عنوان الموضوع : كيف تحافظ على شكلك قدام خطيبتك , لا يفوتكم
مقدم من طرف منتديات الشامل

السلام عليكم


في يوم من الايام وانا جالسه اقتحم احد المنتديات عجبني هذا الموضوع

واللي شد اعجابي فيه انه يتلكم بلهجه القصيميه امووووووووت في هالهجه وفديت اهل القصيم والرياض والمملكه كلهم ويالله ودول الخليج


طولتها صح



المهم




تابعوا او اقروا

كيف تحافظ على شكلك قدام ختيبتك

· اياني واياك تحلق مره ويغدي وجهك املط تسن لاحسته بقره. ترى البنات يموتون في شي اسمه سكسوكه.

· في اليوم اللي بتقابلها فيه لا تروح تسهر مع الشباب ثم تغدي عيونك تسنها زره بالطو... ارقد من عقب العشاء وقبل الموعد اشرب لك قهوه تركيه تصحصحك علشان ما تفشلنا بفهاوتك.

· كثر من مشاهده الافلام المصريه القديمه وغش منهم كم من كلمه وشوي حركات وغمزات.. ويالله عساك بس تذوب البنت.. مع اني ما ظنيته.

· رح لحلاق صاحي يعدل في خشتك شوي واهم شي الصنفره والقناع وان تسان الدعوى كايده امرخ وجهك بفازلين.

· ضع عزيزي مسحه من كريم الاساس.. شوي بس علشان ما يبان انك حاط شي. وشخطه من الكحل جوا عنوناتك عنوني بعدين امسحها علشان تطلع عيونك كحيله خلقه. ولعطه روج على براطمك, تخبر البراطم سود من التدخين. بس انتبه وانا اخوك اذا جيت تشرب شي عندها لا يطبع الروج في الكاس ثم ينكشف المستور.

· قصص اظافرك زين وابردها لا تمخش بنت الناس. ولا تنسى ان تلط يدك بقليل من كريم الاساس خاف البنت تقز الفرق بين الوجه واليدين.
· وعلى طاري اليدين: ان تسان يدينك فيها شعر كثير شلها علشان ما تحوم كبد البنت.

· يجب ان يكون الثوب مكويا جيدا وخاليا من العفوط ومرزام الشماغ مضبوطا وانتبه للعقال ان لا يكون مائلا.
· لا تلبس فنيله علاقي وانما البس فنيله ام نص كم عشان ما تلاحظ البنت سواد ........... من دون الثوب.

· لا تلبس زبيريه وانما البس جزمتن وشرابن. وقبل الخروج لمع جزمتك جيدا حتى تغدي تلق.


· لا تروح لها تطوح يديك يالقعيطي, خذ معك ورده. واذا كانت البنت قرويه خذ معك عذق تمر سكري والا نبوت سلطان لتكسب ودها وتقدير امها.

· وانت عند البنت خلك ثقيل لا تخق ولكن ذا ما يمنع من شوي من الرومانسيه كأن تقمعها مع راسها لتعبر عن اعجابك بخفه دمها.

· لا تقز بقوه في البنت بعدين تخاف منك والا تقول عنك مشفوح. ولا تنتقدها كثيرا كأن تقول : " انك دبيه يا بعد مصراني" والا " ماهذه الخلاقين ياطحالي من وين مجمعتهم" . واكتف بالتلميح للاشياء التي تعجبك كأن تقول " ياحبي للعصلات" " يازين الدراعت الحمراء".


· لا تطول القعده عندها ولا تكثر الزيارات علشان يتقطع قلب البنت وتشتاق لك. يعني اكتف بمره وحده في اليوم والليله.

· اثبت رجولتك بعد ان تطلع من عندها وذلك بأن ترجم دريشه غرفتها بالحصى واذا طلت شغل موترك وفحط وارسم ( قلب ) على الزفلت ثم رح.

· واذا وصلت بيتكم رح لغرفتك وصك الباب زين وسد الفتحه اللي من تحت بفوطه و خرق القفل بمنديل عشان محد يتسمع او يتلقف في روايتن اخرى واتصل عليها وقل كل اللي عندك , لا يردك الا لسانك وتقفيله الخط في وجهك اذا استحت البنت وتأزمت حالتها.







والله يكتب لكم اللي فيه خير و بالرفاء والبنين








الزعل مرفوع

>>>>> ردود الأعضـــــــــــــــــــاء على الموضوع <<<<<
==================================

هههههههههههههههههههههههههههههه
الحمد الله ماني ولد
على كذا راحت الخطيبه
الله يعوضه بس
ادري ملقوفه رديت هنا بس القافه بدمي وش اسوي
تقلبي مروري
اختك الذ من العسل

__________________________________________________ __________
تم حذف المشاركه

__________________________________________________ __________
يا سلام


نصائح راائع انتبه تسويها


يعطيك العافيه على هذه النصائح المفيده



تحياتي



ودمتي بود

__________________________________________________ __________
الحمدالله
الله يعطيك الف عافيه
يسلمووووو

__________________________________________________ __________
· رح لحلاق صاحي يعدل في خشتك شوي واهم شي الصنفره والقناع وان تسان الدعوى كايده امرخ وجهك بفازلين.
هههههههههههههههههههههه يسلمووو خيتو ع الموضوع الحلوووووو..

المشاركة الأصلية كتبت بواسطة القصيمية
يابعد حييي يا مجهولة المشاعر الله يعطيتس العافية
يسلمووو وتقبلي تحياتي
قصيمية

اهلا قصيميه نورتي موضوعي


مشكوووووووووووره ع المرور