر ومحد يضمن كل سنة انو يكون من اهل رمضان .. لذلك اذا ربي كتب لنا عمر

وبلغنا رمضان السنة هذي حطوا في بالكم انو يمكن هالرمضان هو آخر رمضان لنا خلونا نشغل

انفسنا بالعبادات ونكثف اعمال الخير والبر بهذا الشهر الفضيل .. كثير ناس كانوا معنا على سفرة

رمضان العام الماضي و هالسنة فقدناهم ( الله يرحم امواتنا و اموات المسلمين ) وكلهم يتمنون لو

يرجعون ع الاقل بس هالشهر حتى يزرعون فيه من الاعمال الصالحة ويجلسون ساعات وساعات

يتعبدون ويهذا كله راح يحصدونه في اليوم الآخر وتكون صحفية أعمالهم مثقله بالأعمال الصالحة

.. المسلسلات الي نقابلها 30 يوم راح تتكرر ويعيدون فيها و يزيدون طوال الـ 12 شهر ابتعدي

عن التلفزيون انا عارفه انو صعب عليك وخصوصا اذا كانوا كل الي حولك مسنترين 24 ساعه

قبآله لكن حاولي تقللين من المتابعه .. طبعآ كل الي نسويه هذا مايعني اننا نكون " عُـباد رمضان"

لاني للاسف اشوف اكثر الناس يصومون ويصلون ويتمسكون بالسنن والنوافل ومايتركون شي من

السنه مايتبعونه وبمجرد ما يروح الشهر الفضيل يرجعون لمثل ما كانوا ويتركون السنن والنوافل

ليش ما نعرف القرآن الا برمضان ؟ ليش ما نختم القرآن الا من سنة لسنة ؟ ليش ما نتمسك

بالسنن الا برمضان ؟ ليش مانروح للمساجد الا برمضان ؟ ليش مانعرف الاذكار والادعية الا

برمضان؟ ليش مانعرف الصدقات الا برمضان؟

ليش ?

و ليش?

وليش ؟




للأسف انو شغلنا الشاغل واقصد بكلامي احنا " يا بنات حواء " و تفكيرنا محصور بالطبخات والاكلات

والحلويات الوحده اول ماتصحى من النوم تلاقينها ركض ع الانترنت وتفر بمواقع الطبخات وتجمع

من هالاكلات وطول وقتها وهي بالمطبخ تعجن وتخلط وتخبز بس تاخذ بريك للصلاة وبعدها تكمل

المسيرة بالمطبخ لحد مايأذن المغرب وتجلس ع السفره وخذ يا اكل و الميزآن يشتكي و الملابس

تشتكي و يالله كأنو مانعرف الاكل الا بوقت رمضان وبعد الاكل يالله تاخذ لها نومه من التعب الي

تعبته بالمطبخ وتصحى على وقت مسلسلها تتابعه ومسلسل ورى مسلسل وبعدين تطلع وماترجع الا

بوقت السحور هذا اذا ماتسحرت برى وبعدها تنام الى بكرى ..

وهذا هو يومها بختصار ؟! يا ترى مثلها استفاد من رمضان ؟ ايش قدمت فيه ؟


صدقوني الاكلات والطبخ والمهرجان الي نسويه كل سنة مايصلح والله لو ناخذ صحن شوربة و

حبة سمبوسه خير ونعمة يابنات فكروا تستغلون رمضان و مايروح منكم و انتم واقفين باماكنكم

ويخلص رمضان وبعدها تتحسفون ع الايام الي فرطتوا فيها وما استفدتوا من هذي الليالي المباركة


ßяõЂ

__________________________________________________ __________
][ رمضآنيـــــات ][




حابه استعرض معاكم باقه من النقاط المهمه في شهر رمضان وحتى نستفيد منها بإذن الله ..

- السواك : مطهرة للفم ومرضاة للرب .. بالاضافة الى انه سنه نبويه ويعطي ريحة حلوة للفم

الكثير من الاطباء اثبتوا ان له فوائد كثيرة يحمي الاسنان واللثه من المايكروبات وسبحان الله

فعاليته تمتد الى 8 ساعات على عكس المعجون الي حده الاقصى ساعتين .. كان رسول الله صلى

الله عليه وسلم يستاك مرارًا في نهار رمضان؛ فقد أخرج البخاري في صحيحه عن عامر بن ربيعة

قال: "رأيت رسول الله صلى الله عليه وسلم مالا أحصي- يستاك وهو صائم" وكذلك قد قال عليه

الصلاة والسلام : " لولا أن أشقّ على أمتي لأمرتهم بالسواك عند كل صلاة" ..برضوا قيل ان السواك

للصائم غير مستحب " بعد الزوال " لانو يزيل رائحه فم الصائم الي هي عند الله سبحانه و تعالى

اطيب من المسك ..



- السحور: وهو من السنة واهم وجبة يكفيك ان الرسول صلى الله عليه وسلم داعي لها بالبركة ..

وافضل شي تتسحرين حاجه خفيفه وماتعطش حلو لو تتسحرين زبادي مثلا او توست حاجه خفيفه

اذا كنتِ مو جوعانه .. برضوا ابعدي عن الفاست فود والسي فود في السحور لانو يسبب العطش..



- تعجيل الفطور : من السنة النبويه

تعجيل الفطور وتأخير السحور .. حلو لو تاخذين لك من الاصناف الي صلحتيها برمضان لجيرانك

مثلا او للعماله وخصوصا وقت السحور لانهم مايحصلون بعضهم مايأكلونه على عكس الفطور

والي المساجد يكثر فيها افطار الصائم ماراح يضرك لو تجمعين لك من عشاكم وتعطين عمال البقالة

القريبه منكم او تعطينه سواقكم ويعطيه معارفه ..


- تفطير الصائم : ماشاء الله المؤسسات الخيريه عندها عروض وبأسعار زهيدة لتفطير الصائمين و

ماراح ينقصك شي لو اخذتي مية ريال من رصيدك وفطرتي فيه الصايمين برضوا لو نويته لأمك

وآبوك ولاتنسين ان من فطر صائما فله مثل اجره ..


- قراءة القرآن : بعد كل صلاة وفي كل وقت تحسين نفسك فاضيه فيه بدل جلستك على النت او

التلفزيون امسكي المصحف وحاولي تختمين القرآن اكثر من مرة وربي اكيد راح يساعدك .. اهم

شي تجتهدين وتحاولين كل يوم تخلصين جزء .. ايه جزء ؟ وش فيك ؟ الجزء فيه وآحد و عشرين

صفحه .. لو هي مجلة كان قدرنا نخلصها بدقايق ..وطبعا مع القراء ما ننسى نتدبر معاني القرآن

واسباب نزول الايات مع تطبيق احكام التجويد لانو هذا الكتاب المعظم مو أي كتاب له احكام لما

نقراه .. واهم شي مايكون شغلنا الشاغل اننا نخلص اكبر قدر من الاجزاء من غير مانفهم الايات

ومعاني القرآن .. وخصوصآ وقت الفجر فقد قال الله تعالى ( وقرآن الفجر إن قرآن الفجر كان

مشهودا ) ..


- تصفية النفوس وازاله الحقد : ياحبذا لو نفتح برمضان صفحة جديدة ننسى فيها المشاكل والزعل

والخصومات ونعفي عن الي اخطاء بحقنا ومافيه افضل من رمضان .. محد يضمن عمره

ويمكن يكون آخر رمضان لك علشان كذا صفي نيتك وطهري قلبك وابدي انتي بالمسامحة اذا الله سبحانه

وتعالي يغفر لعباده كيف بك انتي ؟ معقوله الله بجلاله قدرة وعظيم سلطانه يسامحنا احنا وانتي

ماتسامحين ؟! خلي رمضان هالسنه غير وخليه يكون مفتاح لكسب قلوب غيرك ..


- اعمال الخير : اعمال الخير لاتعد ولاتحصى وياحبذا لو نكثر منها في هالشهر الفضيل ومانفرط

بالايام المباركة .. مثلا خلي يكون في جزدانك = بوكك خمسات مصروفات وكل مامريتي على الحريم

المساكين الي جالسين عند ابواب المساجد والهايبرات والمولات مدي لهم " واخلصي النيه لله من

غير محد يشوفك حتى ما يصير من باب الرياء " .. عند برضوا المصاحف حلو تهدين لكل الي عندك

بالبيت مصاحف حتى تكسبين أجرهم .. خدامتكم و سوآقكم اذا هم مسلمين جيبي لهم كتب بنفس

لغتهم تتكلم عن رمضان وفوائده غير القرآن المترجم بلغتهم وقتها تكسبين أجرهم .. الادعيه و

الاذكار انشريها مسجآت .. ايميلز .. برودكاست ..

ولآتنسوا حديث رسول الله صلى الله عليه وسلم في شأن السبعه الذين يظلهم الله بظلاله يوم لاظل

الا ظله " ورجل تصدق بصدقه فأخفاها حتى لاتعلم شماله ما تنفق يمينه "

اللهم آجلعني ومن يقرآء حروفي معهم برحمتك يآ ارحم الرحمين


- المسجد : اهم شي ماتطلعين من بيتك وانتي متكشخه وكأنك رايحة زوآج مب مسجد بالعباية

المفصصه والي تلمع والطرحة الفخمه والشنطة الي تلفت الانتباه غير الريحة الحلوة .. على كذا

اجلسي في بيتك افضل لك بدل ماتطلبين الاجر كذا بتكسبين اثم عزيزتي لاتنسين انو صلاة المرأه في

بيتها افضل .. طبعا انا ماقول تبهذلي وروحي بعبايه وسخه وقديمة وريحتك ريحة اكل وزفر لكن انتي

رايحة لبيت الله البسي شي يليق بحرمة المكان الي انتي رايحه له .. كويس لو ترتبين المصاحف

وتجيبين معاك مصاحف اذا كانت كثيرة عندك في البيت للمسجد .. اكسبي اجر ورتبي المصآحف

باماكنها المحدده بالمسجد .. خذي معاك كيس فيه علب مويا وزعيها على الحريم الكبار ولا حلاو

وزعيه على البنوتات الصغار .. وزعي اذكار وكتيبات .. اشرطة قرآن .. ومن هنا حابه اوجه كلام

من القلب لاي وحده تروح للمسجد حاولي قدر المستطاع توصلين هالنقطة لكل الي تعرفينهم ان

الحرمه لما تقصد المسجد هي جايه لغرض العبادة مو لازم تجيب اطفالها وبزآرين رضع وصياح

وصراخ وازعاج مايجوز هالشي اتركيهم في بيتهم مع خدامتهم او عند اخوانهم الكبار افضل من

جرجرتهم للمسجد .. طيب الي تقول ماعندها خدامه او ما تأمن عليهم طيب ليش تجيبن للمسجد

اصلآ ؟ تروحي في بيتك .. عن ابن مسعود عن النبي صلى الله عليه وسلم قال: « صلاة المرأة في

بيتها أفضل من صلاتها في حجرتها، وصلاتها في مخدعها أفضل من صلاتها في بيتها » .. برضو

ا فيه نقطه مهمة " الشوزآت " والي يقرون بكرآمه بليز يابنات نبهوا على هالنقطة الوحده تحط

شوزها في الدولايب المخصصه لها منظرهم ومهم متكومين عند الباب مرة بشع ويتسبب في عرقله الكثير من البنات ..


][ رمضــآن هالسنة غيــر ][





اكيد فيه اشياء تصير لنا برمضان ونطيح في اخطاء رمضانيه مانتوقع او نفكر فيها ..

يعني نسويها على اساس انو الشي عادي وطبيعي لكن لو نتجنبها راح يكون افضل لنا ..

هالسنه حابين نستقبل ضيفنا رمضان بكل حفاوة وترحيب ونكرمه مثل كل سنة و اكثر ..

شوفوا ايش الاشياء الي من المفترض نتجنبها حتى لو كانت بنظرنا صغيرة وتافهه ..

ونكون اكثر حيويه ونشاط مش يكون شهر خمول وكسل ونستفيد من هالشهر ونجمع منه

حصيلة كبيرة من الامور الايجابيه =)



- الاغاني في رمضان طبعآ الاغاني بشكل عام محرمة شرعآ والكل يعرف بالشي هذا حلو لو نخلي

رمضان بداية خير لنا نحاول نبتعد عن المحرمات بذا الشهر الكريم وقتها بإذن الله راح تصير عادة

حلوة ويمكن نقطع الاغاني مرة وحدة .. للأسف اني اشوف الكثير من البنات يقابلون قنوات الاغاني

من بعد الفطور الى وقت السحور غير الي بالجوالات يسمعونها والي محملة باللاب توب طيب بدل

هذا كله شغلي قرآن وانتي تشتغلين على اللاب توب ابعدي عن قنوات الاغاني وقاطعيها يمكن

رمضان يكون بداية خير لك وتتركينها كليآ بإذن الله .. حتى اغاني المسلسلات ايش يضرك لو ضغطتي

"ميوت" وكتمتي الصوت لحد ماتخلص شارة المسلسل ؟!



- ملابس العيد للأسف انو من يدخل هالشهر وحنا نسوي سباق ماراثون في المولات من محل لمحل

ومن خياطة لخياطة ويضيع وقتنا كله بالاسواق.. طيب ليش هذا كله ؟! الاسواق بتفتح في رجب و

شعبان والملابس هي الملابس بالعكس اصلا الملابس الحلوة تطير بسرعه وتصير المولات فاضية

واشيائها تافه ولاتنفع حق عيد ولاشي .. ليش ماتكوني مجهزه نفسك ومجهزة ملابس اولادك قبل

رمضان الكولكشن ماراح يتغير ولا راح يجيبون شي جديد والاشياء الحلوة راح تنوخذ بدري وقتها

ماتستفيدين شي .. بتخسرين وقت وتركضين من مول لمول حتى تحصلين حاجه عدله تنلبس


- العين والاذن واللسان كلها تصوم امتناعنا عن الاكل مو لوحده صيام .. الصيام معنى شامل لكل

الحواس تصوم عيوننا عن رؤية المناظر المخله ولاسيما بالمسلسلات " مشاهد الرقص والشخلعه ..

والشراب والبارات " برضوا الاذن تصوم عن سماع الميوزك .. اللسان يصوم عن السب والشتم

والحديث في اعراض الناس .. اليدين تصوم عن الكتابة الغير مفيدة في الانترنت ..



- الإسراف والبذخ في الأكلات للأسف اننا نشوف السفره وش طولها وعرضها وتحتوي ع كل مالذ

وطاب وكأن الواحد مايعرف الاكل الا بالوقت هذا والاعظم من هذا كله اذا كان الأكل ينرمى و انتوا

بكرآمه بالزبالة .. طيب لو زاد عندك شي جمعيه وحطيه بالثلاجة ولما يجي وقت السحور سخنيه

بالمايكرويف او جمعيه واعطيه العمال سواء الي يشتغلون بالبقالات او المغاسل ..

ßяõЂ

__________________________________________________ __________
][ رمضــــآن هالسنه غير ][


- اطفالنا والصيام حلو لو ندربهم على الصيام لاتقولون لي حر وحرام هم صغار طيب عودي الصغار

على الصيام لو من بعد صلاة العصر كنوع من انواع التدريب واشرحي لهم الحكمة من الصيام وبعد

مايتم صيامه كرميه وارفعي من معنوياته قدام اهله وجدته واعطية هدية والله يعطيك على قد نيتك ..


- الاكل في رمضان وزيادة الكالوريز برمضان للأسف شعارنا اكل ومرعى وقلة صعنه مانفكر انو

ورانا عيد و كشخه ولازم تكون اجسامنا حلوة كأني اشوف بناتنا نوم طول النهار وبنص الليل تجيب

لي صحن الفطاير والمقليات مع المشروبات الغازيه غير الي بالفطور وهات لك يا اكل .. انا ما اقول

لاتاكلين لكن كولي صح لاافراط ولاتفريط وامشي واشربي مويا حاولي يكون رمضان اكثر شهر

تنقصين فيه .. حتى تطلعين توب لانو بعد رمضان ان الله احيانا فيه عيد ومناسبات وبعدها جامعه و

دوامات المفروض نفكر في هذا كله ولآ نلعب بأجسامنــا ..


- البيريود برمضان .. استغرب من حاجه انو الوحده لما تجيها البيريود برمضان خلاص كأنها ماخذه

اجآزة قصيرة من رمضان ليش ياحلوة ؟ عندك الدعاء والاذكار والتسبيح والتهليل والاستغفار اقري

كتب مفيده شغلي قرآن بالنت او السيديهات واسمعي لها ..




][ كـريكآتيرآت تصور الوآقــع ][


جمعت كم كريكتير وحسيتهم فعلآ يصورون وآقعنـآ


















][ آحكـــام رمضــآنيه ][

للأسف انو الكثير يجهل بالاحكام الشرعيه وخصوصآ البيريود ورمضان ومشكلتنا معها وكثير اشياء

نجهلها .. جمعت لكم بعض الاحكام المهمه بعضها لاول مرة اعرف عنها اتمنى تستفيدون منهآ ..


في شهر رمضان الكريم مع أذان الفجر أو أثناء أذان الفجر هل يسمح بشرب الماء قبل إنهاء الأذان؟

إذا كان الصائم لم يعلم أن الأذان للصبح، بل كان كعادة الناس على التحري وعلى الساعة والتقويم

فلا بأس يشرب وهو يؤذن أو يأكل ما في يده وهو يؤذن لا بأس بهذا، لأن الأذان يخبر عن الصبح،

عن مظنة الصبح ليس بدراية للصبح وإنما يخبر عما أراده بالساعة أو بالتقويم، وقد يكون الصبح

خرج وقد يكون ما خرج، والله جل وعلا إنما أوجب الإمساك بالتبين، فينبغي للمؤمن أن يحتاط

وينتهي من سحوره قبل الفجر، قبل الأذان حتى لا يقع في شبهة لكن لو قدر أنه أكل شيئاً يسيراً مع

الأذان أو شرب حال الأذان فالظاهر أنه لا حرج عليه في ذلك إذا كان لم يعلم أن الصبح قد طلع.

( موقع الشيخ ابن باز رحمة الله )



ما حكم الصيام للمرأة الحائض والنفساء، وإذا أخرتا القضاء إلى رمضان آخر، فماذا يلزمهما؟

على الحائض والنفساء أن تفطرا وقت الحيض والنفاس، ولا يجوز لهما الصوم ولا الصلاة في حال

الحيض والنفاس، ولا يصحان منهما، وعليهما قضاء الصوم دون الصلاة، لما ثبت عن عائشة رضي

الله عنها أنها سئلت: هل تقضي الحائض الصوم والصلاة؟ فقالت: (كنا نؤمر بقضاء الصوم ولا نؤمر

بقضاء الصلاة)[1] متفق على صحته. وقد أجمع العلماء رحمهم الله على ما ذكرته عائشة رضي

الله عنها من وجوب قضاء الصوم وعدم قضاء الصلاة في حق الحائض والنفساء، رحمة من الله

سبحانه لهما وتيسيراً عليهما؛ لأن الصلاة تتكرر في اليوم خمس مرات وفي قضائها مشقة عليهما.

أما الصوم فإنما يجب في السنة مرة واحدة وهو صوم رمضان، فلا مشقة في قضائه عليهما، ومن

أخرت القضاء إلى ما بعد رمضان لغير عذر شرعي، فعليها التوبة إلى الله من ذلك مع القضاء

وإطعام مسكين عن كل يوم. وهكذا المريض والمسافر إذا أخرا القضاء إلى ما بعد رمضان آخر من

غير عذر شرعي فإن عليهما القضاء والتوبة وإطعام مسكين عن كل يوم. أما إن استمر المرض أو

السفر إلى رمضان آخر فعليهما القضاء فقط دون الإطعام بعد البرء من المرض والقدوم من السفر.

( موقع الشيخ ابن باز رحمه الله )



أنا أصوم رمضان في بلدي والحمد لله، ولكن لكثرة العمل وصعوبته أواجه بالإرهاق، فهل عليّ من شيء، أم أترك العمل وأبدأ بالصيام؟

عليك أن تصوم كما أمر الله ، وأن تدع العمل الذي يضرك ، تعمل ما تستطيع ، وتكمل صومك ، فإذا

كان العمل عشر ساعات ويشق عليك تجعله سبع ساعات ست ساعات خمس ساعات حتى تستطيع

الصيام ، ولا تعمل عملا يضرك أو يسبب فطرك ؛ لأن الله أوجب عليك الصيام، وأنت صحيح سليم

ليس مريضاً ولست مسافراً ، فالواجب عليك أن تصوم وأن تدع العمل الذي يرهقك ويتعبك ويضرك،

أو تخففه.

( موقع الشيخ ابن باز رحمه الله )


هل يجوز لشخص الإفطار في رمضان من أجل الدراسة؛ لتقديم الفحص إن وجد في الصيام مشقة؟

ليس للطلبة أن يفطروا من رمضان من أجل الاختبار، بل عليهم أن يجتهدوا ويستعدوا في الليل

لاختبارهم ويصوموا في النهار، وهكذا العمال ليس لهم أن يفطروا، بل الواجب على العامل أن يعمل

بقدر طاقته في نهار الصيام، وهكذا التلاميذ يعملون بما يتعلق بالاختبار بقدر طاقتهم في النهار،

وعليهم أن يجعلوا معظم العمل ومعظم العناية والمذاكرة في الليل؛ لأن ذلك أقوى لهم، وعلى

المسئولين أن يخففوا عنهم في النهار، وأن لا يضغطوا عليهم في هذا حتى لا يحرجوهم من جهة

الصيام، وإذا تيسر أن يكون ذلك قبل رمضان أو بعد رمضان فهو خير وأولى حتى لا يشق على

التلاميذ في ذلك، ولكن ليس الاختبار وليس العمل عذراً في الإفطار. بل الواجب أن يهيئ الإنسان

نفسه مع الصوم، فيعمل ما يستطيع مع الصوم، ويعمل في الاختبار ما يستطيع، ويكون معظم

المذاكرة والعناية في الليل، يكون في الليل وقت الفطر، ويكون وقت النهار لمجرد أداء الاختبار،

وعلى المسئولين أن يلاحظوا هذا؛ حتى لا يشقوا على التلاميذ، بل عليهم أن يجعلوا الاختبار بقدر

الطاقة، وإذا أمكن أن يقدم على رمضان أو يؤخر فذلك أرفق بالتلاميذ وأولى.

( موقع الشيخ ابن باز رحمه الله )



هل يجوز لي أن أقضي أياماً أفطرتها في رمضان والتي لا أعرف عددها، بحيث أنوي الصيام كل إثنين

وخميس وثلاثة أيام من كل شهر دائماً حتى يتوفاني الله؟

إذا كان أيام من رمضان أفطرتيها بغير عذر شرعي، أفطرتيها فعليك القضاء، إذا كان عليك أيام

بسبب الحيض أو النفاس وشكيتي فيها فاعملي بالظن اجتهدي وصومي الأيام التي تظنين أنها عليك

ويكفي والحمد لله، صوميها مجتمعة أو متفرقة، الاثنين والخميس أو بالسرد لا حرج لكن بالظن، إذا

ظننت أنها أربعون يوما، صومي أربعين يوما، ظننت أنها ثلاثون، صومي ثلاثين، ظننت أنها عشرون

صومي عشرين وهكذا بالظن ويكفي والحمد لله.

( موقع الشيخ ابن باز رحمه الله )



إذا نزل الدم من الفم أو الأنف فهل تبطل الصلاة، وهل يبطل الصيام والوضوء؟

إن كان شيء يسير يعفى عنه، ولا تبطل به الصلاة ولا الوضوء، شيء يخرج من الأنف قليل أو من

الأسنان أو من اللثة أو من الحلق شيء يسير يعفى عنه، أما إذا كان كثير عرفاً تبطل الصلاة،

والإنسان يتوضأ من هذا الشيء ثم يعيد الصلاة إذا كانت فريضة، أما الشيء اليسير يعفى عنه.

( موقع الشيخ ابن باز رحمه الله )




يسأل عن الكحل: هل يؤثر على الصيام أو لا؟

الصواب أنه لا يؤثر، لكن الأفضل في الليل، وإلا فلا يؤثر؛ لأن العين ما هي بمنفذ، لكن بعض العلماء

يقول إذا وجد أثر الكحل أو القطرة في الحلق قضى، والصحيح أنه لا يلزمه القضاء، لكن كونه

يستعمله في الليل هذا هو الأحوط والأفضل، لقوله -صلى الله عليه وسلم-: (دع ما يريبك إلى ما لا

يريبك).

( موقع الشيخ ابن باز رحمه الله )



ماذا أيضاً لو تكرمتم عن المصابين بالربو، وهم يتعاطون الأكسجين، هل يؤثر هذا الأكسجين على

الصيام أو لا؟

الفتوى صادرة في هذا بأنه لا يضر؛ لأنهم مضطرون إليه، وهو ليس بأكل ولا شرب ولا يشبه الأكل

والشرب، وإنما هو هواء يعطيهم شيئاً من الراحة، فهو هواء فيه شيء من الدواء الخفيف يعطيهم

شيئاً من الراحة.

( موقع الشيخ ابن باز رحمه الله )


ßяõЂ

مجهووووووود رائع وتسلمين ياقلبي

وننتظرمنك الجديد والأحلى

لاخلا ولاعـــــــــــــــدم

مع احترأأأأأأأأمي لك

>||<بحــــــــــ القواااااافي ــــــــــــر>||<