عنوان الموضوع : هل لافعال الجاهلية عودة ؟ للنقاش
مقدم من طرف منتديات الشامل

السلام عليكم ورحمه الله وبركاتم
اهات /السلام عليكم هلا امي وش اخبارك
امي /وعليكم السلام انا بخير ربي يخليك وش عندك ؟
اهات /عندي سؤال في خاطري ؟
امي /اسالي ؟
اهات /وش الاشياء اللي يسونها جدي وجدتي وغيرهم وهي محرمه ويدرون عنها ويعرفونها بس هم للاسف مشوا عليها عشان اللي قبلهم يسوونها ولازالت تمشي مع العلم اننا ندري انها حرام
امي /انا بذكر لك اللي اعرفه بس لاتساليني وش الاسباب اننا نقولها والله يسامحنا
اهات /تفضلي يالغالية خذي راحتك
امي /اللي اذكرة وشفت ناس يقولونها وسمعتهم مع علمي انها حرام
1/لامات غالي عليهم ومن بكرة جاء كسوف قالوا عشان فلان مات مع ان الرسول نهى عن ذلك
2/لاشدينا للبر ولى مكان نطلع له وشفنا غراب وحنا طالعين نرجع دروبنا لانه شؤم ,مع ان الرسول علية السلام نهى عن ذلك
3/ذكر اسامي الجان بس هذا بغير علمهم مثل جعلكم الخباط اللباط هذا اسم من ملوك الجان
4/اذا مات واحد يحبونه ويغلونه قالوا حرام والله مايستاهل ماهو يومه ضعيف :مع ان ذلك احتجاج للقدر
5/اذا مات غالي قالوا مايروح من الدنيا الا الطيبين مع العلم ان الموت ياخذ الطيب وغيرة
6/اذا طلعوا من صلاه الفجر وفي نوع من الطيور لاشافوة جاي من اليمين قالوا هذ اليوم زين واذا شافوة من اليسار قالوا جلسوا في البيت وهذه من الطيرة وهذا محرم والرسول نهى عن ذلك
7/واحيانا في وقت الشده يستغيثون بغير الله
8/الله لايهينك او الله يظلمك او الله يحرقك وهذة محرمه
اخواني اخواتي وضحت الصورة اللي ابي اوصلها
احنا في زمن مافية جهل كل شي واضح ولازالوا بعض اهلينا يرددون عبارات تحسسنا اننا في الجاهلية وللاسف نمشي عليها مع علمنا انها حرام وغير صحيحه
اخواني اخواتي :
وش تتوقعون الاسباب هل هي التعليم من ناحية العلوم الشريعه مبهم
او احنا مانقبل الابالاشياء اللي يسوها اللي قبلنا ؟
او وش رايـــــــــكم انتم وش الاسباب ؟؟
تقبلوا (ااااهـــــــــــــــــات )

>>>>> ردود الأعضـــــــــــــــــــاء على الموضوع <<<<<
==================================

وعليكم السلام والرحمة
فيه عادات كانو اول يعملونها اهل الماضي
منها ما ذكرتم ومنها تحنية الغنم بوضع قليل من الحناء عليها
المقصود ان التطير والشاؤم من اعمال اهل الجهل او الجاهلية
اما قولة الله لايهينك او لاهنت او الله لايعقلك اي الله يسهل دربك
ما اعتقد انه فيها شي هي مبنية على النية
الله لايهينك اقولها دايم لغيري في المجتمع وغيره
واقصد بها الله يرفع قدرك ويرضى عليك
طرح موفق والف شكر لكم

__________________________________________________ __________
المشاركة الأصلية كتبت بواسطة blue-moon
وعليكم السلام والرحمة
فيه عادات كانو اول يعملونها اهل الماضي
منها ما ذكرتم ومنها تحنية الغنم بوضع قليل من الحناء عليها
المقصود ان التطير والشاؤم من اعمال اهل الجهل او الجاهلية
اما قولة الله لايهينك او لاهنت او الله لايعقلك اي الله يسهل دربك
ما اعتقد انه فيها شي هي مبنية على النية
الله لايهينك اقولها دايم لغيري في المجتمع وغيره
واقصد بها الله يرفع قدرك ويرضى عليك
طرح موفق والف شكر لكم

مشكور اخوي على المرور بس الله لايهينك فهي لاتجوز لان الله سبحانه وتعالى لايهين احد ؟؟

__________________________________________________ __________
بصراحه مدري مع انه وماشاء الله مافيه اكثر م المشايخ ورجال الدين
مافيه اكثر م برامج النصح والقنوات التلفزيه المتخصصه ف شؤون الشريعه
يعني وم الاخر كل شي صار واضح واي سؤال يخطر ع البال تلقاله الجواب
وم اكثر م جهه بس تدلل ولا تستحي
محد يقدر يتحجج بانه مايدري
بس وبنفس الوقت بعدنا متسمكين ببعض العادات والتصرفات والاوهام
ومؤمنين بيها ونتوارثها م جيل لجيل كننا مصرين تستمر ويانا بغض النظر ع صحتها
م عدمه ومااقول الا الله يهديناا

__________________________________________________ __________
ممكن الدليل لو سمحتو
سبقت وضحت لكم بالرد اول
خلينا من كلمة لايجوز وحرام
عطينا دليل شرعي وانا اتوقف عنها
شكرا

__________________________________________________ __________
الاخت اهاات...

اعتقد ان ان ايمانهم بالله اقوي ..ليس لانهم متفقهين بالدين ولاكن لان الايمان بالله وظاهره الصلاه كانو محافظين عليه وان كان الكثير منهم "صلاته تمتمه وزين اذا جت معه الفاتحه"ولاكن النيه علي الفطره وان شابها بعض المعتقدات او البدع ولاكني احسب انهم كانو في نعمه بعيدا عن هذا الغزو الفكري والثقافي الذي "لعب بحسبتنا" واصبحنا نحن اعني هذا الجيل نري الكبائر بام العين ..وتقتدي بكثير ممن لايمتون بامه محمد بصله "بكسر الصاد"ورأينا من تنصر وراينا من الحد فتجاوزنا من اعتقد ببعض المعتقدات الجاهلبه الي الخروج من المله..!!
مدري حست اني "سهيت" الي درجه اني رجعه الي الموضوع من اوله لان جاني احساس اني خرجت عن النص..
اختصاارا هم ليسو متفقهين بالدين جيدا ولايرونها بدع او تطير ولكن اجزم لو غيض الله لمن كان يعتقد هذا الاعتقاد شيخا او عالما لتركوه دون تردد...

روماانس من داخل السجن....!!


العآدآت اللي يسونهآ قبل يمكن آهون من العآدآت اللي حنآ الحين يالشبآب الللي متعلمين نسويهآ مع الآسف هم مادرسوا ولا تعلموآ وحنآ درسنآ وتعلمنآ هم يسمون بعض الاشيآء وهم يجهلونهآ ونقول جهآل مآيعرفونهآ ولكن حنآ نعصي الله ونقع في المحرمآت وحنآ نعرفهآ .

من الوآجب آن كل شخص يعلم والديه بكل غلطه وكل كلمه يقولهآ وننهيه عنهآ ونعلمه الآحآديث والسور القرآنيه اللي فيهآ آشيآء تبين لهم وش الحلال من الحرآم .

الله يغفر لوالدينآ ويرحمهم آحيـآء وآموآت ..

تقبلي مروري