عنوان الموضوع : خادمه اندونيسيه للتنازل - فلوسك بتعطيك الحق انك تملك وتذل غيرك ! - نقاش حر
مقدم من طرف منتديات الشامل

السلااااااااااااااااااااام عليكم
وانا افرفر ع النت دشيت منتدى كويتي ولفت نظري عنوان بقسم (المبيعات
والمشتريات) الموضوع لا ع سيارة وع شقه ولا ع مزرعه !
الموضوع واللي يسلمكم ع خادمه اندونيسيه يبي طويل العمر يتنازل عنها !
وبالتالي اي عضو او اي شخص محتاج خدماتهاا ماعليه الا انه يدز له رساله ويتفقون !
وانت تقراا عرضه تحس كنه يتكلم ع سلعه ع بضاعه مو بني ادم مو بشر !!
________
ادري انه القانون كفل له هالحق واعطاه كل السلطه عليها م الاخر بيملكها !
له كل ميزات التصرف فيها وهي تنطم وتدعي ربها يرزقها بلي يخافه ويراعيه فيها !
وفوق هذا بيعاملها بنذاله وبمنتهى الاستغلال والمقابل شنو! جم دينار !
___
انت مع او ضد هالتصرفات !
...
شلون تعامل(ين) الخدامه او السواق وبامانه فضلا
...
شلون نظرتك(ج) ليهم ! شنو احساسك(ج) صوبهم وبامانه
...
ياترا لوجودهم ضروره م الاساس او مجرد رفاهيه وفشخره !!
.
.
.
طااارق العنزي

>>>>> ردود الأعضـــــــــــــــــــاء على الموضوع <<<<<
==================================

انت مع او ضد هالتصرفات !

أبداً ضدها وبقوه لانه حرررام عليه استغلال تعبها أرحمو من في الارض يرحمكم من في الســـماء
شلون تعامل(ين) الخدامه او السواق وبامانه فضلا
بأحترام طبعاً بالاول والاخير اهي بشــر ولها أحساس ومشاعر والحـــاجه اهي الي حدتها ع هالشي
شلون نظرتك(ج) ليهم ! شنو احساسك(ج) صوبهم وبامانه

نظره عاااديه بحترمهم صراحه إحساسي ارحمهم من ذل الحاجه وتعامل بعض الناس معهم يبيعو فيهم كأنهم سُلع مو بشر

ياترا لوجودهم ضروره م الاساس او مجرد رفاهيه وفشخره !!

فيه بعض الناس لحاجه والبعض الاخر رفاهيه وفشخره

ودي لك


__________________________________________________ __________
وجود الخادمة و السوّاق و حتّى المربّية ضروري في حالات و رفاهية في حالات أخرى
كل شخص أدرى بظروفه
و هو فقط من يقرّر إذا كان وجودهم ضرورة أو رفاهية
طبعاً أنا ما عندي لا خدّامة و لا سائق و لا مربية و لا طبّاخ و لا ...
أصلاً ما عندي سيّارة خاصّة بالعائلة
شفت الفقر ! ( ما علينا )
نرجع لموضوعك طارق
حسب علمي نحن كمسلمين المفروض نلتزم بأخلاق الاسلام في معاملة الخدم
نعاملهم معاملة حسنة
نحفظ كرامتهم و لا نحمّلهم فوق طاقتهم و نؤدي إليهم حقوقهم و أجورهم
غير أنّ البعض يخالفون تعاليم الاسلام و يظلمون الخدم
بالنسبة للفكرة المطروحة و هي التنازل عن الخادمة
أعتقد أنّ له دوافعه
ثمّ أنّه لم يُخالف القانون كما قلتَ أنتَ
غير أّ المسألة برمّتها فيها امتهان لإنسانية و كرامة هذه الخادمة
معاملتها كسلعة أمر مهين حقّاً
الله المستعان

شكراً طارق على طرحك القيّم

__________________________________________________ __________
انا ضددها بس والله بعض الاحيان ان البيت في غنى الشغالات والسواق لان والله ماوراهم الاخراب البيوت
يسلمووووا يالغلا
ودي

__________________________________________________ __________
شي طبيعي ماحد يكون مع مثل هذي التصرفات والاساءة لهم باي شكل كان في النهاية هم بشر


وبخصوص وجودهم بالبيت انا لا احبذ وجودهم ولكن توجود عائلات ماتقدر تستغني عنهم


وتقبل مروري

__________________________________________________ __________
انت مع او ضد هالتصرفات !
حسب الخادمه ... مثال أختي كانت عندها خادمه ماعجبها شغلها .. الخادمه ماااتبي ترجع تبي تشتغل
فقالت لأختي بيعيني مو مشكله ... دام الخادمه راااضيه وتبي تشتغل وين المشكله !!!
أما حرام تبي أهلها لا طبعا اردها ولا ابيعها

شلون تعامل(ين) الخدامه او السواق وبامانه فضلا
أخاف اقولكم .. وأطيح من عينكم ولا بعد أحد يقول اني قذره ولا مادري وش أحس فيه
حالات أكل معهم في المطبخ صحن واحد بس كل شخص له قسمه وملعقته .. او خادمات أخواتي مجتمعين ومسوين شيء أقط وجهي معهم
خادمتنا في رمضان انا وأم زوجي وأختي على سفره مانخليها تأكل الحالها نقول تعالي .. مسلمه وصايمه حالها حالنا
وفيه ناس كنا نسولف في الخدم مجرد ذكرت الي ذكرته صارو ينظرون لي نظارات .. يااااااااي قلتها لهم ولا همني نظرتهم
لينهم ناس مايخافون الله وفيهم شوفة نفس مادري شنو عليه .. وتعاملهم قاااسي جداً الله يهديهم
يعني
تعاملي معهم برحمه ورفق وماأقصر عليهم بشيء حرام ماخلت أهلها وجات تشتغل الا لحاجه وفقر الحمدالله
وانسانه مثلها مثلي

شلون نظرتك(ج) ليهم ! شنو احساسك(ج) صوبهم وبامانه
نظرتي وسبق قلتها ... لكن شعووري انظرلهم بشفقه ورحمه مسااكين والله

ياترا لوجودهم ضروره م الاساس او مجرد رفاهيه وفشخره !!
والله وجودهم مهم وبقوووه وماأعتقد أحد يجيبهم فشخره ... الا اذا هو مريض نفسي

شكرا لك على هيك موضوع
وتقبل مروري

اسعد الله مسائك أخي

التنازل عن الخادمه امر قائم ومفروغ منه والجميع يستخدم هذه الخطوه حين رغبتهم في
التخلي عنها ’’ واوقات كثيره مثل ماقالت أختي حنان1985 الخادمه هي من تطلب العمل ولاترغب
بالعوده لبلدها فيضطر الكفيل لـــ عرض خدماتها على كفيل آخر وعائله أخرى
اما بالنسبه لموضوع الخادمه وكيفية التعامل معهم فــ الرحمه والعطف من اخلاقيات المسلم
الحقه ,, من لايرحم الناس لايُرحم
بالنسبة لي لااحب استقدامهم لسبب واحد انني أجد راحتي النفسيه في بعدهم حتى وان كان الثمن الراحه الجسديه ’’’
سبق وطرحت موضوعين بخصوص الخادمات او العماله المنزليه بوجه عام وقلت فيها
انهم شر لابد منه ,,
نسأل الله العافيه
موضوع جميل أخي طارق
كن بخير