عنوان الموضوع : أزياء رجالية تعال خلنا نشوف ذوقك - للرجال
مقدم من طرف منتديات الشامل

السلام عليكم ورحمه الله وبركاته ...


الله يتقبل منّا ومنكم الصيام والقيام .


مقدمه :

العيد قرّب و ختات السوق هاليومين كثرانه فحبيت انقل لكم هالموضوع من احد المنتديات بصراحه اعجبني بالمرة .... للدردشة ومعرفه ذوقكم في الفساتين >> سوري قصدي الثياب ... .. وبما إن شبابنا الحلوين يحبون الكشخه ويهتمون بالفاشن بقوه أكيد انهم يحاتون وين بيفصلون ثياب العيد و من هنا بنشوف وش يحبون يلبسون من الاقمشه ومن وين يفصلونها .. وكل التفاصيل حول زينتهم وعلاقتهم بالثياب واخر صرعات الموضه و احدث التقليعات في عالم الازياء العالمية





عالم الآزياء وبربسة الخياطين ( صورة كبك ) :

طبعاً من اهم عناصر الزينة عند الشاب السعودي ثوبه لاسيما اهل الرياض خخخخخخ ياحبي لنا اربع وعشرين ساعه مرسمين طبعاً الثوب يتكون من قماش و تفصيل محبوك خخخخخخ سبحان الله معلومة جديدة لاجد يعني إذا لقيت لك قماش مطنوخ و خياط ذييييب يضبط لك التفصيل مثل ماتقول له .. معناه شي واحد .. وهو ؟ إنك تبي تعيد بالثوب خمس سنوات متتالية ويمكن أكثر و الحمدلله نحن معشرالشباب ماناكل هم مثل البنوتات في اختيار ثيابهن .. موديل و قماش و بطانه ومشغل الخ الخ اتوقع ما ياكلن هم وبس إلا معه تبن بعد يعني عندنا من زين البساطه الله لايغير علينا .. تفصيل الثوب يتم بطريقتين : (1) تروح بنفسك تشتري القماش من المحلات المعروفة حقت الاقمشة اللي فالمعيقليه .. الجديعي .. الكسائي .. باكرموم وانت ماشي وتوديه لخياط يفصله .. او (2) تروح مره وحده لخياط وتاخذ القماش من عنده وتفصله ! ؛ ياواحد يا اثنين ما اظن فيه غيرها ؛ لكن إختيار الخياط المناسب و الخامه المناسبه هنا المشكلة اللي يعاني منها بعض الشباب ! والسبب لأني مريت بمقالب مع الخياطين .. تقوله زرار يحط لك طقطق .. تقوله الخيط عادي يحط لك دبل تقوله الياقه لاتزيد ربع صانتي يمغطها نص واكثر .. ؛ المهم فيه كثير من محلات التفصيل المشهوره بين الشباب و شغلهم واقمشتهم عال العال وكثير من الشباب تلقاه يعامل محل معين .. وكثير غيرهم يحبون التغيير .. طبعاً انا من الصنف الاول اتعامل مع محل افضل من وجه نظري .. الأقمشه و ما آدراك ما الآقمشه !! بالنسبه لي تقدر تقول مع جنبها بالاقمشه .. ما لكن افضل الاقمشه الكويتيه بشكل عام وشفت كثير من الشباب بعد يفضلونها رزه و فخامه و شغل عدل و ملاحظ اغلب شبابنا طايحين بالتفصيل الكويتي صار منتشر بشكل كبير عندنا وهذا يدل على روعة تفصيله و سكبته و فخامة اقمشتهم .. والتفصيل الكويتي يبي له خامة ممتازة ومناسبة له .. فيه خامات حلوه وفخمه لكن ماتصلح للتفصيل الكويتي ! و بشكل عام القماش لاصار بايخ والله لو هو تفصيل امريكي ( لاقينا انت ) انه مايضبط !! ..

الثياب بين الماضي و الحاضر ( صورة حجازي داق ثوب بسحاب ) :

تذكرون الثياب مبطي ؟ ايام زمان ؟ ايام الصفطه اللي بالكم الله الله ( الحين ودي اعرف وش يحس به اللي مسوي هالصفطه ؟ ) .. لكن حالياً ؟ صحيح التغيير ما بدا إلا من سنه تقريباً و بدينا نشوف تدخل الايدي العابثة على الثياب السعودية و شفنا مصمم أزياء سعودي الله يهديه بس وش أزياءه اللي بيصممها ياسحّاب يا نقشه على الصدر وبدت تنتشر موضات جديدة مسببه ازمه للثوب الكلاسيكي ! .. تطريز على الصدر و الكتوف ! .. سحابات بدل الازرار .. شي عجيب صراحه ! .. اقرب ماله لجلابيات الحريم .. طبعاً الناس اذواق ولولا اختلاف الاذواق لبازت السلع ( المثل بتعديل مصري ) و كثير من الشباب انساقوا ورى هالموديلات الجديدة .. وكثير منهم ظل صامداً في وجه الموضه كالوحش لأنه كلاسيكي وبس !
و من هالمنطلق ودنا نشوف اذواقكم وناخذ ونعطي حول الفاشن
* وقبل مااضغط على ايقونة [ اعتمد الموضوع ] ابي الكل يشاركنا ... شكاوى و تحذير .. شكر وعرفان .. توصية بمحلات معينة سواء محلات تفصيل او اقمشة ؛ و وش هي طريقتكم بتفصيل الثياب .. 1 ولا 2 ؟
ونبيه يكون مرجع لنا ونستفيد منه : اسماء محلات / اسماء اقمشة وكل شي يخص الثياب والدشاديش .



* اهل الحجاز وش اخر اخبار الموضه ؟>> تعجبني موضتهم اشوفه بس البسها لا ماادري ليه





>>>>> ردود الأعضـــــــــــــــــــاء على الموضوع <<<<<
==================================

ههههههههههههههههههه يسلموا على الموضوع

__________________________________________________ __________
ههههههههههههههههههه

__________________________________________________ __________
يا شباب طول الله باعماركم المقصد من هالموضوع معرفه ذوقك في الثوب اكتب لنا كيف تحب يكون ثوبك ومن وين تخيطه وهكذا

__________________________________________________ __________
ميرسي بس انا والله ما الي بهدول الاشياء

__________________________________________________ __________
فيه محل حلو بشارع الثلاثين وانت حاي من العليا ..
محل تفصيل ثياب موديلات جديده ..
ومن ضمنها الحجازيه طبعا ..

اسمه LOMAR

طبعا هي ثياب اغلبها ما تنفع تكون رسميه ..
يعني في العيد تجي تشخص فيها احس بينقدون عليك ^ _ ^

وهذي صوره تبين بعض موديلات الثياب عندهم ..







تحياتي لك اخوي ..


طاش ما طاش